Dictionnaire du Moyen Français (1330-1500) - ATILF - CNRS & Université de Lorraine

Ferir qqn. "Frapper qqn, donner un coup à qqn (avec ses mains, avec une arme de poing...)" : ...tellement l'assena Que jusques pres [des] dens le fery et couppa (Hern. Beaul. D.B., c.1350-1400, 13). Ce fu de la sainte columpne, Où Jhesu Cris, o sa couronne, Fu batus, ferus et lyez, Einsois qu'il fust crucefiez, Qui est moult petitement mise De Jherusalem en l'eglise Où miracles faisoit jadis. (MACH., P. Alex., p.1369, 174). ...car bien est verité que couchier aveques la femme son voisin et ferir son prouchain et donner de sa main argent pour faire homicide, teles choses sont faites de legier et sont en la puissance des gens. (ORESME, E.A., c.1370, 321). Tandis qu'elle en ce lit se dort, Alez la ferir [la fille au roy] si qu'a mort De touz poins le corps en mettez (Mir. st J. Paulu, c.1372, 115). Ferir te vueil par tel eslais Que dire te feray : Je lais Tout et m'en fuy. (Mir. fille roy, c.1379, 77). Lors broche le cheval des esperons après le soudant et lui escrie : Tourne devers moy, ou tu es mort. Mais j'auroye grant vergoingne se je te feroye par derriere. Et toutesfoiz, se tu ne tournes, faire le me convient. (ARRAS, c.1392-1393, 230). Et traist l'espee en ce disant, et cuida ferir vostre pere d'estoc parmy le corps, mais il tressailly, et en passant que le nepveu du roy fist, il lui osta l'espee des mains. (ARRAS, c.1392-1393, 50). ...Guillaumes Marchans, feri le chevalier de tele maniere que il li percha l'esqut et le cote de fier (FROISS., Chron. D., p.1400, 350). ...et peut estre que vit l'un de ses gens qui wolt fraper un long vestus, ne scet s'il est bedel, et lui cria que ne le ferist, alias le feroit pendre (BAYE, I, 1400-1410, 106). BON TEMPS. De moy on a esjouyssance, Nully ne vous pourra ferir. (Sots, c.1480-1500, 279).

[Dans un cont. allég.] : Orgueil y entre a tout la massue de presumpcion, lieve l'ame en hault, puis la fiert ou front, et gette contre terre. (GERS., Purif., 1396-1397, 65).

[De la main] : Je suis espouenté, Sire, pour ce que j'ay desservi que ta main me fiere selon mon injustice (CHR. PIZ., Psaumes allég. R., 1409, 90).

Prov.

Puis qu'on se sent feru on se doit revenger : Quant vis qu'i m'ot feru sans moy amanechier, Je fus moult courouchié, car mon pere me dit hier, Puis qu'on se sent feru, on se doibt revengier. (Enfances Doon de Mayence P., c.1450-1500, 492).

Qui se couvre d'autrui escu feru sera à descouvert : Maul est covert, cilz qu'est touz nuz, Qui se covre d'austruy escuz Ferut sera a descouvert. (DUPIN, Mélanc. L., c.1324-1340, 49).

Tel fiert autrui qui se meshaigne. "Tel frappe autrui qui se blesse soi-même" : Tel se tue qui rien ne gaigne ; Tel fiert autruy qui se meshaigne. (GAGUIN, Passe temps oisiv. T., 1489, 407).

Ferir qqn à mort : Quant cil se sent feru a mort, Pense comment vengier sa mort Pourra, adont, une chemise Blanche et deliee, qu'ot mise En son sain, prent, et arraisonne La dame et ainsi la sermonne... (CHR. PIZ., M.F., III, 1400-1403, 21). Cil, qui se sent a mort feru, Sus Paaris a tantost couru, Et, par ramposne moult villaine, Lui a dit : "De vous et d'Eleine Cuid qu'adés yert l'amour finee..." (CHR. PIZ., M.F., III, 1400-1403, 139).

Empl. pronom. réfl. Se ferir. "Se donner la mort" : Advis m'est que j'oy regrecter La belle qui fut hëaulmiere, Soy jeune fille soubzhaicter Et parler en telle maniere : "A ! Viellesse felonne et fiere, Pourquoy m'as si tost abatue ? Qui me tient, qui, que ne me fiere Et qu'a ce coup je ne me tue ?..." (VILLON, Test. R.H., 1461-1462, 52).

P. métaph. Se ferir à mort : ...Aussi tout tramble, nes li ange Qu'as enluminé de ta grace, Contre la vertu de ta face, Encontre ton ire importable Qu'est aus pecheurs mort pardurable, Qui ne menasse ne deffie, Mais ne soit pecheur qui s'i fie, Car qui s'i fie a mort se fiert Et fait ce qu'a faire n'affiert... (MACH., C. ami, 1357, 53).

Se ferir le pis. "Se frapper la poitrine (en signe de souffrance)" : A nuds genoulz, ou pis se fiert. La deesse prye et requiert Qu'a ce besoing lui face aÿe, Ou elle est de mort envaÿe. Tant la prya par amistié Que la deesse en ot pitié (CHR. PIZ., M.F., I, 1400-1403, 45).

Empl. pronom. réciproque Se ferir (l'un l'autre) : ...tant se sont rüé Et feru l'un l'autre et batuz Que .II. en ont mors et abatuz. (Vie st Evroul S., c.1350, 88). ...L'un sus l'autre s'en viennent droit ; Si se fierent, sus les escus, Des lances as bons fers agus. (FROISS., Méliad. L., t.2, 1373-1388, 180). La se fierent si asprement et par tel maniere plus de cent coups jouent d'escremmerie (JEAN D'OUTREM., Myr. histors G., a.1400, 158).

Ferir (un enfant). "Infliger un châtiment corporel (à un enfant)" : Quoy que jeunes [mes deux pauvres clergeons, deux vieux chanoines de Notre-Dame] et esbatans Soient, en riens ne me desplaist : Dedens trente ans ou quarante ans Bien autres seront, se Dieu plaist ! Il fait mal qui ne leur complest ; Ilz sont tres beaulx enffans et gens, Et qui les bat ne fiert fol est, Car enffans si deviennent gens. (VILLON, Test. R.H., 1461-1462, 107).

Ferir qqn un coup : Et en ce despit Lors en son lit sus li coury Et IJ. cos ou IIJ. le fery, En son bras d'un coustiau d'acier, N'il ne le volt plus menacier. Quant li roys se senti bleciez, Tous nus est de son lit dreciez Et par la gorge le hapa... (MACH., P. Alex., p.1369, 269). A ces mos il traïst un grant baselaire que il portoit, et lasque et fiert che Tieullier un tel horion parmi la teste que il l'abat as piés de son cheval. (FROISS., Chron. R., X, c.1375-1400, 120). ...il feri icelle fille, d'une hache qu'il tenoit, un coup par la teste (Reg. crim. Chât., I, 1389-1392, 109). Il le feri a plainne targe un si grant cop (...) que il le bouta jus (FROISS., Chron. D., p.1400, 387). ...sy le fery amont ung cop sur le healme moult pesant, mais aultre mal ne luy fist (Comte Artois, c.1453-1467, 56).

Ferir qqn de qqc. (de la main, d'une arme ou d'un objet quelconque) : ...li uns ala l'autre ahierdre as mains et puis le fri de le main celui que il avoit ahiers. (Vie urbaine Douai E., t.4, 1325-1350, 327). S'il fust ferus de .II. espiés Parmi le corps, il ne fust mie Plus dolans qu'il est pour s'amie De ce qu'on li a raporté Que vers li a fait fausseté. (MACH., Voir, 1364, 700). C'est uns homs de trop grant emprise, Dont maint home le loe et prise. Plus est hardis que nuls lions ; Moult seroit or vaillans li homs, Et bien de l'espée ferroit, Qui corps à corps le conquerroit. (MACH., P. Alex., p.1369, 164). ...lequel Guillemin, sanz ce qu'il se donnast en aucune maniere garde de lui qui parle, il feri d'une massue en la teste, dont il le tua, en entencion d'avoir l'argent qu'il pençoit que ycellui Guillemin portast sur soy (Reg. crim. Chât., I, 1389-1392, 11). ...il feri icelle fille, d'une hache qu'il tenoit, un coup par la teste (Reg. crim. Chât., I, 1389-1392, 109). Et cil tira un costel trenchant et agu, et l'en cuida ferir (ARRAS, c.1392-1393, 50). Au partement Feru sera appertement De l'aguillon couvertement, Que puis verra ouvertement (CHART., L. Dames, 1416, 256). ...il tire bonne dague et marche vers luy et l'en cuide ferir. (C.N.N., c.1456-1467, 325). Et quant je me senty feru D'une bouteille qu'il cassa Sur ma teste,... (Fr. arch. B., c.1468-1480, 30).

Ferir qqn d'un coup : Lequel sergent fu lors par iceulx varlez, et chascun d'eulx, feruz et batus de plusieurs coups, le leisserent illec en la place, et, ce fait, s'en retournerent oudit hostel du Pot d'Estain, boire ladite pinte de vin qu'ilz avoient fait traire (Reg. crim. Chât., I, 1389-1392, 181). ...sondit feu mary (...) bati et feri de coups orbes moult durement ladite deposant. (Reg. crim. Chât., I, 1389-1392, 270).

[Maxime évangélique] Si on te fiert en la joue dextre, presente la senestre : Quant aucun, dist [Jésus], feru sera En la goe, l'autre tendre Doit pour l'autre bufe prendre. (GUILL. DIGULL., Pèler. J.-C. S., 1358, 272). Car lui meismes premiers par parole enseigna pacienche, non pas seulement quant a discipline, mais aussi quant a injure, disant, comme il est escript es Euvangiles de saint Mahieu ou .Ve. chapitre : "Ne veulliés pas resister au mal qu'on vous fera, mais s'on te fiert en la joe dextre, presente s'il est besoing la senestre". (DAUDIN, De la erudition H., c.1360-1380, 200).

Celui qui d'espee frappe sera d'espee feru : Reboute t'espée en ta gaine, Pierre, pour moy plus ne le sacque, Car cellui qui d'espée frappe Si sera d'espée feru. (MARCADÉ, Myst. Pass. Arras R., a.1440, 138).

Empl. abs. "Frapper, donner des coups" : Chascuns son compaingnon deffie De bien faire et de batillier, Pour les Sarrazins detaillier. Tant ferirent, tant batillierent Que hors de la mer les chacierent Et, maugré eaus, preinrent terre. (MACH., P. Alex., p.1369, 76). Car, a dire ou a parler simplement, gaaing est dit en teles choses, c'est a savoir, en injures, combien que il ne semble pas a aucuns que gaaing soit propre nom en teles choses comme seroit dire que le gaaing est a celui qui a feru et le damage a celui qui est feru. (ORESME, E.A., c.1370, 289). LA FILLE. (...) Tien ce cop ; de devant moy vuides (...). TURQUIE. Chevalier, sanz plus ferir, ho ! (...) Mon corps t'offre ; rendre me vueil Du tout a toy. (Mir. fille roy, c.1379, 77). Maudit soit le bras qui de tel vertu scet ferir. Et le fevre qui forga ceste petite alemelle soit pendu par la gorge, car oncques mais je n'euz sang trait par taillant, tant feust bons. (ARRAS, c.1392-1393, 264). Ainsy ne fist pas saint Pol, aincoys s'en party quant il s'en party par grant vertus pour mieulz proffiter [aprés] sa vie, comme ung bon chevalier ou champion qui guenchira le cop pour mieulz ferir aprés. (GERS., P. Paul, a.1394, 500). Ses gens noblement si porterent Et tant ferirent et hurterent Que les Babilons desconfirent En la fin (CHR. PIZ., M.F., II, 1400-1403, 180). Car, en bonne foy, tous ceulz icy faillent au besoing (...) de hoc Ecclesiastici tricesimo septimo ; et comme Joab ilz occient et fierent en baisant ; et a l'exemple d'un laron et d'un poisson qui se nomme polipus il[z] occi[en]t en embras[s]ant, et soubz la cotte de beau semblant ont cachié traïson, rapine, fraude, mouquerie, detraction. (GERS., Concept., 1401, 409). Mais quant Saintré apparceut sa volenté (...) par poux d'estoc de sa haiche ferit souvent (LA SALE, J.S., 1456, 127). LE PREMIER (en ferant du poing). Passe avant, brigant forssené ! (Cycle myst. prem. mart. R., c.1430-1440, 80).

"Sévir, punir" : Tousjours aura sa main a ferir estendue, tant que son peuple ait retourné sa face vers lui en humilité. (CHART., L. Esp., c.1429-1430, 75).

Empl. impers. Avoir feru. "Se battre" : La ot lanciet, pousset, ferut, batut et escarmuchiet, d'un lés et del aultre moult longement. (FROISS., Chron. D., p.1400, 583).

[Nom d'un jeu] Qui (me) ferit ?/je me plains qui me ferit. "Jeu de société qui consiste à bander les yeux à un participant, à le placer au milieu d'un cercle de joueurs qui le frappent à tour de rôle, à charge pour lui de deviner qui l'a frappé" (synon. chapifol) : ...en cest avenement Jeuions nous au roi qui ne ment, Aux barres et a l'agnelet (...), A "je me plaing qui me feri" (FROISS., Espin. amour. F., c.1369, 55). Ainsi fu accordé, et vindrent a Romme et trouverent les unes devisans, les autres jouans au bric, les autres a qui fery, les autres a pincemerille, les autres jouans aux cartes et aux autres jeux d'esbatement avecques leurs voisines. (Ménagier Paris B.F., c.1392-1394, 53).

[Dans un contexte dramatique] : HAQUIN. Or le me regardes donner .I. beau cop du poing, sans faintise [à Jésus]. Roy, qui te fiert ? Car le devise ! (Myst. Pass. N.S. R., c.1350-1370, 157). Or devine, ribaut Jhesus, Le quel de nous si t'a feru ! (Pass. Autun Roman F., c.1400-1500, 184). Alés devant, ribault Jhesu ! Le quel de nous vous a feru ? (Pass. Autun Biard F., 1470-1471, 94).

Ferir un animal

"Atteindre un animal (avec un projectile) ; frapper un animal (avec un bâton)" : Hors son intencion, si comme celui qui trait une sajecte pour ferir un cerf et il fiert .I. homme. (ORESME, E.A.C., c.1370, 306). On doit ferir le sangler, avant qu'il fiere, par devant le piz de son cheval a la droite main, et doit on ferir grant coup et se laissier trestout peser dessus. (GAST. PHÉBUS, Livre chasse T., 1387-1389, 235). Ce ribault cy m'embloit les laines De mes bestes, et toutes saines Les faisoit mourir et perir Par les assommer et ferir De gros bastons sur la cervelle... (Path. D., c.1456-1469, 166).

Part. passé. Mort feru. "Frappé à mort" : Au chant d'un asne mort feru M'endormi ersoir a la lune. (Mir. parr., 1356, 46). Nient plus q'un asne mort feru Il ne dit mot. (Mir. Rob. Dyable, c.1375, 49).

Ne pas oser ferir un rat. "Être un poltron" : Cil qui est de tel parlement [qui se vante de sa vaillance] N'oseroit pas ferir ung rat. (DUPIN, Mélanc. L., c.1324-1340, 127).

Ferir (un cheval) à l'esperon/des esperons. "Piquer (un cheval) des éperons" : Je te pri, hastons nous, et marche Et fier cheval des esperons Par quoi plus tost nous en alons. (MACH., Voir, 1364, 382). "...Et quant nous serons priès, nous ferirons chevaus des esporons, et escrierons nos cris hautement..." (FROISS., Chron. L., III, c.1375-1400, 68). Il congneurent verité, et dissent que lors gens estoient parti tantos sus la vesprir et s'en aloient, ferant a l'esporon, arriere en Escoce. (FROISS., Chron. D., p.1400, 150). ...il (...) abaissa son glave et se joindi dedens son esqut et feri cheval des esporons. (FROISS., Chron. D., p.1400, 349). Car incontinent il fery cheval des esperons, et alla par toutes les eschielles de sa bactaille, en disant que Meicius s'en estoit la allé de son consentement, pour courir sups aux ennemis par derriere, quant ilz seroient assemblez, et lui avoit baillié signe. (LA SALE, Salade, c.1442-1444, 37). Alors Gerars fery le destrier de l'esporon, osta les longes de l'esprevier, sy les bailla a son hoste. L'esprevier, quy vey de loing l'aloette, se debaty dessus le poing. Gerars lacha les jecz, sy laissa l'esprevier aler. L'aloette monta en hault, mais l'esprevier se hasta, desirant a prendre la proye. (Gérard de Nevers L., c.1451-1464, 90). ...lequel, ce voyant [qu'il était blessé] tourna cheval et féri des esperons et s'en vint à son oncle et lui monstroit sa plaie (CHASTELL., Chron. K., t.3, c.1456-1471, 142).

Au ferir des esperons. "En piquant des éperons, très vite" : Li Halses de Flandres et aucun chevalier (...) montèrent as chevaulx, et vinrent au ferir des esperons à Courtrai et entrèrent en la ville. (FROISS., Chron. R., XI, c.1375-1400, 61). Messires Gilles (...) s'en vint au ferir des esporons contre li. (FROISS., Chron. D., p.1400, 350).

Prov. Tel fiert cheval des esperons qui n'a ni borde ni maison : Tel fiert chivalx des esperons Qui n'a ne borde ne maison Et cuide bien valoir ung roy. (DUPIN, Mélanc. L., c.1324-1340, 91).

Loc. adv. Ferant batant. "A toute bride, à toute vitesse" : Si se partirent cescuns qui mieulz mieulz, et prisent l'adrèce devers Romorentin ; et li Englès apriès, ferant, batant, sans yaus espargnier ne leurs chevaus. (FROISS., Chron. L., V, c.1375-1400, 6). Deviers Tours en Touraine s'en vont férant batant. (Geste ducs Bourg. K., c.1410-1419, 337). ...si se hasterent et ne laisserent pas achever la painture dez escus qu'ilz faisoient faire, ains monterent a cheval bien atournés de hauberg et heaulme, puis ampoignerent lez lancez, acolerent leurz escus, et ferant et batant vindrent en celle plaine. (Fille comte Pontieu B., c.1465-1468, 58).

Ferir en/sur/dessus

Ferir en qqn (un ennemi). "Attaquer (un ennemi)" : Lors dist [César] : "Ceuls seront nos sers ; A conseillier sont ces Galois expers, Mais ne scevent leurs consaulx exploitier ; Ferez en eulx..." (DESCH., Oeuvres Q., t.2, c.1370-1407, 91).

Ferir en qqc.

Ferir en paume. "Applaudir, manifester son contentement" : Mais primes, on poeut enquerir D'argent [en cas de mariage], qui n'appartient au fait, Neantmains fait en paume ferir, Qui en poeut avoir sy en ait. (MARTIN LE FRANC, Champion dames I-II, P., 1440-1442, 238).

Ferir sur qqn (de qqc.) : Honniz soit il qui se faindra De ferir si sur les rebelles... (Mir. emp. Julien, 1351, 174). Item, et alors, quant ilz oyrent dire que il estoit prestre, dirent par le sang Dieu que c'estoit le curé de ladite ville, en ferant, sanz plus mot dire, sur lui d'espées et d'autres bastons, le despouillerent et lui osterent la viande qu'il apportoit (Reg. crim. Chât., II, 1389-1392, 223). Lors entoise le levier et cuide ferir de toute sa force sur la teste de Gieffroy, et il guenchist, car sachiez, s'il l'eust attaint a coup, a ce que le levier entra, au chair, bien un grant pié en terre. (ARRAS, c.1392-1393, 264). Alors le François, voulsist ou non, fut contraint de ferir sur l'Anglois de l'espée toute nue qu'il tenoit. (C.N.N., c.1456-1467, 57).

Ferir l'un sur l'autre : A l'abaissier des lances ot grant abbateiz, et, d'un costé et d'autre, de mors et de navrez grant foison. Lors trayent les espees et fierent l'un sur l'autre sans pitié. La ot maint Sarrasin mort et abatu par terre. (ARRAS, c.1392-1393, 183).

Ferir sur qqn comme sur laine : Ferez sur lui comme sur laine. XVIJ, XVIIJ, XIX et XX. (Myst. Pass. Amb. R., c.1474-1500, 48).

Ferir (une partie du corps) à qqn. "Tapoter (une partie du corps) à qqn" : Puis paix se fait et me fait ung groz pet [la Grosse Margot], Plus enffle q'un velimeux escarbot. Riant m'assiet son poing sur mon sommet, Gogo me dit, et me fiert le jambot ; Tous deux yvres dormons comme ung sabot. (VILLON, Test. R.H., 1461-1462, 125).

Ferir qqc./à qqc./contre qqc.

Ferir qqc. "Frapper, taper sur qqc." : Et, pour ce, alerent à l'uys du porche par où l'en montoit en la chambre dudit Cloz, lequel huys ils trouverent fermé, et le fery, il qui parle, du pié, en entencion de lui cuidier rompre (Reg. crim. Chât., I, 1389-1392, 101). ...mais elle qui parle destourna ycellui cop, et tant que ycellui barbier fery l'uis plastré, auquel elle qui parle estoit appuyée. (Reg. crim. Chât., II, 1389-1392, 509).

[Avec compl. d'obj. interne] Ferir un coup (de qqc.). "Asséner un coup" : LE MARQUIS. Descochier feray ja si fort Ma saiette au large barbel Que je croy puis le temps Abel Ne vistes plus beau cop ferir. (Gris., 1395, 26). Adont dist li gentils rois, qui tous aveugles estoit, au Monne de Basele et as ses aultres chevaliers : "Biau signeur, je vous pri chierement, et par la foi que vous me devés, que vous me menés si avant en la bataille que je puisse ferir .I. cop d'espee." Et il respondirent tout : "Monsigneur, volentiers." (FROISS., Chron. D., p.1400, 730). Le [prieur], du dos du cousteau, fiert au col de l'yvroigne ung grant et pesant cop (C.N.N., c.1456-1467, 63).

Sans coup ferir. "Sans frapper un coup, sans combattre, sans se défendre" : Puis lui demanderent nouvelles comment ilz avoient exploitié, et Aigres leur compta tout comment et en quelle maniere il avoit conquis le païs de Blandie, sanz coup ferir, et comment il en avoit mis en possession et saisine sa mere, sanz nul debat. (Bérinus, II, c.1350-1370, 169). Mon chier seigneur, s'il peut, la guerre Sans cop ferir eschievera (Mir. Amis, c.1365, 29). ...il respondirent brief et court : "Nous en yrons ; la vie y court. Nous ne volons mie morir Seans de fain, sans cop ferir, Ne ce n'est riens de no pooir Contre le leur, à dire voir." Tele fu la conclusion De toute leur entencion. (MACH., P. Alex., p.1369, 107). Quant li roys oy la nouvelle, Moult li fu plaisant et nouvelle, D'un tel royaume conquerir Sans labeur et sans cop ferir. (MACH., P. Alex., p.1369, 223). ...il les afameroient et feroient tous morir sans cop ferir. (FROISS., Chron. D., p.1400, 591). Mieulx m'eust valu avoir esté serchier Ailleurs [chez une autre femme] secours, ç'eust esté mon honneur. Riens ne m'eust sceu hors de ce fait hacher [de l'amour de m'amye] : Trocter m'en fault en fuyte et deshonneur. Haro, haro, le grant et le mineur ! Et qu'esse cy ? Mouray sans coup ferir Ou pictié veult, selon ceste teneur, Sans empirer, ung povre secourir ? (VILLON, Test. R.H., 1461-1462, 83). A il trouvé en son faulx tripotaige, Sans coup ferir, que ma terre se perde ? (LA VIGNE, S.M., 1496, 236).

Ferir qqc. à qqc. "Frapper qqc. contre qqc." : Et par celle sueur il [l'aigle] oste ses plumes. Et aprez qu'il les a recouvrees, il va et quiert une roche de pierres, et tappe et fiert son bec a la plus aspre et dure pierre de la roche, tant qu'il oste son becq et lui en revient ung nouvel (Somme abr., c.1477-1481, 179).

Ferir à/en qqc. (de qqc.) : ...ceulx qui estoient pourveu de haches et de quingines commencierent à ferir et à frapper en celle porte (FROISS., Chron. M., XIV, c.1375-1400, 216). ...l'un de ces quatre s'avança de ferir de son baston a l'huis de la chambre (C.N.N., c.1456-1467, 551).

Ferir contre qqc. (de qqc.) : ...[il] fiert tant qu'il peut de son pié contre la porte (C.N.N., c.1456-1467, 28).

[Domaine technique]

"Graver qqc. (un motif)" : ...Et le champ est de fin asur. Mais il est si monde et si pur Qu'il n'i a d'autre couleur tache Qui le descouleure ne tache. Un cuer de gueules a enmi, Feru d'une flesche par mi De sable ; mais onques ne fu Tel fer qu'elle a, qu'il est de fu, A cinc labiaus de fin argent ; Et trop y affiert bel et gent Ce qu'il est tous semés de larmes. (MACH., R. Fort., c.1341, 67). ...six tasses d'or toutes plaines, à ung souage par dessoubz, et ou fons, dehors, a trois fleurs de lys férues (Invent. mobilier Ch. V, L., 1379-1391, 71).

"Reproduire qqc. en relief par l'action d'une matrice" ( (d'apr. Éd.)) : ...dix huit platz d'argent, dorez, dont les six ont sur les bors en manière d'escussons féruz, à fleurs de lys, et les autres douze ont, à chascun sur les bors, trois escussons féruz ausil armes (...) dix vielz plaz dorez à fruit, et a chascun, sur le bort, troys fleurs de lys férues en manière d'escusson (Invent. mobilier Ch. V, L., 1379-1391, 189).

Ferir qqc. en coin. "Frapper qqc. au moyen de l'outil appelé coin, sculpter qqc." : Pour quoy nous devons savoir que ces ymages se font en diverses manieres. Aucunefoiz ilz sont gettez en mole et faiz par fusion, aucunefois ilz sont aussy gravez, aucunefois ilz sont feruz en coing comme on fait la monnoie et en plusieurs autres manieres aussy selon la convenableté de la matiere. (EVR. CONTY, Harm. sphères H.P.-H., c.1400, 40).

En partic. Ferir monnaie en coin : ...mais oncques jour de sa vie il ne fery monnoye en coing, pour ce qu'il n'eust sceu, et qu'il n'estoit pas assez fort homme pour ferir en coings. (Reg. crim. Chât., I, 1389-1392, 489).

Inf. subst.

"Action de frapper" : Ay je espée a fol ? Estre souloit la miex tranchant (...) Et au ferir s'est si pliée Com se fust de cire gommée (Mir. st Panth., 1364, 367). Li Sarrazin les assaillirent, Et si dur assaut leur feïrent De ferir, de lancier, de traire, Que ne le saroie retraire... (MACH., P. Alex., p.1369, 94). ...au deboult des rencz, a l'endroit des ferir (LA SALE, J.S. E., 1456, 274).

"Combat" : Adonc luy commença le ceur a revenir, Et va plus fort les paiens envaïr Et ceulx qui actendoient au cappler et ferir. (Galien D.B., c.1400-1500, 87).

Ferir + adv. "Manière dont le coup est porté" : Lors messire Enguerrant, a cause du ferir bas, ploya, et tous deux rompirent bien leurs lances (LA SALE, J.S., 1456, 118).

B. -

P. anal. [D'un phénomène naturel ou atmosphérique]

[De corps célestes] Ferir l'un l'autre. "Se heurter l'un l'autre" : Et se aucuns disoient que non pas les estoilles mais touz les cielz meuz font son sensible, c'est naturelment impossible : premierement car tout son sensible est fait avecques violence, si comme il appert ou secont livre de L'Ame et les mouvemens du ciel qui sont perpetuelz sont du tout sanz violence, si comme il fu dit ou tiers chapitre. Item, en tout son sont percussion et division, si comme il appert ou secont de L'Ame, et les corps du ciel ne fierent en rien un l'autre et sont meuz sanz diviser aucun moien quelcunque, si comme il appert en pluseurs lieus de philosophie et de astrologie. (ORESME, C.M., c.1377, 476).

Au passif "Être frappé, heurté par qqc." : Ce n'est pas pour ce que telles choses sentent ou apparçoivent le son, mais c'est pour la force du mouvement de l'aer qui est feru et meu des corps qui sonent. (ORESME, C.M., c.1377, 470).

Ferir qqn. "Atteindre qqn et incommoder qqn" : Si avoient juné toute la matinée, et estoient armé et feru dou soleil parmi leurs armeures qui estoient escaufées. (FROISS., Chron. L., VI, c.1375-1400, 121).

[D'un élément liquide]

Ferir qqn. de qqc. "Frapper, heurter qqn de qqc, de facon continue." : Car souvent la hurte [l'empereris] et la boute La mer et la fiert de mainte onde (Mir. emper. Romme, 1369, 282).

Ferir à qqc. "Heurter qqc. de façon continue, toucher, baigner qqc." : ...la riviere de la Geronde (...) bat et fiert as murs de la ville (FROISS., Chron. D., p.1400, 632). Le chastel vi de Thenedon Ou la mer fiert de grant randon, Qui le bras Saint George est nommee, Vi la grant terre renommee Que jadis Frige on appelloit. (CHR. PIZ., Chem. estude P., 1402-1403, 56).

Ferir dessus qqc. "Donner, exercer son action sur qqc." : Si est seurté que l'ostel soit Miz et assiz en tel endroit Que le vent de Sut nullement Ne puisse férir largement Dessuz le lieu ou habitacle, Pour aucun moïen ou obstacle (LA HAYE, P. peste, 1426, 78).

[D'un phénomène lumineux] (Se) ferir dans/parmi qqc. "Se réverbérer dans qqc." : Mais quant la clarté des torsis qui alumez estoient autour de Aroès feroit parmy ces ampoulles, il sambloit aux regardans d'embas qu'ilz veissent les ames de leurs parens (Percef. III, R., t.2, c.1450 [c.1340], 109). ...elle apperçut tantost les quatre carboucles qui estoient aux quatre lez du temple, dont la clarté qui sailloit par la vertu des escarboucles se freoit en un mirouer qui estoit par maistrise assis ou milieu du temple (Percef. IV, R., c.1450 [c.1340], 552).

"Donner sur qqc." : Et la resplendor qu'elle [la bête] gectoit par les cornes pour la lune qui clerement y feroit, leur donne autresi grant clerté come s'il fust jour clers. (Chev. papegau H., c.1400-1500, 64).

C. -

P. ext. "Atteindre (au terme d'un mouvement plus ou moins rapide)"

Empl. intrans. ou pronom.

[D'une pers., d'une chose personnifiée]

(Se) ferir qq. part. "Atteindre qqc./un lieu au terme d'un mouvement plus ou moins rapide" : Si s'en vont tous en une flote ferir dessoubz sa banniere, en lermoiant de joie et de pitié des mos que Uriiens leur avoit dit. (ARRAS, c.1392-1393, 109). Lors se mettent en ordonnance et s'en viennent comme tempeste ferir sur le navire des Sarrasins a force de trait et de giet de dardes, si horriblement que mal soit du Sarrasin qui se meist a deffense (ARRAS, c.1392-1393, 132). Et ceulx tirent bonnes voiles a mont, et le vent s'y fiert, et en vont aussi tost comme un quarrel d'arbalestre, et se fierent ens ou navire des Sarrasins par tel maniere qu'ilz ne sont pas ensemble quatre vaisseaux d'une flote. (ARRAS, c.1392-1393, 218). ...messires Guillaumes de Douglas (...) se feri moult vassaument en l'oost des Englois, en criant : "Glas ! Glas !" (FROISS., Chron. D., p.1400, 148). Ils (...) et toute sa compagnie apriés lui, et s'en vinrent ferir et assambler a la bataille le roi de Grenade (FROISS., Chron. D., p.1400, 169). Et nagierent li rois et la roine et lor compagnie (...) Et s'en vinrent ferir ou havene de l'Escluse, et la issirent de lor vassiel. (FROISS., Chron. D., p.1400, 237). En l'estour se fiert com dervez (CHR. PIZ., M.F., III, 1400-1403, 73). Mais le preu chevalier se fery si tost au tournoy qu'ilz ne peurent parler a lui. (Percef. III, R., t.2, c.1450 [c.1340], 4).

Ferir de costé. "Survenir en venant de côté" : ...et droit où ceste dame, sa princesse, venoit, passant son chemin, il vint férir de costé, et la saluant humblement, se mit en sa compagnie (CHASTELL., Chron. K., t.1, c.1456-1471, 214).

Se ferir à/en qqn. "Se précipiter, se jeter sur qqn" : Ou nom de Jhesu, beste fiére, Requier que mort en toy se fiére Qui te cravante. (Mir. st Panth., 1364, 318). Si ferirent tantost à yaus en escriant leurs cris, et les ruèrent jus et en occirent la grignour partie. (FROISS., Chron. R., VIII, c.1375-1400, 153).

Ferir après qqn. "Se jeter à la poursuite de qqn" : Si tretost que li senescaus de Haynau les perchut, si fu moult liés, car bien perchut et vit que c'estoient si ennemit, et feri après yaus. (FROISS., Chron. L., II, c.1375-1400, 16).

Ferir dans qqc. "Se jeter sur qqc." : ...il se tire a ces trippes belles et grasses, et fiert dedans comme ung loup dedans les brebis. [Empl. iron.] (C.N.N., c.1456-1467, 486).

Ferir dessus (qqc.). "Atteindre qqc., arriver près de qqc." : [Le duc, perdu, voit enfin une lumière] ...et par ainsi tiroit avant toudis sur icelle et la perdoit aucune fois, et puis la recouvroit arrière, et lui demora estable par une espace, et finablement vint férir dessus (CHASTELL., Chron. K., t.3, c.1456-1471, 255).

Ferir dedans qqn. "Attaquer, assaillir (un ennemi)" : ...[il] estoit bien esbahy ou ses compaignons estoient, qu'ilz ne venoient pas ferir dedans ces ribaulx Armignacz. (C.N.N., c.1456-1467, 451).

(Se) ferir en qqc. "Se précipiter dans qqc." : La duchesse vaillant se fiert en la merlee (Lion Bourges K.P.F., c.1350, 72). Lors se fiert en l'estour (Tristan Nant. S., c.1350, 118). Chascun main a l'espée met, Sire, pour conmencier la guerre. Alons nous y ferir bonne erre (Mir. fille roy, c.1379, 75).

"Tomber dans qqc." : ...Robert de Mailly, chevalier, grand panetier de France, chevauchant d'encoste ledit comte, fery en une desdites sources atout son cheval qui n'avoit point de resne, et là enfondra sans le pouvoir retirer, et mourut piteusement et estaigny (CHASTELL., Chron. K., t.1, c.1456-1471, 113).

[D'un animal] : Mais la vanité de l'onneur mondain et le delit que l'erreur humain prent d'avoir povoir sur autrui aleche les folles pensees a tousjours vouloir rentrer en cest experimenté peril, comme l'oisel qui se fiert en la rethz ou il a veu les aultres surprendre et couvrir. (CHART., L. Esp., c.1429-1430, 8). ...et la mauvaise et inhumaine beste, qui estoit moult durable a la course, se fery en la haulte forest (Percef. III, R., t.2, c.1450 [c.1340], 220).

[D'une chose]

[D'un objet] "Se planter, se ficher qq. part" : ...par male aventure son coustel s'estoit feru en sa cuisse. (Percef. III, R., t.2, c.1450 [c.1340], 142).

[D'un élément atmosphérique] "Se mettre, s'engouffrer qq. part" : ...Et li vent se ferit es voille de cendalz (Lion Bourges K.P.F., c.1350, 852). ...et puis s'empaingnent en la mer, et le vent se fiert es voiles, si s'en vont si roiddement qu'en pou d'eure on en perdy la veue. (ARRAS, c.1392-1393, 88). Adont fut le voile levé et le vent, qui estoit comme a souhait, fery dedens tellement que la nef s'esquippa en la haulte mer. (Percef. III, R., t.2, c.1450 [c.1340], 81). Et Appollo (...) tout seul s'en entra en un petit bateau tout propice, qu'il avoit fait faire. Aprés il se recommanda en la garde des dieux, et lors un vent se fery en son bateau, qui le bouta ou parfont de la mer. (LEFÈVRE (R.), Hist. Jason P., c.1460, 188).

Empl. abs. "Souffler" : ...Puis ung vent de trop longue actente Vient ferir, qui par pou les noye (GRÉBAN, Pass. J., c.1450, 210).

"Tomber" : Sur les haultz monts fiert fouldre qui tout froisse (Dictz moraulx S., p.1450, 133).

[D'un élément naturel] "Pénétrer qq. part" : De sa bouche en m'oreille lors Vint celle flambe et s'i feri Si doulcement (...) Que je vous di (...) J'oy tresbien (Mir. Pierre Changeur, c.1378, 292). ...de sa bouche vi issir Une grant flame, qui ferir Se vint en ma bouche dedans Sanz meffaire a bouche n'a dens (Mir. Pierre Changeur, c.1378, 292).

[D'un moyen de transport, d'un objet susceptible de flotter] : Guillaume Dauvelle, pour le sallaire de 11 vessiaux pris pour aler a Calais, pour le dit fait, dont partie s'en fery a la coste et les autres entrerent en la dite ville (Clos galées Rouen M.-C., t.2, 1347, 123). Si fissent li signeur de France (...) sus le passage par où il convenoit les Englès passer, en la rivière de Sartre, avaler gros mairiiens aguissiés et ferir à force en la rivière. (FROISS., Chron. R., IX, c.1375-1400, 286). Et lors vint le navire ferir ou havre, et trairent chevaulx et ce qu'il leur plot hors des nefs (ARRAS, c.1392-1393, 92). Et s'en vinrent ferir lors nefs tout de une flote sus le sabelon (FROISS., Chron. D., p.1400, 74).

[D'un élément liquide] (Se) ferir en un autre élément liquide. "Se jeter dans" : ...la riviere de la Dourdonne (...) va ferir en la Geronde qui court devant Bourdiaus. (FROISS., Chron. D., p.1400, 612). ...la riviere d'Ourne qui court a Kem (...) s'en va ferir en la mer. (FROISS., Chron. D., p.1400, 684). Et tournie celle rivière en pluiseurs lieus en Escoce et en Engleterre. Et sus se fin, desous Bervich, elle s'en vient ferir en le mer, et là est elle moult grosse. (FROISS., Chron. L., IV, c.1375-1400, 158).

[D'une voie] Ferir droit sur + nom de lieu. "Mener directement à" : Adont chevauchasmes-nous tout souef pour rafreschir nos chevaux, et me monstra par delà la riviere le chastel et la ville de Mongaillart, et le chemin qui s'en va ferir droit sur Lourde. (FROISS., Chron. M., XII, c.1375-1400, 57).

Empl. trans.

Ferir une partie du corps sur qqc. "Poser (une partie du corps) sur qqc." : ...li contes de Hainnau (...) feri sa main sus la poiie de la chaiiere sus laquelle il seoit et pensa un petit, et puis respondi (FROISS., Chron. D., p.1400, 249).

D. -

Au fig.

Empl. trans.

Ferir qqn./un aspect de la pers. "Atteindre, toucher qqn"

[D'une pers.] "Faire du mal à qqn" : Si n'est pas bon que plus demeures, Que vers ta dame ne te traies. Mais garde bien que ne t'esmaies ; Car ja ne te sera si fiere Qu'elle te laidenge ne fiere, Se ce n'est de ses trés dous yeus Rians, attraians et soutieus. (MACH., R. Fort., c.1341, 104).

[De Dieu] "Frapper qqn d'une maladie" : Car lors que tu tumboies du mal de epylencie dont Dieu t'avoit feru, tu disoies que ainsi t'abatoit la vision de l'ange Gabriel qui t'aparoissoit visiblement invisible aux aultres, du quel ne povez sans tumber soustenir la lumiere. (CHART., L. Esp., c.1429-1430, 124). Ou il vous pourroit entecher de soudaine meselerie, comme il en fery jadis Giezi et Marie, la suer de Moyse ! (MIÉLOT, Spec. hum. salv. L.P., 1448, 136).

[D'une chose abstr.] : Pestilence de guerre vous a ferue, tirannie vous a batue (MOLINET, Faictz Dictz D., 1467-1506, 153).

Au passif "Être ébranlé" : Comment cuides tu que le filz soit a immoler, par ceste voix le corage du pere fut feru ! (DAUDIN, De la erudition H., c.1360-1380, 217).

Ferir qqn au coeur. "Toucher, émouvoir qqn" : Veulx tu encore et de plus pres ung aultre exemple qui te devra ferir au ceur, pren recours doncques a ton pere (CHASTELL., Temple Boc. B., 1463-1464, 135).

[D'un mal physique]

[Dans une imprécation] : Vulcains, li viés et li despis, Que male goute fiere ou pis, Qui forge foudres et tempestes Par jours ouvrables et par festes, Et pour mal faire seulement, Ama Pallas si ardamment Qu'il la requist de puterie. (MACH., Voir, 1364, 692).

(Estre) feru (d'un mal physique) : ...son pacient, feru d'une goute colique es os et es nerfs engendree d'une chaude et rouge cole ardant, par telle maniere par dedans que toutes les vertuz du corps pour secourre le membre, jambe ou pie, y estoient assemblez (MÉZIÈRES, Songe vieil pèl. C., t.2, c.1386-1389, 398). Si fu feru par tel parti D'une maladie cruele Par membres, par corps, par cervele, Qu'il n'en pot estre secouru Et au derrenier en mouru. (CHR. PIZ., M.F., II, 1400-1403, 230). ...le premier gentilhomme se sentit malade et feru de l'epidimie (C.N.N., c.1456-1467, 349). Ha ! monseigneur le curé, je suis feru tout comme luy, confessez moy. [L'homme est atteint de la peste] (C.N.N., c.1456-1467, 349).

[D'un mal moral] : Encor te vueil supplier, Royne et lumiere Des angles, qu'à ton Fil chier Ta douceur requiere Que son ire ne nous fiere Au jour darrenier, Et la joie qu'est entiere Nous vueille ottroier. (MACH., Les lays, 1377, 414).

Au passif : ...je vueil qu'il [Josaphat] soit secoruz. De temptacion est feruz Trop malement. (Mir. Barl. Josaph., c.1363, 293). ...tant estoit fort feru du maudit mal de jalousie. (C.N.N., c.1456-1467, 256).

Feru en qqc. "Fortement marqué par qqc." : LE QUART CHEVALIER. (...) Et le marquis, qui est feruz En sa rudesce et obstiné, Ert en pou d'eure ravisé Et de sa durté convertiz (Gris., 1395, 71).

En partic. [Langage de l'amour]

[D'une pers., d'un aspect de la pers.] "Toucher qqn, susciter chez qqn des sentiments amoureux" : Et quant tu la pues vis a vis Regarder tout a ton devis, Tu ne scez qu'il t'est avenu Pour la biauté qui t'a feru, Ne tu ne scez quel part tu iés Pour l'amour dont tu iés loiés. (MACH., D. verg., a.1340, 52). Et s'estoient [ses yeux] clungnetant par mesure, Fendus a point, sans trop grant ouverture, Tout acquerant par leur douce pointure ; N'a l'entrouvrir Ne se peüst nuls homs qui soit couvrir Qu'en mi le cuer ne l'alassent ferir, S'il leur pleüst, et pour euls retenir. (MACH., J. R. Beh., c.1340, 69). Las ! or ne sai se je verrai jamais De son espart la douceur et les rais Par qui je fu au cuer ferus et trais Et mis en voie De soustenir les dous amoureus fais, Qu'il me couvient aler loing de li, mais Je garderai son honneur et sa pais, Ou que je soie. (MACH., F. am., c.1361, 153). D'un dous ueil vairs, rians, fendus, Et d'un dous ris, fait par mesure, Suis je par mi le cuer ferus, Dont je sens sans plaie pointure ; Mais le cop est de tel nature Et tant me plaist à soustenir Que jamais je n'en quier garir. (MACH., L. dames, 1377, 99). Bonté, biauté et, au sorplus, Sans, grace, maniere meüre, Dous accueil pour cuers esperdus Ravoier en envoiseüre, Tous ces biens ha en sa figure Celle qui si me vint ferir Que jamais je n'en quier garir. (MACH., L. dames, 1377, 100).

Ferir qqn à mort : Belle, et comment que bien affiere Qu'à moy soit fiere Vo douce chiere, Qui tant m'est chiere, N'est drois, quant elle ha sans demi M'amour entiere, Sans parsonniere, Qu'à mort me fiere, Car ja de paour en fremi. (MACH., Les lays, 1377, 286).

Feru de l'amour de qqn : SICHEM. ...Gallans, allez sans plus attendre, Ceste pucelle la me prendre ! Je suis feru de l'amour d'elle. (Myst. Viel test. R., t.2, c.1450, 268). ...nul bien sans elle avoir il ne povoit, tant estoit il au vif feru de l'amour d'elle. (C.N.N., c.1456-1467, 73).

Feru de/en qqn. "Épris de qqn, conquis par qqn" : En ce regart li vient la darde D'amours, c'onques senti n'avoit ; Mais je croi que la en devoit Estre feru pour la pucelle (FROISS., Méliad. L., t.1, 1373-1388, ). Madame, qui ja tant en estoit ferue [de l'abbé], et qui ja ses aultres dueilz avoit oubliez (LA SALE, J.S. E., 1456, 373). ...amours estoit cause de sa retenue, car il estoit feru et attaint bien au vif d'une damoiselle de Maubeuge (C.N.N., c.1456-1467, 343).

[Empl. sans compl.] Feru. "Frappé par l'amour" : ...pour ce que je vous voy plus feru que la chose ne vaille, vous ay je pieça voulu advertir [Un homme tente de détourner son ami de l'amour d'une femme indigne de lui. La réf. implicite à l'expr. "féru d'amour" suffit à rendre le terme évident. Cf. le fr. mod. "mordu"] (C.N.N., c.1456-1467, 230).

Empl. intrans. ou pronom.

[D'une pers.]

Ferir. "Atteindre un objectif qu'on s'est fixé, aboutir, réussir" : C'est bien requeste estrangiere Et legiere [de trouver un amoureux parfait] ; Maiz puis que m'en priez tant, L'enquerray, ou faille ou fiere. Mais premiere A l'enqueste alez pensant. (Cent ball. R., c.1388-1396, 195).

Ferir en qqc. (une chose abstr.) "Tomber, sombrer dans qqc." : Il [celui qui se marie pour de l'argent] fiert en grant melencolie Que li dure toute sa vie. (DUPIN, Mélanc. L., c.1324-1340, 95).

Se ferir dans qqc. "Intervenir dans qqc." : A ces parolles evous le roi, qui entra en la cambre où si doi oncle estoient, un esprivier sus son puing, et se feri en leurs parolles, et leur demanda moult liement en riant : "De quoi parlés vous maintenant, mi bel oncle... ?" (FROISS., Chron. R., X, c.1375-1400, 253).

[D'une maladie]

"Se déclarer" : ...et avec ce férit entre eulx maladie de cours de ventre (LEFÈVRE ST-RÉMY, Chron. M., t.1, c.1462-1468, 226).

Se ferir en qqc. "Se répandre dans qqc." : Grand peste se férit en l'ost, et mortalité de gens (CHASTELL., Chron. K., t.1, c.1456-1471, 180).

[Dans une imprécation] Se ferir en qqn. "Frapper qqn" : Et lors se prent a plourer ung des petis enfans, qui est a l'aventure celuy que le bon home ayme mieulx, et la dame prent une verge et le bat tres bien, par despit du bon home plus que pour autre chose. Lors lui dit le proudome : "Belle dame, ne le batez pas !" et se cuide courrocer. Et la dame lui dit : "Sa, de par de deable, vous n'avez pas la paine de les gouverner ne il ne vous couste gueres, car je suy nuit et jour sur piez ! Que la malle boce s'i puisse ferir !" (Quinze joies mar. R., c.1390-1410, 31).

[D'une chose abstr.] Ferir sur qqn. "Tomber sur qqn" : Syre Bernard, nostre sors fiert Dessus vous ; advisé vous bien. (Myst. st Bern. Menth. L., c.1450, 110).

Empl. abs.

[D'une impression] "Frapper (l'esprit)" : Et se ainsi avient que les delectacions soient grandes, vehementes et fortes, il fierent et percent et actaingnent jusques en la pensee. (ORESME, E.A., c.1370, 229).

[D'un territoire] Ferir à qqc. "Toucher à, confiner à qqc." : ...vers occident fiert [l'Espagne] a la grant mere : la siet Grenate et Sibilhe le grant (JEAN D'OUTREM., Myr. histors G., a.1400, 93). ...unes aultres baulles et frostz nommez la salline Derian (...), ferant (...) d'un bout à l'estier nommé Poulenlestre, et d'autre à la vasiere de la salline nommée Beauté (Actes Jean V Bret. B., t.2, 1415,189). ...une place (...) ferante d'un bout à (...) et d'autre bout à... (Actes Jean V Bret. B., t.2, 1416, 206).

DMF 2020 - MAJ 2020

Pierre Cromer

Fermer la fenêtre