A. -

"D'une manière contraire à la vérité, à l'authenticité, à la justice"

1.

"Contre la vérité" : Adont Raison me resgarda, Si que depuis en sa garde a Mon cuer, mon sens et mon penser, Pour resister et pour tenser Aus fausses cogitations, Et oster les temptations Qui cuidoient avoir victoire A moy faire faussement croire. (MACH., J. R. Nav., 1349, 183). Tu scez tout, einsois qu'il soit fait ; Tu scez que je n'ay riens meffait Et que malicieusement Ont tesmongnié et faussement Li faus juge qui m'ont jugie, Par qui le corps pers et la vie. (MACH., C. ami, 1357, 10). Tu qui faussement juges, Envieillis yès et entichiés De mauvais jours pleins de pechiés Qui devant le pueple apparront. T'ame et tes corps le comparront, Pour ce qu'as jugié faussement Maint preudomme et maint jugement... (MACH., C. ami, 1357, 13).

2.

"Contre l'authenticité, d'une manière frauduleuse" : ...icelles lettres avoient esté trouvées faulses et faulsement faites et seellées par icellui prisonnier et autres ses adherens et complices (Reg. crim. Chât., II, 1389-1392, 67). Lequel (...) ouvry la dicte boeste, leut et fist lire les lettres qui estoient dedans, et, entre les autres, celle qui avoit esté ainsi faulsement escripte oudit blanc (Doc. Poitou G., t.8, 1446, 246).

3.

"Contre la justice, injustement" : Ce sont les noces vraiement Theodore qui faucement Fu accusée d'avoir fait L'enfant, et coulpe n'ot ou fait. (Mir. Theod., 1357, 122). Mais que veulx tu [Alexandre le Grand] ! de ma fortune, Contre qui ne puis bonnement, Qui si faulcement me fortune, Me vient tout ce gouvernement. Excusez moy aucunement Et saichiez qu'en grant povreté, Ce mot se dit communement, Ne gist pas grande loyaulté. (VILLON, Test. R.H., 1461-1462, 32). Me fauldra il morir sy fausement, Belle dame, sans avoir nul secours ? Mieux me vauldroit que vivre longuement. Puisqu'ensy va que voullés mes clamours Mettre a non rien, j'é perdu mains bons jours. (Jeu quatre pers. L., a.1465, 192).

B. -

"D'une manière contraire à la loyauté"

1.

"D'une manière déloyale, trompeuse, malhonnête, hypocrite, perfide" : ...Comment il met toute sa cure Si qu'il les puist en gré servir, Comment il se vuet asservir Devers elles, si qu'elles l'aimment, Comment elles de li se claimment En traïson et faussement, Comment leur jangle fausse ment... (MACH., D. Lyon, 1342, 178). ...en eaus denrée ne demie N'ot de bien ne de loiauté, Fors traïson et fausseté. Et chascuns les devroit haïr, Car il ne sont fors pour traïr Les dames et deshonnourer Par faussement pleindre et plourer. (MACH., D. Lyon, 1342, 198). Car Fortune sans ordenance De son tour meïsmes s'en tort, Car trop po donne riens, sans tort Faire, quele part que ce soit ; Qu'en donnant faussement deçoit. Li bons par Fortune dechiet, Et souvent au mauvais eschiet Li biens qui dou bon est cheüs, Quant par Fortune est decheüs. (MACH., D. Aler., a.1349, 318). Et quant li desirs amenrit, Cuers qui faussement aime en rit, Et cuers qui aime loyalment En pleure (MACH., Voir, 1364, 580). Vous avez oy et tenu De la pais tout le contenu Que j'ay ci devant recité ; Si que sachiez, en verité, Que fait l'avoient faussement ; Et très malicieusement Estoit ceste pais pourpensée. (MACH., P. Alex., p.1369, 183). Le seigneur de Saintré, qui de tous poins avoit si tres faulcement perdue l'amour de sa dame par la desloiauté d'elle (LA SALE, J.S., 1456, 284). ...et maintenant pour un ribaut moynne dont vous estes acointie si faulsement et deloialment vous estes deshonoree et m'avez abandonné (LA SALE, J.S., 1456, 296). ...Le faulx deable qui m'a tempté Ung petit trop couvertement, Faulcement, maulvaisement (LA VIGNE, S.M., 1496, 483).

-

Mentir faussement. "Mentir perfidement" : ...car je fu trop vilaine, Quant te mis sus, par mon pechié, Que tu eus avec moy couchié. Certes, je menti faussement (Mir. st J. Cris., c.1344, 283). Assez de foys vous ay dit et prié que il vous pleust à moy dire pour quoy vous me portez malivolence, ne se aucuns vous avoit reporté aucune chose de moy qui fust contre vostre honnour ou la moie. Car se ainsi estoit que nuls le vous heust raporté, j'en estoie prest de moy descuser par devant vous, en disant que il avoit menti faussement et mauvaisement, et que je m'en deffenderoie par mon corps, einsi comme J. chevalier se doit deffendre en gardant son honnour. (MACH., P. Alex., p.1369, 229). ...disant et affermant par son serement, et sur la dampnacion de son ame, qu'il n'en estoit riens, mais avoit menti et mentoit mauvaisement et faussement icelle Marion, en li offrant et baillant son gaige de bataille (Reg. crim. Chât., I, 1389-1392, 344). Et ledit Charlot respondi que icelli Loys mentoit faulcement et mauvaisement (Reg. crim. Chât., II, 1389-1392, 22). Et, veue icelle, le principal malfaicteur et prononceur desdictes paroles fut condempné à faire amende honnorable, devant l'ostel de ladicte ville, au procureur d'icelle pour toute ladicte ville, nue teste, desseint, une torche ou poing, en disant par lui que faulsement et mauvaisement il avoit menty en disant lesdictes paroles, en priant et requerant icelles lui estre remises et pardonnées. (ROYE, Chron. scand., I, 1460-1483, 104).

-

Trahir faussement. "Trahir perfidement" : Traye l'ont [Berthe] et engignie Trop faucement. (Mir. Berthe, c.1373, 227). Quant Piètres dou Bos et li autre veïrent les fuianx, il leur demandèrent que il leur estoit avenu il respondirent que il fuioient comme gens trahis fausement et desconfis dou conte de Flandres et de ceulx de Bruges (FROISS., Chron. R., X, c.1375-1400, 55). ...Mon cuer, m'amour, mes depors Et mes amoureus tresors M'ont de leur grace bani, Par faus et mauvais rapors Et par envieus enors Qui m'ont faussement trahy. (MACH., Les lays, 1377, 372). Lors [Mélusine] commence a regarder le lieu en disant : Hee, doulce contree, j'ay eu en toy tant de soulas et de recreacion, et y estoit ma beneurté, se Dieu n'eust consentu que je n'eusse esté ainsi faulsement trahie. Helas ! Je en souloye estre dame clamee, et m'y souloit on faire et acomplir tout quanque je commandoye. Or n'en seray je pas sans plus povre chamberiere. (ARRAS, c.1392-1393, 259).

-

Tromper/decevoir faussement. "Tromper perfidement" : ...mesires Ainmeris de Pavie les avoit trahis et deceus fausement et couvertement (FROISS., Chron. D., p.1400, 872). Les ribaulx, voyans qu'elle estoit ainsi troublée, la cuiderent faulsement decevoir par doulces parolles (C.N.N., c.1456-1467, 551). LE DRAPPIER. Et c'est a vous que j'ay a faire : Vous m'avez trompé faulsement Et emporté furtivement Mon drap par vostre beau langaige. (Path. D., c.1456-1469, 180).

2.

"Traîtreusement, par trahison" : ...le conte daulphin envoierent par devers Perrot de Berne, en disant que faulsement et traiteusement il avoit pris et emblé la ville de Montferrant (FROISS., Chron. M., XIV, c.1375-1400, 226). Et jura le dit Perceval a monseigneur que dedens le tiers jour après, la dure adventure que chascun scet lui advint, dont ce fu pitié, s'il eust plu a Nostre Seigneur, car il fu mort, si comme on dit, tres faussement. (ARRAS, c.1392-1393, 310). ...avoir pugnicion et vengence des faulx traictes qui, faulcement et desloyaulment, ont murdry feu mondit seigneur (Comptes Etat bourg. M.F., t.2, 1419, 523).