| 28 exemples | | 1 | Toutes fois, fu il, pour ce villain fame, pris et tantost mis en prison en Chastelet à Paris. (FROISS., Chron. L., III, c.1375-1400, 35). | |
| 2 | ...et y estoit mise hors une commune fame parmy Angleterre que on feroit une taille et que cascun feu paieroit un noble (FROISS., Chron. M., XIV, c.1375-1400, 23). | |
| 3 | Requis se il [le tesmoing] scet ne croit que ledit enffant fust Anglois, dit par son serment que non, ains croit le contraire parce que sa parole estoit aussi bien entendable comme celle de Rinoisons, et n'avoit point estat ne manière de personne qui voussit mal faire. (...) Interrogué de quel fame et de quel renommée est ledit Goy, dit par son serment qu'il a renommée de estre lerres et maulvais tout son temps, et plus nen scet. (Titres Bourbon H.-B., t.1, 1378, 598). | |
| 4 | ...le sage roy anobli de nature par longue genealogie continuée en triomphe, avec ce de Dieu par grace doué de noblece de courage, laquelle lui fist delaissier ignorance en jeune aage, par vertu née d'admonnestement de grant discrecion, jugiant et cognoiscent les folz delis estre prejudiciables, dampnables et hors ordre de faame deue à digneté et trosne royal, desirant delaissier les choses basses et tendre aux hautes beatitudes, porpensa comment et par quel maniere pourroit attraire et aluchier meurs vertueux par continuacion de vie salutaire (CHR. PIZ., Faits meurs Ch. V, S., I, 1404, 36-37). | |
| 5 | Si en fait (...) vous ne povez garder chasteté, au mains mettez peine de la garder tant qu'il touche fame et commune renommée. (C.N.N., c.1456-1467, 563). | |
| 6 | ...de leur ennemi, eslevé en orgueil et assis en prééminence de gloire, il estoit bruit et fame à toue lez. (CHASTELL., Chron. K., t.3, c.1456-1471, 202). | |
| 7 | Mes dont luy peut venir femme Et renommee si tresgrande ? (Pass. Auv., 1477, 121). | |
| 8 | Son bruyt, son honneur et son fame, Ce grant peché tant ravalla Qu'aprés sa mort, ainsi qu'infame, Es basses limbes s'en alla. (LA VIGNE, S.M., 1496, 298). | |
| 9 | On me pourroit, par raison, bien blasmer, S'a ma cause perdoit sa bonne fame. (GRANDSON, Poés. P., c.1360-1397, 355). | |
| 10 | ...Soies loyaus a toutes gens, Si en seras tenus pour gens, De bon renom et de bon fame. (FROISS., Dits Débats F., 1363-1393, 112). | |
| 11 | Or soit chascun endroit soy diligent D'avancer ceulx que bonne fame nomme (DESCH., Oeuvres Q., t.3, c.1370-1407, 174). | |
| 12 | ...un infamé ne puet estre restitué a sa bone fame, se ce n'est par le prince seulement (Songe verg. S., t.1, 1378, 300). | |
| 13 | Ceste fame s'espandy tellement parmy Angleterre (...) que tout le pays resvella ad ce que on vouloit savoir comment le gouvernement dudit royaulme aloit (FROISS., Chron. M., XIV, c.1375-1400, 24). | |
| 14 | ...il cognoist et scet iceulx estre gens de bonne vie, fame et renommée. (Reg. crim. Chât., I, 1389-1392, 285). | |
| 15 | ...elle se dist estre femme de bonne famme [et] renommée, et que desdites accusacions elle estoit pure et innocent (Reg. crim. Chât., I, 1389-1392, 334). | |
| 16 | Il en acquiert aussi, de l'autre part, le los et la grace du monde, c'est a dire bon non et bonne fame qui aprés ly demeure et dure longuement en la memoire humaine, qui rest aussi un sy grant bien et sy loables que aucun sage ancien, en ceste bonne fame et bonne renommee aprés la mort, mectoient leur bien finable et leur bonne eurté (EVR. CONTY, Eschez amour. mor. G.-T.R., c.1400, 440). | |
| 17 | Moult ot roy Ninus noble femme Espousé, dont il est grant fame Et grant renom es escriptures (CHR. PIZ., M.F., II, 1400-1403, 182). | |
| 18 | Il est digne de recommendation et parvient a haulte fame et renommee. (Percef. III, R., t.1, c.1450 [c.1340], 256). | |
| 19 | Sire, dist Passelion, alez à Dieu et acquerés bonne fame et renommee en prouesse. (Percef. IV, R., c.1450 [c.1340], 850). | |
| 20 | Bonne famë est pierre precieuse Qui est tousjours en femme vertueuse, Comme en or fin, par droit compaz assize (MICHAULT, Procès honn. F., p.1461, 88). | |
| 21 | Publique fame et renommee Donne fortune et destinee D'estre folx ou riche ou saige. (DUPIN, Mélanc. L., c.1324-1340, 125). | |
| 22 | ...et couroit fame et renommée en pluseurs lieux en Angleterre que ce duc d'Irlande et messire Symon Burlé faisoient leur amas d'or et d'argent (FROISS., Chron. M., XIV, c.1375-1400, 40). | |
| 23 | Sy amis, qui estoiient en champ et qui n'estoiient nint infourmeis do fait, ilh envoiiont sovent fois quiere le dit Aynechon ; mais point nel laissoit partir ly dis messires Ernus d'Awans. Et, par tant, famme corit en champ qu'il ne venroit nint, car ilh s'en estoit fuys ; sy que ly dis Falos requist al maiieur qu'il awist loy et qu'il fuist torneit en droit (HEMRICOURT, Guerres Awans B., c.1398, 10). | |
| 24 | ...fames issi hors sus la roine Issabiel d'Engleterre, mere dou jone roi Edouwart, que elle estoit enchainte d'enfant (FROISS., Chron. D., p.1400, 185). | |
| 25 | ...la fame couroit assez en couvert que le roy pouvoit avoir coulpe en la commission de ce bastard pris (CHASTELL., Chron. K., t.5, c.1456-1471, 112). | |
| 26 | Li jugemens en fu assés tost rendus, car cescuns en estoit jà par fame et par juste information tous avisés et infourmés. (FROISS., Chron. L., I, c.1375-1400, 89). | |
| 27 | Encores assés tost après furent mis à mort par fame, je ne sçai mies se elle fu vraie ou aultre, quatre chevalier moult gentil homme de Normendie. (FROISS., Chron. L., III, c.1375-1400, 36). | |
| 28 | En la tourbe avoit une fame Dont le nom ne say ne la fame, Qui un juene enfançon portoit, Et au porter se deportoit, Qu'aler ne parler ne savoit Pour la juenesse qu'il avoit. (MACH., C. ami, 1357, 11). | |
|
