| 39 exemples | | 1 | Portiers estes, ce m'est avis Du roiaume de paradis, (...) (A) vous convient monstrer c'on porte, Avant que on passe la porte. Toutes manieres de troussiaus, Petis et grans fais et faissiaus [var. fardeaux] Devant vous couvient destrousser, Tout desploier et tout monstrer ; N'y a chose si bien close Qui ne doie estre desclouse Par vraie revelation D'enterine confession. (GUILL. DIGULL., Pèler. vie hum. S., c.1330-1331, 39). | |
| 2 | Se jou euisse fait vo fille deviier, Pas ne fuisse en son lit mise pour repozer, Ainschois euisse fait un grant fardiel toursser (Flor. Rome W., c.1330-1400, 254). | |
| 3 | ...pour ce, fist emplir secretement grosses males, bahus et grans fardiaux de choses pesans de nulle vallue (CHR. PIZ., Cité dames C., c.1404-1407, 771). | |
| 4 | Quant le maistre marinier entendi Gadiffer qui vouloit estre mis au fardeau de la royne, il ouvry le fardeau en tandis que Gadiffer se arma, puis le coucha ou milieu du fardeau et le fardela moult bien et lui laissa aer assez pour avoir alaine. (Percef. III, R., t.2, c.1450 [c.1340], 83). | |
| 5 | Mais il me fault premierement Avoir cordes ung grant fardeaul, Car il nous sera trop plus beaul Que ce qu'en soyons desgarniz. (Myst. st Adr. P., c.1450-1485, 72). | |
| 6 | Pour sur les mons les coffres transporter Et les fardeaulx au large comporter, On ordonna grant nombre de muletz Propres et duictz (LA VIGNE, V.N., p.1495, 146). | |
| 7 | ...[elle] se hourde de l'escuier et a son col le charge. Et comme atout ce fardeau passoit par la chambre de son maistre... (C.N.N., c.1456-1467, 124). | |
| 8 | ...il disoit que un sien frere l'avoit trouvé en sa chambre, en laquelle il avoit arrachée la serrure d'un coffre qui y estoit, et avoit fait un fardel qu'il en vouloit porter (Reg. crim. Chât., I, 1389-1392, 244). | |
| 9 | ...et ainsy comme elle vouloit commencer à faire un fardel dudit chaume, fu prinse et admenée, par les gardes d'iceulx marès, prisonniere oudit Chastellet, ouquel elle est ad present. (Reg. crim. Chât., II, 1389-1392, 253). | |
| 10 | ...Jehan de Beaune et ung servicteur dudit Jacques Cuer nommé le Tabourin qui faisoient plusieurs balles et fardeaulx de litz, tapiz, couvertes (Aff. Jacques Coeur M., 1453-1457, 167). | |
| 11 | ...pria à il qui parle de faire les fardeaux desdiz biens, et qu'ilz fussent portez ou loegis de il qui parle, lequel qui parle, qui avoit acoinctance avec ledit Village, pour ce qu'il avoit esté en galée avec luy et autres patrons des galées dudit Jacques Cuer, fu content de tenir compaignie à la dicte Perrecte à aler oudit voiage (Aff. Jacques Coeur M., 1453-1457, 172). | |
| 12 | En ladicte année, le duc de Bretaigne envoya acheter à Millan certaine quantité de harnois, comme curasses, sallades et autres harnois, qui furent enfardellez en fardeaulx en façon de draps de soye et autres marchandises fort enveloppez de cotton (ROYE, Chron. scand., II, 1460-1483, 108). | |
| 13 | Je croy que vous avez emblé se fardel la ! (Renaut Mont. B.N. V., c.1350-1400, 371). | |
| 14 | ...pluseurs vielles choses loyées en ung fardeau avec des gourdines. (Comptes Lille L., t.2, a.1467, 189). | |
| 15 | À Casin Estier, lieur de fardeaux, ledit XVe jour d'avril, pour XL aulnes de chanevas pour corde (RAPONDE, Comptes La Trémoille L.T., 1396-1406, 36). | |
| 16 | JONATAS. Vella Goullias qui se raille De nous, mon amy. DAVID. Taisez vous Avez vous peur ? Dieu est pour nous, Ne soyez de rien esperdus. Gens à l'aulne ne sont vendus : Au grant fardeau n'est pas l'aquest. (Myst. Viel test. R., t.4, c.1450, 128). | |
| 17 | Regardez, est il bien pourry Au fardeau, cest enfant doulcet ? Par ma foy, je ne sçay que c'est, Mais je l'ayme mieulx qu'on ne cuide ; Aussi je mectz tant mon estude A le faire gent et joly. (Myst. Viel test. R., t.3, c.1450, 222). | |
| 18 | Item, sont liées en un fardel VIJxxIX quictances de plusieurs personnes et pour plusieurs causes, touchans ledit deffunct me Nicole. (Invent. N. Baye T., 1419, CIX). | |
| 19 | Item en ladicte escriptour a plusieurs pappiers de la recepte dud. deffunt, escriptures en sacs, pendues et enfillées par fardeaulx et fillaches, servans aux comptes dud. deffunt. (Invent. test. Surreau Foville F., 1435, 40). | |
| 20 | ...soyent apliques dessus fardeaulx de estoupes et plumaceaulx affin que le lieu demeure ferme (PREVOST, Cir. Guill. Salicet, 1492, III, 13). | |
| 21 | Du premier dist Boece que «negligence est la marastre de toute discipline, et mieulx vauroit, che dist, aprendre auchun mestier que l'escolier estre chargié du fardeau de negligence». (DAUDIN, De la erudition H., c.1360-1380, 33). | |
| 22 | Or me gart Dieus que je n'encharge Si grant fardel ne si grant charge Com d'aler en vo compagnie, Voire en peril de vostre vie ! Qu'en autre cas ne vous faurroie Nes que Hector fist a ceulz de Troie. (MACH., Voir, 1364, 614). | |
| 23 | Car je vous pourroye bien tant chargier que vous avriez cause de moy tenir pour outrageux, et que mon conseil vous donroit charge et si grant nombre de faix et si greveux que vous desepereriez de trop grant ferdel, pour ce qu'il vous sembleroit que vous ne le pourriez tout porter ne acomplir (Ménagier Paris B.F., c.1392-1394, 116). | |
| 24 | Lors s'avisa Harpins, par-dessus le praiiel, Que se Tangrés savoit qu'il menast tel fardiel, Que s'amour pierderoit (God. Bouillon R.B., t.3, c.1356, 346). | |
| 25 | ...vous me requerez que à mon filz, lequel est franc et legier, que je mette sus son col la charge d'un tres grief et pesant fardel plein de confusion ! (CHR. PIZ., Faits meurs Ch. V, S., II, 1404, 82). | |
| 26 | Mais de toy vueil je sçavoir la cause de ceste alternative punition, qui semble derroguer a la divine justice, et desmentir le texte qui dit que le filz ne portera point l'iniquité de son pere, maiz que chacun soustendra le poix de son fardel. (CHART., L. Esp., c.1429-1430, 44). | |
| 27 | Je doy petit amer la pomme En quoy mordi le premier homme Car par le fait de son pommier, Il fault que je soye sommier Pour pourter le pesant fardel Du rachat del homme mortel. (MARCADÉ, Myst. Pass. Arras R., a.1440, 11). | |
| 28 | Car il fauldra chascun pourter Son fardeaul, sans soy suppourter, Et attandre celle sentance De justice, qui sans doubtance Sera donnée celle journée Par celluy Dieu, qui a creé Trestoute humainne creature (Myst. st Adr. P., c.1450-1485, 108). | |
| 29 | Madame l'abbesse, oyant ce que dit est, et portant au cueur ung grand fardeau d'ennuy... (C.N.N., c.1456-1467, 144). | |
| 30 | ...Richart retourna du guet, ou il avoit esté toute la nuyt, en son hostel, [fort] refroidy et eschargé du fardeau de sommeil (C.N.N., c.1456-1467, 391). | |
| 31 | Ha, par Dieu, j'en ay veu bransler Pour trop grans choses entreprendre. Pour loing saillir, fault reculler, Cela assez povez entendre. Qui ce congnoist se doit reprendre Sans entreprendre tel fardeau, Je tiens la chose par trop grande, Quant il y fault laisser la peau. (S. fol, c.1480-1490, 7). | |
| 32 | Et d'amourectes, par ma foy, J'ay assemblé ung grant fardeau, Qu'ay mussees soubz mon chappeau (CH. D'ORLÉANS, Rond. C., 1443-1460, 329). | |
| 33 | Et s'excusoit alors de ce que si longuement avoit séjourné devers le roy en contraire de sa charge ; mais il en mit le fardeau sur le roy qui ne souffrit oncques partir de luy jusqu'à celle heure. (CHASTELL., Chron. K., t.4, c.1456-1471, 353). | |
| 34 | ...Tenés, vela en deus fardiaus Banieres et escuçons biaus. Or regardés dedens les plois Se point trouverés entre chiaus Les armes de Berne et de Fois. (FROISS., Past. M., c.1362-1394, 168). | |
| 35 | Item pour V flossoies à couvrir les fardeaulx (...) Item pour un cheval gresle qui avoit esté achaté pour porter partie des dictes besoignes (Compte Navarre I.P., 1367-1371, 469). | |
| 36 | ...il estant ès fauxbours de la ville de Vernon, print et embla illec de nuit, en un fardeau de draps, deux demi draps de sanguine (Reg. crim. Chât., I, 1389-1392, 31). | |
| 37 | Quant il percoit cela, si tourne tout court, et fait monter ses X. chevaliers, chascun son sac sur l'arcon de sa selle, plains de pluseurs mauvaises drapperailles, et il prist le sien. Et l'escuier qui savoit le langaie [l. langaige] en prist un, et se mist devant, et Gieffroy aprez, embrunchiez sur son fardel. (ARRAS, c.1392-1393, 285). | |
| 38 | À Colin Bataille, ce jour, pour 2 sarges de passe moison, noires, de 5 rayes, dont a esté faitte une chambre pour Madame, c'est assavoir le ciel et la sarge du lit, à 6 fr. la pièce, valent : 12 fr. À lui, pour une sarge de 4 rayes dont a esté fait le dossier : 4 fr. (...) À lui, pour 2 serges, chascune de 3 rayes, dont sera fait banquier et couverture pour la couche, de 3 fr. pièce, valent : 6 fr.. (...) À lui, pour cordes, franges, rubanner les sarges et façon de la dite chambre : 2 fr. Lesqueles choses furent envoyées en 4 fardeaux à Dracy par Vincent Gilon (RAPONDE, Comptes La Trémoille L.T., 1396-1406, 90-91). | |
| 39 | ...nul ne peut par la passer Pour entrer dedens li chastiaulx ; N'i entrent sommes, ne fardiaulx Ne gens, soient vestus ou nuds. (CHR. PIZ., M.F., I, 1400-1403, 104). | |
|
