| 25 exemples |
| 1 | Folz sont il voir (...) Qui aourent (...) ce que de leurs mains ont fait, Et puis les appellent de fait Leurs dieux (...) ; C'est bien fantosme et desverie. (Mir. Barl. Josaph., c.1363, 268). |
|
| 2 | ...ou l'en pourret dire que ce ne fust pas le vray espirit de Samuel qui luy apparut, mez fust un phantome et une illusion ymaginative de l'Anemy d'Anffer. (Songe verg. S., t.1, 1378, 369). |
|
| 3 | Scothomie, vertigine, incubus signifient epilence a venir et aussi sont songes graves et parfons avec faulses fantosmes et paoureux (GORDON, Prat., c.1450-1500, II, 24). |
|
| 4 | ...Dieus, en verité, sans fantome, Fist les .V. cytés de Sodome Fondre (et) en abisme [et] tresbucier (BRIS., Plait Ev. Dr. K., a.1340, 78). |
|
| 5 | J'ay veu vif, sans fantosme, Ung josne moisne avoir Membre de femme et d'homme Et enfant concepvoir, Par luy seul, en luy mesmes Engendrer, enfanter (MOLINET, Faictz Dictz D., 1467-1506, 321). |
|
| 6 | Li simple qui ne sevent les lois et les decrez Tesmoingnent qu'am ce mont ha mont de granz secrez, Trop hy ha de fantomes (Gir. Ross. H., c.1334, 119). |
|
| 7 | ...puis fist croix sur lui et dist au fantosme : "Vous, mauvais esperit, je vous conjur que vous vous en alez, car trop m'avez traveillié et pené..." (Bérinus, I, c.1350-1370, 243). |
|
| 8 | Si fu durement li rois de France esmervilliés ; ossi furent li dus d'Ango (...) et moult d'autres signeurs, quant il le veirent en ce parti revenu, et il le cuidoient en Osterice : ce leur sambla uns drois fantosmes. (FROISS., Chron. R., VIII, c.1375-1400, 222). |
|
| 9 | Et ou chemin par mer trovent de merveilleuses fantosmes et deableries, que c'est une merveille a ouyr, sicomme il me fu conte pour vray ou royaume de Norovegue. (MÉZIÈRES, Songe vieil pèl. C., t.1, c.1386-1389, 248). |
|
| 10 | Haa, ce dist il, Gieffroy, or avoies tu le plus bel commencement de prouesse et de bachelerie pour venir ou degré de haulte honneur, que filz de prince qui feust vivans. Et ores en es tu du tout desmis par ta cruauté. Par la foy que je [Remondin] doy a Dieu, je croy que ce ne soit que fantosme de ceste femme [Mélusine], ne ne croy pas que ja fruit qu'elle ait porté viengne a perfection de bien ; elle n'a porté enfant qui n'ait apporté quelque estrange signe sur terre. (ARRAS, c.1392-1393, 253). |
|
| 11 | Et ne vy je [Remondin] leur mere [Mélusine], le samedy que mon frere de Forests m'acointa les males nouvelles, en forme de serpente du nombril en aval ? Si fiz, par Dieu. C'est aucune esperite ou c'est toute fantosme ou illusion qui m'a ainsi abusé ; premiere foiz que je la vy, ne me scot elle bien a dire toute ma mesaventure ? (ARRAS, c.1392-1393, 253). |
|
| 12 | Ceste journée est pour le roy Charlon. Je voy que le soleil est ens ou coron, Qu'il estoit quant orains commença la tençon ; C'est oeuvre de fantosme et du fait de Noiron (Galien D.B., c.1400-1500, 103). |
|
| 13 | Chiere dame, vous me dictes verité pure, mais je m'esmerveil comment vous le povez savoir, ne qui le vous a si tost annoncié. Et celle lui dist : Remondin, ne t'en esbahiz pas, car je le scay bien. Et saiches que je scay bien que tu cuides que ce soit fantosme ou euvre dyabolique de mon fait et de mes paroles, mais je te certiffie que je suiz de par Dieu et croy en tout quanque vraye catholique doit croire. (ARRAS, c.1392-1393, 25). |
|
| 14 | Devant nous [Jésus] a voulu mengier Pour nous plus a plain tesmoignier Que se c'estoit semblance d'homme Qui fust fainct par art de fantosme, Il ne pourroit tel chose faire [Réf. à Luc 24, 41-43] (MARCADÉ, Myst. Pass. Arras R., a.1440, 272). |
|
| 15 | ...depuis la passion nostre seigneur dieu Jhesucrist, toutes ydolles, toutes fantosmes et toutes dyableries perdirent incontinent leurs malvaistiez, faulcetez et tricheries, de quoy les dyables decepvoient les gens (LA SALE, Salade, c.1442-1444, 124). |
|
| 16 | ...et maintenant il [Alexandre] estoit ainsi maleureusement detenus comme ung prisonnier, ainsi comme par une fantosme - ne trouver ne entendre ne savoit la cause pour quoy, se non que ce fust euvre d'Ennemi - (WAUQUELIN, Faits conq. Alexandre H., c.1450, 324). |
|
| 17 | ...impossible estoit de croire qu'il fust home mortel, et qu'il convenoit qu'il fust home faé ou aulcune fantosme (Hist. seign. Gavre S., c.1456, 202). |
|
| 18 | SAINCT MARTIN. Dire puis doncques sans mesdire Que son faict ne vault une poire. Jamais ne me ferez acroire Que se ne soit quelque fentosme. (LA VIGNE, S.M., 1496, 427). |
|
| 19 | Mais il [Remondin] fu si tresperciez et oultrez de yre que raison naturelle s'en estoit fuye de lui. Lors parla d'une tres crueuse voix en disant ainsi : Hee, tres faulse serpente [Mélusine], par Dieu, ne toy ne tes fais ne sont que fantosme, ne ja hoir que tu ayes porté ne vendra a bon chief en la fin. (ARRAS, c.1392-1393, 255). |
|
| 20 | Sces tu qu'il sera, Maubüé ? Saches, mon courage est müé. Je cuide que nostre creance N'est que fantosme et decevance ; Et pour ce je la vueil lessier. (Mart. st Pierre st Paul R., c.1430-1440, 151). |
|
| 21 | [À propos de la guérison d'un aveugle] C'est fantosme ou art de magique (GRÉBAN, Pass. J., c.1450, 190). |
|
| 22 | ...car quant lymaginatiue ou la fantasie est troublee ou blessee par trop grant impression des choses deuant dictes cestassauoir des especes ou des fantosmes retenus des choses sentues par dehors, tu vois que lentendement et la raison de la personne est troublee. (CIB., p.1451, 212). |
|
| 23 | ...m'amye, dist il, vous semble il a la vérité, et a vostre entendement, que ce que droit cy vous me dictes ne soit point fantosme ou illusion ? (C.N.N., c.1456-1467, 100). |
|
| 24 | Voire, mais pour estre plus seurs, Et evader abusion, Fantosmë ou illusion, Dy nous doncques comment tu vois. (Myst. Pass. Troyes B., a.1482, 451). |
|
| 25 | ...et pour ce il semble au patient que ce soit fantosme qui monte des piés amont et petit a petit il occupe tout le corps (GORDON, Prat., c.1450-1500, II, 23). |
|
