| 141 exemples | | 1 | ...et tous ceulz qui ainsi ne le font, il pechent et differe leur civilité de la civilité de ceulz qui entendent a faire les citoiens bons en la maniere que une bonne chose differe de une mauvaise. (ORESME, E.A., c.1370, 147). | |
| 2 | ...elle fist tout essarter et desraciner les grans arbres, et fist faire toute la roche nette par dessuz les parfons trencheiz qu'elle avoit par devant faiz et ordonnez ainsi comme le cuir de cerf avoit enceint. (ARRAS, c.1392-1393, 45). | |
| 3 | ...[elles] vindrent a l'ostel faire tout prest pour recevoir le prescheur (C.N.N., c.1456-1467, 486). | |
| 4 | ...non pas que le veille croire, ne ce rapport faire bon. [Le narrateur émet des doutes sur la véracité du récit que fait un personnage] (C.N.N., c.1456-1467, 67). | |
| 5 | Et de telles arts et doctrines aucunes sont dessous une autre, si comme art de faire frains est soubz art de chevauchier et aussi sont toutes les autres arts de faire instrumens ou hernoys pour chevaux. (ORESME, E.A., c.1370, 104). | |
| 6 | Les Romains souloient faire une maniere de juges que il appelloient proconsulz ; mes ces ici sunt appellés proconsulz et sunt les mestres ou les presidens du conseil, ou il sunt ceulz que l'en appelle le estroit conseil. (ORESME, Pol. Arist. M., c.1372-1374, 198). | |
| 7 | Le XIIIme est comment les vicontes et barons se doivent faire contes. (LA SALE, Salade, c.1442-1444, 5). | |
| 8 | Et des prouffiz et des fruiz que il en a levez, selon la mise d'argent que il y pourra avoir, soit distribué a en faire une prieuré et renter moines, selon la quantité que la mise pourra souffrir raisonnablement, pour chanter perpetuelment pour l'ame du nepveu du roy. (ARRAS, c.1392-1393, 65). | |
| 9 | ...ne fut pas si beste (...) qu'il ne le vendist a bons deniers contens pour en faire ung esclave [Un homme n'accepte pas de conserver un fils adultérin] (C.N.N., c.1456-1467, 129). | |
| 10 | ...et [puis] que vostre courage est a cela que d'en faire vostre mary, a moy ne tiendra (C.N.N., c.1456-1467, 360). | |
| 11 | O Belzebut, d'enfer ministre, Et vous diables d'enfer maulvaiz, Charchés quelcun bon artumiste Qui sache d'un mal faire maiz, Et je luy donrey charge et faiz D'aler Herodïas tempter, Pour faire la mort actempter A Jehan baptiste, de Dieu voix. (Pass. Auv., 1477, 92). | |
| 12 | ...si convient il, s'elle veult garder honneur, qu'elle s'en deporte au moins, se ce n'est bien a son privé et non devant hommes, et doit estre par especial entre seigneurs et dammes ou chevaliers estranges ou autres gentilz hommes ; moult faire la sage, avoir contenance rassise, pou parler, et simplement regarder (CHR. PIZ., Trois vertus W.H., c.1405, 89). | |
| 13 | ...nostre gouge, auprès de son mary couschée, se commenca a plaindre et faire si tresbien la malade qu'il sembloit que une fievre continue luy rongeast corps et ame. (C.N.N., c.1456-1467, 134). | |
| 14 | ...[il] trouva maniere d'avoir entrée et faire le gracieulx envers leur dite hostesse (C.N.N., c.1456-1467, 386). | |
| 15 | Adonc tire frere Conrard, qui s'avançoit pour faire son personnage [Un moine demande à un autre de se substituer à lui] (C.N.N., c.1456-1467, 107). | |
| 16 | Je croy, dit le mary, qui la veoit a genoux, plorant et gemissant, qu'elle scet bien faire la chate moillée (C.N.N., c.1456-1467, 383). | |
| 17 | ...puis repaira aux logeiz et requist a ses freres qu'ilz lui baillassent le maistre de Rodes et ses gens pour faire l'avant garde. (ARRAS, c.1392-1393, 224). | |
| 18 | LE DRAPPIER. Il ne s'en fault que demie aulne Pour faire les six justement. (Path. D., c.1456-1469, 72). | |
| 19 | ...la belle meschine, pour faire des pastez, thamisoit de la fleur. (C.N.N., c.1456-1467, 117). | |
| 20 | Ces condicions a la parvifique en ses fais, comme seroit en faire une feste, donner .I. disner ou unes noces, ou en autre maniere de magnificence. (ORESME, E.A.C., c.1370, 247). | |
| 21 | Et (...) s'adreça à ung des serviteurs du roy aiant charge en sa cuisine de faire saulces (ROYE, Chron. scand., I, 1460-1483, 304). | |
| 22 | Et le landemain, par matin, manda a tous les cappitaines qui avoient gens dessoubz eulx qu'ilz venissent faire leur monstre. En ceste partie dit l'ystoire que, le lendemain, par matin, fu Uriiens, après la messe ouye, devant sa tente, et fist venir, l'un après l'autre, tous les cappitaines, pennon et estendart au vent, et leurs gens avec eulx, armez de toutes pieces, et eulx faire visiter comment ilz estoient armez (ARRAS, c.1392-1393, 108). | |
| 23 | Faire va ung marché au felon souldoyant, Dont il eust plus le cuer courroucié et dolent (Hern. Beaul. D.B., c.1350-1400, 20). | |
| 24 | Et tantost fist le cappitaine faire feu sur la garde d'un fallot, et puis cliner devers la mer, et quant la plus prouchaine garde le vit, si firent feu et le signe. Et ainsi le firent tant de garde en garde que il fu sceu par tout le royaume tantost. (ARRAS, c.1392-1393, 131). | |
| 25 | Enfans, dist Melusigne, veez cy deux anneaulx que je vous donne, dont les pierres ont une mesme vertu. Sachiez que tant que vous userez de loyauté, sans penser ne faire tricherie, ne mauvaitié, et que vous les ayez sur vous, vous ne serez desconfiz par armes, mais que vous ayez bonne querelle ; ne sort, ne enchantement d'art de magique, ne de poisons, de quelconque maniere, ne vous pourra nuire, que si tost que vous les regarderez, que ilz n'aient perdu toute leur force. (ARRAS, c.1392-1393, 84). | |
| 26 | ...s'il avoit bonne volunté de combatre et faire armes, elle n'avoit pas mains de desir de luy de lyer son emprinse (C.N.N., c.1456-1467, 146). | |
| 27 | ...il [le jeune clerc] estoit mieulx taillié de faire la besoigne que son mary. (C.N.N., c.1456-1467, 150). | |
| 28 | Dissurie est curee par faire saignee en la voine du tallon de la partie dedens. (SAINT-GILLE, A.Y., 1362-1365, 93). | |
| 29 | ...conduisez la chose au mieulx que savez, car je veil faire par vostre conseil et ordonnance. (C.N.N., c.1456-1467, 132). | |
| 30 | ...laissez nous faire entre nous aultres, nous vous aiderons bien a parfaire la farse. (C.N.N., c.1456-1467, 403). | |
| 31 | Ne vous chaille, dit elle ; laissez m'en faire, j'en cheviray bien. [Un homme craint que la famille de sa fiancée ne s'oppose à leur mariage] (C.N.N., c.1456-1467, 359). | |
| 32 | Laissez moy faire... (Sots triumph., c.1475, 36). | |
| 33 | L'ystoire dit que ly chevaliers fist faire un brief ou il mist toute la venue de Uriien et de son frere, et de leurs gens, et comment les freres avoient a nom, et de quel pays ilz estoient. (ARRAS, c.1392-1393, 93). | |
| 34 | Prenés ung poy - joyeux respit. Sans aultre crit Laisse Dieu faire, Car son desduit - vous doit complaire. (Pass. Auv., 1477, 242). | |
| 35 | SECOND DYABLE. (...) Alons mant, Car nous avons ailleurs a faire. (Mir. enf. diable, c.1339, 22). | |
| 36 | Et orent en conseil que le roy d'Anthioche et l'admiral de Cordes tendroient l'avant garde et tendroient le chemin de Rodes et y prendroient terre et la destruiroient, et le gallaffre et le soudant les suivroient ; par quoy, s'ilz avoient a faire, qu'ilz les secourroient. (ARRAS, c.1392-1393, 217). | |
| 37 | LE BOURGOIS. (...) Faites moy parler par amour Au pape un poy. PREMIER SERGENT. Qu'avez vous a faire a li ? (Mir. pape, 1346, 356). | |
| 38 | Et depuis, ot le roy d'Ausaiz a faire au conte de Fribourc et au duc d'Ostriche, et manda a Anthoine qu'il lui venist aidier (ARRAS, c.1392-1393, 195). | |
| 39 | J'ay a faire a ung entendeur... (Path. D., c.1456-1469, 144). | |
| 40 | Celui qui est de science ou d'art pratique qui tent a l'oeuvre, comme est le charpentier, se il mectoit plus de sa painne et de temps a enquerir et savoir les causes ou commencemens, la generacion, la nature du bois de quoy il a a faire que il ne fait a sa besoingne, il feroit que les choses qui sont hors l'oeuvre seroient pluseurs que les oeuvres. (ORESME, E.A.C., c.1370, 123). | |
| 41 | Et primierement, le ruyssiau de Gramaire, qui enseigne a proprement et congruement paller ; et de l'age d'enfent juques a tous ages, chascun en a a faire et en puet prendre et espuyser. (Songe verg. S., t.1, 1378, 334). | |
| 42 | ...il avoit aussi bien a faire de monstrer sa prouesse (Percef. III, R., t.2, c.1450 [c.1340], 284). | |
| 43 | Et tiens, qui en aroit a faire, qu'on la trouveroit aujourd'huy ou reng de noz cousines, en Avignon [À propos d'une jeune fille que l'amour a sauvée de la peste] (C.N.N., c.1456-1467, 350). | |
| 44 | Et, pour tant, ne donne point ce qui te fait mestier affin que après n'en ayes a faire (MACHO, Esope R., c.1480, 128). | |
| 45 | ...a l'heure extreme (...) qu'ilz ont a faire de la plus grande sapience qu'ilz oncques eurent... (COLART MANS., Dial. créat. R., 1482, 197). | |
| 46 | Et si vous avez a faire de quelque chose, demandez le, et je vous le feray delivrer. (Jehan de Paris W., 1494-1495, 49). | |
| 47 | Tous ces nobles chevaliers et escuiers se misrent en point grandement (...), car cognoissoient celuy a qui aroient a faire homme de grant valeur (CHASTELL., Chron. IV, D., c.1461-1472, 128). | |
| 48 | ...attendu que ledit cas est advenu d'avanture et qu'il n'y a eu riens paravant precogité, et aussi que à la fin des jours dudit deffunct, il pardonna audit suppliant ledit cas, en disant et recongnoissant qu'il ne l'avoit pas fait à son essiant, et que il ne vouloit pas qu'il en eust à faire pour lui ne pour les siens, mais que en sa conscience il aidast à ses enffans (...) il nous plaise sur ce lui impartir icelles noz grace et misericorde. (Doc. Poitou G., t.11, 1473, 348). | |
| 49 | Aller me fault sans plus attendre Ayder a l'oust des Angloys ; Lesquelz ainsi, comme je croix, Devant Orleans ont fort a faire. (Myst. siège Orléans H., c.1480-1500, 245). | |
| 50 | Et de vray, je scay vrayement Que noz gens y ont fort a faire ; Secourir les fault prestement Et courrir sur ceste bergiere. (Myst. siège Orléans H., c.1480-1500, 455). | |
| 51 | Je le t'accorde, Mais il convient faire en faisant. (Myst. Pass. Troyes B., a.1482, 706). | |
| 52 | Le Livre de Ethiques, c'est livre de bonnes meurs, livre de vertus ouquel il enseigne, selon raison naturel, bien faire et estre beneuré en ce monde. (ORESME, E.A., c.1370, 97). | |
| 53 | Et pour ce, elle qui parle, en entencion de bien faire, pour cuider refresner l'ire, courroux et male volenté de ladite Marion, li dist que elle se appaisast (Reg. crim. Chât., I, 1389-1392, 354). | |
| 54 | ...vous avez tort, qui pour bien faire me mettez sus telle villannie. (C.N.N., c.1456-1467, 463). | |
| 55 | Et c'est la cause pour quoy ce n'est pas fort de faire mal et de faillir a bien faire. (ORESME, E.A., c.1370, 162). | |
| 56 | ...si fist madame monter sur son lit, ce qu'elle eust volentiers refusé si ce ne fust pour mieulx faire. (C.N.N., c.1456-1467, 46). | |
| 57 | ...vous ne povez mieulx faire que de vous en despescher, car c'est grand chose de veoir ses enfans allyez en sa plaine vie. [Il s'agit de marier une fille] (C.N.N., c.1456-1467, 295). | |
| 58 | Le pouvre mary, qui tout avoit veu et oy, n'en povoit plus, s'il n'enraigeoit tout vif. Toutesfoiz, pour mieux faire que laisser, il avala ceste premiere [Un mari a surpris sa femme en flagrant délit d'adultère] (C.N.N., c.1456-1467, 321). | |
| 59 | Si m'est advis que mieulx on ne peut faire que d'abreger l'execution (C.N.N., c.1456-1467, 103). | |
| 60 | ...[il] print ce present (...) et s'offrit de faire le mieulx qu'il pourroit [Un homme doit transmettre un message en offrant un cadeau] (C.N.N., c.1456-1467, 237). | |
| 61 | Ceste maniere de faire dura beaucop et longuement (C.N.N., c.1456-1467, 217). | |
| 62 | ...[elle] jugea que maniere et façon de faire estoient sagement advisées, et ne povoient venir que d'homme bien sage. (C.N.N., c.1456-1467, 578). | |
| 63 | GABRIEL. (...) si la t'envoie [ta manne] par my, Pour partir a un sien ami, Qui par cy assez tost venra. TIERS HERMITE. Amis, le roy qui me forma Soit aourez de cest affaire. Je sui appareillié du faire A touz ceulx qui lui font honnour. (Mir. enf. diable, c.1339, 42). | |
| 64 | Huet, du faire ay cuer engrant : Par ton conseil en vueil ouvrer. (Mir. st J. Paulu, c.1372, 116). | |
| 65 | Entre son parler et son faire Distance il ne se pouroit faire (Myst. Incarn. Nat. L., t.1, c.1454-1474, 130). | |
| 66 | ...le nom n'est pas si beau que de chevaucher ; mais la maniere du faire vault trop mieux d'assez (C.N.N., c.1456-1467, 300). | |
| 67 | L'on me fait entendre que la façon du faire est tant plaisante que je plains et complains mon gent et jeune corps qu'il fault pourrir sans avoir eu ce desiré plaisir. (C.N.N., c.1456-1467, 348). | |
| 68 | Le dire et le faire sont deux. (MOLINET, Faictz Dictz D., 1467-1506, 200). | |
| 69 | ...en advertissant ledit Salvart que, se il advenoit que nostredit adversere ou ses gens feussent dedans ladicte ville, que il advisast comment l'on pourroit faire du chastel. (Chancell. Henri VI, L., t.2, 1427, 48). | |
| 70 | - Et comment en pourray je faire ? ce dit monseigneur. - Je les vous osteray, ce dit elle, tres bien [Une jeune paysanne demande au seigneur d'ôter ses bottes] (C.N.N., c.1456-1467, 157). | |
| 71 | Tantost que graces furent achevées et dictes, monseigneur, pour faire du bon mesnagier et du gentil compaignon, dist a madame... (C.N.N., c.1456-1467, 281). | |
| 72 | ...il ne savoit remede a son cas, fors de soy taire et faire du mort (C.N.N., c.1456-1467, 310). | |
| 73 | Pour faire trop de la gorriere, Telle cuide estre la premiere Qu'est la derniere de la dance. (Colin loue dép. Dieu T., c.1485, 175). | |
| 74 | Quel corbault ! Veulx-tu faire du rigoleux ["moqueur"] ? (Chaulder. T., c.1500, 204). | |
| 75 | Et pour ce doncq ne soyons en soucy D'aller a Napples pour faire du Rolant, Car tel se dit plus qu'Ercules vaillant Ains qu'il y soit, qui sera bien pesneux (LA VIGNE, Ress. chrest. B., 1494, 135). | |
| 76 | ...une femme appelle Jehennecte (...) est diffamée et a acoustumé à faire pour les compaignons (Ch. VI, D., t.2, 1385, 238). | |
| 77 | ...il (...) perceust tantost que la chambriere de leans estoit femme qui devoit faire pour les gens. (C.N.N., c.1456-1467, 120). | |
| 78 | ...cy a grant desconfors se les trahitres s'amordent ainsy a faire sur nostre linaige et ons les souffre (JEAN D'OUTREM., Myr. histors G., a.1400, 179). | |
| 79 | ...il luy devoit faire plus mal de l'avoir perdu [son diamant] qu'il ne faisoit audit Thomas, lequel n'y perdoit rien, car il luy avoit cher cousté. (C.N.N., c.1456-1467, 395). | |
| 80 | Mon ami, il n'y a que faire de entrer en la deansse, mais la façon est de en saillir a honneur. (LA SALE, J.S., 1456, 64). | |
| 81 | Entre son parler et son faire Distance il ne se pouroit faire (Myst. Incarn. Nat. L., t.1, c.1454-1474, 130). | |
| 82 | - (...) il est [nostre] filz. - Et comment se peut il faire ? dist le mary ; vous n'estiez pas grosse a mon partement. (C.N.N., c.1456-1467, 127). | |
| 83 | ...le plus abregeement que faire se peut, le bailly commende qu'on despesche nostre pouvre coquard (C.N.N., c.1456-1467, 451). | |
| 84 | PATHELIN. Par le sang bieu, il n'a cousté Que ung denier, quancqu'il en y a. GUILLEMETTE. Benedicite, Maria, Que ung denier ? Il ne se peult faire ! (Path. D., c.1456-1469, 84). | |
| 85 | Mon tres redoubté seigneur, plaise vous a moy dire que c'est, s'il se puet faire, et aussi se c'est chose que je doye savoir. (ARRAS, c.1392-1393, 20). | |
| 86 | ...se faire se povoit (MOLINET, Chron. D.J., t.1, 1474-1506, 622). | |
| 87 | Autres questions se pourroient multiplier et faire plus haultes, c'est assavoir de la procession du Saint Esperit et de l'erreur des grecs et assavoir se les grés sont en estat de salut, et se on puet oïr leur service, et participer avec eulx ? (GERS., Pent., p.1389, 84). | |
| 88 | ...le Roy a voulu, pour le bien commun, faire les translater en françois, afin que il et ses conseilliers et autres les puissent mieulx entendre, mesmement Ethiques et Politiques (ORESME, E.A., c.1370, 99). | |
| 89 | Car aussi comme li juglëeur luy avoit fait delectacion par le son de son instrument, l'autre par aventure avoit chanté ou dancié, ou faire li boire bon vin ou autre delectacion. (ORESME, E.A.C., c.1370, 453). | |
| 90 | Adont la damoiselle le fist mectre en une moult riche chambre, o lui dames, damoiselles et chevaliers et escuiers, pour lui faire oublier sa perte et sa merancolie. (ARRAS, c.1392-1393, 164). | |
| 91 | ...[il] savoit lequel faire, ou de soy encores celer (...) ou de soy prestement faire cognoistre. (C.N.N., c.1456-1467, 174). | |
| 92 | L'oste l'encueillit tresbien et le fist seoir, et sans se faire beaucop prier, il se fourre avecques nostre curé (C.N.N., c.1456-1467, 402). | |
| 93 | ...sans se faire trop importuner ne traveiller de requestes (...), il avoit ung demourant de couvrechefz qu'il leur donna. (C.N.N., c.1456-1467, 523). | |
| 94 | ...pour faire a faire a la dicte oye la roe [Éd : construction dialectale] (CHIQUART, Cuis. S., 1420, 147). | |
| 95 | Vous estes assez bien vestue ; vous avez des couroyes dorees, deulx ou troys. Ce n'est pas a faire a lever si grant estat ! Je vous prye, m'amie et ma compaigne, que souffissance soit nostre parement. (LA SALE, Sale D., 1451, 127). | |
| 96 | Et celui qui deffaut a resister as tristeces contre lesquelles pluseurs resistent et le peuent bien faire, il est mol et delicatif (ORESME, E.A., c.1370, 389). | |
| 97 | ...promis luy avoie en mon cueur, non pas de jamais moy marier, mais de le non faire encore (C.N.N., c.1456-1467, 170). | |
| 98 | ...je ne sçay penser ne lieu ne place ou ce se puisse faire [Deux amants cherchent un lieu propice] (C.N.N., c.1456-1467, 306). | |
| 99 | Item, la volenté de un homme est aucune fois ou regart de choses qui ne sont pas a faire par luy meïsme, si comme aucun peut vouloir que en un champ de bataille celui ait victoire qui faint estre champion et peut vouloir que celui ait victoire qui est vray champion. (ORESME, E.A., c.1370, 185). | |
| 100 | Vous m'affolez bien de ceste bigoterie. Et est ce a faire a vous de dire tant d'heures ? Ostez, ostez, laissez les dire aux prestres. (C.N.N., c.1456-1467, 271). | |
| 101 | ...nous avons intencion de combatre le soudant et mettre brief ceste guerre a fin, car pour ce sommes nous venus par deca. Par ma foy, monseigneur, dist le cappitaine, ce sera moult fort a faire, car Sarrasins sont plus de cent mille. (ARRAS, c.1392-1393, 99). | |
| 102 | Alons nous en tout constrant l'ost, sans eulx meffaire, et alons assaillir ceulx qui assaillent la ville, et je croy que, a l'aide de Dieu, ilz ne se pourront tenir contre nous. Et ceulx respondirent que c'est bon a faire. (ARRAS, c.1392-1393, 111). | |
| 103 | Le pays sera en grant orfenté de seigneur qui le gouvernera. Beaulx seigneurs, dist le cappitaine, il n'est pas tout perdu quanqu'il em peril gist. Ayez fiance en Jhesucrist, et Il vous gardera. Menez moy vers le roy. Par foy, dient cilz, c'est legier a faire. Il gist en celle chambre la. Chascuns y puet aler ainsi que s'il n'avoit mal ne douleur. (ARRAS, c.1392-1393, 114). | |
| 104 | ...[sauf] à icellui maire que ou cas que ycellui prisonnier ne prouveroit sa noblesse par lui alleguée, qu'il lui feust rendus comme son subjet et justiçable, et prins en sa haulte justice, en requerant à mons. le prevost que, pour ce faire, il lui donnast terme tel qu'il verroit convenir (Reg. crim. Chât., I, 1389-1392, 3). | |
| 105 | Ce fait, dit fu et deliberé par l'oppinion desdiz conseilliers que briefment l'en se informast de l'estat dudit prisonnier. Et ad ce faire fu commis ledit maistre Hutin de Ruit, et que l'informacion sur ce par lui faitte il rapporte (Reg. crim. Chât., II, 1389-1392, 77). | |
| 106 | ...[il] eut bien le courage, après les premisses dont ces amoureux scevent les femmes abuser, luy demander a faire pour l'amour de Dieu. (C.N.N., c.1456-1467, 105). | |
| 107 | Se tu estois une sepmaine, Voire trois jours, sans me le faire, J'aurois le cueur de te deffaire, S'il n'y avoit excusation. (Nouv. mar. T., c.1490-1500, 103). | |
| 108 | Quoy ! y le veult faire à ma femme. (Gent. moun. T., c.1500, 375). | |
| 109 | NAUDET. (...) J'ayme beaucoup moeulx vous le faire Trois fois, que vous en dire un mot. LA DAMOYSELLE. Tu ne sçaurois ; tu es trop sot. NAUDET. Je ne sçaurois ! Hau ! quel raison ? Et je le fais bien à Lison Tous les jours six ou sept foys. (Gent. Naudet T., c.1500, 291). | |
| 110 | LA MERE commence. Par la croix Dieu, j'aymeroys myieulx Luy avoir crevé les deulx yeulx Que je n'en eusses la raisson. Faire en ma fille en sa maisson, Et puys dire pour tout potage : "Y n'y a poinct de tesmoingnage Pour le preuver" : on le voeyra ! (Mère Ofic. T., c.1500, 91). | |
| 111 | Je vouldroye bien faire cela Mais que mon amy me le fist Car j'en feroye mieulx mon prouffit Que quant on me despucela. (Parn. sat. S., a.1500, 56). | |
| 112 | ...et à un autre jour retourna par nuit oudit hostel, et monta par dessus les murs comme dit a dessus, maiz n'y pot et ne osa riens faire, pour les chens de leans qui l'abayerent trop fort. (Reg. crim. Chât., I, 1389-1392, 20). | |
| 113 | Mais au port estoit le cappitaine du lieu a tout bons pavaiz et bons arbalestriers et bons sergens, qui si vaillaument deffendoient le port que Sarrasins n'y povoient rien faire. Et regretoit moult le gallaffre et le roy Braidimons les vaisseaulx qui estoient esgarez par la tourmente, ou leur artillerie estoit toute ou le mieulx. (ARRAS, c.1392-1393, 131). | |
| 114 | Messeigneurs,vous dictes tres bien Est bien advisé en ce cas. Il fault faire ou ne faire rien Et y advisez hault et bas. (Myst. siège Orléans H., c.1480-1500, 121). | |
| 115 | Et lors se lieve Remondin, et le prist [Olivier] par les deux piez, et le traine jusques aux lices, et puis le boute hors, et retourne, et vint devant l'eschaffault du roy, la visiere levee, en lui disant : Sire, ay je fait mon devoir ? Se j'ay rien plus ["autre chose"] a faire, je sui prest de faire mon devoir, au regart de vostre noble court. (ARRAS, c.1392-1393, 64). | |
| 116 | ...un prestre curé (...) vint par devers sondit maistre, lui requist qu'il lui baillast un de ses varlès, pour mener avecques lui en sondit hostel ouvrer et lui faire certaines choses qu'il avoit à faire. (Reg. crim. Chât., I, 1389-1392, 132). | |
| 117 | ...et cuidoit entrer et monter ès chambres de leans, maiz il n'y pot ne osa monter, pour les chens de leans qui l'abayerent, etc.., et s'en ala sanz autre chose faire. (Reg. crim. Chât., I, 1389-1392, 21). | |
| 118 | ...et ycellui attaindrent environ la place aus Chas, en laquelle place il le abatirent à terre de plusieurs cops de bastons qu'il lui donnerent, sanz autre chose lui faire, pour la multitude des gens qui illec survindrent (Reg. crim. Chât., I, 1389-1392, 101). | |
| 119 | Non, par foy, dist cellui gentilz homs, sans la grace de Dieu ne puet on gaires faire, mais avecques ce se fait il bon aidier qui puet et qui scet. (ARRAS, c.1392-1393, 148). | |
| 120 | Adont se lieve moult mal talentiz, et prent un grant levier entre ses poings, un fort vilain auroit assez a faire de le lever. (ARRAS, c.1392-1393, 263). | |
| 121 | ...disant au surplus qu'elle estoit la seule en vie pour qui plus vouldroit faire. [Un homme déclare son amour à une femme] (C.N.N., c.1456-1467, 256). | |
| 122 | Adonc faut monter en l'arbre et faire tant que l'en viengne en la plache ou il [le faucon] perche (HENRI FERR., Modus et Ratio, Livre deduis T., c.1354-1377, 272). | |
| 123 | ...ilz arriverent environ heure de nonne, demanderent aus habitans d'icelle ville et voisins dudit curé qu'ilz voulsissent tant faire par devers ledit curé qu'ilz eussent icelle fille, et que se par amours ilz ne l'avoient, qu'ilz feroient tant, feust par force ou autrement, qu'ilz l'auroyent. (Reg. crim. Chât., II, 1389-1392, 236). | |
| 124 | Ne l'en ne doit faire chose a autrui Qu'on ne vosist que l'en feïst a lui (MACH., J. R. Beh., c.1340, 77). | |
| 125 | Certes, c'est faire contre la Loy naturele et divine en laquelle il est dit que nul ne doit faire a aultruy for ce que il voudret que l'en luy fait (Songe verg. S., t.1, 1378, 51). | |
| 126 | Et lors se drece, et prent congié a ses deux seurs et a ses nepveux, et dist: Beaulx seigneurs, on ne doit pas actendre a lendemain ce que on puet faire au soir. (ARRAS, c.1392-1393, 283). | |
| 127 | ...fu par ledit mons. le prevost demandé ausdiz presens conseillers leurs advis et oppinions qu'il estoit bon de faire dudit prisonnier. (Reg. crim. Chât., I, 1389-1392, 136). | |
| 128 | ...il se doubtoit tresfort de ce qui estoit. Mais la maniere comment se povoit faire, il ne le povoit ymaginer (C.N.N., c.1456-1467, 493). | |
| 129 | ...disant que sondit amy Hainsselin estoit fiancé de nouvel, et que elle ne povoit vivre ne durer de la grant ardeur d'amour que elle avoit à lui, et que elle ne savoit que faire, que dire ne que devenir (Reg. crim. Chât., I, 1389-1392, 354). | |
| 130 | Quant Hermine ouy celle nouvelle, elle ot si grant joye ou cuer qu'elle ne scot que faire. (ARRAS, c.1392-1393, 116). | |
| 131 | Et bon mary, qui de dueil se creve et fend, ne scet que faire de soy descouvrir (...) Il n'en fist rien neantmains [Revêtu d'un habit de prêtre, un mari reçoit la confession de sa femme infidèle] (C.N.N., c.1456-1467, 464). | |
| 132 | Quant Gieffroy au grant dent l'ouy dire ceste parole, si lui a dit: Va t en a tes roys, et a tes soudans, et a ton gallaffre, et leur dy que s'il n'y avoit que moy et mes gens, si les yroye je combatre, et leur dy que de leurs trieves n'avons nous que faire. (ARRAS, c.1392-1393, 223). | |
| 133 | Gardez vous de trop menacier ne vanter, mais faictes vostre fait a pou de paroles ce que faire se pourra. (ARRAS, c.1392-1393, 153). | |
| 134 | Qu'as tu a faire se on en parle ? Tieulx parleurs ne te peuent grever. (CHR. PIZ., Trois vertus W.H., c.1405, 13). | |
| 135 | Pierres, tu quiers tousjours la noyse ; Tu t'en pourras bien repentir. Chascun puet et veoir et sentir Que homme mort ne se puet bougier. S'il ne puet boire ne mengier, Puis qu'il se muet, qu'en ay je a faire ? (Mart. st Pierre st Paul R., c.1430-1440, 127). | |
| 136 | - (...) vous me ferez compaignie, s'il vous plaist. - Ha ! monseigneur, dist elle, il ne se peut faire ainsi. (C.N.N., c.1456-1467, 123). | |
| 137 | ...s'il vous plaist ceans laisser cest enfant, je vous promectz, par ma foy, s'il vous plaist ainsi faire, je vous donneray le premier que j'aray jamais. (C.N.N., c.1456-1467, 149). | |
| 138 | ...ne doubtez que je n'y garde mon honneur, comme une bonne fille doit faire ! (C.N.N., c.1456-1467, 172). | |
| 139 | ...je vous feray faire des oeufs en plus de cent mille manieres (C.N.N., c.1456-1467, 581). | |
| 140 | ...devant tous les assistens luy fist faire sa barbe et cheveulx (C.N.N., c.1456-1467, 533). | |
| 141 | Et aussi, mes chiers seigneurs, vous m'avez envoié, de vostre bonne grace et franchise, le roy d'Ausaiz, mon ennemy, dont plaise vous assavoir que je ne suiz mie celle qui vueille ne doive prendre pugnicion de lui ne lui retenir prisonnier ; mais il en appertient a vous d'en faire vostre bon plaisir, qui avez eu la peine et le peril de le conquester ; si vous doit demourer, car c'est raison. (ARRAS, c.1392-1393, 166). | |
|
