A. -

[Correspond à exploiter A ; idée d'accomplissement, d'action, de réalisation]

1.

"Accomplissement"

a)

"Accomplissement de qqc." : Sire roy, pour atteindre en bref L'exploit de tout nostre desir, Est vray que Dieu, par son plaisir, Nous a procrëé une estelle De Jacob, moult luysant et belle (Myst. Pass. Troyes B., a.1482, 284).

b)

"Chemin parcouru"

-

Exploit de journees. "Accomplissement, généralement empressé, d'un trajet de plusieurs jours" : ...lequel [le duc de Bourgogne] aprés esploit de longues journees [ses ambassadeurs] trouverent en Braibant en sa ville de Bruselles, la ou tout lui racompterent ce que avez oÿ (CHASTELL., Chron. IV, D., c.1461-1472, 211).

-

Prov. Il n'est exploit que du matin. "Il faut partir de bon matin pour faire une bonne étape" : Il n'est exploit que du matin, Au mains es jours de maintenant Qui sont court et mal cheminant (Dit prunier B., c.1330-1350, 59). Monseigneur, ne vous courouchiés pas, - dist Jehan - car, avant que et vos besongnes soient apprestees, le jour serra bien prez venu, et vous avez maintes fois oÿ dire qu'il n'est exploit que du matin, au moins es jours de maintenant, quy sont cours et esquelz l'en ne peut gaires cheminer. (Jehan d'Avennes F., c.1465-1468, 25).

c)

[En parole] "Consignation, récit" : Que vous feroye jou de court plait long exploit ! (Cip. Vignevaux W., p.1400, 155).

2.

"Action, entreprise"

a)

"Résultat de l'action d'exploiter ("réaliser"), en relation explicite avec le verbe exploiter" : Et moustra au dit monsigneur Gautier tout ce que il avoit fait et esploitié. Douquel esploit et saufconduit messires Gautiers de Mauni eut grant joie. (FROISS., Chron. L., IV, c.1375-1400, 7). Si trouva le dit prince à Bourdiaus, à qui il recorda tout son voiage et comment il avoit esploitié. Li princes, qui le creoit et amoit, se tint bien à contens de son esploit et de ce voiage. (FROISS., Chron. L., VI, c.1375-1400, 216).

b)

[La valeur positive ou négat. de l'action évoquée est précisée par un adj., à défaut par le contexte] : Sire droit emperiere, dist cil, mal va l'exploit (Renaut Mont. B.N. V., c.1350-1400, 217). Le fort roy d'Ammarie lui compta les explois, Comment il print Phillippe qui de Hongrie est roix, L'empereur d'Alemengne aveucques maint Hongrois. (Cip. Vignevaux W., p.1400, 148). ...aussi s'il avenoit que aucuns envieux voulsissent quelque chose machiner contre elle, ilz ne souffriroient passer en conseil ne en esploit riens a son prejudice, et desmouvroient le prince se il estoit mal infourméz, ou aucuns autres (CHR. PIZ., Trois vertus W.H., c.1405, 68). ...et autres pluseurs exploiz, tors, griefs, excès, abus et entreprises à declairer plus à plain en temps et en lieu. (BAYE, II, 1411-1417, 106). Et pour ce, encores à propos revenir de ces populaires, des quelz proces seroit sans finer dire de tous les mauvais esplois de leurs fureurs, non mie que je les aye touchiéz, ne voulsisse ramentevoir pour leur nuire (CHR. PIZ., Paix W., 1412-1413, 132). Dieu de ses exploiz le vueille punir, car il le a bien desservy ! (ROYE, Chron. scand., I, 1460-1483, 12). Quel nom doncques lui imposerons nous [au roi Charles VII défunt], o vous les inspecteurs des choses (...) ? Qu'en direz vous, vous ses familliers qui savez de ses explois, qui avez veu sa dilligence et activité en employ de temps (...) ? (CHASTELL., Chron. IV, D., c.1461-1472, 318).

-

Faire tel exploit : D'aler contre le roy, vous feriés fol esploit (Renaut Mont. B.N. V., c.1350-1400, 217). Vassaulz, fait avez mal esploit Qui le noble roy Hughe avez ochis tout froit... (Hugues Capet L., c.1358, 75). En ce terme, eut li rois aultre conseil par l'enort et information de monsigneur Godefroy de Harcourt, qui li consilla, pour le mieulz et faire plus grant esploit, qu'il presist terre en Normendie. (FROISS., Chron. L., III, c.1375-1400, 131). "...De fouler ma baniere feïstes mal esploit. " Dieu ! L'ennoia cha jus et lui en desplaisoit, Quant ung felon traïtre ainsi la vieutissoit. (Cip. Vignevaux W., p.1400, 129). Destriver a mon fils avés fait pour ce exploit (Cip. Vignevaux W., p.1400, 174). ...li Englois (...) ne faisoient autre esploit que de ardoir le plat pais. (FROISS., Chron. D., p.1400, 324). Quant les desloyaulx Pisains orent fait cel esploit, ilz doubterent l'ire du mareschal (Bouciquaut L., 1406-1409, 320). ...l'Université, en adherant ou soy adjoingnant à l'archevesque de Rouan, avoit appellé en Parlement de certains explois, griefs et denéez de droit faiz par le bailli de Rouen, ou son lieutenant, ou prejudice de l'Université (FAUQ., III, 1431-1435, 93). Nous avons fait ung bon exploict D'avoir ses souldars corrompus ; Autrement, nous estions rompus Et nostre fait tout esclandy. (Myst. Pass. Troyes B., a.1482, 903).

-

À l'exploit. "Dans l'action, quand il s'agit d'agir" : Proesce fait aux nobles assavoir, Qui ont le cuer de suyvre sa banniere, Que nul ne peut par elle pris avoir N'estre receu a sa grant cour plenniere S'il n'a en soy trop plus fait que maniere, Sens pour choisir bon parti justement Et, a l'exploit, conduite et hardement, Ferme propos et arresté courage, Diligence, secret et peu langage (CHART., B. Nobles, c.1424, 400). Pour ce, barons et amys famyliers, Trouvez moy gens par cens et par milliers Pour excercer mon emprise armigere : De gentilz hommes et nobles chevaliers, Archiers, pietons, oultrageux coustilliers Qui a l'exploit ayent la main legiere. (LA VIGNE, S.M., 1496, 155). Pugnais, puans, vous faictes des vaillans, Mais a l'exploit rien ne se determyne, Car au besoing estes tous deffaillans. (LA VIGNE, S.M., 1496, 224).

-

Avoir exploit qq. part. "Agir qq. part ; exercer ses fonctions qq. part" : Par quoy, quand le bannissement estoit fait dudit chevalier, le duc [de Bourgogne] ne lui vea pas son pays de Flandre, pensant que droit la aiseement on ne le porroit venir querre pour executer, car a grant dur y avoient esploit les sergans du roy, sinon par souffrance du prince ou par son exprés commandement. (CHASTELL., Chron. IV, D., c.1461-1472, 222). Quel nom doncques lui imposerons nous [au roi Charles VII défunt], o vous les inspecteurs des choses (...) ? Qu'en direz vous, vous ses familliers qui savez de ses explois, qui avez veu sa dilligence et activité en employ de temps (...) ? (CHASTELL., Chron. IV, D., c.1461-1472, 318).

-

Exploit de bourreau. "Oeuvre de bourreau, exécution" : Oudit moys d'Aoust, oudit an mil IIIIcLXXVII, advint que ung jeune filz bourreau à Paris, nommé Petit Jehan, filz de maistre Henry Cousin, maistre bourreau en ladicte ville de Paris, qui desja avoit fait plusieurs exploiz de bourreau, et entre les autres avoit coppé le col de messire Loys de Lucembourg, connestable de France, fut tué et murdry en ladicte ville de Paris au pourchas d'un menuisier nommé Oudin du Bust, natif du pays de Picardie, qui avoit conceu hayne mortelle contre ledit Petit Jehan (ROYE, Chron. scand., II, 1460-1483, 58).

-

"Résultat (de qqc.)" : Et pour faire une abhominable somme de mes males mescheances infinies, je ne voy autre demourant ou exploit des longues guerres de ce royaume, si non terres en fresche et pays inhabité, multitude de veufves et d'orphelins chetifz, mendians et desolez, et mutacion de biens, qui des mains de ceulx qui les ont gaignez sont transportéz aux plus fors et ravissans. (CHART., Q. inv., 1422, 22). Et les gouverneurs de France entretenoient le jeune Roy franchois en la hayne de ceste maison, [et] faindant de vouloir appaisier le different d'entre le Roy, vostre pere, et ses subjectz rebelles, [envoyerent] notable ambassade qui riens ne proffita, et furent pluseurs journées tenues sans fruit et sans exploit. (LA MARCHE, Mém., I, c.1470, 168).

-

[Pour marquer la tension d'une entreprise jusqu'à son aboutissement] Ne faire autre exploit que de + inf. "Faire des efforts en vue de" : ...li Englois (...) ne faisoient autre esploit que de ardoir le plat pais. (FROISS., Chron. D., p.1400, 324).

.

Faire tant par son exploit/parmi son exploit que : Chis Jaques Lambes, en ce temps, arriva en Bretaigne et fist tant par son esploit que il vint en Poito. (FROISS., Chron. R., IX, c.1375-1400, 75). Les chevaliers emprunterent chevaulx et firent tant parmi leur bon esploit que ilz vinrent celle nuit à La Calongne, où il y a XIIII. grandes lieues et divers pays. (FROISS., Chron. M., XII, c.1375-1400, 310).

c)

"Affaire, différend, querelle" : Seigneurs, trop desplaire me doit Que guerre a Charlon avez par nul esploit (Gir. Vienne D.B., c.1350-1400, 143).

-

"Voie de fait, acte de violence" : Item, laisse le Mortier d'or A Jehan, l'espicier, de la Garde, Une potence de sainct Mor, Pour faire ung broyer a moustarde. Et celluy qui fist l'avangarde Pour faire sur moy griefz exploiz : De par moy, saint Anthoine l'arde ! - Je ne luy feray autre laiz. (VILLON, Lais R.H., c.1456-1457, 27).

-

En partic. Exploit d'armes/de bataille/de guerre. "Action, entreprise militaire" : Chil signeur (...) desiroient a faire auquns esplois d'armes (FROISS., Chron. D., p.1400, 321). Et disent adonc à leurs connestables que il n'estoient mies adonc ordonné pour nul grant esploit de bataille. (FROISS., Chron. L., III, c.1375-1400, 175). ...cil chevalier (...) dissoient que, avoecques l'aide et le confort des Escos, il aroient une bonne saison et feroient un grant esploit d'armes sus leurs ennemis en Engletière. (FROISS., Chron. R., XI, c.1375-1400, 199). Sur ce courroux, se mist aux champs ledict duc et print son chemin vers Nesle en Vermandoys et commança exploict de guerre ort et mauvais, et dont il n'avoit jamais usé: c'estoit de faire mectre les feux partout où il arrivoit. (COMM., I, 1489-1491, 226). ...Mais tost aprés ung certain poste vint Qui apporta de tres bonnes nouvelles. Telles estoyent qu'Orleans et les siens Avoit deffait le prince de Tharente Et de ses gens, tant jeunes qu'ancïens, Lïez, baguez, admenoit bien quarante. L'exploit survint droictement sur la mer Qui aux François fut chose assez saulvaige, Car a grant peine eurent lieu d'eulx armer, Ne d'aprocher tant soit peu le rivaige. (LA VIGNE, V.N., p.1495, 174).

.

[D'une arme, d'une troupe] Faire tel ou tel exploit. " Être plus ou moins efficace" : ...et aussi les longues espées que avoient noz archiers et serviteurs firent grant exploict. (COMM., III, 1495-1498, 186). Combien que par la terre feïssent poy d'exploict, par mer avoient fort aidé aux roys Ferrand et Federic, car Cecille est voisin du royaulme de Napples d'une lieue et demye, à l'endroit de Regis en Calabre (COMM., III, 1495-1498, 282).

d)

Loc. adv.

-

À (grand) exploit. "Avec ardeur, avec énergie, avec empressement" : Tout ainsi que Berinus s'en aloit complaignant et dementant, il encontra en une ruelle, sur l'eure de soleil rescoussant, un homme qui sembloit contrais, qui venoit vers lui a grant exploit sur deux escames. (Bérinus, I, c.1350-1370, 56). Chil de Paris sont tout issu à grant esploit (Hugues Capet L., c.1358, 75). Mys se sont au chemin a forche et a exploit. (Flor. Rome W., c.1330-1400, 152). "...Il convenroit refaire se chastel si endroit ; (...)." Et il ont respondu : "Regnaut, vous dites voir." Lors i firent ouvrer a forche et a esploit (Renaut Mont. B.N. V., c.1350-1400, 213). Payens s'en vont aux armes a force et a esploit (Hern. Beaul. D.B., c.1350-1400, 84). Quant il furent tout oultre, il cheminèrent à grand esploit et passèrent desous Haindebourch. (FROISS., Chron. L., II, c.1375-1400, 121). Sitos que ces gens d'armes furent là embatu, arcier commencièrent à traire à esploit. (FROISS., Chron. L., V, c.1375-1400, 35). Ly ost se desloge et se met a chemin. La peussiez oïr grant effroy. L'avant garde chevauche a exploit, laquelle conduisoit le roy d'Ausay et Regnault de Lusignen, montez sur un hault destrier lyart, armez de toutes pieces, excepté le bacinet (ARRAS, c.1392-1393, 174).

-

Bon exploit : PREMIER CHEVALIER. Sire, nous ferons bon esploit Vostre conmant. (Mir. st J. Cris., c.1344, 274). L'ESCUIER. Ma dame, g'y vois bon esploit, Quant le voulez. (Mir. nonne, 1345, 342). LE VALLET. Berthe, entrez leens bon exploit. (Mir. enf. ress., 1353, 21).

e)

"Action remarquable" : ...et par ce fut renommé par tout le monde icelui Themistocles, pour l'exploit de sa science de astrologie. (SIMON DE PHARES, Astrol., c.1494-1498, f° 46 v°).

-

"Fait d'armes" : Il en jura Jhesus (...) S'il issent de Paris, il fera tel esplois Que sur yaulz en toura ly mortéulz anois. (Hugues Capet L., c.1358, 150). Chil signeur (...) desiroient a faire auquns esplois d'armes (FROISS., Chron. D., p.1400, 321). ...seigneurs du sanc de France et officiers (...) qui ne sont point es frontieres ne ne font ung exploit de guerre (JUV. URS., Nescio, 1445, 533).

-

[En cont. érotique] : ...du petit exploit d'armes que fist le dit prince (C.N.N., c.1456-1467, 7). ...elles estoient si parfond enracinées es cueurs des ambedeux parties par les exploiz qui s'en estoient ensuyz, que impossible estoit les desrompre [À propos d'amours illégitimes] (C.N.N., c.1456-1467, 441).

3.

DR.

a)

"Décision de justice, acte judiciaire"

-

Faire un exploit. "Notifier une décision de justice" : ...nous voulons et otraions que l'expleit que nous avons feit par noustre court de Laval de avair forbennie Johenne la dicte [ou Forrée], laquelle avoit esté jugiée par la court au priour de Saint-Martin de Laval à essoreillier (...) ne portege poaint de prejudice audit priour (Cartul. Laval B., t.2, 1336, 202). ...par noz lettres aionz commis et donné povoir à nostre amé et feal chevalier, Itier, seigneur de Maignac, nostre capitaine souverain ès parties de Poitou, (...) de faire certainz explois (Doc. Poitou G., t.2, 1340, 176). Ouquel ledit prisonnier fu mené à son derrenier tourment, et illec, en la presence de Aleaume Cachemarée, clerc juré de la prevosté de Paris, commis par ledit mons. le prevost à estre present à faire fere l'exploit et excecution de la personne dudit prisonnier, et excecuter le jugement contre lui oujourd'uy prononcé (Reg. crim. Chât., II, 1389-1392, 107). ...par lesquelles soit mandé à faire certains emprisonnemens et autres exploiz déclariez èsdictes lettres ausquelles je me rapporte. (Ch. VI, D., t.1, 1395, 127). ...[je] me transportay en la ville de Maisieres et appellay avecques moy, pour veoir faire mes explois, Willaume de Muertin, prevost de Maisieres (Trés. Reth. S.L., t.2, 1395, 419). Lors l'infourmation de ces bonnes preuves avoit, Et puis en parlement se causse raportoit. Et on li commanda qu'il en fesist l'esploit (Geste ducs Bourg. K., c.1410-1419, 366). Oudit temps, advint à Paris ung grant debat entre les gens et officiers du roy en sa Chambre des Aides à Paris et ung des bedeaulx de l'Université d'icelle ville, pour ung exploict fait par ledit bedeau à l'encontre de deux conseillers de ladicte Chambre des Aides : pour lequel exploict ledit bedeau fut constitué prisonnier en la conciergerie du Palais royal, audit lieu de Paris. (ROYE, Chron. scand., I, 1460-1483, 9).

-

Exploit possessoire. "Action judiciaire par laquelle on tend à être maintenu ou réintégré dans la possession d'un bien" : Retorner me fault brefvement En nostre infernal consistoire, Pour reciter tout amplement Ma commission peremptoire. J'ay fait mon exploit possessoire Tant bien et sy notablement Qu'on en fera feste et memoire En enfer eternellement. (Myst. Pass. Troyes B., a.1482, 71).

-

Faire exploit de justice : ...aucun sergent du Roy ne puisse ou doie, par commission ou autrement, en la dicte ville d'Arras faire adjornemens ou aucuns exploiz de justice, sans appeller premierement et sommer le bailli d'Arras ou son lieutenant et les eschevins de la dicte ville (Hist. dr. munic. E., t.1, 1354,,, 344). ...vous et vostre sergent estes entréz en le maison d'un de leurs bourgois nommé Hue Paulz et y fait ou fait faire exploit de justice, et depuiz pris un leur bourgois (Hist. dr. munic. E., t.3, 1363, 402). ...nous voulons et vous mandons que vous vous deppourtez oudit grenier de Bourbon Lanceiz et parroiche d'Issy l'Evesque, en mettant au neant et faisant cesser tous les exploits et executions et procedures qui pourroient avoir sur ce [esté] faictes par vous ou voz commis par vertu de vostre dicte commission (Lettres Louis XI, V.M., t.10, 1479, 421).

-

"Décision d'une juridiction religieuse" : Et pour ce a requis le procureur du Roy que ledit derrain arrest soit baillié, delivré et executé reaument et de fait, et oultre que, precedent informacion, ceulz qui ont apporté citacions, excommuniemens et autres bulles et explois de ladicte Court de Romme soient prins et emprisonnez, et lesdis explois apportez ceans pour en ordener, ainsi qu'il appartendra par raison, ou autrement soit pourveu sur ce par la Court, tellement que ses arrestz soient executez et le droit dudit cas de nouvelleté gardé et defendu, ainsi qu'il semblera à la Court. (FAUQ., II, 1421-1430, 231). Et oultre ordonne ycelle Court que s'aucunes citacions, monicions ou autres explois de court d'eglise sont trouvez touchant ceste matiere, ilz seront prins et mis en la main du Roy et apportez par devers la Court de ceans pour estre ordené sur ce ainsi qu'il appartendra (FAUQ., II, 1421-1430, 354).

b)

En partic. "Acte judiciaire (pour assigner, notifier, saisir) dressé et signifié par un représentant de l'autorité judiciaire" : ...je leur fis commandement, de par le Roy nostredit seigneur, qu'ilz signifiassent et feissent savoir mondit explois ausdis Jaques de Bornonville et damoyselle Marguerite, sa femme (Trés. Reth. L., t.3, 1432, 120). ...et ces drois demaines comme cens, rentes, explois de justice et semblables se doivent payer (JUV. URS., Verba, 1452, 267).

c)

"Acte écrit notifiant une décision judiciaire" : ...comme ches choses (...) sont plus adplain desclairées és dites lettres du roy (...), commission, rellacion, et exploix de ce faisans mencion. (Cartul. Beauv. L., 1392, 686). ...pour la copie du raport des jurez qui furent menés sur le lieu, 4 s. p., pour six memoriaux dependans de la cause, 2 s. p., et pour les traictiés et accors fais entre ladicte ville et ledit Bourdin, 8 s. p., montent lesdites parties comme il appert par lesdits exploits (Comptes Paris V.L.D., t.1, 1442-1443, 344). ...a declairie plus aplain quant mestier seroit, iceulx [griefz] veoir corrigier reparer (...) et mettre au neant (...), et proceder (...) selon raison comme es explois de ce faisant mencion estois plus aplain contenu (Comptes Doullens W., 1466, 15).

d)

Exploit (de justice). "Redevance liée à des actes judiciaires" : Tout li frait que on fera u pora faire en ces voies, tautes fois quantes fois que ce eskera a faire, seront et deveront iestre pris sur le partie ki en tort sera trouvée, sans riens de ce jour en avant prendre por ces voies, se faire les convenoit, sour le dite ville ne dou catel d'icelle, soit de le massarderie ne des esplois de le mairie de le dite halle (Drap. Valenc. E., 1353, 315). ...les quieulx baillent la moitié des dites confiscacions, exploiz et amendes à celi ou ceulx à qui il appartendra (Pouv. réform. D., 1357, 81). La Court a dit et ordonné audience au premier jour de juillet prouchain venant en la cause de ceulx de Perdriach contre le conte d'Armignac, lequel, se lors n'est prest, la Court donra exploit tel qu'il appartendra (BAYE, I, 1400-1410, 324). De Pierre du Bos, bailli et receveur de la seignourie, explois et hommaiges de Tenremonde, gisans es chastellenies de Lille, Courtray et du Tournesiz, pour son rest de ladicte Renenghe (Comptes Etat bourg. M.F., t.3, 1416-1418, 28). La Court ordonna que maistre Nicolas de l'Espoisse, qui avoit esté restitué en son office de greffier et registreur des presentacions, le IJe jour de ce moys, peust signer et signeroit toutes lettres, actes, explois qu'il devoit faire et feroit à cause de sondit office de greffier (FAUQ., I, 1417-1420, 170). De messire François de Haveskerke, chevalier, bailli de Gand, sur ce qu'il puet et pourra devoir à monseigneur à cause des explois de son office (Comptes Etat bourg. M.F., t.3, 1418-1420, 464). Ce jour, fu ordonné par maniere de provision que on feroit arrester et lever de par la Court une amende de LX livres parisis sur les explois et amendes de ladicte Court pour emploier et convertir ou paiement du parchemin qu'il convenoit avoir aux greffiers d'icelle Court pour faire les lettres, arrestz et registres de ladicte Court (FAUQ., II, 1421-1430, 159). Et a demaines ordinaires, tant de vous que de vos vassaulx et subgetz, car tout en effect est tenu de vous, et ces drois demaines comme cens, rentes, explois de justice et semblables se doivent payer, et se on les reffuse on peut contraindre les debteurs. (JUV. URS., Verba, 1452, 267). ...avons octroyé ausdiz religieux (...) qu'ilz (...) preignent doresnavant par leurs mains et simple quictance les deniers des amendes et exploiz de justice de la conté de Boullenois (Lettres Louis XI, V., t.8, 1479, 4).

-

"Revenus liés au pouvoir de juridiction (ici d'une évêque)" : ...n'osa comparoir ledit nepveu [favori du roi de France pour l'évêché de Tournai] ou lieu de son benefice ne prendre possession d'icellui, non obstant la faveur du roy, ne ycellui de Saint Bertin [favori du duc de Bourgogne pour ce même évêché] soy trouver en Tournay, la ou tout lui estoit contraire, non obstant que tout le dehors estoit en sa main et en son nom conduit et gouverné, mes tout l'argent des escheances, explois et fruis appartenans a la prelature mis en main sequestre au proffit du possessant dernier. (CHASTELL., Chron. IV, D., c.1461-1472, 271).

B. -

[Correspond à exploiter B ; idée d'utilisation, de profit tiré de qqc.]

1.

"Avantage"

a)

"Avantage, chance" : Si singlèrent ce premier jour à l'ordenance de Dieu et dou vent et des maronniers, et eurent assés bon esploit pour aller devers Gascongne, où li rois tendoit à aller. (FROISS., Chron. L., III, c.1375-1400, 131). Lez nuyts leur ont esté trop courtes pour leurs desvergondees plaisances, et lez jours trop briefz pour dormir es litz sans exploit proufitable. (CHART., L. Esp., c.1429-1430, 66).

b)

"Avantage, profit financier" : ...s'il plaist Dieu que je trespasse Prengne de vous chascun et face Pour soy tel esploit de mes biens Que chargée n'en soit de riens Pour vous mon ame. (Mir. mère pape, c.1355, 373). Cependant que ledit grant maistre fut esditz pays de Rouergue, Armignac et pays de par delà, il usa du povoir de lieutenant general du roy, en donnant graces, abolitions, remissions, confiscations et autres telz et semblables explois. (LE CLERC, Interp. Roye, c.1502, 249).

-

"Salaire, gain" : Nostre besongne est bien sortye, Mais que l'exploict soit aloué. ["Nos affaires ont bien marché, à condition qu'on nous accorde nos gains" Trad. de J. Orr, Rom. Philol. 19, 1965, 379] (MICHEL, Myst. Pass. J., 1486, 401).

2.

En partic.

a)

EAUX ET FORÊTS "Profit d'un produit ; revenu" : De pluseurs exploiz de forests (...) que Colart de Fresnoy, maistre des eaues et forests de Monseigneur, fu institué oudit office (Compte Navarre I.P., 1367-1371, 49). Pour lesquelles franchises dessus desclarées, ledit escuïer est tenu trouver à ses despens un sergent pour garder le parc de ladicte forest ; et peut icelui sergent fere tous exploix que sergent à gaigez peult fere en ladicte forest sans avoir aucuns gaiges du roy. (HECTOR DE CHARTRES, Cout. R., 1398-1408, 49). Et si doit cueillir et assembler toutes les amendes et exploix et decontes de rentes et revenuez qui sont deuez chacun an au roy, et les doit porter, lui ou son sous sergent au viconte du Pont Audemer. (HECTOR DE CHARTRES, Cout. R., 1398-1408, 94).

b)

"Peine pécuniaire" : ...Henry Blandin, (...) par ces dictes presentes commectons et ordonnons receveur des deniers et finances qui vendront et y seront des amendes, compositions, condemnations, confiscations et autres exploiz de ladicte commission de nosdiz conseillers aux gaiges (Lettres Louis XI, C., Pièces justif., t.1, 1439, 179).