"Ce qui est commandé par l'ordre des choses, par les circonstances, besoin, nécessité" : Car il appete tout selon l'exigence de nature et selon ce que elle requiert. (ORESME, E.A.C., c.1370, 226). ...aussi lez choses temporeles, en plusieurs cas, devent estre disposees selon l'exigence et la neccessité dez choses espiritueles. (Songe verg. S., t.1, 1378, 197). Translater véritablement De Latin en commun Françoiz, O le plaisir du Roy des Roiz, Jouxte l'estat et exigence De ma foible et povre science, Pour le corporel sauvement Des nobles gens principalment (LA HAYE, P. peste, 1426, 12). Au commencement se les choses particulieres s'i accordent, faites saignees des II. basiliques pour la cause antecedente et puis des II. sophenes pour la cause conjoincte et que on attraye la matiere vers les parties basses et puis mondifiés la matiere selon l'exigence de l'umeur pechant (GORDON, Prat., c.1450-1500, VII, 8). Mais pour acomplir l'euvre de justice, aucune chose est requise du costé de l'homme, comme l'exigence et la requeste des merites. (Somme abr., c.1477-1481, 179). Douleur a si tresgrant regence Sur mon corps que je n'en puis plus, Si en brief je n'ay l'exigence D'aulcun bon remede. (LA VIGNE, S.M., 1496, 453).

-

Selon l'exigence/les exigences du/des cas : ...se l'autre partie ne le veult contredire, il [le juge] lui doit envoier et, ou cas du contredit, il doit les parties oyr sur ce et leur en faire raison selon l'exigence du cas (Instruct. ensaign. B.G., c.1386-1390, 39). Et fu ordonné (...) que l'en recevroit les presentations du bailliage de Vermendoiz decy à dimenche inclusive, et si pourverroit l'en en oultre selon les exigences du cas (BAYE, I, 1400-1410, 339). Et oultre lui ay défendu, à pareille peine de 200 marcs d'argent et d'estre pugny selon l'exigence du cas, que il ne soit si osé ne si hardi de prandre et recevoir doresenavant aucune chose desdictes terres (Aff. Jacques Coeur M., 1453-1457, 450). ...il fust dit (...) que tous ceulx qui ont receu ou parceu les revenues de ladicte terre fussent (...) contrains par emprisonnement de leurs personnes, vendue et explectation de leurs biens, et autrement selon l'exigence du cas, à rendre et paier ausdiz Chartier tout ce qu'ilz en pevent devoir (Lettres Louis XI, V., Pièces justif., t.7, 1481, 318). De punir et faire punir, selon l'exigence des cas, tous ceulx qu'il trouvera avoir levé sans commission de nous ou empeché noz deniers et de faire recouvrer sur eulx et leurs biens tous les deniers qu'ilz auront ainsi prins et empeschés de lever, en maniere que nous en soions restitués... (LE CLERC, Interp. Roye, c.1502, 230).