A. -

"Ce qui est au départ de qqc., ce qui sert de modèle, de type"

-

"Ce qui sert de modèle, type" : Elle y veoit son ami chier, Papirus, pour li solacier, Et Papirus otretant bien Veoit Ydoree ens ou sien. Tel durerent, au dire voir, Le voiage li doi miroir ["le face à face des"]. Encores en voit on l'exemple A Romme, de Minerve ou temple. (FROISS., Espin. amour. F., c.1369, 129). Aussy science ne traicte point des choses singuliers, ainçoys lez relaisse a experience et conseil, qui besoingnent par patron et par exemple. (CHART., L. Esp., c.1429-1430, 134). ...faire tailler et mectre en forme de patrons et monstres de monnoie, les exemples de florins d'or et de monnoie d'argent (Comptes Lille L., t.1, 1439-1440, 370).

-

[D'une chose abstr.] : Pour ce te a il baillé les coingz a la forgier, quant il ordonna le divin Pater noster, qui est le moulle et l'exemple sur qui toutes oreisons sont forgees. (CHART., L. Esp., c.1429-1430, 164).

-

Exemple de qqn. "Modèle pour créer qqn à l'identique" : Et vraiement, Tant fu belle, que je croy fermement, Se Nature qui tout fait soutilment En voloit faire une aussi proprement, Qu'elle y faurroit Et que jamais assener n'i saroit, Se l'exemple de ceste ci n'avoit Qui de biauté toutes autres passoit. (MACH., J. R. Beh., c.1340, 72).

-

Prendre exemple. "S'inspirer d'un modèle (pour créer qqc.)" : Creature pardurable, Sapience inestimable, O eternité estable, Et povoir incomparable, Bonté qu'on ne peult comprendre, Qui tout scet sans riens aprendre, Et peult donner et reprendre, Et fis sans exemple prendre Lez cieulz, ou n'a que reprendre, Et la terre corrumpable, Et par amour charitable Et charité amiable Formas homme a toy semblable D'ame, vie esperitable (CHART., L. Esp., c.1429-1430, 16).

-

[D'un être céleste] "Modèle, archétype" : Ave, royne debonnaire, Du treshault Dieu souverain temple Et aussi de tout bien exemple (Mir. pape, 1346, 395).

B. -

"Enseignement, leçon de conduite, ce qui peut être imité ; personne, chose donnée comme modèle, proposée à l'imitation ; ce qui peut servir d'avertisement, ce qui peut dissuader"

1.

"Ce qui peut être imité, ce qui est donné à imiter"

-

"Anecdote, récit dont se dégage un enseignement" : Encor vueil j'un exemple mestre En rime, si pres de la lestre Comme je porrai bonnement, Pour manifester clerement Qu'avoir doit chascuns s'esperence En Dieu et toute sa fiance. (MACH., C. ami, 1357, 49). En ceste partie mect Vallerius une exemple que raconte Titus Livius ou premier livret de la fondacion de Romme, ou il dist : cestui Junius Brutus, duquel il parle en cest exemple, est declairee moult largement en son cincqme livre, ou chappiltre de la severité des peres envers leurs enffans (LA SALE, Salade, c.1442-1444, 24).

-

"Situation, comportement, élément qui peut servir de leçon, ou d'avertissement" : Jude, de se ne devés rire ; C'est ungs exemples que je vous donne. (Myst. Pass. N.S., fragm. Troyes R., c.1350-1370, 275). [Réf. au lavement des pieds, Jean 13, 15] Exemple de Moyse qui fut repris par Jetro. (GERS., P. Paul, a.1394, 490). Et aussi gouverneurs et maistre De tieulx enfens si doivent estre Eulx mesmes bien moriginez, Affin que ceulx, qui ordenez Sont par eulx, exemple n'y voient Qui en nesun cas les desvoient, Car rien n'est qu'enfent plus regarde Qu'aux meurs de cil, qui l'a en garde. (CHR. PIZ., M.F., II, 1400-1403, 52). ...et, entre autres choses, exposa les causes et maniere de sa legacion et ambassade et proposa pluiseurs causes, raisons et exemples notables pour exhorter, induire et amonnester touz à entendre à l'apaisement desdictes guerres et divisions (FAUQ., I, 1417-1420, 124). Et se son exemple et son enseignement ne te suffisent, vise comme l'Escripture te conforte sur la longue demeure des soulaigemens et secours de Dieu, en comparant la tollerance divine a ung long dormir. (CHART., L. Esp., c.1429-1430, 97). Et disent les maistres qu'elle eschappa de mort a cause d'avoir senty des biens de ce monde. Qui est notable et veritable exemple a pluseurs jeunes filles de point refuser ung bien quand il leur vient. [L'amour a guéri de la peste une jeune fille] (C.N.N., c.1456-1467, 351). ...et, voyant qu'il ne le povoit corriger par nulle discipline, ne retirer par nul enseignement de ses mauvaises inclinacions, à ceste cause, pour exemple familliere, il lui composa le jeu des eschetz, qui est de grande consideracion et dure jusqu'à present. (SIMON DE PHARES, Astrol., c.1494-1498, f° 45 v°). Cestui composa pour le roy René de Sicille la Pratique de l'astrolabe en françois et y mist plusieurs exemples et estoilles fixes que maistre Jehan Furoris n'y avoit pas mises. (SIMON DE PHARES, Astrol., c.1494-1498, f° 155 v°).

-

"Acte digne d'être remarqué" : Encores en plus fraelle sexe trouveras tu exemple de femmez qui par mort abregee ont trouvé remede contre douloureuse vie. (CHART., L. Esp., c.1429-1430, 19).

-

[Sentences]

.

Le chemin est long par commandement et bref et profitable par exemple : Afin donc que tu te conduises selon le temps present, les hommes croient mieulx ce que ilz voient qu'il ne font ce qu'ilz oïent, en aprés pour ce que le chemin est long par commandemens et brief et proufitable par exemples. (DAUDIN, De la erudition H., c.1360-1380, 15).

.

Très claire maniere d'enseigner est d'ajouster exemples : A laquele chose vault moult ajouster exemples manifestes, selonc le dit de Varron : «Tres clere maniere de enseignier est ajouster exemples». (DAUDIN, De la erudition H., c.1360-1380, 22).

-

À l'exemple de qqn. "En imitant qqn" : A l'exemple ainsi se meffait De son curé ou de son prestre, Mais il ne doit pas ainsis estre, Car nulz pour exemple mauvais Ne doit delessier ses bons fais Ne la saincte voie ordonnée, Pour la vye desordonnée Du ministre ou du souverain. (DESCH., M.M., c.1385-1403, 160).

-

De mauvais exemple : ...veues (...) les perseveracions et continuacions d'icelles poisons par eulx prises, jettées et mises esdiz puis et fontaynnes, et l'estat d'iceulx prisonniers, et que le cas est de très-mauvais exemple contre le universel monde (Reg. crim. Chât., I, 1389-1392, 469). ...veu (...) les multiplicacions et reiteracions de crimes, tant de lese-magesté comme de larrecins par lui faites et commises, qui sont crimes de très-mauvais exemple et chiéent en grant pugnicion (Reg. crim. Chât., II, 1389-1392, 99). ...et que grant esclande et grant inconvenient s'en pourroit ensuir, se ladicte cause estoit renvoiée à Rouen, et que ce seroit injustice et chose de perilleux et de mauvais exemple d'en faire renvoy (FAUQ., II, 1421-1430, 314).

-

En exemple. "Dans la pratique" : Et ce appert en example, car trop grant hardiesce est plus semblable a fortitude et plus procheine de elle que n'est couardise, laquelle est plus dessemblable a fortitude que n'est l'autre extreme vice. (ORESME, E.A., c.1370, 171).

-

Par exemple. "Par la conduite, par les actes" : C'est l'oreison dominical dictee par la bouche de celuy qui par doctrine nous aprint, et par exemple, a adorer, quant luy mesmez aux affaires de son humanité requist son pere, et que il voult que sa devote patenostre que il ordonna fust enregistree ou livre de ses saintes Evangillez, comme une medicinal requeste pour remede dez maladies dez amez. (CHART., L. Esp., c.1429-1430, 163).

-

Donner exemple (et miroir) à qqn. "Donner une leçon à qqn" : Che fu une mervilleuse cose et de povre fondacion, dont ceste pestillensse commencha en Engletière ; et, pour donner exemple à toutes manières de bonnes gens, j'en parlerai et le remonstrerai selonc ce que dou fait et de le incidensse j'en fui adont infourmés. (FROISS., Chron. R., X, c.1375-1400, 94). Il s'enorgueilliront tellement que Dieu s'en courroucera et leur remonstrera leur orgueil avant que l'an soit oultre, sicomme vous recorderons en l'istoire, et pour donner exemple à tous autres. (FROISS., Chron. R., X, c.1375-1400, 236). Sy advint que un beau jeusne compagnon, de l'eage de vingt ans, fut pris pour boutefeu, par quoy justice, pour donner miroer et exemple à tous autres de cas samblable, fit mettre une estache enmy le marché et à ycelle fit lier le povre pécheur (CHASTELL., Chron. K., t.3, c.1456-1471, 461).

-

Donner exemple à qqn + interr. indir. "Montrer, conseiller à qqn + interr. indir." : SAINCT MARTIN. Souventes foys, Quant ta grant deïté contemple, Autre chose aprés je ne foys Que de querir quelque tien temple ; Et, pour ce, donne moy exemple Commant je pourray maintenant Trouver quelque voye bien ample Et chemin ad ce consonant. (LA VIGNE, S.M., 1496, 149).

-

Donner (bon) exemple de qqc. : Nettoyons nostre conscience, Amons dotrine, amons science, Donnons bon exemple de vivre, Ne soyons couvoiteus ne yvre De couvoiter d'avoir estat (DESCH., M.M., c.1385-1403, 171). Ainsi fu pugniz Thobie, afin qu'il donnast aux aultres exemple de pacience. (Somme abr., c.1477-1481, 178).

-

Donner exemple et soupçon de qqn que... "Susciter à propos de qqn l'idée et le soupçon que" : "Ceste response ne vous puet excuser, que vous ne fesissiés mal et contre men honneur grandement, et donnés exemple et soupechon de moi que je voloie faire ou avoie fait aucune traïson en Escoche, quant à men retour on me clooit les villes de mon signeur." (FROISS., Chron. R., X, c.1375-1400, 134).

-

Donner à qqn l'exemple que. "Expliquer à qqn que (en vue de susciter une réflexion)" : "Gerart, regardés mon frère comment il se aventure. A ce qu'il monstre, il donne exemple as François que il se combateroit volentiers, mais il n'en ont nulle volenté." (FROISS., Chron. R., IX, c.1375-1400, 84).

-

Ensuivre l'exemple de qqn : Or vousist Dieu que tout ainsy diligemment comme nous sommes icy assemblez pour ouyr parler de la toute belle amie de Dieu, nous eussions peine et diligence de ensuyr son exemple, sa vie, ses meurs et saincte conversacion en beauté et bonté espirituelle ! (GERS., Concept., 1401, 427).

-

Montrer exemple à qqn : ...les ecclesiasticques specialment doivent monstrer exemple aux autres (JUV. URS., Aud. celi, 1435, 252).

.

Montrer bon exemple : ...les lieux sont les moustiers et le cimitiere et sa chambre, qui a honte de plourer en publique, combien que David feist penitence publique pour soy humilier et monstrer bon exemple. (GERS., Déf., 1400, 234). Et fu conclud que chascun yroit esdictes processions en sa parroisse pour monstrer exemple aux autres et pour prier Dieu à la fin dessusdicte. (FAUQ., II, 1421-1430, 90).

-

Prendre bon exemple : Il me souffit que je recite Leurs principaulx fais, l'excercite Est bon d'y lire, pour y prendre Bon exemple et moult y apprendre. (CHR. PIZ., M.F., III, 1400-1403, 186).

2.

"Personne donnée comme modèle à suivre ou à rejeter, parangon" : Veez cy le saint des sains reputé et mis entre les bestes. Se ung tel exemple, ung tel miroir, une telle medicine ne garist cuer humain de la maladie d'orgueil, ne scay chose autre qui la doye garir. (GERS., Noël, p.1404, 295). Encore nous est Boece aultre exemple, car pour trop amer et deffendre le publique bien et prouffit, fut il par le roy Theodorich emprisonné a Pavie, ou il composa son livre de Consolation, finant ses jours en prison miserable. (CHART., L. Esp., c.1429-1430, 9). Bel exemple est cestuy-cy [un autre prince] pour les princes qui jamais n'ont craincte ne doubte de leurs ennemys et le tiendroient à honte; et la pluspart des serviteurs soustiennent leur oppinion pour leur complaire (COMM., I, 1489-1491, 203). Après vint en fleur l'exemple des bons et devostz et fervens estudians en la science des estoilles (SIMON DE PHARES, Astrol., c.1494-1498, f° 58 v°).

-

Estre l'exemple de qqn : ...dont par ceste est chascun amé et loé, et souverainement le prince, qui est le miroir et l'exemple de tous. (LA SALE, Salade, c.1442-1444, 12).

-

Mettre exemple de qqn. "Citer qqn comme modèle à suivre" : Et dit sur ce saint Jherome ou second livre, parlent a Juvinien de celles vesves, et met exemple de pluseurs qui ne vouldrent nulz seconds maris avoir, si comme de Marcia, qui estoit fille de Cathon, qui sans cesser estoit en duel de son mary. (LA SALE, J.S., 1456, 4).

-

Prendre exemple à qqn/qqc. "S'inspirer de qqn/qqc. pour orienter sa propre vie" : L'en puet bien prandre exemple a luy, Et aussis a David son pere : Mariez fut, c'est chose clere. (DESCH., M.M., c.1385-1403, 280). Example a vos anchestres bien prendre vous debvés (Huon Bordeaux B., c.1400-1450, 3). Car, selon ce que les princes et les haulx hommes se maintiennent en estat et en vie, le peuple y prent sa rigle et son exemple soit de bien ou de mal, de paix ou d'esclandre. (CHART., Q. inv., 1422, 37). Et pour ce, mon ami, tant de ce tres inhumain pechié comme de tous les autres veul et vous commande que vous gardez a tout pouoir de offendre Dieu, Nostre Dame et la court de paradiz, et prendre exemple aux tres belles parolles de Seneque, qui estoit payen, qui dit: Si scirem deos ygnoscituros et homines ygnoraturos, non tamen dignarer peccare propter vilitatem ipsius peccati . (LA SALE, J.S., 1456, 43). Et cy commenceray la fin de ce compte, priant, requerant et suppliant a toutes dames et damoiselles, bourgoises et autres, de quelque estat que soient, que toutes prenent exemple a ceste si tres noble dame oiseuse qui par druerie se perdist, et veullent bien penser au dit commun qui dist: Onques ne fut feu sans fumee, tant fust il en terre parfont. (LA SALE, J.S., 1456, 307). Mon chier enffant, prens a ton pere exemple Et sa doctrine en ce cas cy bien ample, Quoy qu'il en soit, ne vueille aneantir. (LA VIGNE, S.M., 1496, 145).

3.

"Ce qui peut servir de leçon ou d'avertissement par sa rigueur" : ...il est tous les jours en peril et en aventure d'estre mors de son peuple meismes, ensi conme il en est esceu et pris au roi Edouwart, pere de cesti qui resgne en present, que si honme ont fait morir de male mort ens ou chastiel de Bercler, et ont son fil couronné a roi. Ce sont grant exemple pour lui, et pour tous les rois qui par succession pueent avenir et venir a la couronne d'Engleterre. (FROISS., Chron. D., p.1400, 221).

-

À l'exemple de qqn. "Pour que qqn (en) tire enseignement" : ...et très bien deffendre et pugnir, a l'example de tous. (LA SALE, Sale D., 1451, 43).

-

Donner exemple à qqn. "Faire réfléchir et dissuader qqn" : ...ja en fist-il jusques à troix morir et decoler qui estoient, tant comme à son oppinion, le plus rebelles, pour donner cremeur et exemple aux aultres. (FROISS., Chron. M., XIV, c.1375-1400, 187).

-

Donner mauvais exemple à qqn de + inf. "Dissuader (à son détriment) qqn de" : "Tres chiers sires (...) se vous faisiés ce que vous dites, il en seroit trop grant nouvelle, et vous seroit tourné a trop grant cruaulté, et nous donriiés, moi et les vostres, trop mauvais exemple ou temps a venir de nous metre, ne enclore en nulle garnison de par vous, car se vous faisiés ces gens morir ensi que vous dites, parellement on feroit de nous." (FROISS., Chron. D., p.1400, 840).

-

[D'un châtiment] Estre exemple (à qqn). "Servir d'enseignement, d'avertissement à qqn" : Entrues que il chevauçoit, soudainnement il li avint ce que je vous diray. Et ce fu bien vengance et verghe de Dieu et exemples pour tous aultres pilleurs. (FROISS., Chron. L., V, c.1375-1400, 176). "Chiers sires (...) nous vous proumettons que, ou tamps avenir, cils outrages sera si grandement amendés sus ceulx qui l'ont fait et esmeu affaire que vous vous en contenterés et que à toutes autres bonnes villes il sera exemples." (FROISS., Chron. R., IX, c.1375-1400, 181). ...et s'aucun est trouvé faisant le contraire, on en prendra tele punition que ce sera exemple à tous autres. (BAYE, I, 1400-1410, 95). C'est grant exemple aux orgueilleux Non doubtans Meseur perilleux ! (CHR. PIZ., M.F., III, 1400-1403, 243). Or le laissez venir [l'amant], dist le mary ; il ne fist jamais si folle entreprise, que je luy cuide monstrer avant qu'il parte, voire et son grant tort faire confesser, pour estre exemple aux aultres folz oultrecuidez et enragez comme lui ! (C.N.N., c.1456-1467, 49). ...et, se mestier est, les nobles et communes desditz pays où il y aura à faire, par lesquelz lui voullons et mandons en ce estre obeÿ tellement que la force et auctorité nous en demeurent ; en faisant abatre, raser et demolir leurs places et faire punition desditz delinquans en corps et en biens par maniere que ce soit exemple à tous autres. (LE CLERC, Interp. Roye, c.1502, 230).

.

Estre l'exemple de qqc. "Inciter à qqc." : Et s'aucun savoit de toutes ces choses moy monstrer une punicion dont l'exemple peust estre doctrine d'aucun amendement, aucunement seroit ramolliee la rigueur de mes parolles, mais a Dieu me rapporte de ce qu'il en est, a chascun de ce qu'il en congnoist. (CHART., Q. inv., 1422, 60).

-

Supplicier qqn en exemple. "Supplicier qqn pour dissuader les spectateurs" : ...fut ataché nud à ung pal et fut sagité en son visage et, après qu'il fut mort, fut mis sur une roe en exemple (SIMON DE PHARES, Astrol., c.1494-1498, f° 115 r°).

-

Prendre exemple à/de qqc. "Tirer la leçon d'un événement (supplice, châtiment, oppression)" : Et cheste rebellion estoit bien sceue en l'osteil dou roi (...) et se n'i metoit point li rois remède ne conseil, dont on se poeut moult esmervillier ; et, afin que tout signeur et bonnes gens qui ne voellent que bien i prendent exemple pour corigier les mauvais et les rebelles, je vous esclarcirai che fait tout plainement, enssi qu'il fu demenés. (FROISS., Chron. R., X, c.1375-1400, 99). Il faut tant feyre que exemple Les aultres y prennent vraymant, Et leur donner tant de tourmant Que les aultres aprés n'ayent peur. (Myst. st Sébast. M., c.1450-1500, 178). ...nous avons commandé et commis de bouche à nostredit cousin à ce faire par li ou par personnes souffisans qu'il y deputera par ses lectres ouvertes. Si gardez chascun de vous en droit soy qu'il n'i ait deffaut par vous. Car nous vous en puniriens par telle manière que les autres y prenroient exemple. (Titres Bourbon H.-B., t.1, 1339, 384). ...et audit pillory feust crié solempnelment la cause pourquoy il estoit tourné oudit pillory, afin que d'ores en avant chascun y prenist exemple, et se gardast de jurer tel vil serement. (Reg. crim. Chât., II, 1389-1392, 357). ...et que, comme tel, il avoit desservi à estre excecuté solempnelment, pour ce qu'il est nobles homs et de noble ligniée ; et afin qu'il en soit perpetuel memoire, et que tous autres y preignent exemple, en la maniere qui ensuit, c'est assavoir : que icellui Merigot, prisonnier, soit trainé sur une claye, comme gentilhomme (Reg. crim. Chât., II, 1389-1392, 208). Assez le peut on noter et prendre exemple du roy Roboan, qui, pour les oppressions de son peuple qu'il ne voult amendrir ne cesser en delaissant le conseil des saiges anciens et ensuivant la sote oppinion des jounes et non saichans, perdy de sa seigneurie dix lignies et demie. (CHART., Q. inv., 1422, 23). Il faut tant feyre que exemple Les aultres y prennent vraymant, Et leur donner tant de tourmant Que les aultres aprés n'ayent peur. (Myst. st Sébast. M., c.1450-1500, 178).

C. -

"Preuve concrète de qqc." : JHESUS. ...N'oÿstes vous point lors parler D'un enfant né en Bethlëem, Dont par toute Jherusalem Il fut si grande mencion ? N'en ot pas revelacion Saint Simëon et vraye exemple Quant en ses bras le tint ou temple...? (GRÉBAN, Pass. J., c.1450, 118). N'esse pas celuy qui vouloit Faire en troys jours ung nouveau temple ? Maistre, bailliez nous en l'exemple, Qui estes si prompt au mestier. (GRÉBAN, Pass. J., c.1450, 265). ...le bon mary (...) vint a sa femme monstrer comment il n'avoit eu trop grand tort d'estre suspicionneux de sa faulse desloyauté. Elle, qui se vit par exemple vaincue, cria mercy, et il luy fut pardonné [Un mari vient de découvrir, caché, l'amant de sa femme] (C.N.N., c.1456-1467, 446).

D. -

"Ce qui sert à illustrer, à faire comprendre un état de choses, une réalité..."

1.

"Petit récit, anecdote pour illustrer une situation" : Si me garderay de mesprendre. Mais je vueil ma cause deffendre Tant avant, comme je porray. Dont un exemple compteray Qui s'ensieut, a mon fait prouver Et a vostre tort reprouver. (MACH., J. R. Nav., 1349, 213). Exemple en avons et figure D'un oisel de douce nature Qui hupe a nom en no langaige, Dont ly poucin ont tel usaige Que, quant pere et mere envieillissent Et que les oeulx leur oscurcissent Tant qu'ilz ne puelent plus voler, Lors les font leurs poucins aler En creux d'arbres en secrez lieux, Et ainsi pourvoient aux vieux (DESCH., M.M., c.1385-1403, 210). Il, par sa curieuseté, la voult veoir, et tantost la faee bouta sa teste dedens l'eaue et devint serpente, n'oncques puis ne fu veue, et le dit chevalier declina petit a petit de toutes ses prosperitez et de toutes ses choses. Ne nous vueil plus faire de proverbes ne d'exemples. Et ce que je vous en ay fait, c'est pour ce que je vous entend a traictier comment la noble et puissant forteresse de Lisignen en Poictou fu fondee par une faee, et la maniere comment (ARRAS, c.1392-1393, 4). ...à ce propos est recitée une exemple ou tiers livre des fables des phillosophes et ou quart livre de la Cité de Dieu, fait par monseigneur sainct Augustin, ou quatriesme chappitre: que le roy Alexandre prinst et apprehenda une fois ung piratte, autrement larron ou escumeur de mer, lequel il interroga et demanda pourquoy il frequentoit la mer si continuellement. (BUEIL, I, 1461-1466, 122).

-

Mettre qqc. en exemple : Et quant de moy, qui n'ay pas esté gueres loing, j'ay veu des choses que pluseurs ne pourroient croire sans le veoir. Gervaise propre nous met en exemple d'un chevalier nommé Rogier du Chastel de Rousset, en la province d'Auxci, qui trouva une faee et la voult avoir a femme. (ARRAS, c.1392-1393, 4).

2.

"Illustration d'une assertion, fait que l'on cite à l'appui d'une assertion ; illustration d'une réalité quelconque par une assertion, une réalité comparable" : Car se mon fait prouver voloie Par exemples, j'en trouveroie Plus de dis, voire plus de vint. (MACH., J. R. Nav., 1349, 234). ...cecy je le preuve par exemple (Mir. prev., 1352, 232). Exemple, seigneurs, entendez : Ces trois ploiz que cy regardez Ilz sont trois, ce n'est mie gas, Et toutes voies n'est q'un draps ; Ainsi est il trois et trois un, En une puissance commun. (Mir. st Sev., 1362, 227). Si comme entre innumbrables examples puet apparoir de ceste tres commune proposicion : homo est animal (ORESME, E.A., c.1370, 100). Par ceste usurpacion, laquelle le Pape fait en la temporalité, nous veons cités destruire, et païs perir, et le povre pueple a gleve mourir, conme nous en avons prest exemple en la cité de Cesaine, en Ytalie, en laquelle tout le pueple, par la guerre de Nostre Saint Pere, a esté destruit et mis a mort. (Songe verg. S., t.1, 1378, 212). Et aussi, n'avons nous prest exemple dez divisions, pestilances, guerres et tribulacions lezquellez regne[n]t a present en Ytalie, par la tres dampnable secte et lygue dez Florentyns (Songe verg. S., t.1, 1378, 319). Et en ce est le merite, que voulenté s'accorde a grace. Exemple de l'ayment qui attrait le fer : ainsy fait Dieu l'ame. (GERS., P. Paul, a.1394, 498). LE SERGENT DU MARQUIS [à Griseldis]. (...) Et assez savez par raison Que c'est d'estre en subjeccïon Et soubz puissance de seigneur, A laquelle, ne par rigueur, Ne par nul engin, resister On ne pourroit, ne contrester, Qu'exemples avez veü mains. (Gris., 1395, 54). En forme de siermon sa cause pourposa Mestre Jehan Petit, et droit là remonstra Exsemples par figures, que très-bien desclara. (Geste ducs Bourg. K., c.1410-1419, 319). ...le peuple d'entour disoit tout bas : "Il ment, Car on a véu des exsemples grantment." (Geste ducs Bourg. K., c.1410-1419, 327). Je le te monstre par exemple des choses faictes, qui est plus certaine preuve que par argument faillible. (CHART., L. Esp., c.1429-1430, 31). ...ce n'est pas merveille se ilz en sentent la debilitation et le dommage, puis que lez roys procurent tellez promotions, dont leurs royaulmez ont faulte de conseil, disete de droicture, exemple d'iniquité, spectacle de ignorance. (CHART., L. Esp., c.1429-1430, 59).

-

[Formulation elliptique] Exemple : + phrase : Et tel moien n'est pas un meïsme quant a tous. Example : se .X. estoit le plus grant excés en aucune matiere et .II. estoit la plus grant deffaute, le moien selon la nature de la chose ce seroit .VI. (ORESME, E.A., c.1370, 160). Or y a ung point raisonnable pour appaisier le peuple et excuser les haulx princes, roys, ducs et contes et tous seigneurs terriens, et exemple : non plus que le my oef de l'uef ne puet sans la glayre ne la glaire sans le my oef, ne pevent les seigneurs et le clergié l'un sans l'autre. (FROISS., Chron. M., XII, c.1375-1400, 227). Or y a ung point raisonnable pour appaisier le peuple et excuser les haulx princes, roys, ducs et contes et tous seigneurs terriens, et exemple : non plus que le my oef de l'uef ne puet sans la glayre ne la glaire sans le my oef, ne pevent les seigneurs et le clergié l'un sans l'autre. (FROISS., Chron. M., XII, c.1375-1400, 227). ...vous sçavez par vous mesmes que chevalier amoureux (...) ne veult aprés sy non faire ses prouesses que dessoubz la cheminee : exemple, car tant que le rosseignol prie, il chante melodieusement, mais quant il joÿst, il ne fait que siffler. (Percef. III, R., t.2, c.1450 [c.1340], 199). ...car en nous sont entendement, congnoissance et amour, par lesquelles trois choses par ordre nous avons samblance et similitude avec le Pere, le Filz et le Saint Esperit. Exemple : Par la memore nous scavons que nous sommes et avons estre come le Pere. Et par ce que nous scavons que nous avons estre et que nous sommes, de tele memore entendible s'engendre une congnoissance (Somme abr., c.1477-1481, 114).

.

Exemple par. "Comme en témoigne, comme le prouve" : "Ne pensés ja dou contraire que li dus de Bourgongne (...) doie laissier les besongnes avenues en cel estat ; certes nenil, et exemple par nostre mesagier que il a retenu." (FROISS., Chron. R., X, c.1375-1400, 262).

-

"Situation particulière de qqn/qqc., cas"

.

Exemple de qqn/qqc. : Maiz peult estre que ton sentement, encores empraint es mondaines mutations, appete plus exemple de humaine industrie que de divine grace. (CHART., L. Esp., c.1429-1430, 137). Et dit sur ce saint Jherome ou second livre, parlent a Juvinien de celles vesves, et met exemple de pluseurs qui ne vouldrent nulz seconds maris avoir, si comme de Marcia, qui estoit fille de Cathon, qui sans cesser estoit en duel de son mary. (LA SALE, J.S., 1456, 4).

.

Par l'exemple de qqn. "Par la situation particulière, par le cas de qqn (qui sert à illustrer une assertion)" : Et que ire soit plus naturele il appert par example d'un homme qui fu repris de ce que il avoit feru son pere, et il respondi que aussi son pere avoit feru le sien pere et icelui aussi le sien en retournant dessus. (ORESME, E.A., c.1370, 384).

-

À l'exemple de qqn/qqc. "À l'instar de" : A l'example David qui dit En son sautier... (Mir. abbeesse, 1340, 61). Est tele lay que tous ceulz qui se portent bien en chevalerie et en faiz d'armes, il prennent aournemens de lilz. Et par aventure, a l'exemple de ce, les armes de France sunt de teles fleurs. (ORESME, Pol. Arist. M., c.1372-1374, 280). Sy est certain que je ne puis riens congnoistre sans congnoistre nostre Dieu, au moins comme en umbraige, combien que je ne apparcoive mie tousjours ceste congnoissance ; a l'exemple du chat huant qui ne puet riens veoir sans aucune lumiere du soleil, non pourquant ne puet il veoir le soloeil en sa pureté (GERS., Trin., 1402, 159). Fouir ce brouillas de temps et ceste police epydimiee et habiter en estrange nation te pourroit sembler ung conseil recevable, a l'exemple de Anthenor et de Enee qui ainsi eschapperent la flamme de Troye et les glaives de Grece. (CHART., L. Esp., c.1429-1430, 13). Par avanture pourras tu estre meu en abhomination de ta vie, a l'exemple d'autres qui sont mors de leur propre main par desplaisance de vivre. (CHART., L. Esp., c.1429-1430, 98). Monseigneur, vous qui estes lieutenant du Roy nostre sire, à gens d'eglise devez honneur et reverence, et l'Eglise, qui est espouse de Jhesus-Christ, mere des chrestiens, devez amer, frequenter, visiter et deffendre à l'exemple de Constantin (BUEIL, II, 1461-1466, 68). Et, fut à cause que à l'heure du trespas de son père il fist son entrée en Gand premier que en nulle autre ville de son pays, ayant ceste oppinion que c'estoit la ville de sondict pays où il estoit le plus aymé, et que, à l'exemple de ceste là, se rengeroient les autres. (COMM., I, 1489-1491, 117).

-

En exemple de qqc. "En témoignage, en preuve de qqc." : Et se tu demandes pour quoy Dieu n'a du tout exterminé celle gent incredulle, ainsi qu'il fist Sodome et Gomorre, je respondray qu'il lez a voulu lesser vivre en misere comme gent abandonnee, pour vituperer la memoire de leur erreur, en l'exemple de detestation de leur lignee a toutes generations et en tous temps. (CHART., L. Esp., c.1429-1430, 109).

-

Par/pour exemple. "À titre d'illustration" : Ci devise les proprietés du renart pour essample. (HENRI FERR., Modus et Ratio, Livre deduis T., c.1354-1377, 151). ...on veut tesmoygnier, se le dient aquant, Que par sen faus atret les fist venir avant ; Et on vit par exsemple mout très-bien l'aparant, Car si tos qu'en la ville furent mis à garant, Il délivra l'abéie du tout à leur commant (Geste ducs Bourg. K., c.1410-1419, 507). ...ainçois queroit plus leur repos que le sien, et leur asseurance en Dieu entre les perilz par exemple, que la recreation de son sommeil par dormir. (CHART., L. Esp., c.1429-1430, 97). Et, pour exemple, quant un roy ou ung prince est prisonnier et qu'il a paour de mourir en prison, a-il riens si cher au monde qu'il ne baillast pour sortir ? (COMM., II, 1489-1491, 225).

.

[Calques du lat. exempli causa, exempli gratia "à titre d'exemple"] Pour cause/grace d'exemple : ...si comme, pour grace d'exemple, le propre mouvement du soleil en son excentrique est regulier et le mouvement journal regulier, mais pour ce que le propre mouvement du soleil est environ autre centre et [ maismement ] pour ce que il est sus autres poles que n'est le mouvement journal, il convient que le corps du soleil soit meu irregulierement et une fois plus tost que autre. (ORESME, C.M., c.1377, 412). Et samblablement, se le mouvement avoit procedé et procedast sans commencement et sans fin touzjours en retardant, il ne s'ensuit pas que il soit onques meu plus tart au double que maintenant et aussi de quelcunque autre proporcion, car je ay parlé de ceste proporcion pour cause d'exemple. (ORESME, C.M., c.1377, 426). Et a ce declarer, pour grace d'exemple, soit prins un vaisel plat et laé comme un bacin lequel a un bort en maniere de circunference et un funz ront qui est comme un cercle plat. (ORESME, C.M., c.1377, 716).

-

Pour exemple que + phrase. "Pour attester que" : Je feray encor faire un temple Dou dieu de dormir, pour exemple Que je ray par li mon espoir ; Mais en tel lieu faire l'espoir Qu'il sera loing de toute noise, Par quoy riens ne bruie ne noise Au lieu, qui son dormir empesche, Qu'ailleurs ne vaurroit une pesche, Et l'image de Morpheüs (...) Y sera, d'or fin entaillie Sus un piler de fin argent Bien esmaillié. (MACH., F. am., c.1361, 234).

-

Avoir exemple de qqc. de qqn. "Trouver l'illustration de qqc. chez qqn" : Et de ce avonz nous exemple de ceux qui firent les loys des Cretoiens et des Lacedemoniens et d'autres semblables. (ORESME, E.A., c.1370, 140).

-

Dire exemple que + phrase "Dire pour illustrer (une similitude) que" : Il a difference entre cecle et ligne circulaire, car cecle est la superfice ou espace ou aere qui est contenue en la ligne circulaire appellee circunference, aussi comme l'en diroit en gros exemple que le funs du tonneau est aussi comme le cecle et ce que l'en seult appeller cecle est aussi comme la circunference. (ORESME, C.M., c.1377, 380).

-

Estre exemple de qqc. "Être une illustration de qqc." : Cestuy fu singuliere exemple des eureuses yssuez de perverse fortune, luy qui n'avoit du demourant de sa fortune que la seulle vie ou danger de servage et peril de mort. (CHART., L. Esp., c.1429-1430, 139).

-

Estre pour exemple. "Servir d'illustration" : De la seconde maniere sont pour exemple les mouvemens des plannettes, si comme du solleil le mouvement est mixte du mouvement journal de tout le ciel et du mouvement propre de son espere, et ainsi des autres planetes. (ORESME, C.M., c.1377, 62).

-

Faire exemple à qqn. "Proposer une comparaison à qqn (à titre d'illustration)" : [Il s'agit d'une multitude de volailles voraces, envoyées par dérision au narrateur] "Pourquoy le dictes-vous ?" - "Je le di pour tant, dist le conte, que vostre response gist en ce que je vous ay fait exemple. L'Amourat me mande que se je n'obeys à lui il me mettera dedens ma terre gens d'armes sans nombre, et li dittes de par moy que je les attenderay, mais il n'en fera ja tant venir qui ne soient tous devorez, si comme le milliet a esté de la poulaille." (FROISS., Chron. M., XII, c.1375-1400, 218).

-

Faire (un) exemple de qqc.

.

"Mentionner un cas de figure de qqc." : Item, a cest propos fait un example sovent recité de la loy qui diroit que tout depost est a rendre laquelle est juste, et neent moins elle n'est pas a tenir en rendant a un forsené son glaive. (ORESME, E.A.C., c.1370, 319).

.

"Faire mention de qqc." : ...Je perchui seans en le pointe De ce lieu dont je fach exemple, Che me fus vis, un trop biel temple, Bien maçonné, couvert d'escaille. (FROISS., Dits Débats F., 1363-1393, 96).

.

"Présenter qqc. comme un fait significatif" : De ceste opinion estoient-ilz tous ou en partie, et en faisoient là les aucuns bourgois de Luscebonne exemple et disoient ainsi : "Nous estions en ces jours que les Gantois vinrent devant Bruges requerre et combatre le conte de Flandres et sa puissance" (FROISS., Chron. M., XII, c.1375-1400, 143).

-

Mettre un exemple. "Proposer une illustration" : Item, je met encore un autre exemple et pose que le desus d'un arbre soit la racine, jouste ce que fu dit ou quart chapitre, et ymagine que cest arbre soit meu circulairement en son lieu et sanz issir de son lieu. (ORESME, C.M., c.1377, 344).

-

Montrer exemple de qqc. "Montrer (à titre de preuve) un cas de qqc." : Premiers, s'orine resgarderent, Et puis après si la tasterent ; Li uns après l'autre tastoient Partout ou taster la devoient, Les piez, le pous, et puis les temples ; Et puis si moustroient exemples Des cures qu'il avoient faites En pluseurs lieus et bien parfaites. Et que plus d'exemples moustroient, De tant plus esbahi estoient. (MACH., J. R. Nav., 1349, 202).

-

Poser pour exemple que. "Poser à titre d'llustration hypothétique que" : Item, se il est ainsi, je pose pour exemple que un ange soit en un lieu ou espace laquelle, se elle estoit sperique ou ronde, seroit de la quantité d'un piey en tout sens. (ORESME, C.M., c.1377, 290).

-

Prendre exemple à/en qqc./qq. part. "Prendre en qqc./qq. part ce qui sert à illustrer" : Ainssi vous ai moustré comment homme doit prendre essamble et doutrine a la nature et proprieté du cerf. (HENRI FERR., Modus et Ratio, Livre deduis T., c.1354-1377, 119). Car chose clère, appercéue Parmy chose trouble sans faille, Appert tousjours jaune ou vermeille ; Exemple prens en la fumée Qui monte par la cheminée, Par laquele l'air cler véu Semble rouge, comme est déu. (LA HAYE, P. peste, 1426, 53). Je ne prens exemple que en ce pais. (JUV. URS., Nescio, 1445, 527).

E. -

"Copie, reproduction (de lettre, d'ouvrage), exemplaire" : Johan Briçon, sommelier de chappelle monseigneur de Valois, pour deux peaulx de parchemin et une main de pappier, achetéez par lui, pour escripre les examples de mon dit seigneur de Valois (Comptes hôtel rois Fr. D.-A., 1383, 223).