A. -

[Comme acte] "Mise à l'épreuve, expérimentation, procédé"

1.

"Mise à l'épreuve"

-

[De qqn] : LE MARQUIS [à Griseldis]. (...) l'amour qu'a moi as eüe Ay pour esprouver coigneüe, Et ta parfaitte obedïence Ay trouvé par experïence ; Et croy que soubz le ciel n'ait homme Qui, par tant d'experimens comme Je t'ay ferme et constant trouvee, Ait en autre femme esprouvee La bonne amour de marïage. (Gris., 1395, 95).

-

[De qqc.] : ...il sembleroit que Ypocras ne fust pas raisonnable phisicien, car il dit que il veriffie son amphorisme par experiment et non par raison (SAINT-GILLE, Comment. A.Y. L., 1362-1365, 183). ...et de ce nous n'en pouons avoir connoissance se ce n'est par experimens selon Galien ou V. livre des simples medecines (GORDON, Prat., c.1450-1500, I, 13). Et n'y a nulle aultre consideracion comment qu'elle appert raisonnable, s'elle n'est approuvee par experiment et tout ainsi que experiment demonstre la quantité, ainsi fait il la qualité (GORDON, Prat., c.1450-1500, V, 8). Gallien dit que on ne peult dire par lettre la certaine quantité de viande, pour ce que nous devons aler a l'experiment, qui rectifie toutes choses (GORDON, Prat., c.1450-1500, V, 8). ...ung nommé Guillaume, du seurnom duquel n'est de present recors, et lequel se entremettoit comme lui du fait et science d'arquemie, (...) manda audit suppliant qu'il lui envoyast ou portast six marcs d'argent fin et il lui en rendroit douze, qui seroient de bon argent à tous essays et esperimens. (Doc. Poitou G., t.10, 1462, 395).

2.

"Expérimentation, procédé d'investigation" : Et dit Avicene que ceste chose a bien mestier de grant consideracion et de grant expirement et de grant perscrucion en sa science. (SAINT-GILLE, Comment. A.Y. L., 1362-1365, 123). Un clerc estoit, lequel sçavoit de moult beaulz experimens, et tout plein des secrez d'arquemie, entre les autres choses faisoit artificielement moult bel azur. (CHR. PIZ., Faits meurs Ch. V, S., II, 1404, 76). Expériment, c'est probation par opération (LA HAYE, P. peste, 1426, 198). Item tu dois entendre que experiment est moult prouffitable puis que raison va devant ou oration (GORDON, Prat., c.1450-1500, I, 18). ...et s'il a secheur et stipticité, c'est de melancolie et le pouons sçavoir ainsi par voye de experiment. Donnés luy viandes chauldes... (GORDON, Prat., c.1450-1500, V, 6). Ayot, grant philozophe et bon astrologien, fut en fleur, en ce temps, lequel tout son temps s'emploïa aux experimens et pratique d'icelle science (SIMON DE PHARES, Astrol., c.1494-1498, f° 29 r°). Cestui Recab fut grand investigateur de sciences et de experimens ; entre aucunes de ses experiances, trouva que la chair d'un paon ne pourrissoit jamais, par especial quand le paon estoit eclos de son euf en certaine constellacion (SIMON DE PHARES, Astrol., c.1494-1498, f° 31 v°). ...fut envoyay en la provence de Terrascon, jouxte le chastel dit Cardona, pour mectre à experiment aucune espesse de sel estant en une montaigne illecques, et trouva que, au moïen de la pluye, ledit sel se augmente et croist et devient si très dur que nul acier trempé à peine le peut rompre. (SIMON DE PHARES, Astrol., c.1494-1498, f° 85 r°).

-

"Test, procédé" : Vecy les experimens pour sçavoir se femme pourroit concepvoir. On la doit suffumiguer de choses aromatiques (GORDON, Prat., c.1450-1500, VII, 14).

-

"Procédé déjà expérimenté" : Le VIII. experiment c'est que vous usés souvent de tiriaque, il conforte la veue. (GORDON, Prat., c.1450-1500, III, 5). Et se celluy qui a la tousse estoit povre et la tousse fust de cause froide, le premier experiment, c'est qu'il tienne bien fort son anhelit et bien souvent et tantost, il sera guery (GORDON, Prat., c.1450-1500, IV, 4).

-

"Procédé, savoir-faire" : Et cascuns seit que nos ne poions avoire memoire des chouses trespasée, se ce n'est par le recort des anchiens, qui les ont veüwes ou apprises à leurs predecesseurs, ou se che n'est par pointeur ou par escripture, qui est ly plus beauz et profitables experimens qui onkes fuist troveis (HEMRICOURT, Miroir Hesb. B.B., 1353-1398, 1).

3.

"Procédé, moyen (de magie), opération magique" : ...Circé l'enchanterresse, Qui d'anchantement fu deesse Et savoit vrais experimens Pour faire tous enchantemens... (MACH., Voir, 1364, 614). ...si comme sont divineurs et ceuls qui se dient savoir experimenz et choses merveilleuses. (ORESME, E.A.C., c.1370, 453). ...car trop ay usé ma vie en ma jennesse en esperimens et en conjurations, dont j'ay a maintes personnes donné a souffrir sans mort. (Percef. VI, R., c.1450 [c.1340], 891).

B. -

P. méton.

1.

"Connaissance acquise par la mise à l'épreuve, par la pratique" : Si que la merencolioie Tous seuls en ma chambre et pensoie Comment par conseil de taverne Li mondes par tout se gouverne ; Comment justice et verité Sont mortes par l'iniquité D'avarice qui en maint regne Com dame souvereinne regne, Com maistresse, comme royne, - Qu'avarice engendre haïne, Et largesse donne et rent gloire, Vraiement, c'est parole voire, Qu'on le scet et voit clerement Par vray et juste experiment, - Comment nuls ne fait son devoir, Comment chascuns quiert decevoir Son proisme (MACH., J. R. Nav., 1349, 139). La ne trouvasses verité, Equité, raison ne pité, Plaisence, amour, fors le contraire De tout ce qu'on te deüst faire. Tout ce pues vëoir clerement Par vray et juste experiment, Car maint en sont mat et perdu, Honni, destruit et esperdu D'estat, d'onneur et de chevense, Et maint de ceste pestilence Sont mort, dont leur hoir tel seront Que jamais ne reverdiront. (MACH., C. ami, 1357, 101). Item, la utilité et la possibilité de cecy appert par les ystoires et par les experimens du temps passé. (ORESME, Divin. C., c.1366, 68).

2.

En partic. "Connaissance acquise à partir de données d'observation, preuve" : Et ja soi cose que ceste scienche soit contredite, nequedent elle est aprouvee par les philosophes et par les effés et les impressions des cors celestes ens es coses qui sont dessous le Lune, et est approvee par souffisans experimens et par raisons vraies aprouvees. (Compil. sc. étoiles C., a.1324, 90). Et pour ce dit Avicenne que experiment vainquist raison, car male viande vault mieulx acoustumee que bonne non acoustumee (GORDON, Prat., c.1450-1500, V, 8).

3.

"Preuve" : Par no jeu arez congnoissance De sa glorieuse naissance Et de maint autre beau mistere Deppendans de ceste matere, Lesquelx pour cause de briefté Par moi ne seront recité, Car vous en verrez plainement Par nostre jeu l'experiment. (MARCADÉ, Myst. Pass. Arras R., a.1440, 1). Vous avez aultre experiment Oy noncier par prophetie, Vous sçavez moult bien que Ysaie De cest enfant prophetiza Et dist une vierge sera Qui concepvra ung enfant Sur lequel sera reposant L'esprit de Dieu de majesté (MARCADÉ, Myst. Pass. Arras R., a.1440, 265). Dont, ainsi qu'il dist ou chappittre des Ingrats en la lettre "Themistoclès, etc.", il fut moult cler experiment de l'ingratitude des Atheniens (LA SALE, Sale D., 1451, 262). Quant est des raisons qu'il a dictes, Nous en sçavons l'experiment, Par quoy venons fidelement Adorer le roy dessus dict. (Myst. Pass. Troyes B., a.1482, 285).