A. -

"Qualité de ce qui est excellent, perfection, excellence"

1.

[À propos d'une pers.] : Et quant einsi ay petit d'esperence, Nuls ne s'en doit mervillier, sans doubtance, Car povres sui d'onneur et vaillance Et de bonté, Et vous estes la fleur et l'excellence De tous les biens, par vraie experience, Ente et estos d'onneur et de prudence Et d'onnesté. (MACH., F. am., c.1361, 158). Tant aimme honneur, tant het meffait Que chascuns l'aimme, à chascun plait, N'en cuer n'en corps n'en contenance N'a riens en li de contrefait ; Dont on l'apelle tout à fait Mireoir qui les bons parfait Et de ce monde l'excellance. (MACH., Les lays, 1377, 362). Lors fort m'esjoy, et bien me sembla que plus convenable theume avoir je ne pourroye a louer la purté, l'excellence et beauté de ceste gracieuse Dame. (GERS., Concept., 1401, 389). Car n'est beste quelconque, ne oysel, ne poisson qui puisse a ce venir, combien que presques toutes les excellences et perfections autres qui sont en l'omme, on les treuve en aucunes des bestes (GERS., Trin., 1402, 152). En sa compagnie souvent estoit et tousjours à joyeux visage et moz gracieux, plaisans et esbatans, et elle, de sa partie, en lui portant l'onneur et reverence, qui à son excellence apertenoit, semblablement faisoit (CHR. PIZ., Faits meurs Ch. V, S., I, 1404, 57). Bien gaigneroit qu'en une escaiche [l. estaiche] Feust lier rigoreusement Celluy qui prandroit l'ardemant D'aler contre vostre plaisance, Voz ditz, ne vostre haulte excellance. (Myst. st Adr. P., c.1450-1485, 67).

-

[À propos de Dieu] : Vray Dieu, voustre digne puissance Je la recognoys maintenant Et voustre tresgrant exellance. (Myst. st Sébast. M., c.1450-1500, 145). Divine excellance, Infinie puissance, Des tiens redempneur, Bien devons de cuer Louer ta clemence. (Myst. Pass. Troyes B., a.1482, 1027).

-

D'excellence. "De haute perfection" : A luy m'en voys sans demourance Luy raconter mon vray message, De par la dame d'excellance, C'est dame Jehanne, au gent corsage. (Myst. siège Orléans H., c.1480-1500, 585).

2.

[À propos d'une chose, d'une qualité] : ...et ce qu'ilz scevent ne doignent humblement enseignier et ne raportent pas la cause de la science en cellui qui le donne, mais a eulx attribuent la propre excellance de che qu'ilz scevent (DAUDIN, De la erudition H., c.1360-1380, 28). Et dux Godefroy de Buillon, Qui, par son or et son billon, Son scens, sa force et sa vaillance, Et de son grant bien l'excellence, Mist tout en sa subjection La terre de promission, Ou au mains la plus grant partie ; En la fin y laissa la vie. (MACH., P. Alex., p.1369, 3). Et duquel [d'Aristote] la doctrine, pour la valeur et l'excellence de elle, a esté multipliee et en grant reputacion vers les sages presque par tout le monde. (ORESME, E.A., c.1370, 97). Et par ce nous voulon signifier que sapience n'est autre chose fors la vertu, perfeccion et excellence de tel art. (ORESME, E.A., c.1370, 341). ...elle est ou plus glorieux par sa vraie amour et par l'excellence de sa grant charité (Mir. st J. Paulu, c.1372, 94). "Pères saint, vous en allés en ung païs et entre gens où vous estes petit amés, et laissiés le fontaine de foy et le roiaume où li Eglise a plus de voix et d'excellence que en tout le monde." (FROISS., Chron. R., IX, c.1375-1400, 50). ...ce sont les choses qui font exceder lame et yssir hors de soy mesmes par feruent amour de dieu du quel on specule la grant excellence en bonte, en sapience et en puissance (CIB., p.1451, 190). Par intelligence, c'est a dire par icelle excellence virtuele que l'entendement humain est une maniere de participation de la lumiere et clareté divine, elle congnoist l'esperit increé, qui est Dieu. (Somme abr., c.1477-1481, 136). DIEU [à saint Nicolas]. Ta puissance Est en grace Excellence D'efficace. Toute place Ou n'on fera de toy regnom, Des miracles exaulceray le nom. (Mir. st Nic. juif, c.1480-1500, 101). Cares Lyndus florit en Chippre, lequel, pour l'excellance de sa science, environ ce temps fut aussi nommé Trimegeste ou Mercure tiers de ce nom. (SIMON DE PHARES, Astrol., c.1494-1498, f° 24 r°). Victor Capuanus fut en ce temps souverain astrologien et fut moult extimé et monstra bien l'excellance de astrologie, quant il descripvit les cicles paschaux si subtillement. (SIMON DE PHARES, Astrol., c.1494-1498, f° 96 v°).

-

Fontaine d'excellence : Che que li rois de France creï en Clement, couloura grandement son fait, car li roiaulmes de France che est li fontaine de creance et de excellense pour les nobles eglises qui i sont et les hautes prelacions. (FROISS., Chron. R., IX, c.1375-1400, 146).

B. -

"Supériorité" : Item, d'une despense equale il [le magnifique] fera son oeuvre de plus grant excellence et de plus grant magnificence que ne feroit un autre qui n'avroit pas ceste vertu (ORESME, E.A., c.1370, 243). ...et disons que se les amis de Dieu doyvent estre et sont grandement honnourez, saint Pol en ce doit avoir excellance (GERS., P. Paul, a.1394, 493).

-

En excellence. "Au plus haut degré" : En excellance vostre valleur habonde, Plus que nul autre de cela suis certaine. (Feste roys, c.1475-1500, 307). Abraham, surnomé Avennerre, second de ce nom, selon aucuns fut en ce temps en excellance très speculatif et très cler astrologien. (SIMON DE PHARES, Astrol., c.1494-1498, f° 23 v°).

-

Par excellence. "Au plus haut degré, de manière idéale" : Dame, digne d'estre honnourée Et par excellence aourée Dessus toute dame passée, A venir ou presente, De toutes estes separée, Si qu'autre à vous n'est comparée... (MACH., Les lays, 1377, 397). Ci ha trop mervilleus mistere. Et si n'en fais nulle doubtance, Car c'est ma foy, c'est ma creance, C'est ma vie et ma soustenance, Par celle qui par excellance Est fille au pere et dou fil mere. (MACH., Les lays, 1377, 407). Mais, par excellence, la duracion qui est sanz commencement et sanz fin est proprement dicte perpetuité, et de siecle sera dit apres. (ORESME, C.M., c.1377, 162).

.

"Au mieux" : Labeur, l'Eglise et Noblesse (...) En moult grant nombre allerent au devant (...). Le roy, son train et sa chevalerie Firent loger voire par excellence Hors de la ville en une hostellerie, La plus grande qu'on saiche point en France. (LA VIGNE, V.N., p.1495, 157).

-

Avoir excellence : Et ne yroit a nul fait honorablement, ne ou les autres vont pour avoir excellence. (ORESME, E.A., c.1370, 254).

.

Avoir excellence sur : Car se homme a excellence sur les bestes pour sçavoir, bien doit surmonter lez aultrez hommes en science qui sur lez hommes a seigneurie (CHART., L. Esp., c.1429-1430, 72). Si en toy, pere, plus fort pence, Je varrey avec toy mon filz [Jésus]. Treshault, charité, doulceur saine, Que sur tous advés excellence, Eslevés ma vertut humaine, Que je voye vostre substance. (Pass. Auv., 1477, 279).

C. -

P. méton.

1.

"Ce qui rend supérieur" : Pour aucun profit temporel, ou pour usurper aucune excellance sur lez aultres, il precha pupliquement au pueple que luy seul avoit pover de remettre et pardoner lez poines que lez pecheurs devoient souffrir par leur demerites en l'autre siecle. (Songe verg. S., t.1, 1378, 101). Que ont il gardé des excellences seigneuriaulx, et retenu dez dignités des princes, fors seullement le nom faint et vain, dont leurs oeuvres lez desmentent et desdient ? (CHART., L. Esp., c.1429-1430, 66). Le Filz de Dieu possesse trois excellences, comme donne a entendre l'Apostle en l'epistle aux HEBRIEUX ou premier chapitle, ou il parle du Filz de Dieu disant : ... (Somme abr., c.1477-1481, 112).

-

"Dignité" : Non pourquant chascun de ces deux apostres a eu aucunes excellances et dignités sur terre ; l'un en une maniere et l'autre en une autre, comme saint Pierre ot dignité de universale prelacion, et saint Pol de generale predicacion (...). En signe de ces deux excellences on les met ou seel de la bulle du pape. (GERS., P. Paul, a.1394, 486).

-

Acquerir une excellence. "Acquérir grande réputation" : Cestui tant se appliqua à la proffonde investigacion de toutes choses naturelles, comme de arismetique, geometrie et des sciences de astrologie, que en ce il acquist une excellence de nom immortel. (SIMON DE PHARES, Astrol., c.1494-1498, f° 84 v°).

2.

"Celui qui est éminent, éminence" : Notable assistance divine, Silence, silence, silence ! Devant la royalle excellance En chaire de judicature Ne devons faire tel murmure. (Cene dieux, c.1492, 113).

3.

"Élite"

-

La fleur et excellence de : Toute la fleur et excellance De France avez abatue, Que desormais, comme je pence, François ont leur force perdue (Myst. siège Orléans H., c.1480-1500, 247). Me semble que ne povez mieulx ; Tout le conseil de toute France Sont assemblez, jeunes et vieulx, Et expers en toute science, Toute la fleur et excellence De pratique et theologie Pour l'interroger a plaisance De mieulx faire ne povez mie. (Myst. siège Orléans H., c.1480-1500, 380).