Dictionnaire du Moyen Français (1330-1500) - ATILF - CNRS & Université de Lorraine

ART MILIT. Establir (une place). "Installer une garnison (dans une place)" : Et quant les Cartageniens venoient et trouvoient les places vuydes, ilz les establissoient moult grandement ; dont par ce apetiserent leur ost, et dedens la cité croissoient. (LA SALE, Salade, c.1442-1444, 51).

"Disposer (des éléménts militaires) qq. part" : Et avoient establi sus la mer une qantité de nefs normandes et grant fuisson de Genevois et de gens marins que on apelle "esqumeurs de mer." (FROISS., Chron. D., p.1400, 306).

"Construire, reconstruire (une ville)" : Or ay je de present Estably noblement Par ouvrage excellant Ma grant ville de Troye, Que les Grecz faulsement Par ung consentement Mirent a finement (MILET, Destruct. Troye, c.1450-1453. In : Chrestom. R., 126).

"Aménager (un lieu)" : Et pour ce ont ly Sarrasins au dehors de la cité establi ung très biau lieu pour leurs foulx et esragiés. (JEAN LE LONG, Voy. Bieul B., 1351, 329).

Establir (un endroit). "Installer, organiser (un endroit)" : Le mardi le roy ouyt la messe au mont d'Olivet et disna au chasteau de Capouanne (...) ; et estoit establi le lieu ou l'on faisoit la chancellerie comme en France (LA VIGNE, V.N., p.1495, 257).

[Dans un cont. métaph.] "Installer solidement (qqc., une habitation)" : ...reedifiez et establissiez son povre logis [de l'âme], mais le vostre, par les VII pilliers et columpnes de vous VII dons (GERS., Pent., p.1389, 75). En celle saule de Saintte Escripture trouveras clarté moult grande, illuminans, et de toutes tenebres contrarians, toy degettans de l'ombre de mort et toy conduisans a vraie lumiere de vie : ceste est vraie foy formans toute lucidité en creatures humainnes - mais que celle foy soit stablie sur ferme pierre sans gravellez de nungs sablons de heresie -, qu'est de tant grans vertus qu'elle fait de choses impossibles a nous choses possibles. (CRAP., Cur Deus, De arrha B.H., c.1450-1460, 284).

P. ext. "Faire, réaliser, constituer (une oeuvre de l'esprit)" : Et puys que departir me fault Et du retour ne suys certain (Je ne suys homme sans deffault, Ne qu'aultre d'assier ne d'estain ; Vivre aux humains est incertain Et aprés mort n'y a relaiz) - Je m'en vois en pays lointain -, Si establis ce present laiz. (VILLON, Lais R.H., c.1456-1457, 14).

Au fig. Establir (une cité) de qqc. "Pourvoir (une cité) de qqc. qui lui garantisse stabilité et durée" : ...lequel estably ceste cité de si notables et saintes loys (...) que, s'ilz s'i fussent gouvernez, leur empire fust tousjours esté pardurable. (LA SALE, Sale D., 1451, 261).

DR. Establir qqc. à qqn. "Faire que qqc. revienne définitivement à qqn, assigner qqc. à qqn" : Item, au Chevalier du guet, Le Hëaulme [une enseigne] luy establis, Et aux pietons qui vont d'aguet Tastonnans par ces establis, Je leur laissë ung beau riblis, La Lanterne a la Pierre au Let, Voire, mes j'aray les Troys Lis, S'ilz me mainent en Chastellet. (VILLON, Lais R.H., c.1456-1457, 20).

Establir qqn qq. part

"Installer qqn à un endroit de manière à ce qu'il soit stable" : ...pour III corbeilles, V pelles de bosc et balleis pour porter les ordures pour les dis machons et plastriers par le temps dessusdit (...) pour III seillez pour porter l'eaue et pour I baart pour porter la pierre (...) pour une corde de teil pour establir les ouvriers (Comptes Archev. Rouen J., 1399-1400, 45).

"Placer, disposer (une troupe)" : Et si avoient li Escoçois lors deus premieres batailles establi sus deus crupes de montagne, la ou nuls ne pooit bonnement monter ne ramper pour euls assallir (FROISS., Chron. D., p.1400, 142). Car li rois de France avoit fait establir si bonnes gens d'armes sus les frontieres d'Artois, de Boulenois et en la conté de Ghines, qui pour ce temps se tenoit toute françoise, et aussi mis et establi sus la mer, Genevois, Normans et Espagnols, que, qant les Englois voloient issir hors de lor siege, il convenoit que il fuissent trop bien acompagniet, se il n'estoient rebouté (FROISS., Chron. D., p.1400, 794).

[D'une troupe] S'establir. "S'installer, prendre garnison qq. part" : ...les Englois (...) vinrent devant Auberoce. Qant il furent venu devant, il s'i logierent et establirent aussi faiticement de tous poins que pour demorer une saison (FROISS., Chron. D., p.1400, 612).

Au fig. Establir qqn. "Rendre qqn plus ferme, fortifier qqn (dans ses croyances)" : ...mais ilz [les disciples] demenderent vostre ayde au besoing, et vous ne la deniastes pas, ainsois descendistes soudainement pour les conforter, pour les establir et confermer. (GERS., Pent., p.1389, 75).

Establi (+ indication d'âge). "Placé (dans telle catégorie d'âge)" : Et par bonne raison il semble Que moisteur et chaleur ensemble Font très bonne complexion à recevoir l'infection, D'ont nous véons que les enfans Et establiz dessoubz sept ans, Qui sont moistes et chalereux, En sont mains prestz et vigoreux à faire bonne résistence Contre le mal de pestillence. (LA HAYE, P. peste, 1426, 59).

B. -

P. ext.

Establir qqc. "Fixer qqc. de manière durable ; fonder qqc. sur des bases solides"

"Proposer, faire voter, adopter, fixer qqc. (une loi, un édit, une juridiction...)" : L'EMPERÉRE. Certes pour s'amour loys honnestes Et nouvelles establiray Si tost qu'en mon palais seray Et de cy hors. (Mir. st Sev., 1362, 212). Car droit naturel est ordené de Dieu, et droit positif est establi par hommes (ORESME, E.A.C., c.1370, 317). Car, quant est selon la verité, nul ne puet ordener ne establir dez choses dezquelles il n'a ne puissance ne pover (Songe verg. S., t.1, 1378, 22). Or gardes bien que tu ne failles, Car establi un tel esdit Ay que qui respondre a mon dit Ne saura, il en doit mourir, Riens ne l'en pourroit secourir. (CHR. PIZ., M.F., II, 1400-1403, 289). Item les Sages anciens, Paiens et Juifz et Crestiens, Qui loiz et règles à délivre Establirent lors pour bien vivre, Rémunérèrent vertueux Et punirent les vicieux (LA HAYE, P. peste, 1426, 70). Quant Ligurgus et Phoroneus ou temps dez Grecs, et depuis Justinien et lez aultres empereurs romains ourent establi lez loys, ilz reserverent aux princes le povoir de les interpreter et soustenir. (CHART., L. Esp., c.1429-1430, 74).

[D'une science compétente] "Organiser de façon définitive (un ensemble institutionnel : lois, juridiction, etc.)" : Et aveques ce, elle [la science de politiques] vault et aide a faire composer et establir lays humainnes justes et proffitables, et a les entendre et interpreter, ou gloser. (ORESME, E.A., c.1370, 98). Mais quant il [le droit positif] est ordené, mis et establi il a difference (ORESME, E.A., c.1370, 303).

Establir au contraire. "Prendre une décision contraire" (Éd.) : Derechief, la coustume puet bien lier lez subjés, mez elle ne lie mie le seigneur, car, ainsi, il s'ensievret que il n'aret point de pover de establir au contraire. Et, aussi, une coustume lie pour tant que le pueple declaire sa volanté que il voeille que elle lye (Songe verg. S., t.1, 1378, 267).

"Fixer (des peines, des sanctions)" : ...car euls pugnissent et establissent painnes et affliccions a touz ceulz qui font mal quelz que il soient, se il n'i sont contrains par force ou se il ne le font par ignorance de laquelle il ne soient pas en cause. (ORESME, E.A., c.1370, 197). Car communelment ceulz qui ont tele fortitude, ce sont les citoiens qui soustiennent les perilz es batailles pour cause de eviter les increpacions, blasmes et reprouches qui sont establies et ordenees es loys du paÿs contre ceulz qui es batailles se portent mal (ORESME, E.A., c.1370, 210).

"Instituer, créer sur des bases solides (un état de choses)" : ...le premier bien du mariage corporel est fruit en lignie, pour laquelle mariage est principalment establi (Mir. femme roy Port., c.1342, 149). ...paix fut establie entr'eulx [des ennemis] (JUV. URS., T. crest., c.1446, 68).

"Fonder qqc. sur des bases solides"

[un règne] : Tu voys doncquez comme les regnes et les puissances establies sans doctrine ou conduiz par desrayson sont non certains, et tirent et le roy et le royaulme a paine et a mort, qui est la soulde et le guerdon de peché, selon saint Paoul. (CHART., L. Esp., c.1429-1430, 47).

[une institution, un organisme...] : ...aussy avoit esté ceste Court ordonnée et establie pour faire justice par cent personnes qui font le Parlement (BAYE, II, 1411-1417, 42). Et a remonstré comment ledit saint concil est assemblé et establi ou nom de Dieu par la grâce du Saint-Esprit (FAUQ., III, 1431-1435, 34). ...ilz avoient entendu que on vouloit instituer, establir ou fonder en la ville de Caen estude de lois et de decretz (FAUQ., III, 1431-1435, 111). ...vous savez assez comment nous avons (...) ordonné que l'université par Nostre Saint Pere le pape, à nostre priere et requeste, et de nostre consentement, erigée, donnée, créée, statuée et stablie en nostre ville et cité de Bourges, y soit doresenavant maintenue et excercée (Lettres Louis XI, V., t.4, 1470, 83).

[une manifestation] : ...car Evandrez, li roys d'Arcadie, avoit en celi liu establi les festes et les sacrifices de Pan a l'usaige des Archadez, esquelez solennitez juvenceaus tous nus couroient par esbat. (BERS., I, 1, c.1354-1359, 5.2, 9). Lors a li roys Tarquins establi et fais les jeus et soulas publiques trop plus plentivement et solennement que n'avoient les autres roys qui furent avant lui. (BERS., I, 1, c.1354-1359, 35.7, 62). Plusieurs jeux establi a Romme Et veilles, ou les gens se tindrent, Que Rommains par lonc temps maintindrent. (CHR. PIZ., M.F., III, 1400-1403, 189).

"Fixer, déterminer qqc."

[Une date] : Le roy de Duglose demoura en son pallays en faisant bonne chiere, en actendant le jour du tournay qu'il avoit establi. (Charles de Hongrie C., c.1495-1498, 6).

Part. passé en empl. adj. "Qui a été fixé" : S'il n'amaine au retour, à journée establie, Campion avoec lui pour purgier la folie, Qu'Olifierne ly soit ostée et eslongie (God. Bouillon R., t.2, c.1356, 252-253). Adonc fu des barons ensamble consaux pris, Et dirent tout d'acort li nobille marchis Que quiconquez est rois de Franche le païs Gardera les reliques que Regnaut ot conquis, Et les monstera a drois jours establis. (Renaut Mont. B.N. V., c.1350-1400, 854).

[Un prix] : ...car en Lacedemone chescune teste paie et contribue ce qui est establi pour le digner et se il ne peut payer, il ne participe en rien en la policie, si comme il est dit devant. (ORESME, Pol. Arist. M., c.1372-1374, 106). Mais combien que son pris soit establi par volenté humaine, toutesvoies neccessité naturel nous contraint ou meut a user de monnoie. (ORESME, E.A.C., c.1370, 295).

Establir + interr. indir. : Emprés ceci a ordené grans evesques sur tous les autres un des senatours que on appeloit Nume Marcien, a cui il a toutes les ordenances des chosez sainctes parescript, esquelz jours, ouquelz sacrifices et enquelz temples les solennités seroient fetes, et aussi a il establi de quel pecune les despens se feroient. (BERS., I, 1, c.1354-1359, 20.5, 33).

"Décider, ordonner qqc."

Empl. abs. : ...lesdiz priour et fréres, tant pour eulx que eulx establissanz pour tous les autres frères dudit hostel, quitèrent et relaxèrent es diz mariez cinq bouisseaux et demi des diz neuf bouisseaux et demi dudit fourment (Cartul. Hôtel-Dieu Cout. L., 1382, 189). ...messire Raoul Le Gros, prestre priour de l'ostel Dieu de Coustances, messire Guillaume de Bessin, messire Guillaume Peluel, (...) prestres, frères dudit hostel, pour eulx et establissans pour tous les autres frères dudit hostel (Cartul. Hôtel-Dieu Cout. L., 1434, 249).

Establir (à) + inf. : A mon pooir nuls n'en laissay, Pensant que, se li espriviers Venist, familleus et louviers De prendre seur eaus sa pasture, Qu'il n'aroit d'autre chose cure, Dont il metteroit en oubli L'oisel que j'avoie establi A li prendre, a grant amité, Par courtoise subtilité, Et que si s'en saouleroit Que sans plus faire s'en iroit. (MACH., D. Aler., a.1349, 267). Assés devoit estre assouvie ta desordonnance d'avoir plusieurs femmez sans avoir establi les repudier a quelconque cause, pour rempler lez delitz dez femmez nouvellez. (CHART., L. Esp., c.1429-1430, 124).

Establir que + sub. "Décréter que" : J'afferme et se di en mon dit Que nuls meschiez ne s'apartient Aus grietez que ses cuers soustient, Tant comme il dure et elle dure. Et si say moult bien que Nature A de son bon droit establi Qu'on mette celui en oubli Qui est mors et n'en puet ravoir Pour grant peinne, ne pour avoir. (MACH., J. R. Nav., 1349, 208). De laquele chose fu Romulus si corrociez que il le blasme premierement de bouche et puis l'occist pour celle cause, et establi que quiconques tressaudroit les diz murs il perdroit la vie. (BERS., I, 1, c.1354-1359, 7.2, 11). Il establi que les vierges fussent mariees sanz douaire a fin que les femmes fussent esleues non pas pour or ne richesces. (FOUL., Policrat., IV, 1372, 55). Item, de la tierce musique meisme firent mencion pluseurs anciens paiens qui establirent que l'en menast les corps a sepulture en chantant en signe que les ames retournent a la douceur de la musique divine selon ce que recite Macrobes. (ORESME, C.M., c.1377, 482). Et en signe qu'il fust memoire Que ceste chose eust esté voire Et mise a paix par ce miracle, Qui fut un precieux triarcle A ce temps pour la gent de France, Fut establi qu'en remembrance De ce miracle et celle paix Seroit li liz a tousjours mais En tous lieux ou les rois seroient Pour jugement et que tendroient De France la saincte couronne, Fais (DESCH., M.M., c.1385-1403, 307).

Establir qqn

"Installer qqn (pour faire telle tâche)" : Et estoient bien ly mur de la tour de XVJ. a XX. piez d'espez. Et la fist faire si haulte que les guettes qui estoient dedens veoient de tous coustez qui venoit devers le fort en la ville. Et y estably trompeurs qui trompoient quant ilz veoient aucun approuchier. (ARRAS, c.1392-1393, 67). ...a Johan Delacrote, carpentier, pour II journées que il fu pour aider a establir les dis seeurs et a cuegnier ledit bosc (Comptes Archev. Rouen J., 1399-1400, 46).

Au passif : Beaulx seigneurs, faictes cy fonder vostre prieuré, et prennez tant de place que vous vouldrez. Je vous abandonne la forest pour prendre bois a charpenter, et, quant ly moyne y seront estably, je leur en donne pour leur ardoir, et tous leurs adherens et habitans. (ARRAS, c.1392-1393, 75).

"Placer, instituer qqn (dans une fonction)" : LE CONTE. (...) C'un juge establir y voulray. (Mir. enf. ress., 1353, 14). En celle annee establi furent Doi juge ancien qui se deçurent Par luxure et par couvoitise Qui maint mal engendre et atise... (MACH., C. ami, 1357, 4). Seigneurs, voulez vous establir Deux juges (...) Si orront chascune partie ; Puis sera la chose partie Par eulz (Mir. st Sev., 1362, 224). ...l'en establist aucune foiz sus chescune tele maniere de gens princes ou capitaines. (ORESME, Pol. Arist. M., c.1372-1374, 273). Or dictes hardiement, car je vous jure par tout quanque je tien de Dieu, que je vous feray raison et justice plainement, et feust encontre mon frere, se je l'avoye. Sire, dist Remondin, cent mille mercis. Et vous dittes que vaillans et preudoms roys, car pour ce fu roy premier establi pour tenir justice et verité. (ARRAS, c.1392-1393, 56). Les jeunes hommes de son ost, Pour soustenir les guerres, vost Establir chevaliers et faire (CHR. PIZ., M.F., III, 1400-1403, 181). Et, après ladicte execucion ainsi faicte dudit connestable, fut le samedi, XXIIIe jour dudit moys de decembre, fait publier à Paris, à son de trompe et cry publique, le desappoinctement des generaulx maistres des monnoies pour les causes contenues oudit mandement. Et, ou lieu d'eulx, le roy mist et establist quatre personnes seulement ; c'est assavoir sires Germain de Merle et Nicolas Potier, Denis le Breton et Simon Enjorran. (ROYE, Chron. scand., II, 1460-1483, 1). Cestui Phoroneus establit premier juges et auditeurs et n'y avoit lors nulz merchés, mais chacun y venoit pour aver justice et là comancerent à vendre et achappter l'un de l'autre choses neccesseres et pour ce les nomma de son nom "Phoro". (SIMON DE PHARES, Astrol., c.1494-1498, f° 19 v°). Et, ce mesme an, ledit grant maistre fut par le roy creé, constitué, ordonné et establi, pour la fidelité, loyaulté et prouesse qui estoit en luy, son lieutenant general es pays de Vermandois, Guyse et Marle, qui estoient lors es fins et mettez de Picardie. (LE CLERC, Interp. Roye, c.1502, 207).

"Instituer qqn dans un rôle particulier" : ...pour ce voult Diex establir ceste glorieuse vierge Marie, par qui toute autre femme est sauvée (Mir. st J. Cris., c.1344, 252).

"Désigner, élire, choisir" : ...lorsque les Rommains reignoient en triomphe, establissoient les anciens excercités et expers en vertu, sagece et chevalerie, les superieurs de leurs ordres et conseilz, comme cent senateurs, qui est à dire cent anciens (CHR. PIZ., Faits meurs Ch. V, S., I, 1404, 34).

Establir qqn (à) + subst. attribut. "Installer, nommer qqn + subst. attribut." : Sachent tous que nous avons fait et establi, faisons et establissons par la teneur de ches presentez Franchoiz de l'Ospital, Guillebert Poolin et Thomas Fouques, tous ensemble et chascun par soy, nostrez lieustenans. (Clos galées Rouen M.-C., t.2, 1337, 12). Or ça, il nous en fault raler, Puisqu'establi bailli l'avons, Et aux assises revenrons D'uy en quinzaine. (Mir. enf. ress., 1353, 17). Je voel que vous soyés aprestés et garnis, Pour aler à Nimaie avoecques voz soubgis, Devant l'emperéour (...) Et se ly prierés, Godefroy, biaux doulz fils, Que chevaliers soyés de se main establis. (God. Bouillon R., t.2, c.1356, 5). Ensi furent les Englois signeur de la ville de Laille (...) et i establirent un chevalier d'Engleterre a chapitainne (FROISS., Chron. D., p.1400, 609). Et à la fin, et soubz entente De procéder par droite sente Et monstrer le fait évident, Establirent à Président Le beau Soleil, leur noble maistre à décider et à cognoistre, Sans appeller ne contredire, Sur tout le fait qu'ilz vouldrent dire. (LA HAYE, P. peste, 1426, 33).

Establir qqn à/de qqc. "Nommer qqn pour qu'il s'occupe de qqc., charger qqn de qqc." : Se ceulx qui en ont esté gardes et tresoriers en rendent bon compte ou aucques près, nous en serons tout joyeulx (...) et, s'ilz n'en monstrent bien leur acquit, on en ordonnera par les deputez de vostre royaulme, qui ad ce seront estably (FROISS., Chron. M., XIV, c.1375-1400, 30).

Au passif : Et pour ce dist il ancores que telz princes doibvent estre nommez seigneurs par procureurs ; car il est constraint lesser aux saiges ce dont il est par droit estably et commis. (LA SALE, Sale D., 1451, 26).

Establir qqn à + inf. "Désigner qqn pour faire qqc." : Ces deus officiers et juges que on appeloit duyhome ont esté establi a dicter la sentence de parduellion encontre Orace, et ne leur sembloit pas que il le peussent assoudre, fust horez innocens. (BERS., I, 1, c.1354-1359, 26.7, 44).

DMF 2020 - Synthèse

Pierre Cromer

Fermer la fenêtre