Empl. trans.

A. -

"Évaluer le prix, le nombre, la valeur, l'importance... de" : ...car si grant nombre en y avoit que on ne les peüst estimer (Bérinus, I, c.1350-1370, 135). Cy sui tourmentez jour et nuit D'ardure qui cy m'art et cuit Que je ne la puis exstimer. (Mir. prev., 1352, 248). Là fut gaagnié si grand tresor qu'on ne le pourroit extimer (LE BEL, Chron. V.D., t.2, 1358, 19). Et nous appelon pecunes toutes choses quelconques desquelles le digne pris et la valeur est mesuree et estimee par monnoie. (ORESME, E.A., c.1370, 230). Et donques l'auctorité de estimer et mesurer la retribucion demeure ou recevant et semble que le donnant le mecte en sa volenté. (ORESME, E.A.C., c.1370, 449). Ne dou grant conquest et pillaige que Phelippes d'Artevelle et li Gantois prisent là à celle prise de Bruges, à paines le polroit on prisier ne extimer, tant il eurent il grant proufit. (FROISS., Chron. R., X, c.1375-1400, 240). ...et en iceulx celiers ou caves avoir prins pour leur vivre, à diverses fois et journées, tele et si grant quantité de vins pour leur despence faire comme bon leur sembloit, et une fois plus et l'autre mains, et jusques à tel nombre qu'il ne le sauroit extimer, ne la valeur d'icellui (Reg. crim. Chât., II, 1389-1392, 118). Cil qui le nombre en extima Y compte bien, que je ne mente, .IX^c. ans (CHR. PIZ., M.F., II, 1400-1403, 143). Appoincté que les buefs seront prisiez et estimez par gens expers et congnoissans (FAUQ., II, 1421-1430, 54). Auquel lieu ala, de touttes les parties de crestienté, si grant multitude de gens, que on ne les eut peu extimer. (ESCOUCHY, Chron. B., t.1, c.1453-14, 320). Prince puissant en regence impassive, Dont nul ne peult extimer la haultesse, Grace vous rens par amour dilective, Quant huy me voy en gloire de noblesse. (Myst. Pass. Troyes B., a.1482, 7).

-

Estimer qqc. à tant : Aprez se mirent aux champs et extimerrent bien leur pooir à Vm armeures de fer (LE BEL, Chron. V.D., t.1, 1358, 265). ...la trayson par elle faite à icelle en prenant lesdiz biens, avec la valeur d'iceulx, extimez à IIIJ fr. ou environ (Reg. crim. Chât., II, 1389-1392, 130). ...une poignee de chandelles, estimee par commune estimacion a trois livres de cire (Chartes Abb. St-Magl. T.F., t.3, 1394, 678). ...il (...) estimerent lor hoost a .V. mille armeures de fier, sans les Genevois qui estoient environ troi mille. (FROISS., Chron. D., p.1400, 492). ...mais chacun doit savoir que c'est chose incomprehensible et inestimable que de la puissance de Paris, car lesdiz Bourguignons, Bretons, Calabriens, Bourbonnois, Picars et autres ainsi estans devant Paris que dit est, que on estimoit à bien Cm chevaulx, après l'appoinctement fait... (ROYE, Chron. scand., I, 1460-1483, 124). Et, de l'autre costé aussi estoient en bataille les habitans de ladicte ville, qui estoient moult grande et belle chose à veoir, et estimoit on le nombre des arméz de IIIIxx à Cm hommes, tout d'une livrée de hoquetons rouges à belles croix blanches. (ROYE, Chron. scand., I, 1460-1483, 310). ...il le lessa garny d'une grosse, puissante et bonne armée de quatre mil cinq cens hommes d'armes, d'un bon nombre de Suysses, grant nombre de francs archiers et autres gens de guerre qu'on estimoit à soixante mil combatans à sa souldée (LE CLERC, Interp. Roye, c.1502, 398).

.

Estimer qqc. tant : Ancois y eut au jour, qui estimés y estoit, plus de dis mil lances, chevaliers et escuiers. (FROISS., Chron. R., VIII, c.1375-1400, 213). ...et lui ont esté delivrés une coule noire, ung petit psaultier et ung vieil breviaire, estimés environ deux frans (FAUQ., II, 1421-1430, 94). Et quant ilz sont arivés au Cayre, ... la présence du souldain, sont aulcuns estimeurs vieulx, usés, lesquelx estiment tant la teste (Passage Terre Sainte Piloti D., 1441, 53). ...et ay ouy estimer quatre vingtz mil escuz l'an ce qu'il tenoit en ces choses alleguées, sans son patrimoyne. (COMM., I, 1489-1491, 192).

-

[Suivi d'une prop. inf.] : Et sont poïéez toutes lesdictes avoines à la mesure du Bouc Achart, ladicte rasiere estimée valloir un reys et un comble (HECTOR DE CHARTRES, Cout. R., 1398-1408, 103). ...de laquelle croce et baton ilz prisoient et estimoient chascun marc valoir VIIJ libvres tournois. (BAYE, I, 1400-1410, 177). Laquelle compaignie estoit estimée se monter environ à six mille combatans (CHART. J., Chron. Ch. VII, V., t.2, c.1437-1464, 177).

.

Estimer estre tant : Et avoit le roy avecques lui pour le acompaigner le roy de Secile et monseigneur du Mayne ; et si le suivirent plusieurs gens de guerre de son royaume et en grant nombre, qu'on estimoit estre de XX à XXXm combatans. (ROYE, Chron. scand., I, 1460-1483, 42). Oudit moys d'aoust, le mardi XXIXe dudit moys, le roy se parti d'Amiens, et aussi monseigneur de Bourbon, monseigneur de Lion et autres nobles hommes, cappitaines, gens d'armes et de traict, officiers et autres gens en moult grant et merveilleux nombre, que bien on estimoit estre Cm chevaulx, pour tous aler à Piquegny. (ROYE, Chron. scand., I, 1460-1483, 342).

-

Empl. pronom. à sens passif. "Être évalué" : Dont n'est point a doubter que se vous et les autres princes et seigneurs crestiens et ceulz qui combattre doivent, que se vous estes bien avec Dieu, que il ne soit assez mieulx avecques vous, pour quelconques grant puissance que les Sarrazins soient, qui sera telle que le nombre ne s'en porra extimer. (LA SALE, J.S., 1456, 202). Aussi estoit de Lisle chastellain, Et gouverneur de maint beau chastel loing Que maintenant je ne nomme ne dis, Et qui ne montent seullement huyt ne dix, Ains s'estoimoient beaucop a plus de vingt. (LA VIGNE, V.N., p.1495, 317).

B. -

P. ext. "Considérer, admettre"

1.

Estimer que. "Considérer que, admettre que" : Et pour ce, les incontinenz qui dient bonnes paroles et de grant prudence contraires a ce que il font, il est a estimer et cuider que il soient aussi comme ceulz qui faingnent et qui dient les choses que il ne croient pas. (ORESME, E.A., c.1370, 373). ...car les loys estiment ou supposent que celui a qui est octroié l'estimacion en doit plus justement ordener que celui qui li octroie. (ORESME, E.A., c.1370, 454). ...tous ceulx cy font grant folie Qui fuient pour l'épidémie, Estimans que Dieu seurement Fait mourir électivement De ceste faulse maladie Guillaume, Robin et Marie (LA HAYE, P. peste, 1426, 75). Tu ne dois pas estimer que a Dieu conviengne de contraindre sans coulpe a miserableté celui qu'i a fait juste pour venir a beatitude. (CRAP., Cur Deus, De arrha B.H., c.1450-1460, 176). Raby, j'estime certes que mieulx Est amé celluy a qui plus L'usurier donna sans reffus. Aussi le doit il plus aimer. (Pass. Auv., 1477, 153). ...mais estoye esbahi comme nul se osoit deffendre contre ce prince à qui j'estoye, en estimant que ce fust le plus grant de tous les autres. (COMM., I, 1489-1491, 28). J'estime que cecy vint de Dieu, qui regarda en pitié ce royaulme (COMM., II, 1489-1491, 9). L'on povoit estimer lors que ceste assemblée estoit dangereuse (COMM., II, 1489-1491, 219).

-

Estimer + inf. "Penser, considérer + inf." : Ainssi a son maistre on ne doit point du tout ajouster foy comme fist ung nommé Nigrion, lequel avoit si grant fianche es sentences de Montain, son maistre, que toute parole partant de sa bouche il estimoit estre chose sainte (DAUDIN, De la erudition H., c.1360-1380, 59). ...estimans tous autres estre de leurs natures, par leurs decevables frauldes et par leurs subgestions empirent et perdent les estats des princes et roys. (ORESME, Monnoies W., c.1365, LXXX). Je desire dont que tu me declaires et dies se la grande doulceur et incitation que je estime le prebstre avoir a messe celebrer, est samblablement en nous quy le recepvons de la main du prebstre. (Traité S. Sacr. B., c.1450-1500, 148). Ce grant nombre de gens qui estoit en ceste avantgarde, conduitz par ledict mareschal de Bourgongnge et le seigneur de Humbercourt, tyrèrent droit à la cité, estimans y entrer (COMM., I, 1489-1491, 147).

2.

Estimer qqn/qqc. + attr. de l'obj. "Considérer qqn ou qqc. + attr. de l'obj." : Il sera longuement petit, et gerra dedens soy cilz qui estime aucune chose grande fors un seul tresgrant et eternel bien. Car ce qui n'est point Dieu est neent et doit estre compté pour neent. (Internele consol. P., 1447, 162). Tout ce jour demoura encores monsr de Charroloys sur le champ fort joyeux, estimant la gloire sienne (COMM., I, 1489-1491, 37). Ledict roy Richard requeroit l'amytié du roy et croy qu'il eust bien voulu avoir ceste pension dessusdicte, mais le roy ne voulut respondre à ses lettres ne oyr le messaige et l'estima très cruel et mauvais (COMM., II, 1489-1491, 305). Et ne revoquez point en doubte que ledit Balue avoit plusieurs grans ennemys, qui injustement peurent estre cause de sa prinse, non obstant que beaucop de saiges chevaliers de ce royaulme, et qui pour les cieulx ne vouloient point perdre la terre, l'estimoient homme de très grant esperit et disoient qu'ilz n'en avoient point veu de pareil. (LE CLERC, Interp. Roye, c.1502, 224). Et estoit avec luy ung fol que on nommoit le Glorieulx, qui luy disoit en s'enfuyant, pour ce qu'il avoit estimé Hanibal preudz et vaillant homme ; et ledit Glorieulx luy respondit : "Monseigneur, nous sommes aujourduy bien haniballez..." (LE CLERC, Interp. Roye, c.1502, 358). Et l'estimoit le roy ung homme très hardi et bon chevalier (LE CLERC, Interp. Roye, c.1502, 387).

-

S'estimer + attr. : Filz, il te convient estre non sachant en moult de choses et toy estimer comme mort sur terre et a qui tout le monde soit crucefiés (Internele consol. P., 1447, 195). Se tu vois aucun pechier appertement ou perpetrer aucunes choses griefves, tu ne te dois pas toutevoies estimer meilleur. (Internele consol. P., 1447, 275). Mais c'est grant folie à ceulx qui se estiment si bons et si saiges que de penser que leur presence peut pacifier si grans princes et si subtilz comme estoient ceulx-cy (COMM., I, 1489-1491, 92). Comment print il au tres riche et puissant Quant je l'euz prins en indignation ? Qui s'extimoit le plus replendissant, Le plus heureux, en sa jactation, De tous les nez (ANTITUS, Poés. P., c.1500, 17).

-

S'estimer./Estimer de soi. "Préjuger de soi, se surestimer" : Et ne m'est pas advis que le sens d'un homme sceust porter ne donner ordre à ung si grant nombre de gens ne que les choses tinssent aux champs comme elles sont ordonnées en chambre et que celuy qui s'estimeroit jusques là mesprendroit envers Dieu (COMM., I, 1489-1491, 26). L'on ne doit trop estimer de soy, par especial ung grant prince : c'est de congnoistre que les graces et bonnes fortunes viennent de Dieu (COMM., I, 1489-1491, 38).

3.

Estimer qqc. "Considérer, prévoir qqc." : Car, se on voit souvent les bons et preudhommes errer, non par malice mais par fortune qui aultrement dispose des choses que on ne estimoit (FILLASTRE, Traité Conseil H., c.1472-1473, 159).

-

"Prendre qqc. en considération" : Et pour ce, il estima peu leurs requestes et demandes (COMM., II, 1489-1491, 193).

-

Estimer qqc. en qqn. "Considérer que qqc. est en qqn" : ...car le peuple les adouroit comme saincts, estimant en nous toute foy et bonté (COMM., III, 1495-1498, 51).

C. -

"Considérer avec respect, porter de l'estime à" : Vëez vous pas comme il estime Haultement la divinité ? (Path. D., c.1456-1469, 136). Entre les autres y estoit le conte de Dunoys, fort estimé en toutes choses (COMM., I, 1489-1491, 20). Je l'ay veü grant et honorable prince et autant estimé et requis de ses voisins, ung temps a esté, que nul prince de la crestienté ou, par adventure, plus (COMM., I, 1489-1491, 154). ...mais il l'en loua et estima ledict chambellan plus que tous les autres serviteurs dudict roy d'Angleterre (COMM., II, 1489-1491, 244). A Romme estoit lors le duc de Calabre Cuydant regner par puissance estimee, Mais trop plus fut refroidy c'un vielz marbre Et sa prouesse laschement consommee, Quant il sentit approcher nostre armee (LA VIGNE, V.N., p.1495, 229).