| 79 exemples | | 1 | Et nonpourquant pourtoit cil periers beau fruit, mais bien veritez estoit que ja tant on ne le laissast meürer que nulz en peüst gouster ne essaier et, s'il advenoit par aucune aventure que un pou de ce fruit lui passast le col, tantost le convenoit estrangler ou mourir de male mort. (Bérinus, I, c.1350-1370, 140). | |
| 2 | Ce morsel ci essaieray ; Et puis j'en diray mon avis. (Mir. roy Thierry, c.1374, 305). | |
| 3 | ...un petit coustelet, duquel il avoit essayé se icelui fer de plenne estoit bien (Doc. Poitou G., t.7, 1414, 269). | |
| 4 | ...et ce fait s'en vindrent en nostre ville de Tours avecques ledit faulx argent, lequel ilz portèrent au maistre de noz monnoyes audit Tours et lui demanderent s'il voulloit poinct achepter ledit faulx argent lequel respondit qu'il l'achepteroit voulentiers, mais qu'il l'eust essayé. (Doc. Poitou G., t.12, 1482, 555). | |
| 5 | Le second recuit a eu 30 feux et ne sauroit au vray ledit Jacquemont, dire s'il a eu assez feu ou non et le fault essayer avant qu'il en sache jugier. Auquel Jacquemont je ordonné faire ledit essay et m'en faire son rapport le plus tost que faire se pourra. (Aff. Jacques Coeur M., 1453-1457, 249). | |
| 6 | Et en tant que l'ost estoit la ainsi amassez que dit est, il fist tanter et essayer la riviere pour sçavoir comment il pourroient passer oultre (WAUQUELIN, Faits conq. Alexandre H., c.1450, 378). | |
| 7 | ANTHENOR. (...) A boire ! a boire ! L'OSTE. Tantost, sire ; vezcy un voire. Tenez ; essaiez, mon seigneur (Mir. marq. Gaudine, 1350, 155). | |
| 8 | La salee [morue] peu trempee sent trop le sel, et la trop trempee n'est pas bonne. Et pour ce, qui l'achaicte doit essayer a la dent et en mengier ung petit. (Ménagier Paris B.F., c.1392-1394, 237). | |
| 9 | Et pour ce, en reprenant ce que dessus comment les mariz essaient l'obeissance des femmes, jasoit ce que ce ne soit que jeu, toutesvoyes a tous qui estoient desobeis et qui par ce perdoient, le cuer leur douloit de la moquerie et de la perte, et quelque semblant qu'ilz en feissent, ilz estoient tous honteux et moins amoureux de leurs femmes qui leur estoient peu humblement craintives et obeissans, ce qu'elles ne devoient pas estre en tant soit petite chose. (Ménagier Paris B.F., c.1392-1394, 82). | |
| 10 | Et ne creez ja conseil de garcon, ne ne trayez ja trop privé de vous homme que vous n'aiez bien essayé ses meurs et ses condicions. (ARRAS, c.1392-1393, 85). | |
| 11 | Si leur ay toute m'aventure Compté, sans nulle couverture, Ce qu'avoie oy et veü. S'en ont trop grant merveille eü ; Dont pluseurs y ot qui juroient Que le passage essaieroient [var. assaieroient], Car bien cuidoient estre tel Qu'il feroient tout autretel. S'il y passerent, plus n'en say. (MACH., D. Lyon, 1342, 235). | |
| 12 | Comme esmaié, Tous maulx fors mort a essaié (CHART., L. Dames, 1416, 239). | |
| 13 | C'est la fontainne douce et clere Qui puet dou tout assasier L'ardant soif de mon desirier Et tous mes griés maus alegier ; Mais trop m'en est Amours avere. Car ce m'art et me fait sechier, Qu'adès la voy, dont plus l'ai chier, Et goute n'en puis essaier. Pour ce à Tantale me compere (MACH., Les lays, 1377, 379). | |
| 14 | Vouldroit aucun changer sa vie A moy, pour essaier mon aise ? (CH. D'ORLÉANS, Rond. C., 1443-1460, 457). | |
| 15 | [Un mari a empêché sa femme de s'assurer de la grande virilité d'un aubergiste] ...s'il vous eust voulu croire, et je n'y eusse contredict, vous aviez bonne devocion d'essayer sa puissance. (C.N.N., c.1456-1467, 411). | |
| 16 | [Un médecin pense à utiliser un nouveau remède] "Nous l'essayerons", dit le cyrurgien. (C.N.N., c.1456-1467, 504). | |
| 17 | Oudit an LXXVIII, le lundi devant les Roys, advint que pluseurs officiers du roy en son artillerie firent assortir une grosse bombarde, qui en ladicte année avoit esté faicte à Tours, pour illec l'essaier et esprouver. (ROYE, Chron. scand., II, 1460-1483, 81). | |
| 18 | Ha ! dea, beau maistre, Vous aurés absolution Après votre confession. C'est bien raison que vous l'aiés. LA LAICTIERE. Dea, il fault que vous essaiez Aussi bien du mal que du bien. LE SERGENT. Maugré ma vie, je le scez bien. LE SAVETIER. Escoutés là, il veult prescher. (Sav. serg. D.L., c.1480-1490, 36). | |
| 19 | Et, depuis ledit d'Ardaine, en essayant ung cheval à courre contre le prince d'Orenge, qui avoit mis ses gens en embuche dedans ung boys, et, quant ilz eurent couru jusques audit boys, incontinant les gens dudit prince sortirent, le prindrent, luy allerent incontinent faire copper le col. (LE CLERC, Interp. Roye, c.1502, 397). | |
| 20 | Li Sampnicien, perdu leur empereur et essaiees leurs forces par bataille de cheval, comme il veissent que c'estoit pour noyent et que deffendre Satricule ne povoient, il s'en tournerent au siege de Plistie. (BERS., I, 9, c.1354-1359, 22.11, 41). | |
| 21 | ...adonc Milions voult essaier sa force, et ses .II. bras en la fente estendi si que les coins cheirent, et l'arbre se rejoint, et il demoura en la fente et ne se pot ravoir, et ainsi là moru, et des bestes fu devorez. (CHR. PIZ., Faits meurs Ch. V, S., II, 1404, 62). | |
| 22 | ...dez sa jonesse, par grant curiosité, le noble conte frequentoit et sievoit tournois, joustez et fais d'armez en tous lieux ou il mieulx cuidoit son corpz essayer et faire valoir (Comte Artois, c.1453-1467, 2). | |
| 23 | Et pour ce je dy que le cappitaine de Crathor est bon et gracieux et scet bien que prisonniers coustent: car beaucoup de foys il a essayé et en a prins, qui luy ont cousté bien chier. (BUEIL, II, 1461-1466, 13). | |
| 24 | Nientmoins, ça ! j'en essaieray [d'un coulis] Et puis mon avis en diray. (Mir. Pierre Changeur, c.1378, 252). | |
| 25 | Quant li sains peres a veü, Essaié, tempté et sceü Que li bons roys qui tant valoit Nul acort faire ne voloit, Il a dit qu'il le mandera Et de la pais le priera, Et qu'à ce vuet mettre grant peinne. (MACH., P. Alex., p.1369, 236). | |
| 26 | Car sachiez que j'ay essayé que quant les couvertures, pennes, ou robes ou il a puces sont enclos et enfermez secretement, comme en male bien lyee estroictement de couroyes, ou en sac bien lyé et pressé, ou autrement mis ou compressé, que icelles puces soient sans jour et sans air et tenues a destroit, et ainsi se periront et mourront sur heure. (Ménagier Paris B.F., c.1392-1394, 101). | |
| 27 | Maiz je pry a Dieu qu'Il la gart Et lui en doint Tel joie qu'il ne faille point Qu'elle essaie com Amours point Ceulx a qui n'en va pas a point, Comme je l'ay Essaié. (CHART., L. Dames, 1416, 208). | |
| 28 | Saint Jehan ! dit l'aultre, j'essaieray comment je pourray faire. (C.N.N., c.1456-1467, 136). | |
| 29 | ...je m'en voys essayer comment je passeray par ceans (C.N.N., c.1456-1467, 437). | |
| 30 | Lors fu en grant merencolie Comme cils qui pense et colie, Contrepense, estudie et muse, S'a certes estoit, ou par ruse, Ou se ses cuers einsi plaier Me voloit, pour moy essaier. (MACH., R. Fort., c.1341, 153). | |
| 31 | Mes doulz amis, Qui vous a en cest estat mis ? Ne vous devés pas esmaier, Car ce fu pour vous essaier Quant je vous fis petite chiere. Ne veuil pas estre envers vous fiere, Car vous estes mon ami vrai, N'autre de vous jamais n'aurai. (MACH., Voir, 1364, 108). | |
| 32 | Si ne sçay, s'Amours m'essaie, Qui tant me grieve et esmaie, Ou s'il li plaist que je traie Toudis mal qui me detraie. (MACH., Les lays, 1377, 319). | |
| 33 | ...ne autrement en quelque maniere ne vous vueil je point essaier, car a moy souffist bien l'espreuve ja faicte par la bonne renommee de vos predecesseurs et de vous, avecques ce que j'en sens, et voy a l'ueil et congnoiz de vraye experience. (Ménagier Paris B.F., c.1392-1394, 73). | |
| 34 | ...c'est grant simplece a vous de ainsi faire traveillier voz gens d'armes pour neant. Comment ! dist Anthoine. Quant vous faictes faire un habit nouveau, ne le faictes vous pas essayer savoir se il y a qu'amender ? Et ceulx respondent : Par foy, monseigneur, c'est raison. Dont, dist Anthoine, ay je droit d'avoir essayé mes compaignons, pour savoir comment je les auray prests a mon besoing, veu que nous approuchons de noz ennemis. Au moins, se aucune faulte y eust eu, nous y eussions pourveu de remede a moins de dommage que se besoing y feust. (ARRAS, c.1392-1393, 157). | |
| 35 | ...les diz mariez qui estoient taverniers, alerent boire et essaier en l'esglise d'Ardin, qui est forte, des vins de Mabile Rataude (Doc. Poitou G., t.5, 1385, 269). | |
| 36 | ...ne sçay se querez voye Pour m'essayer (CHR. PIZ., Cent ball. amant dame C., c.1409-1410, 105). | |
| 37 | ...aulcun barbier, de quelque condicion qu'il soit, ne pourra ne devra faire office de barbier en nos diz pays ne aucun d'iceulx, s'il n'est essayé et eprouvé par les diz maistres et jurez. (Doc. Poitou G., t.7, 1420, 357). | |
| 38 | J'ay bien oÿ que aucunes desplaisances amours leur ont donné pour les essaier, mais ce n'estoient pas yres se ilz n'estoient ferus d'autre mal que d'amours. (LA SALE, J.S., 1456, 18). | |
| 39 | LA FILLE AU ROY. Meschant prestre, je t'essaioie. Cuides tu que tant m'avillasse, Que je mon corps t'abandonnasse, Fol malostru ? (Mir. st J. Cris., c.1344, 269). | |
| 40 | Adont Dieu se mist en conroy, Et lui respondi [à Satan] par mesure : "On list en le Sainte Escripture Que ton Dieu et ton droit Seignieur, Qui dessus tous est le grenieur, Ne dois essaaier ne tempter." (LE FÈVRE, Respit Mort H., 1376-1380, 104). | |
| 41 | ...Madame ne le fait que pour m'essaier et pour me bailler encombrier ou cas que vouldroye faire telle faulte vers Monseigneur et telle deshonneur (Nouvelles inéd. L., p.1452, 21). | |
| 42 | Et toy, en sces tu riens, Sathan ? Sy bien l'as espïé tousjours Et essayé par tant de tours, Tu en dois sçavoir quelque chose Ou, quant est a moy, je suppose Que deable n'y scet bouter groing. (GRÉBAN, Pass. J., c.1450, 384). | |
| 43 | Et trouva Charles maniere de parler a la royne, sa damme, et luy dist : "Ma damme, vous plaist il bien que je soye a ce tournay ? Et aussi de quel couleur voulez vous que mes armes soient ?" Ores la royne savoit bien qu'il ne voulloit estre houssé que de bleu ; si luy dist pour l'essaier : "Charles, mon amy, je vouldroye que vous fussiez housé tout de blanc." (Charles de Hongrie C., c.1495-1498, 43). | |
| 44 | ...se elle est en aucun doubte ou avis que elle entrepregne aucun fait, essaie ses gens et sache de leurs courages et voulentez ains que trop s'y fie, regarde quelle poissance elle a de gens et quel secours puet avoir se besoing en a (CHR. PIZ., Trois vertus W.H., c.1405, 151). | |
| 45 | C'est Roulant, nepveu Charles, je le vien d'essayer, Aujourd'ui m'a donné assez de son mestier ! (Gir. Vienne D.B., c.1350-1400, 202). | |
| 46 | L'OSTE. (...) Je le vous baille [le harnais] a touz essais, N'en doubtez point. ANTHENOR. Or essaions s'il m'est a point (Mir. marq. Gaudine, 1350, 156). | |
| 47 | Qu'il vous plaise de vostre grace Prendre chevaliers essayés Des plus hardis que vous ayez (MICHEL, Myst. Pass. J., 1486, 436). | |
| 48 | Par Dieu, elle [ma femme] vous actendra bien, Car elle a esté bien essayee. Montés dessus plan et valee, D'elle vous serés tous reffés. (Myst. st Sébast. M., c.1450-1500, 48). | |
| 49 | ...le seigneur de Charny essaya son cheval deux courses avant ce qu'ilz besongnassent (LEFÈVRE ST-RÉMY, Chron. M., t.2, c.1462-1468, 315). | |
| 50 | "Sire, ne faittes nulle doubte, puisque vous avés ceste voulenté d'essayer la force de Mons. de Bourgoigne, qui n'est pas petite, mais grosse et puissante selon ce qu'il me peult sembler, que je ne mette ma vie et mes biens à vous faire service touchant la pescherie du duc de Bourgoigne de mettre en essay de l'aller pescher en son parc..." (LE CLERC, Interp. Roye, c.1502, 272). | |
| 51 | Or fault parler du duc de Bourgoingne qui grant desir avoit de essayer son corps allencontre du duc de Cloceste (LEFÈVRE ST-RÉMY, Chron. M., t.2, c.1462-1468, 54). | |
| 52 | Leur fortune encor essayer Veulent, riens n'y vault l'esmayer. (CHR. PIZ., M.F., III, 1400-1403, 215). | |
| 53 | Et pour ce que ainsi est, il nous convient essaier vraysemblabement et grossement a comprendre ceste chose et a savoir que ce est. (ORESME, E.A., c.1370, 105). | |
| 54 | ...après pluseurs journées, et que aucuns des seigneurs de ceans et le graphier eussent essayé, chascun en son endroit, d'accorder les parties (BAYE, I, 1400-1410, 273). | |
| 55 | Ce jour, aucunes gens d'armes (...) essayerent et s'efforcerent de prendre et escheller le pont de Charenton (FAUQ., I, 1417-1420, 278). | |
| 56 | Et dudit Sainct-Denis s'en ala au pays de Picardie et Flandres, pour cuider communiquer avecques les Flamens et Picars et essaier de faire aucun accord entre le roy et eulx sur leurs differens (ROYE, Chron. scand., II, 1460-1483, 102). | |
| 57 | L'ESCUIER. (...) Un parement vous apport, sire : (...) Essaiez le premiérement S'il vous est bon (...) LE SENESCHAL. Sa, puis qu'il fault que je l'essaie, Il me semble que je suy bien (Mir. Rob. Dyable, c.1375, 67). | |
| 58 | Et le duc d'Autriche, congnoissant que ses ennemys se deliberoient de essayer à luy mal faire ses besongnes, se getta aux champs luy et son armée, qui estoit grosse et puissante, deliberé de leur offrir le combat. (LE CLERC, Interp. Roye, c.1502, 391). | |
| 59 | Si me pensai que j'escrisisse Et que devers elle envoiasse, Pour essaier s'en li trouvasse Par qu'elle y peüst conseil mettre ; Si fis escrire ceste lettre. (MACH., Voir, 1364, 586). | |
| 60 | ...recordant en soy et considerant que partie des choses à li dites par sesdites voisines de Rilly en Anjou, elle avoit trouvées vrayes, voulant aussi essayer et savoir se les autres choses cy-dessus escriptes, par elles à li dites, estoient vrayes mesmement (Reg. crim. Chât., II, 1389-1392, 329). | |
| 61 | ...et sera essayé se l'en pourra trouver aucun apaisement et traictié entre lesdictes parties (FAUQ., II, 1421-1430, 228). | |
| 62 | Aprés elle vient par grace cooperant ou par son aide et frappe a l'uys de son ame, temptant et aysaient se il lui ouvrera l'uys de son cuer par consentement. (Déclar. Hyst. S., a.1449, 174). | |
| 63 | Toutesfois à ce conseil fut conclud que on tireroit devant Paris, pour essayer se on pourroit reduyre la ville à vouloir entendre au bien de la chose publicque du royaulme, pour lequel disoient estre tous assembléz (COMM., I, 1489-1491, 43). | |
| 64 | ...c'est bon que nous essaions le roy de Castille ; espoir aura-il si grande affection de nous veoir yssir hors de Castille que legierement il nous accordera à passer parmy son royaulme (FROISS., Chron. M., XIV, c.1375-1400, 102). | |
| 65 | La, a plusieurs fais s'essayerent Les chevaliers, qui s'esgayerent (CHR. PIZ., M.F., III, 1400-1403, 182). | |
| 66 | Il cuidoient certeinnement Que nostre crestienne gent Fussent si fort et si yniaus Qu'il fussent jà sus les creniaus. Pluseurs des nostres s'essaierent Au pertuis, mais pas n'i monterent, Pour ce qu'il estoit si estrois Qu'il n'en y pot monter que trois. (MACH., P. Alex., p.1369, 89). | |
| 67 | ...et dit que depuiz il a veu aller et venir et s'essoier et labourer en un sen courtel pres du boys de Chalamon (Doc. 1391. In : M. Bubenicek, Entre rébellion et obéissance, 2013, 584). | |
| 68 | Quant vous faictes faire un habit nouveau, ne le faictes vous pas essayer savoir se il y a qu'amender ? (ARRAS, c.1392-1393, 157). | |
| 69 | ...Car maint aimment - et j'aussi l'aim - Trop plus le printemps que l'iver, Car neis les bestes et li ver Qui contre lui de la terre issent De sa venue s'esjoïssent, Et li oisillon s'en esgaient, Qui a faire joie s'essaient... (MACH., D. Lyon, 1342, 159). | |
| 70 | ...mais que t'essaies A ta char pugnir et purgier Pour gairir t'ame et alegier. (Mir. parr., 1356, 26). | |
| 71 | David sourmonta l'ennemi de Saul, c'est a savoir Golias le gayant, et touteffois Saul se essaya tousjours de l'agaittier pour le faire morir comme son ennemi. (MIÉLOT, Spec. hum. salv. L.P., 1448, 137). | |
| 72 | Si montai sur ma haguenee Grosse et grace et bien reposee, Si m'en alai par mi le[s] champs Pour oÿr des oisiaus les chans Et pour avoir l'air - quar, sans fable, Chose m'estoit moult profitable - Et aussi pour moy essaier Se je porroie chevauchier. (MACH., Voir, 1364, 130). | |
| 73 | ...qui veult estre homme d'armes se doit acoustumer aux choses, qui s'ensuivent, c'est assavoir (...) souventes fois à aultres hommes soy essaier (CHR. PIZ., Faits meurs Ch. V, S., I, 1404, 207). | |
| 74 | Il prist en luy penssement que par adventure le dieu des crestiens estoit plus certain et feal que celluy des payens, mais avant qu'il declinast de ses dieux adourer, il eut desir de essayer encoures une fois nombre de payens contre nombre de crestiens. (BAGNYON, Hist. Charlem. K., c.1465-1470, 189). | |
| 75 | Et sachez que a Romme l'en ne mesprisoit point la bataille des Ombrez et aussi leurs menacez les avoient effraiez comme ceulz qui avoient experi et essaié la desconfiture des Gaules dedens les murs de leur ferme cité (BERS., I, 9, c.1354-1359, 41.11, 77). | |
| 76 | Et vous di que j'ay tousjours ouy dire aux anciens gens de guerre, qui ont essayé beaucoup de choses, que ce sont les deux plus perilleuses besongnes et qui sont en plus grant hasard à la guerre, qui y peussent gueres estre. (BUEIL, II, 1461-1466, 245). | |
| 77 | Et dit Valere que la plus grant inimittié que puisse avoir ung empire, cité ou pais c'est injustice (...). Et dit aussi monsr. saint Augustin (...) I>Remota iusticia quid sunt regna nisi latrocinia/I> ["Sans justice que sont les royaumes sinon affaire de brigands"] ? On l'a bien essayé en ce royaume. (JUV. URS., Verba, 1452, 297). | |
| 78 | Dame, prenez ces vestemens Et les essayez, s'il vous plaist ; Se faulte y a aucunement Je voi cy ung ouvrier tout prest. (Myst. siège Orléans H., c.1480-1500, 351). | |
| 79 | Dame, prenez ces vestemens Et les essayez, s'il vous plaist ; Se faulte y a aucunement Je voi cy ung ouvrier tout prest. (Myst. siège Orléans H., c.1480-1500, 351). | |
|
