I. -

[Idée dominante de surface, de distance]

A. -

"Surface (d'un lieu), superficie" : Je vous di qu'il a une place, Grant et longue et large d'espace, Droitement, au pié dou chastel, Là trouverent il un tropel De IIIJ. à V. mille chevaus, Qui estoient des amiraus Et de leurs gens qui les tenoient... (MACH., P. Alex., p.1369, 194). Et si me face Dieu pardon, qu'a paine cuidasse Que Nature en si pou d'espace Eust mis tant de bien et de grace, Qu'en un seul homme Fust le bien de tous mis en somme. (CHART., L. Dames, 1416, 248). ...et à faire chastiaux et garnisons, on doit garder que le lieu soit sur eaue, et que montaigne ne soit sur eulx et doit-on doit-[on] prendre espace convenable, si que ceulz de l'ost ne soient trop serrez ne trop espandus, et, qui peut, doit estre en bon air et sain. (CHR. PIZ., Faits meurs Ch. V, S., I, 1404, 211). ...l'umain lignage, qui se espandi ça et la, avoit presques occupé toute espace de terre (PREMIERFAIT, Cas nobles hommes G., 1409, 126). Ainsi la premiere habitacion fut près le tropique d'esté par autant de espasse de terre comme correspondent VIII degrés ou ciel, c'est assavoir par 453 milliers, en suposant que ung degré ou ciel corresponde en terre 56 mille et 0,5 0,125, comme dit Campanus. (SIMON DE PHARES, Astrol., c.1494-1498, f° 11 v°).

-

"Portion de surface, place"

.

Prendre lieu et espace : ...Si que de lui s'aprochera Et doucement li touchera Comment elle est de lui amée, Non present gens, mais a celée ; Car il penra lieu et espace Arrier des gens de celle place. Lors seront il couvertement, Mais il porront ouvertement Parler entr'eaus de leurs secrez. (MACH., D. Aler., a.1349, 304).

.

Establir lieu et espace à qqc. "Ménager (un emplacement) pour qqc." : Dont il a fait et establi lieu et espace aus jeus que on dit les jeus Circeus, lequel lieu fu appelé Circus (BERS., I, 1, c.1354-1359, 35.8, 62).

-

Faire espace. "Faire de la place" : PREMIER SERGENT D'ARMES. Avant : alez de cy arriére ! Vuidiez, faites voie et espace Si que ma dame a aise passe. (Mir. emper. Romme, 1369, 245).

-

[Du temps] Estre en espace. "Rester en place, être immobile" : ...Mais tousjours le temps se delue Et jour et nuit s'en va courant, En ung estat n'est demourant, A nuyt est et demain sera, De tant son temps abregera, Comme l'orloge quy tournoye, Quy samble coyë et onnye Et que point el ne se remue, Mais quant son heurë est venue Elle sonne soubdainement. Ainsy est il certainement Que le temps legierement passe, Samblant tousjours estre en espace, Com il fait a la creature Quy s'enfuyt a la mort obscure, En quelquë estat qu'il se mette Ne de quoy quë il s'entremette (COURCY, Chem. vaill. D., 1424-1426, 43).

-

L'espace de qqn. "Lieu où s'exerce le pouvoir, l'influence de qqn"

.

Choir en l'espace de qqn. "Tomber entre les mains de qqn" : Une jeune fille la passe Qui semble moult desonfortee, Se chëoir peult en mon espasse Tresbien sera reconfortee (Myst. jeune fille L., c.1413-1445 [c.1530], 23).

-

"Intervalle" : ...en toutes aultres escriptures faictes par articles ledit greffier doit lesser entre chacun article l'espace de troys lignes semblablement (Vieux cout. Poitou F., c.1451-1454, 264).

-

[À propos d'un édifice] "Taille" : .IIII. faces grandes et lees A li chasteaulx, mais, la premiere, Trestout aussi com la lumiere Et la grant lueur des estoiles Passe les petites chandoiles, Tout ainsi les autres .III. passe Celle en beauté et en espace (CHR. PIZ., M.F., I, 1400-1403, 61).

-

GÉOM. "Surface, aire" : Il a difference entre cecle et ligne circulaire, car cecle est la superfice ou espace ou aere qui est contenue en la ligne circulaire appellee circunference, aussi comme l'en diroit en gros exemple que le funs du tonneau est aussi comme le cecle et ce que l'en seult appeller cecle est aussi comme la circunference. (ORESME, C.M., c.1377, 380). Il s'ensuyt encores que l'ayre du premier cercle .b. et chascune espace estant entre deux cercles sont toutes egales. (NIC. CHUQUET, Géométrie H., 1484, 393).

B. -

"Distance"

1.

"Étendue entre deux points, distance" : Vouldrent par mesure extimer Les espaces et les haulteurs, Si comme dient les aucteurs, La dimension de [ la ] terre, Par yceste science querre Quel intervalle et quel espace Entre souleil et lune passe, Et entre la terre et la lune, Combien plus que l'autre est grant l'une, En quel mesure le souleil, En montant par sus son assueil, Est distant ou ciel ou sommet ? (CHR. PIZ., M.F., II, 1400-1403, 119). Autres dient que fut Possidonius que mesura la terre et les espasses des corps celestes et d'icelui Possidonius est faicte mencion en Pline, ou premier livre, ou XXIIIe chapitre. (SIMON DE PHARES, Astrol., c.1494-1498, f° 65 v°).

2.

Loc. adv. [Avec ou sans prép.]

-

Aucune espace. "(Sur) une certaine distance" : Et quant ilz furent aucune espasse allez, le ladre lui dist : sire, pour Dieu, mercy ! Je pers les mains de froit se en vostre sain et près de vostre char ne les me mettez. (LA SALE, Salade, c.1442-1444, 167).

-

Espace + détermination de dimension. "Sur une distance de" : ...pour leur aidier, se mist le dit Huguet à avironner, et après ce qu'il eut avironné l'espace d'une lieue, dist qu'il gouverneroit bient le dit vaissel de la pale ou gouvernail (Doc. Poitou G., t.6, 1396, 251). ...acroistre ledit lieu sur l'espace de 3 toises (Comptes Paris M., t.2, 1473-1474, 311). ...car lui seul porta un boeuf tout vif sur ses espaulles l'espace d'une stade, qui contient cent XXV pas et chacun pas V piez et chacun pié IIII palmes et chacune palme IIII doiz de main commune (SIMON DE PHARES, Astrol., c.1494-1498, f° 41 r°).

.

Telle mesure d'espace : Une seule lieue d'espace Avoit jusqu'a Reins, et non plus. (DESCH., M.M., c.1385-1403, 375).

C. -

[Idée de quantité] À grands espaces. "En grandes quantités" : ...J'ay [Salomon] eu chanteurs et chanteresses, Plaisances, delices, lyesses, Gobelletz, hanaps, couppes, tasses, Pour verser vins a grans espaces (ALECIS, Passe temps P.P., 1480, 129).

D. -

ASTR. "Milieu extra-terrestre" : Je respon, et me semble premierement, que entendement humain aussi comme naturelment se consent que hors le ciel et hors le monde qui n'est pas infiny est aucune espace quelle que elle soit, et ne puet bonnement concevoir le contraire. (ORESME, C.M., c.1377, 176). Et donques hors le ciel est une espasce wide incorporelle d'autre maniere que n'est quelconque espace pleine et corporelle, tout aussi comme la duracion appellee eternité est d'autre maniere que n'est duracion temporelle (ORESME, C.M., c.1377, 176).

II. -

[Étendue de temps]

A. -

"Durée"

1.

Espace (de/du temps). "Étendue, laps de temps" : ...ne doivent li peseur peser ne eswarder que par II espasses le jour : c'est assavoir l'une des espasses entre le messe Nostre-Dame et midi a Saint-Jehan et l'autre entre viespres a Saint-Geri et conplie a Nostre-Dame. (Drap. Valenc. E., 1344, 287). ...car souvent entre le temps de parler et le temps de penser nulle espace n'est mise, et toutefois de l'amonicion faite par dehors on se percoit au pardedens que on scet auchunefois de ce que on ne cuidoit scavoir. (DAUDIN, De la erudition H., c.1360-1380, 28). Il est a supposer que la grande et longue espace du temps ne luy pleut gueres (C.N.N., c.1456-1467, 576). ...il metera le Saint Sacrement sur une petite table paree a .II. chandeliers et chandailles de bougie par desus alumees reposer un pau, tant que par grace le viel pelerin, recognoissant en esperit la venue et visitacion de son tresdoulz createur, ait aucune petite espace de aourer le Saveur de son ame pecheresse (MÉZIÈRES, Test. G., 1392, 311-312). Mon [bel] seignieur, ne vous desplayse Se je demande ung peu de grace : C'est que me donné ung espace De temps, pour moy bien adviser. (Myst. st Bern. Menth. L., c.1450, 1-2).

-

Espace de vie/de vivre. "Durée de vie" : Je ne say en quelle maniére Dieu m'a donné de vie espace Si grant, mais que c'est de sa grace (Mir. st Guill., c.1347, 26). ...l'une est la grace de la volenté et l'entrepris de comencer ; l'autre est la grace et la continuance de l'enoevre ; la tierce si est grace de l'espace de vie tantqe a le complisement et la fyn de cest escrit (HENRI LANC., Seyntz medicines A., 1354, 240). ...et de ce dit Josephus que Dieu donna a aucuns d'iceulx plus grant espace de vivre pour les vertus et pour les glorieuses utilitez qu'il envestigoient, c'est a savoir astrologie et geometrie. (ORESME, Divin. C., c.1366, 108).

-

L'espace d' une unité de temps. "La durée (ici située sur une échelle de durée) d'une unité de temps" : Et mesmement nous vivans sommes, En aucunes pars, soubz les sommes Et la discipline des nombres, Quant, par elle meismes, es umbres Nous apprenons heures et poins, Lorsque desputons, soubz mains poins, Du cours des mois, et cognoissons L'espace de l'an, que passons, Par numbres (CHR. PIZ., M.F., II, 1400-1403, 115).

-

Espace de qqc. "Temps, période réservé à telle chose" : Par tel maniere dont soient les espaces d'estude et de dormir moderees que, ou temps qu'on doit estudier, on ne dorme pas ne, ou temps que dormir convient, on ne se tiegne a l'estude. (DAUDIN, De la erudition H., c.1360-1380, 122).

-

Avoir espace. "Avoir du temps" : Or m'atens. Puis que j'ay espace, Je m'en vois vestir sanz delay De la meilleur robe que j'ay (Mir. st J. Cris., c.1344, 258).

-

Avoir bonne espace. "Avoir assez de temps" : LE ROY. D'aler y bonne espace aront. (Mir. st J. Paulu, c.1372, 126).

2.

Loc. adv.

-

Un(e) espace (de temps). "Pendant un certain temps" : Après son dormir estoit un espace avec ses plus privez en esbatement de choses agreables (CHR. PIZ., Faits meurs Ch. V, S., I, 1404, 46). Et incontinent ledit suppliant entra oudit molin, très fort corrocé et desplaisant (...) et y fut une espace de temps sans parler. (Doc. Poitou G., t.9, 1455, 407). ...et pour tant prioit humblement au roy qu'il se voulsist tenir à content encore une espasse de temps (CHASTELL., Chron. K., t.3, c.1456-1471, 221). ...retournez encores vers luy une foiz pour m'excuser, et luy faictes compaignie ung espace (C.N.N., c.1456-1467, 269). J'en ay esté mis en prison A Chartres une espace de temps, Mais m'en feront reparacion Ou je n'en seray pas content. (Myst. siège Orléans H., c.1480-1500, 135). Joseph, veulliés sans contredire Moy ottroyer, par vostre grace, D'aler visiter une espace Nostre cousine Elizabeth. (Myst. Pass. Troyes B., a.1482, 161).

-

[Avec un adj. ou un compl. déterminatif]

-

Bonne/grant/petite/longue espace (de temps) : Sire, j'ay vesqui longue espace En orgueil (Mir. parr., 1356, 41). Et le soir vint veillier a la maistre eglise, et y fu grant espace de temps en devocion. (ARRAS, c.1392-1393, 61). Je vous fay ycy demorer Grant espace ; pardonné moy (Myst. st Bern. Menth. L., c.1450, 25). Et quant les deux chevaliers eurent regardé bonne espace la grant noblesse et les triumphantes richesses de la royne et de sa chambre, ilz en eurent grant merveilles. (Percef. III, R., t.2, c.1450 [c.1340], 31). Et se maintint en ces proesses grant espace (Percef. III, R., t.2, c.1450 [c.1340], 271). ...demouroit n'a pas long temps a l'ostel d'un marchant ung jeune compaignon picard qui servit tresbien et loyaument son maistre assez longue espace. (C.N.N., c.1456-1467, 68). Monseigneur mist assez longue espace a soy deshabiller (C.N.N., c.1456-1467, 75). J'ay esté perdu long espace Mais Bon Temps, qui tout bien compasse, Et Bonne Paix m'ont mis debout. (Sots, c.1480-1500, 275). Puis quant se viendra a la levacion du corps de Dieu jusques a la poitrine seulement, il doibt venir dessus son chief ung tourbillon de feu subtillement fait sans toucher à sa teste et y demeurer une petite espace de temps, radiant et esclairant, puis s'en aller et perdre par subtil moyen. (LA VIGNE, S.M., 1496, 473).

-

À/en bref/breve/petite espace (de temps)

.

"En peu de temps" : Nombre par les ans lez males adventures, et tu te esmerveilleras comme en si pou de temps tant de puissans hommes sont periz ou mors, et la gloire de seigneurie venue en captivité et a misere a brief espace. (CHART., L. Esp., c.1429-1430, 80). Aussi fist Nardoyx, comme recitent aucuns Hebreux, par quoy, comme dit est, la science multiplia en diverses parties et descendit de branche en branche de la terre de Caldée et de Syrye aux autres regions, en petite espasse de temps. (SIMON DE PHARES, Astrol., c.1494-1498, f° 16 v°).

.

"Rapidement, au plus vite" : De toy servir ne suis pas lasse, Mais secours moy en briefve espace Et me soys escu et garant. (Myst. st Laur. S.W., 1499, 264).

-

En temps et en espace. "Dans un certain délai" : Si croy fermement que tel grace Ne te seroit de Dieu donnée, Se à toy, en temps et espace, Il n'estoit de Lui ordonnée Quelque grant chose solempnée à terminer et mettre à chief, Et qu'Il t'ait donné destinée D'estre de tresgrans faiz le chief. (CHR. PIZ., J. d'Arc, 1429, 30).

-

En adv. de quantité/ n unités de mesure d'espace : Moult durement m'en esjoy. Mais se li dous chans me plaisoit, Tel joie le dit me faisoit Que ne savoie auquel entendre. Si mis moult grant peinne a l'aprendre, Et la sceus en si po d'espace Qu'eins qu'elle partist de la place, Ne que toute l'eüst pardit, Je la sceus par chant et par dit. (MACH., R. Fort., c.1341, 107). Ce fait, li angles reporta Abacuc que la aporta Et le mist en la propre place Ou pris l'avoit, en po d'espace. (MACH., C. ami, 1357, 43). Julïus, o sa gent hardye, Ala tant par mons et par vaulx Que, par batailles et travaulx Endurer, en .X. ans d'espace, Que grant part d'Occidant en masse Conquist et jusques a la mer, Qu'on seult Occeane clamer. (CHR. PIZ., M.F., IV, 1400-1403, 25). Mais cuer failli, lascheté, varïance, Quantqu'ilz ont fait gastent en peu d'espace : Ennuy les ronpt (CHART., B. Nobles, c.1424, 408).

-

Par long(ue) espace (de temps). "Longtemps" : Ce jour, les Anglois vindrent courir devant les portes de Paris et se tindrent par long espace de temps près de la maison Saint-Ladre, devant la porte Saint-Denis (FAUQ., I, 1417-1420, 311). Encores, sans aller plus et de noz temps, en quel peril et en quel dangier a esté ce royaume de France et par sy longue espace de temps (LA SALE, Salade, c.1442-1444, 11). Ces deux ensemble par longue espace passerent pluseurs jours paisiblement et doulcement. (C.N.N., c.1456-1467, 109).

-

Espace de + subst.

.

L'espace de n unités de temps. "Pendant n unités de temps" : Se Dieu me fait vivre l'espace D'un moys, je vous espouseray (Mir. femme roy Port., c.1342, 162). Et avient souvent que je sui l'espace d'un grant jour en ma chambre ou en aucun lieu ou je me destourne de la gent, pour ce que il ne me destourbent de penser a vous. (MACH., Voir, 1364, 460). "...Il est escript", dist le procureur, "en la loy civile des empereurs que une cause criminelle puet estre demenee et ventilee par l'espace de troys ans, et la cause civile par l'espace de deux ans, pour bien enquerir la verite et merite de la cause et jugier justement, et vous voulez que ou royaume de France, fontaine de justice, les causes generalment soient delivres suz piez..." (MÉZIÈRES, Songe vieil pèl. C., t.1, c.1386-1389, 480). "...je mis mon chief feble et esp[a]oury enclin sur mon bras si comme je peus mieulx, et me taisi bien par l'espace de une heure pour la tres grant paour que j'avoye." (Horloge de sapience S., c.1389, 96). En celle tribulation demorerent li Hainnuier ens es fourbours de Evruich l'espace de quatre semainnes. (FROISS., Chron. D., p.1400, 123). ...si se tindrent quoy L'espace d'un mois a requoy. (CHR. PIZ., M.F., III, 1400-1403, 123). En ce son premier voyage vaca le bon marchant l'espace de cinq ans (C.N.N., c.1456-1467, 126). ...[vous] m'avez laissée l'espace de cinq ans a tout ung grant tas de petiz enfans. (C.N.N., c.1456-1467, 287). Neantmoins pour y obvier et pour perpetuer la science des estoilles, laquelle ilz avoient jà eue et, l'espasse de cinq cens ans, investiguée et enserchée, la voulurent escripre sur toutes autres, en deux coulonpnes, l'une de marbre, l'autre de terre cuite (SIMON DE PHARES, Astrol., c.1494-1498, f° 12 r°).

.

L'espace de qqc. "Le temps que dure telle chose (ici une prière)" : Et fusmes l'espace de plus de deux patenostres avant que ces archiers peüssent saillir de ladicte maison, et nous avecques eulx. (COMM., I, 1489-1491, 156).

.

Par l'espace de n unités de temps : Et si vous ay servi par l'espasse de X. mois entiers ou plus, des quels je vous ay servi les VJ. à mes coustanges et les IIIJ. aus vostres. (MACH., P. Alex., p.1369, 228). Et [la doctrine d'Aristote] a esté translatee en pluseurs langages et exposee a tresgrant diligence de pluseurs docteurs catholiques et autres, et receüe en toutes lays et sectes renommees et tenue en grant auctorité des devant le advenement Nostre Seigneur Jhesu Crist environ cinq cens ans, et depuis jusques a maintenant par l'espace de mil trois cens soixante et dix ans. (ORESME, E.A., c.1370, 97). ...en ladite abbaye il avoit demouré avecques ledit prieur par l'espace de deux mois et plus (Reg. crim. Chât., I, 1389-1392, 4). Laquele Colete, comme chamberiere, y demoura par l'espace de dix mois ou environ depuis le departement dudit Atavien (Reg. crim. Chât., II, 1389-1392, 527). Cedit jour, est trespassé maistre J. d'Arcies, jadis conseiller de ceans (...) qui en son office de conseiller avoit exercé par l'espace de XXXVJ ans ou environ (BAYE, I, 1400-1410, 184). Oncques depuis n'oyt accord Qui consonnast a melodie, Et quant mon âme fut partie Du corps par la mort qui tout prent, Grans et petis incontinent, Je fus en infer trebuchié Ou j'ay moult durement couchié Par l'espasse de cinq mil ans. (MARCADÉ, Myst. Pass. Arras R., a.1440, 235). Par l'espace de XIIIJ ans continua donne Margarite sa maniere de faire. (C.N.N., c.1456-1467, 303).

.

(En/par) adv. de quantité ou compl. adv. d'espace : Par ma foy, monseigneur, on ne lui pourroit [à la forteresse] donner nom [Lusignan] qui mieulx lui afferist, selon l'estat de lui. Et a ce furent tuit d'accort. Et fu le nom si publié par pou d'espace que il fu sceu par tous pays. (ARRAS, c.1392-1393, 47). On vous le fera bien entendre Avant qu'il soit gueres d'espace ["avant peu de temps"] (GRÉBAN, Pass. J., c.1450, 374). Nous avons peü veoir en poy parolles les douleurs que ont receüz ces deux grands et puissans royaulmes en trois moys d'espace, qui poy paravant estoient si enflamméz l'ung contre l'autre et tant empeschéz à se tormenter et à penser à se accroistre et n'estoient en riens saoulz de ce qu'ilz avoient. (COMM., III, 1495-1498, 300).

.

Par l'espace de faire telle chose. "Le temps qu'il faut pour faire telle chose" : Et les fault tremper de .X. a .XII. jours (et lesquelles deviennent comme noires) et que au macher vous n'y puissiez assavourer aucun amertume, et puis les mectre boulir une onde en eaue doulce par l'espace de dire une miserelle, ou tant comme vous verrez qu'il appartendra a ce qu'elles ne soient trop dures ne trop moles. (Ménagier Paris B.F., c.1392-1394, 267).

-

Par espaces. "De temps à autre" : ...il s'esmervilloit Par espasses (FROISS., Joli buiss. F., 1373, 122).

-

Pour un(e) espace (de temps). "Pour un certain temps" : » De fois en aultre, par foiblesse de cuer, failloit la parolle au noble conte et le couvenoit cesser de sez regrez pour une espace, tant que lez souspirs et durs sangloux fussent yssus de son estomach et lors il retournoit a son premier metz en disant : «Haa ! (Comte Artois, c.1453-1467, 114). Ha ! ma bonne maistresse, ce dist Gerard, or voy je bien qu'il fault que je vous abandonne pour ung espace. (C.N.N., c.1456-1467, 168). ...print congié de son maistre pour ung espace de temps (C.N.N., c.1456-1467, 287).

-

Il y a tant d'années d'espace. "Il y a tant d'années" : A ceux qui ces lettres verront Fas savoir (...) Que j'Alexis (...) Il a trente et quatre ans d'espace, Pris a femme par mariage Sabine (Mir. st Alexis, 1382, 364).

-

Sans espace. "Immédiatement, au plus vite" : Si feray com bien conseilliez Quanque me dites sanz espace (Mir. parr., 1356, 54).

-

Sans plus (d')espace : LE ROY. Sire, sanz plus terme n'espace, Faites tost, si vous en venez (Mir. st J. Cris., c.1344, 303). LE ROY. Faites les chevaulx amener Après nous (...). DEUXIESME CHEVALIER. Je vois, sire, sanz plus d'espace (Mir. st J. Paulu, c.1372, 126). A ! Trasquellin, sen plus d'espace, Prenés du myen a voustre gre (Myst. st Sébast. M., c.1450-1500, 145). Et moy aussi, sans plus d'espace, Maintenant avec luy yray Et le jour qu'il fault qu'il trespasse De par vous luy annonceray. (LA VIGNE, S.M., 1496, 555).

3.

Loc.

a)

Mettre en espace qqc.

-

"Différer" (Éd.) : Nostre cause est mise en espace. Ne say qui la puisse deffendre, Car nulz n'y est hardiz d'entendre, Tuit sommes culpables et meffait, Dont nulz n'ose emprandre le fait, Tant soit sains ne sainctifïez ! (Myst. Adv. N.D. R., c.1360-1365, 62).

-

"Pardonner, remettre" : Vous estes jardim de delices Ouquel Dieu le Pere est planté Ce beaul fruit qu'avéz enfanté Quil par sa souverainne grace Mectra nos pechiéz en espace. (Pass. Semur D.M., c.1420 [1488], 70).

Rem. La loc. mettre en espace est définie par "négliger" ds FEW XII, 145a et "laisser libre, écarter, ruiner" ds DI STEF.

b)

Tenir qqc. en espace. "Prolonger la durée de qqc." : Et si nous dit Job et aferme Que nulz ne puet passer soin terme. Mais je croy que, sauve sa grace, On puet bien tenir en espasse Santé, car bon gouvernement Ayde a vivre longuement (LE FÈVRE, Respit Mort H., 1376-1380, 42).

B. -

[Idée dominante de circonstance] "Occasion, possibilité, opportunité, loisir"

-

(Heure/loisir/temps et) espace (de qqc.) : ...il vous sera compté et esclarci ensievant en l'istore, se je Froissars, acteres et cronisieres de ces croniques, puis avoir le temps, l'espasce et le loisir dou faire (FROISS., Chron. D., p.1400, 644). S'ensuit donques, puis que tu l'as privé de temps et d'espace de pénitence selon ton povoir, que ton péchié en est plus grief et plus inexcusable, actendu que mondit seigneur n'avoit nulle doubte de sa mort et que lui aussi ramembrable de sa mort fut occis soudainement et cruellement. (Doc. 1408. In : MONSTRELET, Chron. D.-A., t.1 c.1425-1440, 307). Je vous prie amoureusement Puis que j'en ay heure et espace Qu'il vous plaise de vostre grace Devant Dieu dire et exposer Et haultement lui proposer Le fait de notre question (MARCADÉ, Myst. Pass. Arras R., a.1440, 6). Vous avez le jour bel et cler, Et avez loisir et espasse ; Frappez dedans comme ung sanglier Et que vostre povoir tout passe. (Myst. siège Orléans H., c.1480-1500, 171). Je croy que de tous autres c'est Le plus beau mestier que l'on face [la chasse]. Aux nobles doit venir de race, Au temps qu'ilz ne suivent les armes Et qu'ilz en ont temps et espace (BRÉZÉ, Chasse T., c.1481-1490, 41). Dieu ne parle plus aux gens ny n'est plus de prophètes qui parlent par sa bouche, car sa foy est assez exaulcée et entendue et toute notoire à ceulx qui la veulent entendre et sçavoir, et ne sera nul excusé par ignorance, au moins de ceulx qui ont eu espace et temps de vivre et qui ont eu sens naturel. (COMM., II, 1489-1491, 214). L'EMPEREUR. Bonne raison ad ce ne puis entendre : Me voulez vous jouer de passe passe ? SAINCT MARTIN. Nenny, vrayment, mais puisque j'ay espace, Je vous diray pour quoy je suis venu. (LA VIGNE, S.M., 1496, 244). Puis que avons temps et espace, Retournon en nostre palays Faire grant chere tout ce mois (Myst. st Laur. S.W., 1499, 169).

-

(Avoir) espace de + inf. "Avoir la possibilité de, avoir tout loisir de" : Mon [dous] cuer et mon tresdoulz ami, je vous pri tant doucement que je puis qu'il ne vous veuille desplaire se je ne vous ay escript ; car en verité je n'ai pas espace de vous escrire si souvent comme je volroie. (MACH., Voir, 1364, 274). Delectacion nous est si doulce et si amiable, si atrahant, blandissant et decevant que tantost et presentement nostre appetit, qui ad ce est enclin, la prent et poursuit senz actendre que raison ait espace de considerer et deliberer et jugier se c'est bien ou mal, qui ne s'en guecte et n'y prent garde soingneusement. (ORESME, E.A.C., c.1370, 173). ...les aucuns emmenerent dedens la bastide Saint Anthoine monsegneur le Dauphin, les autres n'eurent espace ne loisir de y entrer (FAUQ., I, 1417-1420, 126). Et se Precy s'estoit party, l'an CCCCXIII, encores ne seroit-il point excusé, car il avoit eu espace en deux ou trois ans precedens de poursuir ladicte restitucion (FAUQ., II, 1421-1430, 167). Je n'ay pouoir n'espace D'aler avant ne de retraire. (CHART., D. Rev., a.1424, 316). ...quant le roy eult espasse de parler a elle, il lui commencha a demander de son estat et qui elle estoit (WAUQUELIN, Manequine C.T., a.1448, 144). ...comme il soit aussi que la memoire de plusieurs se soit perdue par la depopulacion des royaulmes et destruction des cités et des grandes universitez, combustion de livres et choses semblables, aussi que n'ay eu espasse ne la pacience de discourir et ensercher plusieurs regions et volumes, car ce eust esté à moy enqueste trop thedieuse. (SIMON DE PHARES, Astrol., c.1494-1498, f° 10 r°). Or l'y metz [en prison], a toy m'en atens. Voy le cy, je le te delivre. Jamais n'ayt espace de vivre, S'il ne t'enseigne les tresors. (Myst. st Laur. S.W., 1499, 212).

-

Donner à qqn espace de + inf. : Et tempz est que nous [les rois mages] retournon Pour lieu et espace donner Aus autres de toi [Jésus] aourer. (GUILL. DIGULL., Pèler. J.-C. S., 1358, 86). Quant donques le duc attempreement avoit oÿ le recort de ses chevaliers et leur avoit donné espace de vuider leur estommac, en toutes choses se contint transquille et amoderé (CHASTELL., Chron. IV, D., c.1461-1472, 153). ...luy et deux autres compaignons estans ensemble en Almaigne, furent prins des Almans, lesqueulx Almans les vouloient tuer ou noyer, et de fait tuerent ses deux compaignons davant luy, ainsi demoura le derrenier. Adoncques ilz les pria et requist, a jointes mains, qu'il leur pleust luy donner espace de soy confesser et d'avoir congnoissance de son Createur. (Mir. ste Cath. Fierbois C., 1470-1483, 102). Toutesfois aucuns avoient gecté leurs cuyrasses sur eulx, pour le bruyt qu'ilz avoient ouy au pavillon de monsr d'Alençon, et combattoient à eulx par ces trouz et à l'huys, qui fut totallement la saulveté de ces deux grans princes, car ce delay donna espace à plusieurs gens d'eulx armer et de saillir en rue. (COMM., I, 1489-1491, 155).

.

En partic. [Dans une prière, une formule optative, un serment] : La vierge (...) vous en vueille donner grace, Et si doint nostre enfant espace D'avoir sainte crestienté. (Mir. enf. diable, c.1339, 25). E ! sire Diex (...) Donnez moi lieu, temps et espace De vous servir si dignement Que ce soit a mon sauvement. (Mir. Rob. Dyable, c.1375, 40). Mais conformer me vueil toudis En tous vous faiz et tous voz diz, Ne ja tous nous dieux par leur grace Ne me donnent de vivre espace Quant je panceray le contraire ! (Myst. st Adr. P., c.1450-1485, 40). Sainte bonne vie et grace Et de bien vivre a tous espace Vous donne dieu tout maintenant (OUDIN, St Genis M.S., c.1490, 53). Dieu vous maintienne en chacun lieu En bon estat et par sa grace De bien faire vous donne espace (Myst. st Martin K., a.1500, 269).

-

Donner à qqn espace que + subj. : Mais ja Dieu ne me doint espace Que si laide mesprison face Que vous, dame, charnelment touche (Mir. Amis, c.1365, 22).