"Petit engagement, accrochage entre des soldats isolés ou des détachements de deux camps ennemis, escarmouche" : ...lyqueis Rigauz morit ultre meire, à une skermuche de Sarazins. (HEMRICOURT, Miroir Hesb. B.B., 1353-1398, 204). Ainsy eut là chascun jour deux foys ou trois escharmurches et envahyes (LE BEL, Chron. V.D., t.1, 1358, 268). ...et [le sultan] vint mettre le siege soubdainement devant Famagouste, ou il trouva le roy despourveu de sa baronnie. Mais depuis y a bien entré grant gent malgré lui, qui ont bien tenu la cité malgré eulx. Et y a eu mainte belle escarmouche ou il a eu grant perte et de l'un costé et de l'autre. Et depuis se sont ly Sarrasin rafreschy par deux foiz de gent, tant qu'ilz sont bien cent mille. (ARRAS, c.1392-1393, 94). Non pourtant a ce que le roy soufroit grant doulour, si ravigouroit il ses gens, tant que les Sarrasins ne porent gueres conquester que plus ne perdissent. Et fu l'escarmouche moult fiere et moult perilleuse, et se tenoit le roy de Chippre a moult grant paine a cheval, car sachiez qu'il estoit bleciez de coup mortel (ARRAS, c.1392-1393, 106). Lors le chevalier a fait mettre cent hommes d'armes qui estoient rafreschy, devant la barriere, et leur fist recommencier l'escarmouche avecques cent arbalestriers, fort et roide. Et furent ly Sarrasin recullé, de quoy le soudant fu moult courroucié, et escrie moult a sa gent : Avant, seigneurs Barons ! Penez vous de bien faire. La ville sera nostre encore anuit. Lors renforca la meslee. (ARRAS, c.1392-1393, 106). Le darrain jour (...) fu pris uns chevaliers des Escos a l'escarmuce (FROISS., Chron. D., p.1400, 148). ...mesires Lois d'Espagne (...) ot si grant quoite de li armer et d'aler a l'escarmuce, que il ne li souvint de ses deus chevaliers englois prisonniers (FROISS., Chron. D., p.1400, 553). Nouvelles vinrent as signeurs de France qui la estoient a l'escarmuce, que les Englois en remenoient les deus chevaliers prisonniers. (FROISS., Chron. D., p.1400, 554). ...tous les jours s'entrebatent (...) Puis en assault, puis en emblee Et puis en bataille assemblee, En escarmouche ou en agait. (CHR. PIZ., M.F., II, 1400-1403, 315). L'endemain, au matin, quant l'aube fu crevée, Y ot grant escarmuche par le ville monstrée. (Geste ducs Bourg. K., c.1410-1419, 446). Et estoient les Angloiz coustumiers estans en icelle bastille de saillir chacun jour à l'escarmouche, à la requeste des François estans ou dit Mont-Saint-Michiel, ès grèves de la mer. (CHART. J., Chron. Ch. VII, V., t.1, c.1437-1464, 39). ...en la ville du Mans où il fut par nostre ordonnance et commandement en garnison, soubz le feu sire de Fontaines, en laquelle ville il fut, à une saillye ou escarmouche qu'il fist, prins par nos diz ennemis et mené prisonnier à Bellesme. (Doc. Poitou G., t.8, 1446, 288). Lors, peu à peu, [le seigneur] fait prendre l'escarmuche, par telle condicion que quant ilz verroient une des tours fumer, et au ton d'une bombarde, que chascum se retraist. (LA SALE, Reconf. De Fresne H., 1457, 25). Et quant le guet apparceut noz gens il sonna à tout, et les Angloys saillirent à l'escarmouche. (GRUEL, Chron. Richemont L., c.1459-1466, 114). Puis, saudrez quant y sera temps, Quant ce viendra a l'escarmoche (Myst. siège Orléans H., c.1480-1500, 602). ...car autant que dura la tuerie, la chace et l'escaramouche, oncques ne cessa de venter, de plouvoir, de tonner et d'esclerer comme si tous les dyables eussent esté par les champs. (LA VIGNE, V.N., p.1495, 289). ...icelluy duc fist assembler ses gens et toute son armée et s'en vint faire une course jusques audit Saint-Quentin, et telle qu'il y eut une escarmouche bien verte et aspre pour les François, car il y en eut d'aucuns qui furent contraintz à eulx getter des murailles en bas, et mist à icelle cause ledit duc de Bourgoigne le pié à terre (LE CLERC, Interp. Roye, c.1502, 255).

-

Bailler une escarmouche : Et par iceulx Bourguignons fut prins ung archer, serviteur de messire Jehan Mohier, chevalier de la compaignie dudit de Breszé. Et, ledit jour de mercredi, environ six heures de nuit, lesdiz Bourguignons baillerent une escarmouche terrible et merveilleuse au boulevert dudit Saint-Cloud, qui fort espoventa ceulx de dedens qui le tenoient pour le roy, tellement qu'ilz prindrent composition de rendre ledit pont à heure presente, ce qu'ilz firent, et s'en revindrent à Paris eulx et leurs biens saufz. (ROYE, Chron. scand., I, 1460-1483, 60).

-

Faire une escarmouche : Nez est dou païs de Gascongne, Si com la langue le tesmongne ; De Lesparre est sires clamez. Mais il fu repris et blasmés D'une escarmuche que là fist, Qui ne fu pas de grant profit, Comment qu'il le feïst pour bien Et pour vaillance, on le scet bien, Si com ci après le sarez Quant bien leü ce livre arez. (MACH., P. Alex., p.1369, 143). Si leur fu raporté et dit Par un qui les congnut et vit Aler en la place premiers, Que c'estoient les maronniers Monstry qui font une esquermuche. (MACH., P. Alex., p.1369, 151). ...LX. compaignons très bien armez et bien montez (...) s'ordonnerent au partir et yssir de la ville, pour chevaulchier vers Montferrant et faire aux barrieres aulcune escharmuche (FROISS., Chron. M., XIV, c.1375-1400, 221). Toutes les cappitainnes de Nantes furent en conseil ensamble que le nuit dou Noël à toutes leurs puissances il isteroient de la ville et venroient faire en l'oost une grande escarmuce. (FROISS., Chron. R., X, c.1375-1400, 21).

-

Tenir escarmouche à : Et tantost iceulx trois chevaliers à cheval, lesquelz avoient avecquez eulx de sept à huit vingtz lances, allèrent contre iceulx Angloiz et leur tindrent grande et dure escarmuche (CHART. J., Chron. Ch. VII, V., t.1, c.1437-1464, 36).

-

P. ext.

.

"Pique, chamaillerie" : ...s'il [le galant] a maintien trop farouche, Le faire tourner et virer Et galoper plus dru que mouche. Faire ralias, escarmouches, Danser et cent mille fatras (COQUILL., Oeuvres F., 1478-p.1494, 11).

.

[En cont. grivois] : A l'approucher de la barriere ou l'escarmouche se devoit faire, la dame prend et empoigne ceste lance (C.N.N., c.1456-1467, 497).