| 13 exemples |
| 1 | Quant de ma dame vi l'envoi, Je dis : Hé ! las, dolens ! bien voi Que j'ai vers ma dame mespris Et qu'en autre maniere a pris Ma lettre que je ne l'entan. (MACH., Voir, 1364, 544). |
|
| 2 | Son euvre a esté presentée par Dom Martin Henriquez de Castelle, il a huit jours, à monseigneur nostre maistre, en un banquet qui se faisoit ce jour, prise en gré de lui, loée de tous, et de moy apres recoeillie en tel honneur et reverence qu'il appartient à si hault et riche envoy (ROBERTET, Oeuvres Z., c.1450-1500, 134). |
|
| 3 | Et l'envoy d'une balade de trois vers ne doit estre que de trois vers aussi, contenant sa matere et servant a la rebriche (DESCH., Art dictier R., 1392, 278). |
|
| 4 | Et doivent les envois d'icelles chançons, qui se commencent par Princes, estre de cinq vers entez par eulx aux rimes de la chançon sanz rebrique (DESCH., Art dictier R., 1392, 278). |
|
| 5 | L'ENVOY. Princes, chascuns veult mettre bonne Aux euvres de Dieu qui tout voit (DESCH., Art dictier R., 1392, 279). |
|
| 6 | ...fortune vint ne sçay ou des enfers ou d'envoy de Dieu a tout ung tison ardant en une de ses mains, et en l'aultre ung gluy de paille tout ensouffroyé (CHASTELL., Chron. IV, D., c.1461-1472, 102). |
|
| 7 | Sains homs, loez de cest envoy Soit Diex. (Mir. parr., 1356, 45). |
|
| 8 | L'envoy du Saint Esperit est de deux manieres come celle du Filz. L'une est visible, comme il apparut sur Jhesu Crist en maniere et espece de coulon, et sur les apostles en figure de langues ardantes comme feu. L'aultre est invisible, par laquelle est envoié es cuers et pensement de l'ame pour sainctefier la creature. (Somme abr., c.1477-1481, 118). |
|
| 9 | Pareillement l'envoy et la mission du Filz est de deux manieres. L'une est visible par l'incarnation, quant il prind nostre humaine nature, l'aultre invisible, qui se fait quant cilz enlumine par dedens nostre entendement en esclairissant les sens de nostre ame. Il est a noter que l'envoy et la mission du Filz et du Saint Esperit sont inseparables et ne se peuent desjoindre l'une de l'aultre. Mais on l'apelle l'envoy du Filz, quant l'ame est enluminee ou alumee par grace pour congnoistre Dieu, et est apellee mission ou l'envoy du Saint Esperit, quant l'affection et la voulenté est enflammee et embrasee pour amer Dieu. (Somme abr., c.1477-1481, 118-119). |
|
| 10 | Nous avons parfaicte esperance De veoir la promesse advenir Et qu'il [Jésus] nous viendra secourir De ce don de haultain envoy, Pour nous confermer en sa foy Et oster dubitacion. (Myst. Pass. Troyes B., a.1482, 1032). |
|
| 11 | L'ENVOY. Prince, qui bien de degré en degré Aroit d'amie et d'amant bien amé Le santement, il aroit cognoissance Que puis qu'il sont ensemble enamouré C'on n'en pourroit faire la dessevrance. (Mir. st Sev., 1362, 240). |
|
| 12 | L'envoy [var. l'aucteur]. Dame, en qui j'ai mis toute ma fiance, à vous complein mes dous maus en chantant, Car je ne puis mon mal ne ma pesence Ne ma dolour descouvrir autrement. (MACH., L. dames, 1377, 117). |
|
| 13 | Item en ladicte balade a envoy (DESCH., Art dictier R., 1392, 278). |
|
