A. -

"Contre son gré, malgré soi, de mauvaise grâce, à contrecoeur" : Ma dame, je pren Congnoissance Qui est de bon conseil sustance ; Avecques li sera Avis Li quels n'i sera pas envis, Pour ce que c'est sa bonne amie ; Volentiers li tient compaingnie. (MACH., J. R. Nav., 1349, 191). Et devinrent homme cil qui devenir le devoient au roy d'Engleterre, li contes d'Ermignach (...) et moult d'aultres qui à le priière dou roy de France et de monsigneur Jakencon de Bourbon obeirent, com envis que ce fust. (FROISS., Chron. L., VI, c.1375-1400, 58). ...se je me tourne Franchois, il ne gaingnera riens, ce que je feray trop envis et du plus tart comme je pourray. (FROISS., Chron. M., XIV, c.1375-1400, 203). Lors a fait la dame, en guise de serpente, comme j'ay dit dessuz, trois tours environ la forteresse. Et a chascune foiz qu'elle passoit devant la fenestre, elle gettoit un cry si merveilleux et si doulereux que chascun en plouroit de pitié, et appercevoit on bien qu'elle se partoit enviz du lieu, et qu'elle s'en partoit par contraincte. (ARRAS, c.1392-1393, 260). Envis relenqisoit pour sen honnour li dis chevaliers le roi d'Engleterre, car il l'avoit trouvé bon et courtois, et paiement apparilliet. (FROISS., Chron. D., p.1400, 645). "...Vous priiés si acertes que je ne vous ose escondire le don que vous me demandés ; et conment que je le face envis, tenés, je les vous donne, et en faites vostre plaisir." (FROISS., Chron. D., p.1400, 848). ...ung juge doit avoir compassion de son prochain, tellement que il luy face mal de donner sa sentence, et conme envis (JUV. URS., Aud. illos, 1432, 33). "...je vous supply que cloiez les fenestres, affin que nous soyons plus secretement." Il l'accorda bien envys (C.N.N., c.1456-1467, 553). Item, vueil que le jeune Marle Desormaiz gouverne mon change, Car de changer enviz me mesle, Pourveu que tousjours baille en change, Soit a privé ou a estrange, Pour troys escus six brectes targes, Pour deux angelotz ung grant ange, Car amans doivent estre larges. (VILLON, Test. M., 1461-1462, 104). Quant a moy, le cas me desplait Que j'ay fait. Dieu scet bien que l'ay fait envis ; Pas ne l'ay fait par mon soit. (Pass. Auv., 1477, 109). SAINCT MARTIN. A ceste foys temps est que je me dueille Puisque par force obeÿr me convient ; Et pascïence doulcement je recueille : Le resister a propos ne me vient. Si de ce cas quelque bien en advient, Tenu seray d'en mercïer mon Dieu. Envis le foys, mais ou force survient, On dit souvant que droit n'a poinct de lieu. (LA VIGNE, S.M., 1496, 170). Haro ! tant je t'escoute envis ! Je te bailleray tel tastin Que jamais n'eschaperas vis. (Myst. st Laur. S.W., 1499, 268).

-

[Opposé à de bon vouloir/de (bon) coeur/au devis de qqn/de gré/volontiers] : UN GARÇON. Je ne le feray pas envis, Mon seigneur, mais de bon voloir (Mir. femme roy Port., c.1342, 152). LA CHAMBERIERE. (...) Je ne le feray mie envis, Mais a tout vostre plain devis. (Mir. enf. ress., 1353, 30). LE PREMIER ANGE. (...) Pour ce de cuer, non pas envis, De chanter avec vous m'acors. (Mir. st J. Paulu, c.1372, 142). ...Ou fust envis ou volentiers (FROISS., Méliad. L., t.1, 1373-1388, 80). ...tu ne trouveras jamais fors que devoir souffrir aucune chose de gré ou envix (Internele consol. P., 1447, 44). Congé me fault prendre des vifz (...) De bon cueur et non pas envis, Puis que mes beaux jours sont passez. (LA VIGNE, Munyer T., 1496, 212).

-

[Allié à à dur/à peine] : Et se il le convient monstrer que il [le magnanime] a besoing, ce doit il faire a enviz et a painne (ORESME, E.A., c.1370, 254). Trop à envis et à dur y descendi le roy de France, tant avoit il pris la cose en grant despit. (FROISS., Chron. L., I, c.1375-1400, 102). Le roy a trés grant paine et envis sa requeste luy acorda (Nouvelles inéd. L., p.1452, 6). Et à dur et le plus envis du monde se souffroit aydier des médecins ; car ne vouloit prendre nulle riens convenable à soy (CHASTELL., Chron. K., t.1, c.1456-1471, 211). [Si le duc tardait trop à aller voir tel personnage]...il luy pourroit estre imputé à charge, et eust samblé qu'à dur et à envis il l'eust voulu recevoir (CHASTELL., Chron. K., t.3, c.1456-1471, 205).

-

[Par litote, dans une phrase nég.] "Avec plaisir" : ...il s'en est allé a l'ostel d'une telle, qui, comme bien sçay, ne le voit pas enviz. (C.N.N., c.1456-1467, 479).

.

Non enviz. "De bonne grâce" : ...tous lez lieu ont emplis [les Sarrasins] ; Regardent la duchesse vollantier non anvis (Lion Bourges K.P.F., c.1350, 66).

.

"Volontiers" : Chascun s'i acordait vollantier, nom envis. (Lion Bourges K.P.F., c.1350, 182).

-

À envis : Com serf esclave là le mist, Dont moult à envis s'entremist ; Et certes il le refusast Volentiers, se faire l'osast. Mais la force n'estoit pas sienne, Ne que Iherusalem est mienne. (MACH., P. Alex., p.1369, 259). Li besongne leur estraindoit durement ; à envis poursievoient leurs couvenans, et à envis en deffalloient pour leur honneur. (FROISS., Chron. L., I, c.1375-1400, 142). Li contes de Namur fu si consilliés que il mist hors de sa terre son oncle. Ce fu moult à envis, mais faire li couvenoit ou pis attendre. (FROISS., Chron. L., I, c.1375-1400, 101). Sarrasin, tu es faulx et recreuz, quant tu es si bien montez et si noblement armez, qui t'en fuiz pour un homme seul. Tourne, ou je t'occiray en fuiant, combien que je le face moult a envis. Lors, quant le soudant ouy dire a Gieffroy qu'il fuioit pour un homme seul, si ot grant vergoingne. (ARRAS, c.1392-1393, 230). Le darrain jour (...) fu pris uns chevaliers des Escos a l'escarmuce, qui moult a envis voloit dire as signeurs d'Engleterre le convenant des leurs. (FROISS., Chron. D., p.1400, 148). Qant li rois Phelippes vei ce que perdre li convenoit Calais, si fu durement courouchiés : a envis le laisoit perdre. (FROISS., Chron. D., p.1400, 833).

-

"À regret" : Si veoit moult envis celle guerre durer si longuement (LE BEL, Chron. V.D., t.1, 1352-1356, 203).

-

Prov. Envis meurt qui appris ne l'a : Ma treschiere et ma tres souveraine dame, envis muert qui apris ne l'a, ne bons cuers ne puet mentir, et qui bien aimme a tart oublie. (MACH., Voir, 1364, 184). Enuiz muert qui apris ne l'a ; apren doncquez a mourir, car nulz biens en sa vie n'aura qui a morir n'a apris. (THOM. SALUCES, Chev. errant W., 1394, 1132). Congnoisse sa vie faintive, Et prende tout en patience. Il fera tant par sa science Qu'aprez sa mort il vivera : Envis moert quy apris ne l'a. (CHASTELL., Miroir mort V.H., c.1436-1450, 74). Et pour ce que envis muert qui ne l'a aprins, il alla prendre le coeuvre chief dont il avoit la teste affublee et en couvry ses yeulx (Percef. III, R., t.2, c.1450 [c.1340], 114). "Sire, ce dist Euryant, sachiés que envys meurt quy aprys ne l'a. Trop me greveroit et seroit estrange de delaissier la vye que tous temps ay volu mener..." (Gérard de Nevers L., c.1451-1464, 29). ...des hommes bons et maulvais, J'ay ouy reciter cela : Envis meurt qui apris ne l'a. (MICHAULT, Danse aveugles F., 1464, 137). LE SERGENT. Moy qui suis royal officier Comme m'ose la mort frapper ? Je faisoys mon office hier Et elle me vient huy happer. Je ne sçay quel part eschapper (...). Enviz meurt qui appris ne l'a. (Danse macabre femmes H., p.1480, 30).

B. -

"Difficilement"

-

[À propos d'une chose] : Or entendez, se Diex vous gart, Comment Grace Dieu se depart Envis de ceus qu'a secouru Autre fois, quant mesavenu Leur est, et comment volentiers Leur sequeurt, quant en est mestiers. (GUILL. DIGULL., Pèler. vie hum. S., c.1330-1331, 334). Cils qui vuet aucun art aprendre A douze choses doit entendre : La premiere est qu'il doit eslire Celui ou ses cuers mieus se tire Et ou sa nature l'encline ; Car la chose envis bien define Qu'on vuet encontre son cuer faire, Quant Nature li est contraire. (MACH., R. Fort., c.1341, 1). Mais bien se gart qu'il continue, Car science envis retenue Est et de legier oubliée, Quant elle n'est continuée. (MACH., R. Fort., c.1341, 2). ...coustumes d'enfence prises Laisse envis, qui les a apprises (CHR. PIZ., M.F., II, 1400-1403, 52). Sy luy prioient que (...) il voulsist ouvrer par sens; et riens légièrement, ne aventureusement entreprendre, entendu que toutes glorieuses fins et félicités se trayent des choses meurement pesées et en prudence conduites, et envis des autres riens, fors doleur et dangereuse confusion. (CHASTELL., Chron. K., t.2, c.1456-1471, 137).

-

[À propos d'une pers.] : Avis sui qui doy bien viser Comment je vous puisse aviser. Car on puet faire trop envis Bon jugement sans bon avis. Je vous avis que bien faciez Et que le contraire effaciez. (MACH., J. R. Nav., 1349, 255). Qu'envis puet on deraciner Un grant arbre, sans demourer De la racine, Qu'on voit puis flourir et porter Et ses branches croistre et geter, En brief termine. (MACH., L. plour, 1349, 284). Il n'a pas lonc temps que j'estoie En un lit ou pas ne dormoie, Einsois faisoie la dorveille, Com cils qui dort et encor veille, Car j'aloie de dor en dor, Pour ce qu'assez envis m'endor, Quant aucune merencolie Avec ma pensee se lie. (MACH., F. am., c.1361, 145). .XL. ans ot passés et trestous acomplis Qu'il ne l'avoit veüe, (...) Ce ne fut point merveille s'il le congnut envis. (Cip. Vignevaux W., p.1400, 156). ...tant estoient les deux chevalliers preux que mout envys cheoient du cheval (Percef. IV, R., c.1450 [c.1340], 860). Envis certes qui oncques jeusne ne commist faute, quand venu est à son dernier eage, tout plein de jours, la voudroit commettre, viellart. (CHASTELL., Chron. K., t.4, c.1456-1471, 14). ...Car plus envis croit on vray que le faulx (Lyon cor. U., 1467, 48).

.

[Par litote] "Pas du tout" : ...Vilonnie est laide et envis l'aims (TAILLEV., Psaut. vil. D., a.1440, 114).

-

Prov. Quand mot est de bouche issu, envis le peut on rebouter. "Quand quelque chose a été dit il est difficile de le rattraper" : Premierement pour leur salut D'ame, d'avoir, de corps garder, Car quant mot est de bouche yssu, Envix le puet on rebouter ; Fouls est qui ne scet se celer Ou taire en soy le mauvais vent Qui grans parleurs destruit souvent (DESCH., Oeuvres R., t.8, c.1370-1407, 166).

-

[À propos d'une pers. ou d'une chose] À envis : Euvre qui n'est pas bien commenciee Vient a enviz a fin prisiee (Tomb. Chartr. W., c.1337-1339, 31). Et puet estre, s'il la queroit, Trop a envis la trouveroit. (MACH., D. Aler., a.1349, 295). Comment ce se puet faire ne puet savoir humaine creature, car ces poins et autres a Dieu retenu en son secret, et en monstre les exemples es lieux et aux personnes ou il lui plaist. Et que plus sera la personne grossiere, et plus a enviz le croira ; et plus sera deliee de engin et de science naturelle, et plus tost y aura affection que ce soit chose faisable, combien que les choses secretes de Dieu ne puet nulz savoir au cler. (ARRAS, c.1392-1393, 311). ...a envis passe sans meffaire jenne ouvrier en nouvelle besongne. (Percef. IV, R., c.1450 [c.1340], 500).