| 52 exemples | | 1 | Il environnerent ces varlés et ces prisonniers et les prisent tous (FROISS., Chron. D., p.1400, 545). | |
| 2 | Les faulx menteurs m'ont tout environné, Et les flatteurs m'ont ainsi ordonné Que vous voyés, sans cause et sans raison. (Pouvre peuple H., c.1450-1492, 195). | |
| 3 | ...il vint au Pont a Bouvines a l'encontre dou roi d'Engleterre, liquels avoit assis et environné la chité de Tournai (FROISS., Chron. D., p.1400, 462). | |
| 4 | Si (...) s'en vinrent a Hainbon ; et l'asegierent par terre et environnerent si avant que il porent, car au lés deviers la mer il ne pooient bastir nul siege. (FROISS., Chron. D., p.1400, 513). | |
| 5 | Mitridates, pour ung de ses gens prisonniers de ses ennemis bailla tous prisonniers qu'il avoit, disant qu'il luy vauldroit mieulx estre environné de tous ses ennemis que l'absence de son serviteur. (JUV. URS., Verba, 1452, 259). | |
| 6 | Y semble que ne tiengnons conte ou que volons craindre les coups, Quant nous voyons cy devant nous Que nous sommes environnez D'Anglois qui ont mauvais propoux Pour nous voloir mal gouverner. (Myst. siège Orléans H., c.1480-1500, 526). | |
| 7 | Et y eut le terme d'un an bien troi mil ouvriers : dont ce fut uns grans fais que de fremer, sus une anée, d'enclore et environner de toutes deffenses une tèle cité comme Paris est et de si grant circuité. (FROISS., Chron. L., V, c.1375-1400, 103). | |
| 8 | ..par quoi je conclus que lez prestres qui, pour aucune douleur, decuevrent les autiers ou qui lez cuevrent de duel et de noyr ou qui soubstraient et ostent lez luminaires acoustumés, et ceulx, aussi, qui environnent le crucifix ou l'autier d'espynes, ne font pas bien, mez est chose dampnable et reprouvee. (Songe verg. S., t.1, 1378, 396). | |
| 9 | ...de haultes tours et murs fors Fu environnee [la ville] dehors (CHR. PIZ., M.F., II, 1400-1403, 258). | |
| 10 | ...desquelles [couleuvres] l'une partie se retira pour la doubte de l'autre ou creux d'un gros arbre, cuidans eulx sauver, mais l'autre partie de moult impetueuse course, en sibillant, suivit aller après dedans icelui arbre, lequel fut environné de bois sec et y fut mis le feu et ainsi finerent. (SIMON DE PHARES, Astrol., c.1494-1498, f° 111 v°). | |
| 11 | Et lors Saintré, portant les deux cercles d'or, l'un devant, l'autre derriere, pendans a la chaynne environné entour son col fut, et mains autres, acompaignier ledit chevalier en son hostel. (LA SALE, J.S., 1456, 149). | |
| 12 | Lors celle part m'acheminay Et de cheminer ne finay, Tant que j'y vins ; mais je n'y pos Entrer ; car il estoit enclos De haus murs et environnez, Ne li chemins abandonnez N'estoit pas a tous et a toutes. (MACH., R. Fort., c.1341, 29). | |
| 13 | Car il estoit environné de gens, qui là estoient entour lui, qui parloient à lui et lui rompoient toute la teste. (BUEIL, I, 1461-1466, 109). | |
| 14 | Enfer aussi comme nois est De .III. couvertures couvert (est) (...) Une pelace ["coquille"] a entour li Qui est dite l'ourle de li, Qui tout ainsi l'environne Com pelace fait la pomme. (GUILL. DIGULL., Pèler. âme S., c.1355-1358, 124). | |
| 15 | ...la concavité qui environne le poulmon (SAINT-GILLE, Comment. A.Y. L., 1362-1365, 270). | |
| 16 | C'est une roche en mi une valée Qui tout entour est d'iaue environnée, Grande, bruiant, parfonde, roide et lée (MACH., J. R. Beh., c.1340, 110). | |
| 17 | Et finablement tant alames Sus le ruissel, que nous trouvames Une fonteinne bele et gente, Et dalés avoit une tente Bele et riche et trop bien tendue, Environnée d'erbe drue, Qu'elle sëoit en un praiel Si bel qu'onques ne vi plus bel. (MACH., D. Lyon, 1342, 174). | |
| 18 | L'ymage que cy vous devis Fu belle de corps et de vis. .II. petis sercle[s] a sa destre Havoit et .II. a sa senestre, Et un grant qui environnoit Les .IIII. petis et tenoit. (MACH., Voir, 1364, 714). | |
| 19 | ...Alixandre est une ville Qui tient de tour plus de X. mille, Car elle est grant et plate et lée, De tours et de haus murs fermée ; Et si a à chascune porte Bonnes tours, dont elle est plus forte ; Environnée est de fossez Grans, larges et parfons assez. (MACH., P. Alex., p.1369, 61). | |
| 20 | Il en y eut aucuns qui se recueillièrent en une petite forte maison, environnée d'aigue, qui siet en ce village de Harbegni. (FROISS., Chron. L., V, c.1375-1400, 219). | |
| 21 | Et est la ville de Bristo forte et bien fremee. Et encores est li chastiaus plus fors, qui sciet sus la mer, car il est environnés de la Saverne et de la mer. (FROISS., Chron. D., p.1400, 81). | |
| 22 | La tour estoit forte assés, environnee de fosses (FROISS., Chron. D., p.1400, 385). | |
| 23 | Encore nous convient dire à quel comparoison se peut adjoindre cestui ordre de chevalerie et de quoy il doit servir, et que segnefie son nom, dont par naturele similitude, me semble, se peut comprendre si comme un liain ou une chaienne forte et de dure assemblée par ordre de plusieurs aneaux joins et entretenans ensemble, car, si comme chaiennes sont communement faites pour la deffense et soustenail de ce que on veult que elles soustienent ou environnent, doit estre ordre de chevalerie, en un chascun à par soy, de sa poissance, et en plusieurs ensemble, comme une chaienne dure entretenant pour le soustenail et deffense de la commune utilité, car en un chevalier seul doit avoir comme une chaienne de pluseurs aneaulx. (CHR. PIZ., Faits meurs Ch. V, S., I, 1404, 118). | |
| 24 | Cil fist devant la demourée, Commanda qu'on environnast La ville (Renart contref. R.L., t.1, 1328-1342, 86). | |
| 25 | ...un tres riche et tres bel afficquet ou estoit un tres gros dyamant environné de trois tresgros balais et de trois tres grosses pelles (LA SALE, J.S., 1456, 123). | |
| 26 | Assés prés d'illuec estoit un chasteau fort et puissant environné d'une grosse riviere qui batissoit a la muraille, et estoit le droit ressort et le reffuge dez ennemis du souldain d'Aumarie. (Fille comte Pontieu B., c.1465-1468, 115). | |
| 27 | ...les pescheurs ont moult de flagelx et de tourmens, mais en ayant esperance en Dieu sa misericorde les environnera. (JUV. URS., Verba, 1452, 220). | |
| 28 | ...Elle te prist erraument Et t'alaita diligenment De son lait, c'est de ses richesses, De ses honneurs, de ses noblesses, Et te fu norrisse et maistresse, Favorable admenisteresse De la gloire, t'environna De tous les biens ou raison a, C'est des biens qui sont de son droit. (MACH., R. Fort., c.1341, 96). | |
| 29 | Tu es mon refuge, et n'ay recours qu'a toy en ma tribulacion, laquelle me environne (JUV. URS., Loquar, 1440, 373). | |
| 30 | Dont se peut ensuivre clerement que, se le plus saige prince que oncques Dieu meist sur terre estoit environné de pesans affaires et de cuisans poinctures, qui pour relever ceste seigneurie opprimee sourviennent en chascun jour, dur lui seroit a y pourveoir au bien de la chose et aux divers appetiz des hommes. (CHART., Q. inv., 1422, 47). | |
| 31 | En ceste dolente et triste pensee, qui tousjours se presente a mon cueur et m'acompaigne au lever et au couchier, dont lez nuys me sont longues, et ma vie ennuieuse, ay ja par long temps travaillié et foullé mon petit entendement, qui tant est surprins et environné de desplaisans frenesies, que je ne le puis exploicter a chose dont me vienge liesse ne confort. (CHART., L. Esp., c.1429-1430, 3). | |
| 32 | ...je suy (...) celle entour qui les tempestes et tribulations du monde s'avironnent [var. s'environnent] et que ruines et confusions (...) traveillent et tuent (CHASTELL., Temple Boc. B., 1463-1464, 89). | |
| 33 | Sire, je vous dy que puis l'eure que Fortune m'amena cy et en ce païs, j'ay pluseurs foiz ceste pierre environnee, tant qu'il advint devant hier, par avanture, que je trouvay du costé par dela un escript. (Bérinus, I, c.1350-1370, 221). | |
| 34 | Et Gieffroy chevaucha tant, lui et son escuier, qu'il ot environné la forteresse. Et regarda bien que au costé de devers le pont c'estoit le plus feble, et lui sembla bien que par la pourroit elle bien estre prinse d'assault. (ARRAS, c.1392-1393, 199). | |
| 35 | "Sire conte Girart," dist Robastre le fier, "Ne voyez vous François le champ environner ?..." (Gir. Vienne D.B., c.1350-1400, 188). | |
| 36 | ...elle [Mélusine transformée en serpent] vint a Lusegnen, et l'avironna trois tours, et crioit moult piteusement, et se lamentoit de voix femmenine, dont ceulx de la forteresse et de la ville furent tous esbahiz et ne scorent que penser, car ilz voient la figure d'une serpente et oyent la voix d'une dame qui yssoit de lui. Lors, quant elle ot le fort environné troiz foiz, si se vint fondre si rudement et si orriblement sur la tour Poitevine, en menant tel tempeste et tel escroiz, qu'il sembla a ceulx de leans que toute la forteresse cheist en abisme (ARRAS, c.1392-1393, 261). | |
| 37 | Et se un honme environnoit la terre, il seroit antipode a soy meisme, ce est a dire que il avroit ses piés au contraire de la maniere comment il les a quant il seroit de l'autre part de la terre. (ORESME, C.M., c.1377, 658). | |
| 38 | ...ladicte place estoit ruyneuse en une partie des murailles d'icelle, par quoy estoit neccessité de la reparer par taudeis de bois, clayes et autres choses, et faire par manière qu'on peust environner la muraille de jour et de nuyt (Doc. Poitou G., t.11, 1468, 107). | |
| 39 | Cestui [Jean de Mandeville] mist son estudie à circuir et environner toute la terre et le fist à peu près et sa peregrinacion escripvit en trois volumes et en trois langages (SIMON DE PHARES, Astrol., c.1494-1498, f° 133 v°). | |
| 40 | Loudier puant, prens en toy pascïence, Car je m'en vois environner la terre Pour demonstrer mon art et ma scïence Affin que puisse le follastre conquerre. (LA VIGNE, S.M., 1496, 225). | |
| 41 | ...Jhesuchrist si environnet Galilee, et alet d'yglise en eglyse, et prechet l'Euvangile. (Songe verg. S., t.1, 1378, 335). | |
| 42 | L'en raconte que, quant le grant Alixandre environna la derreniere rive de la mer occeane et il s'appareilloit pour combatre l'ille des Bragmans et de la prendre, les Bragmens li rescrirent une epistre en ces paroles : "Tresfort et tres victorien roy, nous avons oÿ tes batailles et comment en touz fais tu as eu felicité et victoire..." (FOUL., Policrat., IV, 1372, 77). | |
| 43 | Et en songeant, me sambla que je vis Un fier lyon environner les parcs D'un pastourel (DU PRIER, Songe past. D.-M., c.1477-1508, 97). | |
| 44 | Puis doivent les deux a cheval environner les bestes petit a petit, en chantant, en flajolant et prenant leurs tours touz jours plus pres de elles, et en les aproichant sanz leur fere effroy, mes petit a petit les doivent amener vers les archiers. (GAST. PHÉBUS, Livre chasse T., 1387-1389, 274). | |
| 45 | ...avint que deus groses nefs espagnoles le vinrent environner et le conmenchierent a asalir et l'acroqierent de fait et de force (FROISS., Chron. D., p.1400, 889). | |
| 46 | La lettre devisoit chose moult mal menee ; Car la cité de Gennes estoit environnee Du roy geant Sorbrin (Ren. Gennes D.B., c.1350-1400, 91). | |
| 47 | Un autre fait qui me desplait, De ce que vous prenistes plait Contre dame de tel vaillance Et de si trés noble puissance, Que je ne say haute personne, Tant com li siecles environne, Prince ne duc, conte ne roy, Qui osast faire tel desroy, Guillaume, comme vous feïstes Dou plait qu'a li entrepreïstes, Et meïstes force et vigueur (MACH., J. R. Nav., 1349, 268). | |
| 48 | Mon dÿademe a trop plus de valeur Cent mille foys que sa meschant couronne, Et de mon tymbre en vault plus la couleur Que tout le bien qui en luy s'environne. (LA VIGNE, S.M., 1496, 237). | |
| 49 | Chil trente qui estoient trop bien monté (...) ne veurent mies ressongnier le painne ne le peril ; mès vinrent jusques au captal et l'environnèrent, et s'arrestèrent dou tout sur lui. (FROISS., Chron. L., VI, c.1375-1400, 126). | |
| 50 | ...Guillaumes Marchans, feri le chevalier de tele maniere que il li percha l'esqut et le cote de fier et la plate d'achier qui estoit desus, et li bouta le fier en la poitrine bien un demi piet, et l'enpoindi fort et le reversa a terre. Tantos si compagnon Cambrissien vinrent et environnerent l'abatu (FROISS., Chron. D., p.1400, 350). | |
| 51 | Et s'en vinrent devant Aubenton, et l'environnerent tout autour, car bien estoient gens pour ce faire. (FROISS., Chron. D., p.1400, 358). | |
| 52 | Ensi estoit la chité de Tournai qui est de grant cirquité environnee de tous lés, ne riens n'i pooit issir ne entrer sans le sceu et dangier de ceuls del oost. (FROISS., Chron. D., p.1400, 418). | |
|
