"Pendant ce temps, dans l'intervalle, entre-temps" : ...non contrestant le dit arrest, le quel entretant nous voulons estre tenuz en suspans sanz execucion faire en. (Chartes Abb. St-Magl. T.F., t.3, 1330, 9). Entretant les dames revindrent de palmoisons, si demenerent un si grant duel que nul ne le pourroit compter (Bérinus, I, c.1350-1370, 403). ...il covient (...) q'en salvacioun si bien de roialme d'Engleterre, come de la principalté de Gales, soient ordinéz et envoiéz vers Southgales deux centz hommes d'armes, (...) si l'en n'ait entretant certeines novelles de la noun venue des enemys desusditz (Lettres agn. L., 1377, 165). ...mes pour ce que par mouvement circulaire et journal .b. est entretant translaté siques endroit .c., il appert que .a. en montant descript la ligne .ac. (ORESME, C.M., c.1377, 524). Et ilz lui respondirent quelle chose en estoit bonne a faire. Par foy, dist ly patrons, c'est bon d'envoier une galee a savoir quelz gens ce sont. Et entretant nous ferons armer noz gens par toutes adventures. (ARRAS, c.1392-1393, 88). Et entretant il va a son estude escripre a messire Nicolle, son bon ami, la joye qu'il avoit de sa bonne santé (LA SALE, Salade, c.1442-1444, 149). ...il reprint nouvelle ymaginacion par boire et menger largement du demourant du soupper de ceulx qui entretant ou lit se devisoient (C.N.N., c.1456-1467, 27). Et depuis entretant toudis... (MOLINET, Serm. st Billouard K., c.1460-1500, 119). Et, entretant, aucuns Anglois gaignèrent le pont de Crevant (LEFÈVRE ST-RÉMY, Chron. M., t.2, c.1462-1468, 78). Trompetes, sonnez entretant, Pour tousjours nostre armé aduire (Myst. siège Orléans H., c.1480-1500, 152).

Rem. Comme terme de tendresse, cf. H. Lewicka, Les Comp., 1968, 137.

-

Loc. conj. Entretant que/comme. "Pendant que" : Vous devés sçavoir, entretant que cil traicteur estoient en France, Pierre Bascle et Ferrando arrivèrent à Chierebourcq à tout grans pourveances de vins, de vivres et d'arteillerie. (FROISS., Chron. R., IX, c.1375-1400, 55). Et entretant que Remondin mettoit paine a alumer le feu pour faire a son seigneur plaisir, le conte regarde tousjours ou ciel contremont, et commenca a souspirer parfondement. (ARRAS, c.1392-1393, 19). Et se taist l'ystoire quant a present de la feste, et commence a parler de Melusigne, comment elle se gouverna entretant comme Remondin fu en ce voyage. L'ystoire dit que entretant que Remondin fu en Bretaigne, Melusigne fist bastir la ville de Lusignen et fonder les murs sur la vive roche, et la fit estoffer de fortes tours (ARRAS, c.1392-1393, 66). Pour quoy, quant à ce ne povoit dissimuler, ne rompre son armée, pour ce que entretant que ambaxadeurs yroient d'un costé et d'autre, iceulx communes pourroient mectre ledit Jehan de Bavière, leur évesque, en trop grant danger et neccessité (MONSTRELET, Chron. D.-A., t.1, c.1425-1440, 352-353). ...et ad ce cop est le temps et l'eure de assembler, entretant que les cuers sont en bonnes voulentez, en requerant l'ayde, la force, le secours et le conseil du souverain Dieu qui donne les victoires a qui luy plaist (LA SALE, Salade, c.1442-1444, 244). ...entretant que madame au musnier devisoit, il apperceut sur le bout de la cuve ung tresbeau dyamant (C.N.N., c.1456-1467, 43). Et nous le batron tellement, Entretant que les chaufferés, Que rede mort le trouverés. (Myst. st Laur. S.W., 1499, 226).

V. aussi entre-temps