| 11 exemples |
| 1 | Tu dois savoir que (je) sui celle Qui ai les ensorceremens Par quoi j'ensorcere [var. ensorcele] les gens. (GUILL. DIGULL., Pèler. vie hum. S., c.1330-1331, 289). |
|
| 2 | Celle femme, que Famius espousa, estoit appelee Raine et estoit de moult grant beauté et courtoisie et bien enseignie, et, ja soit ce que Famius la prist oultre son gré, le premier mois ne fu pas passé que la nouvelle femme l'ot tel atourné qu'il n'estoit riens qu'il peüst tant amer comme elle, ne il n'estoit riens qui lui peüst plaire, se il ne veoit Raine sa femme, sy que les pluseurs qui en ouoient parler disoient que elle l'avoit ensorcellé (Bérinus, I, c.1350-1370, 22). |
|
| 3 | ...je vous conseille et enseigne Que Juno faces appeller Qui signifie qui que s'en pleigne La basse region de l'air. Il la convient ensorceler, De venin charger tost et viste, Pour souiller, infere et [maculer] Tout vivant qui soubz elle habite. (Cene dieux, c.1492, 129). |
|
| 4 | Et le roy prist l'espée, et, d'ire et de couroult, se marvoya ou desespera, ou il fut empoisonnéz ou ensorceléz ou entaraudéz, comme l'en tenoit (Chron. Valois L., c.1377-1397, 324). |
|
| 5 | ...et là, present son mary, icelle divine dist audit de Ruilly, son mary, après ce que elle l'ot veu et visité, que il estoit envoulté ou ensorcelé, ne savoit pas encor lequel, et que elle parleroit à ces choses que elle appelloit les ennemis d'enfer (Reg. crim. Chât., II, 1389-1392, 318). |
|
| 6 | Requise se oncques elle ensorcela sondit mary, se elle nourry aucunement iceulx botereaux, ne n'en fist euvre aucune en la presence de ladite divine, ne se oncques elle lui monstra iceulx ou aucun, ne enseigna la maniere comment l'en mettoit icellui voult de cire en une paile plaine d'eaue sur le feu, dit par son serement que riens n'en scet (Reg. crim. Chât., II, 1389-1392, 319). |
|
| 7 | ...maiz ce ne peut estre, car iceulx enffans ont plus cher la compaignie des plus estranges que de eulx pensent et aient soing, que de leurs plus prouchains qui d'eulx ne tiennent compte, et maintenant brayent et crient, et dient que icelles femmes ont leurs enfans ensorcelez, et sont enchantez et ne les peuent laissier, ne ne sont aises si ne sont avecques elles. (Ménagier Paris B.F., c.1392-1394, 100). |
|
| 8 | Et par pareille parole pourroient dire les autres bestes, se elles parloyent, que icelles qui ainsi seroient aprivoisees seroient ensorcellees. (Ménagier Paris B.F., c.1392-1394, 100). |
|
| 9 | ...ladite Thomine avoit emblé audit Pinart, en faisant son lit, ung bonnet, du larrecin duquel bonnet elle fut trouvée actaincte et qu'il se doubtoit que, en haine de ce elle l'eust ensorcelé, à l'occasion de ce que depuis le larrecin dudit bonnet, la peau de son corps et de ses bratz luy est tumbée (Doc. Poitou G., t.10, 1456-1464, 57). |
|
| 10 | Et, par m'ame, je ne croy mye qu'il soit autrement ensorcellement que de bien faire, ne l'en ne peut mieulx ensorceler ung homme que de luy faire son plaisir. (...) Et pour, ce, chere seur, je vous pry que le mary que vous arez vous le veuilliez ainsi ensorceler et rensorceller, et le gardez de maison mau couverte et de cheminee fumeuse, et ne luy soyez rioteuse, maiz doulce, amiable et paisible. (Ménagier Paris B.F., c.1392-1394, 100). |
|
| 11 | Et fut baillée icelle verge audit criminel duc d'Orléans, ensorcelée comme dit est, en la saincte sepmaine. Et pour quoy en la saincte sepmaine plus qu'en autre temps ? Ce fut pour faire contumelie plus injurieuse et plus contumelieuse injure à nostre seigneur Dieu Jhésucrist (MONSTRELET, Chron. D.-A., t.1, c.1425-1440, 227). |
|
