| 31 exemples |
| 1 | ...aussi conme le lis est de grant odeur mesmement quant il est enraciné en grant humeur (Mir. femme roy Port., c.1342, 150). |
|
| 2 | C'est l'arbre dont il est escrit Que Nabugodonasor vit Qui emmi la terre est mise, Enracinee et assise Pour ce que de chascune part Ait chascun a li son regart Quë excuser nul ne se puist Que de ligier on ne la truist (GUILL. DIGULL., Pèler. âme S., c.1355-1358, 189). |
|
| 3 | ...l'omme par che est plus fermement en bien enraciné (DAUDIN, De la erudition H., c.1360-1380, 168). |
|
| 4 | Et toutesvoies, aucuns ont de leur nativité fort fichiee et bien enracinee en leur courage amour de honesté et de justice, et sont enclins a reprimer les mouvemenz de l'appetit sensitif et a obeïr a raison. (ORESME, E.A.C., c.1370, 358). |
|
| 5 | Et cuidoit par ses parolles coulourées attraire ses gens pour faire partie avoecques lui contre les François, mès jamais ne les y euist amenés ; car il estoient trop fort enrachiné en l'amour dou roy de France (FROISS., Chron. R., VIII, c.1375-1400, 105). |
|
| 6 | Si sens meint plaisant estour, Quant sa biauté que j'aour Ainsi remirée Est en mon cuer par savour, Dont en moy parfaite amour Est enracinée. (MACH., Ch. bal., 1377, 588). |
|
| 7 | ...c'est assavoir que qui unesfois y met le pie [à bâtir de nouveaux châteaux], les bras et les mains, et souventesfois toute la pensee, y sont captivez et comme enracinez, ou prejudice souvent de la chose publique et de leur gouvernement. (MÉZIÈRES, Songe vieil pèl. C., t.2, c.1386-1389, 410). |
|
| 8 | Ceste povreté d'esperit, ou fut elle doncques enracinee plus parfondement que en la saincte ame de saint Pol qui se reputoit le premier entre les pecheurs (GERS., P. Paul, a.1394, 509). |
|
| 9 | Qu'est ce d'estre dampnee ? La Saincte Escripture dit que c'est estre privee a tousjours sans fin de la vision de Dieu, en tenebres espouentables en la compagnie des horribles deables (...) et avec ce, qui plus enracine le mal, en desesperance de jamais en yssir. (CHR. PIZ., Trois vertus W.H., c.1405, 21). |
|
| 10 | Jà soit ce, trèsredoubté et souverain seigneur, que le cas de la douloreuse, lamentable et inhumaine mort de nostre trèsredoubté seigneur et père, vostre seul frère germain quant il vivoit, soit en vostre mémoire infiché et nous sommes certains qu'aussi est elle et qu'elle n'en est pas évadée, ains est en vostre cuer ou très parfont des secrets de vostre recordacion et mémoire enraciné, néantmoins, nostre trèsredoubté et souverain seigneur, l'office de pitié, les drois de sang, les devoirs de nature, les drois divins, canons et civilz, et vérité nous contraignans, nous ramentoivent et exhortent à vous ramentevoir et ramener à mémoire mesmement les fins par cy dedens eslevées et déclairées. (Doc. 1411. In : MONSTRELET, Chron. D.-A., t.2 c.1425-1440, 125). |
|
| 11 | ...et si actendit [Henry d'Angleterre] qu'elles [Sedition et Division] feussent bien enracinees (JUV. URS., Aud. celi, 1435, 196). |
|
| 12 | O roy d'Israel, bien je croy Que tu es le vray medecin Pour nous saner, car j'aperçoy Qu'il n'y a mire ne devin Qui sceust en no mal mettre fin, Tant est parfont enracinés (MARCADÉ, Myst. Pass. Arras R., a.1440, 112). |
|
| 13 | Se vous voulez enter ung cep de vingne dedens ung cerisier, faictes tailler le cep de vingne qui sera planté et de long temps enraciné empres le cerisier. (Ménagier Paris B.F., c.1392-1394, 123). |
|
| 14 | ...le reboutement qu'il luy faisoit trop plus avant en son amour l'enracinoit. (C.N.N., c.1456-1467, 273). |
|
| 15 | ...ne furent les amourettes rompues, car elles estoient (...) parfond enracinées es cueurs des ambedeux parties (C.N.N., c.1456-1467, 440). |
|
| 16 | Je suis Jason, cellui qui le veaurre d'or conquesta en Colcos et qui journellement laboure en douleur, enrachiné en tristesse pour le deshonneur dont aucuns frapent ma gloire (LEFÈVRE (R.), Hist. Jason P., c.1460, 125). |
|
| 17 | ...puis que mors est mes dous amis, U j'avoie coer et corps mis, Car quant il vivoit, je regnoie ; En tous cas, je voel bien qu'on l'oie, Faisoit mon talent et m'agrée ; Tant m'eut en lui enracinnée Que cil qui ce prince veoient Tout proprement me rewardoient ; C'estoie et c'estoit il aussi (JEAN DE LE MOTE, Regr. Guill. S., 1339, 65). |
|
| 18 | Qui vieil mal lait enrachiner, Envis s'en peult medeciner. (Renart contref. R.L., t.1, 1328-1342, 61). |
|
| 19 | Sire, faites moy droit sans querir long termine De Richier le bastart qu'en orgueil s'enrachinne (Renaut Mont. B.N. V., c.1350-1400, 412). |
|
| 20 | Voy que je m'affine Pour ma dame fine Qui onques ne fine De la doleur affiner Qu'en moy s'enracine, Si que la racine Par nul medecine Ne puet nuls desraciner... (MACH., Les lays, 1377, 310). |
|
| 21 | Mais conment cuides tu que la vierge s'enracine en personne orgueilleuse (...) ? (Mir. Pierre Changeur, c.1378, 228). |
|
| 22 | En toy l'ancien lygnage de la ligne et de la nobleté royal ne forligne ne ne perit, mez soy enracine plus grandement et resplendit plus clerement et flourit plus joyeusement (Songe verg. S., t.1, 1378, 6). |
|
| 23 | En ce faisant, paix et amour s'enrachineront entre vous (LEFÈVRE (R.), Hist. Jason P., c.1460, 180). |
|
| 24 | Les plantes dessoubz enracinees aprés peu de temps vont getter le bois, et creut et vint grant comme les aultres boys font (BAGNYON, Hist. Charlem. K., c.1465-1470, 183). |
|
| 25 | On dist souvent que longue demourée Fait cuer d'ami et d'amie changier ; Mais quant plus sui en estrange contrée, Tant ai je en moy plus ardant desirier, Et plus convient l'amour mouteplier, Dont mes cuers est enracinés et pleins, Dame, coment que vous soie longteins. (MACH., L. dames, 1377, 29). |
|
| 26 | La plante de vigne est ainsi appellee par la vertu que elle a de soy tost enraciner, si comme dist Ysidore. (CORBECHON, Propr. choses H., 1372, 54). |
|
| 27 | C'est pacience dongereuse ; C'est diligence paresseuse ; C'est oubliance la soingneuse Contre amité ; C'est l'arbre d'inhumanité, Enraciné seur fausseté... (MACH., R. Fort., c.1341, 42). |
|
| 28 | Et s'estoit environ poursains Li lieus, dont il estoit plus sains, Plus biaus, plus gens, plus gracieus, Odorans et melodieus, De haies de belles devises Enracinées et reprises, Pommiers de paradis, rosiers, Franche aube espine et esglentiers ; Groselier aussi y estoient Qui bien et bel y afferoient. (MACH., D. Aler., a.1349, 392). |
|
| 29 | Einsi de l'amoureuse espine Mon cuer espine, Par la doctrine Qui me doctrine D'Amours qui par son grant engin Met en moy de mort la racine Et l'enracine Sans medecine, Celeement, en larrecin. (MACH., Les lays, 1377, 292). |
|
| 30 | Ces glaives sont enracinez En mon cuer parfont et plantez, Mes par mes iex ont (leur) issue Pour (moi) faire beste cornue, Pour moi faire venin getter Par les iex pour envenimer Mes voisins par un suel regart Sans laissier disme ne champart. (GUILL. DIGULL., Pèler. vie hum. S., c.1330-1331, 258). |
|
| 31 | Mais qui bien est moriginez Et en vertus enracinez, Fortune n'a nulle puissance De lui faire anui ne grevance Quant aus meurs... (MACH., C. ami, 1357, 69). |
|
