| 83 exemples | | 1 | Amis, le cuer m'est esbahiz Des nouvelles que m'enortez. Quelles enseignes m'apportez Que je vous croie ? (Mir. mère pape, c.1355, 380). | |
| 2 | PREMIER CARDINAL. Sire, dites nous de quoy est ce, Par fine amour. LE PAPE. Or sus de ci, sus sanz demour. A ce que me dit et enorte, Vostre mére et la moie est morte, Et tant l'aime le doulx Jhesus Que du nombre est des esleuz (Mir. mère pape, c.1355, 407). | |
| 3 | ...et, s'il vous plaist, m'enortez Qui estes vous, qui me portez Tel reverence. (Mir. st Val., c.1367, 139). | |
| 4 | Et toutes fois a bonne entente De mes gardes moult me contente, Car sougneusement me confortent Et me remonstrent et enortent Comment je me doi consillier Pour les pensees essillier, Qui nuit et jour me contrarient Et me debrisent et varient (FROISS., Pris. am. F., 1372-1373, 145). | |
| 5 | ...de par les dames nous enorta Un messagier salu et raporta Bonnes goieres Bien sucrées, bien faittes et legieres, Pomes, poires de diverses manieres. (CHR. PIZ., Dit Poissy R., 1400, 183). | |
| 6 | Lors me tray vers sa damoiselle (...) Et tant li promis et fis don Que les enseignes m'apporta Et du sain aussi m'enorta Que vostre preude femme porte (Mir. Oton, c.1370, 382). | |
| 7 | Sire, c'est vostre entencion, Je le voy bien, qu'elle soit morte ; Mais, pour verité vous ennorte, De la faire ardoir n'oy talent (Mir. fille roy Hongrie, c.1371, 74). | |
| 8 | BERTHE. Sire, je vous pri humblement En plorant tendrement des yeux, Pour si hault homme conme est Diex, Que ne me faciez tel oultrage Que vous m'ostez mon pucelage. Ains que vous me faciez annui, Sire, vous diray qui je sui : Le roy de Hongrie est mon pére, Blancheflour sa femme est ma mére, Par droit sui royne de France ; Pepin m'espousa sanz doubtance Une foiz, de voir vous enorte ; S'ameroie miex estre morte Que ce que me fust reprouvé Qu'en moy fust tel meffait trouvé. (Mir. Berthe, c.1373, 234). | |
| 9 | Ainsi Peur m'a desconforté Qui maint mal m'a fort enorté. Se je l'eusse de tout creüe, Je eusse courte fin eüe, Ne cil n'est pas bien asseür Qui toutes heures croit Peür (Renart contref. R.L., t.2, 1328-1342, 17). | |
| 10 | Or entens ce que je t'enorte. (Mir. prev., 1352, 264). | |
| 11 | Biaus fils, je t'ai dit tout ensi Com on doit dire et remonstrer A son enfant et enorter Le bien. (FROISS., Dits Débats F., 1363-1393, 117). | |
| 12 | Et vous savez que, se vous m'eussiez creue, vous ne vous feussiez ja embesoingniez d'avoir fait ce que Glaude et ses freres vous ont enhorté, combien que encores n'avez vous fait chose de quoy vous ayez enfraint vostre foy envers vostre seigneur droitturier Remond de Lusegnen. (ARRAS, c.1392-1393, 206). | |
| 13 | Et quant li princes l'entendi, Tout en l'eure li respondi Que celui qui ce li enorte, Et teles nouvelles li porte, Avoit menti mauvaisement, Et qu'il le disoit vraiement Pour engendrer division, Et une grant discention... (MACH., P. Alex., p.1369, 250). | |
| 14 | Et quant il fut a mort livré, Es mains Joseph fu delivré, Car Dieu au cuer li enorta. (Myst. Pass. N.S. R., c.1350-1370, 98). | |
| 15 | Se Gondebaut vous veult sa niéce Donner a femme, et qu'il li siesse, Prenez la, je le vous ennorte, Pour le bon renom c'on li porte Et pour le grant bien c'on en dit (Mir. Clov., c.1381, 198). | |
| 16 | Et mauvais conseil lui ennortent, Car les Grieux dalmage ne portent Granment a eulx, ne ne feroient En .C. ans, se la se tenoient (CHR. PIZ., M.F., III, 1400-1403, 153). | |
| 17 | Moult d'autres exortacions, Preschemens et monicions Vous eusse bien a enorter, Mais vous ne les pouez porter N'entendre la verité plainne Par la fragilité humainne De vous qui n'est pas confermee ; Mais, quant sera bien refformee Et par le Saint Esperit reffaicte, Alors la verité parfaicte Pourrez concepvoir et entendre : Vueillez le en vraye foy entendre. (GRÉBAN, Pass. J., c.1450, 437). | |
| 18 | Si fu li rois de Cipre à Praghe et là environ bien trois sepmainnes et enhorta grandement en l'Empire ce saint voiage. (FROISS., Chron. L., VI, c.1375-1400, 85). | |
| 19 | ...par ledit maistre Jehan Truquan lui fu admonesté et ennorté qu'il se feist baptisier et chrestienner, ou l'en le feroit excecuter comme juif, c'est assavoir qu'il seroit dempné perpetuelment (Reg. crim. Chât., II, 1389-1392, 52). | |
| 20 | Dieu vueille ce convent tenir En s'amour, qui touz biens enorte ! (Mir. Theod., 1357, 126). | |
| 21 | Evous qu'Esperance parole Et me dist tout premiers ensi : "Compains, j'ai grant pité de ti, Car je te voi en grant esmai, Et se onques nul homme amai Ne aidai a reconforter, Bon confort te voel enorter..." (FROISS., Par. am., c.1361-1362, 55). | |
| 22 | Bien avez oÿ comment Raine a pourchacié et ennorté le maltalent entre le pere et le filz. (Bérinus, I, c.1350-1370, 26). | |
| 23 | Si m'ont cil troi tant dit et enorté Que toutevoie Je m'acorday que m'amour li diroie. (MACH., J. R. Beh., c.1340, 74). | |
| 24 | Bien voi, s'il vous plaist, je sui morte Se la verité vous enorte Et la vous euvre. (Mir. roy Thierry, c.1374, 312). | |
| 25 | C'est noble sorte, Car Prouesse partout s'espée porte, Hardiesse le conduit et enorte, Et Largesse si li ouevre la porte De tous les cuers. (MACH., J. R. Beh., c.1340, 107). | |
| 26 | Pour quoy nous enorte saint Pol et nous prie : Mes fréres, je vous prie, vestez vous de l'armeure de Dieu (Mir. st Val., c.1367, 123). | |
| 27 | Maiz ses barons tant l'ennorterent [le marquis] Par leur senz qu'a ce l'amenerent (Gris., 1395, 4). | |
| 28 | ...sa gent a bien enortee Et moult doulcement confortee. (CHR. PIZ., M.F., IV, 1400-1403, 45). | |
| 29 | Finablement, se transporta A onze heures et ennorta A aucuns autres laboureurs, Disant : "Qu'estes vous cy, oiseux ? Toute jour perdez vostre temps." Ceulx dirent : "Nous sommes restans, Car ame ne nous embesoigne." (GRÉBAN, Pass. J., c.1450, 223). | |
| 30 | ...ledit psaulme fut fait pour regracier Dieu de certaine victoire, et a enhorter les Prestres et Levites (JUV. URS., Verba, 1452, 190). | |
| 31 | Mais pour che que peu sont qui aient les meurs dessus dittes declaréz es paroles de Tule, pour che plusieurs doivent en yceulx estre informés par amonitions, reprinses et corrections, selonc le dit de Virgile : "Enorte et te met en la voie de aprivoisier quant les corages des josnez sont a che disposés et que l'eage est muable". (DAUDIN, De la erudition H., c.1360-1380, 292). | |
| 32 | Ains le vint reconforter Et tant fist par enorter, Quant bien l'ot mis a raison, Que lui monstra par raison Que felicité mondaine, Qui n'est que joie soubdaine Ou n'a nulle seurté, N'est mie beneurté, Et que chose sanz duree N'est mie beneuree (CHR. PIZ., Chem. estude P., 1402-1403, 11). | |
| 33 | Mais les deffaillans supportoies Et doulcement les enortoies. (Mir. st J. Paulu, c.1372, 137). | |
| 34 | Si que (...) a l'enfant mette en courage Des povres, quant tenra mesnage, Soufraitteux de bien enorter Et eulz d'aumosnes conforter Droituriéres. (Mir. st Alexis, 1382, 299). | |
| 35 | DIEU. Gabriel, d'aler jus t'efforce, Et toy, Michel, avecques li, Et vous, Jehan, mon chier ami. Aler vueil en celle chappelle, A mon bon ami qui m'appelle. Mére, venez avecques moy : Enorter li vueil ce de quoy Il me requiert. (Mir. Rob. Dyable, c.1375, 43). | |
| 36 | Avec ce, ceste dame aura establi sages preudeshommes certaine quantité, qui seront de son conseil, que elle sentira bons, loyaulx, de bonne vie, et non mie moult convoiteux, car c'est ce qui honnist tout entour plusieurs princes et princepces que conseillieurs remplis de convoitise, car selon leur inclinacion ilz enduisent et enortent ceulz qu'ilz conseillent, et sans faille ceulx qui habondent en tel vice ne pourroient bien ne loyaument ne au prouffit de ame et honneur de corps conseillier, - et que ilz soient de bonne vie, et de ce doit bien enquerir la prudent dame. (CHR. PIZ., Trois vertus W.H., c.1405, 50). | |
| 37 | Ne perçois tu sa grant abuserie Dont les ... [lacune] ont ton coeur enmorté [l. ennorté] ? (DU PRIER, Roy Adv. M., 1455, 274). | |
| 38 | Avec lui sont en son conduit Friandise, Lopinerie, Yvresse, Oultrage, Lécherie, Et pluseurs autres de tel sorte Que Gloutonnie à soi enhorte. (JACQUES BRUYANT, Voie pauvreté richesse P., 1342, 13). | |
| 39 | Je vous requier a jointes mains, Biau filz, que je voise garir Guillaume, qui est au morir, Tant l'ont batu li ennemi, Pour ce qu'il ne s'est consenti Au mal faire dont l'enortoient (Mir. st Guill., c.1347, 44). | |
| 40 | Pour che, enortant a abstinenche, escript saint Jerome a Salvinie : "Il vault mieulx que l'estomac ait doleur que la pensee, commander au corps que a lui servir, et vault aussi mieulx les piés chanceller que la chasteté." (DAUDIN, De la erudition H., c.1360-1380, 368). | |
| 41 | Qui est maintenant la personne qui n'ayt oy pluseurs foys, voir ung chascun jour, Plaisir mondain enhortant tous cuers a fole liesse, a vayne joye... ? (GERS., Déf., 1400, 221). | |
| 42 | Les barons orent grant merveille De ceste chose et que cil vueille La paix, qui les seult ennorter De la guerre, et eulx conforter (CHR. PIZ., M.F., III, 1400-1403, 118). | |
| 43 | Si que nous commençames aux riches, et aprés ce que parlé avons a tous les communs estaz des femmes, nous convient terminer nostre oeuvre au de Dieu amé et du monde haÿ estat des povres, en les enortant de pacience par l'esperance de la couronne qui leur est promise (CHR. PIZ., Trois vertus W.H., c.1405, 221). | |
| 44 | Ne retenez, sire, envers vous quelzconques personnes qui vous enhortent a mal et au contraire de verité, car dit le Saige que le prince qui oyt voulentiers parole de mansonge et de flateurs a ses ministres tous pervers. (GERS., Noël, p.1404, 310). | |
| 45 | L'EMPERERIS. Lasse ! monseigneur, que feray je Se vous alez en celle gierre ? Je vouldroye estre ja en terre Estoffée et ja roide morte ! Vostre alée me desconforte, Monseigneur et leal espoux. Mauldit soit qu'a ce vous annorte ! (Myst. st Adr. P., c.1450-1485, 40). | |
| 46 | Se ton Dieu te gart de meschance, Est il tel com tu le m'enortes ? (Mir. Pierre Changeur, c.1378, 269). | |
| 47 | Mais il en parle ainsi cruellement pour enorter les gens a virginité, qui est plus grande perfection (LA SALE, Sale D., 1451, 128). | |
| 48 | Chascune en particulier nombroit les biens, dons et douaires que donroit a ceste pucelle. Et tout d'un assentement se enhorterent a ce, et promirent que oncques de leurs biens telle largesse ne firent, et que, sans en riens retenir, tout luy seroit habandonné (GERS., Concept., 1401, 406). | |
| 49 | Le .IIIIe. est qu'elle lui garde son corps chastement, selonc le dit de l'Apostre a Tite ou second chapitre : "Enorte les jovencellez estre chastes", non pas de chasteté constrainte mais voluntaire. (DAUDIN, De la erudition H., c.1360-1380, 408). | |
| 50 | ...il fist pluseurs choses convenables au fait de Monseigneur, si comme enduire les gens des dis lieux à faire garnisons, conforter les dis lieux, enorter les gens de Monseigneur de secourre Évreux, tant de gens comme de finance, mettre acort entre les cappitaines pour leurs raencons, veoir la personne de Monseigneur Messire Charles et parler sur aucunes emprinses (Compte Navarre I.P., 1367-1371, 392). | |
| 51 | Hair doy bien, ce m'est avis, Qui d'elle prendre m'enorta Et nouvelles m'en apporta Premiérement. (Mir. fille roy Hongrie, c.1371, 22). | |
| 52 | Il (...) dist qu'il ne cesseroit jamais si aroit esté en Engleterre et là preecié et enhorté au dit roy d'Engleterre et à ses enfans le crois à prendre. (FROISS., Chron. L., VI, c.1375-1400, 89). | |
| 53 | ...mesires Robers d'Artois enortoit le roi d'Engleterre a calengier la couronne de France (FROISS., Chron. D., p.1400, 235). | |
| 54 | ...la Court a defendu à maistre Pierre de Perach, clerc et licencié (...) que en nulle maniere il ne conseille, ne ayde, ne conforte messire Raymon de Turenne (...) maiz le induise et enhorte de son povoir à obeir au Roy et à sa Court (BAYE, I, 1400-1410, 149). | |
| 55 | ...se la sainte Escripture recite les abominables pechiés de Soudome et Gomorre, enorte elle yceulx ensuir ? (COL, Resp. deux traités H., 1402, 102). | |
| 56 | Et puis en s'en cuidant retourner au pais, fut rancontré desdis brigans, qui l'ennorterent, presserent et introduisirent de aler avec eulx. (Chancell. Henri VI, L., t.1, 1424, 73). | |
| 57 | Cy nous dist l'ystoire que tantost aprez ceste chose advenue, on le compta a Remond, qui moult en fut doulent. Mais non pour quant il passa le dueil [de son frère, tué accidentellement par son fils Geoffroy] assez legierement pour ce que son frere lui avoit enhorté la droicte racine de quoy il avoit perdue sa moillier. Lors dist a soy mesmes : Ce qui est fait ne puet autrement estre. Il me fault appaisier a Gieffroy avant qu'il face plus de dommages. (ARRAS, c.1392-1393, 269). | |
| 58 | Et quant vostre seigneur ou aucuns autres feablement vous requerront de conseil, ensuivez le dit de Claudien le poete quant il enorta honnorer l'empereur (LA SALE, J.S., 1456, 77). | |
| 59 | Oultre t'enhorte Ne te fier en ta puissance forte Ne aux richesses que le monde t'apporte : En ung moment tout ce le vent emporte, Si Dieu n'as mis De ton party, plus chier de tes amys (MESCHIN., Lun. princes M.-G., c.1461-1465, 89). | |
| 60 | Sainct Jehan si la reconfortoit Le plus qu'il pouvoit grandement Et chierement luy ennortoit De passer son dueil doulcement. (MART. D'AUV., Mat. Vierge L.H., c.1477-1483, 80). | |
| 61 | ...lequel, prevoyant la famine canine, enhorta les riches hommes de faire pourvoyance de froment et autres grains longtemps par avant (SIMON DE PHARES, Astrol., c.1494-1498, f° 109 v°). | |
| 62 | Mon Dieu, si le deable temptoit En son vivant et tourmentoit Ceste creature presente Et qu'a mal faire l'enhortoit, Humblement a toy me presente Affin que l'ame soit exempte D'eternelle dempnacion (LA VIGNE, S.M., 1496, 390). | |
| 63 | . Ainsi chascun me raportoit Chose qui mon cuer enhortoit D'oublier ma dame de pris Que j'aim, crien, sers et loe et pris (MACH., Voir, 1364, 666). | |
| 64 | Et le desir de sa dame l'enhorte A s'esjouÿr, A chacer Dueil et Tristesce fouÿr, A soy faire regarder et ouÿr Et les autres de le veoir s'esjouÿr Par grant plaisance. (CHART., D. Fort., 1412-1413, 170). | |
| 65 | ...le vouloir luy creut et desir l'enorta d'accoler sa femme en ce lieu si plaisant (C.N.N., c.1456-1467, 89). | |
| 66 | A ce propos dist Quintiliien en son .VIIIe. livre : "Mieulx pourra les autres enorter a bien faire chilz qui premier fait a soy bien." (DAUDIN, De la erudition H., c.1360-1380, 18). | |
| 67 | Pour che dist Seneque : "Pren pour ton maistre chelui qui fait premier ce qu'il ennorte a faire". (DAUDIN, De la erudition H., c.1360-1380, 18). | |
| 68 | La faveur que l'en a premier Au monde est l'odeur du pommier A la pomme et du fruit qu'il porte, Qui la faveur mondaine ennorte, Dont la couleur nous abellit (DESCH., M.M., c.1385-1403, 228). | |
| 69 | Quant Mathathias dut fenir Ses jours, ses enfans fist venir Devant lui pour euls conforter Et aussi pour euls enorter Que bien gardassent les misteres De la loy et que leurs sains peres Ensuïssent... (MACH., C. ami, 1357, 58). | |
| 70 | Si que, dous amis, je t'aporte Joie et mercy. Or te conforte. Et vesci Venus qui t'enorte Qu'aies leesse. Fi d'omme qui se desconforte Et qui n'a cuer et vertu forte Et qui pacienment ne porte Ce qui le blesse ! (MACH., F. am., c.1361, 227). | |
| 71 | Einsi li roys les confortoit Doucement et les enortoit, Que chascuns feïst son devoir, Pour pris, honneur et gloire avoir. (MACH., P. Alex., p.1369, 93). | |
| 72 | ...avant leur mort m'alouérent Pour vous ces lettres apporter Et pour vous dire et ennorter Qu'acomplissez vostre promesse (Mir. roy Thierry, c.1374, 329). | |
| 73 | En ce temps enorta li rois d'Engleterre les Flamens (...) que il vosissent issir hors et faire guerre avoecques lui. (FROISS., Chron. D., p.1400, 825). | |
| 74 | Je supply et enhorte que chascune personne crestienne, tant soit entachee de ors pechiez et abhominables, elle s'en confesse (GERS., Concept., 1401, 428). | |
| 75 | Achillés, qui contre lui porte Gros cuer, a ses gens moult ennorte Qu'ilz gardent bien qu'en la bataille Tant frappent d'estoc et de taille Que Troylus puissent enclorre Entr' eulx et de ses gens forclorre (CHR. PIZ., M.F., III, 1400-1403, 125). | |
| 76 | ...et l'ennortera de toute sa poissance que elle se tiengne en son bon propos. (CHR. PIZ., Trois vertus W.H., c.1405, 102). | |
| 77 | Si l'ennortera qu'elle garde bien comment elle respondra bien et sagement toutes les fois qu'il lui en parlera (CHR. PIZ., Trois vertus W.H., c.1405, 102). | |
| 78 | Car lui mesmes en parlant à sadicte fille comme se la besongne lui estoit agréable, et qu'elle voulsist user de son conseil pour avoir l'amour du roy à tousjours, il lui bailla une petite boitelète pleine d'oignement et lui enhorta que quant viendroit à l'heure que le roy dessusdit viendroit en sa compaignie pour la congnoistre charnellement, elle ongnist le bout de son ventre par dessoubz dudit oignement. Laquelle doctrine elle receut et acompli à l'entencion dessusdicte. (MONSTRELET, Chron. D.-A., t.3, c.1425-1440, 45). | |
| 79 | Garde toy bien ! Prochainement Te verras verssé contre terre. Tu ne sces mie moult de guerre - Tien sela et sy te deporte ! Mais je te dy bien et enorte Que de droit doiz paier ton lit. Je m'en yray sy t'enbellit, Et se il ne t'enbellit mie ; S'enporteray de ma partie Le chappon cras. (Vie st Fiacre B.C.P., c.1380-1400, 31). | |
| 80 | : ...aussi si besoing est volons que de par nous l'enhortez et priez qu'il vuille prendre et accepter ladite postulacion (Rouen temps Jeanne d'Arc L., 1436, 317). | |
| 81 | ...a Atheynes avoit ung Athenyen, homme de moult grant renommee en sapience, lequel enortoit par sapience que les hommes ne feissent riens fors que par leur delit. (LA SALE, Sale D., 1451, 43). | |
| 82 | ...lesquelx admonnesté et enhorté, en tant que je peu, qu'ilz veinssent en ceste dicte ville de Montpellier pour me rendre leurs comptes de l'administracion qu'ilz avoient eue tant du fait et patronnaige des galées que des marchandies dudit Cuer (Aff. Jacques Coeur M., 1453-1457, 187). | |
| 83 | Ils, qui estoit si bien dou roi que nuls mieuls de li, li dist et enorta que pluisseur baron d'Engleterre faisoient aliances ensamble et que, se il ne s'en prendoit garde, il le bouteroient hors de son roiaulme. (FROISS., Chron. D., p.1400, 48). | |
|
