| 33 exemples | | 1 | ...pour ce fu il espoir faint aussi que elles [les flèches] sont enferrees de plonc, qui est de sa nature et obscurs et pesans. (EVR. CONTY, Eschez amour. mor. G.-T.R., c.1400, 560). | |
| 2 | Et pour ce fu il faint que c'est une des flesches qui sont d'or enferrees, dont le dieu d'amours trait. (EVR. CONTY, Eschez amour. mor. G.-T.R., c.1400, 638). | |
| 3 | Et le [Renaud de Boulogne] fist [le roi] prendre et mener a Peronne et mettre a une forte tour, et le fist enferrer de meilleurs fers et bien garder (JUV. URS., Exort., 1458, 418). | |
| 4 | ...se aucun de nos subgéz se soient obligiéz à leurs creanciers par prinse et detenue de leur corps, avons ordonné et ordonnons que les obligiéz ne soient pour ce mis en villaine ne obscure prison, ne enforgiéz, ne enferréz par quiconque maniere que ce soit (Cout. bourg. glosé P.M., c.1380-1400, 128). | |
| 5 | ...il soustint ladite prison par l'espace de VIII sepmaines, ou environ, estant en ladite prison enferrés d'un fers pesant XXIIII livres (Trés. Reth. S.L., t.2, 1395, 394). | |
| 6 | Et estoit prisonnier des Angloiz en ladite grant bastille ung cappitaine françois nommé le bourg de Bar, lequel estoit enferré par les piez d'une père de fers si pesans qu'il ne povoit aller. (CHART. J., Chron. Ch. VII, V., t.1, c.1437-1464, 79). | |
| 7 | Et tantost qu'elle fut defferré, elle dist et proposa aus diz officiers qu'elle estoit grosse d'enfant, et adonc fut laissiée en la dicte prison et derechief enferrée, où elle est encores en grant misere (Doc. Poitou G., t.8, 1447, 421). | |
| 8 | Pour quoy, et afin de y donner le jugement ordonné estre fait en pareil cas, s'en party le roy d'Amboise et s'en vint à Chartres, Meulenc, Creil et autres lieux es marches de Beauvoisiz. Et, après lui, estoit mené ledit Hardi en une basse charrette, où il estoit moult bien enferré de gros fers enchaynez, et le conduisoit Jehan Blosset, escuier, cappitaine des cent archers de la garde de monseigneur le daulphin, et avecques lui avoit cinquante desdiz archers tousjours estans autour de ladicte charrette. (ROYE, Chron. scand., I, 1460-1483, 304). | |
| 9 | Dieu mercy... et Tacque Thibault [insulte à l'évêque Thibault d'Aucigny], Qui tant d'eaue froide m'a fait boire, En ung bas, non pas en ung hault, Menger d'angoisse mainte poire, Enferré... Quant j'en ay memoire, Je prie pour luy, et relicqua, Que Dieu lui doint, et voire voire, Ce que je pense, et cetera. (VILLON, Test. R.H., 1461-1462, 70). | |
| 10 | Puis doit crier ung homme desmonyacle enferré par les piedz et [par les] mains. (LA VIGNE, S.M., 1496, 456). | |
| 11 | Mais ly porcs ne doubtoit riens, mais rendoit estal tel qu'il n'y ot si hardy chien qui l'osast actendre, ne sy hardy veneur qui l'osast enferrer. Lors vindrent chevaliers et escuiers, mais il n'y ot si hardy qui osast mettre pié a terre pour l'enferrer. Lors vint le conte, qui s'escrie a haulte voix : Comment ! Cilz filz de truye nous esbahira il tous ? Quant Remondin ouy son oncle, si ot grant vergoingne, et sault du courcier a terre, l'espie ou poing, et s'en vint vistement devers le porc, et le fiert en l'escu, de grant ayr. (ARRAS, c.1392-1393, 18). | |
| 12 | Et quant le conte le vit venir, si regarde lez soy, et vit un espie, (...) et print l'espie, et le met soubz la plante du pié et l'abaisse. Et ly sengliers vint grant aleure. Et le conte, qui moult scot de la chasse, le va enferrer en l'escu, de la pointe de l'espie qui moult fu agüe. Mais l'escu du sanglier fu si durs qu'il convint, par la force du sengler, le conte verser a genoulx. (ARRAS, c.1392-1393, 22). | |
| 13 | La peussiez ouïr grant martelleiz au reclouer pans, plates, gantellez, harnoiz de jambes, a enferrer lances, a ferrer chevaulx, au rouler cottes d'acier et jaserens, et toutes autres choses neccessaires. (ARRAS, c.1392-1393, 95). | |
| 14 | Lors poingnent tous trois a lui, les lances abaissiees. Les deux l'enferrent sur le comble de l'escu, et ly autre en la couppe du bacinet, et tant rudement le fierent qu'ilz portent lui et le cheval par terre, et passerent oultre. (ARRAS, c.1392-1393, 72). | |
| 15 | ...les archiers (...) traioient sus euls et sus lors chevaus, et les enferoient siques il ne pooient aler avant. (FROISS., Chron. D., p.1400, 620). | |
| 16 | ...toutdis traioient archier englois esforciement ou mont, et ne perdoient nuls de lors trais, car il enfieroient et enpalloient parmi les corps, ou parmi chevaus, ou testes ou bras ou jambes de gens d'armes, par telle maniere que on estoit mehagniet trop durement ou bleciet ou mort (FROISS., Chron. D., p.1400, 729). | |
| 17 | Et le lendemain coururent de fer de lance l'ung contre l'autre, Rifflart de Champremy, tenant le parti du roy Charles, contre le bastard de Rosbecque ; et rompirent l'ung l'autre aucunes lances. Mais en conclusion ledit Rifflard fut enferré tout parmi son harnois, que on vit le costé, et néantmoins ne fut point percé au vif. (MONSTRELET, Chron. D.-A., t.4, c.1444-1453, 154). | |
| 18 | D'aultre part le roy fut si très fort engrossé de ses ennemis, qu'il se parti, tout habandonné de ses gens, et descendit de la montaigne où il estoit, en une petite valée, et là fut tellement assailly qu'il fut enferré en quatre lieux. (MONSTRELET, Chron. D.-A., t.4, c.1444-1453, 263). | |
| 19 | Et, ce fait, le seigneur de Saintré de la pointe de sa haiche l'enferra et le fist a force reculer jusques a un banc viz a viz de Madame (LA SALE, J.S., 1456, 297). | |
| 20 | Et lors va venir ung senglier souldainement et icelui nepveu, le cuidant enferrer, tua son oncle qui y venoit comme lui, dont il fut moult courroucé (SIMON DE PHARES, Astrol., c.1494-1498, f° 115 v°). | |
| 21 | Qui le vous a commandé, Soussy, de me mener guerre ? Avant qu'on vous aille querre, Venez sans estre mandé. M'ordonnez vous almandé, Quant Mort de son dart m'enferre ! (CH. D'ORLÉANS, Rond. C., 1443-1460, 460). | |
| 22 | Les filles le roy se pasmerent (...) Dont il ot le cuer si serré Que tantost se fust enferré De s'espee, par grant desroy (CHR. PIZ., M.F., II, 1400-1403, 323). | |
| 23 | ...lequel François se gecta hastivement sur ledit Pierre et s'enferra de l'espée dudit Pierre en la cuisse, tellement que du cop qu'il donna contre la pointe de ladicte espée, il fist saillir le pomeau de la dicte espée contre la muraille, contre laquelle ladicte espée s'aferma tellement que la dicte espée passa oultre la cuisse dudit François (Doc. Poitou G., t.9, 1451, 266). | |
| 24 | Li sires de Biaugeu (...) tenoit une lance enferree d'un bon fier (FROISS., Chron. D., p.1400, 425). | |
| 25 | ...li rois d'Escoce avoit encores le fier de la saiette ou chief ; et qant la lune se renouvelloit, il avoit par usage le chief moult dolereus, et vesqi depuis que je oy esté en Escoce, plus de .XII. ans. Ensi appert il que il porta ce fier enfieret, bien .XXXII. ans. (FROISS., Chron. D., p.1400, 780). | |
| 26 | La dame fut reprinse et de rechef par l'amoureux enferrée tresbien et a loysir (C.N.N., c.1456-1467, 51). | |
| 27 | ...je suis seur que quand il cuidera que je dorme, qu'il ne demourra gueres a t'enferrer, et j'aray appresté a l'environ de ton devant le las jolis ou il sera attrappé. (C.N.N., c.1456-1467, 456). | |
| 28 | Li roys seoit sus son destrier, Et tenoit le piet en l'estrier, Fort et ferme et seürement. Là se combat si durement D'une hache bien enferrée Que riens à ses cops n'a durée. Il est chastiaus, il est fortresse à ses gens ; tant en tue et blesse, Tant en abat, tant en pourfent, Qu'il en a ocis plus de cent. (MACH., P. Alex., p.1369, 94). | |
| 29 | Quant il furent en la place où li jouste devoit estre, tout se rengièrent de une part et d'autre, et leur fist on voie, et leur bailla on cascun sa lance bien enfierée. (FROISS., Chron. R., IX, c.1375-1400, 273). | |
| 30 | Pour ce que Manassès erra, Nostres sires si l'enferra En Babiloine ou enserrez Fu, si loiez et enferrez, Que ci li sambloit uns enfers, Tant estoit liëz et en fers. (MACH., C. ami, 1357, 57). | |
| 31 | ...cheulx qui de la dite caution ne poroient finer et qui seroient prisonnier, paieront trois s., est assavoir douze d. pour l'enfferer et deux s. pour l'entrée, et pour son vivre chacun jour deux s. (Hist. dr. munic. E., t.3, 1390, 249). | |
| 32 | Enferez les bien seurement [les prisonniers] En fers tout neufz, gros et pesans, Rudement faiz et fassonnez, Affin qu'ilz soient araisonnez L'autre fois quant on parlera A eulx, quant ordonné sera Par monseigneur. (Myst. st Adr. P., c.1450-1485, 86). | |
| 33 | ...le prince (...) lors ordonna que l'enffant fust par les jambes de ungs fers à bras enfferrez (LA SALE, Reconf. De Fresne H., 1457, 18). | |
|
