A. -

Au propre "Rendre dur, devenir dur"

1.

Empl. trans. "Rendre dur, durcir" : ...Aussi com[me] li chaut soulel Endurcist la boe par bel, (Et) amolie cieu ou cire (GUILL. DIGULL., Pèler. vie hum. S., c.1330-1331, 382). (La) pluie terre sablonnace Endurcist, et terre crasse Amoloie , s'ell'est dure. (GUILL. DIGULL., Pèler. J.-C. S., 1358, 322). Le froit est mordicatif de membres ulcerez, endurcist le cuir, cause douleur sans sanie, cause nigreur, rigour, spasme et thetane. (SAINT-GILLE, A.Y., 1362-1365, 82). Exemple prens en la chaleur, Qui, sans muer force ou valeur, Endurcist la boe et la paste, Maiz burre et cire fond en haste. (LA HAYE, P. peste, 1426, 57).

2.

Empl. intrans. ou pronom. "Devenir dur, durcir" : Ploie la teste de l'enfant en jonesse, car l'abre ou la plante, pour lors qu'elle est tendre, puet on mieulx ploier a son plaisir, mais, quant il est endurchy, plustost on le romproit qu'on ne le ploiroit (DAUDIN, De la erudition H., c.1360-1380, 9). Et, si l'ongle estoit si fort et si endurci que pour cela ne peüst garir, aiez une aguille et la ploiez ou milieu que elle soit courbe. (GAST. PHÉBUS, Livre chasse T., 1387-1389, 119). Item , et se aucunes de voz pennes ou fourrures ont esté moulliees et se soient endurcies, faictes deffourrer le garnement et arrouser de vin la penne qui est dure, et soit arrousee a la bouche ainsi comme ung cousturier arrouse d'eaue le pan d'une robe qui veult retraire. (Ménagier Paris B.F., c.1392-1394, 133). ...et oindre l'escorche ou couanne du porc afin qu'elle ne se arde et endurcisse (Ménagier Paris B.F., c.1392-1394, 226). Ceste sage femme se prendra bien garde que riens ne pourrisse avaul son hostel ne voise a gast, de quoy povres creatures se puissent aucunement aidier ; ne que relief n'y endurcisse, ne robes n'y soient mangies de vers : si les fera donner aux povres. (CHR. PIZ., Trois vertus W.H., c.1405, 176). Et se c'estoit pour la fiente endurcie, faites le cristere et l'emplastre et la pocion devant dicte en apostumes chaulx, mais ou cristere vous y adjousterés savon mol que on appelle judaique (GORDON, Prat., c.1450-1500, V, 18). Tiercement note que pour engendrer pierre IIII. choses sont necessaires come dit est : premier chaleur forte qui exale le subtil et consume et par consequent le remanant s'endurcist (GORDON, Prat., c.1450-1500, VI, 12). ...il estoit armé de la peau d'un viel serpent croutés et moult endurcy (BAGNYON, Hist. Charlem. K., c.1465-1470, 145).

B. -

Au fig.

1.

[Valeur positive] "Rendre plus endurant, plus constant, devenir plus endurant, plus constant" : Si vous tenroye trop longuement a vous raconter tout, car souventes foiz il avoit orribles tempés de fouldres et d'orages, et lui venoient par devant par nuit et par jour merveilleux fantosmes, mais tant souffroit et enduroit debonnairement, et mains en estoit espouentez, quant il fu endurcy, qu'il ne fu au commencement. (Bérinus, I, c.1350-1370, 244). ...et ainsi tousjours s'endurcissoient a souffrir travail (CHR. PIZ., Corps policie L., 1406-1407, 106). Moult est forte chose de delaisser longue acoustumance, mais qui au besoing se veult aux honnourables fais usager et endurcir il ne treuve pas aprés nul si plaisant travail comme celluy dont l'onneur et la renommee naissent aux vertueux. (CHART., Q. inv., 1422, 14). Mais ilz estoient là mys et ordonnés pour apprendre le mestier de la guerre et pour eulx endurcir au travail (BUEIL, I, 1461-1466, 26).

2.

[Valeur négative] "Rendre insensible, devenir insensible ; rendre obstiné, devenir obstiné"

a)

"Rendre insensible, devenir insensible"

-

Coeur endurci. "Coeur dur, insensible" : Du maillet je brise et froisse Par contriction (et) angoisse Le cuer d'omme, quant est remplis De viez pechies et endurcis. (GUILL. DIGULL., Pèler. vie hum. S.C., c.1330-1331, 270). Et pour neant crioit aprés lui, car Famius, qui moult estoit courrouciez et eschauffez, avoit le cuer endurci contre son filz et ne lui vouloit mot respondre pour nulle chose qu'il lui sceüst dire (Bérinus, I, c.1350-1370, 29). Se vous les voyez et oyez ainsy plaindre a vous, et vous requerir a prier pour eulz en cuer humble et doloreux, je tiens que vostre cuer n'est pas si endurcy, si remply de plaisir mondain, si occuppé d'autres choses, si plain d'ingratitude et d'oupliance, que vous ne ploreissiez a Dieu devotement. (GERS., Déf., 1400, 229). Freres humains qui aprés nous vivez, N'ayez les cueurs contre nous endurcis, Car se pitié de nous povres avez, Dieu en aura plus tost de vous mercis. (VILLON, Poèmes variés R.H., c.1456-1463, 66). Par ces trois manieres le cuer humain est dit endurcy en soy mesmes. Premierement par inhabilité de recepvoir la grace. Secondement par ferme adhesion, c'est a dire par force adherence et aherdement au pechiet. Tiercement par rebellation des inspirations divines et des commandemens. (Somme abr., c.1477-1481, 171). Bien avons le cueur endurci De souffrir telle desraison. (Myst. siège Orléans H., c.1480-1500, 542). Si ne fault plus demeurer ci, Mes aller vois noz anemis, Qui ont fort le cueur endurci Encontre nous, certaine en suis. (Myst. siège Orléans H., c.1480-1500, 578). O cueur plus endurcy que fer, Cueur remply d'incredulité, Voz beaux motz font trop eschaulfer Ma ville sensualité ! (LA VIGNE, S.M., 1496, 283).

-

Part. passé en empl. subst. "Celui qui a le coeur dur, insensible" : ...il n'y avoit cuer d'homme ne de dames, dont la avoit maintez, qui de pitié n'eussent lez cuers enflés, et plus en y avoit qui rendoient eaue par pitié que d'endurciz (Saladin C., c.1465-1468, 86).

b)

"Rendre obstiné, devenir obstiné"

-

Endurcir qqn contre : Et ce fust l'achoison qui si long temps endurcy les courages dez Romains contre la doctrine catholique (CHART., L. Esp., c.1429-1430, 115).

-

"S'obstiner, devenir obstiné" : Ploie la cervele de l'enfant en jonesse et fier ses costes lors qu'il est enfant, affin qu'il n'endurcisse (DAUDIN, De la erudition H., c.1360-1380, 184).

-

(S') endurcir à/en qqc. "S'obstiner en qqc." : Celle roche que tu vois la Est le cuer de celi qui a A escient aussi com tu Laissie la voie de salu, Qui com roche s'est endurci En son erreur et racorni. (GUILL. DIGULL., Pèler. vie hum. S., c.1330-1331, 351). ...ceulx qui soubz les dangiers de tresperverse fortune s'endurcissent a delicieuse vie et corruption de leurs meurs (CHART., Q. inv., 1422, 15). Encore veul et vous commande que bien vous gardez de ancheoir ne tumber (...) en nul des sept pechiés contre le saint Esperit, c'est assavoir de desesperacion, de presumpcion, de impugnier verité, de endurcir en pechié, de envie fraternelle, de lesion de charité, de desesperacion finale de penitence. (LA SALE, J.S., 1456, 40).

-

Endurci à/en qqc. "Qui s'obstine en qqc." : ...car quant il le peüst avoir dottriné et enseigné, il ne le voult faire et, quant il voult, il ne pot, car il estoit si endurciz a fole acoustumance que moult y avoit fort au faire laissier (Bérinus, I, c.1350-1370, 11). Car plustost tu romperas que tu ne corrigeras ceulx qui sont en mal endurcys (DAUDIN, De la erudition H., c.1360-1380, 10). Car ilz sont endurcis et obstinés en choses contraires. (ORESME, E.A.C., c.1370, 531). ...et ceulx mesmes qui en telz vices estoient endurciz (EVR. CONTY, Harm. sphères H.P.-H., c.1400, 89). ...bien sçavoit que il faisoit mal, mais tant estoit endurcis en ses malisces que il n'en savoit ne voloit issir. (FROISS., Chron. D., p.1400, 53). ...se vous estiiés de vostre peuple reprociés que, par defaute de corage et par paour, vous averiés laissiet aler le vostre, et vous seriés endurchis en ce pechiet, il le vous tourneroient en grant prejudisce et lasqueté de coer et diroient que vous ne seriés pas dignes de porter couronne (FROISS., Chron. D., p.1400, 230). ...nostre entente n'est mie d'aucuns maleureux vieillars ou vieilles endurcies en leurs pechiéz et vices, ou n'a quelconques sens ne bonté, et ceulz sont a fuir plus que chose nee (CHR. PIZ., Trois vertus W.H., c.1405, 204). Il fauldroit faire l'arquemie, Qui vouldroit forger Fauceté Tant qu'elle devint Loyauté, Quant en malice est endurcie ! (CH. D'ORLÉANS, Rond. C., 1443-1460, 389). ...son mary, obstiné et endurcy en son propos, n'en voult oncques oyr parler (C.N.N., c.1456-1467, 420).

-

Endurci. "Obstiné" : Mais excuse, se tu sçais, la tres endurcie et longue obstination de voz cueurs, ainçois que tu accuses la longueur de ton juge. (CHART., L. Esp., c.1429-1430, 75). Et véans, les juges ecclésiastiques, sondit courage par tant et si longue espace de temps endurci et obstiné, la firent mener devant le clergié et le peuple ylec assamblé en très grande multitude ; en la présence desquelz furent preschés, exposés, et déclarés sollempnellement et publiquement par ung notable maistre en théologie, à l'exaction de nostre foy, extirpacion des erreurs et édificacion et amendement du peuple chrestien. Et de rechief fut charitablement admonestée de retourner à l'union de saincte Eglise, et de corriger ses faultes et erreurs en quoy pertinace et obstinée [restoit] (MONSTRELET, Chron. D.-A., t.4, c.1444-1453, 446).

-

Part. passé en empl. subst. : ...on eust plustost fait retourner la roe d'un moulin au contraire que l'endurcy susdit de son susdit (se son) de son oppinion rigoreuse il se volust retraire. (MÉZIÈRES, Songe vieil pèl. C., t.2, c.1386-1389, 283).