A. -

"Mise en mouvement" : "Et pour che que nous ne veïsmes de certain nul apparent d'esmouvement, ne voliens pas resvillier l'ost, que nous n'en fuissions blasmés." (FROISS., Chron. R., XI, c.1375-1400, 42). Veez aussi quelle chiere il fait par l'aparence de ses oreilles et de ses yeulx, et par l'esmouvement de sa teste et le remuement de ses piez, et gardez bien qu'il n'ait malandres, molectes, ne suros, ne soit crapeulx, ne s'entretaille de la jambe de l'autre lez (Ménagier Paris B.F., c.1392-1394, 138).

B. -

Au fig.

1.

"Fait de susciter qqc., surgissement de qqc." : A ceste guerre et esmouvement adonc rendi grant painne li rois Phelippes de France, qui avoit grans alliances au roy d'Escoce, car il voloit, se il pooit, si ensonniier les Englès que li rois d'Engleterre brisast son sige de devant Calais et s'en retournast en Engleterre. (FROISS., Chron. L., IV, c.1375-1400, 18). Car je afferme loiaument que l'esmouvement de cest oeuvre est plus par compassion de la necessité publique que par presumption d'entendement et pour profiter par bonne exhortacion que pour autrui reprendre. (CHART., Q. inv., 1422, 66). Fragilité et defaulte sont l'esmouvement de ta priere, et puissance et perfection sont la sourse de ses dons. (CHART., L. Esp., c.1429-1430, 153). Par quoy il convient dire, ou que l'émouvement en est venu de Dieu qui ainsy l'a voulu, ou son heur terrien a esté plus grant et plus merveillable que de nul autre. (CHASTELL., Chron. K., t.4, c.1456-1471, 208). Et, selon ces trois manières d'esmouvemens et commencemens de guerre, vouldray deviser trois points et par chacun point demonstrer que tout homme qui querelle a ou rancune contre autruy par l'un des trois vices dessus dicts, c'est assavoir orgueil, envye ou avarice, est à la fin mené à confusion totalle et deshonneur. (BUEIL, I, 1461-1466, 118).

-

"Début" : Se Dieu plest cieus haus monnemmens, Il ert boins ; mes ["mais"] esmouvemens Sera mout grans, je vous affin, S'il n'a moyien et boinne fin (JEAN DE LE MOTE, Regr. Guill. S., 1339, 2).

2.

"Impulsion donnée par qqc." : Mais sont meüs de passion, de chaleur et esmouvement de fole hardiesce, autrement que raison ne desire. (ORESME, E.A.C., c.1370, 209). ...et en ce disant, estant à genolz, requist au roy Loys et à monseigneur de Berry conseil et aide, affermant qu'il avoit fait faire ce maléfice par l'ennortement du dyable. Et certainement il disoit vérité, car ce tant seulement fist il par esmouvement d'envie et de convoitise. (Doc. 1408. In : MONSTRELET, Chron. D.-A., t.1 c.1425-1440, 309). O miserable et desnaturee Envie ! comment te poeuent les hommes nobles et autres nourrir en leurs ceurs ? Ceulx qui se donnent a tes esmouvemens traytres, jour ne heure n'ont de repos. (LEFÈVRE (R.), Hist. Jason P., c.1460, 131).

-

De + adj. poss. + esmouvement : ...le dit Guillaume de la Bertonniere avoit leuement, à sa defense, feru le dit Guillaume Arnaut dou dit coteau parmi la jouhe, et que le dit Guillaume Arnaut avoir feru de son propre esmouement et non dehuement, et à tort, le dit Guillaume de la Bertonniere de l'espée (Doc. Poitou G., t.1, 1330, 367). ...car sur touz princes crestians tu os et vois, volantiers, bons clers, tu lez avances et leur portes honeur et reverance, et lez as en remembrance, en lez promouvent de ton propre emouvement. (Songe verg. S., t.1, 1378, 6). ...confessèrent de leurs bons grez, bonnes, pures et libérales voulentez sans mal, sanz fraude, sans barat, sans feudicion [l. seudicion] ou introducion d'aucun advenir et sans aucun pourforcement, mais de leur pur esmouvement et pour ce que très bien leur plaist, que de et sur les débaz et contens dessus diz ont transigé, pacifié (Cartul. Laval B., t.2, 1404, 379). ...elle de son esmouvement a dit par pluseurs foiz à gens de bien qu'elle estoit cause de son mal ; et à ceste cause, pour ce qu'elle disoit qu'elle en estoit cause, la mère d'elle la tensa par plusieurs foiz en lui donnant charge et la blasmant de ce qu'elle avoit esté si rigoureuse et voulu maistrier ledit suppliant. (Doc. Poitou G., t.9, 1453, 348).

3.

"Incitation (que l'on ressent en soi ou qui est suscitée)" : ...et s'en vient Desirs, par l'esmouvement de Douls Regart et le consel d'Ymagination (FROISS., Par. am., c.1361-1362, 172). Item, quant le courage d'un homme s'est achopé, ahoqué ou ahurté a une response de divinacion, il est aussi blecié de paour ou d'esperance et procede et va depuis en la besongne aussi comme chancellant de mauvais esmouvement et de maniere qui tent a infortune et maleurté. (ORESME, Divin. C., c.1366, 84). Et donques tels genz, il preparent en euls meïsmes une soif, un desir et esmouvement a la concupiscence de teles delectacions et les procurent. (ORESME, E.A., c.1370, 409). Et aporta lettres au Canonne de Robersart. Li Canonnes les ouvri, et lissi comment li rois li deffendoit que point ne chevauchast, et que bien savoit que par li et par son esmouvement se faissoient les emprisses et les chevauchies. (FROISS., Chron. R., X, c.1375-1400, 180). Non pour tant elle ne pecheroit point quant pour le premier esmouvement qui vient soudainnement, se la personne contraignoit son couraige a y obvier et remedier. (Ménagier Paris B.F., c.1392-1394, 38). ...sus l'enort et esmouvement messire Wauflart de la Crois qui congnissoit le pais, se mist une cevauchie sus (FROISS., Chron. D., p.1400, 433). ...il leur envoie une doulceur, une oudeur, une saveur, une joie sobre, une clarté, une pais, un eslargissement de pensée, un goustement, un son sans son, et a brief dire c'est un attrait, une oeuvre et un esmouvement que on ne sauroit ne pourroit on dire, mais bien se fait sentir (GERS., Montagne contempl. G., 1400, 26). Si convient estre tousiours sur sa garde pour ensuir la visitation de la grasce de Dieu et aler selonc son esmouvement et volenté, ne plus tost ne plus tart (GERS., Montagne contempl. G., 1400, 44).

-

Esmouvement de + inf. "Incitation à" : Cilz qu'est ribaulx publiquement Donne a sa femme esmovement De demener malvaise vie. (DUPIN, Mélanc. L., c.1324-1340, 197).

4.

"Réaction" : ...que sans vous esmovoir chaudement ne aster vous vueillés premierement avoir bonne deliberacion et advis et vous governer bien saigemant par avant que nul soubde esmovemant soit par vous commis ne artempté mes par bon et amoderé conseil vous regissiez serlont Dieu (CAUMONT, Voy. N., p.1420, 12).

5.

En partic. "Soulèvement, émeute, révolte" : Ceulx d'Athaines premierement Commencerent l'esmouvement, Qui furent bien .XXX. milliers (Renart contref. R.L., t.1, 1328-1342, 179). En ces tretiés durans et parlemens faissans, avinrent en Engletière très grans meschiés de rebellions et de esmouvement de menu peuple. (FROISS., Chron. R., X, c.1375-1400, 94). Toutesfois, on mit hors de Castelet un jour pluiseurs hommes de Paris jugiés à mort pour leurs fourfaitures et pour esmouvement de commun. (FROISS., Chron. R., XI, c.1375-1400, 80).