A. -

"(Se) mettre en embuscade"

1.

Empl. trans. "Mettre en embuscade" : Or vous dirai comment on en esploitera. Vous ferés une enbusque, que quant esbatre yra, De dix ou douse varlès où on marchandera De lui mettre à se fin ; on les enbusquera (Geste ducs Bourg. K., c.1410-1419, 282).

2.

Empl. intrans. ou pronom. "Se mettre en embuscade, s'embusquer" : Et vinrent li pluiseur et li plus certain sus un pas, entre haies et buissons, et là s'embuschièrent. (FROISS., Chron. L., II, c.1375-1400, 5). Et envoiièrent les aultres compagnons embuschier en une deschirée abbeye et gastée là ou nulz ne demoroit. (FROISS., Chron. L., II, c.1375-1400, 51). Si (...) vinrent sus une avesprée à Calais ; et s'i embuschièrent si quoiement que nuls n'en sceut riens pour quoi il estoient là venu. (FROISS., Chron. L., IV, c.1375-1400, 74). Gieffroy se part a cinq cens bacinez et cent arbalestriers, et ot deux bonnes guides qui bien sceurent le pays ; et se fait mener vers Fribourc, et s'embuscha entre les hayes au point du jour, et la attent Gieffroy l'aventure. L'ystoire dist que Gieffroy se party tout seul de l'embusche un pou devant souleil levant, et se mist dessus une petite montaigne, armez de une coiffette sans bacinet, le plus couvertement qu'il povoit. (ARRAS, c.1392-1393, 285). Une part de l'ost est alee Embuchier es courtilz d'entour Troye (CHR. PIZ., M.F., III, 1400-1403, 49). Adoncq n'ot nul talant de Huelin approcer, Ainssois dedens le bois s'ala il embussier. (Huon Bordeaux B., c.1400-1450, 7). ...les autres portans ars, arbalestres, lances et bâtons de guerre, pour doubte des ennemis qui continuelment couroient et s'embuschoient sur eulz pour les grever et destruire. (FAUQ., II, 1421-1430, 279). ...[ils] entrerent de nuit par eschielles en la basse court dudit chastel, et en icelle s'embuscherent et au matin, au point du jour, après l'ouverture faicte dudit chastel, se bouterent dedans (Doc. Poitou G., t.8, 1446, 319). ...lors les princes (...) manderent a l'arrieregarde qui quant ilz les verroient assembler, que hastivement s'approuchassent pour ferir du costé, car en ce grant plain n'avoit bois ne valees ou gens se peussent embuchier (LA SALE, J.S., 1456, 220). ...les compaignons de la garnison de Saincte Manehot n'oblierent pas de eulx embuscher au bois (C.N.N., c.1456-1467, 451).

-

Faire embuscher qqn qq. part : ...il entra en une estroicte charriere qui remontoit la montaigne, a revenir autour de la forteresse, pour repairer a son logeiz. Phillibert l'apperceut bien et qu'il vouloit repairier, et s'en vint a ses gens, et les remena assez prez du chemin par ou ilz estoient venus, et les fist embuschier ou bois, car il vouloit laissier repasser Gieffroy, et s'en vouloit venir aux logeiz après lui. (ARRAS, c.1392-1393, 199).

3.

Part. passé en empl. adj. "Mis en embuscade" : ...les aultres compaignons (...) estoient embuschiez assez prez du chastel (LE BEL, Chron. V.D., t.1, 1358, 279). Li doit signeur d'Engleterre (...) escheirent en le main de leurs ennemis (...) car il furent embuschiet en un chemin estroit, entre haies et espines et fossés à tous lés. (FROISS., Chron. L., II, c.1375-1400, 7). ...et quant il avoit yceulx eslongiez tant qu'ilz povoient avoir perdu la veue de lui, il se retournoit tout court par un autre chemin, le plus couvert qui savoit, droit audit lieu de la Sousterrine, ou là où les Englois estoient embuschez (Reg. crim. Chât., I, 1389-1392, 57). Il est temps de s'en despescher, Et n'y faictes plus de sejour, Que vous y soyez embuchez Des demain, comme au point du jour. (Myst. siège Orléans H., c.1480-1500, 603).

-

P. anal. [D'un lieu, d'un terrain, p. oppos. à plain] "Dont la disposition est telle qu'elle empêche de voir loin" : ...le pays estoit si embuschié, que d'un demi-trait d'arc on ne pouvoit voir l'un l'autre, pour quoi lesdits Gantois estoient plus tost rassemblés et ralliés, qu'on n'eust pu estre en plain pays. (CHASTELL., Chron. K., t.2, c.1456-1471, 265).

B. -

P. ext.

1.

"S'enfoncer qq. part (comme dans un bois)" : Quant en leur anemis le vit sy enbusquier, Dez grans cos qu'i donnoit se prist fort à saingnier (Hugues Capet L., c.1358, 80). ...il ne pooient fuir ne reculler, si avant estoient il enbusquiet, et i fissent d'armes che qu'il peurent (FROISS., Chron. R., X, c.1375-1400, 144).

2.

"Se cacher qq. part" : Dessus un chaine m'embuchoie Et de haut en bas regardoie, Si que je vi [la Corneille] tout le couvine... (MACH., Voir, 1364, 694). ...faindit ung jour d'aller dehors, et s'embuscha en une chambre de son hostel (C.N.N., c.1456-1467, 319).

-

Part. passé en empl. adj. "Caché (dans un bois, comme dans un bois), caché" : Les aucuns disoient que certain nombre de gens feussent embuschiez es maisons prouchaines de la porte de Bordelles ; que quatre vins ou cent escoxois, habillez comme angloiz portans la croix rouge, venissent par petiz troupeaux ou compagnies le droit chemin de Saint-Denis en ceste ville (Paris domin. angl. L., 1430, 306). ...si pensoit en soy mesmes que son veau ne povoit gueres estre esloigné, et que avec aultres choses leans pourroit il bien estre embusché. (C.N.N., c.1456-1467, 90). ...si cuida que ce fust aultry qui fust embusché leens pour luy faire desplaisir (C.N.N., c.1456-1467, 279).

C. -

Au fig. "Cacher" : Madame, qui tant avoit sa joye renouvellee embuschee soubz l'ombre du parler que la royne ly avoit dit, couvrant sa restoree maladie a la royne dist : "He ! ma dame, comment ?..." (LA SALE, J.S., 1456, 158).

REM. S'agit-il de ce verbe dans l'exemple suiv. : ...il a oÿ dire que (...) avec un char arnoischiez de deux chevals, se transporterent au lieu ou fut executé lidit Breton et que il se emboischirent en la dicte place place jusques pres de minuit ou ilz despendirent ledit Breton (Doc. 1391. In : M. Bubenicek, Entre rébellion et obéissance, 2013, 624) ? Ou est-ce emboucher1 ? Dans ce texte, oi peut être mis pour ou (v. touche).