| 136 exemples | | 1 | Nouvelle et premiere poree esliziez le, et a eslire ostez les grosses costes comme l'en fait des choulx. (Ménagier Paris B.F., c.1392-1394, 201). | |
| 2 | Poree de bectes qui est lavee, puis mincee et pourboulye, se tient plus vert que celle qui premierement est pourboulye et puis haschee. Maiz encores est plus vert et meilleur celle qui est esleue, puis lavee, et puis mincee bien menu, puis esverdee en eaue froide ; puis changer l'eaue et laissier tremper en autre eaue, puis espraindre par peloctes et mectre au pot boulir ou boullon avec le lart et de l'eaue de mouton. Et quant elle a ung petit bouly et l'en le veult drecier, que l'en mecte dedens du percil esleu, lavé et hasché, et ung petit de fanoul jeune, et boulir ung boullon seulement. (Ménagier Paris B.F., c.1392-1394, 202). | |
| 3 | Toutesvoies puis je bien dire Que de deux maulx fait bon eslire Le moins pire (LA BUIGNE, Rom. deduis B., 1359-1377, 489). | |
| 4 | ...d'eulx viendra ung filz eleu de Dieu et destiné au saint siege de Romme (C.N.N., c.1456-1467, 98). | |
| 5 | Se on demande pour quoy Dieu a predestiné ou esleu tel ou tel et non cellui ne cellui, on ne le pourroit dire ne expliquier en ceste vie mortele. (Somme abr., c.1477-1481, 170). | |
| 6 | Il dist ainsy : que femme est chose fainte, Trop decepvant, et chose moult maulditte, Qui de vanter et de tromper est chainte, Impetueuse a decepvoir sans crainte, Comme celle qui est pour Mal eslitte (MICHAULT, Procès honn. F., p.1461, 51). | |
| 7 | Comme il dist en l'evvangile : "Je suis avec vous jusques a la fin du monde." Il est aussi ez esleuz comme gardeur et gardant de mal et les aidant en bien. (Somme abr., c.1477-1481, 139). | |
| 8 | La reçoit il son peuple en exultacion et ses esleuz en odeur de soueveté (Mir. Oton, c.1370, 318). | |
| 9 | L'ame ait Dieux escripte ou livre de ses vrays esleus ! (CHR. PIZ., Faits meurs Ch. V, S., I, 1404, 111). | |
| 10 | Si prie enfin la benoite Trinité, Pere et Filz et saint Esperit, un seul Dieu, que l'ame d'ycellui son sergent devot et tres crestien, le sage roy Charles, quint d'ycellui nom, vueille avoir en la compaignie de ses benois esleus en Paradis, et aussi celle de son bon frere, monseigneur de Bourgoigne, et de tous leurs predecesseurs. (CHR. PIZ., Faits meurs Ch. V, S., II, 1404, 194). | |
| 11 | Tu donras joye a mon ouÿe lors que avec la compaignie de tes sains esleus au grant jour du jugement tu me trieras [Var. tireras] et mettras a ta dextre, quant je te orray dire, "Venez, mes amis, reposer avec moy en la joye eternelle." (CHR. PIZ., Psaumes allég. R., 1409, 110). | |
| 12 | Dame du ciel, regente terïenne, Emperiere des infernaulx paluz, Recevez moy [la mère de Villon], vostre humble crestïenne, Que comprinse soye entre voz esleuz, Ce non obstant qu'oncques riens ne valuz. (VILLON, Test. M., 1461-1462, 79). | |
| 13 | J'ay paour d'une parole ou deux Que recite ton euvangile : "Moult d'appelés et peu d'esleux". Ce n'est pas moquerie ne guile, Ne jeu de paulme ne de quille, Que de ouyr telles parolles ! Las, je qui fais pechiés cent mille Je pry que soyent paraboles. (Prisonn. desconf. C., c.1488-1489, 50). | |
| 14 | Or pri a ceuls qui le liront, Qui le bien dou mal esliront, S'il y est, qu'il vueillent au lire Laissier le mal, le bien eslire. (MACH., F. am., c.1361, 143). | |
| 15 | Vierge dessus toutes eslite... (Mir. enf. diable, c.1339, 35). | |
| 16 | Et cils s'estoit si bien prouvez Qu'il estoit si bien esprouvez Qu'onques mais n'avoient veü Nul oisel si bien esleü En quanqu'on pooit deviser, Tant y sceüst on près viser. Et fu getez premierement, Et il vola si hautement Qu'on ne sot quel part il tourna. (MACH., D. Aler., a.1349, 356). | |
| 17 | Je di que les dames Ont honneur, et hors de diffames Sont de pris grandes et petites ; Et de plus grant les plus eslites En honneur, et non autrement, C'est l'aigle volant hautement. (MACH., D. Aler., a.1349, 364). | |
| 18 | Qui est ceste dame (...) qui est bele conme la lune, esleue conme le soleil (...) ? (Mir. emper. Romme, 1369, 241). | |
| 19 | Et, vrayement, je croy que non, Tant ayent proece ou hault nom, Car de Julius Cesar leu Est, qui tant fu preux et esleu, Qu'a toute gent fu si commun Qu'a homme ou noble ou de commun, Oncques, en sa vie, ne dit Mot orgueilleux, ne l'alaidit, Se ce n'estoit en fait de guerre. (CHR. PIZ., M.F., II, 1400-1403, 34). | |
| 20 | .X.. chevaliers a fait armer Les plus esleus et les plus fors (CHR. PIZ., M.F., II, 1400-1403, 306). | |
| 21 | ...Mais chascun au Dalphin s'avoie Qui tant est nobles et eslis. (ROBINET, Compl. François H., p.1420, 124). | |
| 22 | Le franc empereur, mon seignour, Si vous mande qu'a li venez Et qu'avecques vous amenez De voz grans clers sages Juifs, Des plus lettrés et miex eslis, Dame, que vous pourrez trouver Et il leur fera approuver Que la loy ou il est creans Est vraie, et que li tout poissans Jhesus revint de mort a vie. (Mir. st Sev., 1362, 222). | |
| 23 | Dont revint a Thiery qui gist mort estandus, Doulcement le regraitte li vaissalz esleus (Lion Bourges K.P.F., c.1350, 141). | |
| 24 | ...Vous pranderez vingt mil de vous baron eslis (Lion Bourges K.P.F., c.1350, 848). | |
| 25 | Or pri a ceuls qui le liront, Qui le bien dou mal esliront, S'il y est, qu'il vueillent au lire Laissier le mal, le bien eslire. Car quant la chose est bien eslite, Par raison homs plus s'i delite, Et dames et cils qui le lit Penre y doivent plus grant delit... (MACH., F. am., c.1361, 144). | |
| 26 | Et dist li uns a l'autre en faisant leur devis : "Sa viennent li enfant du mont les plus eslis..." (Renaut Mont. B.N. V., c.1350-1400, 259). | |
| 27 | "...Regnaut est confondus, Car son frere Richart a mon corps s'est rendus ; C'est le plus hardy et le plus esleüs..." (Renaut Mont. B.N. V., c.1350-1400, 340). | |
| 28 | Il broche le cheval comme vasaulx eslis, Vers l'estandart s'en va, de jouster aatis. (Tristan Nant. S., c.1350, 298). | |
| 29 | Et dist li uns a l'autre en faisant leur devis : "Sa viennent li enfant du mont les plus eslis..." (Renaut Mont. B.N. V., c.1350-1400, 259). | |
| 30 | Laisse venir tes gens et tes carneulx amis ; Puis te combateras com chevaliers eslis (God. Bouillon R., t.2, c.1356, 352). | |
| 31 | Dagoubers ly eslis (Cip. Vignevaux W., p.1400, 56). | |
| 32 | Dont fit monter le roix de ses princes eslis (Cip. Vignevaux W., p.1400, 131). | |
| 33 | SaincteBarbe, c'est chose voire Que de Dieu tu as grant merite Et povoir contre le tonnoire, Fouldre du ciel et mort subite. Aprés Marie, le fleur eslite, Fay pour moy intercession A Jhesus qui tous pechiez quicte (Prières saints R., t.2, c.1400-1500, 80). | |
| 34 | Ainsi ceste belle assemblée fait un digne corps imaginable et non palpable, lequel notable assemblement povons comprendre et trouver en la personne du solemnel roy de qui nous esperons traittier, si comme cy après apperra par la recitacion de l'ordre de sa tres esleue, digne et tres notable vie. (CHR. PIZ., Faits meurs Ch. V, S., I, 1404, 11). | |
| 35 | Povons dire nostre sage roy en science, dottrine et meismement es .VII. ars liberaulx apris et entendent souffisemment si que de toutes bien et bel sceust respondre et parler, et encore des haultes choses de philosophie comme d'astrologie, tres expert et sage en ycelle, c'est chose vraye, si que les poins en entendoit clerement, et amoit celle science comme chose esleue et singuliere (CHR. PIZ., Faits meurs Ch. V, S., II, 1404, 16). | |
| 36 | Telz vous sui je, je le vous jur, Amis, et pas ne me parjur ; Et pour ce, amis, je vous veul dire Quel chemin vous devés eslire, Se mon conseil croire volés. (MACH., Voir, 1364, 654). | |
| 37 | Et aussi prenez d'esleues Roses, vermeilles et menues, Et de sandaulx de toute sorte (LA HAYE, P. peste, 1426, 155). | |
| 38 | J'ay veu que de grande venue Nous venoit des Hismaelictes, Que pour les espices eslites Par chacun an icy venoient Et de grans deniers apportoient (Myst. Viel test. R., t.3, c.1450, 2). | |
| 39 | Afin que ne sois noté de faveur ou de trop légier jugement en propre affection, comme les plus eslites et les plus précieuses pierres se jugent par autres emprès adjoustées, expédient me semble à mettre ici en conte tous universellement les princes ses contemporains [du duc de Bourgogne] et princes du mesmes temps de sa régnation (CHASTELL., Chron. K., t.2, c.1456-1471, 151). | |
| 40 | Si que je vous lo moult et pris, Quant tant valour avez et pris, Cuer loial, volenté seüre, Vray desir et pensée pure, Et quant vo dame avez servi Si que vous avez desservi La grace d'estre receüs Et mis avec les esleüs Qui de loyauté sont paré Et de fausseté separé. (MACH., D. Lyon, 1342, 222). | |
| 41 | Car quant la chose est bien eslite, Par raison homs plus s'i delite, Et dames et cils qui le lit Penre y doivent plus grant delit, Et cils dont il sera leüs Soit ou nombre des esleüs. (MACH., F. am., c.1361, 144). | |
| 42 | Après messires Jehans Pastés, Uns chevaliers qui s'est hastés D'entrer en la maison d'onneur ; Car bien scevent grant et meneur Qu'il a toudis quis dès s'enfance Pris, honneur, armes et vaillance ; Et tant a fait que receüs Est eu nombre des esleüs, Car son grant bien bon le parfait De cuer, de pensée et de fait (MACH., P. Alex., p.1369, 139). | |
| 43 | Et toutes celles [choses] qui ne sont devant conseilliees, il ne sont pas devant esleües. (ORESME, E.A., c.1370, 307). | |
| 44 | Seigneurs, de deux maux le mains pire Doit on eslire pour le miex. (Mir. roy Thierry, c.1374, 281). | |
| 45 | Sages est qui tel vie eslist. (MACH., Prol., c.1377, 8). | |
| 46 | "Tiercement, monsigneur, je vous pri que vous ne voeilliés eslire aultre sepulture que de gesir dalés moy, ou clostre de Wesmoustier quant Diex fera sa volenté de vous." (FROISS., Chron. L., VII, c.1375-1400, 182). | |
| 47 | Et pour lors estoit Remond moult malade et avoit fait son testament, et laissa a l'eglise moult de richesse, et a son chappellain, et a son clerc. Et eslut leans la place ou il vouloit gesir, ainsi comme vous orrez plus a plain en avant. (ARRAS, c.1392-1393, 289). | |
| 48 | ...regardez laquelle amour est plus desirable ou a eslire : celle de Dieu ou celle du monde... ? (GERS., P. Paul, a.1394, 516). | |
| 49 | Qui cueille ou eslit la poiree le samedy aprés nonne, pour le dimence cuire et mengier, il en vient de legier a celles qui ce font, le mal qu'on dist le joyel Nostre Dame. (Ev. Quen., I, c.1466-1474, 99). | |
| 50 | Dieu, notre juge, nous baille yci election : ou que nous soyons yci batuz de la verge de penitence, ou que nous aurons jugement rigoreux aprés la mort. Ne soyons pas si folz que nous refusons la verge, et eslisons la mort. (GERS., Déf., 1400, 242). | |
| 51 | De deux perilz fait bon eslire le moindre. (Percef. IV, R., c.1450 [c.1340], 1075). | |
| 52 | Ne creez point qu'il ait eslit Rien qui ne soit a son honneur, Car certes j'en avroye au cueur Grant doleur et amarrison (Myst. st Adr. P., c.1450-1485, 105). | |
| 53 | Ilz ne furent pas pou de jours pour adviser et elire lieu et place convenables ad ce faire (C.N.N., c.1456-1467, 192). | |
| 54 | Le serviteur aussi ne puet entrer a religion non vueillant son seigneur, ne eslire vie monastique, ne vie de moyne, ne de religieux. (Sacr. mar., c.1477-1481, 52). | |
| 55 | Et se ung homme use de l'un ou de l'aultre - c'est assavoir ou de garder virginité ou le sacrement de mariage - et aussi ne puet nulx dire que l'un ou l'aultre ne se doie eslire, mais disons que il fait ce qu'il doit faire quant il eslit ce que mieulx il ayme a faire (CRAP., Cur Deus, De arrha B.H., c.1450-1460, 248). | |
| 56 | ...commune salut se doit eslire devant privé proffit. (CHASTELL., Temple Boc. B., 1463-1464, 163). | |
| 57 | Tu as esleu franchise plus que avoir, et plus te plaist le moins que le plus en service d'autrui, et pour tant tu es noble en desir et en election pour maintenir maniere de vivre plaisanment. (LEGRAND, Archil. Sophie B., c.1400, 92). | |
| 58 | Jehan Hennequin, ou nom et comme procureur de Berthaut de Liers, escuier, establi par lettres de procuracion de Chastellet, s'oppose pour XXX s. p. de rente que ledit Berthaut prent, par an, en et sur la piece de marez criee et pour III annees d'arrerages, et eslut son domicile en la rue aux Oes a Paris, en l'ostel dudit Berthaut (Chartes Abb. St-Magl. T.F., t.3, 1388-1390, 609). | |
| 59 | Premierement, Guillaume Daune s'oppose pour IX livres de rente dont l'en lui doit une annee et dix sept solz d'arrerages, et eslut son domicile en son hostel a Paris, lez Saint Andry des Ars. (Chartes Abb. St-Magl. T.F., t.3, 1330-1436, 611). | |
| 60 | Les personnes qui portent les penniers, et les coffins, et les bacins pour cuillier les grappes doivent eslire et oster les fueilles. (...). Et aussi les fouleurs les doivent oster et eslire. Car qui les foule et espreint avecques les roisins, elles font le vin plus roide et plus aspre (Rustican H., 1373-1374, 95). | |
| 61 | Ce jour, J.. d'Ormoy, escuier et bailli de Meaulx, s'est opposé à ce que aucun ne soit receu en office de bailli de Meaux, sans le oïr, et eslit son domicile en la maison de Guillaume des Prés, son procureur. (BAYE, II, 1411-1417, 139). | |
| 62 | Ce jour, Jehan Quart, marchant, demourant ou cloistre Saint-Merry, à Paris, a renchery le grant hostel, cellui du Poulain, joingnant audit grant hostel, et trois maisons ou masures, assises es rues du Temple et des Rosiers, avec leurs appartenences et appendences, appartenans à Jehan Barrau, criées et subhastées à la requeste de maistre Pierre Guirault, et les a mis et met à pris de XIJc dix livres tournois, aux charges anciennes qu'ilz doivent, paiables pour une fois lesdictes XIJc dix livres, et a esleu son domicile en l'ostel où il demeure, oudit cloistre Saint-Merry. (FAUQ., II, 1421-1430, 337). | |
| 63 | DIEU. Or est il maintenant saison, Selon droit et juste raison, Que Martin en beatitude Viengnë eslire sa maison, Car il en a quis l'achoison La bas, en moult grant servitude (LA VIGNE, S.M., 1496, 571). | |
| 64 | Et saiches de certain que je vouldroye que Dieux ne li mondes ne t'en demandast rien, et l'adventure te deust avenir de moy mesmes, car je suiz desormais vieulx, et si ay des hoirs assez pour tenir mes seignouries, car je t'aime tant que je vouldroie que si haulte honneur feust eslue pour toy. Et l'aventure si est telle que, se, a ceste presente heure, uns subgiez occioit son seigneur, qu'il devendroit ly plus riches, ly plus puissans, ly plus honnourez qui feust oncques en son lignaige (ARRAS, c.1392-1393, 21). | |
| 65 | ...car nul ne devroit eslire guerroier ou bataillier pour la grace de bataillier ne faire preparacions ne querir occasions de guerres finablement pour guerroier. (ORESME, E.A., c.1370, 521). | |
| 66 | Mais Plato et les philosophes, avecques leurs disciples, esleurent demourer en icelle ville affin que par cremeur d'icellui terremot, ilz se gardassent de luxure (COLART MANS., Dial. créat. R., 1482, 246). | |
| 67 | Selon ce que les citoiens eslisent vivre (ORESME, Pol. Arist. M., c.1372-1374, 301). | |
| 68 | Car il ameroit et esliroit plus morir que faire pechié et laidure. (ORESME, E.A.C., c.1370, 213). | |
| 69 | Une [condicion] est que ce soit aucun apparant bien. Item, que il soit possible a obtenir pour nous et pour ce ne eslison nous pas estre immortelz. (ORESME, E.A.C., c.1370, 188). | |
| 70 | Mais vanité tant nous delite Et verité si pou prison Que par folour plus eslison O grant labour a procurer Ce qui ne peut gueres durer Que les vroiz biens a pou de paine. (Tomb. Chartr. Trois contes S., c.1337-1339, 99). | |
| 71 | Item les feves seront frasees en Pasqueretz en ceste maniere: c'estassavoir qui en vouldra de frasees, il les couvient eslire, laver, et sans tremper mectre les feves a toute l'escorche en ung pot au feu en eaue fremiant, et laissiez boulir jusques a ce que l'escorche soit ridee et gredelie, et puis tiré arriere du feu et puisié a une culier (Ménagier Paris B.F., c.1392-1394, 199). | |
| 72 | Si comme celui qui esliroit a alongier sa vie par un temps incertain plus que la salvacion d'un royaume ou d'un paÿs. (ORESME, E.A.C., c.1370, 481). | |
| 73 | Mais ce n'est pas tout d'or quanque reluit, N'on ne doit pas tant amer son deduit Qu'on ne s'en puist retraire, quant il cuit. Et se je fusse Tous li mieudres dou mont, je n'esleüsse Autre que li, ne mieus je ne peüsse, Se loyauté en li trouvé eüsse. (MACH., J. R. Beh., c.1340, 89). | |
| 74 | "Par m'ame, sire, Et de ma part je vueil et ose dire Que de mon cuer le jugement desire. Or regardons qui nous volons eslire Qui sans deport Sache jugier li quels de nous a tort ; Car avis m'est que li maus que je port Est si crueus qu'on ne puet plus sans mort." (MACH., J. R. Beh., c.1340, 101). | |
| 75 | Cils qui vuet aucun art aprendre A douze choses doit entendre : La premiere est qu'il doit eslire Celui ou ses cuers mieus se tire Et ou sa nature l'encline... (MACH., R. Fort., c.1341, 1). | |
| 76 | LE CHEVALIER. De quanque mon cuer en conçoit, Je n'en say nul si bon eslire Comme seroit le maire, sire (Mir. enf. ress., 1353, 14). | |
| 77 | Entre les .VII. enfans en fu li uns eslis Que l'iermite ama plus, car moult fu bien apris. (Chev. cygne P., c.1356, 33). | |
| 78 | A quoy se concorde la parole de Seneque dessus alleguie : "Eslis pour ton maistre celui dont tu auras plus grant merveille a le veoir que a l'oïr". (DAUDIN, De la erudition H., c.1360-1380, 19). | |
| 79 | Signeurs, brief et court Il couvient qu'en Chypre en alez. Trente Sarrazins appellez Tels com vous les vorrez eslire, Des plus sages de mon empire, Que vous enmenres avec vous, Et serez souvereins de tous. (MACH., P. Alex., p.1369, 123). | |
| 80 | Seur toute fleur l'avoit mes cuers eslite Com la plus douce et la plus debonnaire. (MACH., L. dames, 1377, 181). | |
| 81 | ...en la fin dudit soupper, commencerent parolles entre lesdiz convers, en demandant et eslisant entre eulx lequel yroit à Meleun par devers le roy nostre sire, pour avoir la lettre de la delivrance de IIIJc frans que le roy nostredit seigneur leur avoit donnez. (Reg. crim. Chât., II, 1389-1392, 23). | |
| 82 | Nota que les hanons ["coquillages proches des paraires"] qui sont ensemble amoncelez et se entretiennent a une masse sans esparpillier ou departir, et sont vermeilz et de vive couleur, sont fraiz ; et ceulx qui ne s'entretiennent et sont esparpilliez et de fade ou moicte couleur, sont de vielle prise. Soient esleuz, puis lavez tresbien et eschaudez en .II. ou .III. eaues bien chaudes, et puis reffaiz en eaue froide (Ménagier Paris B.F., c.1392-1394, 242). | |
| 83 | Ilz eslurent VIIJ. messages des plus notables du pays, et envoyerent vers Gieffroy, lesquelx le trouverent en la tour de Mont Jouet, et la lui compterent leur messaige. (ARRAS, c.1392-1393, 249). | |
| 84 | ...luy firent choisir pour eslire celuy d'eulx quatre qui devoit demourer avec elle. L'un d'eulx, lequel elle cuidoit estre le plus begnin et doulx de tous, elle eleut (C.N.N., c.1456-1467, 552). | |
| 85 | ...vous elirez celuy que cognoistrez fermement estre sage et prudent (C.N.N., c.1456-1467, 563). | |
| 86 | Il nous a elict entre tous, Dont fort luy sommes obligés. (Pass. Auv., 1477, 120). | |
| 87 | ...on ne pourroit choisir n'eslire Entre hommes (...) Telz deux hommes com cel Amille Et moy sommes quant a samblance (Mir. Amis, c.1365, 3). | |
| 88 | Et quant ilz seront tous venus a la court, nous leur ferons fiancier et jurer que cellui que vous vouldrez prendre et eslire a mary et a seigneur, que ja ne le contrediront, ains lui feront tous feauté et hommage (Bérinus, II, c.1350-1370, 157). | |
| 89 | Si vous merci et bonne amour, Quant moy, qui loings de vous demour, Avez esleu pour vostre ami, Qui ne suis, n'a quart, n'a demi, Vostre per, si faites de mi Vostre vouloir. (CHR. PIZ., M.F., III, 1400-1403, 40). | |
| 90 | MIPHISBOSETH fut filz de Saül, et devint boiteux par ce que sa nourrice le laissa en son enfance cheoir a terre, toutesfoiz il fut esleu commensal de David, et aprés, de son serviteur fut grandement deceu. (LEGRAND, Archil. Sophie B., c.1400, 223). | |
| 91 | Si furent esleu et ordonné li archevesques de Ravane et li evesques de Carpentras de faire ce voiage. (FROISS., Chron. R., VIII, c.1375-1400, 166). | |
| 92 | Et me samble que Ghisebrest Mahieus, doiiens des navieurs, fu uns de chiaux qui i furent esleu d'aler, pour tant que il estoit bien dou conte. (FROISS., Chron. R., IX, c.1375-1400, 173). | |
| 93 | Et, quant elles seront bien eschaudees [les huitres], les eslire tres bien, et puis frire en huile, et gecter dedans le boullon. (Recueil Riom L., c.1466, 81). | |
| 94 | Li aucun hault baron de France, qui esleu et nommé estoient pour estre ostagiier et entrer en Engleterre, refusoient et ne voloient venir avant et en faisoient grant dangier. (FROISS., Chron. L., VI, c.1375-1400, 25). | |
| 95 | Et fu la esleus et ordonnés de porter la desfiance li abbés de Crespin (FROISS., Chron. D., p.1400, 356). | |
| 96 | Si furent esleu et ordonné de venir à Tournai messires Milles des Dormans, evesques de Biauvais, li evesques d'Auchoire (...) et messires Tristrans dou Bos ; et vinrent chil à Tournai comme commissaire de par le roi de France. (FROISS., Chron. R., X, c.1375-1400, 273). | |
| 97 | En ces ordonnances faisant, du costé des François (...) s'eslurent ensemble et jurerent XVIII gentilz hommes que, quant ce venroit à l'assemblée des deux parties, se efforcheroient lesdis XVIII gentilz hommes, de toute leur puissance, joindre si près du roy d'Angleterre qu'ilz lui abatteroient la couronne jus de la teste (LEFÈVRE ST-RÉMY, Chron. M., t.1, c.1462-1468, 248). | |
| 98 | Lesquelles parolles sunt bien notables, et en effect dient que chevaliers se doivent eslire et les doit on esprouver, se ilz ne le sont ja (JUV. URS., Verba, 1452, 242). | |
| 99 | Et adonc se misent li cardinal en conclave et eslisirent entre yaus un pape et le fisent par commun acord dou cardinal de Biaufort. (FROISS., Chron. R., VIII, c.1375-1400, 5). | |
| 100 | ...ordonnons que d'ores en avant nul ne soit receu comme advocat en aucunes de noz cours de la chancelerie de noz bailliages, de noz auditoires et de nostre parlement ou d'autres noz commis, s'ilz ne sont esleuz ou esprouvéz comme souffisans et expers advocas par noz diz chancelier et bailliz, et l'election ou aprobacion du chancelier souffira en l'une de ces cours pour toutes les autres (Cout. bourg. glosé P.M., c.1380-1400, 71). | |
| 101 | Dient que plus roy n'esliront Ains par eulx se gouverneront (CHR. PIZ., M.F., III, 1400-1403, 191). | |
| 102 | Cedit jour, toute la Court ala à Saint Pol pour eslire un chancellier ou lieu de maistre Eustace de l'Aitre (BAYE, II, 1411-1417, 127). | |
| 103 | Ce jour, maistre Jehan Milet fu esleu greffier criminel et receveur des assignacions des gaiges de la Court ou lieu de feu maistre Jehan Dubois (FAUQ., I, 1417-1420, 247). | |
| 104 | ...nuls tainteliers ne poeut mectre nule laine en tainture, qui ne soit bien et souffisamment estondue et eslite, sur deux s. d'amende, ne aussy waideliste laine pour faire asur, se n'est du gré de ceulx à qui les laines sont, sur 20 s. (Hist. industr. drapière Flandre E.P., t.3, 1383, 337). | |
| 105 | ...Car a tous peuples fait mestier De l'avoir par succession [leur seigneur] Pour leur deffence et tuicion Plus que de l'avoir par eslire (DESCH., M.M., c.1385-1403, 183). | |
| 106 | En ce temps vinrent en Avignon li esleu dou roy de France et dou roy d'Engleterre yaus comparoir devant le pape Innocent et les cardinaulz. (FROISS., Chron. L., IV, c.1375-1400, 131). | |
| 107 | ...et que entre les dessusdiz esleuz eust deux ou troys ou quatre personnes de grant estat, qui ne doubtassent en riens de faire une juste negative a un grant seigneur et a un oultrageux et cauteleux demandant. (MÉZIÈRES, Songe vieil pèl. C., t.2, c.1386-1389, 359). | |
| 108 | Et lors fu mis en deliberacion, à la requeste d'aucuns, assavoir, se le Roy devoit recevoir l'esleu de Lyon, confermé en archevesque, à faire le serement de feaulté. (FAUQ., I, 1417-1420, 6). | |
| 109 | ...en la matiere touchant l'obeissance de l'esleu en Pape ou concile de Constances et les libertés de l'Eglise de France et Dauphiné de Viennois. (FAUQ., I, 1417-1420, 107). | |
| 110 | C'est une chose fort exquise D'estre arcevesque renommé Et grant louenge avez acquise Desja pour estre esleu nommé. (LA VIGNE, S.M., 1496, 405). | |
| 111 | Comment pourroit-il avoir paix A Compiengne ? je ne sçay, Car dix paires y a de plays Infinis, que je vous diray : Les plaiz du bailli, puis venrray Aux plays de prevosté foraine, L'excempcion de Compiengne, Les plays du prevost de la ville, Du vicaire de Saint--Cornille, De l'esleu (DESCH., Oeuvres Q., t.6, c.1370-1407, 193). | |
| 112 | ...presens maistre Beraut Bresson, esleu à Paris sur le fait des aydes ; Dreue d'Ars, auditeur (Reg. crim. Chât., I, 1389-1392, 36). | |
| 113 | Simon Spifame, esleu sur le fait des aydes (Reg. crim. Chât., I, 1389-1392, 333). | |
| 114 | Et y fut mené et y arriva le jeudi, XXe jour de janvier IIIIcLXXIII, environ l'eure de trois heures après disner, que sire Denis Hesselin, conseiller et maistre d'ostel du roy, prevost des marchans et esleu sur le fait des aides de ladicte ville et autres notables habitans d'icelle, l'ala recueillir es faulxbourgs de la porte Saint-Denis d'icelle ville. (ROYE, Chron. scand., I, 1460-1483, 40). | |
| 115 | Et demander de couvoitise Est engenrez contre franchise ; N'on ne doit pas si haut monter Qu'on ait honte dou desvaler, Eins doit on le moien eslire, Car meintes fois ay oï dire, Qui plus haut monte qu'il ne doit De plus haut chiet qu'il ne vorroit. (MACH., R. Fort., c.1341, 139). | |
| 116 | Ces dames sont en fais contraire, Car chascune dit et maintient Qu'a li ceste pomme appartient ; Si qu'a juge t'ont esleü. (MACH., F. am., c.1361, 214). | |
| 117 | ...Bénédic, desrainement esleu en pape du college des cardinaulx et de la ville d'Avignon et des habitans d'icelle (Ch. VI, D., t.1, 1402, 228). | |
| 118 | Li roys se parti de la court. Mais sa renommée qui court Par tous païs, par tous chemins, L'essaussa tant que les Hermins L'ont pour leur signeur esleü, Pris et nommé et receü, Nom pas en sa propre personne, Mais chascuns d'eaus sa vois li donne, à tous jours perpetuelment Et de commun assentement. (MACH., P. Alex., p.1369, 222). | |
| 119 | J'ay esleü le roy de France A juge, si que brief et court Combatre me vueil en sa court. Là, se Dieux plaist, me vengeray De Florimont... (MACH., P. Alex., p.1369, 234). | |
| 120 | Si en fust-il mors et occis de ceulx de Luscebonne, de la communauté, qui elissirent le maistre Denis à roy et le vouldrent avoir de force. (FROISS., Chron. M., XII, c.1375-1400, 234). | |
| 121 | ...et y commist trois pucelles, trois chamberieres ou damoiselles ou chambellaines pour elle servir, qui estoit esleue a royne de tout le monde. (GERS., Annonc., a.1400, 232). | |
| 122 | ...sur la restitution de l'obeyssance soubstraicte à Benedic, derrainement esleu en pape (BAYE, I, 1400-1410, 57). | |
| 123 | ...quant aprez la mort de cestui Eliogabalus il fut esleu a senateur de Romme (LA SALE, Sale D., 1451, 120). | |
| 124 | Eusebius fut premier medicin et puis bon astrologien et après pour sa science et bonté esleu à pappe. (SIMON DE PHARES, Astrol., c.1494-1498, f° 86 v°). | |
| 125 | ...fut moult aprecié en France et en Angleterre et tant qu'il fut esleu en arcevesque de Cantorbiere. (SIMON DE PHARES, Astrol., c.1494-1498, f° 113 v°). | |
| 126 | Beaux filz, decollez moy vistement avant que le jour viengne et n'en aiez ja durté au cuer, car de plusieurs maulx fait bon eslire le mendre. (Bérinus, I, c.1350-1370, 396). | |
| 127 | Cestui par son subtil entendement, fut esleu à cardinal sans son sceu et puis fut pappe. (SIMON DE PHARES, Astrol., c.1494-1498, f° 161 r°). | |
| 128 | Vous savés comment Phelippes d'Artevelle fu eslevés à Gaind et eslus souverains cappitaine par le promotion premiers de Piètre dou Bos. (FROISS., Chron. R., X, c.1375-1400, 139). | |
| 129 | Esleus estes emperiére De Romenie. (Mir. st Lor., 1380, 151). | |
| 130 | ...Henry de Lenclastre se disoit avoir esté esleu roy (JUV. URS., T. crest., c.1446, 155). | |
| 131 | Et, le mercredi ensuivant, XVe jour dudit moys, messire Charles de Meleun, lieutenant du roy, maistre Jehan Balue, esleu evesque d'Evreux, et maistre Jehan Le Prevost, notaire et secretaire du roy, vindrent et arriverent à Paris en l'ostel de la ville, où illec fut fait lecture d'aucuns articles, dont le roy leur avoit baillé charge. (ROYE, Chron. scand., I, 1460-1483, 40). | |
| 132 | Michel de Saveuzes, doyen de l'eglise de Paris, fut en ce temps esleu patriarche de Jerusalem. (SIMON DE PHARES, Astrol., c.1494-1498, f° 119 v°). | |
| 133 | Berthrand de Mauleon, official de Nantes et depuis esleu archevesque de Rouen (SIMON DE PHARES, Astrol., c.1494-1498, f° 120 r°). | |
| 134 | Car ainsi comme dit un povre homs romain qui sans son sceu ou pourchaz fut par les Romains esleu a estre empereur, quant l'en vint apporter le fauldesteul et la couronne il fut tout esbahy. (Ménagier Paris B.F., c.1392-1394, 71). | |
| 135 | ...li dus de Normendie fu esleus a estre chiés de ceste cevaucie (FROISS., Chron. D., p.1400, 373). | |
| 136 | ...on avoit esleu Carle de Boesme a estre rois d'Alemagne et empereres de Ronme (FROISS., Chron. D., p.1400, 683). | |
|
