| 76 exemples | | 1 | Mais bien sont aucunes delectacions selon le sens corporel de touchement qui en sont exceptées et sont tres liberales, si comme sont celles que l'en a en certains esbatemenz, comme luites ou coursses [sic] pour soy eschauffer et excerciter. (ORESME, E.A., c.1370, 222). | |
| 2 | CONSTANCE. (...) Baillez ça ce surcot de vert Et cel pelice. AIGLANTE. Tenez, mére : mais qu'elle puisse Eschaufer, en bon point sera ; Le repos si la gairira. (Mir. Berthe, c.1373, 195). | |
| 3 | ...Luy, sa femme et ses deux enfans, En l'amour de Dieu eschauffans, Martirez en sy cruel lieu, Luy, sa femme et ses deux enfans Rendirent l'esperit a Dieu. (Vie st Eust. 2 P., c.1400-1450, 224). | |
| 4 | Voz beaux motz font trop eschaulfer Ma ville sensualité ! (LA VIGNE, S.M., 1496, 283). | |
| 5 | La vieille femme a la volée S'eschaufa du feu de luxure Et couvoita de sa nature Avoir l'or qu'om lui promettoit. (DESCH., M.M., c.1385-1403, 96). | |
| 6 | ...et n'est si constant homme qui en ce cas ne s'esmeust et eschauffast (Doc. Poitou G., t.4, 1375, 386). | |
| 7 | Messires Jehans Chandos, qui oy effroy derrière lui, se retourna sus costé et vei son escuier jesir à terre et que on feroit sus lui, si s'escauffa en parlant plus que devant, et dist à ses compagnons et à ses gens : "Comment lairés vous chi ensi cest homme tuer ? A piet !" (FROISS., Chron. L., VII, c.1375-1400, 202). | |
| 8 | Se vous le trouvez dur et haustre en ses parolles et responses, ne vous en chaille, ne en riens ne vous eschauffez contre luy. Traittiez doulcement et saigement et le ramenez à voye de raison (FROISS., Chron. M., XIV, c.1375-1400, 232). | |
| 9 | Sire Clerc, il semble que vous voeilliés aucunement courroucer, et en vostre harnois eschaufer. (Songe verg. S., t.1, 1378, 39). | |
| 10 | En soy combatant Hetor se aïroit et le cuer li eschauffoit si fort que le sanc li sailloit par les narines. (ORESME, E.A.C., c.1370, 214). | |
| 11 | ...comme le poulain s'eschauffe sentant la jument, et se dresse et demaine, aussi faisoit le sien (C.N.N., c.1456-1467, 66). | |
| 12 | Dont au plus tost qu'il puet, li porte Et la s'en deduit et deporte, Nom pas pour l'oisel abuser, Mais pour li ses piez eschaufer. Adont dessous ses piez le tient Et si doucement le maintient Comme il puet, que mal ne li face. (MACH., D. Aler., a.1349, 284). | |
| 13 | ... il faisoit si tres froit que personne ne faisoit quelque labour que souller, crocer, jouer à la pelote ou autres jeus pour soy eschauffer (Journal bourgeois Paris T., 1423, 182). | |
| 14 | ...Sainte toyson eschaufant l'indigent En charité (Mir. st J. Paulu, c.1372, 149). | |
| 15 | Et donques l'aer de lasus ne nous eschaufe pas. (ORESME, C.M., c.1377, 444). | |
| 16 | ...ledit Perrin du Quesnoy, prisonnier, après ce qu'il ot esté très-bien eschauffé, vestu et reschauffé, fu fait jurer sur les sains Euvangilles de Dieu qu'il diroit verité (Reg. crim. Chât., I, 1389-1392, 167). | |
| 17 | ...print beaulx draps, les chauffa et mist sur son mary après qu'il fut couché. Et quand il fut bien eschauffé par longue espace, il dist... (C.N.N., c.1456-1467, 366). | |
| 18 | Lors commanda qu'on empreïst La fournaise et qu'on y feïst Le feu plus grant qu'on ne soloit Set fois, car einsi le voloit. La fournaise fu eschaufee Et si durement enflamee Que la hautesse de la flame Quarante nuef queudes haut flame. (MACH., C. ami, 1357, 21). | |
| 19 | Et par ce quant il ont froté, esmeües et eschauffees les parties catoilleuses, ceuls qui les veulent catoillier ne leur font mal. (ORESME, E.A.C., c.1370, 391). | |
| 20 | ... les autres dient au contraire, et, par aventure, que le mouvement de la sëete eschaufe l'aer et l'aer chaut eschaufe la sëete et apres la sëete et l'aer s'entre-eschaufent (ORESME, C.M., c.1377, 432). | |
| 21 | Et meismement le ciel eschaufe l'aer par le mouvement de la partie ou le soleil est fichié. Et pour ce, quant il approche de nous et il est eslevé et sus nous, adonques est chaleur engendree. (ORESME, C.M., c.1377, 432). | |
| 22 | ...il jettent celle plate piere ou feu et destemprent un petit de leur farine de iaue. Et qant leur piere est escaufee, il jettent de celle clere paste sus celle caude piere et en font un petit tourtiel a maniere de une oublie de begine (FROISS., Chron. D., p.1400, 127). | |
| 23 | Et yluecq, ung de la chastelenie, portant une partie d'unc sauch de bois et cloture d'un champ pour faire feu et eschauffer viandes, pour ce que aulcuns de Gand lui vouloient oster par force, se deffendi et crya : à la chastelenie ! (MONSTRELET, Chron. D.-A., t.5, c.1444-1453, 330). | |
| 24 | Or venez et vous eschauffez a ung tresbon feu que j'ay fait pour vostre venue (Percef. III, R., t.2, c.1450 [c.1340], 37). | |
| 25 | Derechief, combien qu'il [le soleil] ne soit point chault en soy, toutesvoies il a une vertu eschauffant et enflamblant ; et ce vient du mouvement de ses rays qui frottent et hurtent l'un a l'autre et s'entrataignent sur le corps ou ilz se mettent (CORBECHON, Soleil Lune S., 1372, 349). | |
| 26 | Mais nous voions en pluseurs experiences que mouvement eschaufe, si comme de pierres hurtees une a l'autre ou a fer ou a acier et des tisons qui sont meuz. (ORESME, C.M., c.1377, 436). | |
| 27 | Car tout estre et faire procede de la forme qui ahert par dedens a cellui qui fait activement aucune chose, laquelle forme est principe et commencement formel de faire et ouvrer, comme la chaleur au feu est principe formel par lequel le feu donne chaleur et eschauffe. (Somme abr., c.1477-1481, 117). | |
| 28 | Chilz Crokars chevauçoit une fois un jone coursier (...) et l'esprouvoit au courir. Si l'escaufa telement que li coursiers, oultre sa volenté, l'emporta. (FROISS., Chron. L., IV, c.1375-1400, 70). | |
| 29 | Et s'apelle estortouere, pour ce que, quant on chevauche par mi fort bois, on la met devant son visaige, et elle estort le coup des branches, qu'elles ne le fierent sus le visaige, aussi, quant on est en requeste, on fiert de ce baston sus sa grosse bote pour eschaufer et resbaudir ses chienz. (GAST. PHÉBUS, Livre chasse T., 1387-1389, 193). | |
| 30 | Par quele maniere le Saint Esperit aist esté donné en signe visible, est a scavoir qu'il a esté donné en feu, afin qu'il eschauffast les frois en la foy. (Somme abr., c.1477-1481, 119). | |
| 31 | Je congnois bien qu'il est plus dur que fer Envers le Dieu qu'en soy a volu prandre ; Mais pour trop mieulx a peché l'eschaulfer Et en noz las gayement le surprendre, Il te convient ta peau ridee estandre Et te bouter en forme de Venus (LA VIGNE, S.M., 1496, 479). | |
| 32 | ...ens ou cuer li ala enter Le vouloir de charnel delit : Vers ma mére vint en son lit, De ce fol delit eschaufez (Mir. enf. diable, c.1339, 32). | |
| 33 | Ardent desir de veoir pays (...) nagueres si fort eschaufa l'atrempé cueur et vertueux courage d'un bon et riche marchant de Londres en Angleterre, qu'il abandonna sa belle et bonne femme (C.N.N., c.1456-1467, 126). | |
| 34 | ...quand vint environ ung mois après le partement de son amy, desir luy eschaufa le cueur (C.N.N., c.1456-1467, 146). | |
| 35 | ...et puis buvoient de ces fors vins de Lucebonne et de Portingal, pour eux raffresquir ; et plus en buvoient, et plus s'eschauffoient, car il leur ardoient le foye (FROISS., Chron. M., XIV, c.1375-1400, 98). | |
| 36 | CHASCUN. Je vous donneray sur les dens Se ung peu vous m'eschauffez la teste. TESTE VERTE. Et deussiez vous saillir du sens, Par Dieu, vous (Sots triumph., c.1475, 41). | |
| 37 | Mon Dieu, que ce vin est ardent ! Il m'eschaulfe toute la teste. (Pass. Auv., 1477, 207). | |
| 38 | Dou conmencement de ces gerres de Bretagne, li rois Phelippes de grant volenté aida son cousin a continuer la gerre et a lui envoiier gens d'armes et saudoiiers. Et puis que les gerres furent escaufees, et que les Englois s'en ensonniierent, il s'en refroida (FROISS., Chron. D., p.1400, 569). | |
| 39 | [Aux noces de Cana] La vueult il bailler [l'eau], par essay, Pour eschauffer leur appetit ? Le buvraige est par trop petit : Il ne plaist point a bons gourmetz. (GRÉBAN, Pass. J., c.1450, 152). | |
| 40 | Li roys chevauche bellement, Et li Sarrazin fierement Le sievent tant qu'il l'ont ataint ; La fumiere d'eus l'air ataint, Car il estoient eschaufé Plus que dyable ne maufé. (MACH., P. Alex., p.1369, 93). | |
| 41 | Tant ont la montaingne eslongné Que dou chastel sont aprochié, Et qu'il furent en mi la pleinne. Là reprent chascuns son alainne, Car plus estoient eschaufé Que s'au feu se fussent chaufé. (MACH., P. Alex., p.1369, 154). | |
| 42 | "Sire, c'est bon que vous vos arrestés ci (...) Et si vous rafreschirés un petit, car je vous voi moult escauffé." (FROISS., Chron. L., V, c.1375-1400, 56). | |
| 43 | ...il estoit ung pou eschoffé de courir et saulter (MART. D'AUV., Arrêts Am. R., c.1460-1466, 34). | |
| 44 | Dieu vous gart. Dont venez vous et de quelle part ? Eschauffé estes a venir. (Myst. siège Orléans H., c.1480-1500, 105). | |
| 45 | ...Si sent bien [le cerf] qu'il est eschauffé Et qu'assés tost sera lassé. (LA BUIGNE, Rom. deduis B., 1359-1377, 379). | |
| 46 | Et tousjours aloit la saison aval, et le soleil montoit, et les jours s'eschauffoient, car s'estoit environ le Saint-Jehan Baptiste que le soleil est en sa force et par especial en ce pays d'Espaingne (FROISS., Chron. M., XIV, c.1375-1400, 98). | |
| 47 | Alons men de par les maulféz, De honte suis tout eschaufféz, La face toute m'an rougoie. (Pass. Semur D.M., c.1420 [1488], 162). | |
| 48 | PILATE aux Juifs. Messeigneurs, par bonne ordonnance Soiez contens de ma parolle N'aiez pas pensée si folle Et ne soyez si eschauffé Que de Jhesus n'aiez pité (MARCADÉ, Myst. Pass. Arras R., a.1440, 166). | |
| 49 | Et, durant ladicte escarmouche, y ot ung paillart sergent à verge du Chastellet de Paris, nommé Casin Cholet, qui, en courant fort eschaufé par plusieurs des rues de Paris, crioit à haulte voix telz motz : "Boutez vous tous en voz maisons et fermez voz huis, car les Bourguignons sont entrez dedens Paris." (ROYE, Chron. scand., I, 1460-1483, 59). | |
| 50 | ...le dit Bery qui estoit eschauffé et bien beu, et se doubtoit d'estre injurié, se commança à esmouchier et deffendre de son coustel, et en soy esmoschant en bleça les aucuns (Doc. Poitou G., t.6, 1400, 348). | |
| 51 | Le vin lui monta en la teste, Dont tout le corps ot eschaufé (CHR. PIZ., M.F., II, 1400-1403, 225). | |
| 52 | Il comme eschaufé de vin et hors getté de l'usaige de raison, cuidant par adventure en lieu de sa fille avoir sa femme couchee a son coste (PREMIERFAIT, Cas nobles hommes G., 1409, 171). | |
| 53 | Et lors ledit suppliant, (...) honteux des presens et eschauffé en son boire, print un baston (Chancell. Henri VI, L., t.1, 1424, 61). | |
| 54 | Adonc se retray li contes en l'abbaye de Fontenelles, qui estoit assés priès de là, où ma dame sa mère demoroit, qui fu toute ensonniie de lui rapaisier, tant estoit il escauffés et aïrés. (FROISS., Chron. L., I, c.1375-1400, 196). | |
| 55 | Là estoit li rois dan Piètres moult escaufés, et qui durement desiroit à trouver et à encontrer son frère le bastart Henri, et disoit : "Où est cilz filz de putain, qui s'appelle rois de Castille ?" (FROISS., Chron. L., VII, c.1375-1400, 42). | |
| 56 | ...et ou est la femme tant asseurée qui osast dedire ung homme ainsi eschauffé et enragé que cestuy [estoit] (C.N.N., c.1456-1467, 52). | |
| 57 | Aussi comme une chose est nommee chaude pour ce que elle eschaufe et froide pour [ce] que elle refroide, semblablement elle est dite pesante pour ce que elle est encline a descendre, etc.. (ORESME, C.M., c.1377, 658). | |
| 58 | Lequel suppliant, soy veant ainsi injurié et precipité, et estant fort esmeu, desplaisant et eschauffé desdictes injures, (...) print un espié en sa main (Chancell. Henri VI, L., t.2, 1427, 66). | |
| 59 | En cel tempoire li Sathans Ala tant mon pére tempter Qu'ens ou cuer li ala enter Le vouloir de charnel delit : Vers ma mére vint en son lit, De ce fol delit eschaufez, En la veille que Diex fu nez : Maugré ma mére jut a lui. (Mir. enf. diable, c.1339, 32). | |
| 60 | ...mais elle, qui entendoit a autre chose que au deduit de son mary acomplir, si tost comme elle vit qu'il fu eschauffé et esmeü sur elle, si se commença a estordre de lui et a faire sa volenté contre lui, et moult fist la courrouciee, et cil se penoit moult d'elle rapaisier, en disant et faisant chose qui plaire lui deüst, comme cil qui trop l'amoit durement. (Bérinus, I, c.1350-1370, 25). | |
| 61 | ...[Vulcain] Ama Pallas si ardamment Qu'il la requist de puterie. Mais elle ne l'acorda mie, Ains volt garder son pucellage Comme bonne, vaillant et sage. Vulca[i]ns long temps la poursuï Et elle tousjours le fui. Li ennemis et li maufés Fu une fois si eschaufés Que son germe en terre espandi. (MACH., Voir, 1364, 692). | |
| 62 | ...maistre moyne, plus eschaufé qu'un estalon, de son baston ung coup hurta (C.N.N., c.1456-1467, 107). | |
| 63 | Lorsque la dame fu trespassee, un damoisiaux de la cité vint a Berinus, ou il jouoit aux tables, et lui dist moult debonnairement que sa mere estoit morte et que jamais ne parleroit a lui, et qu'il venist parler a son pere qui le mandoit. Berinus, qui estoit eschauffé au jeu, respondi moult felonnessement et lui dist que tous les deables l'avoient fait messaigier (Bérinus, I, c.1350-1370, 16). | |
| 64 | Et lors vit que ledit Pelerin, qui estoit moult eschauffé de jouer aus dez ou aus croix et aus piles, requist lui qui parle et lesdiz compaignons qui estoient à ladite table qu'ilz jouassent ausdiz jeux (Reg. crim. Chât., II, 1389-1392, 141). | |
| 65 | Item, donne à maistre Lomer, Comme extraict que je suis de fée, Qu'il soit bien amé - mais d'amer Fille en chief ou femme coeffée ? Ja n'en ayt la teste eschauffée ! (VILLON, Test. T., 1461-1462, 234). | |
| 66 | Maiz ancor, se a ffaire l'avoie, Plus vollentiers me combatroie A un cenglier bien enarmé Qu'a un grant cerf bien eschauffé. (LA BUIGNE, Rom. deduis B., 1359-1377, 421). | |
| 67 | Quant le sanglier fut eschauffez, il retourna et courut sur le roy, et le roy le failli à ferir de l'espie. (Chron. norm. 14e M., c.1369-1372, 30). | |
| 68 | Exemple : quant l'eaue mise sur le feu commence a eschauffer jusques au boulir, elle s'estent et espart tant qu'elle puet. (Somme abr., c.1477-1481, 145). | |
| 69 | Quant on les chasce [les sangliers], ilz se font voulentiers abayer au partir dou lit pour l'ourgueill qu'ilz ont et courrent sus as chiens et aucuns as hommes, mais, quant il est eschaufé ou courroucié ou blecié, lors court il sus a quant qu'il voit devant luy. (GAST. PHÉBUS, Livre chasse T., 1387-1389, 90). | |
| 70 | Mais oncques ne fust porc sangler Eschauffer ne sy furieux Contre hons qu'ilz [les chrétiens] sont a noz dieux ? (Myst. st Adr. P., c.1450-1485, 90). | |
| 71 | De ces parolles fut tout perturbé Gallaffre et rempliz d'ire, et pour son courroux il fit moult laide chiere et commence a escumer comme se ce fust ung cengler eschauffé et prist ung baston et en eust frappé le messaiger se ceulx qui estoient presens n'eussent illec estés. (BAGNYON, Hist. Charlem. K., c.1465-1470, 133). | |
| 72 | Quant ilz furent en la forest, les chiens avoient desja cueilly le plus grant et merveilleux sanglier que on eust oncques veu. Ainsi que les chiens le chaçoient, le sanglier estoit eschauffé ; si encontre le roy et vient a lui et lui tue son cheval, et le roy chiet a terre. (Charles de Hongrie C., c.1495-1498, 162). | |
| 73 | Salhadin se bouta lors en la bataille, ayrié comme ung lyon, cruel comme ung serpent, eschauffé comme ung porc, et toute mist son estudie a serchier Baudoyn. (Saladin C., c.1465-1468, 46). | |
| 74 | Qu'ay je dit , O, Amours puissant ! Quant tu as du ciel triumphé, Qui ne te sera obeissant Et en ton service eschauffé ? O, courage humain desbiffé ! Voy que Dieu par Amours offrit, Lequel fut battu et buffé, Et en croix mort dure souffrit. (MARTIN LE FRANC, Champion dames I-II, P., 1440-1442, 123). | |
| 75 | ...et par la grace de Dieu il y avoit tres pou de pouris, car il fist tres bel temps, mays ilz ne se povoient eschaufer es cuves. (Journal bourgeois Paris T., 1410, 8). | |
| 76 | ...lequel blé s'est eschauffé en ladicte nef, tellement que, s'il n'estoit descendu et mis en grenier, il seroit emperil de de perdre et d'estre mal mis. (Commerce marit. Rouen F., Pièces justif., 1364, 131). | |
|
