I. -

Empl. trans.

A. -

Au propre

1.

"Donner de la lumière à, illuminer, éclairer" : ...tous cilz qui vous ont veu vous comperent a l'escharboucle qui esclarcist les obscures nuis, au saphir qui garit de tous maulz, et a l'esmeraude qui fait tous cuers resjoir (MACH., Voir, 1364, 426).

-

P. métaph. : Vous estes le vray saphir Qui puet tous mes maus garir Et terminer, Esmeraude à resjoïr, Rubis pour cuers esclarcir Et conforter. (MACH., Ch. bal., 1377, 613).

2.

"Rendre clair, brillant" : Si commencièrent à fourbir leurs bachinès, à roler leurs cotes de fier et à esclarchir leurs espées ou armeures teles qu'il les avoient. (FROISS., Chron. R., VIII, c.1375-1400, 78). Et y eut quelque bon compaignon qui dist, voyant leurs harnois si clers, qu'il ne s'en ebaÿssoit point, car ilz n'avoient pas longuement couché aux champs, et aussi qu'ilz estoient près de la bonne ville, pour les faire esclarcir. (LE CLERC, Interp. Roye, c.1502, 207).

-

[Les selles] "Rendre plus clair, moins dur" : PATHELIN. Se peussiez esclarcir ma merde, Maistre Jehan ! Elle est si tresdure Que je ne sçay comment je dure Quant elle yst hors du fondement. (Path. D., c.1456-1469, 112).

B. -

P. anal. Esclaircir la vue. "Rendre la vue plus claire" : Et quant est que ne le voions à l'oeil, si comme les folz dient, ne riens n'en savons fors ce que on nous donne à entendre, sans faille creature qui en telle opinion se fonde ressemble ceulx qui ont trouble veue, qui faulses medicines pour la cuidier esclarcir se mettent es yeulx, et ainsi du tout s'avuglent. (CHR. PIZ., P.V.H., 1416-1418, 42).

-

Esclaircir une douleur. "Soulager une douleur" : PERE. (...) Incontinant ma fille en voye Se mist soubdain et fut guerye ; Pour quoy, affin que ne desvoye, Treshumblement je vous mercye. LA FILLE. Ma douleur par vous esclarcye A esté tout soubdaynement, Dont desormais ne me soucye Fors que Dieu servir humblement. (LA VIGNE, S.M., 1496, 470).

C. -

Au fig.

1.

"Rendre moins confus, plus intelligible, clarifier qqc." : ...avons ordené et ordenons de la maniere qui s'ensuit, sauf toutevoiez et retenu à nous expressement et du consentement des parties de interpreter et esclaircir les choses ci dessouz escriptes, se en aucune d'icelles avoit doubte ou obscurté. (Trés. Reth. S.L., t.2, 1337, 39). Couvient qu'amans sa dame port, C'est a dire qu'il la deport En quanqu'elle vuet faire et dire, Bonnement, sans li contredire, Sans les poins d'aucun des degrez, Ou il puet estre lieus et grez Qu'amans a sa dame responde, Et que justement li responde Par raison ce qu'ele demande, En esclarcissant sa demande, Non son gré, mais la verité Selonc aucune qualité. (MACH., D. Aler., a.1349, 254). Pour lesquels gués recevoir, escripre et enregistrer, furent et estoient par nosdiz predecesseurs ordonnez, comme jurez et sermentez deux clercs appelez Clercs du Guet, prenans gages chacun de douze deniers parisis par jour ; lesquieulx clercs devoient et estoient tenuz de faire, pour le fait et ordonnance dudit guet, les choses qui s'ensuient et par la maniere cy dessouz esclarcie... (Mét. corp. Paris L., t.1, 1364, 45). Je me suys ensonniez au traittier ceste matiere (...) pour esclarchir toutte la verité de la querelle, ne pour quoy le roy Charles de France fut menez a puissance de gens d'armes en Alemaigne. (FROISS., Chron. M., XIV, c.1375-1400, 171). ...je vous desiroye moult à veoir pour pluseurs raisons, lesquelles je vous esclarchiray (FROISS., Chron. M., XIV, c.1375-1400, 234). Et nientmeins humblement vous merci Par plus de fois qu'on ne porroit nombrer, Car vous et vos enfans moult esclarci M'avez ces fais que j'ay a ordener... (MACH., Prol., c.1377, 5). De ceste tauxacion sont exceptés touz contraulx de convenances de mariages, vendues de bois, testamens, lesquelles ne sont point tauxé ; ou pour ce qu'il y a choses qui ne sont point tauxées ou excessiveté d'escripture ou choses obscures, par quoy teles choses sont en la disposicion de nostre chancelier ou de ses lieutenans. Car à iceulx puet apparoir l'ocurté parmy les escriptures et esclarcir icelles. (Cout. bourg. glosé P.M., c.1380-1400, 76). Il fu dit que le bois demourroit en la main de monseigneur, jusques la proprieté seroit esclarcie, non pas pour ce qu'il eust chascun droit, mais pour le debat. (Cout. bourg. glosé P.M., c.1380-1400, 160). ...les dessus dis biens lui furent, et à pluseurs autres frippiers ses compaignons, demourans à Paris, recommandés par un escuïer nommé Jehan de La Court-Neuve, demourant en la ville de Garges, disant et declairant iceulx biens, par la forme et maniere que dessus sont esclarcis, avoir esté prins et emblez en ladicte ville de Garges (Reg. crim. Chât., I, 1389-1392, 121). ...je, en la presence de vous, leur remonsterai et esclarchirai de point en point le droit que vous avés a la couronne de France. (FROISS., Chron. D., p.1400, 230). Et contrevennga grandement chils contes d'Ostrevant nonmé Guillaumes, la mort de son grant oncle le conte Guillaume de Hainnau (...) ensi que il vous sera compté et esclarci ensievant en l'istore (FROISS., Chron. D., p.1400, 644). Mais maintenant autre chose est que du temps saint Bernart, car la verité est plus esclarcie, et se celebre la solennité presque universelement par toute l'Eglise rommaine et autre (GERS., Concept., 1401, 423). Avant, Sire, que proceder à la matiere de ce present traictié, qui sera de elucider et esclarsir la diferance de la vraye science de astrologie et des ars supersticieux et divinatoires, vous vueil bien faire sçavoir que si aucuns invocateurs, nigromanciens, abuseurs ou divins, pour couvrir leurs mauvais ars, ont contrefait et contreffont les astrologiens (SIMON DE PHARES, Astrol., c.1494-1498, f° 2 r°). Cestui Thadeus fut tenu par toutes les Ytalles comme un nouvel Ypocras, pour ce qu'il esclarcit et explana plusieurs livres de Galien et de Ypocras et, entre autres, les Amphorismes et les Prenostiques de Ypocras. (SIMON DE PHARES, Astrol., c.1494-1498, f° 127 r°).

-

Esclaircir + interr. indir. : Or vous vueille esclarchir, car je l'ay prommis à faire, comment, ne par quelle condicion, ces troix chastiaux dessus nommez vindrent en la seignourie des Brabanchons (FROISS., Chron. M., XIV, c.1375-1400, 143).

-

En partic. "Faire toute la lumière sur qqc." : ...je vueil que chascun congnoisse que je ne fay pas cecy pour avarice, mais pour garder mon droit heritaige et esclarcir la vilaine et felonnesse trahison que le faulx traitre et ses complices firent a mon pere pour lui enchasser (ARRAS, c.1392-1393, 59).

2.

P. ext. "Faire connaître, déclarer qqc." : ...c'est asavoir que ycelui duc tenist au dit roy les convenances que il li avoit, les quelles il ne esclarsissoit point (Chron. Jean II Ch. V, D., t.1, c.1375, 144). ...ledit mons. le prevost, par l'advis et deliberacion desdiz conseilliers, condempna icellui Hays, prisonnier, à rendre et païer audit maistre Simon les biens cy-dessus specifiez et esclarciz, ou valeur et estimacion d'iceulx (Reg. crim. Chât., II, 1389-1392, 89). MARIE. Vous me bailliez bien a penser Et vos parolles garderay En mon corage sans cesser Ne point ne m'en descouvriray Jusques a tant que je verray Venir le temps que vous me dittes, Et adoncques j'esclarciray Toutes les choses dessus dittes. (MARCADÉ, Myst. Pass. Arras R., a.1440, 52). ...car c'est [rendre compte des régales] tousjours averer et esclarcir le demaine de l'esglise (JUV. URS., Nescio, 1445, 538). Toutes lesquelles chosez cy dessus desclairées, tant des anciens demaines appartenans a ma dicte conté en plains fiefz comme acquestz et arrierfiefz adjoings, adunis, atablis et consolidez a mon dit demaine et conté, je Anthoine, seigneur de Croy et conte dudit Porcien, tiengs et advoue a tenir du roy mon très redoubté et souverain seigneur en fief, foy, hommage et ressort, a cause de sa conté de Champaigne et de son chastel, chastellerie et seignorie de Saincte Manehault. Et est assavoir que se j'avoye aucune chose oubliée a mettre ou denommer en ce present denombrement que je tiengne ou doye tenir du roy mon très redoubté et souverain seigneur, tant en fiefz comme arrierfiefz, en la maniere et aux causes que dessus, si l'advoue je a tenir tout ainsi et samblablement que s'il y estoit esclarcy ou denommé ; en faisant protestation de le denommer, esclarcir et mettre ou dit present denombrement toutes fois qu'il vendra en ma congnoissance, que commandé me sera par le roy mon très redoubté et souverain seigneur (Comté Porcien R., 1459, 323).

-

"Révéler qqc." : Si ma personne est ung peu decrepee, En moy n'est point lascheté actrapee ; Ains vous sera ma prouesse esclarcye Par marcialle compaignye, equippee De fer, de fust, harnoys, lance et espee (LA VIGNE, S.M., 1496, 155).

.

Esclaircir son coeur à qqn. "Dire à quelqu'un ce que l'on a sur le coeur" : Je me veul tourner au bruvaige, Puis vous esclarciray mon cueur. (Pass. Semur D.M., c.1420 [1488], 78).

-

"Confirmer, certifier qqc." : ...il appert clerement que la duchié de Normendie est le vray demaine du roy, et que combien par avant ceste paix il y eust droit, toutesvoyes il est du tout esclarci par le moyen des dictes paix et traictié (JUV. URS., T. crest., c.1446, 99).

-

Au passif. [D'une pers.] Estre esclairci de qqc. "Savoir qqc." : Alain, dist ly rois, je me donne merveille de ce chevalier estrangier a qui vous estes si acointtés, qu'il quiert en ce pays. Sire, dist Alain, je suiz plus esmerveilliez des paroles que il m'a dictes, cent foiz que vous n'estes de sa venue. Mais assez tost, vous et moy, serons esclarciz de ce que nous desirons assez. (ARRAS, c.1392-1393, 55).

3.

"Réjouir, apaiser, élever qqn (son coeur, ce qu'il ressent...)" : ...le conte (...) desiroit à esclarcir son coraige, car trop longuement avoit porté son anoy (FROISS., Chron. M., XII, c.1375-1400, 171). Et sa noble victoire [du Christ] Nous embelist, Nous esclarcist, Nous enrichist, Si que à joie mors et vis Mist ; tout hom le doit croire. Bien say que sa grief passion Vous mist en desolation. (MACH., Les lays, 1377, 400).

II. -

Empl. intrans.

A. -

"Devenir clair, plus clair" : Et quant la nuit a tant duré Ou il a les griés enduré, Li jours qui pour li esclarcist, C'est quant sa dame le guerist Après une douce clamour, Qui le fait en signe d'amour, Et elle ne vuet plus souffrir Qu'il ait grief, si li vient offrir Un trés dous regart amoureus. (MACH., D. Aler., a.1349, 288). ...li temps s'apaisa, la nuee passa, li airs chei, li ciels esclarci, li solaus conmença a luire sus l'eure de basses vespres, biaus et clers. (FROISS., Chron. D., p.1400, 728). En non Dieu, je voy qu'il est temps Et saison de partir d'ici, Que nous voyons ci le prinstemps Et le jour bel et esclarci. (Myst. siège Orléans H., c.1480-1500, 578).

B. -

"Dont les éléments se raréfient, laissant des jours, des vides" : ...com plus venoit, plus esclarcissoit ses conrois. (FROISS., Chron. L., III, c.1375-1400, 180). Entrues que (...) leur host fu un petit esclarcie de gens (...) se bouta une espie dou soir en le ville de Brest. (FROISS., Chron. R., VIII, c.1375-1400, 140). ...puis aprés se refery dedans, faisant choses esmervellables. Il faisoit les rengs esclarchir (Gérard de Nevers M., c.1451-1464, 190). ...la ou il veoit la plus grant presse, il se boutoit ou mylieu d'eulx, ne jamais il ne s'en partoit que toutte ne l'euist esclarchye. (Gérard de Nevers M., c.1451-1464, 297).