| 13 exemples |
| 1 | Et s'oy tenir parlement Moult bel et assentiement, Comment on les devoit tenir, Porter, garder et maintenir, Et norriture admenistrer, Duire, mettre a point et moustrer Chascun endroit lui son mestier, Selonc ce qu'on en a mestier, S'i prenoie moult d'esbanoy. (MACH., D. Aler., a.1349, 293). |
|
| 2 | Et ce voit on avenir souvent que quant une ente est jeune l'en la peut mieulx mener et duire a sa volenté que quand elle est parcreüe, et semblablement est il de l'enfant, car l'en le doit chastïer en son enfance, pour ce que, ce que l'en aprent de jeunesse, l'en le laist moult envis, si comme il apparut par Berinus, qui ne se soutivoit fors a mal faire (Bérinus, I, c.1350-1370, 11). |
|
| 3 | ...tous sonnoient et tendoient a une fin et a une conclusion : c'estoit que l'heritier de France, le daulphin, se reduisist et venist vers son pere (...), et qu'en ce faisant, le roy luy presentoit son amour et sa grace, et oubliance de toutes jennesses et faultes passees ; et tant pour faire venir le daulphin plus tost a son intention en ce, prioit au duc son beau frere qu'a ce il le voulsist duire et instruire (CHASTELL., Chron. IV, D., c.1461-1472, 90). |
|
| 4 | Plusieurs sont pour vous conseillier Plus suffisant et plus apris, Pour vous conduire et gouverner, Et plus duisant que je ne suis. (Myst. siège Orléans H., c.1480-1500, 219). |
|
| 5 | Oultre plus, s'i vous plaist, la charge A autre que moy baillerez D'aller au Roy tres noble et saige ; Autrement en disposerez, Que entre vous, comme savez, Y sont que moy plus suffisant : S'i vous plaist, vous en depporterez Et en commectrez plus duisant. (Myst. siège Orléans H., c.1480-1500, 258). |
|
| 6 | Et je vueil bien estre a ce fait donnez, Tant qu'en ce mont vous plaira que je vive. Mais si grant fait n'oseroie entreprendre, Se je n'avoie avec moy prestement Vos trois enfans pour moy duire et aprendre, Com dit m'avez ici presentement. (MACH., Prol., c.1377, 3). |
|
| 7 | ...c'estoit en elle qui plus plaisoit a son mary, pource qu'il esperoit par ce point mieulx la duyre et tourner a la fasson qu'avoir la vouldroit. [Un homme se réjouit d'avoir épousé une femme un peu simple] (C.N.N., c.1456-1467, 278). |
|
| 8 | ...mais le mauvais qui trop appete delectacion, il le convient pugnir et donner luy tristece en la maniere que l'en duit et chastie .I. asne ou une autre beste de labeur. (ORESME, E.A., c.1370, 533). |
|
| 9 | Quant cils faucons ot asés volet et abatu de hairons et de oisiaux tant que bien devoit souffire, li rois reclama son faucon ; et tantos cils faucons, comme bien duis, s'en vint assir sus le poing dou roi. (FROISS., Chron. R., X, c.1375-1400, 258). |
|
| 10 | Et, aussi comme j'ay dit dou levrier, on les puet bien aidier a fere bons, en bien les enseigner et duire, en les bien chevauchier et acompaigner, en faisant plaisirs et bonnes cuirïes quant ilz ont bien fet et en blasmant et batant quant ilz ont mal fet, quar ilz sont bestes, si leur couvient a moustrer ce que on veult qu'ilz facent. (GAST. PHÉBUS, Livre chasse T., 1387-1389, 129). |
|
| 11 | Nota que le faucon lannier doit estre perchié a ung pié et demy de terre pour le duire a voler a la perdriz, et le gentil si perche hault (Ménagier Paris B.F., c.1392-1394, 167). |
|
| 12 | LE FAULCONNIER. Je vueil perdre mon oyseau duit, Sire, se je ne vous conduis Ou vous avrez plus beaulz deduis Que vous n'eüstes maiz pieça. (Gris., 1395, 5). |
|
| 13 | ...sy sachiés de verité, ainsy come m'a esté dit par celluy qui l'a duit, que de milleur esprevier on ne saroit querre ne trouver, ne mieulx affaittyé. (Gérard de Nevers M., c.1451-1464, 180). |
|
