| 217 exemples | | 1 | Et veez vous ce blanc sentier qui monte droit a ce gros arbre ? Par foy, dist Gieffroy, ouïl. Par Dieu, monseigneur, ce dirent ilz, c'est le droit chemin, vous n'y povez faillir ; et dessoubz ce hault arbre vient il souvent pour espier ceulx qui passent le chemin. (ARRAS, c.1392-1393, 263). | |
| 2 | Qui depuiz, par grant violence, Soudement ["Soudainement"] en terre se boute [la matière du tonnerre] Sans droit sentier garder ne route. (LA HAYE, P. peste, 1426, 7). | |
| 3 | Mon Dieu et mon vray createur, Je m'en y voys le droit sentier. (Myst. st Sébast. M., c.1450-1500, 94). | |
| 4 | Quant ilz sont tieulx Qu'ilz veulent choisir en bons lieux Et mectent paine a valoir mieulx Pour plaire a la belle aux beaulx yeulx. Sans varïer, Entendent a droit charïer Et deshonneur contrarïer Pour soy a elle apparïer (CHART., L. Dames, 1416, 269). | |
| 5 | J'envoyeray monseigneur du Bouchage après eux, afin qu'il les face charier droit (Lettres Louis XI, V., t.5, 1473, 211). | |
| 6 | ...madame se alla mettre dedans le lict ou monseigneur devoit trouver sa chambriere, et droit la attendoit ce que Dieu luy vouldra envoyer. (C.N.N., c.1456-1467, 75). | |
| 7 | ...s'elle venoit d'adventure, et droit cy vous trouvast, je seroie femme perdue (C.N.N., c.1456-1467, 118). | |
| 8 | Si est vray que le duc, scentant son seul unique filz estre en lieu si perileux, se repenty de l'avoir envoyé droit la (CHASTELL., Chron. IV, D., c.1461-1472, 140). | |
| 9 | Saint Jehan, saint Jehan, il y a droit cy quelque ung entre vous, qui qu'il soit, qui a revelé mon conseil (...). Dont, se je savoie qui c'est, il ne le poroit valoir. (CHASTELL., Chron. IV, D., c.1461-1472, 302). | |
| 10 | Et parainsi, quant les chevaliers trouverent ceste responce si froide et que le roy ne se monstra gueires entalenté de les oÿr, jugerent bien que leur sejour droit la y seroit de petit fruit (CHASTELL., Chron. IV, D., c.1461-1472, 274). | |
| 11 | O Dieu, de bon cuer te supply Droit ycy Que soyons avec toy logés. (Pass. Auv., 1477, 103). | |
| 12 | Dessus le Rosne droit, (...) On a les grans engins et fais et devisez (Gir. Vienne D.B., c.1350-1400, 141). | |
| 13 | De très outraigeus fais vostre corps s'avisoit D'aller tuer ce roy en son pavillon droit (Hugues Capet L., c.1358, 76). | |
| 14 | Si est bien cause consonnante Que nous deussions d'icy partir Et aller tous la droicte sente A Roan pour nous refrachir. (Myst. siège Orléans H., c.1480-1500, 110). | |
| 15 | BEAUCOP. Ainsi comme j'alloye de nuyt, Je me trouvé, ce m'est advis, Droit a la rue Sainct Denis (B. veoir, p.1480, 16). | |
| 16 | Le roy disna droit es faulxbourgs de Cappe. (LA VIGNE, V.N., p.1495, 247). | |
| 17 | Auquel lieu il y avoit ung grant fossé, où ledit Guinot, bastard, et Voyau laisserent leurs chevaulx et s'en allerent à la porte Saint Anthoine, près les fossez de laditte Bastide, et furent une espace de temps couchés sur le bort desditz fossez, regardans droit à la fenestre par où le conte devoit sortir, pour veoir s'ilz verroient point de la clarté. (LE CLERC, Interp. Roye, c.1502, 172). | |
| 18 | Il nous appert par evidence, Selon que l'estoille s'afiche, Que c'est ce petit edifice [qui abrite la crèche], Car elle est de droit point dessus. (GRÉBAN, Pass. J., c.1450, 91). | |
| 19 | Et fu cescuns armés et montés à le droite mienuit. (FROISS., Chron. L., I, c.1375-1400, 56). | |
| 20 | Or vous lerray un pou de lui, si diray du nepveu du cappitaine qui fort s'en va vers Famagouste, et a tant exploictié qu'il vint en droit heure de my nuit a la corniere d'un bois sur une petite montaigne, et regarde en la valee, et voit l'ost des Sarrasins (ARRAS, c.1392-1393, 95). | |
| 21 | Droit sus le point de six heures, ilz eurent tout toursé et ensonmelé et chargiet leurs chevaulx (FROISS., Chron. M., XIV, c.1375-1400, 223). | |
| 22 | Et estoit droit sus l'aube dou jour, et venoient tout seré et en un tas tout le petit pas sans sonner mot. (FROISS., Chron. R., XI, c.1375-1400, 21). | |
| 23 | Droit à noef heures, Phelippes d'Artevelle (...) et les cappitaines vinrent. (FROISS., Chron. R., X, c.1375-1400, 215). | |
| 24 | Et en ce party alerent tant que droit a soleil levant vindrent sur une petite montaigne (ARRAS, c.1392-1393, 160). | |
| 25 | En ce cas, ne fault faire atante, Mes soy armer diligemment Aller a eulx la droicte sante. (Myst. siège Orléans H., c.1480-1500, 495). | |
| 26 | Or advint au tiers jour droit a soleil levant que une espie leur vint dire qu'ilz fussent sur leur garde (Percef. IV, R., c.1450 [c.1340], 613). | |
| 27 | Droit le jour de ceste aventure Vint Alixandres, d'aventure, Qui victorïeux s'en tournoit Et moult grant gent o luy menoit (CHR. PIZ., M.F., IV, 1400-1403, 35). | |
| 28 | ...[un] enfant, dont la mere s'estoit delivrée droit a la coup du retour dudit chevalier. [Un chevalier a été choisi comme parrain] (C.N.N., c.1456-1467, 426). | |
| 29 | Droit à ce point, vint à Evruich messires Jehans de Haynau. (FROISS., Chron. L., I, c.1375-1400, 43). | |
| 30 | Se vues ["veux"] savoir le temps et le droit miliaire Quant morirent cil dui, je le te vul retraire (Gir. Ross. H., c.1334, 114). | |
| 31 | Il estoient logiet sus une montagne et avoient envoiiet desous, en lieu où on ne les pooit aviser ne approcier, la droite moitié de leurs gens (FROISS., Chron. L., VI, c.1375-1400, 66). | |
| 32 | Chils arbalestriers entoisse et trait un quariel et assène le portier de droite vissée en la teste et li enbare tout ens. (FROISS., Chron. R., IX, c.1375-1400, 142). | |
| 33 | Encores disoit se jamès povoit venir devant son prince, que il en descouperoit tout homme, et que là en diroit la droite verité. (Reg. crim. Chât., I, 1389-1392, 540). | |
| 34 | Mais ceulx qui cuer, corps et pensee mettent A une seule a qui ilz se soubzmettent, Et du tout hors de liberté se mettent Et joye quierent, Souvent en dueil et angoisse se fierent Au droit rebours de tout ce qu'ilz requierent, Et cent douleurs contre un plaisir acquierent, Longues et lees Qui sont es cuers empraintes et seellees (CHART., D. Fort., 1412-1413, 180). | |
| 35 | Un douloreux pense tousdis Des plus joyeux le droit revers, Et le penser du maladis Est entre les sains tout divers. (CHART., B. Dame, 1424, 351). | |
| 36 | ...ou, s'ilz venoient par terre le droit chemin, ilz venoyent en grant peril. (COMM., I, 1489-1491, 99). | |
| 37 | ...sa droitte contraire [de Pauvreté volontaire] est Avarice qui derriere elle est pour la bouter hors de saincte Esglise et de religion. (Déclar. Hyst. S., a.1449, 161). | |
| 38 | Et comment ouvrit il [Jésus] tes yeulx [de l'aveugle] ? Dy nous la droicte verité. (GRÉBAN, Pass. J., c.1450, 193). | |
| 39 | Si fu durement li rois de France esmervilliés ; ossi furent li dus d'Ango (...) et moult d'autres signeurs, quant il le veirent en ce parti revenu, et il le cuidoient en Osterice : ce leur sambla uns drois fantosmes. (FROISS., Chron. R., VIII, c.1375-1400, 222). | |
| 40 | ...de tieulx sergens Fait on pastours, qui sont droit loups (CHR. PIZ., M.F., II, 1400-1403, 6). | |
| 41 | Tu n'es qu'un droit ours de Sçavoye. (GRÉBAN, Pass. J., c.1450, 331). | |
| 42 | Item, et au Prince des Sotz Pour ung bon sot Michault du Four, Qui a la foyz dit de bons motz Et chante bien "Ma doulce amour", Je lui donne, avec le bon jour ; Brief, mais qu'il fust ung peu en point, Il est ung droit sot de sejour Et est plaisant ou il n'est point. (VILLON, Test. R.H., 1461-1462, 92). | |
| 43 | GUILLEMETTE. Par saint Jaques, non de tromper : Vous en estes ung fin droit maistre. (Path. D., c.1456-1469, 50). | |
| 44 | NYVELET. Je scay juste vostre santé. Vous me semblez ung dorelot, Sade, faictis, propre et mignot, Ung droit petit dimenchereau. (Copp. lard., a.1488, 163). | |
| 45 | Il semble ung droit varlet de cartes. (P. Jouh. D.R., a.1488, 18). | |
| 46 | Et par iceulx chemins tortuz, S'entend gens vuides de vertus, Devoyéz par leur malefice Du sentier de droite justice (GRÉBAN, Pass. J., c.1450, 137). | |
| 47 | Il fuyt le droit chemin vers Hollande. (COMM., I, 1489-1491, 202). | |
| 48 | ...car par elles [les vertus] eslit l'en si comme droite raison commande et dicte. (ORESME, E.A., c.1370, 203). | |
| 49 | On puet demonstrer en moult de manieres que Dieu est. Car ce tesmoingne la droicte et vraie foy catholique, la saincte escripture le dist et la comparoison des choses creés a lui, qui est createur, le demonstre estre. (Somme abr., c.1477-1481, 99). | |
| 50 | ...enfin, nous envoierez-vous à la mi-host deus escallates vermeilles qui soient semblables en bonté, en coleur et en tout, deus escallates blanches et une autre de droite coleur de violete. (Hist. industr. drapière Flandre E.P., t.3, 1335, 291). | |
| 51 | Li signeur regardoient que il estoit li mois de decembre, li drois cuers d'iver, et si plouvoit toudis ouniement, pour quoi il ne faissoit nul hostoiier jusques à l'esté. (FROISS., Chron. R., XI, c.1375-1400, 69). | |
| 52 | Ceste science donc peut estre ramenee tres convenablement a la .Xe. espere que les theologiens appellent le ciel empireum, c'est a dire le ciel du feu, non mie pour ce qu'il arde ne que ce soit a la lectre droit feu, maiz pour ce qu'il resamble aucunement au feu pour sa grant resplandeur et sa grant luminosité. (EVR. CONTY, Eschez amour. mor. G.-T.R., c.1400, 232). | |
| 53 | C'est une droicte mocquerie De les oÿr chanter et braire (GRÉBAN, Pass. J., c.1450, 218). | |
| 54 | Je n'en vy oncques tant : ce sembloit une droicte garenne de cons. [Un jeune garçon a accompagné sa mère aux étuves] (C.N.N., c.1456-1467, 413). | |
| 55 | Qu'estoit ce ung bon marchant et saige ! Vous luy resemblez de visaige, Par Dieu, comme droitte paincture. Se Dieu eust oncq de crëature Mercy, Dieu vray pardon luy face A l'amë ! (Path. D., c.1456-1469, 58). | |
| 56 | Maiz qui aime a droit escïent, Cuer lui faut fort et pacïent (CHART., L. Dames, 1416, 258). | |
| 57 | "Et vous di que li chevalier et li escuier, qui sont en ma compaignie, sont droites gens d'armes et fleur de chevalerie." (FROISS., Chron. R., XI, c.1375-1400, 266). | |
| 58 | Or nous fault il la droicte voye prandre Pour plus tost estre dedens nostre maison. (LA VIGNE, S.M., 1496, 177). | |
| 59 | ...de trois à quatre cens combatans, fleur de droites gens de guerre (MONSTRELET, Chron. D.-A., t.5, c.1444-1453, 200). | |
| 60 | LE SOT. Sang bieu, tu es ung vray seigneur Et ung droit maistre surgien. (Dorib., p.1480, 248). | |
| 61 | En elle estoit, sans autres empirer, Le droit mirouer pour les autres mirer, Ou chascun puet sans riens mectre tout prendre. (CHART., Compl., 1424, 324). | |
| 62 | Qui puet mouvoir a ce Dame Nature, Qui a souffert qu'on lui feist tel injure De deffaire si perfaicte figure Qu'a droit patron avoit faicte assouvie, Pour esbahir et desconfire Envie Qui mesdisans a mesdire convie ? (CHART., Compl., 1424, 325). | |
| 63 | ...tresinvaincu Cesar [le duc de Bourgogne], la perle des princes christiens, l'onneur de toute noblesse, le droit miroir, patron et exemple de chevalereuse prouesse (Lyon cor. U., 1467, 27). | |
| 64 | Si vous di pour verité que li princes de Galles avoit là avoecques lui droite fleur de chevalerie. (FROISS., Chron. L., V, c.1375-1400, 32). | |
| 65 | Pour ce temps estoit messires Jehans de Hainnau en la droite flour de sa jonece (FROISS., Chron. D., p.1400, 71). | |
| 66 | ...un esparvier, ou tout chevalier de noble sang qui le povoit veillier IIJ. jours et IIJ. nuys, sans dormir, elle s'apparissoit a eulx, et avoient un don de elle, tel qu'ilz le vouloient demander, voire des dons temporelz, sans pechié de corps, ne sans elle touchier charnelment. Le roy, qui estoit en sa droicte fleur de beauté et de vigour et en son cuidier, dist que pour certain il yroit et ne demanderoit que le corps d'elle. (ARRAS, c.1392-1393, 302). | |
| 67 | D'illec [du mariage] naist le fruit de lignie, Quant la chose est a droit lignie (LE FÈVRE, Respit Mort H., 1376-1380, 84). | |
| 68 | Car posé que une roe estante, aussi comme est la roe du moulin, fust devant moy et fust meue en tornant droit vers moy ; je di que, selon droit ordre de mouvement, le desus de ceste roe - a prendre desus en la seconde maniere - seroit devant moy a main destre. (ORESME, C.M., c.1377, 322). | |
| 69 | Et, lorsqu'il fut sur l'eschaffault, ledit Petit-Jehan lui lya les mains d'un ruben de soye ; ce qu'il souffrit bien benignement. Et portoit on la croix devant luy en cheminant droit à l'eschaffault où il fina son derain jour. (LE CLERC, Interp. Roye, c.1502, 353). | |
| 70 | Pour quoy nous devons savoir que toutes les choses corporeles de nature ont certains lieux propres et ordenés, esquiex elles arrestent et reposent de leur droite nature quant elles y sont (EVR. CONTY, Eschez amour. mor. G.-T.R., c.1400, 218). | |
| 71 | Par les regars Célestiaulx Qui tousdiz ont grevé le Monde Par tous les climatz à la ronde, Et miz à mort, avant droit aage, Cent milions d'umain lignage. (LA HAYE, P. peste, 1426, 10). | |
| 72 | ...Mais par droit usage tousdis Il avient ce qu'avenir doit. (TAILLEV., Destr. D., c.1427-1430, 49). | |
| 73 | Douleur me fait par ennuy, qui trop dure, En jonne aage viellir maugré nature, Et ne me veult laissier mon droit cours vivre (CHART., L. Esp., c.1429-1430, 2). | |
| 74 | Et ce luy fait avoit, par droit usaige, Cuer et voulloir de bien faire en tous temps. (TAILLEV., Psaut. vil. D., a.1440, 116). | |
| 75 | Or ont ces folz amans le bont Et les dames prins la vollee. C'est le droit loier qu'amans ont, Toute foy y est vïollee. Quelque doulx baisier n'acollee, De chiens, d'oiseaulx, d'armes, d'amours, C'est pure verté devollee, Pour une joye cent doulours. (VILLON, Test. R.H., 1461-1462, 63). | |
| 76 | Qui voeult entrer [ens] en la salle Il doit entrer par le droit huys. (TAILLEV., Songe thois. D., 1431, 62). | |
| 77 | "Ha !" dist elle, "Saintré, Saintré, ce n'est pas la droicte porte par ou vous cuidez entrer..." (LA SALE, J.S., 1456, 226). | |
| 78 | Et quant Estonné oy son compaignon plaindre de fain, il luy en fist mal car il estoit droit caritatif vers son amy. (Percef. I, T., c.1450 [c.1340], 368). | |
| 79 | "Vëez le bien [Alexandre] et pourtraiés, Et tout vostre advis y metés, De ses membres droit la grandeur, Son corpz, sa taille et sa couleur..." (Renart contref. R.L., t.1, 1328-1342, 154). | |
| 80 | Et lors prist [Mélusine] son chemin par my l'air, et s'en va le droit train d'Arragon (ARRAS, c.1392-1393, 289). | |
| 81 | Pour quoy notez que cest escript Fut fait en l'an de Jhésu Crist Mil quatre cens, à droit compter, Et vignt et cinq, sans plus monter (LA HAYE, P. peste, 1426, 168). | |
| 82 | ...car a droit dire, il ne sont pas magnanimes. (ORESME, E.A., c.1370, 252). | |
| 83 | Et, comme on treuve en mains dictiez, Ces enfens furent alaictiez D'une louve, qui les nourri Et de peril de mort gari, Mais, a droit voir dire, un pastour Fostis nommé, qui la entour Reppairoit, les en emporta Et sa femme les alaicta (CHR. PIZ., M.F., III, 1400-1403, 177). | |
| 84 | Car, aussi comme celui qui est sain du corps et a bien disposé le goust juge bien des saveurs, semblablement celui juge a droit des operacions humaines qui est sain selon l'ame et use de raison ; et tel est le vertueus. (ORESME, E.A.C., c.1370, 127). | |
| 85 | Et cuider ou dire que de toute ces choses la cause soit telle comme mettoit Democritus, ce n'est pas a droit dit, car il disoit que les exalacions ou vapeurs chaudes qui sont esleveez de l'eaue en haut rencontrent ces choses pesantes et laees et les reboutent en haut et empeeschent que elles ne peuent descendre, mais les pesantes et de figure estroite cheent et descendent en l'eaue pour ce que elles encontrent pou de teles chaudes exalacions. (ORESME, C.M., c.1377, 712). | |
| 86 | Avecques moi compte, Et se tu scés a droit compter, Clerement te pourray moustrer Que bonneurez est entre mille Cilz qui n'a eu ne fil ne fille, Car Dieux paix et repos li donne. (DESCH., M.M., c.1385-1403, 73). | |
| 87 | Pour entendre ceste lettre bien a droit, a savoir est que cellui Hanibal qui fut sy bon chevalier et qui fist la seconde battaille pugnique, lequel fut vaincu par mer d'um consulle qui ot nom Diulius. (LA SALE, Salade, c.1442-1444, 32). | |
| 88 | J'ay erré païs vaillamment Qui suis desja dedens Judee. La chose qui m'est enchargee Il fault estre songneux a droit De l'accomplir (Myst. Incarn. Nat. L., t.2, c.1454-1474, 33). | |
| 89 | Entendés y bien et a droit, Car qui a ses comptes fauldroit Ce nous seroit tres grant reprise. (Myst. Incarn. Nat. L., t.2, c.1454-1474, 44). | |
| 90 | Parlons a droit, par fine amour : Nous sommez soubz la cheminée. (Pipée R., c.1470-1480, 155). | |
| 91 | Soubz lesdictes particules est trouvé longaon ou le droit intestin, c'est le boyal du fondement (PANIS, Guidon, 1478, tr.I, doct.2, chap.7). | |
| 92 | Si vous deffent ceste vertu, se a droit la voulez tenir, tout vestement et attour ou il ait tant soit petit de mondaineté ne curiosité (CHR. PIZ., Trois vertus W.H., c.1405, 168). | |
| 93 | Touz ouvraiges a droit font [les artisans de Paris] ; Subtil engin, Entendement parfont Verrez avoir aux habitans toudis (DESCH., Oeuvres Q., t.1, c.1370-1407, 302). | |
| 94 | ...lors, ouvriers De telz ouvrages coustumiers, Pour leur mesures a droit traire, En terre, et au mieulx la pourtraire, Ont fichiez pieuz et mis mesures, Mais signes de mesaventures Et de dommages perilleux Leur avindrent moult merveilleux, Car, par nuit, loups es lieux venoyent, Qui pieux et mesures rompoyent, Et, par les champs, en pluseurs pars Les lançoyent gisans espars (CHR. PIZ., M.F., III, 1400-1403, 263). | |
| 95 | ...[les bourgeois] les ruoient dedens les fossez du palais par grant despit, et alors Wandry dist : "Or ça, on voit bien qui a besongné à droit !" (Doolin de Mayence V, P., a.1500, 67). | |
| 96 | Au païs de Brabant, qui est bonne marche et plaisante, fournye a droit et bien garnye de belles filles... (C.N.N., c.1456-1467, 461). | |
| 97 | Ainsi a mon jugement me sambla ceste dame a droit atournee. (Lyon cor. U., 1467, 50). | |
| 98 | JHESUS. Jehan, soit l'asnesse aprestee, Si que a droit dessus je soie (Myst. Pass. Amb. R., c.1474-1500, 40). | |
| 99 | L'arbre jeune sans jardinier A l'adventure va son croit, N'on n'en trouvë en ung millier Qui preigne sa façon a droit (Garin Mongl. K., c.1460-1465, 71). | |
| 100 | ...et quiconques conseille bien il fait adroit. (ORESME, E.A., c.1370, 349). | |
| 101 | Mais vertu naturele ou acquise par acoustumance est en nous principe et cause de ce que est ouvrer adroit et de avoir de la fin vraie estimacion. (ORESME, E.A., c.1370, 393). | |
| 102 | Le mouvement oblique, tortu ou de travers est composé du reond ou du droit. Car pour tant qu'il se reploie, il a ce du circuler, et de tant qu'il procede selon la line, cellui vient du droit mouvement. (Somme abr., c.1477-1481, 145). | |
| 103 | Chieux ly respondi a son droit, Conme ygnorans, a la maniere De le simple gent vilotiere, Quant pensé il ot grant espace (Dit prunier B., c.1330-1350, 50). | |
| 104 | Et pour ce est tel vice justement et a bon droit reprouvable et a diffamer (ORESME, E.A., c.1370, 222). | |
| 105 | Le me vendy [un miroir], de sa bonté, Ou quel voy tousjours la beauté De celle que l'on doit nommer, Par droit, la plus belle de France.. (CH. D'ORLÉANS, Ball. C., c.1415-1457, 55). | |
| 106 | On les reputoit riches pour ce qu'ilz ne convoytoyent riens. Et a bon droit ! car plus est riche celuy qui moins convoite. (GERS., P. Paul, a.1394, 509). | |
| 107 | On loue Paulin et aucuns aultres pour ce qu'ilz vendirent eulz meismes pour delivrer autres - et a bon droit on les loue ! (GERS., P. Paul, a.1394, 512). | |
| 108 | Li princes estoit durement grans et haus de corage et crueulz en son aïr, et voloit, fust à tort, fust à droit, que tout signeur asquelz il pooit commander tenissent de lui. (FROISS., Chron. L., VI, c.1375-1400, 233). | |
| 109 | ...c'est assavoir que par ta prudence tu ne te doyes pas soumectre à aucun mahommet de tes serviteurs ou officiers, qui ayt le hault parler a droit et a tort sus tous les autres, duquel par ta propre voulente [l. voulenté] et sans neccessite [l. neccessité] tu soyes captive et ainsi comme voluntaire prisonnier, comme il est advenu maintesfoiz ou royaume de Gaule (MÉZIÈRES, Songe vieil pèl. C., t.2, c.1386-1389, 229). | |
| 110 | Quel merveille ! car aujourdui, comme il fu dit autresfoys, a tort et a droit chacun avance son amy, voire ou cellui qui plus grant somme donra, lequel ja ne fauldra a s'emprinse, mais qu'il ayt bon moyen et qu'il ayt assez mise. (MÉZIÈRES, Songe vieil pèl. C., t.2, c.1386-1389, 328). | |
| 111 | Desquelles premisses je infere Conclusion en ce point cy Qu'il est droit que l'omme ait mercy, Veü la douleur et la perte Qu'il a ja dés long temps soufferte (GRÉBAN, Pass. J., c.1450, 38). | |
| 112 | Il [les jeunes gens] n'ont cure de grant avoir ; Il ont droit, car ors ne argens Dure petit a jones gens (FROISS., Joli buiss. F., 1373, 145). | |
| 113 | ...estoit sa droicte voye de son ostel au dit marché la rue ou la maison de celle damoiselle estoit située (C.N.N., c.1456-1467, 569). | |
| 114 | ...et quant il avoit yceulx eslongiez tant qu'ilz povoient avoir perdu la veue de lui, il se retournoit tout court par un autre chemin, le plus couvert qui savoit, droit audit lieu de la Sousterrine, ou là où les Englois estoient embuschez (Reg. crim. Chât., I, 1389-1392, 57). | |
| 115 | En celle grose bataille avoit bien sèse mille lances. Adont se tint pout deceux messires Hues, et dist : "Li hiraus a droit. Je ai eu tort de li blasmer. Alons, alons, montons as chevaux et sauvons nostres corps et le nostre." (FROISS., Chron. R., XI, c.1375-1400, 131). | |
| 116 | C'estoit merveille que de veoir et de oyr le maintieng de Male Voulenté ainsy affublee de adulacion, car elle accordoit tout, elle louoit tout, a chascun mot elle disoit : "Monseigneur dit bien, il a droit". (GERS., Noël, p.1404, 306). | |
| 117 | ...Ne soyez poinct contredisans De le renvoyer comme infame [l'usurier] Et, par propox doulx et plaisans, Vous donrrez le droit a ma femme; En ce cas elle n'a nul blasme Ne mes enffans semblablement. Sur ce poinct, je remects mon ame Dont elle vinct premierement. (LA VIGNE, S.M., 1496, 530). | |
| 118 | Li rois d'Engleterre prist le dit conte par le main droite moult doucement, et le conjoy en parlant, et puis s'escusa moult humlement de la mort son père. Et dist, se Diex li peuist aidier, que onques, tout le jour de le bataille de Creci ne à l'endemain ossi, il ne vey ne oy parler dou conte de Flandres. (FROISS., Chron. L., IV, c.1375-1400, 35). | |
| 119 | Quant la bonne dame et royne cogneut que morir le couvenoit, elle fist appeller le roy son mari ; et quant li rois fu devant lui, elle traist hors de sa couverture sa droite main et le mist en le main droite dou dit roy. (FROISS., Chron. L., VII, c.1375-1400, 182). | |
| 120 | ...et tient le sceptre en l'enchlenche main et a le bras droit tendu et la main ouverte devers la Turquie (LA BROQUIÈRE, Voy. Outr. S., c.1455-1457, 159). | |
| 121 | Et quand ilz cuiderent le IJe cop pousser, le seigneur de Loissellench sa main droicte ne peust a soy retraire, ne aussi Saintré se lance, qui tant prinse estoit. (LA SALE, J.S., 1456, 165). | |
| 122 | ...prist [le roi] l'un par la main droite et l'autre par la main senestre ; et soy boutant au milieu, prist les deux mains et les fist joindre ensemble (CHASTELL., Chron. K., t.4, c.1456-1471, 131). | |
| 123 | "Je suis d'oppinion que vous mettez vostre asle de la main dextre plus forte que l'autre ; item, moy qui ay l'avant-garde, que je me tire sur le costé droit affin que je ne destourbe point le traict de voz archiers, qui sont sur le costé gauche..." (BUEIL, II, 1461-1466, 201). | |
| 124 | Qui veult que ses enfans ne soient paoureux, il est expedient que incontinent aprés le baptesme de l'enfant, le pere lui face empoingnier de la main droite son espee ou son glaive, et il sera toute sa vie hardis. (Ev. Quen., I, c.1466-1474, 100). | |
| 125 | Amis, dist la dame, je vous diray que vous ferez. Ne doubtez rien, mais alez vous en droit a Poictiers, et quant vous y venrez, vous trouverez pluseurs qui seront venuz de la chasse, qui vous demanderont nouvelles du conte vostre seigneur. (ARRAS, c.1392-1393, 26). | |
| 126 | Qui fait de sa main droite le signe de la croix encontre l' Ennemi, il le reboute au loing de lui. (Ev. Quen., II, c.1466-1474, 130). | |
| 127 | ...et quant l'escuyer, qui fut aspre et asseuré, se veit au dangier du baston du chevallier, et congnut que, tant qu'il estoit plus loing, moins luy estoit le faiz du baston soubstenable, il s'adventura et marcha, la hache au poing, jusqu'à messire Jaques, et de la main droite print la hache du chevallier, et prestement recouvra de la senextre main et abandonna la sienne pour tenir plus fort celle de son compaignon (LA MARCHE, Mém., II, c.1470, 187). | |
| 128 | Noz deux compaignées de la main droicte et les archiers escossoys chocquèrent presque aussi tost l'une comme l'autre, et le roy comme eulx. (COMM., III, 1495-1498, 184). | |
| 129 | Et laissa là li rois d'Engleterre le chemin d'Auçoirre, à le droite main, et prist le chemin de Noiiers (FROISS., Chron. L., V, c.1375-1400, 224). | |
| 130 | Mes, quant il aura gieté son espieu, tantost qu'il li sera sailli de la main, il doit tourner son cheval a la main droite. (GAST. PHÉBUS, Livre chasse T., 1387-1389, 232). | |
| 131 | Mais tant y va on par ces tours, ça et la, que on monte a l'autre boult du mont a la main droite et a l'apposite du rochier que l'en dit la couronne du mont, ou l'entree de la cave est, si comme cy devant est pourtrait. (LA SALE, Salade, c.1442-1444, 75). | |
| 132 | Vous avés veu et assès congneu comment, en toutes nos besongnes, il s'est vaillamment porté, et povés appercevoir evidamment qu'il sera ung vaillant homme pour ce mestier. Aussi est-il noble homme et de bon lieu extraict. Et pour ce je conseille que nous le façons nostre bras droit et le chief de nostre guerre, en lui baillant l'honneur et les parties, et que nous le conseillons, secourons et servons à nostre pouvoir. (BUEIL, I, 1461-1466, 98). | |
| 133 | Vous en yrez de cy droit a un fort appellé Quemeniguigamp, et y trouverez un moult ancien chevalier qui fu frere de vostre pere (ARRAS, c.1392-1393, 48). | |
| 134 | - (...) n'yrois je pas en paradis ? dit l'yvroigne. - Tout droit, tout droit, sans faillir, dit le [prieur], n'en fay nulle doubte. (C.N.N., c.1456-1467, 62). | |
| 135 | Et, quant la puissance arrivoit, chascun regardoit amont et aval, et, là où ilz véoient l'enseigne de leur logeur, ilz y alloient tout droit, et leur logeur leur monstroit où ilz se devoient bouter. (BUEIL, I, 1461-1466, 179). | |
| 136 | Laisés tout ; alons nostre pas Par Capharnaon droit a Nain. (Pass. Auv., 1477, 127). | |
| 137 | Vous savez c'est une bergiere Qui vient encore tout droit des champs ; Y se moquent d'elle en derriere, Et ne sera d'elle que tout vent. (Myst. siège Orléans H., c.1480-1500, 429). | |
| 138 | Trompetes, sonnez ça et la, Pour assembler toutes noz gens, Et tenez le chemin qui va Tout le plus droit juques Orleans. (Myst. siège Orléans H., c.1480-1500, 521). | |
| 139 | On le mena droit a la grant eglise (LA VIGNE, V.N., p.1495, 181). | |
| 140 | AVEUGLE. Pour ce que tomber je ne veulx, A quatre piedz vault mieulx que j'aille ; Voi ge bien ? BOITEUX. Droit comme une caille Tu seras tantost devers moy (LA VIGNE, Aveugle boiteux D., 1496, 60). | |
| 141 | Et dit ung homme d'armes, nommé Jehan de Charre, que icelle avangarde est logée à Marés et à Babeul, qui est le droit chemin de Noion et de Chauny : pourquoy il me semble qu'il n'est point encorres mestier de soy bouger. (LE CLERC, Interp. Roye, c.1502, 320). | |
| 142 | Mais que mon propos ne m'enpire, Il ne me chault des faiz d'Amours, Voisent a droit, ou a rebours, Certes je ne m'en fais que rire. (CH. D'ORLÉANS, Rond. C., 1443-1460, 346). | |
| 143 | Vestu m'y suis a droit et a rebours. (CH. D'ORLÉANS, Rond. C., 1443-1460, 360). | |
| 144 | Nous sommes comme pors en l'auge, Si tost que repos nous aouyle ["engraisse"] ; Richesses nous viennent a bauge Esquelles chacun naque ["flaire"] et fouylle ; En son ordure l'ort se touylle ["se vautre"], Et plus en plus s'y envelope. Moult va droit qui jamais ne choppe (GAGUIN, Passe temps oisiv. T., 1489, 372). | |
| 145 | ...Sa lance tint trestoute drette, Forment la prent a paumoier. (Dame Lycorne G., c.1349-1350, 193). | |
| 146 | ...tant suivit ly roys Elinas la dame, que il la rataint en la forestz, ou il avoit grant foison d'arbres haulx et droiz (ARRAS, c.1392-1393, 8). | |
| 147 | Ly pors fu fiers et orguilleux, et devoura pluseurs levriers et alans, et prinst son cours par la forest qui estoit haulte et droicte, et commenca grant la huee. (ARRAS, c.1392-1393, 18). | |
| 148 | ...par la baniere que uns chevaliers portoit toute droite, il le raviserent (FROISS., Chron. D., p.1400, 692). | |
| 149 | Il [Remondin] laissa ses gens et s'en party avec un des varlez de leans, et avalerent la falize, qui moult fu roiste et droitte, par les eschielles, et vindrent au prieur qui moult leur fist bonne chiere. (ARRAS, c.1392-1393, 273). | |
| 150 | ...car a l'un des lez la roche y est sy treshaulte et droicte comme ung mur, et de l'autre leez est le surplus de la montaigne toute plaine et toute environnee de pierres noires et pesantes comme fer (LA SALE, Salade, c.1442-1444, 142). | |
| 151 | ...et vindrent d'eulx mesmes offrir à passer l'artillerie en ce merveilleux chemin de montaignes (ainsi les puis-je appeller pour estre haultes et droictes) (COMM., III, 1495-1498, 160). | |
| 152 | Item, comme il soit verité que aucune chose est saine et profitable as hommes qui n'est pas saine ne bonne as poissons, et aucunes choses sont qui tousjours et par tout sont unes si comme ce que est blanc, il est blanc a tous et par tout, et ce qui est droit comme une ligne ou un reglet, il est droit par tout - semblablement, estre sage est une chose par tout et tous le diroient estre d'une meïsme maniere. (ORESME, E.A., c.1370, 342). | |
| 153 | Au partir de ladite vallée, commençoit-l'on à monter par ung chemin fort droict, et veïs des mulletz y passer à très grand peyne. (COMM., III, 1495-1498, 161). | |
| 154 | Item, Averroÿs dist yci que il vit une de ces ydoles encore toute droite eslevee et en estant (ORESME, C.M., c.1377, 566). | |
| 155 | ...il ne sonnoit pas ung mot, mais se tenoit comme une droicte statue ou ung idole entaillé (C.N.N., c.1456-1467, 199). | |
| 156 | Et avoit [le duc Antoine] fait laissier les logeiz tous droiz ["il ne les avait pas fait démonter"] et bien Vc. hommes d'armes pour les garder. (ARRAS, c.1392-1393, 183). | |
| 157 | Le mouvement droit est du hault en bas et du bas en hault, selon que les corps d'embas se meuvent selon leur legiereté ou gravité. (Somme abr., c.1477-1481, 145). | |
| 158 | ...la ditte roine (...) estoit toute droite, et messires Jehans de Hainnau s'enclina moult bas contre lui. (FROISS., Chron. D., p.1400, 60). | |
| 159 | Et dist Cersuelle, que, grant temps après, elle [la serpente] se mua en figure de femme aulte et droicte, et estoit vestue d'un gros burel, et ceinte dessoubz les mamelles, et estoit affublee de blans cuevrechiez a la guise du viel temps. (ARRAS, c.1392-1393, 309). | |
| 160 | PATHELIN. Que la vis je belle Et grande et droitte et gracïeuse ! (Path. D., c.1456-1469, 62). | |
| 161 | Sy tost que Lyonnel vey les deux pucelles droittes, il lui sambla qu'elles estoient moult anciennes et que a grant paine elles se leverent en estant. (Percef. III, R., t.2, c.1450 [c.1340], 181). | |
| 162 | Ou premier parquet est la forme de chapitre et sont ycy les accusans tous drois et le accusé prosterné aux piez de son prelat (Déclar. Hyst. S., a.1449, 166). | |
| 163 | Et selon ce, aucunes [planetes] sont stacionaires et plus drectes et retrogrades (ORESME, C.M., c.1377, 412). | |
| 164 | ...sans gesir ou estre droit, il [Dieu] a presidence sur toutes choses, sans avoir contenant toutes choses (Somme abr., c.1477-1481, 134). | |
| 165 | Item par misericorde reduit les errans et fourvoians a soy, ceulz qui vont maine a lui, les trebuchans relieve, ceulz qui sont drois et estans, il les tient sans delaissier, les perseverans introduit en sa glore. (Somme abr., c.1477-1481, 180). | |
| 166 | Et si y avoit encores trois bien belles filles, faisans personnages de seraines toutes nues, et leur veoit on le beau tetin droit, separé, rond et dur, qui estoit chose bien plaisant, et disoient de petiz motetz et bergeretes ; et près d'eulx jouoient plusieurs bas instrumens qui rendoient de grandes melodies. (ROYE, Chron. scand., I, 1460-1483, 27). | |
| 167 | ...la dame prend et empoigne ceste lance droicte comme ung cornet de vachier (C.N.N., c.1456-1467, 497). | |
| 168 | ...Car un tel chien par sa sagesse Nous et toute la muete dresce Quant tous les autres ont failli La beste qu'il ont acuilli, Et nullement fors que son droit Ne chaseroit, tant chasce a droit. (LA BUIGNE, Rom. deduis B., 1359-1377, 294). | |
| 169 | Et pour ce doit il regarder, ansçoys qu'il brise les chienz, s'ilz chascent la folie ou le droit. (GAST. PHÉBUS, Livre chasse T., 1387-1389, 190). | |
| 170 | Et, si le droit fuit avec le change, les bons chienz demourront touz coys et ne voudront tourner arriere ne requerir ou iront avant par ou le change va, pour ce que leur droit y va aussi, mes ce sera lentement et sanz crier (GAST. PHÉBUS, Livre chasse T., 1387-1389, 205). | |
| 171 | Et doit [le cou de la statue, dont la tête représente le roi] le chief tout soustenir Et droit com pilie[r] soi tenir Sens decliner ou varier Ou sens soi tortement porter. (GUILL. DIGULL., Pèler. âme S., c.1355-1358, 251). | |
| 172 | Tous semblent beaulx sur toute rien, Mais toute leur beauté n'est rien Envers celle d'un hault donjon, Qui est assis droit comme jon La endroit plus onni qu'ivoire (CHR. PIZ., M.F., I, 1400-1403, 109). | |
| 173 | Item, a mes povres clergons [deux très vieux chanoines de Notre-Dame], Ausquelz mes tiltres resigné - Beaux enffans et droiz comme joncs Les voyant m'en dessaisiné -, Sans recevoir leur assigné, Seur comme qui l'aroit en paulme, A ung certain jour consigné, Sur l'ostel de Gueuldry Guillaume. (VILLON, Test. R.H., 1461-1462, 106). | |
| 174 | Item se moeut [Dieu] par mouvement droit en rendant aux bons leurs dessertes et pugnissant les mauvais se moeut obliquement ou de travers. (Somme abr., c.1477-1481, 145). | |
| 175 | LA CHOSE PUBLICQUE. ...J'estoye droicte comme ung jon, Forte et puissant com ung lyon, Riche en point commë une royne, Et en ma geste souveraine Faisant a tout chascun plaisir (Sots mal., c.1480, 87). | |
| 176 | ...il vit, aucun peu après le consille, une merveilleuse multitude de oyseaulx incongneux en l'air, pres de Berne et venoient de devers les parties de France, qui tenoient d'espasse de plus de ung mil de Almaigne de long et ung quart en large, et voloient moult espées, tant que l'air, au droit d'iceulx où ilz passoient, estoit obscurci grandement (SIMON DE PHARES, Astrol., c.1494-1498, f° 151 v°). | |
| 177 | ...tant que finablement elle [une chose pesante] repose au plus droit et au plus pres du centre que elle peust. (ORESME, C.M., c.1377, 572). | |
| 178 | Et quant le dit Moreau fu au droit d'un fossé qui entroit dedenz le pré, où estoit le dit feu Jehan qui l'attendoit illec, et lors ilz se distrent aucunes injurieuses paroles (Doc. Poitou G., t.5, 1383, 211). | |
| 179 | ...les deux autres cuilliers sont ou feurre de son lit, au droit son chevet, au lez destre (Reg. crim. Chât., I, 1389-1392, 307). | |
| 180 | ...pour le vendaige (...) d'une maison de pierre (...) assise en la ville dudit Dijon en la rue de la Vielle Poissonnerie au droit de l'eglise de Notre Dame (Comptes Etat bourg. M.F., t.2, 1418, 151). | |
| 181 | ...ledit Rousseau dessus ladicte maison, au droit d'une cheminée, tenant une grant espée et renyant Dieu qu'il en tueroit. (Doc. Poitou G., t.10, 1459, 165). | |
| 182 | ...laquelle fille [âgée de six ans] estoit au droit d'une charrete chargee de gerbes, laquelle charrete cheut sur ladite fille (Mir. ste Cath. Fierbois C., 1470-1483, 99). | |
| 183 | Et mectront a bas du tout ledit bouloart et en feront incontinent ung autre au droit de la croix sus le pont et abatront une arche devers la ville. (Myst. siège Orléans H., c.1480-1500, 170). | |
| 184 | ...ung petit enfant, nommé Olivier Raoulea, de l'aage de six à sept ans ou environ, au pié d'un autre gros chesne, en une fourcigne dudit chesne (...) fut frappé au droit de la temple du costé senestre d'une branche dudit chesne (Doc. Poitou G., t.10, 1459, 171). | |
| 185 | Sus demi jour et sus une nuit, il avoient bien à chevaucier trente liewes, car il ne pooient mies aler le droit chemin, qu'il ne fuissent sceu et aperceu. (FROISS., Chron. R., VIII, c.1375-1400, 60). | |
| 186 | ...mais delà ledit suppliant recouvra et frapa ung autre cop de sadicte dague au droit du jarret icelluy Jehan Payneau, tellement qu'il en issist sang. (Doc. Poitou G., t.12, 1477, 164). | |
| 187 | Et Doolin (...) se tint si bien aux estriers et adressa si bien au droit du corps à Gayant qu'il le getta par terre (Doolin de Mayence V, P., a.1500, 32). | |
| 188 | Item, se une pierre descendoit jusques au centre du monde et passoit oultre tout droit en montant de l'autre part, il appert clerement que en ce cas .II. mouvemens contraires seroient continues et sanz moien (ORESME, C.M., c.1377, 94). | |
| 189 | Item, les choses pesantes qui sont par violence gectees tout droit en haut retournent arriere ou lieu dont elles partirent (ORESME, C.M., c.1377, 556). | |
| 190 | ...c'est une maniere de suffumigacion ou Temple que nul vent ou tempeste ne povoit destourner qu'elle ne alast droit, sans vaciller devers le ciel (SIMON DE PHARES, Astrol., c.1494-1498, f° 28 v°). | |
| 191 | Ne oncques ne s'en bougerent ne ne se desarmerent, mais mengierent tout droit ou en seant chascun ung petit. (FROISS., Chron. M., XIV, c.1375-1400, 168). | |
| 192 | Le conte toutevoyez (...), pour contenter ung petit les gens de la ville, entra en une maison la ou il desjuna ung peu tout droit ; et prestement ariere remonta a cheval et s'en ralla a Marle (CHASTELL., Chron. IV, D., c.1461-1472, 218). | |
| 193 | Aucune fois [les miracles se font] en choses sensibles, comme en l'asne de Balaam, qui parla. Aucune fois en creature raisonnable, comme en faisant ambuler et aler droit les boisteux, ouir les sours, susciter les mors et l'enfantement de la vierge Marie. (Somme abr., c.1477-1481, 163). | |
| 194 | Et adoncques tous, tant gens d'eglise que chevaliers et escuiers et gens de tous estats qui furent là de la part du roy Amydas, s'agenoillerent et leverent les mains et les mistrent sur leur piz, en regardant droit au ciel, et prindrent sur leurs consciences que ainsi estoit. (BUEIL, II, 1461-1466, 183). | |
| 195 | ...si comme du triangle, se il a .III. angles equalz a .II. angles droiz ou non. (ORESME, E.A., c.1370, 338). | |
| 196 | Monseigneur, par l'ame de moy, je vieng de devers les marches de Mellumge, mais il s'avale pour venir icy les plus belles gens d'armes que oncques mais je veisse, et ne scet on ou ilz veullent traire, fors tant qu'ilz tyrent le droit chemin pour venir icy. (ARRAS, c.1392-1393, 178). | |
| 197 | ...nous trouverons que la ligne B E devisera le demi cercle dessus dit en deux egaulx moitiez et qu'elle aussy fera ou centre dessus dit deux angles drois semblables et avec ce devisera le dyamettre precisement en deux egaulx parties. (EVR. CONTY, Harm. sphères H.P.-H., c.1400, 79). | |
| 198 | ...si furent moult joyeux, et lui firent grans presens, a l'usaige du pays, comme de vin, de bestail, de poissons, de poulaille, de foings et d'avoines, et de moult d'autres choses. Et estoient moult liez, puis qu'il ne plaisoit a Remondin a demourer, ne a tenir la terre, quant ilz estoient receuz en la droicte ligne de leur seignourie, et hors de la lignie Josselin. (ARRAS, c.1392-1393, 69). | |
| 199 | Et fu adont parole ens ou consel dou roi de France, et assés s'i acordoit li rois, que ses biaus neveus Edouwars d'Engleterre euist l'une de ses nieces par mariage et que li roiaulmes de France, apriés li, lor retournast, car il venoient de la droite lignie. (FROISS., Chron. D., p.1400, 51). | |
| 200 | ...disant ledit roy Lancelot que ce royaume lui appartenoit et qu'il estoit de la droitte esterpe du roy monseigneur saint Loys. (LA SALE, Salade, c.1442-1444, 191). | |
| 201 | ...qui fut bien veriffié par le roy Peppin, qui fut le second de ce nom et XVe roy en droite ligne de France (SIMON DE PHARES, Astrol., c.1494-1498, f° 106 r°). | |
| 202 | ...par la coustume des nobles ce qui echiet de pere ou de mere, d'ayeul ou d'ayeulle, il n'y a point de rechat pour ce qu'il vient de droite ligne en descendant. (Cout. bourg. glosé P.M., c.1380-1400, 219). | |
| 203 | Ce se entant par branches (es successions de droite ligne, comme de pere et de mere, et non mie collateral, comme de l'oncle ou de la tante, car l'en partiroit par chief, comme raison veult) et non pas par teste, car autant emporteront les enfans de l'une des femmes comme de l'autre. (Cout. bourg. glosé P.M., c.1380-1400, 264). | |
| 204 | Lors se leva em piés Fourques, li prous, li saiges, Qui estoit ses drois niés plains de trestous bernaiges, Hardis comme lions pour fandre escus et terges (Gir. Ross. H., c.1334, 203). | |
| 205 | ...il sentoient que mesires Carles de Blois avoit a fenme la droite hiretiere de Bretagne (FROISS., Chron. D., p.1400, 464). | |
| 206 | Et n'avoit demouré de lui nul hoir que une seule fille, la quelle estoit nommee Crestienne, et fu la pucelle moult belle et moult bonne. Et avoit en la terre de Lucembourc moult de nobles et grant foison chevaliers et escuyers, qui tous firent hommage a la pucelle Crestienne comme a la droicte heretiere de ce pays. (ARRAS, c.1392-1393, 146). | |
| 207 | ...neantmoins, s'il trouvoit seure compaignie pour aler droite voie en Court de Romme sans passer par Basle, il yroit (FAUQ., III, 1431-1435, 134). | |
| 208 | ...[un terrain] avenu à monseigneur comme avoir extraier par la mort de Francequin Stassin, pour ce que son pere estoit bastart et que par ce du costé de son pere il n'avoit point de droit hoir (Comptes Etat bourg. M.F., t.3, 1418-1420, 407). | |
| 209 | ...mais quant les pertrias sont nez et ilz oent la voix de leur droicte mere tantost s'en vont a elle et deguerpissent leur faulsse mere. (Best. hérald. H.E., c.1435-1450, 484). | |
| 210 | "Regardés comment il tiennent Brest : il n'ont nulle volenté de le vous rendre, qui est de vostre droit demainne et hiretage, et n'est pas dus de Bretaigne, qui n'est sires de Breth." (FROISS., Chron. R., X, c.1375-1400, 31). | |
| 211 | ...la terre luy retournoit par droitte hoirie de succession de ses oncles (FROISS., Chron. M., XIV, c.1375-1400, 156). | |
| 212 | ...la femme d'un gentil homme qui a encores aïeul, aïeule, père et mère au temps qu'il se marie, soit douée sur les droictes escheoistes comme sur lesdiz héritaiges desdiz aïeul, aïeule, père et mère (Cout. instit. Anjou Maine B.-B., t.1, 1411, 518). | |
| 213 | Aucuns, comme il me samble, vouldront mettre tache en la louange saint Pierre pour ce qu'il fut repris de saint Pol, que il ne aloit pas le droit chemin en la doctrine Jhesu Crist (GERS., P. Paul, a.1394, 490). | |
| 214 | O excellent, haulte vertu divine, Qui tout parfait, acomplit et termine, Royne puissant, Dame Perseverance, Cil qui retient ta loyalle dottrine, Sans forvoyer le droit sentier chemine De los, de pris, de paix, de souffisance (CHART., B. Nobles, c.1424, 408). | |
| 215 | L'autre doubte est la paour qu'on a de mesprendre. Car, à faire diverses choses et à complaire aux seigneurs, il y a bien manière de y tenir le moyen ; et est plus aisé de desvoyer que de tenir le droit chemin ; et advient souvent que, par cuider complaire, on desplait (BUEIL, I, 1461-1466, 48). | |
| 216 | Pour avoir eu amour au monde faulx, Avoir ravy l'aultruy comme herbe faulx, S'estre orgueilly montans les grans chauffaulx, Ne doibs tu pas D'humanité rompre le droit compas Qui au pecheur penitent tient le pas, Radressant ceulx qui ne vont le droit pas. (MESCHIN., Lun. princes M.-G., c.1461-1465, 80). | |
| 217 | Sy fault son cuer humilïer Qui bien droit y veult charïer, Car Dieu les humbles enlumine Par grace et vraye doctrine (Jeu st Den. S., c.1380-1400, 84). | |
|
