| 29 exemples |
| 1 | C'est trop plus grant magnificence et meilleur chose de faire un temple ou un palais longuement durable de quoy il est aussi comme perpetuel memoire de celuy qui l'a fait et proffit au bien publique, que de faire une tele chose bele et jolie et de petite duree. (ORESME, E.A.C., c.1370, 246). |
|
| 2 | ...car nulle duree ne puelt avoir oultrageuse seignourie. (LA SALE, Salade, c.1442-1444, 7). |
|
| 3 | Je vous prie que je puisse avoir tant de diuee [l. duree] Que j'ay au glout Regnaut l'ame du corps ostee ! (Renaut Mont. B.N. V., c.1350-1400, 214). |
|
| 4 | Se vos courrous me dure longuement, Je ne puis pas avoir longue durée ; Einsois morir m'estuet prochainnement, Se vos courrous me dure longuement. (MACH., L. dames, 1377, 80). |
|
| 5 | Si ne puis pas avoir longue durée Et ma dolour longuement endurer, Puis que desirs ne me laisse durer. (MACH., L. dames, 1377, 132). |
|
| 6 | Et le chappleiz fu fiers et l'occision de une part et d'autre, car le roy d'Ausaiz ravigoure ses gens et rent grant cuer, et a son poindre fait grant dommage aux Poictevins. Anthoine appercoit le dommage que le roy lui faisoit ; si lui en despleut moult. Par foy, dist-il, sire roy, vostre duree sera courte ou la moye. Ja sera la guerre finee ou de vostre part ou de la moye. J'ayme trop mieulx a mourir que de souffrir ainsi martirier ma gent. (ARRAS, c.1392-1393, 162). |
|
| 7 | "...Mais j'ay voué et promis moy adventurer en la conqueste du mouton au veaurre d'or. Je ne sçay combien j'ay a vivre, ne se la duree me sera longue. Il est force et necessité pour mon singulier bien et pardurable honneur que je prende le temps tandis que prendre le puis, et que je me acquitte dilligentement." (LEFÈVRE (R.), Hist. Jason P., c.1460, 175). |
|
| 8 | Pour le temps que je l'ay congneü, point n'estoit cruel ; mais il le devint avant sa mort, qui estoit mauvais signe de longue durée. (COMM., II, 1489-1491, 154). |
|
| 9 | Et pour ce vueil que loyauté doublée Soit en mon cuer, tant com j'arai durée, Ne ja ne vueil ma dame entroublier, N'en fait n'en dit n'en desir n'en penser. (MACH., L. dames, 1377, 95). |
|
| 10 | Amis, si parfaitement Sui à vous donnée Que c'est sans departement Et sans decevrée, Ne, tant com j'arai durée, Mes cuers ailleurs ne sera ; Et s'il est autres qui bée à m'amour, il y faurra. (MACH., L. dames, 1377, 180). |
|
| 11 | Ne tant com j'aray durée N'aray autre amy. (MACH., Les lays, 1377, 357). |
|
| 12 | Tant qu'aurons au monde duree, Joyeulx et esbatans serons, Et pourtant, soir et matinee, Tousjours grant chere [nous] ferons. (Sots triumph., c.1475, 44). |
|
| 13 | ...Normendie (...) estoit demouree vacant de tout labour par la longue duree des courses des payens. (JUV. URS., T. crest., c.1446, 66). |
|
| 14 | Marpasie fu demouree, Qui puis ot petit de duree (CHR. PIZ., M.F., III, 1400-1403, 11). |
|
| 15 | Si ne peurent avoir durée li Englès, quant il furent recargiet de ces gens là nommés brigans, car il estoient tout lasset et hodet de longement combatre. (FROISS., Chron. L., IV, c.1375-1400, 121). |
|
| 16 | Li roys seoit sus son destrier, Et tenoit le piet en l'estrier, Fort et ferme et seürement. Là se combat si durement D'une hache bien enferrée Que riens à ses cops n'a durée. Il est chastiaus, il est fortresse à ses gens ; tant en tue et blesse, Tant en abat, tant en pourfent, Qu'il en a ocis plus de cent. (MACH., P. Alex., p.1369, 94). |
|
| 17 | Tout fu troussé, et se mirent a chemin. Le maistre de Rodes, le cappitaine du Limasson, et leurs gens se mirent ensemble, et chevauchent en bataille, et dient bien que envers Uriien et ses gens ne auroit nulz homs duree, ne nulz peuples. (ARRAS, c.1392-1393, 109). |
|
| 18 | ...la ou li peuples vodroit monstrer sa felonnie et sa poissance li noble n'averoient point de duree a euls. (FROISS., Chron. D., p.1400, 42). |
|
| 19 | "...li pais d'Engleterre est a present tous wis ; et ont encores avoecques euls grant fuisson de clergiet, liquel n'averont nulle duree contre nous, car il ne sont point fait de la guerre." Ensi se devisoient li Escoçois et comptoient les Englois pour desconfis (FROISS., Chron. D., p.1400, 774). |
|
| 20 | Quant Cleriadus (...) commença à jouxter, rien devant lui n'avoit duree, car les chevaliers ostoit de dedans leurs selles et à terre les mectoit. Chevaliers et destriers tout mectoit en ung mont à terre. (Cleriadus Z., c.1440-1444, 451). |
|
| 21 | ...il s'adresse par telle façon que rien n'a contre luy duree. (Cligès C.T., 1455, 91). |
|
| 22 | Fist ung fossé de dix piez de perfont et XVm pas de circuit, en la durée de trois lieux et cent et XX tours de deffence de merveilleuse haulteur, en peu de heures (SIMON DE PHARES, Astrol., c.1494-1498, f° 69 v°). |
|
| 23 | Et selon ceste signification, eternité compete seulement a la nature divine, en laquelle est duree sans mesure. (Somme abr., c.1477-1481, 140). |
|
| 24 | ...ly rices soudans (...) Avoit avoecques luy VIJ femmes à durée. (God. Bouillon R., t.2, c.1356, 388). |
|
| 25 | Ainsi appert que par la guerre maintenir et sieuvyr, quant mestier en est, on parvient en très hault honneur et acquiert-on les grans triumphes et les grans seigneuries, et les choses ainsi conquises demeurent en plus grant sceurté et sont de plus de durée que ce qui est acquis au service des princes et des seigneurs. (BUEIL, I, 1461-1466, 53). |
|
| 26 | ...chascuns d'eaus sa vois li donne, à tous jours perpetuelment Et de commun assentement. Et par coy la chose ait durée, Tuit li milleur de la contrée Et les villes l'ont seellé, Par leur foy et par seellé, Tous ensamble, c'est assavoir Que c'est au roy et à son hoir. (MACH., P. Alex., p.1369, 222). |
|
| 27 | Pour ce vous pri que vous soiés secrés, Loyaus et vrais, si qu'en vous ait durée La bonne amour par qui mes cuers donnés S'est tous à vous, sans nulle decevrée... (MACH., L. dames, 1377, 126). |
|
| 28 | [Louis de Bavière, faute d'être consacré empereur par le pape d'Avignon, institue un pape et douze cardinaux à Rome pour ce faire] ...li papes et li cardinaul qui le comsacrerent, n'orent point de duree, et se vinrent rendre au pape d'Avignon ; mais ce ne fu pas si tos. (FROISS., Chron. D., p.1400, 245). |
|
| 29 | Tout royaume divisé en soy sera desolé et toute cité ou maison divisée contre le bien de soy meismes ne puet avoir durée (CHR. PIZ., Paix W., 1412-1413, 61). |
|
