Empl. trans. "Fabriquer le drap" : Et ne puet nuls, ne doit vendre ne faire vendre dedens le halle dras a detail huers des 4 renghes des detailleurs, tant qu'il ait en nulle des 4 renghes nul estal wit, se ce ne sont aucun u aucunes qui se mellent de vendre a detail dras u couvretures, qui ont estet fait et drapet en Valenchiennes et qui aient estet au rewart de le halle. (Drap. Valenc. E., 1344, 268). Elle, ses filles et ses damoiselles s'embesoignera de draper, de trier celle laine et sortir et mettre les colléz de celle fine laine a part pour faire les fins draps pour son mary et pour elle et pour vendre (CHR. PIZ., Trois vertus W.H., c.1405, 156). ...ceulx d'Yppre, qui estoient acoustumés de drapper de ces laines d'Angleterre (MONSTRELET, Chron. D.-A., t.5, c.1444-1453, 323). LE DRAPPIER. C'est ung tresbon drap de Rouen, Je vous prometz, et bien drappé. (Path. D., c.1456-1469, 64).

-

Draper draps : ...aucun, a trois lieues préz de la ville d'Yppre, tout environ la ronde, ne peut drapper draps plus longs que a la mesure de trante huit aulnes et larges neuf quartiers et demi (Ordonn. Ph. le Hardi, Marg. de Male B., t.1, 1392, 514).

-

Empl. abs. : ...que nuls drapiers ne drapiere (...), ne drapece ne ne face draper par lui ne par autrui, en appert ne en couvert, soit pour sen user ou aultrement, nulz draps enthirs ne piece de draps quelzconques, que, apres che que il aront esté rapparilliet, il soient raporté à l'eswart des maieurs de le perche en le maniere acoustumée (Hist. industr. drapière Flandre E.P., t.3, 1384, 26).

-

[Dans un cont. métaph.] : Lainne de bons Appensemens Avecques courtois Parlemens, Scienteuse Introduction Et amiable Entention Furent ensamble compilées, De Bonté proprement drapées ; Et de ces choses asamblant Fu fais li dras de bon samblant, Tains en une gaie couleur De trés honnourable valeur Qui est appellée Noblesse, Et est fourrez de Gentillesse. (MACH., J. R. Nav., 1349, 280).