| 94 exemples | | 1 | ...le petit delay que je vous demanderay pour paraccomplir mon abstinence (...) qui pieça eust esté faicte se je m'eusse osé fier en aultry qui m'en eust peu donner aide (C.N.N., c.1456-1467, 575). | |
| 2 | Adoncq le Jouvencel dit : "Il y a beaucoup de manières de lever ung siège, sans combatre tous ceulx qui sont devant. Et peut l'en beaucoup donner de aide et de secours ou confort à ceulx qui sont assiégez, sans de tous points combatre ceulx du siège, sinon à son avantaige..." (BUEIL, I, 1461-1466, 142). | |
| 3 | ...s'il y avoit homme en ceste ville qui sceust donner conseil (...) je seroye celuy. (C.N.N., c.1456-1467, 45). | |
| 4 | Et sachiez certeinnement qu'il le Faisoit pour donner exemplaire Que tout einsi devoient faire, Et pour donner cuer à sa gent. (MACH., P. Alex., p.1369, 108). | |
| 5 | ...ilz firent responce que si le roy de Naples ne leur venoit donner secours en la dicte place, ou qu'il vint en si grant puissance qu'il combatist le roy et son armee dedens le samedi prochain ensuyvant ilz se renderoyent et metteroient les gens du roy ou dit chasteau. (LA VIGNE, V.N., p.1495, 253). | |
| 6 | ...une science aprent quant il est temps de bataillier, l'autre quant il est bon ou temps de donner medicine en malades, l'autre quant il est bon ou temps de soy excerciter et de labourer. (ORESME, E.A., c.1370, 114). | |
| 7 | Si comme se la male fortune ou la grant tristece d'un homme povoit estre du tout ostee ou grandement diminuee pour donner un peu de tristece voluntaire a son amy, il le devroit faire. (ORESME, E.A.C., c.1370, 492). | |
| 8 | Et ja soit que tous ces pechiéz empeschent a contraire mariage, toutevoies generalement a parler si sont adolescentes personnes et jones gens et on doubte de incontinence, on leur doibt donner licence d'eulz a mariage joindre. (Sacr. mar., c.1477-1481, 62). | |
| 9 | Presuppose en oultre que on ne doit point donner occasion aux officiers et subgez de son prince de faire sedicion ou commocion (FAUQ., I, 1417-1420, 31). | |
| 10 | ...a yceulx cinq [le duc] alla racompter les parolles de messire Henry ; et (...) dirent qu'il estoit bon de luy donner rencontre (CHASTELL., Chron. IV, D., c.1461-1472, 137). | |
| 11 | Qu'il vous plaise de voustre grace destourner vos yeulx de lire si desraisonnables escriptures et n'y donner foy ne audience, mais les faire rompre et casser partout ou trouver se pourront et des faiseurs ordonner telle punicion que ce soit exemple aux autres, et que voz humbles servans puissent leur queste parfaire a voustre honneur et a leur joye, et moustrer par euvres qu'en vous a mercy et pitié. (Lettres Chart., 1425, 362). | |
| 12 | Veez cy l'entree des prophecies de Mahommet, et tu, mahommetiste, doys plus avoir honte que gloire de donner foy a la doctrine de tel aucteur. (CHART., L. Esp., c.1429-1430, 119). | |
| 13 | Par ce Nostre Dame est dicte nostre advocate, nostre moyenneresse, nostre royne, nostre empeteresse, par les mains de laquelle Dieu a ordonné donner ce qu'il donne a creature humaine, selon le dit saint Bernard. (GERS., Annonc., a.1400, 231). | |
| 14 | Se tu as que donner, si donne (MACH., C. ami, 1357, 111). | |
| 15 | Cy fait semblant de confesser, et l'autre de donner l'absolution. (Mir. emper. Romme, 1369, 305). | |
| 16 | Et ainsi a telz genz il ne leur plaist ne donner ne prendre. (ORESME, E.A., c.1370, 240). | |
| 17 | Le cardinal de Pierregort, Pour les nostres donner confort, Pour adrecier leur conscience, Rassorre et donner penitence, Fu legas en ceste besongne: Car c'est uns homs qui bien besongne. (MACH., P. Alex., p.1369, 22). | |
| 18 | -- Je me mervoilloye, fait la mere, comment il me portoit si grant honneur, car quant je voys a l'eglise, il me vient donner de l'eau benoiste, et partout ou il me trouve, il me fait touz les services qu'il peut. (Quinze joies mar. R., c.1390-1410, 107). | |
| 19 | Et au matin, a la messe sonner, L'amant s'en va l'eglise environner Et l'eaue benoiste a sa dame donner, Et la paix prendre Tout volentiers pour lui porter et tendre, Car c'est le bien ou il veult lors entendre Qu'aprés elle baisier sans plus attendre. (CHART., D. Fort., 1412-1413, 170). | |
| 20 | Notez que la plus grande courtoisie est donner ; la plus grande vilenie doncquez est tollir et rapiner. (GERS., Annonc., a.1400, 239). | |
| 21 | Et en conclusion il ne trouva marchant qui plus voulsist donner desdiz cuirs que Jehan Roy marchant demourant audit lieu de La Rochelle, auquel Jehan Roy il vendit deux lez desdiz cuirs, lesquelz deux lez estoient de cuirs vers, pour le pris chacun lé de soixante escuz ou environ, comme il luy semble, et avec ce luy vendit ung lé de petiz cuirs secs, que l'en appelle lensis, pour le pris de vint ou trente escuz, comme luy semble. (Aff. Jacques Coeur M., 1453-1457, 611). | |
| 22 | Item, et se ledit seigneur ou ses gens tenoient un malfaiteur de boiz et de pasturage en ladicte forest, ilz le pevent prendre et lui donner jour devant le verdier selon ce que le cas et meffet le desire (HECTOR DE CHARTRES, Cout. R., 1398-1408, 176-177). | |
| 23 | ...c'est le propre d'ung roy de enquerir et savoir quelles choses sont proffitables pour son peuple, et aux calamités et miseres que ilz seufrent mettre remede et donner provision. (JUV. URS., D. Tours, 1468, 441). | |
| 24 | Notez se une povre femme grosse, malade, honteuse, a VI petiz enfans, estoit en la froidure, et n'eust pain pour donner a ses enfans qui criroint a la rage de fain, et une noble et riche dame la veoit, elle seroit trop dure s'elle ne luy donnoit du pain, et tant plus s'elle luy ostoit. (GERS., Annonc., a.1400, 239). | |
| 25 | Aussi par ceste fiction du roy Amydas est à entendre que, quant le Roy commist le Jouvencel, mon maistre, son lieutenant devant Bourdeaux, on fit des rapportz en le cuydant brouller avec le Roy, disant que mondit maistre et aucuns avec luy faisoient des chouses qui ne luy plaisoient pas, et qu'il estoit besoin y donner provision. (TRING., c.1477-1483, 297). | |
| 26 | De donner provision au fait de la police et justice desdits pays là où il verra et trouvera les faultes et corriger les abuz, et de y mettre et donner tel ordre pour le temps advenir qu'il verra estre à faire au bien de nous et des subgetz d'iceulx, tellement que justice y puisse estre obeÿe et noz deniers levez (LE CLERC, Interp. Roye, c.1502, 229). | |
| 27 | Pour ce que le bruit de mon habandonnement court tousjours de plus en plus et en suis chascun jour adverti tant d'un parti que d'autre, j'ay presentement, et depuis mes lettres à vous escriptes, envoyé devers le roy le seigneur de Moy, mon lieutenant, pour luy remonstrer mon cas, affin que son bon plaisir soit y donner provision. (LE CLERC, Interp. Roye, c.1502, 347). | |
| 28 | Lesquelz, aprés tout recueil fait par le roy, ilz luy prierent que son plaisir fust de leur donner treves de quatre jours seulement. (LA VIGNE, V.N., p.1495, 304). | |
| 29 | ...la Court, depuis, conclud de donner adjornement et de le faire seeller du signet de la Chambre dudit Parlement (FAUQ., II, 1421-1430, 92). | |
| 30 | Pour quoy, et afin de y donner le jugement ordonné estre fait en pareil cas, s'en party le roy d' Amboise et s'en vint à Chartres, Meulenc, Creil et autres lieux es marches de Beauvoisiz. (ROYE, Chron. scand., I, 1460-1483, 304). | |
| 31 | S'ensuit après comme il doit amener son secours, et en quelle manière il doit faire, et les signes qu'il doit donner à ses gens, comme puis aprez pourrez savoir par l'execucion du fait. (BUEIL, I, 1461-1466, 165). | |
| 32 | ...il ne savoyt parler, toutes foys il leur sçavoit bien donner par signe, ainsi qu'il est contenu en l'istoire qui s'ensuyt (MACHO, Esope R., c.1480, 4). | |
| 33 | Ces condicions a la parvifique ["mesquinerie"] en ses fais, comme seroit en faire une feste, donner .I. disner ou une noces, ou en autre maniere de magnificence. (ORESME, E.A.C., c.1370, 247). | |
| 34 | Veille moy a bon port mener, Dieu Redempteur de tout le monde, Et congnoissance me donner De ta grant bonté pure et munde. (LA VIGNE, S.M., 1496, 148). | |
| 35 | Sire, pour aymer et doubter Mon Redempteur devostement, Aussi pour mon corps debouter Des faiz mondains totallement, Je viens devers vous humblement Affin que soyez mon recteur, Pour moy donner enseignement A servir mon doulx Createur. (LA VIGNE, S.M., 1496, 258). | |
| 36 | Donner en la sale parée, Dessoubz l'imperial signet, Le Xe jour de jullet. (Myst. st Adr. P., c.1450-1485, 34). | |
| 37 | Affin de mieulx et plus clerement donner à entendre la grand differance qui est entre la science d'astrologie et les ars divinatoires et supersticieux, j'ay pensé descripre l'un auprès de l'autre (SIMON DE PHARES, Astrol., c.1494-1498, f° 9 v°). | |
| 38 | Et pour vous donner a entendre quelle chose c'est d'un casier, c'est ung garde menger (C.N.N., c.1456-1467, 443). | |
| 39 | Pour pluseurs parties des rentes et revenues ordinaires et extraordinaires de la chastellerie de Brethueil, rendues en recepte à Monseigneur par Jehan Brice, receveur du lieu (...) et si ne les avoit mie receues parcequil estoient non solvables pour pluseurs causes quil donnoit en son donner à entendre (Compte Navarre I.P., 1367-1371, 404). | |
| 40 | ...par leur faulx donner a entendre (...) les animerent et esmeurent l'un contre l'autre (C.N.N., c.1456-1467, 524). | |
| 41 | Car, par la coustume, une femme qui mect son mary en ce dangier, par son donner à entendre, elle doibt estre admenée avec son champion en ung chariot couvert de noir ; et se son champion est desconfit, elle doibt estre brulée comme faulse accuseresse. (LA MARCHE, Avis gage bat. P., c.1494, 16). | |
| 42 | Pour ce te vueil je donner a congnoistre quelles sont les contrefaites esperances, qui les personnes mainent a confusion lez bras au col, et en riant, par consolation faintive, et folle fiance mal fondee, lez tirent a gemissemens et a lermes. (CHART., L. Esp., c.1429-1430, 101). | |
| 43 | ...pour vous monstrer et donner clerement à congnoistre et à iceulx detracteurs, comment astrologie est vraye science (SIMON DE PHARES, Astrol., c.1494-1498, f° 1 v°). | |
| 44 | Qui se veult donner clerement A cognoistre, premierement Doit dire de quel nacion Il est et son attraccion, Qui est ou fu son parenté, Ou soit povres ou bien renté, Se il est digne de renom, Et puis si doit nommer son nom (CHR. PIZ., M.F., I, 1400-1403, 12). | |
| 45 | Mais toy pry que (...) Mon meffait vueilles pardonner Et moy un seul baisier donner (CHR. PIZ., M.F., II, 1400-1403, 320). | |
| 46 | Il semble de beaucop que ce soient [certaines femmes] vielles mulles ou meschans chevaulx, enfrenés de grans paremens pour estre mieulx vendables, et puis monstrent leur sain ou tetins : il est grant besoing de donner appetit aux compaignons. (JUV. URS., Verba, 1452, 280). | |
| 47 | Cuisiez tel char comme vous vouldrez en eaue ou ung pou de vin ou en boullon de char, vin et lart pour donner goust. (Ménagier Paris B.F., c.1392-1394, 219). | |
| 48 | Ilz nous desconfiront et sans donner bataille. (FROISS., Chron. M., XIV, c.1375-1400, 86). | |
| 49 | Ainsi on doit donner l'assault par trois foys, qui ne prent la place dès le premier, et le derrenier assault est le plus fort. (BUEIL, II, 1461-1466, 42). | |
| 50 | ...durant l'espace de XXVI jours entiers qu'il [ledit duc de Bourgongne] fu devant ladicte ville, il ne cessa de faire getter son artillerie contre ladicte ville nuit et jour, qui peu ou neant greverent icelle ville ne les habitans d'icelle, et y donna et fist donner deux grans et merveilleux assaulx (ROYE, Chron. scand., I, 1460-1483, 281). | |
| 51 | Et doit tout le jour soy tenir ferme sans soy departir, et tousjours doivent à leur povoir assaillir ceulx de cheval leurs ennemis et donner au gros de la bataille le premier et aux esles, puis venir aux enseignes, et finablement (BUEIL, I, 1461-1466, 158). | |
| 52 | Mais, pour ce que le duc Baudouyn veoit qu'on povoit venir par les costez donner à ses gens sur le derrière, il les fist retraire et habandonna bien la moittié des faubourgs de Cap. (BUEIL, II, 1461-1466, 146). | |
| 53 | ...jamaiz vous ne devez approuchier d'une puissance que tout le payz ne soit descouvert et que vous donnez bien garde que on ne vous puisse donner par derrière, ainsi que eust Charles de Bloys au Ray. (BUEIL, II, 1461-1466, 66). | |
| 54 | Et firent tant par leurs vertueux faitz, que la plus grant partie des ditz ennemys, qui ainsi que davant est dit s'estoient assemblez et deliberez de donner sur la personne du roy, furent illec tuez, meurtriz et acablez, et les plus gens de bien d'entr' eulx. (LA VIGNE, V.N., p.1495, 288). | |
| 55 | ...Ainsy, ma belle dame, Pour quoy venez presentement Cy moy donner chastïement ? (COURCY, Chem. vaill. D., 1406, 10). | |
| 56 | Sa, compaignons, veillez vous ordonner Appertement de tresbien luy donner La discipline devant et de costiere ; De belles verges pencez de le mener A la raison et si bien promener Que sur son corps ne reste pel entiere. (LA VIGNE, S.M., 1496, 341). | |
| 57 | Amours, ce n'est mie raison De moy donner tristece en don En lieu de joieus guerredon, Eins est pechiez, Quant je suis sans condition Tous mis en ta subjection. (MACH., R. Fort., c.1341, 49). | |
| 58 | Ceste doulceur vient aucunefois de la bonté du docteur ou de l'utilité, selonc le dit de Orace en sa Poetrie : "Les poetes veullent aux auditeurs proufiter ou delectation donner ou ensamble dire choses joieuses et ydoines a la vie". (DAUDIN, De la erudition H., c.1360-1380, 25). | |
| 59 | Mais si que les fleurs sont brulées Par geler ou qu'elles matissent, Ainsis les femmes se fletrissent Par vieillesse ou par accident D'avoir porté un seul enfent, Ou par trop eulx habandonner Aux deliz de char et donner A leur corps trop paine et traveil Ou par autre cas non pareil (DESCH., M.M., c.1385-1403, 192). | |
| 60 | Son mary savoit bien que de telle condicion estoit, mais de subtilier ne querir remede pour luy donner empeschement, il ne le savoit trouver (C.N.N., c.1456-1467, 518). | |
| 61 | Et, pour vous advertir touchant le fait des saufconduictz, beaucoup de gens y veullent donner des abuz en plusieurs manières et les vuellent empescher et y prendre marque (BUEIL, I, 1461-1466, 28). | |
| 62 | Or, ainsi comme l'on se couche Pour donner repox a nature, Ung jour, estant dessus ma couche, M'advint une grant adventure, Car Jhesus en propre figure S'aparut au lieu ou j'estoye, Ayant le drap pour couverture Du manteau que donné j'avoye. (LA VIGNE, S.M., 1496, 261). | |
| 63 | Ils sont d'or et d'argent tout netz, Qui primum guerram movebunt, Pour nous donner ung mauvais bont, Per seditionem malam ; Dieu les mette tous en mal an. (MOLINET, Faictz Dictz D., 1467-1506, 818). | |
| 64 | ...et s'il ne puelt, face tout son povoir de leur donner le solail, le vent et la pouldre au visaige en combattant, ainssy que dit est. (LA SALE, Salade, c.1442-1444, 243). | |
| 65 | Item , pour traire une queue sans luy donner vent, face ung petit pertuiz d'un foret empres le bondonnail, et puis ait ung petit plastriau d'estouppes du large d'un blanc, et puis mecte dessus, et prengne deus petites buchectes et mectre en croiz dessus ledict plastriau, et mecte ung autre plastriau sur lesdictes buchectes. (Ménagier Paris B.F., c.1392-1394, 134). | |
| 66 | Mectez cuire en eaue, et du lart avec pour donner appetit, et mectez percil, sauge, coq et ysope, ung petit de vertjus pour aguisier (Ménagier Paris B.F., c.1392-1394, 207). | |
| 67 | En mon dormant me fu vis lors Que jou estoie en un biau bois Ou grant plenté avoit d'erbois, Arbres et flours pour donner fruis, Et de cans d'oisellés grans bruis, Qui la chantoient sans sejour Ensi qu'il font par un biel jour, En temps d'esté ou mois de mai. (FROISS., Par. am., c.1361-1362, 41). | |
| 68 | Mez c'est bien vray que aucunes herbes et melodies si ont vertu naturele de mitiguer et de donner allegence au lunatique (Songe verg. S., t.1, 1378, 391). | |
| 69 | Quant vint le vespre et le solleil commença à esconsser ses rays, pour donner lieu à la clarté de la lune (...), lors advint qu'il passa une compaignie de gens de Verset (BUEIL, I, 1461-1466, 35). | |
| 70 | Pensons que le povoir de Dieu infini peult donner fin es fraelles puissances dez terriens orgueilleux, et ressoudre la foeblesse dez humiliez. (CHART., L. Esp., c.1429-1430, 146). | |
| 71 | Et pour plus tost donner fin a ces choses et plus honorablement, me semble que au saillir des vespres du roy je vous venray querir. (LA SALE, J.S., 1456, 107). | |
| 72 | Et, pour donner fin à mon languaige, je vueil maintenant comparoir la court à la guerre en bien briefves parolles. (BUEIL, I, 1461-1466, 54). | |
| 73 | Pour donner fin à nostre collacion et propoz, declairées les deux premières parties de cestuy corps mistique, je viens à declairer la tierce partie (BUEIL, I, 1461-1466, 54). | |
| 74 | Et pour plus tost donner fin a sa volenté, estant madicte dame retraicte au chastel de Cappouarre de Napples, pour doubte de lui, et audit roy d'Arragon laissié tout ledit Chastel Neuf, il manda querir messire Jehan Caraz, chevalier de Napples et conte d'Avelin, grant senechal de madicte dame et son gouverneur principal en tous ses fais. (LA SALE, Salade, c.1442-1444, 196). | |
| 75 | Mais maintes personnes sont chiches De donner a pluseurs pour Dieu, Qui tout gastent en seul lieu Et donnent a ceulx qui trop ont, Mais ou ilz doivent riens ne font. (DESCH., M.M., c.1385-1403, 52). | |
| 76 | ...avec ce, donner aux povres pour l'amour de Dieu et ne les grever, car ceste est l'espargne qui en sainte huche se met pour le temps à venir, si ne doit estre plaint, car mestier aura. (CHR. PIZ., P.V.H., 1416-1418, 36). | |
| 77 | ...[le père] voyant sa dicte fille avoir attaint l'eage habile et ydoine pour estre allyée et conjoincte par mariage, eut tresgrande volunté de la donner a ung chevalier son voysin (C.N.N., c.1456-1467, 545). | |
| 78 | "Li uns li dist : "Par Nostre Dame, Il ne lui fault que donner fame, Et je vous jure sur ma vie, S'il est ainsi qu'om le marie, Que vous le verrez amaty, Bien debonnaire et amorty : Ainçois que li ans soit passez, Sera si vaincu et lassez Que vous n'orrez jamais nouvelle Que sa folie renouvelle. (DESCH., M.M., c.1385-1403, 31). | |
| 79 | LA DAME. (...) Pour ce, des ores mais ta serve Vueil estre, par especïal, Et moy toute, vierge royal, A toy donner. (Mir. enf. ress., 1353, 75). | |
| 80 | [Un mari reproche à sa femme ses infidélités.] ...ne vous suffisoit il de l'escuier et puis du chevalier, sans a ung prestre vous donner (C.N.N., c.1456-1467, 465). | |
| 81 | ...jasoit qu'il soit marié, si n'est il pas pourtant du gracieux service d'Amours osté, mesmes de bien en mieulx s'i veult employer et donner (C.N.N., c.1456-1467, 80). | |
| 82 | Qui est maintenant la personne qui n'ayt oy pluseurs foys, voir ung chascun jour, Plaisir mondain enhortant tous cuers a fole liesse, a vayne joye, a se donner du bon temps en ceste vie ? (GERS., Déf., 1400, 221). | |
| 83 | Si lui a dit moult amiablement : Ma fille, laissiez ester ce dueil, car, en chose qu'on ne puet amender, c'est folie de s'en donner trop grant courroux, combien que c'est raison naturelle que la creature soit doulente de son amy ou de son proesme, quant on le pert. (ARRAS, c.1392-1393, 120). | |
| 84 | ...d'une abesse qui fut malade par faulte de faire cela que vous savez, ce qu'elle ne vouloit faire, doubtant de ses nonnains estre reprouchée ; et toutes lui accorderent de faire comme elle ; et ainsi s'en firent toutes donner largement. (C.N.N., c.1456-1467, 6). | |
| 85 | Le peuple si est membre notable d'un royaume, sans lequel les nobles ne le clergé ne pevent suffire a faire corps de police ne a soustenir leurs estas ne leur vie, et ne me puis trop donner de merveille qu'il doye si estre habandonné a toute infelicité et persecuté par les autres membres subgiez a son mesmes chief, ne je ne voy meilleur similitude a ce propos sinon que nostre police françoise est comme l'omme furieux qui de ses dens mort et dessire ses autres membres. (CHART., Q. inv., 1422, 24). | |
| 86 | ...c'est une chose qui n'est pas aggreable a Dieu et au monde que exultacion en prosperité par maniere orguillieuse et de soy donner gloire. (JUV. URS., Verba, 1452, 216). | |
| 87 | Adès est bien venus chiux qui donner vaura, Et qui n'a que donner jà amez ne sera (Baud. Sebourc B., t.1, c.1350, 34). | |
| 88 | Le poeple aveulissoit, par donner or molu ; Car chieus qui poet donner, aquiert souvent maint dru (Baud. Sebourc B., t.1, c.1350, 185). | |
| 89 | Ensement prise-on cheulz, qui dou leur font otroi ; Qui assez peut donner, on l'aime miex c'un roi. (Baud. Sebourc B., t.1, c.1350, 27). | |
| 90 | ...raison mie ne t'aprent Que le tien donnez follement, Car maint par follement donner Sont venu au pain demander. (LA BUIGNE, Rom. deduis B., 1359-1377, 118). | |
| 91 | On fait bien tant dou sien c'on n'i a que donner ["On fait le bien avec son avoir jusqu'à ce qu'on n'ait plus rien à donner"] (Baud. Sebourc B., t.1, c.1350, 69). | |
| 92 | ...il est trop large du sien Qui par donner pert son renom. (CHART., B. Dame, 1424, 346). | |
| 93 | Et si javoye [l. j'avoye ] aultrefoys recorde [l. recordé] un proverbe qui dist ainsy : "Mieulx vault donner et retenir que tout donner et puis querir." (WAVRIN, Chron. H., t.1, p.1471, 89). | |
| 94 | Se vuelz donner, garde a qui. (MIÉLOT, Prov. U., 1456, 198). | |
|
