| 141 exemples | | 1 | ...le duc (...) luy donna ung annel et une pierre dedens, qui bien avoit cousté mille frans. (FROISS., Chron. M., XIV, c.1375-1400, 237). | |
| 2 | ...icellui chaperon elle donna à sa commere, gisant lors d'enfant à l'Ostel-Dieu de Paris, avec un petit ceuvrechié de soye, que elle donna aus petis enfans pour faire des poupines (Reg. crim. Chât., I, 1389-1392, 200). | |
| 3 | Cestui predist l'exil du pappe Estienne et fut celui qui lui donna le conseilh aler devers Pepin en France, qui le remist en son siege et lui rendit les Lombars tributaires. (SIMON DE PHARES, Astrol., c.1494-1498, f° 105 r°). | |
| 4 | Dont par ceste esperance et resconffort de victoire donna cuer a ses gens, que sy cruellement se combatirent qu'ilz desconffirent les anemis. (LA SALE, Salade, c.1442-1444, 56). | |
| 5 | Aucuns dient qu'il fut disciple à Pourtille, dessus nommé et donna courage à Hanibal de aller contre les Romains (SIMON DE PHARES, Astrol., c.1494-1498, f° 64 r°). | |
| 6 | Et puis, quant ce vint au destroit De son travail, quand tu fus nez, Le dyable vint abrivez, Qui te vouloit prendre et saisir: Mais Diex ne le voult pas souffrir Ne la doulce vierge Marie Qui fu toy et ta mére aye Et li donna cuer d'endurer Les tourmens qu'elle ot a porter. (Mir. enf. diable, c.1339, 27). | |
| 7 | Cestui donna conseil et election d'enclorre Romme de muraille soubz la constellacion du signe du Lion, qui est signe royal et de victoire. (SIMON DE PHARES, Astrol., c.1494-1498, f° 37 v°). | |
| 8 | Maistre Laurens de Richemond fut en ce temps au service du prince d'Auvergne, donna l'election à Jehan de Villiers d'entrer de nuyt à Paris (SIMON DE PHARES, Astrol., c.1494-1498, f° 152 v°). | |
| 9 | Et le Roy donna audience à qui la voullut avoir, bonne et grande, affin que chascun lui peust parler de ses affaires (BUEIL, II, 1461-1466, 172). | |
| 10 | Jamais nul plus liberallement ne donna audience à ses serviteurs et subgectz. (COMM., II, 1489-1491, 154). | |
| 11 | Et quant Madame fut en sa chambre, donna congié a toutes ses gens fors que a Jehan de Soussi, escuier de la royne, et Thiebaut de Roussy, son escuier, les deux qui meilleurs bouches avoient pour franchement parler tout ce que ne pourroient celer, et leur dist: "Je vous ay yci retenus pour rire avecques nous..". (LA SALE, J.S., 1456, 62). | |
| 12 | Qant li rois Phelippes de France eut remis le conte de Flandres en son pais et desconfi les Flamens, il s'en retourna a Aire et remercia les signeurs qui l'estoient venu servir, le conte de Hainnau son serourge, et le signeur de Biaumont son frere, le duch de Bar, le duch de Lorrainne et les lontains, et donna a tout honme congiet de retourner en son lieu. (FROISS., Chron. D., p.1400, 181). | |
| 13 | Et, ce fait, donna licence et congié à ceulz qui estoient mandez de retourner quant ilz vouldroient en leur lieux (FAUQ., II, 1421-1430, 146). | |
| 14 | Dame Foy aprez cez parolles garda silence et donna lieu de parler a Esperance sa seur, comme a celle qui adresse l'esperit a entendre par desireuse confiance ce que nous devons premier entendre par entiere foy. (CHART., L. Esp., c.1429-1430, 86). | |
| 15 | Je diray plus : que la ferveur de l'amour que saint Pierre avoit envers Jhesu Crist donna occasion de le nier aprés, car par telle amour il cheut en presumpcion de soy (GERS., P. Paul, a.1394, 489). | |
| 16 | Disans que Dieu le tout puissant, à qui est Homme obéissant, Le volt former à son ymage Quant à son âme et son courage, Et lui donna sens et savoir, Entendement et franc vouloir (LA HAYE, P. peste, 1426, 37). | |
| 17 | O quelle prerogative et combien digne excellence donna Dieu a homme, quant il mist en son voulloir l'adressement et le chois de son povoir. (CHART., L. Esp., c.1429-1430, 151). | |
| 18 | Alors damp Abbés si tres humblement qu'il peust l'en remercia, puis se pensa d'un commun proverbe qui dit: "Cellui qui sert et ne parsert son loyer pert", lors a Madame donna l'absolucion et par charité la baisa tres doulcement et print congié, et au passer qu'il fait par la chambre tout saigement dist aux dames et damoiselles: "Jusques a ce qu'elle appelle, nul n'entre leans..." (LA SALE, J.S., 1456, 256). | |
| 19 | Lors le Sainct Pere fist dire a tout le monde Confiteor bien et devotement, Et pour le rendre de cueur et de corps munde, Misereatur dist aprés haultement, Et de ceste heure lors generalement A tous confés plains de constricion Qui la estoyent, fist l'asolucion Generalle, tant du long que du lé, Et si donna plaine remission De peine et coulpe, comme en l'an Jubilé. (LA VIGNE, V.N., p.1495, 238). | |
| 20 | ...et aprez la messe le pape donna au peuple sa beneïcon. (Bérinus, II, c.1350-1370, 162). | |
| 21 | Et quant ils eurent longuement devisé De leurs affaires, et tres bien advisé, Le pape au roy, par grant affection, Si luy donna sa benediction (LA VIGNE, V.N., p.1495, 239). | |
| 22 | Ne scet dire ou deposer de quel aage il estoit lors, ne le lieu où l'en lui donna couronne ; maiz verité est que l'evesque de Rouen lui donna couronne à la requeste de sondit pere : devant lequel evesque il se agenoilla, et, lui estant à genouls, lui donna une buffe, fist une croix de sa main sur sa teste et le fist lyer d'un bandeau. (Reg. crim. Chât., I, 1389-1392, 49). | |
| 23 | ...ainssy peu donna il compte de luy, car il estoit beaucoup plus moindre. (BAGNYON, Hist. Charlem. K., c.1465-1470, 39). | |
| 24 | ...une houppelande de violet à usage de homme, qui bien valoit X frans, et laquelle il donna pour IIIJ frans à un jeunes homs, freppier, qu'il trouva en la Frepperie. (Reg. crim. Chât., I, 1389-1392, 250). | |
| 25 | Requis quelles parolles ou response ledit evesque lui fist et que il lui donna, dit que il ne parla point audit mons. l'evesque et ne lui donna oncques denier ne maille, ne autre chose. (Reg. crim. Chât., I, 1389-1392, 519). | |
| 26 | Et si donna le roy dix mil escuz contens au seigneur qui avoit prins ledit prince. (ROYE, Chron. scand., I, 1460-1483, 338). | |
| 27 | Et sçay bien que le conte de Charroloys leur donna de l'argent jusques à cinq ou six mille francs, et fut advisé que leurs gens ne viendroyent point plus avant. (COMM., I, 1489-1491, 60). | |
| 28 | Et donna audict herault trois cens escuz contant de sa main et luy en promist mil si l'appoinctement se faisoit. (COMM., II, 1489-1491, 32). | |
| 29 | JÉSUS. Les debtes de l'un se monstoyent Cinq cens deniers et en restoyent Cinquante a l'autre derrenier.Or, n'avoyent ilz de quoy payer. Donc le creancier leur donna. Lequel d'eulx donc doibt plus amer Le seigneur de qui a le don ? (MICHEL, Myst. Pass. J., 1486, 105). | |
| 30 | Et vous dy, ma chiere mere, que l'empereur le m'a fait forjurer, fors tant qu'il me donna terme d'un mois seulement. (Bérinus, II, c.1350-1370, 81). | |
| 31 | Ouyes lesqueles oppinions et veu ce present procès, ledit mons.. le prevost, et en la presence dudit prisonnier, bany à tousjours mais dudit royaume icellui prisonnier, sur peine de la hart, et de widier hors d'icellui lui donna terme jusques à un mois ensuivant son partement de la prison (Reg. crim. Chât., II, 1389-1392, 155). | |
| 32 | Et tant ala et s'esmut le debat entre elle et le roy de Morienne qu'il getta son gaige contre elle, disant qu'elle estoit digne de mort. Mais elle fu raplegie par son frere Bandelodas qui entreprinst livrer champion pour sa soeur et qui luy donna jour de bataille. (Saladin C., c.1465-1468, 164). | |
| 33 | Salmon qui fut apprentiz en ton escole nous donna pour regle que on a le torment pour ce mesmez dont on a fait le pechié. (CHART., L. Esp., c.1429-1430, 52). | |
| 34 | Durant ce temps, de son fait ordonna Et disposa de plusieurs ses affaires, Avecques ce que bonne ordre donna A toutes choses luy estans necessaires. (LA VIGNE, V.N., p.1495, 177). | |
| 35 | Durant le temps qu'il fut illec dedens Et ses seigneurs avec luy residens, Journellement, en grant sollicitude, Ordre donna par moyens evidens Aux dangereux et divers accidens Qui destourner povoyent sa quietude (LA VIGNE, V.N., p.1495, 191). | |
| 36 | Et tout le long du jour de samedi, Il donna ordre aux points plus necessaires Pour subjuguer ses mortelz adversaires. (LA VIGNE, V.N., p.1495, 238). | |
| 37 | Le mercredy, jeudy et vendredy, Il disposa de plusieurs ses affaires, Et tout le long du jour de samedi, Il donna ordre aux points plus necessaires Pour subjuguer ses mortelz adversaires (LA VIGNE, V.N., p.1495, 238). | |
| 38 | Vous avés ichi desus oi recorder conment le lundi, li rois fist faire un ordenance sus le pais et donna trieuves quatre jours pour ensepvelir les mors (FROISS., Chron. D., p.1400, 744). | |
| 39 | De ce trouvons nous en escript Que le tresgrant roy Alixandre, Qui tout voult le monde comprandre Et qui par tout est recitez, Fist a son temps .XII. citez Et a toutes donna son nom Pour continuer son renom. (DESCH., M.M., c.1385-1403, 263). | |
| 40 | La, devant tous, Saintré leva l'emprinse de messire Nicole, et Boussicault de Galias, et lors le roy donna le jour. (LA SALE, J.S., 1456, 183). | |
| 41 | La royne d'Arragon se dolut de la sentence que le roy donna au prouffit du roy de Castille. (COMM., I, 1489-1491, 137). | |
| 42 | Car tantost sentence donna Que mourir devoit. (CHR. PIZ., Chem. estude P., 1402-1403, 236). | |
| 43 | ...et a esté mise en termes la bulle de pape Urbain que donna contre les gens de compaigne qui pour lors semblablement pilloient le royaume. (BAYE, II, 1411-1417, 266). | |
| 44 | Ne scet, il qui parle, sur ce requis, quele responce ledit Robert donna audit Breton. (Reg. crim. Chât., I, 1389-1392, 546). | |
| 45 | Sur quoy ledit lieutenant civil donna response et excusacions pour lui et lesdiz officiers de Chastellet (FAUQ., I, 1417-1420, 154). | |
| 46 | ...elle fust moult de legier meue a pitié, et luy donna responce doucement et en grant cremeur par telles parolles... (Chastel. Vergier S., c.1450-1480, 86). | |
| 47 | L'autre responce lui donna : "Pourquoy laron me faiz clamer ?..." (VILLON, Test. M., 1461-1462, 32). | |
| 48 | ...ausquelz le dit seigneurs, comme debonnaire et humain, leur fist et donna responce a tout en façon telle qu'ilz se tindrent pour contens. (LA VIGNE, V.N., p.1495, 267). | |
| 49 | Cestui Baxilliz donna congnoissance aux Pheniciens d'une estoille que nous appelons Mynor Ursa, par laquelle puis adrecerent leur navigage, plus adroit que n'avoient accoustumé. (SIMON DE PHARES, Astrol., c.1494-1498, f° 40 r°). | |
| 50 | Atant l'oste s'en parti et leur donna bonne nuit, et les chevaliers se coucherent et reposerent toute la nuit. (Bérinus, II, c.1350-1370, 114). | |
| 51 | ...et la dame si lui donna bon jour et lui fist present de ce qu'elle lui ot apporté, et Aigre le reçut lieement et lui en sçut moult bon gré, et lui dist : "Madame, je vous mercie de la noble courtoisie que vous m'avez faite". (Bérinus, I, c.1350-1370, 261). | |
| 52 | Sy s'aproucha de lui et lui donna le bon jour. (Percef. III, R., t.2, c.1450 [c.1340], 370). | |
| 53 | Et donna a soupper aux dames de la ville et aux bourgois et a pluseurs gentilz hommes, chevaliers et escuiers, qui demouroient en la cité. (ARRAS, c.1392-1393, 176). | |
| 54 | Or revint nostre maistre de la messe, et fist une grand brassée a sa femme, et luy donna le bon jour (C.N.N., c.1456-1467, 369). | |
| 55 | La dame, comme courtoise, en souriant luy donna la bonne nuit (Faits Lalaing K., c.1470, 44). | |
| 56 | Et donna li papes par pluisseurs fois a diner en son palais, liquels, pour le temps dont je parole, n'estoit pas si biaus ni si raemplis de cambres et d'edefisces conme il est pour le present, les deus rois, le roi de France et le roi de Cecille. (FROISS., Chron. D., p.1400, 241). | |
| 57 | Au fort, apprez pluiseurs amiablez salutacions, le conte tira a part la damoiselle et bien luy donna de longue main a entendre comment seignourie ne pooit bonnement estre paisible sans seigneur qui la gouvernast et deffendist se besoing en estoit (Comte Artois, c.1453-1467, 64). | |
| 58 | ...neantmoins depuis ce, ledit escuier se traist par devers feu mondit seigneur et lui donna à entendre que sesdiz mandemens et lettres de cent frans pour don à lui fait comme dit est, estoient perdues (Comptes Etat bourg. M.F., t.1, 1419, 132). | |
| 59 | ...et lor donna deus disners et deus soupers moult solempnes, sus chienq jours que il furent la. (FROISS., Chron. D., p.1400, 249). | |
| 60 | Et si me donna elle entendant que elle estoit femme de bas fuer, mais la courtoisie qu'elle me fist fut si grande que je ne la pourroie oublïer toute ma vie. (Bérinus, II, c.1350-1370, 68). | |
| 61 | ...en son langage luy donna assez a cognoistre que le cueur luy tiroit fort devers Brabant. (C.N.N., c.1456-1467, 175). | |
| 62 | Si advint que renommée, qui court et vole legierement par le monde, leur donna à cognoistre que Marchomires, filz du Roy d'Austrice, estoit moult vaillant prince, et duit aux armes. (LA MARCHE, Mém., I, c.1470, 20). | |
| 63 | ...et si en vint bien moyennant la grace de Dieu, qui clerement le donna ainsi à congnoistre. (COMM., III, 1495-1498, 33). | |
| 64 | ...et le seigneur de Toulongeon donna à soupper à messire Jaques de Lalain et à plusieurs nobles hommes (LA MARCHE, Mém., II, c.1470, 169). | |
| 65 | Et convint que en sa presence Je preisse le hardement De li demander plainement Un baisier qu'elle m'y donna, Et delivré fu par cela De la mescrantise du roy. (Mir. marq. Gaudine, 1350, 154). | |
| 66 | Auquel homme, il qui parle, sans plus mot dire, donna et fery IIJ coups d'un badelare qu'il avoit pendu à sa sainture parmi le corps (Reg. crim. Chât., I, 1389-1392, 156). | |
| 67 | ...lui estant monté sur un cheval et tenant un baston en sa main (...) fery icellui Pierre d'un baston de fagot qu'il tenoit en sa main un ou plusieurs coups sur la teste, n'est record quans coups il li donna (Reg. crim. Chât., I, 1389-1392, 180). | |
| 68 | Atant l'a amené a l'aubert inelement, A mengier et a boire li donna largement (Renaut Mont. B.N. V., c.1350-1400, 444). | |
| 69 | ...sy luy donna tel cop au plus hault de son healme que tout estonné le porta ou milieu dez siens ; et ne sçavoit s'il estoit jour ou nuit tant fu adolé et mal atourné (Comte Artois, c.1453-1467, 77). | |
| 70 | Quant ledit seigneur de Saintré fut ainsin delivré, alors brocha son destrier des esperons et vint au Turcq qui tenoit la banniere, et lui donna sur le bras tel cop de son espee qu'il lui fist la baniere cheoir a terre. (LA SALE, J.S., 1456, 219). | |
| 71 | Et entre les aultres le seigneur d'Avennes chercant les rens rencontra le roy de Cordonne, auquel il donna tel coup d'un espoy qu'il avoit tolu a ung sarrasin, si que mort le fist choir par terre. (Jehan d'Avennes F., c.1465-1468, 173). | |
| 72 | Lors ot le roy grant joye, et se dreca en son seant, et print l'espee par la poingnie que Uriiens lui tendoit et lui donna la collee en disant : Ou nom de Dieu, chevalier soiez, qui vous ottroit amendement. (ARRAS, c.1392-1393, 19). | |
| 73 | Si a pris un coutel de taille, En son pis tel coup s'en donna Que tost a mort s'abandonna (CHR. PIZ., M.F., III, 1400-1403, 191). | |
| 74 | Et greva fort icelle ville et les habitans dedans, y donna et fist donner de grans et merveilleux assaulx, ausquelz il fist tuer grant nombre de gens de bien de sa compagnie, et si y perdit grant quantité d'artillerie. (LE CLERC, Interp. Roye, c.1502, 299). | |
| 75 | D'autre part la bride et la selle Laquelle tu voiz la, c'est celle De quoy Aristote le saige Fut embridé par le visaige Et sellé pardessus le doux. Tant blasma le bien d'amer doulx Et tant le desprisa, qu'Amours S'en vengea par les subtilz tours De celle la qui lui bouta La selle, puis dessus monta Et des esperons lui donna (RENÉ D'ANJOU, Cuer am. espris W., 1457, 164). | |
| 76 | Et, ainsi qu'ilz chevauchoient droit à Crathor, rencontrerent le Jouvencel, qui, tantost qu'il les advisa, donna des esperons, lui et les siens, au travers d'eux, tellement que, par la voullenté de Dieu, il les desconfit (BUEIL, I, 1461-1466, 147). | |
| 77 | Le duc de Bourgoingne veant ses ennemis et rebelles devant ses yeux, donna de l'esperon, sans aultre conseil prendre, et entra dedans le preaul. (LA MARCHE, Mém., II, c.1470, 322). | |
| 78 | Et devés savoir que à ceste cause ledit conte, rempli de ire et de mautallent, donna des esperons à son cheval et ala contre ledit homme, et tellement le hurta que il le tumba par terre. (LE CLERC, Interp. Roye, c.1502, 177). | |
| 79 | ...uns Gascons y vient, qui d'une espée large Li donna ou hatriel un tel grant desquiraige, Que par dalès le bare quéy sans arestaige. (Geste ducs Bourg. K., c.1410-1419, 559). | |
| 80 | Et lui donna l'homme du Jouvencel sur les mains tellement que la hache jusques à terre chust. (BUEIL, II, 1461-1466, 110). | |
| 81 | ...et le conte de Charrolois donna dedans, et pourta moult grant dommaige aux François (LA MARCHE, Mém., III, c.1470, 11). | |
| 82 | ...et de ce rabat ledit de Vauldrey donna de la poincte de l'estoc au bassinet de son compaignon. (LA MARCHE, Mém., I, c.1470, 330). | |
| 83 | Il ne se tourna que ung homme à pied, qui lui donna d'un voulge parmy l'estomac, et au soir s'en veit l'enseigne. (COMM., I, 1489-1491, 30). | |
| 84 | ...à ceste propre instance qu'ilz donnèrent sur nous, donna le conte de Gaiasse sur l'avengarde (COMM., III, 1495-1498, 184). | |
| 85 | ...mais au retour qu'ilz firent, et qu'ilz eurent mis les espées en leurs mains, le cheval de monseigneur le bastard donna de la teste contre la have de la selle du seigneur d'Escalles, et de ce cop ledit cheval se tua tout roide, et tomba mondit seigneur le bastard soubz son cheval, l'espée au point (LA MARCHE, Mém., III, c.1470, 52). | |
| 86 | On ne donna point l'aumosne hier, Refuz estoit portier alors, Pour mon cuer qui est en prison. (CH. D'ORLÉANS, Rond. C., 1443-1460, 442). | |
| 87 | Mais l'artillerie donna ung merveilleux travail à la descendre, tant y estoit le chemin droit et mal aisé. (COMM., III, 1495-1498, 167). | |
| 88 | Mais l'artillerie donna ung merveilleux travail à la descendre, tant y estoit le chemin droit et mal aisé. (COMM., III, 1495-1498, 167). | |
| 89 | Et donna ce jour la fontainne, tout au lonc dou jour, par les brocerons, vins blanc et vermel a tous ceuls qui en peurent ou vorrent avoir. (FROISS., Chron. D., p.1400, 93). | |
| 90 | Et pour le remede de leurs ames, l'empereur Charles donna en Arles par aulmosne douze onces d'argent et douze talans d'or, qui valloient grant somme d'or et d'argent par lors et par celluy temps. (BAGNYON, Hist. Charlem. K., c.1465-1470, 215). | |
| 91 | Il m'a autresfois dit qu'il trouva une nuyct la bastille Sainct Anthoine ouverte par la porte des champs, de nuyct, qui lui donna grand suspicion de messire Charles de Meleun, pour ce que son père tenoit la place. (COMM., I, 1489-1491, 71). | |
| 92 | ...et leur donna Dieu très longue vie comme IXcIIIIxxXIX ans à icellui Mathusallé, pour mieulx ataindre la proufondité des sciences (SIMON DE PHARES, Astrol., c.1494-1498, f° 13 r°). | |
| 93 | Aussi, comme dit est, Cassidoire dit sur le Psaultier que vanité fist devenir l'ange diable et au premier homme donna la mort et le vuida de la bieneurté qui lui estoit octroyé (LA SALE, J.S., 1456, 27). | |
| 94 | ...Morgue lui donna en le conclusïon Que de son fil aroit le dominacïon, Et dedens Faerie avroit posessïon. (Huon Bordeaux B., c.1400-1450, 36). | |
| 95 | ...et pour quoy me donna onques Dieu estre humain ? Pour trahir a mort ma tres loyalle Dame et maistresse, laquelle estoit le tresor et l'acomplicement de tous mes biens et loyaulté que Amours peureust onques amasser... ! (Chastel. Vergier S., c.1450-1480, 106). | |
| 96 | ...dont, par la grant puissance que il avoit, donna moult a souffrir au Pappe Innocent quint et a tous ceulx qui l'esglise soustenoient. (LA SALE, Salade, c.1442-1444, 171). | |
| 97 | Et par celle raison le Pere lui donna mandement de soustenir spontainnement la mort et lui donna a boire le calice de sa grant passion non point malgré lui. (CRAP., Cur Deus, De arrha B.H., c.1450-1460, 178). | |
| 98 | Vous trouvés ichi desus en ceste histore, le roi Robert de Brus d'Escoce resgnant, pere a ce roi David, que il donna moult a faire as Englois (FROISS., Chron. D., p.1400, 220). | |
| 99 | ...de toutes lesqueles choses il fu trouvé saisi, et lesqueles et chascune d'icelles, suaf lesdiz deux chapperons, lui furent monstrez en nostre presence, avec une houpelande courte, rouge, et à usaige d'omme, doublée de noir, laquele il deposant, ou jour qu'il fu emprisonné, il donna pour Dieu à un compaignon qu'il ne cognoist, qui estoit mal vestu. (Reg. crim. Chât., II, 1389-1392, 219). | |
| 100 | Cel enffant (...) ot nom (...) Olivier, et luy donna l'empereur bons manbours pour le garder (FROISS., Chron. M., XIV, c.1375-1400, 11). | |
| 101 | ...et au peuple qui demoura il donna cappitaines qui estoient populaires, pour eulx gouverner. (LA SALE, Salade, c.1442-1444, 58). | |
| 102 | Depuis, et peu de temps après, le roy delivra de prison ledict messire Jacques de Sainct Pol et luy donna des gens d'armes et bel et grant estat (COMM., II, 1489-1491, 25). | |
| 103 | Depuis, le roy, par mariage, Lui donna une belle et sage Fille, qu'il avoit, renommee, Qui estoit Lavine nommee, Mais, quant lui ot couvenanciee, Turnus, a qui ains fïanciee L'avoit, contre lui mut grant guerre, Et assembla gent de sa terre Et des autres ne sçay quans mille (CHR. PIZ., M.F., III, 1400-1403, 173). | |
| 104 | A messire Nicolle de Genville donna la contesse de Terre Noire, qui estoit fille de messire Rogier de Lorye. (LA SALE, Salade, c.1442-1444, 201). | |
| 105 | Et tant l'ama ledit Faco qu'il luy donna sa fille en mariaige nommée Sebille, dame moult devote et vertueuse. (LA MARCHE, Mém., I, c.1470, 76). | |
| 106 | Et lors que Ganor fu la venus, li soudans lui donna sa fille a femme, et fu sire du païs et elle dame. (Bérinus, I, c.1350-1370, 185). | |
| 107 | Et a messire Remond des Ursins, filz de messire Gentil des Ursins et frere du Pappe Nicolle des Ursins, qui estoit maistre justicier dudit royaume, donna a femme Madame Anastaise de Montfort, fille dudit conte, et fut intitulé conte de Nolle. (LA SALE, Salade, c.1442-1444, 201). | |
| 108 | C'est celui qui la guerre a mis A fin, qui par sa hardiesce Cinq roys paiens de grant noblesce Y prist et les en amena Et par amour les vous donna, Ce me dit on. (Mir. fille roy, c.1379, 84). | |
| 109 | ...non obstant il en y eult de prins .V. ou .VI. dez plus parans et richez de la ville de Barselonne, lesquelz furent pris par le conte d'Artois qui lez sauva de mort et en donna lez trois au conte d'Urgel et lez aultrez luy donnerent courtoise finanche pour raenchon (Comte Artois, c.1453-1467, 45). | |
| 110 | Et donna Vaspasien, emperiere de Romme, .XXX. Juifs pour un denier, en remembrance qu'ilz orent achaté le precieux corps Jhesucrist .XXX. deniers. (ARRAS, c.1392-1393, 237). | |
| 111 | Plus grant bien que l'amour de son mary pour sa grant chasteté et bonté empetra ceste dame : ce fu la grace et amour de Dieu, qu'elle ot si grandement que, nonobstant fust elle ja enviellis et brahaigne Dieu lui donna deux enffans a une ventree (CHR. PIZ., Cité dames C., c.1404-1407, 879). | |
| 112 | ...dont par ce ladicte ysle se donna au roy Pierre d'Arragon, que oncques puis la maison de France ne peult recouvrer. (LA SALE, Salade, c.1442-1444, 194). | |
| 113 | Tantost que Jason se fu retrait et il se fu couchié, lors se presenta en sa memoire le souvenir de sa dame, qui lui aluma un tel feu au ceur qu'il luy sambloit qu'il fust en une fournaise. Il se prinst lors premierement a penser a sa dame. Aprés il se donna a faire chasteaulx en Espaigne. (LEFÈVRE (R.), Hist. Jason P., c.1460, 139). | |
| 114 | ...et tout soy meisme se donna de sa propre voulenté a mort pour tout le peuple racheter. (CRAP., Cur Deus, De arrha B.H., c.1450-1460, 247). | |
| 115 | Adonc print cette femme l'instrument et s'en donna à travers le corps, et faignit ledict maistre ypocrite n'en avoir aulcune voulenté en mettant le péché sus elle. (TARDIF, Facéties Pogge M., c.1490, 26). | |
| 116 | Et lors les fist tous deux pendre, et rendy a Remondin sa terre, et lui donna la terre de Jossellin tout entierement. (ARRAS, c.1392-1393, 65). | |
| 117 | Il se donna grant merveille de ceste nouvelleté et fut moult pensif. (Ménagier Paris B.F., c.1392-1394, 114). | |
| 118 | ...et pour ceste rebellion l'empereur donna aux seigneurs, Freres de Rodes, celle isle, s'ilz la povoient conquerre. (Voy. Jérus., c.1395, 92). | |
| 119 | ...là (...) entrerent en batiaulx et vindrent tout contre val la Tamise avecques le flos, et passerent le pont. On ne s'en donna garde, car on ne savoit point riens de leur venue (FROISS., Chron. M., XIV, c.1375-1400, 64). | |
| 120 | ...sy se passa ainsy le tempz que lez jours multiplioient ; de tant plus croissoit le fruit de son ventre et avoit de trois a quatre mois, pourquoy elle pallissoit par la tendreté de sa deliee nature et perdy comme tout apetit et bien se donna garde le conte de sa maladie (Comte Artois, c.1453-1467, 137). | |
| 121 | Et ne tenoit pas li dis messires Jaquemés de Bourbon, au jour que li rois li donna la conté de Pontieu, trop grant terre, et pour ce li aucgmenta il son hiretage (FROISS., Chron. D., p.1400, 301). | |
| 122 | Et retint li dis messires Gautiers de Manni le chastiel pour li, et i establi et le donna a un sien frere chevalier, lequel on nonmoit messire Gille de Manni (FROISS., Chron. D., p.1400, 305). | |
| 123 | Et, après ledit mariage fait dudit monseigneur l'admiral, le roy lui donna le chastel et place de Usson en Auvergne, qu'on dit estre la plus forte place du royaume, avecques les cappitaineries de Honnefleu et autres places de Normandie. (ROYE, Chron. scand., I, 1460-1483, 160). | |
| 124 | Le duc Philippe donna audit bastard la conté de la Roche en Ardaine (LA MARCHE, Mém., III, c.1470, 40). | |
| 125 | Et aprés qu'il eut loué Dieu et Saint Denis, il donna toute France et la fist subjecte a Saint Denis et a son eglise prés de Paris, ainssy comme saint Pol l'apostre et saint Clement pape avoyent fait le temps passé. (BAGNYON, Hist. Charlem. K., c.1465-1470, 215). | |
| 126 | Et croy qu'on trouvera sanz faulte Que leur prouece fu plus haulte Et plus leur donna grant loenge. (CHR. PIZ., Chem. estude P., 1402-1403, 163). | |
| 127 | Li rois riches dons li donna Et maistre et signeur l'ordonna Et fist de toutes les provinces Sus les sages et sus les princes De son païs de Babiloine. (MACH., C. ami, 1357, 18). | |
| 128 | ...ce conte fist et donna aux chevaliers et aux escuiers du duc biaux dons (FROISS., Chron. M., XIV, c.1375-1400, 127). | |
| 129 | ...li bons apostoles (...) Lui donna eveschie et mist en sa baillie (Renaut Mont. B.L. V., c.1350-1400, 18). | |
| 130 | Et bailla aus senateurs les lois a garder, et au peuple donna pooir de eslire les senateurs. (FOUL., Policrat., IV, 1372, 55). | |
| 131 | Romulus a Romme ordonna Cent senateurs et leur donna Le gouvernement de la ville En conseil, et toute civille Cause et toute autre gouvernance, Et establi mainte ordonnance Belle, notable et de grant pris, Car moult fu sage et bien appris (CHR. PIZ., M.F., III, 1400-1403, 186). | |
| 132 | ...le Roy, avant qu'il alast à sa messe ne qu'il disnast, ly donna ladicte cure de S. Thomas (BAYE, II, 1411-1417, 275). | |
| 133 | ...et incontinent après donna à maistre Phelippe du Drac l'office de conseillier du Roy ou Chastellet, vacant par ladicte promocion et provision dudit maistre Jehan Queniat. (FAUQ., II, 1421-1430, 219). | |
| 134 | Et donna le duc moult de beaulx dons. (ARRAS, c.1392-1393, 170). | |
| 135 | Et tant lui fust loyal et obeïssant que elle, après la mort umbreuse et obscure dudit grant seneschal, elle mist sus ledit seigneur roy comme son obeïssant filz et lui donna le baston du royaume et le manda en ost, a grant excercité de gens d'armes, sur le prince de Tarente, filz dudit messire Remond des Ursins, son rebelle, tenant le party dudit roy d'Arragon. (LA SALE, Salade, c.1442-1444, 198). | |
| 136 | Et donna le roy la pluspart des offices de ladicte duchié et y fist tous nouveaulx officiers. (ROYE, Chron. scand., I, 1460-1483, 152). | |
| 137 | En ce temps, le roy, qui ainsi avoit desappoincté ledit seigneur de la Borde de ladicte cappitainerie de la Bastide Saint-Anthoine, donna ladicte cappitainerie au seigneur de Blot, seneschal de Bourbonnois, que on disoit estre homme de grant conduicte. (ROYE, Chron. scand., I, 1460-1483, 159). | |
| 138 | Et aucunement en toucherent audit cappitaine de Crathor touchant celle charge qu'il vouloit bailler au Jouvencel ; et lui donna charge de lui en parler, dont le cappitaine fut bien aise ; car il le aymoit comme son enfant. (BUEIL, II, 1461-1466, 4). | |
| 139 | Ce ne fut pas l'intencion de Dieu, quand il institua les nobles et l'estat de chevalerie et leur donna dominacion sur le peuple, qu'ilz le deussent tyranniser ne piller, mais pour les conserver en paix, pour faire à chascun justice, pour milliter et deffendre le peuple, et doivent vivre selon la loy à eux donnée par monseigneur sainct Jehan-Baptiste, laquelle est escript en sainct Luc, en son livre ou tiers chappitre, qu'ilz doivent estre contens de leurs gaiges et à nully ne doivent porter tort ne faire aucun dommage ou injure. (BUEIL, II, 1461-1466, 73). | |
| 140 | Et a ceste heure, il donna la capitenerie de Rubie au neveu de la dame de Goderes, nommé messire Eglantier. (Charles de Hongrie C., c.1495-1498, 169). | |
| 141 | Et, après le decès dudit Charles d'Amboise, le roy donna à Mons. de Baudricourt le gouvernement de Champaigne et bailla la charge que ledit seigneur de Baudricourt avoit d'Arras à messire Olivier Coymen, gouverneur d'Aucerre, ayant charge de cent lances. (LE CLERC, Interp. Roye, c.1502, 397). | |
|
