| 63 exemples | | 1 | La premiere maniere [de voir] se fait par lignes droites venans de la veue a la chose visible onniement, et droit tousdiz continuees sans estre aucunement doublees ne ploiees (EVR. CONTY, Eschez amour. mor. G.-T.R., c.1400, 703). | |
| 2 | Et (...) fut condempné à faire le butin bon à tous. Ce qu'il avoit gaigné se pouvoit monter à deux mille escuz ; et fallut qu'il les doublast cincq foys et qu'il aportast ces deux mille escuz à tous les butins, où il s'estoit abutiné. Ainsi se monta à la somme de X mille escus qu'il fut contraint de faire bonne. (BUEIL, II, 1461-1466, 96). | |
| 3 | Et cils Dous Regars en li double S'amour et son voloir adouble. (MACH., D. verg., a.1340, 35). | |
| 4 | Mais Amours ma joie doubla Plus de cent fois la proprement, Sans faire nul departement... (MACH., D. Aler., a.1349, 393). | |
| 5 | Et pour ce nous convient entendre A doubler la poinne a ces las. (Jour Jug. R., c.1380-1400, 255). | |
| 6 | ...et qui en celle entencion le fait double son merite et fait bien. (CHR. PIZ., Trois vertus W.H., c.1405, 67). | |
| 7 | Joie doublée Doit estre en nous, seurs et amies, Alons ent joieuses et lies Vers les apostles sans tarder. (MARCADÉ, Myst. Pass. Arras R., a.1440, 255). | |
| 8 | ...il [Végèce] dit qu'on doit donner lieu à son ennemy en ce cas pour s'en aller [en cas d'assaut contre une place forte], se bon lui semble ; car le tenir enclotz lui pourroit doubler force pour ce que espoir n'auroit de povoir fuir, se besoing lui estoit. (BUEIL, II, 1461-1466, 54). | |
| 9 | J'estoye cy venu pour vous dire Par mon ame, vecy pour rire, J'ay l'entendement partroublé, Se j'avoye beau coup doublé, Je seroye riche marchant, Ha seurement g'iroye marchant Parmy les rues de Paris, Faisant monsieur du gros bis, Fouré de robes de regnars, Comme font ung tas de cornars Qui n'ont vaillant ung seul denier, Ilz la doybvent au peletier, Mais cela ce n'est que du moins. (S. fol, c.1480-1490, 7). | |
| 10 | Juge je te dis tout en somme Que se cent fois tu me doublois Tous ces tormans et les mettois Tout autour de moy a la touche Que le roy jhesus de ma bouche Ne de mon cueur tu n'ousteras (OUDIN, St Genis M.S., c.1490, 91). | |
| 11 | LA DAME. (...) Certes vostre pelerinage A grant douleur vous tournera, Mais encore vous doublera La douleur, quant vous orrez dire La mort amere et le martire Qu'a souffrir pour ce fait attens (Mir. enf. ress., 1353, 41). | |
| 12 | NOSTRE DAME. (...) Dieu (...) telle joie te donrra, Qui contre ton duel doublera Pour tout certain. (Mir. enf. ress., 1353, 64). | |
| 13 | Et sil est impar si double le denominateur, il sera fait (NIC. CHUQUET, Triparty M., 1484, I, 611). | |
| 14 | Mais or double ci ma tristesce Quant te voy morte. (Mir. Theod., 1357, 127). | |
| 15 | Et là fist grant fuison d'armes, car il estoit bons chevaliers, hardis et entreprendans ; et ossi son hardement li estoit doublés pour le cause de son frère que il voloit contrevengier. (FROISS., Chron. L., IV, c.1375-1400, 120). | |
| 16 | Dont ma joie est si doublée Que tous maus oubly. (MACH., Ch. bal., 1377, 631). | |
| 17 | Helas ! dolans, c'est ce qui me desvoie Et qui me fait dou tout desconforter ; Car li pensers fait ma doleur doubler, Et mon desir croistre en ardeur qui dure... (MACH., L. dames, 1377, 58). | |
| 18 | Le desir qu'ay de vous veoir double y, Amis, comment que m'aiés en oubli. (MACH., L. dames, 1377, 202). | |
| 19 | Car se j'estoie devant Fin amant, Cent fois iert m'amour doublée (MACH., L. dames, 1377, 98). | |
| 20 | Dont vraie amour en moy s'avive et double. (MACH., L. dames, 1377, 202). | |
| 21 | Quant j'y pense à recelée, Ma joie est renouvelée, Et .CM. fois doublée L'amour qu'en li ay... (MACH., Les lays, 1377, 347). | |
| 22 | Pour quoy ne sui je ad ce née Qu'avec toi, sans dessevrée, Fusse, dous amis ! Bien seroit mon dueil remis Et ma grant joie doublée... (MACH., Les lays, 1377, 445). | |
| 23 | Lors leur doubleroit leur peine, car qui n'apprendra son mestier de jeunesce, c'est fort qu'il en soit ja ouvrier. (ARRAS, c.1392-1393, 156). | |
| 24 | ...je sui congnoissans Que dedans li [la Vierge] voult substance doubler ; Car parfait Dieu et vrai homme sanz per L'enfenta entiére et saine (Mir. st J. Paulu, c.1372, 147). | |
| 25 | ...mais il est bien raison que les subgiéz facent de ce tres grant joye et feste et qu'ilz s'en tiennent bien honnouréz, et en doit doubler en eulx leur amour et loiaulté tant que plus de doulceur y treuvent. (CHR. PIZ., Trois vertus W.H., c.1405, 71). | |
| 26 | Je pense qu'assez tost venra, J'ay desir et affection De le veoir, lors doublera Ma grande jubilation, Car c'est la consolation De tout le peuple d'Israel, Venu pour la redemption D'humaine procreation (MARCADÉ, Myst. Pass. Arras R., a.1440, 51). | |
| 27 | Neantmoins ceste prison lui tourna puis à grant prouffit, grant honneur et haulte renommée, combien qu'il y fut par l'espace de sept ans. Mais ce pendant son couraige doubla, sa force augmenta et cellui qui le persecuta, eut grandement à faire de son ayde. (BUEIL, I, 1461-1466, 76). | |
| 28 | Celui Antheus estoit, selon le dit d'aucuns, fée en maniere que quant il tunboit à terre, sa force doubloit. (SIMON DE PHARES, Astrol., c.1494-1498, f° 26 r°). | |
| 29 | Aucuns autres dient qu'il estoit grant praticien en geomance, qui signiffie la terre, et quant en venoit pour en disputer, il doubloit de sapience sur Herculles. (SIMON DE PHARES, Astrol., c.1494-1498, f° 26 r°). | |
| 30 | Pour parchemin, escripre et doubler les comptes des impositions de la chastellerie de Brethueil pour IIII années, lesquelles Jehan Brice, receveur du lieu, a rendus à Messeigneurs des comptes (Compte Navarre I.P., 1367-1371, 393). | |
| 31 | Guillaume Perdrier, maistre de la Chambre aux deniers, pour despenz de II clers qui ont escript, doublé, triplé et collationné les comptes et debtes de l'Ostel du Roy par IX mois en ce terme (Comptes hôtel rois Fr. D.-A., 1380-1381, 39). | |
| 32 | Aultres mises : (...) Item, pour le salaire des dis commis pour avoir vacquié aux choses dessus dictes (...) Item, pour escrire et doubler ces presens comptes (Invent. test. beauv. L., 1401, 63). | |
| 33 | Pour ce present compte grossoier et doubler deux fois en parchemin, et pour parchemin à ce faire, contenant en tout, y comprins le double, 124 feuillez, 2 s. p. pour feuillet, pour ce 12 l. 8 s. p. (Comptes Paris V.L.D., t.1, 1427-1428, 178). | |
| 34 | ...avoir doublé unes lettres closes de longue escripture que messieurs les gouverneur et receveur generaulx des finances de mondit seigneur le Duc escripvoient à mesdis seigneurs du Conseil et des Comptes, (...) lequel double fut envoié (Ecorch. Ch. VII, T., 1444-1451, 53). | |
| 35 | La nuit ot plus de mil pensées, Par cinq cent mille fois doublées. (MACH., J. R. Nav., 1349, 250). | |
| 36 | ...pour avoir escript et grossé le testament du dict deffunct soubz le scel aux causes de la dicte eglise, minué, grossé et doublé ces presens comptes et l'inventoire qui fait a esté des biens meubles du dict deffunct (Invent. test. beauv. L., 1452, 85). | |
| 37 | ...quant les aurez fait doubler, ainsi que l'escrivons audict evesque, luy ferez randre et retourner son original. (Lettres Ch. VIII, P., t.3, 1491, 179). | |
| 38 | ...Jehan Columbel, choriste de nostre église collegial de la Magdalaine de Vitré, la somme de cent solz, monnoye qui luy a esté ordonnée pour ses vacacions et paines qu'il a eues de doubler et escripre le nombre de quatre vingts dix rolles du mistère de la Passion Nostre Seigneur Jhesu Crist (Cartul. Laval B., t.3, 1493, 375). | |
| 39 | ...cinc aunes d'un autre drap meslé de grainne, (...) pour doubler ledit manteaul. (...) Item, pour doubler un chaperon de violete de graine pour nous (...). Item, pour six aunes de vert meslé pour partir encontre (...). Item, pour six aunes pour un manteaul double pour nous à vestir sus notre arnois (Hist. industr. drapière Flandre E.P., t.3, 1338, 295). | |
| 40 | ...pour cendal à doubler la couverture du messel du Roy, et pour doubler et broder ycelle avecques la soie qui y convenoit (Comptes argent. rois Fr. D.-A., I, 1359-1360, 224). | |
| 41 | ...IIJ aulnes d'escarlate de Bruxelles, de grant moison, toute preste (...) pour doubler quatre petiz pourpoins de toille de Reims pour lesdiz seigneurs. (Comptes argent. rois Fr. D.-A., II, 1387, 121). | |
| 42 | ...une coste simple, faicte de une aulne d'iraigne (...) laquelle a esté doublée de toille, et garnie de coton. (Comptes argent. rois Fr. D.-A., II, 1387, 295). | |
| 43 | ...une autre houpelande de pers cler sengle, longues jusques environ les genoulx (...) laquelle avoit esté doublée de sarge vermeille, si comme il apparoit aus fermeilleres d'icelle houpelande (Reg. crim. Chât., I, 1389-1392, 120). | |
| 44 | Pour trois pieces et demie de satin vermeil dont on a fait pour mondit seigneur trois estandars et pour doubler une jaquette à grans manches ouvertes pour ledit conte de Saint Pol (Comptes Etat bourg. M.F., t.1, 1419, 83). | |
| 45 | ...pour 10 aulnes de blanchet pour doubler lesdictes robes à 10 solz l'aulne, sont 6 frans 4 solz parisis (Comptes Etat bourg. M.F., t.1, 1420, 426). | |
| 46 | Et pour ce est ceste consonancie bisdyapason appellee, c'est a dire dyapason doublee, et c'est ce que les musiciens appellent communement double sus double. (EVR. CONTY, Harm. sphères H.P.-H., c.1400, 47). | |
| 47 | Or ça, mon ami, je veul que vous aiez deux autres robes, dont l'une sera de fine brunecte se [l. de] Saint Lo, qui sera fourree de martres, et l'autre sera d'un fin gris de Monstierviller, qui sera doublé d'un fin blanchet (LA SALE, J.S., 1456, 58). | |
| 48 | LE ROY. Tu qui as ce doublet pourpoint, Vaz bien tost mon seneschal dire Qu'a moy viengne (Mir. fille roy Hongrie, c.1371, 21). | |
| 49 | ...un mantel doublé de pers et de mourée. (Reg. crim. Chât., I, 1389-1392, 28). | |
| 50 | ...un chapperon gris doublé de sanguine (Reg. crim. Chât., I, 1389-1392, 29). | |
| 51 | ...une houpelande courte de drap vert, doublée ou fourrée de penne noire (Reg. crim. Chât., II, 1389-1392, 372). | |
| 52 | Item, une viese houppelande a chevaucher, doublé de II. draps (...) Item, un court mantel a chevaucher, doublé de II. draps (...) Item, une barrette vermeille noeve (Invent. test. beauv. L., 1397, 46). | |
| 53 | Samedi, XVIJe jour de ce mois, Guillaume de la Heuce s'est constitué acheteur d'une hopellande à usage de femme, de drap vert, doublée de cendail noir (FAUQ., II, 1421-1430, 346). | |
| 54 | Et estoit ledit monseigneur le connestable vestu et habillé d'une cape de camelot, doublée de veloux noir, dedens laquelle il estoit fort embrunché ; et estoit monté sur ung petit cheval bayart à cours crins, et en ses mains avoit unes moufles fort velues. (ROYE, Chron. scand., I, 1460-1483, 350). | |
| 55 | Une chambre de tappisserie d'Arras dont lé trois pièces, c'est assoir ciel, docier et couverture pour le lit, sont de soye d'or et d'argent de Cypre (...) doublez de toille tainte d'azur. (Ch. VI, D., t.2, 1418, 300). | |
| 56 | Le second point aprés, c'est quant elle se veult en amours emploier et que elle est de tous poins a ce determinee que elle se doit entierement donner, et son cuer et s'amour en un tout seul lieu mectre, sans doubler et sans vendre. (EVR. CONTY, Eschez amour. mor. G.-T.R., c.1400, 683). | |
| 57 | ...les dis escuiers, meuz de mauvaiz esperit, disans "i es-tu de sa compaingnie ?" firent très grant villenie au dit Lambert et le batirent moult villainnement, et l'eussent tué, ce ne fust son mantel qui doubla sur sa teste (Doc. Poitou G., t.3, 1350, 11). | |
| 58 | Sachiez que homme qui se double en mariage est inhabile de parvenir a aucune dignité. (Ev. Quen., I, c.1466-1474, 86). | |
| 59 | Estrange toy de cellui qui double ses parolles et enlaxe cellui qui lui preste ses oreilles ; car ses piez vont courant a la mort et jusques en enfer ses voyes sont adroissees. (MÉZIÈRES, Songe vieil pèl. C., t.2, c.1386-1389, 160). | |
| 60 | Et en françois l'en dit de telz genz que ilz sont trop doublés. (ORESME, E.A.C., c.1370, 389). | |
| 61 | Après, s'elle [Fortune] a sa face double, Qui en fait et en dit se double, Tourné vers toy a meins dou quart Et fait de travers un regart, T'en faut il einsi dementer, Pleindre, plourer et tourmenter ? (MACH., R. Fort., c.1341, 99). | |
| 62 | [Ces Flamands] furent requelliet de ces longhes glaves as fers trenchans et afillés de Bourdiaux, et les mailles de leurs cotes ne leur duroient non plus que toille doublée en trois doubles. (FROISS., Chron. R., XI, c.1375-1400, 22). | |
| 63 | Aval devers senestre est l'espee devalee, Le pan de son haubert, dont la maille est doublee, Lui trencha sus la hanche (Galien D.B., c.1400-1500, 115). | |
|
