| 83 exemples | | 1 | Je sui sain et haitié com poisson en marine. - Non estes, dist Maugis, mais vo mal determine. (Renaut Mont. B.N. V., c.1350-1400, 459). | |
| 2 | Vous faicte, dame, pechiers grant, De vous ainssy determiner. Vous deustes ung po confourté Mon seignieur, et vous le gasté ! (Myst. st Bern. Menth. L., c.1450, 91). | |
| 3 | Il est vrais que li trés gentis Espriviers nobles et faitis Vuet estre portez et tenus Et courtoisement maintenus Et a heures determinées Qui y sont toutes ordenées. (MACH., D. Aler., a.1349, 253). | |
| 4 | ...les festes des sains qui viennent chacun an et a jour determiné (C.N.N., c.1456-1467, 512). | |
| 5 | Vrayement, dist le Jouvencel, cappitaine, c'est très bien advisé. Mais il faut que vous determinez le jour que ce sera, avant qu'on le leur voise dire. (BUEIL, I, 1461-1466, 82). | |
| 6 | ...pour oyr ladite sentence que devoient déterminer les dessusdiz. (MONSTRELET, Chron. D.-A., t.1, c.1425-1440, 373). | |
| 7 | Et certes Pictagoras fu de si grant auctorité entre les philosophes que il souffisoit a la decision et determinacion de toutes questions se il estoit pour aucune partie, pour ce que l'en tenoit si grant opinion de lui que il n'estoit riens qui peust encontre sa diffinicion et sa conclusion quant l'en disoit que Pictagoras l'avoit determiné. (FOUL., Policrat. B., V, 1372, 386). | |
| 8 | Affin que soit determinee Ma cause, vous commanderez A ung sergent tel que voulrez, Qu'il viengne adjourner une femme. (LA VIGNE, S.M., 1496, 511). | |
| 9 | Meditacion est une determinee cogitacion par laquelle on quiert la maniere, la cause, la raison et condicion de la chose a quoy on pense. (CIB., p.1451, 182). | |
| 10 | ...ung conseillier doit (...) determiner les choses confuses (JUV. URS., Verba, 1452, 314). | |
| 11 | Et aucune chose est en lieu diffinitivement et non par circonscription mesurable comme l'esperit angelique, qui selon sa nature est creature finie aiant vertu et pouoir determiné. Aucune chose n'est en lieu ne par circonscription, ne par diffinition comme Dieu. Et la cause si est, car pas il n'est individué, c'est a dire determiné ou singularisié, par matere comme les corps et les choses corporeles, ne par suppost comme l'angele. (Somme abr., c.1477-1481, 137). | |
| 12 | Par les escriptures troeve on le memore des bons et des vaillans hommes de jadis, si com les neuf preus (...) les douze pers de France (...) et ensi de tous les autres que je ne puis mies tous nommer, ne determiner leurs biens fais ne ramentevoir. (FROISS., Chron. L., I, c.1375-1400, 5). | |
| 13 | ...vous avez vostre meffait (...) determiné, Voire et a fin pieça mené. (Mir. mère pape, c.1355, 360). | |
| 14 | Si (...) parlerai de monsigneur Charlon de Blois, qui devoit avoir la ducée de Bretagne de par sa femme, ensi que vous avés oy determiner par devant. (FROISS., Chron. L., II, c.1375-1400, 102). | |
| 15 | ...qant les raisons seront esclarcies et determinees, la ou lieu ou elles le doient estre, c'est a Paris devant le roi de France et les douse pers (...) je ouverai le chastiel de Brest, et jusques adont, non. (FROISS., Chron. D., p.1400, 469). | |
| 16 | En ce temps et en ce termine, Si com l'escript le determine, Fu Job, le pacient preudomme (CHR. PIZ., M.F., II, 1400-1403, 281). | |
| 17 | La première partie de ce present traictié suffisamment deduite et determinée, en laquelle est determiné et touché le gouvernement du Jouvencel, en tant qu'il concerne sa personne tant seullement et de ses compaignons (...) il nous fault venir à la seconde partie, qui touchera et traictera le gouvernement yconomique (BUEIL, I, 1461-1466, 57). | |
| 18 | Ci vueil de Guillaume finer Et la cause determiner Pour quoy a parler de lui pris (MACH., D. Aler., a.1349, 317). | |
| 19 | Et ce qui meust tele chose legiere ou pesante, ce est ce qui la fait ou commencement ; et aucune fois est ce qui oste l'empeeschement, ou la chose qui la fait retorner ou resortir ou rebondir, si comme il fu dit es premiers paroles ou nous determinasmes que rien de telles choses ne meust soy meisme. (ORESME, C.M., c.1377, 684). | |
| 20 | Donques celle auctorité ne fait rien a nostre propos, car saint Augustin meismes determine qu'elle est ja en gloire, en ame et en corps, avesques son benoit Filz. (Songe verg. S., t.2, 1378, 258). | |
| 21 | SAINT JEAN BAPTISTE. Bien volz jadis determiner, Quant les Juïfz m'interroguerent De mon baptesme et qu'il doubterent Par folye qui les surprist, Que moy mesmes ne feusse Crist. (Myst. Pass. Troyes B., a.1482, 1015). | |
| 22 | Pour ces raisons vous determine Que Bonneürtez dou tout passe Toutes roynes et trespasse. (MACH., J. R. Nav., 1349, 280). | |
| 23 | Mais encore ne peust l'en dire que chose pesante soit composee de parties integrales qui ne sont pesantes, car il convendroit que ceulz qui ce dient, se il ne vouloient faire fiction, determinassent quans poins font pesanteur et quans non. (ORESME, C.M., c.1377, 594). | |
| 24 | ...Puisque ta maladie infecte Est de tous poins determinee Et est ta charnure reffaicte (LA VIGNE, S.M., 1496, 465). | |
| 25 | Je n'en dois pas determiner, Quart a pluseurs pourroit desplaire. (DUPIN, Mélanc. L., c.1324-1340, 81). | |
| 26 | Cy commence le secunt livre Du Ciel et du monde ouquel il determine des corps meus circulairement, c'est a savoir du ciel et de ses parties (ORESME, C.M., c.1377, 266). | |
| 27 | Prophetisant du temps futur, David chanta a voix haultaine Que ceste nuyt de joye plaine Seroit, par raison ordonnee, Comme ung beau jour enluminee. Or la vouldray enluminer Et a mon filz determiner D'anges par exultacion, Tout pour sa resurrection Qui en elle sera parfaicte Selon la lettre du prophette Qui de bon cueur la devisa. (Myst. Pass. Troyes B., a.1482, 828). | |
| 28 | JUPITER. Mais soit exempt De mort, et vive en bonne mode Sans abreger le periode Que nature luy determine. (Cene dieux, c.1492, 113). | |
| 29 | Comment estes vous sy osé, Juys de rude congnoissance De pechier quant la terminance De celui fait déterminer A dampnable fin terminer ? (MARCADÉ, Myst. Pass. Arras R., a.1440, 76). | |
| 30 | Elle donques venue, se ala seoir ou siege a ce determiné et aprés scilence faitte des assistentes, commença pour son theume et premier chapitre en ceste maniere. (Ev. Quen., I, c.1466-1474, 95). | |
| 31 | Toutesvoies Aristote ne dit pas ceci en determinant, mais tant seulement en argüant. (ORESME, E.A.C., c.1370, 131). | |
| 32 | ...et ne di riens ci en determinant, mais par maniere de persuasion... (JEAN GOLEIN, Rational B.D., c.1370-1372, 537). | |
| 33 | "Si vault trop mieux que nous nos delivrons de entrer au plus brief que nous poons en Flandres, que longhement determiner, et enprendons de fait et de bon corage le chemin de Commines ; Dieux nous aidera." (FROISS., Chron. R., XI, c.1375-1400, 4). | |
| 34 | Item, ou ceulz qui sunt institués sunt pris ou entre tous, ou il sunt pris d'aucuns determinés, si comme de ceulz qui sunt de honorableté en estat ou en richeces, ou de ceulz qui sunt de noble lignage, ou de ceulz qui sunt vertueus ou pour aucune tele chose. (ORESME, Pol. Arist. M., c.1372-1374, 198). | |
| 35 | Je sens mon cuer sain et entier, Et sens que j'ay determiné De mon mal si qu'il est finé (Mir. emper. Romme, 1369, 262). | |
| 36 | Ma dame, tout premierement Vous dirai le commencement, L'estat, le fons et la racine Qui la verité determine De ce que vous me demandez, Puis que vous le me commandez. (MACH., R. Fort., c.1341, 131). | |
| 37 | Au tiers, ou fu dit que les choses naturelles sont determinees en quantité, je di que elles sont en ce monde determinees a une quantité ou a aucuns termes, et en un autre monde elles seroient determinees a autres ; quar grant et petit, comme dit est, sont nons relatis et ne sont pas variacion ou difference en espesce. (ORESME, C.M., c.1377, 170). | |
| 38 | Item, les bestes ensuivent tant seulement inclinacion naturele qui est determinee a une chose. (ORESME, E.A.C., c.1370, 513). | |
| 39 | Car santé est determinee selon nature en proportion de humeurs, mes richeces ce est une chose indeterminee. (ORESME, Pol. Arist. M., c.1372-1374, 65). | |
| 40 | Mais la balance juste et fine Clerement moustre et determine Que tu es cils qui meins y a Pour l'orgueil qui te conchia Et conchie de jour en jour, Quant en toy fait si lonc sejour, Qui ne puet nullement souffrir Que tu ailles ton cuer offrir Au vray dieu qui fist tout le monde. (MACH., C. ami, 1357, 33). | |
| 41 | Une cantique determine Que jadis, par vertu divine, Uns homs en desconfissoit mille, Et IJ. en chassoient X. mille. (MACH., P. Alex., p.1369, 66). | |
| 42 | Item, il semble que tous corps simples ou elemens soient figurés selon la figure du lieu qui les contient, et meismement ce voions nous de l'eaue et de le aer. Et donques est ce impossible que tel corps de element se determine propre figure, car, se ainsi estoit, il ne se conformeroit pas du tout a la figure de la chose ou du vaiseau qui le contient. (ORESME, C.M., c.1377, 642). | |
| 43 | Se dont aiant regard a Dieu, ce mot ou diction "necessaire" determine le mot du subject, adont l'oration comme bien et deuement ordonnee est, comme il apartient et est en sens compost et vraie (...). Mais se ladicte oroison se partist et divise de ladicte situation et plus au contraire telement que la diction "necessario" determine le mot ou le terme du predicat, ladicte proposition est divisee, c'est a dire de sens divis, et est faulse. (Somme abr., c.1477-1481, 169). | |
| 44 | Et dient que tous noz affaires Si sont par force nécessaires Pour la prescience divine, Laquelle ainsi les détermine, Maiz n'est pas ainsi, sauf leur grâce. (LA HAYE, P. peste, 1426, 69). | |
| 45 | Et pour ce que la fin de ce Parlement s'aprouche fort et que ce dedans icelluy il n'est jugé et determiné (Lettres Ch. VIII, P., t.3, 1490, 93). | |
| 46 | Toutesfois oultre les raisons des nocumens dessudittes sont aultres raisons plus efficases. La cause du premier nocument, c'est assavoir des fievres, aulcunefois putrides, aulcunefois esfimere : La fievre esfimere est engendree par vapeurs et fumees fuligineuse retenuees par le repos aprés disner, lesquelles le veillier avoit acoustumé de determiner (Rég. santé corps C., 1480, 7). | |
| 47 | ...quant Pylate (...) l'eust determiné et baillié pour mourir en la croix... (FOUL., Policrat. B., II, 1372, 145). | |
| 48 | ...chascun et touz ensemble De leurs temps renderont raison. Il y fauldra bien grant saison A desterminer de chascun. (Mir. st Ign., 1366, 76). | |
| 49 | Tu es celle qui les cuers examine Et, comme l'or ou croisel, les affine En loyaulté par ton humble souffrance ; Et qui a toy s'asseure et determine, Tu le ressours quant il fault et decline Et lui donnes confort et soustenance. (CHART., B. Nobles, c.1424, 408). | |
| 50 | Tu vins du hault firmament Pour donner soullegement A humain entendement, Et oster l'empechement Du charnel encombrement Qui trouble le jugement Par son imperfection Et met son entention En argumentation Plaine de deception. Mais ta grant perfection, Surmontant opinion, Donne ferme adhesion, Dont le cueur se determine A Dieu qui tout examine (CHART., L. Esp., c.1429-1430, 29). | |
| 51 | Ceste cose ne fu pas sitos determinee, car pluiseur cler varioient ; mais finablement tout li prelat de France s'enclinoient à Clement. (FROISS., Chron. R., IX, c.1375-1400, 146). | |
| 52 | Et sy sui quoy qu'on determine Ne quelque charge qu'on me donne, Filz de Dieu, seconde personne De la Trinité des haulx cieulx. (MARCADÉ, Myst. Pass. Arras R., a.1440, 126). | |
| 53 | ...et peult on respondre peremptoirement que la chose fut jugee, decidee et determinee des la mort du dit roy Loys (JUV. URS., T. crest., c.1446, 46). | |
| 54 | Pas ne m'en tairé non si Se la chose publicque vrayement Se porte mal, comme en vont cy Et va si tres mauvaisement, Suppostz, toy tout premierement L'Affineur et toy, Fine Myne, Et Parrocquet semblablement, Escoutez que je determine. (Sots mal., c.1480, 89). | |
| 55 | Si que nous fumes en acort Devant les dieus que ce descort, Pour apaisier tous nos debas, Fust en toy de haut et de bas. Si faut que tu [Pâris] en determines Et que ceste querelle fines. Mais ne feras pas encor fin Ou don de la pomme d'or fin, C'un petit te vueil sermonner. (MACH., F. am., c.1361, 216). | |
| 56 | Ensi en voloit cescune des parties avoir à soy et attribuer l'onneur. Si en poés determiner entre vous, qui oy les fais avés et qui les sentés, ce qu'il vous en samble. (FROISS., Chron. L., II, c.1375-1400, 84). | |
| 57 | Dieu, qui tesmoigne loyaltey, Nous a pieça determinez, Comme veritey regnera. (DUPIN, Mélanc. L., c.1324-1340, 173). | |
| 58 | "Par sentence diffinitive pape Urbain Ve, en concitoire general, en determina et condempna le chevalier et juga le clerc en son droit." (FROISS., Chron. M., XII, c.1375-1400, 173). | |
| 59 | Quant la congnoissance vint (...) au roy Charles (...) du different de ces papes, il (...) s'en mist sus son clergié. Les clercs de France en determinerent et prinrent le pape Clement pour la plus saine partie. (FROISS., Chron. M., XII, c.1375-1400, 228). | |
| 60 | ...finablement (...) il fu determinet dou desploiier [l'oriflamme], pour la cause de ce que li Flamenc tenoient celle oppinion contraire dou pappe Clement et se nommoient en creance Urbanistre. (FROISS., Chron. R., XI, c.1375-1400, 52). | |
| 61 | Mercurius, qui leur descort Sot, les deesses y mena, Et Paaris en determina, Qui lors yert bergier mescongneu. (CHR. PIZ., Chem. estude P., 1402-1403, 262). | |
| 62 | ...et a defendu la Court audit abbé qu'il ne procede à sentence diffinitive jusques à ce que la Court ait determiné du delict privilegié (BAYE, II, 1411-1417, 276). | |
| 63 | ...le premier reffuge est retourner à Dieu et penser si en riens on l'a offensé et se humilier devant luy et congnoistre ses mesfaictz, car c'est luy qui determine de telz procès sans ce qu'on luy puisse proposer nulle erreur. (COMM., II, 1489-1491, 130). | |
| 64 | ...[la dame] conclut et determina d'envoier sa petite meschinette devers luy [le clerc]. (C.N.N., c.1456-1467, 570). | |
| 65 | ...le Conseil du Roy n'estoit point determiné ne deliberé de si tost proceder à la declaracion sur l'obeissance dudit esleu en Pape (FAUQ., I, 1417-1420, 112). | |
| 66 | ...et la fu en prieres si longuement que Medee s'en commença a anuyer, car elle desiroit moult de parler a lui [Jason], comme celle qui determinee estoit de lui saulver la vie. (LEFèVRE (R.), Hist. Jason P., c.1460, 196). | |
| 67 | Mais pluseurs fois ymaginai En mon cuer et determinai Que je penroie un homme estrange Et de nous .II. feroie change (MACH., Voir, 1364, 206). | |
| 68 | Aprés il determine la verité de ceste question. (ORESME, E.A.C., c.1370, 530). | |
| 69 | Si qu'en son cuer determina Finablement et ordonna Qu'en la court le roy d'Engleterre, De qui, je croy, qu'il tient sa terre, Mettroit à fin ceste besongne. (MACH., P. Alex., p.1369, 227). | |
| 70 | Si puis bien determiner En mon lay, que vueil finer, Qu'amans en tourment De desir, qui durement Le scet dementer... (MACH., Les lays, 1377, 388). | |
| 71 | ...le roy de Portingal (...) mist son conseil ensamble, et là fu determiné que maistre Alphonse Vretat (...) feroit armer et appareillier VI. galées (FROISS., Chron. M., XII, c.1375-1400, 296). | |
| 72 | A ce parlement qui se tint a Villevort, fu acordé et determiné, juret, escript et seelé que les trois pais, c'est assavoir Flandres, Braibans et Hainnau, faisoient certainnes aliances ensamble (FROISS., Chron. D., p.1400, 415). | |
| 73 | Il semble aussi que vous teniez desja decidé et determiné que (...) ce sont abus et entreprinses contre la jurisdiction temporelle (JUV. URS., Verba, 1452, 372). | |
| 74 | Li bons rois qui si sagement Saveroit oïr et entendre, Faire a point, et puis raison rendre, Quant il averoit escouté Ce qu'on li averoit compté ; Bien saveroit examiner Et encor mieus determiner. Et si croy bien qu'il jugeroit Selonc les parlers qu'il orroit. (MACH., J. R. Nav., 1349, 184). | |
| 75 | Je respon au premier et di que un ange ne pourroit mouvoir se meisme ou le ciel selon tout son povoir ou vertu, mes convient par neccessité que il se determine par sa volenté a certainne isnelleté, aussi comme une vertu infinie ne pourroit mouvoir un corps qui avroit resistence finie selon tout son povoir, car ce seroit par isnelleté infinie laquelle est impossible (ORESME, C.M., c.1377, 300). | |
| 76 | ...pluiseurs divisions et dommages estoient avenuz en l'Eglise, parce que aucuns s'estoient trop legierement determinez à l'obeissance d'aucuns qui se disoient avoir esté esleuz en Pape (FAUQ., I, 1417-1420, 61). | |
| 77 | Quant est de moy, determiner Me vueil du tout a vo plaisir (Myst. st Clément Metz D., p.1439, 435). | |
| 78 | Combien que chascun des degrez deuant dis requerroit vng special traictie qui vouldroit insister sur ce, toutesuoies mon intencion est a present de me determiner a la matiere de saincte meditacion car il me semble que sauoir bien et sainctement mediter et sur quoy est grant et fructueuse chose (CIB., p.1451, 180). | |
| 79 | Par grant deliberacion A [Jésus-Christ] toutes chouses ordonnees. Contre ly ne foys mencion De nulle argumentacion. Ses chouses sont determinees. Soubtis ambages ne sophismes, Ne aultres falaces silogismes Ne le pouroient decepvoir. (Myst. st Sébast. M., c.1450-1500, 27). | |
| 80 | De vous servir me determine. (Myst. st Clément Metz D., p.1439, 533). | |
| 81 | Devers toy mon vouloir s'encline, Lequel du tout se determine D'otemperer a ta requeste (LA VIGNE, S.M., 1496, 508). | |
| 82 | Et la, comme Amours l'assaillist de rechief, il se determina du tout qu'il s'adventureroit a parler a sa dame, quoy qu'il lui en deust advenir. (LEFÈVRE (R.), Hist. Jason P., c.1460, 150). | |
| 83 | Et en cecy est déterminée la fin de ce present chappitre. (BUEIL, I, 1461-1466, 77). | |
|
