| 152 exemples | | 1 | La rousée par dessus la verdure Resplendissoit Si clerement que tout m'esbloïssoit, Quant mes regars celle part guenchissoit, Pour le soleil qui dessus reluisoit. (MACH., J. R. Beh., c.1340, 58). | |
| 2 | Et ainsi sont faulx marchans qui mectent le plus bel et le meilleur dessus et le pire dessoubz, et jurent que tout est bon et loial (Ménagier Paris B.F., c.1392-1394, 34). | |
| 3 | Les dens dessus ne li servent de rien fors que d'aguisier celles dessoubz et fere taillier. (GAST. PHÉBUS, Livre chasse T., 1387-1389, 91). | |
| 4 | Toute li hoos vint logier à Vallant sus Sainne par dessus Troies, pour là passer à gué la rivière. (FROISS., Chron. R., IX, c.1375-1400, 258). | |
| 5 | Parties des nouveaulx habiz royaulx et joyaulx ordonnez pour le fait du sacre des roys de France, baillez en garde aux religieux, abbé et couvent de monsr saint Denis par le roy Charles le Quint, le septiesme jour de may CCCIIIIxx, oultre et par dessus ceulx quilz ont eu en garde pour le temps passé. (Invent. mobilier Ch. V, L., 1380, 352). | |
| 6 | ...et regarda qu'il n'oseroit leans plus demourer par dessus la deffense que son pere lui avoit faicte (Bérinus, I, c.1350-1370, 29). | |
| 7 | Et d'estre amez Par dessus tous estoit dignes clamez (MACH., J. R. Beh., c.1340, 63). | |
| 8 | ...recommande Platon et ses ensuians comme philosophes pardessus touz autres (ORESME, C.M., c.1377, 262). | |
| 9 | [À table] La dame, qui avoit maniere Douche et courtoise et aceptable, L'assist par dessus lui a table (Dit prunier B., c.1330-1350, 76). | |
| 10 | ...s'ilz [les gens de bas et de petit état] sont saiges en communicant et conversant avec leurs semblables et avec autres gens, ilz pevent apprendre et congnoistre leur condicion ; et pour ce viennent à la congnoissance du gouvernement d'autruy, et ainsi sont prins et esleuz pour estre par dessus les autres. (BUEIL, I, 1461-1466, 58). | |
| 11 | Et quant de messire Charles, c'estoit le par dessus touz : il abatoit chevaulx et chevaliers tout en ung mont, ostoit escuz des cols, heaulmes de testes ; pour tout dire, riens n'arrestoit davant lui ; et ne savoit l'en assez assouvir de lances, tant en rompoit. (Charles de Hongrie C., c.1495-1498, 146). | |
| 12 | Par Dieu, no ville a bien le los, Par dessus toutes les villettes, D'avoir plus belles baisselettes De tout cest pays (Dit prunier B., c.1330-1350, 51). | |
| 13 | Ceste a cellui voel comparer Qui ne vault aydier a monter Le compagnon dessus le mur (Dit prunier B., c.1330-1350, 43). | |
| 14 | "Quèles de vos nouvelles ? Avés vous riens veu ne trouvé ?" Il respondirent : "Sire, oil, assés par raison. Chi dessus en ce bos est messires Renaulz de Boullant, lui trentime espoir." (FROISS., Chron. L., V, c.1375-1400, 206). | |
| 15 | Puis se missent li rois et ses hoos au retour ; et ne prissent pas le cemin que il estoient venu, mais celi desus la marine (FROISS., Chron. D., p.1400, 219). | |
| 16 | ...auqun appert compagnon se missent en un batiel desus la riviere, et vinrent desous le pont (FROISS., Chron. D., p.1400, 667). | |
| 17 | ...fist maniere de vouloir mectre son chapperon, qui sur son espaule estoit, dessus sa teste (C.N.N., c.1456-1467, 238). | |
| 18 | ...vous arez, dist lors celuy qui estoit dessus le poirier, sur eulx, tous des meilleures poires du poirier... (C.N.N., c.1456-1467, 308). | |
| 19 | Et, après que ledit de Bourgongne ot esté porté audit lieu de Nancy et ilec lavé, emondé et netyé, il fut mis en une chambre bien close, où il n'y avoit point de clarté, laquelle fut tendue de veloux noir, et estendu le corps dessus une table, habillé d'un vestement de toile depuis le col jusques aux piez, et dessoulz sa teste ung orillier de veloux noir, et dessus le corps ung poile de veloux noir. (ROYE, Chron. scand., II, 1460-1483, 42). | |
| 20 | ...je ne descendi de dessus mon cheval (Bérinus, I, c.1350-1370, 278). | |
| 21 | ...et bien pou s'en failly qu'il ne cheÿ de dessus son cheval a terre (Bérinus, II, c.1350-1370, 83). | |
| 22 | Et tant alerent chil de l'avant-garde que, de desus les montagnes, il veirent les fumieres d'auquns petis hamelés que li Escoçois faisoient. (FROISS., Chron. D., p.1400, 125). | |
| 23 | Si trouva une voie a destre Et entra en un sentelet Sëant dessus un ruisselet Qui descendoit d'une fonteinne. (MACH., D. Lyon, 1342, 174). | |
| 24 | Et entrues que on l'amenoit à sa decolacion sus une charrète, et seans sus une plance desus tous les autres, il demandoit : "Où sont chil qui m'ont jugiet ?" (FROISS., Chron. R., XI, c.1375-1400, 80). | |
| 25 | ...madamoiselle le sentent tout la dessus fait ung sault jusques a l'huys [La demoiselle a caché son amant dans le grenier] (C.N.N., c.1456-1467, 243). | |
| 26 | Ou grant vassiel de Cristofle qui se remonstroit desus tous les aultres, avoit bien .CCCC. Genevois arbalestriers (FROISS., Chron. D., p.1400, 405). | |
| 27 | Si se adrecièrent d'une vois dessus messire Robert Canolle et li disent : "Messire Robert, vous veés et entendés comment messires li princes nous remande." (FROISS., Chron. L., VII, c.1375-1400, 154). | |
| 28 | Li senescaus de Hainnau, qui se tenoit adont a Valenchiennes, entendi que auquns François estoient avalé et passé oultre l'Escaut au pont a Trit, et couroient sus ces biaus plains desus un moustier que on nonme Saint Vast, et ne lor aloit nuls au devant. (FROISS., Chron. D., p.1400, 386). | |
| 29 | ...li sires de Fauquemont et pluisseur aultre chevalier desus le Rin (...) vinrent a Valenchiennes parler a euls (FROISS., Chron. D., p.1400, 259). | |
| 30 | Celle nuit s'ostela dessus ung sinatour (Huon Bordeaux B., c.1400-1450, 305). | |
| 31 | Vierge, ne vueillez consentir Par vostre debonnaireté Qu'ennemis ait ja poosté Dessus le fruit qu'engendré ay (Mir. enf. diable, c.1339, 12). | |
| 32 | Et commanda de par le roy que nulz ne fust si hardis, dessus le hart, qui boutast feu ne occesist homme ne violast femme. (FROISS., Chron. L., III, c.1375-1400, 146). | |
| 33 | Dame, royne precieuse, Dessus toutes autres royaulx Et sur toutes dame loyaulx, Fontaine de grace habondans, A touz pecheours secourans... (Mir. enf. diable, c.1339, 30). | |
| 34 | Courtoise vierge debonnaire, Donnez moy trouver cel hermite, Vierge dessus toutes eslite, Le confesseur nostre saint pére. (Mir. enf. diable, c.1339, 35). | |
| 35 | Car je vous aim dessus tous et honnour (MACH., J. R. Beh., c.1340, 80). | |
| 36 | ...dont mencion est faite es lettres dessus transcriptes (Chartes Abb. St-Magl. T.F., t.3, 1330, 18). | |
| 37 | Einsois serez ma dame et mes cuers dous, Mes dieus terriens, aourez dessus tous (MACH., J. R. Beh., c.1340, 82). | |
| 38 | ...le duc Jehan de Braibant(...) desus tous (...) avoit la grignour vois et audiense. (FROISS., Chron. D., p.1400, 455). | |
| 39 | ...mére et vierge fui par une Voie qui fu dessus nature (Mir. ev. arced., c.1341, 133). | |
| 40 | Car Pitez est dessus droiture (MACH., R. Fort., c.1341, 61). | |
| 41 | Amours ravit Les cuers, et pas ne s'assouvit. C'est un oisel qui de cuer vit ; Oncques nul tel oisel ne vit. Maiz plus honneste Est il de tant comme il acqueste Pour sa proie et pour sa conqueste Le plus noble desus la beste, Quel part qu'il gise. (CHART., L. Dames, 1416, 267). | |
| 42 | Et donques se le mouvement commence a destre et de destre s'en va et procede en circuite, il s'ensuit par neccessité que le pole qui ne nous appert pas soit le dessus du ciel, car se le pole qui nous appert estoit le desus du ciel, le mouvement du ciel seroit de senestre en alant vers destre, laquelle chose nous ne disons pas. (ORESME, C.M., c.1377, 328). | |
| 43 | Et donques convient il, se il [l'arbre] est meu selon droite ordenance, que il soit meu selon le mouvement journal ; mais se son desus est son chief ou racine est contremont, il tourneroit l'autre voie. (ORESME, C.M., c.1377, 344). | |
| 44 | Item, ont la creste du bec, c'estassavoir le dessus, vert tout au long, et aucunesfoiz les malars ont au travers du col, endroit le hasterel, une tache blanche, et sont d'un plumage tresondoyant. (Ménagier Paris B.F., c.1392-1394, 174). | |
| 45 | Et pource que le dessoubz - c'est assavoir la paste qui fait le fons de la tartre - seroit cuit avant que le dessus feust gueres eschauffé, il couvient avoir une autre paelle dont le fons soit bien chauffé, torché et nectoyé (Ménagier Paris B.F., c.1392-1394, 245). | |
| 46 | ...tu les condampnas a estre comme la roee, dont le dessus revient desoubz (CHART., L. Esp., c.1429-1430, 57). | |
| 47 | Toutes les quelles choses dessus esclarciees les diz clers notaires jurez nous rapporterent estre et avoir esté faites et dites en leur presence, en la maniere que dessus est contenu et esclarci. (Chartes Abb. St-Magl. T.F., t.3, 1330, 19). | |
| 48 | ...la place de Gavre ne fut guieres empirée de bombardes ne d'engins, fors le dessus des pans et des tours qui furent abatuz. (LA MARCHE, Mém., II, c.1470, 313). | |
| 49 | ...et, ou millieu de ce pont, fut faict ung fort treilleïz de boys comme on faict aux caiges des lyons. Et n'estoient point les trouz entre les barreaulx plus grans que à y boutter le braz à son aise. Le dessus estoit couvert d'aiz seullement pour la pluye, si avant qu'il se povoit mettre dix ou douze personnes dessoubz de chascun costé. (COMM., II, 1489-1491, 60). | |
| 50 | ...et par ainsi que ledit survivant soit et demeure paisibles des choses par moy baillees aus dis sire Jehan et sa fenme ci dessous esclarcies, c'est assavoir une estable par terre, une chambre dessus ycelle estable contenant le dessus de laditte estable et de l'entree du portail de laditte prieuré (Chartes Abb. St-Magl. T.F., t.3, 1351, 175). | |
| 51 | Mais ne tarda pas puis une patenostre que le masle [des deux sirènes] se prist en ton basset a dire une teneur, et puis lors la femelle en voix clere et doulce commença le dessus, de laquelle a oïr estoit tresplaisant chose et sembloit proprement leur voix a l'ermonie du chiel. (RENÉ D'ANJOU, Cuer am. espris W., 1457, 169). | |
| 52 | Et quant doncques il entra dedans la salle, lors il commença le dessus d'une chanson moult hault et cler, et ledit cerf chanta la teneur (LA MARCHE, Mém., II, c.1470, 359). | |
| 53 | Or en ont les Grieux le dessus (CHR. PIZ., M.F., III, 1400-1403, 51). | |
| 54 | Le roy vous mande que party Soyez tost et hastivement, Vous et trestoute vostre gent, Pour venir a celle journee, Car il y mettra telle armee, S'il peult, qu'il aura le dessus (Myst. st Laur. S.W., 1499, 137). | |
| 55 | ...et lors le dit Jehan Chantrer, soy sentant ainsi estre feru et injurié, doubtant que le dit Boissonneau n'eust le dessus de lui, et comme courcié et indigné qu'il estoit de ce, et aussi pour eschever à la male volonté du dit Boissonneau, sacha un petit coustel à tailler pain qu'il avoit et en cuida ferir le dit Boissonneau par la joe (Doc. Poitou G., t.6, 1396, 249). | |
| 56 | Nennil, je vous vueil dire ung point Qui est a dessus et a tripple : Ce Jhesus cy a ung disciple Qui se fait appeller Judas ; Oncques nul jour le roy Midas Ne fut plus remply d'avarice. (Myst. Pass. Troyes B., a.1482, 619). | |
| 57 | Nostre Seigneur leur aida tant que ilz vindrent au dessus de leur joye et que leurs desirs furent tous adcompliz. (Cleriadus Z., c.1440-1444, 547). | |
| 58 | Et la dame, qui savoit tant De bien que nulz plus ne savoit, Ly respondy en tel endroit Com dessus, par mos dessamblables, Et dist que moult est pourfitables A pluseurs amans ly detris (Dit prunier B., c.1330-1350, 74). | |
| 59 | ...et en vindrent tous au dessus de leur joye (Cleriadus Z., c.1440-1444, 911). | |
| 60 | Cil qui a le dessus en sa fortune s'orgueillist et s'endort et entroublie ez delitz de sa conqueste. (CHART., L. Esp., c.1429-1430, 139). | |
| 61 | ...comme dessus est dit (Percef. V, R., t.1, c.1450 [c.1340], 243). | |
| 62 | Comme vous avez oy dessus, elle n'eust pas voluntiers perdu son accointance (C.N.N., c.1456-1467, 237). | |
| 63 | ...demanda dont sourdoient tant de biens comme ceulx que j'ay dessus nommez. (C.N.N., c.1456-1467, 463). | |
| 64 | ...l'arpent de terre qui estoit en la dicte Cousture, tenant aus murs dudit hostel dont mencion est faite ci dessus, avoient esté cultivees et labourees et semees de blé (Chartes Abb. St-Magl. T.F., t.3, 1335, 108). | |
| 65 | ...il li percha l'esqut et le cote de fier et la plate d'achier qui estoit desus, et li bouta le fier en la poitrine (FROISS., Chron. D., p.1400, 350). | |
| 66 | Et estoient tout li fait dou roi Edouwart (...) ensi que chi desus est dit, tous par articles mis en escript. (FROISS., Chron. D., p.1400, 101). | |
| 67 | ...paier le disme, comme les femmes d'Osteleric, dont cy dessus est touché. (C.N.N., c.1456-1467, 274). | |
| 68 | Car longuement Avoit duré de nous le parlement, Et si aviens fait maint arguement, Si comme il est escript plus pleinnement Ici dessus. (MACH., J. R. Beh., c.1340, 117). | |
| 69 | ...ensi que je ai dit ichi desus, Englés ne se pueent longement tenir ne sousfrir de un inconvenient, qant on lor fait (FROISS., Chron. D., p.1400, 47). | |
| 70 | Donné a la relacion des diz sergans, l'an et le vendredi dessus diz. (Chartes Abb. St-Magl. T.F., t.3, 1330, 16). | |
| 71 | Item, les bestes ont ame laquelle a toutes les puissances dessus dictes, et avecques ce elle a puissance sensitive qui est divisee en pluseurs puissances (ORESME, E.A.C., c.1370, 120). | |
| 72 | ...si avoit tousjours le sire de Couchy, pere de la dessusdicte dame, fait guerre en Ronmagne et ailleurs pour Clement encontre Urbain (FROISS., Chron. M., XIV, c.1375-1400, 47). | |
| 73 | ...grans fais d'armes (...) sont avenu ens ou temps et termes des guerres desus dittes (FROISS., Chron. D., p.1400, 36). | |
| 74 | Jasoit que es nouvelles desusdictes les noms de ceulx et celles a qui elles ont touché et touchent ne soient mis... (C.N.N., c.1456-1467, 154). | |
| 75 | ...passans par devant l'eglise des bon cordeliers desus ditz... (C.N.N., c.1456-1467, 217). | |
| 76 | Comme il estoit couché avec sa taye, ne sçay de quoy il luy sourvint, il monta dessus (C.N.N., c.1456-1467, 325). | |
| 77 | ...après la noise dessus dicte, bailla ce qu'elle avoit d'argent (C.N.N., c.1456-1467, 419). | |
| 78 | ...ce bon chevalier et sa compaignie arriverent a la place ou se tenoit la dame dessusdicte (C.N.N., c.1456-1467, 475). | |
| 79 | ...que je vous dye de la dame qui son hostel refusa a la brigade dessus dicte (C.N.N., c.1456-1467, 478). | |
| 80 | ...après tous les mets dessusdiz la dame fist mectre a la table ung tres beau fromage (C.N.N., c.1456-1467, 487). | |
| 81 | Mais messeigneurs les commissaires deposerent par sentence que, par les raisons aleguées et par les coustumes et usances de guerre, quiconques met ung prisonnier en lieu fort, sans le congié de ceulx ayans povoir à ce, il le pert et est confisqué au cappitaine, sinon ès cas dessusdits, mais qu'il soit deprié. (BUEIL, II, 1461-1466, 14). | |
| 82 | ...avecquez le dessus dit Junius Brucus (BERS., I, 1, c.1354-1359, 58.6, 97). | |
| 83 | ...quoyqu'ilz eussent mors et enchachiez les dessusdiz, si ne vouloient-ilz pas oster au roy sa seignourie (FROISS., Chron. M., XIV, c.1375-1400, 76). | |
| 84 | ...je ai ce livre cronisiet (...) apriés et sus la relation faite des desus dis (FROISS., Chron. D., p.1400, 35). | |
| 85 | ...monseigneur fut mandé pour servir son prince en la guerre, et en aultre assault que le dessusdit (C.N.N., c.1456-1467, 279). | |
| 86 | ...une aultre dame voisine et amye de la dessusdicte (C.N.N., c.1456-1467, 474). | |
| 87 | ...cest honme ymaginé en la roe avroit la teste sous la roe vers le centre du monde ; et se elle tournoit l'autre voie, il avroit sa teste desus vers le ciel. (ORESME, C.M., c.1377, 322). | |
| 88 | Et doivent lesdis bourgeoys, marchans et laboureurs estre obéissans à leurs seigneurs, tant spirituelz que temporelz. (...) Et ne doivent les dessus diz detraire ne murmurer contre leurs seigneurs souverains et ne doivent voulloir entreprendre sur eux. (BUEIL, II, 1461-1466, 78). | |
| 89 | LE CAPPITAINE. Or sa, et veu qu'ainsi soubz mectre Avez esté aux dessusdictz, Dictes a scavoir se tendis Que vous estiez entre ces gens N'aviez [...] eu nulz enfans ? (Sots mal., c.1480, 88). | |
| 90 | ...en quoy il estoient et avoient esté condempnez envers les dessus nommés par le dit arrest ou jugié (Chartes Abb. St-Magl. T.F., t.3, 1330, 16). | |
| 91 | ...le dessus nommé Jehan Le Brun, prinsonnier, fu mené à [son] derrenier tourment, l'eschauffaut ès hales (Reg. crim. Chât., I, 1389-1392, 113). | |
| 92 | ...le dessus nommé prisonnier Perrin du Quesnoy (Reg. crim. Chât., I, 1389-1392, 166). | |
| 93 | Estourneaulx soient plumez a sec, effondrez, puis couppez les colz et les piez, puis reffaiz, mis en pasté et deux lesches de lart au dessus (Ménagier Paris B.F., c.1392-1394, 282). | |
| 94 | ...sachez que ilz [ces greniers] sont si treshaulx que, se une personne estoit au dessus, a peine pourroit il estre apparceu : neant plus que une corneille ne sembleroit il estre gros ne grant. (Voy. Jérus., c.1395, 66). | |
| 95 | Quant il appert ampoulles en l'orine au dessus, c'est signe de passion es rains et de longue maladie. (SAINT-GILLE, A.Y., 1362-1365, 99). | |
| 96 | Et devez savoir que les chienz assentent trop mieulx d'un cerf qui fuit amont l'yaue que d'un cerf qui fuit aval l'yaue, quar, quant il fuit aval l'yaue et les chienz sont au dessus, l'yaue en emporte tout l'assentement du cerf contre aval devant eulx (GAST. PHÉBUS, Livre chasse T., 1387-1389, 208). | |
| 97 | Les Bourguignons sont logés à Blangy et au dessus, et font cuyre beaucop de bescuit (LE CLERC, Interp. Roye, c.1502, 314). | |
| 98 | Le pouvre maleureux se laissa lyer par ses deux ennemis sur ung bancq, le ventre dessus et les deux jambes esraillées au dehors du bancq. (C.N.N., c.1456-1467, 495). | |
| 99 | ...fors de ceulx qui avoient servi XX ans et au dessus (BAYE, I, 1400-1410, 151). | |
| 100 | ...jusques au nombre de VIIJc personnes et au dessus (FAUQ., I, 1417-1420, 137). | |
| 101 | ...present le juge, lui donra un dyamant lyé en or du pris de IIJc escus ou au dessus (LA SALE, J.S., 1456, 80). | |
| 102 | Et le vey seoir à table le jour du Noël quatre evesques de son pays à sa table, les deux Clementins et les autres deux Urbanistes ; l'evesque de Paumiers et l'evesque de Lescale estoient Clementins ; ceulx cy seirent au dessus, et puis après eulx l'evesque d'Aire et l'evesque d'Oren (...) ceulx estoient Urbanistes. Après seoit le conte de Foeis. (FROISS., Chron. M., XII, c.1375-1400, 116). | |
| 103 | ...il heoit tant le connestable, que la grant haine qu'il avoit à luy lui brisoit et lui toulloit la cognoissance de raison, et s'en repentoit trop fort de ce, quant il en fut au desus, que il ne l'avoit mis à mort. (FROISS., Chron. M., XIV, c.1375-1400, 18). | |
| 104 | ...ce bon chevalier vaincquit et rebouta les quatre ribaulx, et, ainsi qu'il les poursuyvoit chassant pour en estre au dessus... (C.N.N., c.1456-1467, 551). | |
| 105 | Vous voyez comment les Anglois Sont au dessus et en puissance ; Ayez pitié, vous, Roy des Roys, Du roy et du royaulme de France. (Myst. siège Orléans H., c.1480-1500, 349). | |
| 106 | Mais recouvrez, ressuscitez de mort, Riche au dessus, pleins de grant reconfort, Et sans anoy Fui, quant me dist : "Amis, a ti m'ottroy De trés bon cuer..." (MACH., J. R. Beh., c.1340, 80). | |
| 107 | Ce bel oysel, quant il se vey cy au dessus de plumaige [pour ce qui est du plumage] et que tous oyseaulx l'onnouroient, il se commença à enorgueillir (FROISS., Chron. M., XII, c.1375-1400, 229). | |
| 108 | J'entreray dedens voirement, Mais ce sera secretement Et ne seray pas au dessus, Mais au piedz du benoist Jhesus M'iray gecter tout en plourant, Humblement mercy requerant Du meffait qui me griefve moult. (Myst. Pass. Troyes B., a.1482, 436). | |
| 109 | "Lorsque le chien ot mengié le premier morsel, il tourna les piez dessus et morut." (FROISS., Chron. M., XII, c.1375-1400, 84). | |
| 110 | ...il dist qu'il ne vouloit pas seoir au dessus (Percef. I, R., t.2, c.1450 [c.1340], 723). | |
| 111 | Pour tant appert, (...) que cellui qui par orgueil entreprent querelle ou guerre sur autruy, supposé qu'il vaincque et viengne au dessus, ne doit pas estre nommé victorien, mais tirant ou persecuteur. (BUEIL, I, 1461-1466, 124). | |
| 112 | Et, se aucun oultre l'ordonnance et deffence de son chevetain faisoit aucune entreprise, combien qu'il en venist au-dessus, encores estoit-il estroictement pugny pour la desobéissance. (BUEIL, II, 1461-1466, 13). | |
| 113 | Par tous les sains qui sont lassus, De ce fait cy me vengeray, Se j'en puis venir au dessus Homme ne femme n'espargneray. (Myst. siège Orléans H., c.1480-1500, 162). | |
| 114 | Jehanne, par vostre bon conduit François sont venuz au dessus, Saint Jehan le Blanc avez destruit Et son fort les Anglois confus. (Myst. siège Orléans H., c.1480-1500, 456). | |
| 115 | Allez mon seigneur ie vous pry Que vous faciez vostre deuoir Il est bien temps de vous mouuoir Et si vous venez au dessus Ie vous pry que le roy Iesus Ne soit pas au pays oublie (Myst. st Martin K., a.1500, 248). | |
| 116 | J'enragerey ou vraymant J'en viendray amon audessus [l. a mon au dessus]. (Myst. st Sébast. M., c.1450-1500, 160). | |
| 117 | Moult grant confort m'avés baillyé, et avés esté mire du mal que sy lonc temps m'a tenu ; tant en parler que en chantant, du tout m'avés mys au dessus. (Gérard de Nevers M., c.1451-1464, 178). | |
| 118 | ...le mary de la damoiselle et le gentil homme son cousin, vindrent au dessus de la fosse saluer la compaignie (C.N.N., c.1456-1467, 355). | |
| 119 | Adont fu avisé et ordonné que on se departiroit de la et cemineroit on sept lieues plus hault viers Carduel, au desus de la riviere, et la le rapasseroient toutes gens au large assés aisiement. (FROISS., Chron. D., p.1400, 137). | |
| 120 | J'ay tumbé droit a la renverse, Les piéz dessus comme ung crappault (Myst. Pass. Troyes B., a.1482, 1034). | |
| 121 | Et fisent ces Flamencq au dessus d'Audenarde en l'Escaut fichier et planter grans et gros mairiens, par quoi point de navire de Tournai ne peust venir en Audenarde. (FROISS., Chron. R., X, c.1375-1400, 247). | |
| 122 | Et se missent sus les camps et si a point que, droit au desus d'un moustier que on dist de Saint Vast (FROISS., Chron. D., p.1400, 386). | |
| 123 | ...tantos apriés mienuit, il sallirent sus (...) et s'en vinrent pour assallir Vennes. Et fissent alumer grant fuisson de feus de busce au plus hault de la ville au dehors et au desus dou vent, et dou plus priés de la ville que il porent. (FROISS., Chron. D., p.1400, 571). | |
| 124 | Qant li signeur se veirent au desus de Quarentin, de la ville et dou chastiel, il regarderent que il ne le poroient tenir. Si le ardirent et desemparerent tout (FROISS., Chron. D., p.1400, 680). | |
| 125 | Si partirent entr'eulx lequel auroit le gouvernement. Le premier an, le sort advint à Romullus ; et, quant il se vit au-dessus de son frere, il se pourpensa de le faire mourir, pour usurper la seigneurie totalle (BUEIL, I, 1461-1466, 128). | |
| 126 | Et sist a table, deus arcevesques, de Cantorbie et d'Iorch, au desus de li, et puis li rois, et puis la roine sa mere et puis mesires Jehans de Hainnau (FROISS., Chron. D., p.1400, 104). | |
| 127 | ...coustume n'estoit (...) que femme s'assist au-dessus de de chevalier ne d'autre homme se elle n'estoit dame de la terre sans seigneur (Percef. I, R., t.1, c.1450 [c.1340], 505). | |
| 128 | Tantost aprez menerent les deux chevalliers asseoir au dessus d'elle une pucelle de tresgrant beaulté qui estoit sa cousine et moult sa compaigne. (Percef. V, R., t.1, c.1450 [c.1340], 658). | |
| 129 | ...ce duc d'Irlande avoit fait si grant attrait d'or et d'argent et de finances à Bruges, par Lombars, pour tousjours estre au desus de ses besoingnes. (FROISS., Chron. M., XIV, c.1375-1400, 73). | |
| 130 | ...li varlet qui poursievent les gens d'armes, font plus a la fois, qant il se voient au desus de lor emprise, que on ne lor conmande. (FROISS., Chron. D., p.1400, 439). | |
| 131 | ...car tousjours l'element desus a celui qui est souz lui a tel resgart aucunement comme forme ou espece a matiere. (ORESME, C.M., c.1377, 678). | |
| 132 | Il i a certainnes ordenances et pactions assisses sus le staple des lainnes, et de ce est li rois aidiés au desus de ses rentes et revenues (FROISS., Chron. D., p.1400, 43). | |
| 133 | Si convendra soutivement aler vers eulx et adviser comment nous en pourrons eschapper sauvement, et j'ay bien foy que nous en venrons au dessus du tout. (Bérinus, I, c.1350-1370, 63). | |
| 134 | ...cil a qui Dieux donroit tant d'eür qu'il peüst venir au dessus de la bataille, il pourroit bien dire qu'il seroit sire de la meilleur terre de son grant qui soit en tout le monde (Bérinus, I, c.1350-1370, 163). | |
| 135 | "Et pour ce," dist Jason, "que je me fie du tout en la promesse de ces damoiselles, je m'en iray assambler mes parens et amis au plus tost que je porray, et ne cesseray jamais jusques atant que je seray venu au dessus de mes amours, en quoy j'ay bonne esperance." (LEFÈVRE (R.), Hist. Jason P., c.1460, 164). | |
| 136 | ...il ne luy fault que lieu pour venir au dessus et a chef de sa bonne entreprinse (C.N.N., c.1456-1467, 258). | |
| 137 | ...Meliadice et Cleriadus la tindrent [la foi] si bien et si loyaument l'un à l'autre que Nostre Seigneur leur aida tant que ilz vindrent au dessus de leur joye et que leurs desirs furent tous adcompliz (Cleriadus Z., c.1440-1444, 547). | |
| 138 | Et vous dy que en pluseurs lieux du pavement il sembloit qu' il y eüst divers serpens vifs et remuans, si que chascun des Rommains en estoit tout espouenté, et passoient tous en grant doubtance par dessus (Bérinus, I, c.1350-1370, 112). | |
| 139 | Sy fist on faire un pont par dessus, fort et hault, et couroit l'eaue par dessoubz roide et bruyant (Bérinus, I, c.1350-1370, 134). | |
| 140 | Il s'arma bien et faiticement, et puis vesti une houpelande par dessus, et prist son mantiel encores par dessus, et desous son brach une courte hace bien acerée. (FROISS., Chron. L., V, c.1375-1400, 90). | |
| 141 | Je ne sçay pas s'il luy fist ung marbre et par dessus engraver une epythaphe (C.N.N., c.1456-1467, 540). | |
| 142 | Ilz ont quatre danz, deux en la barre dessus et deux en la barre dessoubz (GAST. PHÉBUS, Livre chasse T., 1387-1389, 90). | |
| 143 | ...le pot a la porée, qui sur le feu estoit, commence a s'en fuyr par dessus, pource que trop aspre feu avoit (C.N.N., c.1456-1467, 543). | |
| 144 | Les dens avoit blans, sarrez et menus, Et ses mentons estoit un po fendus, Votis dessous et rondez par dessus (MACH., J. R. Beh., c.1340, 70). | |
| 145 | ...et sont ainsi comme a la façon d'un fin diament, c'est assavoir treslarges dessoubz et tresagus par dessus (Voy. Jérus., c.1395, 65). | |
| 146 | Lors me commanda que je fusse Loyaus, secrez, et que j'eüsse Memoire des autres vertus Qu'il m'avoit moustré par dessus (MACH., D. verg., a.1340, 51). | |
| 147 | ...le Roy veult dire que le payz est sien ; aussi est-il ; et le duc Bauldoyn veult dire qu'il est à son roy. Nostre roy et le sien sont grans et puissans seigneurs que nul n'yroit par dessuz, fors Dieu, pour savoir qui a tort ou droit ; et sont tous les jours à combatre à qui il demourra ; et Dieu en disposera à son plaisir. (BUEIL, II, 1461-1466, 83). | |
| 148 | La rousée par dessus la verdure Resplendissoit (MACH., J. R. Beh., c.1340, 58). | |
| 149 | ...et furent ces lettres escriptes par dessus la tumbe : Arrestez vous, qui cy passez, Lisiez, plaigniez et si pensez: Je fu ce que vous estes ores, Serez ce que je sui encores. (Bérinus, I, c.1350-1370, 21). | |
| 150 | Quant toutes ces gens furent issu de Ancheni, il se traisent par devant un très fort chastiel seant hault sus une montagne par dessus une rivière. (FROISS., Chron. L., II, c.1375-1400, 108). | |
| 151 | ...par desus ces montagnes et ou fons de ces vallees estoient crolieres et grans mares, et si divers pasages que mervelles estoit conment nuls en pooit issir. (FROISS., Chron. D., p.1400, 131). | |
| 152 | ...il vint une vollee de corbaus, si grande et si espesse, en vollant par desus les deus hoos et en demenant tres grant noise. (FROISS., Chron. D., p.1400, 728). | |
|
