| 46 exemples | | 1 | ...au receveur du dit lieu et à touz deputez et à deputer sur le fait des subsides et arriere ban de l'an passé (Doc. Poitou G., t.2, 1340, 164). | |
| 2 | ...mais fut ordonné que les caractères et lettres que se imprimeroient dedans la monnoie se feroient par une personne publicque et deputée par plusieurs de la communaulté (ORESME, Monnoies W., c.1365, XIX). | |
| 3 | ...la protestacion faite par le roy de France et par lez subjés de Guyenne, a laquelle le roy d'Angleterre, ou sez procureurs et deputés de par luy, se consentirent, si luy doit tourner a prejudice et doit l'en tousjours presumer contre luy et pour le roy de France que il demora seigneur souverain de la duché (Songe verg. S., t.1, 1378, 277-278). | |
| 4 | ...me Pierre de la Casteigne, maistre en medicine, a demouré XXX ans en l'estude de Paris (...), et si a esté deputé legat ou fait de l'union de l'Eglise (BAYE, I, 1400-1410, 126). | |
| 5 | Philippe, par la grâce de Dieu roys de France, à touz les justiciers de nostre royaume ou à leurs lieux tenans qui ces présentes lettres verront, salut. Nous vous mandons et commandons et à chascun de vous, que a nostre cher cousin et féal le duc de Bourbon (...) vous obeissez et faciez obeir chascun en sa jurisdiction sur le fait de prandre pour nostre présente guerre arbalestiers et autres sergenz et arbalestes et autres harnoys qui ausdiz arbalestiers et sergenz appartiennent et auront mestier. Car nous avons commandé et commis de bouche à nostredit cousin à ce faire par li ou par personnes souffisans qu'il y deputera par ses lectres ouvertes. (Titres Bourbon H.-B., t.1, 1339, 384). | |
| 6 | ...ainsi comme les bondes y sont et ont esté mises de nostre assentement par Jehan Bouloingne, serjant dou Thour, nostre procureur et ad ce especialment deputé de par nous. (Comté Porcien R., 1347, 153). | |
| 7 | Nulz ne ose approcher le roy plus pres que a une ruee d'un caillou, fors seulement ceulz qui a ce sont deputez (JEAN LE LONG, Voy. Odoric A.M., 1351, 50). | |
| 8 | La Court, oye la relation des commissaires à ce deputez, a ordonné que la somme de XXXIJ libvres tournois soit baillée au capitaine du chastel de Confflans ce moiz. (BAYE, I, 1400-1410, 350). | |
| 9 | Et si ne parle pas Raison de l'euvre en laquelle est pollucion, mais nomme les membres ad ce et autres choses deputés. (COL, Resp. deux traités H., 1402, 96). | |
| 10 | ...le Roy avoit commis et deputé, commettoit et deputoit les maistres dessusdis à la distribucion et verificacion des amendes et exploiz de Parlement (FAUQ., I, 1417-1420, 195). | |
| 11 | ...et à leur garde estoit deputé ung centurion (MAMEROT, Romuleon D., 1466, 56). | |
| 12 | ...frere Nicase, keurier deputé ou caltre pour mesurer les draps (Hist. industr. drapière Flandre E.P., t.3, 1363, 310). | |
| 13 | Et par aventure, des ce que Dieu crea les cielz, Il ordena et deputa angels qui ainsi les moevent et mouvront tant comme il Lui plaira. (ORESME, C.M., c.1377, 288). | |
| 14 | Et donques ordene elle [prudence politique] de servir les dieux, car les gouverneurs de la policie ordenent que aucuns soient deputéz a Dieu cognoistre et servir principalment. (ORESME, E.A.C., c.1370, 362). | |
| 15 | ...ma mere l'université m'eust deputé a aler en parlement (JEAN GOLEIN, Rational B.D., c.1370-1372, 428). | |
| 16 | Et se ceulx qui seront deputez pour entendre aux comptes et aux besoingnes de vostre royaulme y voient le contraire, ilz y pourverront (FROISS., Chron. M., XIV, c.1375-1400, 26). | |
| 17 | ...de laquelle confession apportée oudit Chastellet par maistres Jehan Truquam, lieutenant dudit mons. le prevost, et Gerart de La Haie, dessus nommez, commissaires du roy nostre sire, depputez en ceste partie pour aler ès païs du Maine et de Thouraine, et aillieurs par ledit royaume, prendre et amener tous ceulx qu'ilz trouveroient prisonniers detenuz et accusez pour avoir jetté ou fait lesdites poisons (Reg. crim. Chât., I, 1389-1392, 470). | |
| 18 | ...des rentes et revenues de Flandres (...) recheveurs (...) en rendoient compte au dit d'Artevelle et as aultres honmes deputés a ce oir et ordonner (FROISS., Chron. D., p.1400, 365). | |
| 19 | Et ordonnent de présent que les bourgeois de la cité de Liège et les autres dessusnommez apportent en la ville de Mons en Haynnau (...) toutes leurs lectres, priviléges, lois, libertez et franchises qu'ils ont, et icelles bailleront ès mains d'aucunes personnes qui audit jour et lieu seront commises et députées de par lesdiz seigneurs à icelle recevoir. (Doc. 1408. In : MONSTRELET, Chron. D.-A., t.1 c.1425-1440, 374). | |
| 20 | Ce jour, la Court deputa aucuns des conseilliers d'ycelle Court pour aler avec les presidens par devers monseigneur le Chancelier (FAUQ., I, 1417-1420, 156). | |
| 21 | ...plusieurs aultres articles contenans la justice et pollice de ce royaume se pourroient faire deppendans des dessusdis par ceulx qui seroient commis et deputez a faire ordonnances (JUV. URS., Nescio, 1445, 548). | |
| 22 | ...frere Jehan Perrot, prieur de l'eglise du Val-des-Escolliers ou diocese de Lengres, commis par le chappitre general et deputé à visiter pour ceste foiz (MAUPOINT, Journ. paris. F., App., 1457, 13). | |
| 23 | ...et que, ou cas qu'elle ne pourroit estre recouvrée, seroient depputez par laditte court certains commissaires pour aller pardevers ledit messire Regnault de Dresnay, pour refaire laditte depposition, affin que ledit de Chabannes s'en peust ayder à sa justification. (LE CLERC, Interp. Roye, c.1502, 213). | |
| 24 | Qant chils jugemens fu rendus par plainne sieute des prelas et des barons qui a ce estoient et sont deputé et ordonné dou faire, li rois appella son neveu messire Carle de Blois et li dist : Biaus niés, vous avés jugement pour vous de biel hiretage (FROISS., Chron. D., p.1400, 490). | |
| 25 | Nous mandons a Estienne de Compiengne, deputé sur le fait des garnesons de la presente armee, que toutes les farines et bescuis qu'il a par devers luy, quelque partie que che soit, il nous face hastivement venir a Leure (Clos galées Rouen M.-C., t.2, 1340, 16). | |
| 26 | Aus commissaires deputez sur les finances des nouveaux acquès ès païs de Poitou et d'Anjou, salut. (Doc. Poitou G., t.5, 1378, 73). | |
| 27 | Et quant tous ensemble ou les deputés a ce funt teles corrections d'une volenté, ce ne est pas sedition et si ne resistent pas a la posté, car il ont puissance souveraine. (ORESME, Pol. Arist. M., c.1372-1374, 204). | |
| 28 | Sy [Alexandre] deputa Dyomedès en sa chevalerie et lui donna de ses biens largement (LA SALE, Sale D., 1451, 86). | |
| 29 | Car ceulx qui politiquez nous aprennent ont baillié conclusion que les hommez d'eslevé entendement sont habiles par don de nature a gouvernement et seigneurie, et les rudes qui ont leur vigour es forces corporeilles sont deputés et donnés a naturelle servitude, ainsi que le corps mortel est subgiet a l'esprit pardurable. (CHART., L. Esp., c.1429-1430, 72). | |
| 30 | ...mais quant il ne se veult conuertir sur soy pour congnoistre son estat il est mis derriere les bestes et de plus miserable condicion que ycelles en ce quil est depute en pardurable peine et les bestes apres leur mort nont point de peine car cest leur condicion de tourner en terre corps et ame... (CIB., p.1451, 199). | |
| 31 | ...on ne doit vice imputer A cil qui se veult deputer A veoir d'Honneur le territoire (SAINT-GELAIS, Séj. honn. D., c.1490-1495, 354). | |
| 32 | ...celui qui fu pour nous deputé avec les felons. (JEAN GOLEIN, Rational B.D., c.1370-1372, 482). | |
| 33 | Certes, sire, se vous voulez paller par raison, ce que j'ai, par avant, dist n'est pas lez choses qui ont esté donees a Dieu et a Sainte Eglise revoquier, mez c'est lez appliquier aux usages auxquelx elles sont ordenees et deputees. (Songe verg. S., t.1, 1378, 41). | |
| 34 | "Encores," dist la royne, "quant le miroir, depute a demoustrer les souilleures d'autrui, est si souille de lui que les regardans ou miroir ne peuent pas bien cognoistre la belle forme de leur face, pour l'oscurte du miroir..." (MÉZIÈRES, Songe vieil pèl. C., t.1, c.1386-1389, 363). | |
| 35 | ...avons ordonnéz, commis et deputéz, et par ces presentes, ordonnons, commettons et deputons, et leur avons donné, et, par ces presentes, donnons plain povoir (Trés. Reth. S.L., t.2, 1409, 642). | |
| 36 | Et la, present tous iceulx, doit estre couronné par l'evesque de Romme, c'est assavoir le pappe, en l'esglise de saint Jehan de Lattran, comme le chief de l'esglise, aussy par le roy de Sicile, se il y est, et par le perfect de Romme, qui est office imperial ad ce depputé. (LA SALE, Salade, c.1442-1444, 228). | |
| 37 | Or convient dire de quele heure fu donné le Saint Esperit, et de qui et en quel temps. Car il fu donné le cincquantime jour aprez la resurrection pour donner a entendre qu'il est l'acteur de la remission et cellui qui pardonne les pechiéz. Car l'an de la jubilee, qui est le cincquantisme, est deputé et sert a la remission. (Somme abr., c.1477-1481, 121). | |
| 38 | Et conclusmes que j'envoyroys une trompète en leur ost le lendemain et escriprois aux deux providateurs veniciens, l'ung appellé messire Lucque Pisano, l'autre messire Marquiot Trevisan, qui sont offices depputéz pour conseiller leurs cappitaines et pour pourveoir aux affaires de leur ost. (COMM., III, 1495-1498, 229). | |
| 39 | ...vint prestement le clerc des cerimonies, et vint prendre le duc de Cleves par la main et lui ordonna son siege au banc des cardinaulx dyacrez (...). Laquele chose ariere estoit ung cas de novelleté (...) qui passoit toute anchienne constitution, car est siege tant seulement deputéz a roix en propre personne (CHASTELL., Chron. IV, D., c.1461-1472, 250). | |
| 40 | Le chevalier blanc ouy messe, puis se fist armer, vesty sa robe d'armes noblement paree de perles et luy appresté a heure deputee monta sur son destrier, paré de ses armes pareillement. (Jehan d'Avennes F., c.1465-1468, 58). | |
| 41 | Quant vint au coup de midy, le jour dessusdit, la grosse cloche de ladite église sonna par troys foiz l'espace d'une heure, et avecques icelle cloche la cloche de l'université, affin que ung chascun se rendist es lieux depputés. (Roi René vie L., 1481, 390). | |
| 42 | Lesquelles requestes leur furent accordées par ledit conte de Dunois et les aultres du grant conseil du roy dessus nommez, par ainsi toutes voyes que ledit arcevesque et ses consorts depputez promectoient de rendre et de remectre ladite ville et cité (...) en l'obéissance du roy. (CHART. J., Chron. Ch. VII, V., t.2, c.1437-1464, 147). | |
| 43 | ...le roy nostre souverain seigneur a tres grant voulenté de mettre ordre et bonne police en son royaulme, et pour ce faire a ordonné et deputé plusieurs notables gens. (JUV. URS., D. Tours, 1468, 437). | |
| 44 | Sur cela, vindrent gens depputéz par eulx au conte de Charroloys, qui requisrent que, en l'honneur de la Vierge Marie dont il estoit la veille, il voulsist avoir pitié de ce peuple, en excusant leur faulte au myeulx qu'ilz peürent. (COMM., I, 1489-1491, 97). | |
| 45 | Praticque se meüt à Florence, et depputèrent gens pour envoyer devers le roy jusques à XV ou XVI (COMM., III, 1495-1498, 54). | |
| 46 | ...li commis et deputé de par le roy d'Engleterre prendoient les saisines et possessions des terres dessus dittes (FROISS., Chron. L., VI, c.1375-1400, 59). | |
|
