| 71 exemples | | 1 | ...celles que vous avez cy nommées ne sont pas a comparer en beauté ne aultrement a madame, a qui vous fer[i]ez mortel desplaisir s'elle savoit vostre desordonné vouloir. (C.N.N., c.1456-1467, 81). | |
| 2 | Quant le roy eut veü ces lettres que ledict duc de Bourgongne luy avoit escript, il en fut fort joyeux pour la raison que avez oÿe dessus et aussi que les choses longues luy ennuyoient ; et luy feïst responce ; et envoya povoir à aucuns qui estoient à Amyens pour entrer en une trève, et si en feït deux ou trois de quatre ou cinq jours. Et, à la fin finalle, si en feït une d'ung an, comme il me semble, dont le connestable, conte de Sainct Pol, monstroit signe de desplaisir (COMM., I, 1489-1491, 186). | |
| 3 | Le duc de Braibant (...) prist (...) en courroux et en desplaisirs les plaintes du peuple, et dist qu'il y pouverroit de remede. (FROISS., Chron. M., XIV, c.1375-1400, 161). | |
| 4 | Lequel prist ceste condempnacion en sy tresgrant desplaisir et indignacion, qu'il fut grant temps qu'il ne voulloit habiter en ville ne entre gens (LA SALE, Salade, c.1442-1444, 40). | |
| 5 | ...de quoy ledit Voyaul fut joyeulx, car il ne savoit où se retirer, tant pour ce qu'il estoit desja tard que aussi qu'il ne fust congneu d'aulcuns qui luy eussent poeu faire quelque desplaisir, car, comme dit est, il avoit esté menassé par ledit admiral que, s'il le trouvoit, qu'il le feroit noyer. (LE CLERC, Interp. Roye, c.1502, 147). | |
| 6 | ...et vous pri tant comme je puis que ne me faciez plus telz semblans ne disiez ces parolles, car en bonne foy je y prendroye grant desplaisir. (CHR. PIZ., Trois vertus W.H., c.1405, 180). | |
| 7 | ...nous prenons très grant desplaisir ès manières que vous (...) avez tenues et tenez en ceste matiére. (Ch. VI, D., t.1, 1411, 342). | |
| 8 | Et pour ce, mon ami, que ce peché est si tres deshonneste, le vray amoreux, comme j'ay dit, pour doubte que sa dame ne en preyne desplaisir, pour acquerir sa grace, a tout pouoir le fuit. (LA SALE, J.S., 1456, 28). | |
| 9 | Madame, qui desplaisir prenoit de sa compaignie et en toutes ses parolles, lui dist : "Sçavez vous autre chansson chanter que ceste ?" (LA SALE, J.S., 1456, 273). | |
| 10 | Et Maguelonne (...) dist : "Ma chiere seure, je vous prie que ne vous tenés a desplaisir ; car je le dis de bon cueur et de bonne voulenté ; et plaise vous que nous changons de robes." (Belle Maguel. C., 1453, 38). | |
| 11 | De la char du lievre ne doit il point donner a ses chienz, quar elle est festueuse viande et les fet vomir, et y prenent si grant desplaisir a le vomir qu'ilz n'ayment mie tant a le chascier une autre foiz. (GAST. PHÉBUS, Livre chasse T., 1387-1389, 226). | |
| 12 | Et de cestui fait je ne vous sauroye plus que dire, car nous ne savons entre nous tous adviser que nous eussions oncques fait chose qui peust tourner a vostre desplaisir. (ARRAS, c.1392-1393, 211). | |
| 13 | Allez la, par grant desplaisir, Rompre, desmolir et saisir [une chapelle]. (LA VIGNE, S.M., 1496, 436). | |
| 14 | Madame, dist le chevalier, par ma foy il me peseroit moult se je disoie ou faisoie chose qui vous tournast a desplaisir (Percef. IV, R., c.1450 [c.1340], 352). | |
| 15 | Vous savez que nous femmes avons les cuers tendres et piteux aux choses qui sont par nous amees. Si ne vous soit en desplaisir, car je suis toute reconfortee esperant que Dieu vous ramenra a tresgrant joye. (LA SALE, J.S., 1456, 96). | |
| 16 | Madame, qui moult le prie de seoir, ne le puet faire seoir, disant : "Ma dame, ne vous soit a desplaisir, je tiendray compaignie au maistre d'ostel, et pour ceste foiz lui monstreray le chemin..." (LA SALE, J.S., 1456, 249). | |
| 17 | Il n'est plesir Que desplesir Ne rue bas en peu de temps (Pass. Auv., 1477, 110). | |
| 18 | Mais il n'a pas tristece ne desplaisir ne ne se repent pas de ce que il a fait, car il a fait son devoir. (ORESME, E.A.C., c.1370, 151). | |
| 19 | O devot peuple crestien, toutes fois que tu senz en toy desplaisir de ton estat, que tu doubtes la mort, que tu as horreur des peines d'enfer, saiches de certain que c'est le son du Saint Esperit qui hurte a ton huis pour y entrer. (GERS., Pent., p.1389, 76). | |
| 20 | Et si leur donne Le hardement et la voulenté bonne Qui par honneur croist en eulx et foisonne. Mais les gaiges dont il les guerredonne A son loisir, C'est de lever un jour, l'autre gesir, Huy de joye, demain de desplaisir, Adés d'espoir, adés d'ardant desir Tout a son vueil (CHART., D. Fort., 1412-1413, 161). | |
| 21 | "...Mais, s'il vous plaist, pour la chose abregier Dittes comment, Pour quel raison ne par quel mouvement Vous maintenez a vostre entendement Qu'il y a plus plaisance que tourment." "Je vous diray," Dist il tantost, "et ja n'en mentiray. Et si sachiez que maint desplaisir ay, Et maint ennuy que ja ne rediray, Pour amours pris..." (CHART., D. Fort., 1412-1413, 165). | |
| 22 | Trop long temps vous voy sommeillier, Mon cueur, en dueil et desplaisir (CH. D'ORLÉANS, Ball. C., c.1415-1457, 70). | |
| 23 | En son accoustumé desplaisir, après ceste nouvelle offrande, se va coucher ce trespaillard jaloux [L'homme a fait une offrande au diable] (C.N.N., c.1456-1467, 86). | |
| 24 | Ce fait, fu dit par le president de la Court qu'elle n'avoit point desplaisir de ce qu'estoit proposé bien et notablement, et qu'elle verroit le mandement du Roy (BAYE, II, 1411-1417, 263). | |
| 25 | ...vous estes le seul homme en ce monde (...) de qui plus près me toucheroit l'ennuy et le desplaisir (C.N.N., c.1456-1467, 231). | |
| 26 | ...quand on s'endort en aucun desplaisir ou melencolie, au reveiller c'est ce qui vient premier a la personne (C.N.N., c.1456-1467, 366). | |
| 27 | Et, pour vous desmouvoir, se aucune voullenté en avez, vous vueil dire (...) aucunes des imperfections, doubtes et corrupcions qui se font à la court, et meismement des envyes, merencollies et desplaisirs qu'on y prent, et les causes pourquoy (BUEIL, I, 1461-1466, 46). | |
| 28 | Et, quant il vit son frere mort, il eut si grant desplaisir qu'il ne sçavoit comment se vengier synon sur lui-mesmes. (BUEIL, I, 1461-1466, 126). | |
| 29 | Car ilz ensievent de legier les mouvemens de yre ou de tristresse, de douleur et desplaisir ou de joye et liesse, de amour ou de hayne et de semblables passions, sans user de discretion et de moderee attemprance quant telz mouvemens leur surviennent, en delaissant par ces moyens le droit chemin de equité, de verité, de justice et de raison. (FILLASTRE, Traité Conseil H., c.1472-1473, 195). | |
| 30 | Minos fut en ce temps souverain astrologien, lequel fut moult aprecié, mais il ne vesquit gueres et mourut de peste ou de fievre aguë, ou voyage que fist Paris en Sitharée, quant il print Helene, comme dient aucuns, et fut par desplaisir de ce que Paris ne voulut croire lui et autres et qu'il le veoit desdié à tout lubricité et violence. (SIMON DE PHARES, Astrol., c.1494-1498, f° 30 v°). | |
| 31 | Quant (...) il congnut qu'il avoit tué son frere et fait mourir sa dame, qu'il aymoit autant que soy meismes, il entra en si grant frenesie et desplaisir de cueur que il se desespera et se tua lui-meismes. (BUEIL, I, 1461-1466, 127). | |
| 32 | Excuse tousjours l'innocent, Si tu veulx faire a Dieu plaisir. Des mauvais peulx condamner cent, Sans conscience ou desplaisir. (MESCHIN., Lun. princes M.-G., c.1461-1465, 63). | |
| 33 | Mes, par Dieu, ma commere, il est bien dompté, Dieu mercy, car il ameroit mieulx s'estre rompu ung bratz que avoir pensé a me faire ou dire desplaisir. (Quinze joies mar. R., c.1390-1410, 20). | |
| 34 | Lors le dit Pierre qui avoit fort la dent sur le dit suppliant, quant aucun venoit devers eulx demander apres [l. aprés] aucunes gens, ruoit apres [l. aprés] iceulx plateaulx ou autres choses, en leur disant desplaisir. (Arch. Nord, 1439, B 1682, f° 40, IGLF). | |
| 35 | O devot peuple crestien, toutes fois que tu senz en toy desplaisir de ton estat, que tu doubtes la mort, que tu as horreur des peines d'enfer, saiches de certain que c'est le son du Saint Esperit qui hurte a ton huis pour y entrer. (GERS., Pent., p.1389, 76). | |
| 36 | Jehan de Fer respondit qui [qu'il] n'avoit dit aucun desplaisir de sa dicte fille et que s'il luy avoit dit aucunes injures qu'elle les recitast et il estoit pres de l'amender. (Arch. Nord, 1475, B 1695, f° 85, IGLF). | |
| 37 | Il a menti maulvaisement Parmy sa gorge diffamee, Car il a la noise entamee Et m'a tant dit de desplaisir Que point n'en auriez de plaisir, Car, si vous le saviez bien, Il n'en portera rien du mien, Par Dieu, que je ne le pugnisse. (Sav. serg. D.L., c.1480-1490, 33). | |
| 38 | Il advint avant cellui temps, Q'ung Prouvenceau par une nuit Par trop lëesse et par deduit Lui dit ung simple desplaisir ; Et cil pour ce le vault ferir (Renart contref. R.L., t.2, 1328-1342, 81). | |
| 39 | ...aucunefois ou temps passé par l'instigacion de l'ennemi, ont esté meuz aucuns desplaisirs, descors et dissencions entre aucuns grans seigneurs du lignaige du Roy et prouchains de son sang. (Ch. VI, D., t.1, 1402, 229). | |
| 40 | Car, quant l'estoille comee appert, l'en croit que il doie venir griefs et desplaisirs. (FOUL., Policrat. B., II, 1372, 178). | |
| 41 | ...et par especial pourveez bien et diligemment au fait de nostredicte ville, en faisant qu'elle soit et demeure tousjours en nostre bonne et vraye obeyssance, en telle maniere que autre n'y ait auctorité, fors nous à qui seul elle apartient, et que autre dommage ou desplaisir ne puisse venir à nous ne à nostredicte ville, ainsy comme de ces choses nous en avons en vous la confience. (BAYE, I, 1400-1410, 250). | |
| 42 | ...en cest office se adversité, desplaisir ou contrarieté vous seurvient pour bien servir ayez pacience et vous confortez (JUV. URS., Nescio, 1445, 444). | |
| 43 | Sire, dist la pucelle, la vostre bonne mercy, mais vous ne devez point avoir merveilles se je suis doulente, veu que desplaisirs et tribulacions me surviennent de touts pars. (Percef. III, R., t.2, c.1450 [c.1340], 102). | |
| 44 | Et certes les deux chevalliers estoient si recommandez et aymez que les amys, bienveuillans et serviteurs de chascun d'eulx desiroient la bataille achevée, sans la foulle ou desplaisir de l'ung des deux, comme il advint. (LA MARCHE, Mém., II, c.1470, 184). | |
| 45 | ...[il] dist à lui [Perrin] et à autres dessus dis qu'il avoit veu passer par davant ledit hostel un sergent du roy nommé Jehan de Verberie, lequel, ou temps passé, avoit fait plusieurs injures et desplaisirs audit Thiebaut, leur maistre (Reg. crim. Chât., I, 1389-1392, 181). | |
| 46 | La IIJe consideracion si est sur le fait de la police, ou maniere de conduire les choses, tant au regard des aides que aultrement, que Dieu scet quelles exactions font vos gens sur le peuple, et ont plus de desplaisir de telles mengeries que du principal : il y aura une povre personne qui sera a IIIJ on a VJ blans de taille, se ung sergent la vient executer il fault que il ait IIIJ s. p. . (JUV. URS., Verba, 1452, 403). | |
| 47 | ...il n'a pas en oubli mis Les desplaisirs, que on li ot fait. (CHR. PIZ., M.F., III, 1400-1403, 60). | |
| 48 | ...et aussi que tous iceulx seigneurs (...), qui ont servy mondit seigneur et mesdiz seigneurs, demeurent en sa bonne grace et soient remis en leurs terres, estas et offices, et que pour chose qu'ils ayent fait, ils n'ayent pour ce mal, foule, desplaisir ne dommage en aucune manière (ESCOUCHY, Chron. B., t.3, Pièces justif., 1440-1461, 23). | |
| 49 | M'amye, ne vous desconfortez ja, vous estes arrivée en bon hostel, si Dieu plaist, et n'ayez doubte, on ne vous y fera ja desplaisir (C.N.N., c.1456-1467, 340). | |
| 50 | ...qui l'oyoit, celle qui l'a trompé ne seroit pas seurement en ce monde, tant luy cuide et bien luy veult faire desplaisir (C.N.N., c.1456-1467, 158). | |
| 51 | J'ay eu despieça suspicion que nostre curé vous feist desplaisir, et le vous ay celé jusques ores que j'en ay eu la vraie experience. [Le serviteur a acquis la preuve de la liaison adultère de la femme de son maître] (C.N.N., c.1456-1467, 494). | |
| 52 | : Se le conte d'Armignac avoit sus les champs, en son obeissance, tous ces compaignons (...) pourroient les Armignacs (...) faire ung grant desplaisier au conte de Foix. (FROISS., Chron. M., XIV, c.1375-1400, 140). | |
| 53 | Et fist [Bruiant] depuis maint desplaisirs aux chevaliers du Francq Palais (Percef. III, R., t.1, c.1450 [c.1340], 170). | |
| 54 | "Bruiant, Bruiant, tu as fait mains desplaisirs et oultrages a l'encontre du tresexcellent roy Perceforest et de ses chevaliers que tu as occis..." (Percef. IV, R., c.1450 [c.1340], 224). | |
| 55 | Et se se n'estoit la condicion de vos ennemis, qui ne se ayment pas eulx mesmes et sont de mauvaise nature, je diroye, se ilz descendoient, que vostre clemence les restraindroit fort de leurs voulentés et n'en seroient pas si oultrecuidés a fere desplaisir a vous ne a vostre royaume. (JUV. URS., Verba, 1452, 236). | |
| 56 | ...car tout le monde yroit maintenant au pillaige, et vous ne scavés quelles gens il y a dedens la ville, qui nous pourroient faire quelque desplaisir ou quelque oultraige. (BUEIL, I, 1461-1466, 91). | |
| 57 | ...pour réduire à nostre obéyssance aucuns de ceulx (...) qui (...) avoient (...) fait et commiz plusieurs entreprises à nostre grant desplaisir. (Ch. VI, D., t.1, 1412, 350). | |
| 58 | Si s'adresserent à lui une après-disnée et lui commença à dire le Jouvencel en ceste manière : "Vray est que nous avons cy près de nous ceulx d'Escallon qui nous font beaucoup de desplaisir et destourbier..." (BUEIL, I, 1461-1466, 114). | |
| 59 | Sus les murs anuyt, sans mesprandre, Ay fait le guet toute la nuyt ; Mes nul ne pourroit pas comprandre Comment Anglois ont fait de bruit. Les ay veuz aller et venir Toute la nuyt a grandes tourbes. Sy pensent quelque desplaisir Nous faire, ou donner des coups orbes. Dame, je ne say de leurs forbes Ne aussi leurs intencions ; Mes se François ne les destorbes, Je croy que des maulx nous feront. (Myst. siège Orléans H., c.1480-1500, 492). | |
| 60 | ...il m'a fait tant de contraires et de grans desplaisirs que je le doy bien haïr jusques à la mort. (FROISS., Chron. M., XIV, c.1375-1400, 16). | |
| 61 | Amis, va moy tantost querir Devers ta dame mon chier filz, Pour en faire ainsi que je fiz (...) [Pour le lui enlever] LE SERGENT DU MARQUIS. Sire, je doubte grandement A lui faire tel desplaisir ; Maiz puis qu'il vous vient a plaisir, J'en feray a vostre ordennance (Gris., 1395, 65). | |
| 62 | [Les barons] luy vouloient coupeir le chief. Maiz Ogier, quant le cognut, sy dist a eulx : "Barons, ne faittez point de desplaisir a cestuy paien, car il est mon ami..." (JEAN D'OUTREM., Myr. histors G., a.1400, 155). | |
| 63 | ...Cesar deffendist que on ne pillast les temples, pareillement Pompee, que on ne feist desplaisir a ceulx qui les gardoient (JUV. URS., Verba, 1452, 250). | |
| 64 | A l'ouvrir la chambre, le clerc la vit armée [sa dame] ; si cuida que ce fust aultry qui fust embusché leens pour luy faire desplaisir (C.N.N., c.1456-1467, 279). | |
| 65 | Et puis advint que ung boiteux, qui avoit accusé ledit d'Alençon audit defunct roy, craignoit fort que ledit d'Alençon ne lui feist quelque grant desplaisir, se tira par devers le roy en lui suppliant qu'il lui feist avoir asseurance dudit d'Alençon (ROYE, Chron. scand., I, 1460-1483, 189). | |
| 66 | Et fit deffendre, sur peine de la hart, que nul ne fist aucun desplaisir ou dommaige aux Allemans (LA MARCHE, Mém., II, c.1470, 47). | |
| 67 | ...de quoy ledit Voyaul fut joyeulx, car il ne savoit où se retirer, tant pour ce qu'il estoit desja tard que aussi qu'il ne fust congneu d'aulcuns qui luy eussent poeu faire quelque desplaisir, car, comme dit est, il avoit esté menassé par ledit admiral que, s'il le trouvoit, qu'il le feroit noyer. (LE CLERC, Interp. Roye, c.1502, 147). | |
| 68 | Et en ceste façon monseigneur Charles fut gaigné et print ledict partaige de Guyenne, au grand desplaisir du duc de Bourgongne et de ses embassadeurs, qui estoient sur le lieu. (COMM., I, 1489-1491, 171). | |
| 69 | ...mais non obstant fut adverti par aucuns de ses amys que le duc se devoit trouver devers le roy autour d'Angiers, et que aucuns estoient deliberés de luy faire desplaisir de sa personne. (LE CLERC, Interp. Roye, c.1502, 337). | |
| 70 | ...[Le gentilhomme] trop mieulx vouloit avoir le bergier a beau frere, au gré de sa seur, que ung aultre bien grand maistre au desplaisir d'elle. (C.N.N., c.1456-1467, 361). | |
| 71 | Lesquelles en le embrachant tres familierement lui dirent : "Ne pren pas en desplaisir, jovenceau, nostre venue..." (DAUDIN, De la erudition H., c.1360-1380, 85). | |
|
