| 77 exemples | | 1 | Et ainsi appert que la mise est grande et l'euvre est avenant et correspondant, par quoy il s'ensuit que l'euvre soit digne de tele despense, et la despense doit superhabonder. (ORESME, E.A., c.1370, 243). | |
| 2 | Lors comptent de leurs destinees Les quoquars foulx ; Alors se vantent des gros coupx Et font gras despens et grans coustx. Et qui que soit prins ou rescoux, Nul d'eulx n'y pense ; Prestz seroient a la despense, Maiz trestardifz a la deffense. (CHART., L. Dames, 1416, 225). | |
| 3 | Aussi les seigneurs terriens Quant il ont grant muete de chiens, Si couvient il qu'a la foiz pensent Dont leur vendra ce qu'il despensent, Et ainsi le doivent il faire, Quer cil son estat veult deffaire Qui fait sa despensse plus hault Monter que sa rente ne vault. (LA BUIGNE, Rom. deduis B., 1359-1377, 469). | |
| 4 | Toutesvoies, quoy qu'il soit advenu ou temps passé, nous devons assez avoir aprins pour noz couraiges rafermer a ce qu'est avenir et aidier a redrecier par meilleur advis ce que nous mesmes avons bestourné par folle creance, et n'y doit nul epargnier peril de corps, travail de pensee, ne despense de chevance. (CHART., Q. inv., 1422, 31). | |
| 5 | Tu fais tes plaintes de la vanité des pompes et dissolucion des estas de nous et semble que trop fort te dueilles de la consumption des finances dont la despence est sur la bourse des nobles et les tresors en sont en tes coffres. (CHART., Q. inv., 1422, 40). | |
| 6 | ...[son amant] rembourra son bas a son cher coust, tant en substance de son corps que en despense de pecune (C.N.N., c.1456-1467, 461). | |
| 7 | Quant bien au faict d'Alexandre je pense, Si grant seigneur et de telle despence, Qui du monde fut gouverneur unicque, C'est a bon droit se ma joie suspence (MESCHIN., Lun. princes M.-G., c.1461-1465, 5). | |
| 8 | Se sage homme encien en ta terre N'as, si l'envoie en autre querre, Et ne te chaille qu'il te couste ; N'i espargne riens, car sans doubte, Il gaaingnera bien sa despense, S'a tes besongnes de cuer pense. (MACH., C. ami, 1357, 134). | |
| 9 | Avec ce, doit amonnester son mary que ilz vivent si sobrement que la despense ne passe la gaingne, si que au bout de l'an ne se treuvent endebtéz. (CHR. PIZ., Trois vertus W.H., c.1405, 206). | |
| 10 | Tu as fait cri contre l'eslargissement des despenses et les legieretez et esbaudissemens des jounes nobles homes, mais tu n'as pas gecté ton obprobrieuse voix contre les desloiales effusions de sang humain qui ont froissié le lien de justice et ouvert le chemin de abhominacion. (CHART., Q. inv., 1422, 41). | |
| 11 | ...et si faisoit [un seigneur] en temps competent si grande provision de toutes choses pour son hostel qu'il en faisoit vendre la moictié, ou il pourfitoit et gaignoit l'aultre moictié de sa despense. (JUV. URS., Nescio, 1445, 526). | |
| 12 | - Et quant Madame, qui de le oïr estoit tresjoyeuse, lui sembla qu'il l'eust dist craintement, doubtant de trouver la despence et finance a ce necessaire, lors elle lui dist : "Mon ami, il me semble que avez fait si bien que on ne pourroit mieulz, et quant au regart de la despense, je ne veul que vous en sociez, car j'espere que Monseigneur, Madame et Messeigneurs mes beaus oncles especialment vous y aideront..." (LA SALE, J.S., 1456, 89). | |
| 13 | ...si vous prie et recorde que, sans nulle fole ne prodigue despense, qui redonde trop plus a honte que a honneur, a dommaige que a proffit, largesse bien employé vous soit recommandee (LA SALE, J.S., 1456, 75). | |
| 14 | Sur quoy a esté respondu par la Court que ladicte despence d'espices ne doit point venir en taxation. (BAYE, I, 1400-1410, 61). | |
| 15 | Et est besoing, avant que je entre à l'accomplissement des armes, que je devise de l'estat des pompes et preparacions que fit le seigneur de Charny, chief et fournisseur de la despence du pas ["du tournoi"], et comment fut ceste sollempnité haultement et par grans fraiz menée et conduitte, dont à mon rapport je demande à tesmoignaige tous les escriptz et registres faictz par les roys d'armes et heraulx presens à ceste chose. (LA MARCHE, Mém., I, c.1470, 291). | |
| 16 | La despence de ce navire estoit fort grande, et suis d'oppinion qu'elle cousta trois cens mil francs et ne servit de riens ; et y alla tout l'argent cler que le roy peüt finer de ses finances. (COMM., III, 1495-1498, 32). | |
| 17 | Et du surplus de vostre depense de aler, de demeurer et du retourner ne vous esmayez, car je trouveray façon que Monseigneur, Madame et messeigneurs mes beaus oncles de Anjou, de Berry et de Bourgoigne (...) chascun vous aidera (LA SALE, J.S., 1456, 79). | |
| 18 | Et puis veullent compter la despence de les garder (COMM., III, 1495-1498, 264). | |
| 19 | JUDAS. Aussi m'a il fait son boursier Et gouverneur de sa despense : C'est signe qu'il a confidence En moy sur tout le demourant. (GRÉBAN, Pass. J., c.1450, 237). | |
| 20 | ...enqueroit des voyages de son hoste a ung ancien gentil homme qui avoit conduit le fait de sa despense en son voyage. (C.N.N., c.1456-1467, 249). | |
| 21 | ...en cest hostel avoit gentil compaignon clerc, qui tresbien chantoit et jouoit de la harpe, et avoit la charge de la despense (C.N.N., c.1456-1467, 279). | |
| 22 | ...la somme de quarante cinq solz par., en quoy il estoit tenuz envers elle pour despense de bouche et hostelage (Sent. Chât. Paris M., II, 1399, 619). | |
| 23 | Item, voult et ordena le dit testateur que toute la mise et despense que maistre Aymery du Buisson, en l'ostel duquel il avoit esté et estoit malade des le jour qu'il avoit esté blecié, soit paiée bien et loyalment, et que de toute ycelle, tant en mires et medecins comme en despense de bouche, de serviteurs, et aussy en la poursuite de faire prendre les malfaicteurs qui l'avoient batu et navré, le dit maistre Aymery soit creu par son serment, sanz neccessité d'en faire autre preuve. (Test. Parlem. Paris T., 1405, 416). | |
| 24 | Je n'y saroie ainsi aller [en pélerinage] sans grosse despence (C.N.N., c.1456-1467, 171). | |
| 25 | Item je donne et legue a mes cousins et cousines Guillaume Fevre le viez, Ysabellet et Marye, ses seurs, tout ce entierement qu'ilz me pourroient debvoir a cause de leurs despense de bouche et entretenement puis le trespas de feu maistre Vienot Fevre, jaidiz leur pere, qu'il Dieu absoille. (Test. Besanç. R., t.2, 1479, 187). | |
| 26 | Et dit que dudit coffre, deux ou trois jours ensuivans la prinse dudit sachet, il tira icellui hors, sa femme estoit absente, regarda et compta qu'il avoit dedens icellui sac, et trouva que en icellui avoit trois cens pieces d'or, tant en moutons comme en frans, lesquieulx il a, depuis icellui temps, gardez par devers soy, et iceulx alouez et despendus, tant en la despence de son hostel, à soy vestir, chaucier, gouverner et acquittier, comme ès reparacions et edifices par lui faiz en sa maison où il demeure ad present, et laquele depuis nagueires il a faite edifier de nouvel. (Reg. crim. Chât., II, 1389-1392, 87). | |
| 27 | ...ne nul besoing ne lui estoit d'emprumpter l'argent dessus dit, car il avoit en garde toute la plus grant partie de la chevance dudit sire de Roussay, pour faire la despence de son hostel. (Reg. crim. Chât., II, 1389-1392, 134). | |
| 28 | Vouldra savoir comment ses maistres d'ostel gouvernent ses gens et ordonnent son commun et distribuent les viandes et vins, et semblablement des autres offices de sa court - dont il n'y aura nul grant ne petit dont elle ne vueille estre bien informee -, qu'ilz soient prudens, de bonne vie et preudommes ains qu'elle les preingne, et se le contraire scet, que tost ne les mettre hors : si saura combien monte la despense de son hostel. (CHR. PIZ., Trois vertus W.H., c.1405, 75). | |
| 29 | Et adonc vin et viande, chandoile, pain, lart et sel, et toute despence d'ostel sera bien gouvernee, et se le maistre dit aucunes foiz que les garnisons y faillent trop tost, incontinent ara sa responce preste, disant que c'est pour ce qu'il fait trop de grans disners et semont tant les gens de boire (CHR. PIZ., Trois vertus W.H., c.1405, 210). | |
| 30 | Mes le duc, adverti de leur venue [des ambassadeurs d'Orient] (...), envoia au devant de eulz notable seigneurie en grant nombre et les fist (...) pourveoir de tout ce que neccessaire leur estoit a ses despens : leur bailla ung trusseman qui savoit grec et langage sarrasin pour les conjoïr (...) ; leur bailla queux et maistre d'ostel, clerc de despence et de provision pour estre penséz et furniz de toutes choses comme ly propre (CHASTELL., Chron. IV, D., c.1461-1472, 286). | |
| 31 | ...monseigneur le roy vous a donnez IIJM escus, Madame mille, Messeigneurs mes beaus oncles chascun mile (...) je vous en donray trois mile, qui du moins seront XM, des quelz sans trop grans excez de prodigues despenses en pourrez maintenir bonne despense longuement. (LA SALE, J.S., 1456, 95). | |
| 32 | ...ainsi, se tout estoit pesé a juste balance, les travaulx et les perilz que nous souffrons, les fraiz, despenses et dommaiges que nous soustenons, et de l'autre costé les maulx que nous faisons, nous n'aurions mendre part de la douleur du peuple qui crie sur nous. (CHART., Q. inv., 1422, 33). | |
| 33 | Et si vous avons feu monsr. mon pere et nous ses enffans servis loyalment de nostre povoir, et mesmement moy en la garde de vostre ville de Beauvais, moy estant evesque d'icelle, ou j'ay esté de XIJ a XIIJ ans en guerre continuelle, et eulx des paines et travaulx et despences infinis sans avoir aucun proffit de vous ne d'aultres, et y ay acomply la loyaulté que doy avoir envers vous et hommages et seremens que avoye fais de mon povre povoir. (JUV. URS., Verba, 1452, 186). | |
| 34 | ...donna ce duc Charles, qui continuellement les tint en grant guerre, travail et despence, et presque autant en temps d'yver que d'esté. Beaucoup de gens riches et ayséz furent morts et destruictz par prison en ces guerres. (COMM., II, 1489-1491, 156). | |
| 35 | Sus, mes seigneurs et bons amis, Faison [l. faisons] au jour d'uy bonne chere ! Nulle despence ne soit chere ; N'espargnhés riens, ainsi le veulx. (Pass. Auv., 1477, 88). | |
| 36 | Les nopces durerent quatre jours, et y estoit tout homme deffroyé, et mesme par les villaiges, aux frais et à la despence dudit seigneur d'Autré (LA MARCHE, Mém., II, c.1470, 400). | |
| 37 | Florentins, qui se veoient destruitz, si par quelque grant inconveniant ne se ressourdoient, pour estre dessaisiz de Pise et aultres places dont il a esté parlé, fournissoyent huyt cens hommes d'armes et cinq mil hommes de pied, et cela à leur despence (COMM., III, 1495-1498, 274). | |
| 38 | Et cest Donait, je le fis la fair a mes despenses et tres grant peine par pluseurs bons clercs du language avantdite [le français]. (Donat Oxf. S., p.1400, 128). | |
| 39 | ...tu desires sçavoir comment la creature peut estre en ce monde eslevee voire et soubz despense d'autruy, laquelle question est assez folement entreprinse, car, en ce siecle miserable, ne peut nulle autre personne estre eslevee en quelque bobance ou grandeur ou richesse ou de force en quoy elle peut estre si non peu agreable a Dieu, si par elle n'estoit icelle richesse distribuee en parfaicte charité (Abuzé D., c.1450-1470, 15). | |
| 40 | ...sont moult bons chevaulx et courent longuement, et sont de petite despense, car ilz ne menguent que de nuit ung pou d'orge et de la paille piquadée (LA BROQUIÈRE, Voy. Outr. S., c.1455-1457, 62). | |
| 41 | Johannes de Santo Archangelo, comme aucuns dient, fist l'Equatoire des planetes en l'an 1360, qui est euvre de moult grant secours et utilité et de petite despense. (SIMON DE PHARES, Astrol., c.1494-1498, f° 141 v°). | |
| 42 | Ces choses ainsi faictes, se retira ledict duc à Gand, où il y fut fait une entrée de grand despence. Et y entra en armes. (COMM., I, 1489-1491, 122). | |
| 43 | ...les povres femmes, qui scevent bien que le mainage de l'ostel a disette de ce que follement est despendu et que elles et leurs las d'enffans le pourront comparer, ne se pueent tenir d'en parler a leurs maris et de les admonnester de mendre despence. (CHR. PIZ., Cité dames C., c.1404-1407, 963). | |
| 44 | Et tint le seigneur de Charny bien deux mois entiers court ouverte en toutes les places dessusdictes, à si grande et plantureuse despense, que de mon temps, pour si grant terme, sans maison de prince, je n'ay point veu le pareil. (LA MARCHE, Mém., I, c.1470, 295). | |
| 45 | Ainsi ce noble pas fut achevé et soubstenu par le seigneur de Charny et par ses compaignons, en chevaleureuse execution d'armes, en grans pompes d'habitz et d'acompaignemens, et à grande, large et habandonnée despense de mangiers et de festiemens (LA MARCHE, Mém., II, c.1470, 1). | |
| 46 | Item, la ou il appartient faire grans despens, il despent petit et trop peu et la ou il convenist petit despendre, il fait grans despenses. (ORESME, E.A., c.1370, 247). | |
| 47 | Mengüe en ta sale souvent Et tien de tes gens le couvent, Qu'il leur souffist en ta presence Trop mieus et a meins de despense. (MACH., C. ami, 1357, 124). | |
| 48 | Et, pour ce, tout bien debatu, je croy qu'il vauldra mieulx passer par mer ; ce sera plus tost fait et à moings de despence ; car le temps que nous mettrions à aller par la terre cousteroit autant comme le passaige, tant en perte de chevaulx comme aultrement. (BUEIL, II, 1461-1466, 163). | |
| 49 | Et dist avec ce que son entente estoit de aler dymenche derrenierement passé, au matin, querre ledit cheval et païer la despence que faitte avoit en l'ostel dudit Marin, se n'eust esté ce que, le samedi precedent derrenierement passé, il fu prins et admené prisonnier ou Chastellet, pour la cause de cy-dessus dite (Reg. crim. Chât., I, 1389-1392, 191). | |
| 50 | Sire, dist Melusigne, il est bon que desormais ilz [nos enfants] commencent a voyagier pour congnoistre le monde et les estranges marches, et aussi estre congneu et congnoistre les estrangiers. Et je les pourverray si bien, a l'aide de Dieu, qu'ilz auront bien de quoy paier leur despense. (ARRAS, c.1392-1393, 146). | |
| 51 | Et aussi mon conseil s'avisera comment nous les pourrons satisfaire [les deux seigneurs] de leur paine et de leur despense au mieulx que nous pourrons. (ARRAS, c.1392-1393, 164). | |
| 52 | Or fault il avoir du vin frois, car celui qui est en despence n'est assez bon, mes ne peut trouver le guibelet ["Foret pour mettre un tonneau en perce"], que la dame ne le vieult pas, et n'y a froumage ne aultre chouse, mes convient a l'aventure en aller querir chiés les voisins. (Quinze joies mar. R., c.1390-1410, 53). | |
| 53 | LE CHAUDERONNIER. La mort bieu, voicy bien sifflé ["bu d'un trait"]. LE SAVETIER. Celluy qu'on boyt en la despence Est bien autrement baptizé. (Chaulder. T., c.1500, 211). | |
| 54 | Or dirons des vertus de l'ame Que l'en y puet mettre sanz blame. Jupiter sur le souleil pense Et de raison fait sa despense. (LE FÈVRE, Vieille C., a.1376, 208). | |
| 55 | ...Va a ton abbé Et li di que marcheant sui. Venir ne vouloie pas vui. Ne savoie s'i li failloit Pain ne vin, ne qui li bailloit Sa despense a lui et aus freres. (Vie st Evroul S., c.1350, 75). | |
| 56 | ...quant ly moyne y seront estably, je leur en donne pour leur ardoir, et tous leurs adherens et habitans. Et leur habandonne la pescherie en la mer qui est prez de ceste place, a ung quart de lieue, et tendre en la forest aux oysiaux et a toute sauvagine, pour leur despense. (ARRAS, c.1392-1393, 76). | |
| 57 | Ce puis je savoir que la finance, tele que nostre prince la recueult, n'est pas prinse de revenue, mais vient par industrie et diligence, et la despence qu'il fait pour noz affaires n'est pas une chose limitee, mais est une droicte abisme ou tout se fond et despent, car qui meine guerre ne peut mectre compte ne nombre en la mise, soit sa recepte petite ou grande. (CHART., Q. inv., 1422, 50). | |
| 58 | ...Si ot pour despense Et pour celier, a sa despense Mettre, une povre gibeciere ; Pour chariot et cheval, c'iere Un baston a quoy s'appuioit, Et es portaux il s'abruioit Des citez. (CHR. PIZ., Chem. estude P., 1402-1403, 203). | |
| 59 | ...ledit prestre, oudit hostel, prenoit presque toute sa despense (...). Mais, lui absent de son dit hostel, icelui prestre conversoit, buvoit et mengoit oudit hostel, oultre le gré et voulenté du dit escuier. (Ch. VI, D., t.2, 1408, 22-23). | |
| 60 | L'eaue de Pleur, de Joye ou de Douleur, Qui fait mouldre le molin de Pensee, Dessus lequel la rente est ordonnee, Qui doit fournir la despense du cueur, Despartir fait farine de Doulceur, D'avecques son de Dure Destinee (CH. D'ORLÉANS, Rond. C., 1443-1460, 454). | |
| 61 | L'ABBEESSE. (...) Or venez boire, je vous proy, En ma despense. (Mir. abbeesse, 1340, 83). | |
| 62 | ...il savoit bien les estres d'icellui hostel de Villebon, et la despence où l'en mettoit la vaissele d'argent. (Reg. crim. Chât., II, 1389-1392, 399). | |
| 63 | Et, avec ce, avoir mal prins en l'ostel dudit chevalier, ès aurmailles de la despense dudit hostel, une tasse d'argent (Reg. crim. Chât., II, 1389-1392, 372). | |
| 64 | ...pour avoir sollé et bassé le palis du jardin de la vicairie et plusieurs pos et une sole en l'estable dessoubz la dicte vicairie et la carieure du puis et une sole soubz la despense, et une sole ou fénil et deux pos dessus le grenier à l'avaine, et la parey depuis l'uys de la salle du tinel jusques a la chapelle (Comptes Archev. Rouen J., 1399-1400, 43). | |
| 65 | ...Si ot pour despense Et pour celier, a sa despense Mettre, une povre gibeciere ; Pour chariot et cheval, c'iere Un baston a quoy s'appuioit, Et es portaux il s'abruioit Des citez. (CHR. PIZ., Chem. estude P., 1402-1403, 203). | |
| 66 | Item, une table de VIIJ piez de long ou environ, de IJ ays de mort boys, trouvée ou retrait emprès la despense (Invent. N. Baye T., 1419, LI-LII). | |
| 67 | En la despense joingnant et auprès de la salle basse dud. hostel. Premièrement une petitte huchette on l'en met le pain (Invent. test. Surreau Foville F., 1435, 50-51). | |
| 68 | Et monseigneur de Bourbon aussi lui donna ung moult beau riche dyamant et d'autres choses, et si fut du tout defrayé de toute la despense que lui et tous ses gens avoient faicte depuis qu'ilz descendirent de la mer à terre jusques à ce qu'ilz remontassent en mer. (ROYE, Chron. scand., I, 1460-1483, 172). | |
| 69 | En la despence. Deux cens 98 livres d'estain, prisé chacun cent 13 l. Item, une grant chaudière à deux aneaulx. (Aff. Jacques Coeur M., 1453-1457, 115). | |
| 70 | CROQUEPIE. Ou le mettrons nous ? quant g'y pense, Portons le corps en la despense Et que les lampes toute nuyt Soient plaines d'huille, comme duit A sa personne, qui le vault. SOTOUART. Sera il tout seul ? (Vig. Trib., c.1480, 235). | |
| 71 | Tu es vaillant, on te menra Boire à nostre sansonnerie : Va toy raffrechir, je te prie, Du meilleur de nostre despense. (MOLINET, Myst. st Quentin C., c.1482, 5). | |
| 72 | ...trouvé a esté par informacion, que plusieurs desdits Vendeurs ont vendu et vendent (...) prunelez, cidres et despences, à plusieurs simples personnes qui les ont achetées cuidans que ce fust vin (Ordonn. rois Fr. S., t.9, 1407, 713). | |
| 73 | Aucun Vendeur ne vendra, tant audit lieu de Greve, à ladicte Estappe que ailleurs, aucuns buvrages, comme Prunellés, Cidres, Despences ou autres, sans le dire premierement et le faire savoir à cellui ou ceulz qui ledit buvraige vouldront achetter (Ordonn. rois Fr. V., t.10, 1415, 270). | |
| 74 | Mais qu'il ait le jour une miche Et ung oignon pour sa pitance Et [a] boire son so de despence, Il sera grandement pourveu. (Pouvre peuple H., c.1450-1492, 194). | |
| 75 | De ses [ ... ] faiz on en dispence Par les seaux de nostre despence. (Vig. Trib., c.1480, 231). | |
| 76 | Et fut conclud, sans une voix au contraire (et si y avoit tousjours dix ou douze personnes pour le moins), qu'il y devoit aller, veü qu'on avoit asseüré tous les amys en Ytalie, qui dessus sont nomméz, lesquelz jà avoient faict despence et se tenoient prestz. (COMM., III, 1495-1498, 276). | |
| 77 | Beaux seigneurs, laissons ce baigaige : Par luy faisons trop grant despence. (LA VIGNE, S.M., 1496, 199). | |
|
