| 29 exemples |
| 1 | ..."ce sont choses supersticieuses et dampnables tous volumes et livres d'ars magiques, lezquelx enseignent lyeüres et plusieurs remedes de maladies qui sont reprouvés en medycine, et lezquelx aussi enseignent a faire aucunes faulses prieres, notes, figures ou caractes et dependre aucunes telles choses a aucuns de sez membres, pour gueryson recovrer". Juques cy durent lez paroles de monseigneur saint Augustin. (Songe verg. S., t.1, 1378, 389). |
|
| 2 | ...tout depent de Lui, car Il est cause de tout par sa pure, franche volenté : I>Omnia quecumque voluit, fecit/I>. (ORESME, C.M., c.1377, 284). |
|
| 3 | Et pour ce, selon Tulles ou livre I>De la Nature des dieux/I>, aussi comme d'un horloge qui est meu tres ordeneement nul ne diroit que ce peust estre a cas d'aventure et sanz avoir esté fait par cause intellective, par plus forte raison il convient que les mouvemens du ciel dependent d'aucune vertu intellective plus haute et plus grande que entendement humain. (ORESME, C.M., c.1377, 282). |
|
| 4 | ...la cognoissance des dicions depent de la cognoissance des lettres qui sont premieres parties des dicions. (ORESME, C.M., c.1377, 614). |
|
| 5 | ...conme sont lez choses lezquellez dependent de la franche volanté d'onme, laquelle n'est pas determinee, mez est muable et aucune foys tient noir et aultre fois tient blanc, et si est aussi fallible, car, ja soit ce que un honme soit en volanté de faire aucune chose, il luy vient plusieurs enpechemens pour lezquelx il ne puet mener a effect sa volanté. (Songe verg. S., t.1, 1378, 370). |
|
| 6 | ...li airs ha toutes ses parties jointes et continues ensamble et telement entretenans l'une a l'autre que quant l'une se moet, l'autre qui est derriere neccessairement le sieut (...) et pour ce dit il que li uns airs se despent de l'autre et ont grant inclination de sievir li uns l'autre (EVR. CONTY, Probl. Aristote, 1380, XXV, 21, 200 r°). |
|
| 7 | Par ces voyes principaument Monte la gent communement Voire ou s'efforcent de monter Ceulx qui tout veulent seurmonter. D'autres chemins y a assez, Pourquoy plusieurs sont surhaulsez, Qui es lieux montent et descendent, Mais tous de ces ..IIII.. dependent, Dont les aucuns vont ou milieu Et les autres en plus bas lieu, Selon ce qu'Eür les assiet (CHR. PIZ., M.F., I, 1400-1403, 122). |
|
| 8 | ...et pareillement renunce à certeinnes requestes par lui baillées à la dicte Court sur ce que maintenoit aucuns tesmoins avoir deposé faulx en l'enqueste du procès, dont despend ledit arrest (BAYE, I, 1400-1410, 210). |
|
| 9 | Ainsi de la m'estut partir, Dont il me desplut, sanz mentir, Mais obeir il me convint A celle qui a moy la vint, Qui me dist : Ja verras merveilles Celles, te pri, qu'entendre vueilles, Car toutes de ce ciel dependent Et procedent et en descendent. (CHR. PIZ., Chem. estude P., 1402-1403, 89). |
|
| 10 | Ainsi despent Uns homs trop plus qu'a lui n'appent En robe et ce qui en deppent ; Si s'endebte et puis s'en repent. (CHART., L. Dames, 1416, 285). |
|
| 11 | Si requierent que defense leur soit faicte qu'ilz ne les traictent ailleurs que en la Court de ceans, ou regard de ce dont est procès ceans et de ce qui en depend, selon la teneur de leur requeste (FAUQ., II, 1421-1430, 226). |
|
| 12 | ...ainsi la science divine n'a quelconquez proportion avecquez la savance dez hommez, et ne doiz rien juger de son savoir par le tien. Car ta science despent des choses que tu sçais de luy, et les choses qu'il sçait despendent de sa science. (CHART., L. Esp., c.1429-1430, 160). |
|
| 13 | Ainsi plusieurs communités ont accepté seigneurie heredital nommee royaulme, comme plus parfaicte et semblable au regime universel qui tout despent du chef, lequel est commencement et fin de toutes choses creez. (CHART., L. Esp., c.1429-1430, 69). |
|
| 14 | ...il semble que ilz [des juristes] veullent dire que la personalité despende de la realité, et le contraire est vray, c'est assavoir l'ypotheque despend de la promesse personnelle (JUV. URS., Verba, 1452, 369). |
|
| 15 | Mais la verité des propositions ypothetiques depent de l'abitude convenable d'une proposition cathegorique a l'autre. (Somme abr., c.1477-1481, 168). |
|
| 16 | La guerre entre deux grans princes est bien aisée à commencer, mais très mal aisée à rapaiser, pour les choses qui y adviennent et qui en dependent (COMM., I, 1489-1491, 125). |
|
| 17 | Ce petit bourg (...) Tient et despend de quelque baronnie (LA VIGNE, V.N., p.1495, 155). |
|
| 18 | ...de ceste tribulation en Angleterre enviellie il depend par devers nous nouvel sens et novelle matere. (CHASTELL., Chron. IV, D., c.1461-1472, 277). |
|
| 19 | Encores fault il savoir le regard des planettes et les comparoisons que elles ont l'une a l'autre et par especial ceulx qui se font par nombres musicaulx, c'est a dire par les proporcions dont les consonances musicaux se dependent, pour ce qu'ilz sont de plus grant efficace en la mutacion des elemens (EVR. CONTY, Harm. sphères H.P.-H., c.1400, 20). |
|
| 20 | Ainsy donc appert il que les sons de musique et les consonancies se dependent des nombres. (EVR. CONTY, Harm. sphères H.P.-H., c.1400, 45). |
|
| 21 | ...j'ay demandé aux officiers d'armes par quelle maniere de mesurer estoient lesdits pas mis en mesure. Sur quoy me fut respondu que chascun pas fut prins pour deux piedz et demy, à mesurer par la main d'ung chevalier, ou pour le moins de la main d'ung noble homme ; et que ceux là estoient mesurez par le mareschal de la lice, estant ce cas du dependant de son office. (LA MARCHE, Mém., II, c.1470, 71). |
|
| 22 | ...attendu que lesdiz prisonniers et leurs meffaiz estoient deppendens l'un de l'autre (Reg. crim. Chât., I, 1389-1392, 107). |
|
| 23 | Et cecy peult venir par contrition, et despent de la clemence du pere eternel, qui puis la passion de son filz Jhesu Crist a plus tenue close sa fureur que sa benignité. (CHART., L. Esp., c.1429-1430, 77). |
|
| 24 | Et finablement, en tous et chacun lez pointz d'ordonnances de la loy divine, tout tent et conclud a bien, a salut et honneur tant universel que particulier, et si respond ausy bien a l'eternel fait et louenge que au mondain, et au mondain que a l'eternel, comme procedant et retournant a ung seul et vray Dieu, duquel toute sainte loy et toute vie humaine et pardurable par necessité et par apparente rayson si deppent. (CHART., L. Esp., c.1429-1430, 128). |
|
| 25 | En regardant doncquez les choses prouffitables d'embas, et contemplant les choses merveillables d'en hault, congneurent ilz grossement que leur soustenement despendoit de plus haulte puissance que de celle d'omme. (CHART., L. Esp., c.1429-1430, 171). |
|
| 26 | Car le fait de generation se met en terme et en signification concrete ou conjoincte avec ce qui signifie substance et a estre par lui sans dependre d'aultrui. (Somme abr., c.1477-1481, 152). |
|
| 27 | Et toutes teles amistiés dependent et viennent de amistié paternel (ORESME, E.A., c.1370, 440). |
|
| 28 | Et en aprés il determine pluseurs questions devant proposees et autres et par un autre ordre ; c'est a savoir, selon ce que elles dependent l'une de l'autre. (ORESME, E.A.C., c.1370, 370). |
|
| 29 | ...servons sanz demourance Ce saint jardin de qui tout bien despent (Mir. Berthe, c.1373, 253). |
|
