| 37 exemples |
| 1 | Et bien apparissoit a son semblant que forment feust espoventee et doubteuse de plus grant maleurté et douleur advenir. Et en signe de ce, ses blons cheveulx, qui a fin or estrivoient de couleur, veissez espanduz et degetiez sans aournement au travers de ses espaules et une couronne d'or fin sur son chief portoit, qui par divers hurs si fort estoit esbranlee que ja penchoit de coste, enclinee moult durement. (CHART., Q. inv., 1422, 7). |
|
| 2 | ...et, se tele devotion est deniee de Dieu ou par quelque ocasion empeschee, il n'en fault pas pourtant estre trop degetté ne de tristresse absorbé (Traité S. Sacr. B., c.1450-1500, 161). |
|
| 3 | Le païen se degette et prent a ganbeter (Renaut Mont. B.N. V., c.1350-1400, 515). |
|
| 4 | ...les baillievres escument et se deteurdent, les bras se degettent, les piez si saillent et tout le corps tramble (FOUL., Policrat. B., V, 1372, 405). |
|
| 5 | Monstrez ça vostre poux. Gardez, ne vous dejettez point : Vous serez tantost en bon point (Mir. Pierre Changeur, c.1378, 241). |
|
| 6 | Et quant le duc se voulust dormir (...) la duchesse se degetoit et tournoit d'ung costé sur aultre, en elle detordant et getant souspirs par si merveilleuses fainttes que le duc en eust grant pitié, et luy demanda qu'elle avoit. (Chastel. Vergier S., c.1450-1480, 98). |
|
| 7 | ...pour ce que tu as dejeté le commandement de Dieu, nostre Seigneur t'a dejeté (FOUL., Policrat. B., II, 1372, 190). |
|
| 8 | Et drois est que tout me degette, Puis qu'à vous ay failli, doucette. (MACH., L. dames, 1377, 107). |
|
| 9 | Par ainsi l'ame qui devroit estre amee de Dieu est reboutee et degetee de son amour et de sa grace, a l'exemple de Saul et de Ochozias et de Jezabel, qui par sourceries fausses perdirent la vie et leur royaume. (GERS., Annonc., a.1400, 235). |
|
| 10 | ...Quar il luy vien ungne vision [à la femme de Pilate] Que l'a mys en turbassion. Pour la vision que elle vit, Sire, il m'es bien avis Que si Jhesus vous condampnés, Que trestus degités serés De Jherusalem la citer. (Pass. Autun Roman F., c.1400-1500, 197). |
|
| 11 | Elle veist bien Verité, la loyale et feable conseilleresse, mais n'en tenoit gueres de compte, ainsoys se moquoit d'elle a la foys pour ce que elle estoit souvent haye, dejectee et defoulee, comme fole et nice (GERS., Noël, p.1404, 305). |
|
| 12 | Recorde toy de Virgile, qui en sa tres delicieuse poesterie raconte les destourbiers et desesperez meschiefz ou ledit Ennee fut par sept ans degetté en sa fuicte ennuyeuse : la lecture de divine eloquence dudit Virgile te vauldra experiment. (CHART., L. Esp., c.1429-1430, 14). |
|
| 13 | Et sont telz melancolieux souuent degectez de vne meschante tristesse et ont paour sans cause et sont souuent si tristes que se tu leur demandes pour quoy ilz sont tristes et de quoy ilz se deulent, ou de quoy ilz ont paour, ou de quoy ilz ont desplaisance, ilz ne sceuent que respondre et ne sceuent quilz ont. (CIB., p.1451, 219). |
|
| 14 | Las ! se la sainte Bible dont ilz [le peuple des juifs] ont violé la sentence ne les adresse, au mains lez deust bien raviser leur longue servitude et la paine de leur misere ; et, se ilz ne croient aux parollez, creussent aux faiz, veu qu'il a passé mil .CCCLXIIII. ans qu'ilz sont exilés et degettés en diverses terres, comme gent reprouchee et serve, et leur est cessee la unction de leurs roys, et le sceptre de Juda transferé en autruy seigneurie, qui par les visions de leurs mesmez prophetes est clere demonstrance que Messyas est venu. (CHART., L. Esp., c.1429-1430, 107). |
|
| 15 | Ilz appellerent a justice ceulx qui les avoient degettez par oultrage, et firent droit au pays, et satisfation a Dieu et a sa loy, des traistres et prevaricateurs, entre lesquelz Alchius et autres ses complices (...) fina miserablement ses jours. (CHART., L. Esp., c.1429-1430, 135). |
|
| 16 | Pense de paiz faire et acort Au vesque de Poitiers qu'a tort As dejetté de s'eveschié (Mir. st Guill., c.1347, 20). |
|
| 17 | Exhereder est aucun de sa suctession pour cause legitime priver et degicter. (Cout. instit. Anjou Maine B.-B., t.2, 1437, 300). |
|
| 18 | ...par faulce et mauvaise traÿson degettee de sa seignorie (WAUQUELIN, Belle Hélène Const. C., c.1448-1452, 253). |
|
| 19 | ...en cest instant et heure Fuz degetté du hault palais d'Honneur (SAINT-GELAIS, Séj. honn. D., c.1490-1495, 376). |
|
| 20 | C'est que le degeté enfant Du roy de France legitime, Qui long temps a esté souffrant Mains grans ennuiz, qui or aprime, Se lieva ainsi que vers prime, Venant comme roy coronné En puissance tresgrande et fine (CHR. PIZ., J. d'Arc, 1429, 28). |
|
| 21 | ...pour ce que tu as dejeté le commandement de Dieu, nostre Seigneur t'a dejeté (FOUL., Policrat. B., II, 1372, 190). |
|
| 22 | Car telz ymages [faites par art de magique] ne sont pas recevables en l'escole de philosophie naturelle, maiz en sont et doivent estre a bon droit degettees et banies. (EVR. CONTY, Harm. sphères H.P.-H., c.1400, 40). |
|
| 23 | Scipion l'Affrican, quant premier demena son ost en Auffrique, commanda que toutes choses, qui en ses legions seroient trouvees provocans a volupté, en fussent tantost degeteez. (CHART., Q. inv., 1422, 15). |
|
| 24 | ...comme justice soit ordre, mesure et balance de toutes choses rendre à chascun selon son droit, comme dist Saint Bernard, n'est pas doubte que par ycelle bien tenir vint à chief de ses adversitez non pas petites, et adnyenti les flos de male Fortune, soubz quel subgecion avoit esté degiete par long espace. (CHR. PIZ., Faits meurs Ch. V, S., I, 1404, 63). |
|
| 25 | La lime se use et puis est degettee comme inutile, et le fer limé par l'amendement du maistre est reabillité et mis a prouffit. (CHART., L. Esp., c.1429-1430, 42). |
|
| 26 | Car, peu avant sa mort, tout conseil bon et seür ilz ont dejecté et serché toutes voyes qui leur estoient nuysibles. (COMM., II, 1489-1491, 155). |
|
| 27 | Je t'adjure en humilité Que ton esprit soit degecté Dehors de ceste sepulture (LA VIGNE, S.M., 1496, 529). |
|
| 28 | Et comme Belignus celui a tout viaire de paix veyt venir a luy (...), dejectees ses armeures... (Percef. I, R., t.1, c.1450 [c.1340], 55). |
|
| 29 | Atant il [Jason] desvala en la chambre de sa dame [Medee], qui appareilloit un tresbeau baing. Si la salua, puis lui dist : "Ma dame, je vous ay desiree voir a nostre privoison par grant desir pour vous remercier du grant honneur qui par vous m'est advenu et du mortel dangier duquel vous m'avez dejetté..." (LEFÈVRE (R.), Hist. Jason P., c.1460, 210). |
|
| 30 | ...a mon plus que pere, Maistre Guillaume de Villon, Qui esté m'a plus doulx que mere, Enffant eslevé de maillon - Degecté m'a de maint boullon Et de cestuy pas ne s'esjoye ; Sy lui requier a genoullon Qu'il m'en laisse toute la joye (VILLON, Test. R.H., 1461-1462, 77). |
|
| 31 | De servacge [Jésus] nous vient gecter Et degiter. Tantost serons en liberté. (Pass. Auv., 1477, 132). |
|
| 32 | Le leu aussi segnefie au contraire le temps de grant adversité ouquel ly hons se muce et aussi come fuit toute personne, pour couvrir sa misere et sa grant povreté dont il a grant vergoigne et grant deul a son cuer, quant il se voit ainsy degeté et soubmis aussi come en la boe (EVR. CONTY, Eschez amour. mor. G.-T.R., c.1400, 91). |
|
| 33 | ...il ly sembloit que ses tayons et son pere disoient qu'il y avoit ou ciel un certain lieu propre et determiné ou les bons et les justes finablement estoient receu aprés la mort, et ceulx qui sont injuste et plain de iniquité estoient au contraire degeté en la terre, c'est a dire en enfer. (EVR. CONTY, Eschez amour. mor. G.-T.R., c.1400, 300). |
|
| 34 | ...se les ondes d'orgueil te dejettent (Mir. ev. N.D., c.1348, 60). |
|
| 35 | Tournez voz yeulx et convertissez vostre jugement sur vous mesmes, denuez voz pensees de toutes affections qui vous meuvent a part, et vous cognoistrez que les pluseurs de vous laissent la seigneurie dont vous estes subgiez sans defense exposee a toute fortune, comme la nef degetee par tempeste de mer qui va la voille baissee ou le vent et les vagues la dechacent. (CHART., Q. inv., 1422, 13). |
|
| 36 | A toy se reclament ceulx qui par la tempeste de mer sont degettez de vagues et des vens (CHART., L. Esp., c.1429-1430, 91). |
|
| 37 | ...il jectoit son corps avant et dejectoit ses bras (Percef. I, R., t.2, c.1450 [c.1340], 734). |
|
