| 111 exemples | | 1 | Puis dist des oiseaus debonnaires Qui acueillent en leurs affaires L'aigle, de Nature ordenée, Qui fait par voie mesurée Les oiseaus leurs signeurs cremir Et sous sa puissance fremir. (MACH., D. Aler., a.1349, 359). | |
| 2 | Et vraiement, Tant vaut, tant scet, tant a pooir, Tant puet aidier, tant puet valoir, Tant est pour chascun necessaire, Tant est courtoise, debonnaire, Bonne, gentil, franche, amiable, Loial, noble, honneste, crëable, Large de joie et de confort, Abandonnée en reconfort, A bien faire et raison encline... (MACH., R. Fort., c.1341, 140). | |
| 3 | ...che saint cardinal (...) estoit doulx, courtois et debonnaires, vierges et chastes de son corps, larges aumosniers (FROISS., Chron. M., XIV, c.1375-1400, 153). | |
| 4 | Grant piece fu en ce penser, Et puis si me couvint penser A l'autre cause premereinne Qui estoit de mon cuer procheinne, Pour le deduit et l'esbanoy Que j'atendoie sans anoy Dou gent esprivier debonnaire, Qui estoit a gent debonnaire, Maintenir, tenir et porter, Pour li et pour moy deporter. (MACH., D. Aler., a.1349, 249). | |
| 5 | ...et, aussi comme ils [les éperviers] sont de divers plumages et de diverses tailles, ont il les manieres diverses, et a mains faire a afetier les uns que les autres, et sont plus debonnaires et plus fameilleus les uns que les autres. (HENRI FERR., Modus et Ratio, Livre deduis T., c.1354-1377, 220). | |
| 6 | Sachiez donc, maistre Jehan, que cheval doit avoir .XVI. condicions. C'estassavoir troiz des condicions du renart : (...) du beuf quatre ; c'estassavoir la harpe large et grosse et ouverte, gros bouel, gros yeulx et saillans hors de la teste, et bas enjointé ; de l'asne troiz: bon pié, forte eschine, et soit debonnaire (Ménagier Paris B.F., c.1392-1394, 137). | |
| 7 | Lors s'escrye et bat ses pammes, et son esprevier se commencha a debattre, quy dontés estoit et debonnaires (Gérard de Nevers L., c.1451-1464, 91). | |
| 8 | Et peut estre le bon homme tel qu'il a tout dispousé en soy de faire tout ce qu'elle dit et se gouverne par son conseil, et quant aucun a affaire avecques lui, il dit : "J'en parleroy a ma femme ou a la dame de nostre meson", et si el le vieult, il sera, si el ne vieult, il n'en sera riens, car le bon homme est si bien dompté qu'il est debonnaire come le beuf a la charrue. (Quinze joies mar. R., c.1390-1410, 90). | |
| 9 | Et en tant qu'il touche la IIIe, ou je disoye que nous sommes tous les jours mortiffiés et fais comme povres brebis simples et debonnaires I>propter te/I>, pour toy qui es nostre roy et nostre souverain seigneur, pour toy obeir et servir. (JUV. URS., Loquar, 1440, 312). | |
| 10 | ...en croix, lui qui estoit franc, Voult il espandre son saint sanc Pour nous de la mort d'enfer traire : C'est le pelicant debonnaire, Qui a ses poucins rend la vie Par son sang, c'est cilz que l'en prie, C'est li mires qu'om doit amer (DESCH., M.M., c.1385-1403, 242). | |
| 11 | De cheval felon et de trop debonnere : comment hon s'en doit aidier. Se le cheval est felon, si soit chastrés. Se il est douz, si soit sainiez (Chir. chevaux P., c.1325-1350, 379). | |
| 12 | Car prent chascune [chose] impression Comme quiert sa complexion, Malicieuse ou débonnaire. (LA HAYE, P. peste, 1426, 3). | |
| 13 | Et le chapitre derrenier Traicte aussi en particulier De ces médicines confites, D'entre pluseurs choses eslites, Comme d'aucuns électuaires, Et de pilules débonnaires, Et moult d'autres confections, De bonnes opérations. (LA HAYE, P. peste, 1426, 113). | |
| 14 | Hector le doulx et debonnaire Lui ottroye, mais de ce faire Lui pourra trop grant mal venir (CHR. PIZ., M.F., III, 1400-1403, 80). | |
| 15 | Voirs est qu'il y ot coustement, Non en cause pecuniaire, Mais par voie si debonnaire Que la chose fu si partie Qu'il plust a chascune partie. (MACH., D. Aler., a.1349, 345). | |
| 16 | Et s'il est rien que je puisse fere Pour vous, mon seigneur debonayre, Plaise vous le me commander (Pac. Job M., c.1448-1478, 400). | |
| 17 | Prince qui aux dames s'adonne Souvent est doulx et gracieux, A grace et doulceur s'abandonne, Est begning, courtois et piteux, Large, debonnaire, joyeulx, A conseil, conduicte et police, Son peuple soubz luy est heureux (COQUILL., Oeuvres F., 1478-p.1494, 268). | |
| 18 | LA CHASTELLAINE. Quant vous en estes si engrans, Mon treschier seigneur debonnaire, Que royne la voulez faire, Nous ne devons pas refuser... (Mir. femme roy Port., c.1342, 161). | |
| 19 | Certes nul ne pourroit plus oultrageux vitupere penser que desapointer son roy de toute auctorité, et le desgarder reprouchablement de honneur et de l'estat et enseignez de chevalerie. Ce fut fait sans cause a cestuy debonnaire roy et empereur. (CHART., L. Esp., c.1429-1430, 144). | |
| 20 | ...ce fut messire Adolf de Clèves (...) neveu du duc de Bourgongne, un très-gentil honorable chevalier et en qui avoit des moeurs et des vertus bien dignes d'exaltation, car large estoit et débonnaire et en vaillance comparable à César. (CHASTELL., Chron. K., t.3, c.1456-1471, 96). | |
| 21 | ...et [l'empereur Octave] estoit moult preudomme, droicturier, debonnaire et de franc couraige. Eutrope dit que nul ne fut plus envieux en bataille, ne plus actrempé en paix. (BUEIL, II, 1461-1466, 226). | |
| 22 | ...et le très sage et debonnaire roy Charles le Quint, lequel tant estudia et ayma ceste science de astrologie, en congnoissant et voyant l'utillité d'icelle, fonda et renta à perpetuité ung college et estudians en icelle, en ladicte Université de Paris (SIMON DE PHARES, Astrol., c.1494-1498, f° 3 r°). | |
| 23 | Charles le Quint, dit le Sage, vertueux, debonnaire (SIMON DE PHARES, Astrol., c.1494-1498, f° 142 r°). | |
| 24 | Guillaume, or entendez raison : Uns autres amans debonnaires, Aussi vaillans en ses affaires Comme cils de qui j'ay conté, Tant en grace comme en bonté, Et de toutes autres parties En honneur a point departies... (MACH., J. R. Nav., 1349, 170). | |
| 25 | A ce propos conte Valere De Fabricius le debonnaire, Qui refusa l'or et l'argent Qui lui fu offert de grant gent. (CHR. PIZ., Chem. estude P., 1402-1403, 205). | |
| 26 | As tu oublié la piteable adversité de Loys Debonnaire, filz et successeur de Charlemaine tant au royaulme de France comme en l'empire ? (CHART., L. Esp., c.1429-1430, 143). | |
| 27 | ...le roy Loys le debonnaire empereur et roy de France osta et priva ung duc de Guienne nommé Seguin de ladicte duché (JUV. URS., Aud. celi, 1435, 202). | |
| 28 | Sachiez qu'il n'a si grant pecheur ou monde que Dieu ne soit plus grant pardonneur et plus debonnaire, quant le pecheur se repent et lui crie mercy de bon cuer et de bonne voulenté. (ARRAS, c.1392-1393, 255). | |
| 29 | Sire, par le Dieu debonnaire, J'en feray bonne diligence (Gris., 1395, 19). | |
| 30 | O doulx Messÿas debonnaire En qui est nostre seul recours (GRÉBAN, Pass. J., c.1450, 36). | |
| 31 | A luy [saint Nicolas] obeÿr entendez. RAPHAEL. Souverain Dieu tres debonnaire, Nous le ferons. (Mir. st Nic. juif, c.1480-1500, 137). | |
| 32 | Pour l'amour au roy debonnaire, Ne me moquez. (Mir. pape, 1346, 371). | |
| 33 | Ave, royne debonnaire (Mir. pape, 1346, 395). | |
| 34 | Ce doint la vierge debonnaire, Et si nous en doint bonne joie. (Mir. enf. diable, c.1339, 17). | |
| 35 | Il convient que le maistre soit apris, debonnaire et un peu roid ou duret, non negligent ne arrogant. (DAUDIN, De la erudition H., c.1360-1380, 27). | |
| 36 | LE CONTE. Ha ! Doulce vierge debonnaire, Vous doit on servir et loer. (Mir. enf. ress., 1353, 70). | |
| 37 | ...A la tres doulce et debonnaire Vierge (GRÉBAN, Pass. J., c.1450, 33). | |
| 38 | ...[de] humble couraige aussi et devote requeste la commectons à la Vierge glorieuse qui des pecheurs, desquieulx jusques cy le tres miserable avoir esté nous confessons, tousjours est advocate, et qui non sans cause est dicte du redempteur de l'humain gendre et roy de gloire mere très debonnaire, à Mons. Sainct-Michel et à toute la court de paradis celeste, affin que, par leurs prieres, elle monte es saintz cieulx pardurablement regner avec eulx : si leurs prions et requerons et très devotement leur supplions qu'ilz me soient en ayde. (LE CLERC, Interp. Roye, c.1502, 282). | |
| 39 | Ainsi fu Daire roy de Perse, A qui debonnaire et adverse Fu Fortune, et ne vesqui gaire (CHR. PIZ., M.F., II, 1400-1403, 235). | |
| 40 | Es tu foul, hors du sens ou yvre, Ou veulx contre moy guerre prendre, Qui as fait le maleureux livre, Dont chascun te devroit reprendre, Pour enseigner et pour aprendre Les dames a geter au loing Pitié la debonnaire et tendre, De qui tout le monde a besoing ? (CHART., E. Dames, 1425, 363). | |
| 41 | ...je suis dampnez, Puis que la vierge m'est contraire, Qui aus autres est debonnaire. (Mir. ev. arced., c.1341, 137). | |
| 42 | "Par ma foy, seigneur", dist Logre, "vous avez fait mauvais jugement, car je ne puis veoir en nulle maniere qu'il ait mort desservie ne qu'il ait riens forfait, fors que tant qu'il vous a esté trop doulx et trop debonnaire et vous a fait trop d'onneur et de courtoisie." (Bérinus, I, c.1350-1370, 199). | |
| 43 | De che dist saint Pol : «Le serviteur du Seigneur doit estre a tous debonnaire, et soy rendre abile pour aprendre». (DAUDIN, De la erudition H., c.1360-1380, 61). | |
| 44 | Soyes a chaschun debonnaire sans estre flateur, a peu soies familier, fay a chaschun droit. (DAUDIN, De la erudition H., c.1360-1380, 277). | |
| 45 | Et ja soit ce que bien affiere Que je me tenisse plus chiere, Je ne te vueil pas estre fiere, Mais debonnaire, Ne ja ne te seray doubliere, Ains t'ameray d'amour entiere. (MACH., F. am., c.1361, 231). | |
| 46 | Par la entrerent incontinent troys dames et une debonnaire et bien encontenancee damoiselle qui longuement avoient musé a ce petit huys, mais nul ne leur ouvroit l'entree. (CHART., L. Esp., c.1429-1430, 23). | |
| 47 | Pour ce disoit Platon que les bons princes et nobles chevaliers sont debonnaires a leur subjectz et as estranges sont felons et cruels. (ORESME, E.A.C., c.1370, 261). | |
| 48 | Conme bon chevalier doit faire, Qui doit courtois et debonnaire Estre aux bons et les eslever, Et les mauvais felons grever (Mir. Rob. Dyable, c.1375, 3). | |
| 49 | ...je leur ai esté propisces, courtois et debonaires en toutes leurs requestes. (FROISS., Chron. M., XIV, c.1375-1400, 213). | |
| 50 | Soiez doulz et debonnaire a voz subgiez, et a voz ennemis fiers et crueulx, tant que ilz soient soubzmis en vostre obeissance, se par force le fault faire. (ARRAS, c.1392-1393, 153). | |
| 51 | ...moult est debonnaire à ses serviteurs et les aime et porte et enrichist, par especial ceulz de qui a singuliere oppinion ou a trouvé bons (CHR. PIZ., Faits meurs Ch. V, S., I, 1404, 142). | |
| 52 | S'un peu me feussiez debonnaire, Espoir, que j'ay du tout perdu, Si me seroit tantost rendu (CH. D'ORLÉANS, Compl. C., 1433-p.1451, 282). | |
| 53 | Sy loe que nostre lay soit chanté au double en la loenge de lui adfin qu'il nous soit debonnaire et propice. (Percef. IV, R., c.1450 [c.1340], 1100). | |
| 54 | Soies plus conversable et plus debonnaire a tes gens et a ceulx que tu dois chastier (CHR. PIZ., Trois vertus W.H., c.1405, 198). | |
| 55 | Se li estiez debonnaire Tant que vous li pardonnissiez (...) Ce seroit courtoisie grant. (Mir. Amis, c.1365, 18). | |
| 56 | Dieu li soit debonnaire Et doulx a l'ame ! (Mir. femme, 1368, 195). | |
| 57 | Ou temps du roy Jehan de France, fils aisné du roy Phelippe de Valois, estoit en sa court le seigneur de Pouilly en Thoraine, qui en son hostel avoit un tres debonnaire et gracieux jouvencel nommé Jehan (LA SALE, J.S., 1456, 2). | |
| 58 | Que Diex soit a m'ame Debonnaire et misericors ! (Mir. Clov., c.1381, 201). | |
| 59 | En ceste maniere les princes et les seigneurs, quant il ne pueent corrigier les deffauz de leurs sougiéz par douce et debonnaire main, il doivent prendre plus aigres paines, combien que il leur desplaise, et les baillier au deffaillant, et par une piteuse cruauté doivent forsener contre les mauvais a fin qu'il gardent la saine bonté des bons. (FOUL., Policrat., IV, 1372, 71). | |
| 60 | Item quant la fin aprocera du povre pelerin selonc le jugement debonaire du fusicien, du pere prieur et de ceulz a qui Dieu par sa grace le vaudra inspirer (...), il supplie treshumblement (...) que il soit portés en la bele chapele de Nostre Dame de l'enfermerie (MÉZIÈRES, Test. G., 1392, 313). | |
| 61 | C'est la prouece de courage Noble, vaillant, honneste et sage, De tousjours estre debonnaires Et doulz en trestous ses affaires. (CHR. PIZ., Chem. estude P., 1402-1403, 239). | |
| 62 | ...toute tolérance et toute expectation débonnaire estoient en luy en ceste matère (CHASTELL., Chron. K., t.3, c.1456-1471, 395). | |
| 63 | [Titre : Comment on obtiendra la paix] ...L'offrant raison a titre debonnaire ["Celui qui offre des conditions raisonnables a le bon droit" (Éd.)], Le refusant par orgueil périra. (DESCH., Oeuvres Q., t.1, c.1370-1407, 163). | |
| 64 | Et encor dit la debonnaire Que ce seroit trop grans pechiez, S'uns amis si bien entechiez Com cils est morroit par deffaut De la joie qui si tost faut (MACH., D. verg., a.1340, 44). | |
| 65 | De che aussi est dit ou livre dessus nommé ou .Xe. chapitre : «Dieu a destruit les sieges des ducs orgueilleux et en leur lieu a fait seoir les bons et debonnaires». (DAUDIN, De la erudition H., c.1360-1380, 295). | |
| 66 | ...car le debonnaire veult dire en ceste maniere autant comme celui qui ne se turbe pas et qui ne se laisse pas mener par le mouvement et passion de yre et de courrouz. (ORESME, E.A., c.1370, 260). | |
| 67 | Le debonnaire met partout paix. (Ménagier Paris B.F., c.1392-1394, 41). | |
| 68 | Elle dit qu'il est debonnaire, Bel homme, plaisant et mignot, Et c'est ung putier ordinaire Qui est aussi lait qu'ung marmot. (COQUILL., Oeuvres F., 1478-p.1494, 209). | |
| 69 | ...ne te souvient il a ce propos que il est escript ou livre de Ecclesiaste, au .X. chapitre, si que tu as ouÿ dire a ton beau pere, que Dieux a destruit les sieges des ducs orgueilleux, et a fait seoir les debonnaires pour eulx (CHR. PIZ., Trois vertus W.H., c.1405, 19). | |
| 70 | A nul ne fait mal ne contraire, Ains est un droit fol debonnaire (Mir. Rob. Dyable, c.1375, 59). | |
| 71 | L'empire de Rome, qui par armes faisoit trembler soubz soy tout le monde, est succumbé par simple predication a mez piez ; ou fut jadis le riche palais du cruel empereur Neron, est a present la devote eglise du tres debonnaire et humble pescheur saint Pierre. (CHART., L. Esp., c.1429-1430, 32). | |
| 72 | Sa personne est moult fructueuse, Humble, debonnaire, pudique Et a servir Dieu sumptueuse (LA VIGNE, S.M., 1496, 360). | |
| 73 | Et sus ceste devision Il fait une allegation, Pour prouver par un fait contraire : La Chasteleinne debonnaire N'avoit son ami riens meffait (MACH., J. R. Nav., 1349, 265). | |
| 74 | Las, elle estoit si doulce et debonnaire, Si gracïeuse et de benin affaire Qu'elle n'eust sceu a personne desplaire, Ains contentoit tant qu'il y en venoit, De sa doulceur chascun entretenoit (HAUTEV., Compl. H., c.1441-1447,). | |
| 75 | Et bien pensoie qu'escondire Ne me vorroit pas ma requeste, Car tant fu courtoise et honneste, Bele, bonne, sage, honnourable, Humble, sans orgueil, raisonnable, Douce, debonnaire, po fiere, D'atour, de port simple et de chiere, Que je me commensay a traire Vers son dous gracieus viaire. (MACH., D. Lyon, 1342, 184). | |
| 76 | Quand ce bon mary eut finé sa parolle, la belle, doulce et debonaire sa femme, la face rosée, se print a trembler quand deut donner responses aux requestes que son espoux luy avoit fait. (C.N.N., c.1456-1467, 564). | |
| 77 | Es tu foul, hors du sens ou yvre, Ou veulx contre moy guerre prendre, Qui as fait le maleureux livre, Dont chascun te devroit reprendre, Pour enseigner et pour aprendre Les dames a geter au loing Pitié la debonnaire et tendre, De qui tout le monde a besoing ? (CHART., E. Dames, 1425, 363). | |
| 78 | LE BOURGOIS. (...) Venez y, ma suer debonnaire. (Mir. enf. ress., 1353, 2). | |
| 79 | Guillaumes qui en ses affaires Soloit estre si debonnaires, Si honnestes et si courtois, Enclins aus amoureus chastois, A attenté contre Franchise, Et tout de sa premiere assise, Quant ma dame a point l'aprocha... (MACH., J. R. Nav., 1349, 260). | |
| 80 | SECOND SERGENT D'ARMES. Voire, mais vous nous en donrrez A boire, maire. LE MAIRE. Vous arez, amis debonnaire, Quanque voulrez. (Mir. enf. ress., 1353, 17). | |
| 81 | Mon tresdoulz enfant debonnaire, Je say bien que tu en feras Trestout le mieulx que tu pourras, Car je t'ay tresbonne trouvee. (Gris., 1395, 28). | |
| 82 | Job, mon cher amy debonayre, Je vous pri tousjours de bien fere (Pac. Job M., c.1448-1478, 383). | |
| 83 | Joseph, mon mary debonnaire, Dire pouez vostre pensé. (GRÉBAN, Pass. J., c.1450, 50). | |
| 84 | Quel desconfort ! Helas, voisine debonnaire, Dont vient ce ne qui leur fait faire ? (GRÉBAN, Pass. J., c.1450, 105). | |
| 85 | ...ains que li ans Fust passez, n'ot plus debonnaire Ou pais, on ne lui vit faire Nulz meffaiz de la en avant, Car puis ce jour, il doubta tant Sa femme, son plet et sa noise. (DESCH., M.M., c.1385-1403, 33). | |
| 86 | Et pour ce, faictes par vos gens prendre des serviteurs et aides paisibles et debonnaires et leur donnez plus, car c'est tout repos et paix que de avoir a faire a bonnes gens. (Ménagier Paris B.F., c.1392-1394, 126). | |
| 87 | ...il n'est rien plus serf ne en plus grant servage come jeune home simple et debonnaire qui est en subjection et gouvernement de femme veufve (Quinze joies mar. R., c.1390-1410, 100). | |
| 88 | [Tempérance] Vient apprés mettre devant tes yeux clemence, ceste debonnaireté, afin que (...) que tu soyes debonnaire en la volenté de Nostre Seigneur (CHASTELL., Temple Boc. B., 1463-1464, 177). | |
| 89 | Et pour ce, chere seur, je vous pry que pour vous tenir en l'amour et grace de vostre mary, soyez luy doulce, amiable et debonnaire. (Ménagier Paris B.F., c.1392-1394, 100). | |
| 90 | Tres douce dame debonnaire, De gracïeus, de noble afaire... (Dame Lycorne G., c.1349-1350, 172). | |
| 91 | Ma mere Synamonde fu vers lui debonnaire, Tant qu'en li m'engenra de sa char secretaire, Et si me tint a fil (Bât. Bouillon C., c.1350, 136). | |
| 92 | Or ne sçai que doie faire, Car je le voi debonnaire Enviers toutes gens, Fors a moi, qui painne et haire Pour s'amour me couvient traire : C'est li paiemens ! (FROISS., Pris. am. F., 1372-1373, 45). | |
| 93 | Dont de tant que la fenme est a l'omme plus conjoincte, de tant est elle plus debonnaire a la doulceur des meurs ou envenimee de la fellee de malice. (DAUDIN, De la erudition H., c.1360-1380, 308). | |
| 94 | Se pis me fault que la mort recevoir Pour leaulté et pour mon devoir faire, Il ne m'en chault, puis que c'est le voulloir De la tredoulce et belle debonnaire. (LANNOY, WERCHIN, Ball. G.-W., c.1404, 340). | |
| 95 | Et, a fin que l'en ne cuide pas que ce fust une douce sentence d'un simple prestre mol et debonnaire qui vousist plaire aus princes, la sentence fu telle : il fu souspendu de l'usage royal et bouté hors de l'eglise et contraint de faire penitence sollempnelle et de la toute acomplir. (FOUL., Policrat., IV, 1372, 64). | |
| 96 | Dieu en l'Euvangile donne aux povres le ciel et aux amiables et debonnaires la terre. (Ménagier Paris B.F., c.1392-1394, 41). | |
| 97 | La bouce rians deboinaire Esperer grace me faisoit (ACART, Prise am. H., 1332, 41). | |
| 98 | Saint Paulin ou vis esgarda Qui ot bon voult et debonnaire (Tomb. Chartr. Trois contes S., c.1337-1339, 112). | |
| 99 | Et plus n'aray de vostre dous viaire Le dous regart plaisant et debonnaire, Qui resjoïr, conforter et refaire Tant me soloit Que riens n'estoit à mon desir contraire (MACH., Compl., 1340-1377, 260). | |
| 100 | Quant vint a la demande faire, Je moustray chiere debonnaire, Si qu'umblement le demanday, De quoy ma besongne amenday, Car la cause d'umilité Trait gens a debonnaireté. (MACH., D. Aler., a.1349, 375). | |
| 101 | Et tel homme, nous dison que il est mansuet ou debonaire, et en ceste maniere nous loon debonnaireté (ORESME, E.A., c.1370, 260). | |
| 102 | Je ne la puis trop amer ne chierir, Car seur toutes ha regart debonnaire, Corps gracieus, yex pour cuer conquerir, Douce, blanche, faitice, blonde et vaire. (MACH., L. dames, 1377, 123). | |
| 103 | Dame, vostre dous viaire Debonnaire Et vo sage meintieng coy Me font vo service faire, Sans meffaire, De fin cuer, en bonne foy. (MACH., Ch. bal., 1377, 600). | |
| 104 | Ains vueil, qui qui s'en puist doloir, Que tu t'accordes a ce faire De franc vouloir et debonnaire Et que pregnes, de ce qui en ce Se fera, bonne passïence, Comme tu le me promeïs Quant a ton espeux me prëis. (Gris., 1395, 52). | |
| 105 | Pour ce vueil de cuer debonnaire Tout ce que tu vuels et ottroye (Gris., 1395, 64). | |
| 106 | De cuer lui vient pou debonnaire D'avoir ses deux enfans osté, Qu'aucuns dient que ce a esté Pour la honte que il avoit De ce qu'a femme prise l'oit, Pour ce qu'elle est de bas lignage, Et qu'il les a comme non saige Fait destruire et a mort livrer (Gris., 1395, 70). | |
| 107 | ...pressé de ses larmes et vaincu de son debonnaire prier, me accorday a y entendre (CHASTELL., Temple Boc. B., 1463-1464, 5). | |
| 108 | Et en parlant l'un à l'autre, les larmes cheurent à tous deux des yeux d'abondance de joye, et mesme n'y avoit nul d'emprès, qui ne fust excité à larmes et qui ne plorast de leur conjoïssement si débonnaire. (CHASTELL., Chron. K., t.3, c.1456-1471, 210). | |
| 109 | Mansuetude est dite a la semblance des bestes privees et debonnaires et signifie mansuet aussi comme acoustumé a la main. (ORESME, E.A.C., c.1370, 260). | |
| 110 | ...si comme nous disons que le lyon est fort et le coc liberal et le aignel debonnaire. (ORESME, E.A.C., c.1370, 527). | |
| 111 | LE ROY. Ho ! seigneurs, onques mais sanz faille, Je ne vy telle beste en boys. (...) DEUXIESME VENEUR. Debonnaire me semble et coye. (Mir. st J. Paulu, c.1372, 130). | |
|
