| 62 exemples | | 1 | Moult courtoisement m'apella, En disant : "Que faites vous la, Biau sire ? Danciez avec nous !" Et tantost me mis a genous Et humblement la saluay. (MACH., R. Fort., c.1341, 125). | |
| 2 | Je les voi dancer et baler, Cointement venir et aler (MACH., Voir, 1364, 132). | |
| 3 | Et aprez soupper commencerent menestriers a corner et dansa on grant temps. (ARRAS, c.1392-1393, 191). | |
| 4 | La peust on veoir qui bien dance. (CHR. PIZ., M.F., I, 1400-1403, 39). | |
| 5 | Et se a festes sont, a dances ou assemblees, la doivent bien estre sur leur garde et que bien soient enmanierees, pour ce que plus de gens ont les yeulx sur elles : dancent simplement, chantent bassetement (CHR. PIZ., Trois vertus W.H., c.1405, 195). | |
| 6 | ...ne lui apertient dancer, baler ne rire folement (CHR. PIZ., Trois vertus W.H., c.1405, 198). | |
| 7 | Il chante, il dance, il est humble et servant ; S'il scet du bien, il met tout en avant. (CHART., D. Fort., 1412-1413, 170). | |
| 8 | Si firent par leurs amouretes Tant de gracïeuses chosetes, Et s'entredonnoient fleuretes Et chappeaulx vers ; Et puis dançoient au travers, Tous de fleurs estranges couvers, Et faisoient mains tours divers. (CHART., L. Dames, 1416, 204). | |
| 9 | Aprés disner on s'avança De dancer, chascun et chascune, Et le triste amoureux dança Adés o l'autre, adés o l'une. (CHART., B. Dame, 1424, 336). | |
| 10 | J'oy les autres chanter, et je me plains ; Ilz vont dançant, et je detors mes mains ; Ilz festoient, et je tout seul remains ; J'ay fait leurs tours : maintenant les deffais. (CHART., Compl., 1424, 326). | |
| 11 | LE GAUDISSEUR. Pour dancer, chanter a plaisance, Pour donner de grans coups de lance Abille en suis, quoy que l'on die. (Gaud. sot, c.1450, 8). | |
| 12 | Et par ainsin il [le vrai amoureux] chante, dansse et est joieux (LA SALE, J.S., 1456, 20). | |
| 13 | ...nous savions mieulx danser et caroler que mener guerre. (FROISS., Chron. M., XIV, c.1375-1400, 133). | |
| 14 | Et ilec ce jour fut fiancée la fille naturelle du roy à mons. le bastard de Bourbon ; et, après souper, y furent faictes plusieurs joyeusetez, dances et autres plaisances, et là mondit seigneur le bastard y dança et y fist grande et bonne chere. (ROYE, Chron. scand., I, 1460-1483, 138). | |
| 15 | Lors la filhe dance avec Les escuyers comme devant. (Pass. Auv., 1477, 94). | |
| 16 | ...le maistre varlet (...) estoit sur le dict cheriot, qui dançoit et jouoit des piedz et des mains sans choir (LA VIGNE, V.N., p.1495, 302). | |
| 17 | Au roy son mary dura poy ce deul, comme dit est, et la vouloit reconforter de faire dancer devant elle : et y vindrent aulcuns jeunes seigneurs et gentilzhommes, que le roy y fit venir, en pourpoint, pour dancer (COMM., III, 1495-1498, 257). | |
| 18 | ...ilz ce prindrent à dancer à la tresche, (...) et ledit Hainsselin, son ami, et sa femme espousée, danssoient ensemble et s'entretenoyent par les mains (Reg. crim. Chât., I, 1389-1392, 342). | |
| 19 | J'aimme mieux amer Marotele, Et la faire au fresteau ["flûte"] danser, Que moy faire fol ressembler Pour contrefaire l'omme d'armes. (Gris., 1395, 44). | |
| 20 | Sans varïer, Entendent a droit charïer Et deshonneur contrarïer Pour soy a elle apparïer Et de maniere, Car la coustume d'amours yere, Qui ameroit une bergiere Vouldroit porter la pennetiere Et danceroit Au flajol. (CHART., L. Dames, 1416, 269). | |
| 21 | Quant ilz furent venus au pallays, trompectes, menestriers commencerent a sonner de mieulx en mieulx. Et quant ilz avoient joué une piece, ilz commançoyent a dancer aux chanssons, tant de hommes que de femmes, doulces et gracieuses (Charles de Hongrie C., c.1495-1498, 6). | |
| 22 | Chascun n'est pas joyeux qui danse (MIÉLOT, Prov. U., 1456, 193). | |
| 23 | Et en ceste paine et courroux, dança Cleriadus et Meliadice, laquelle aussi n'estoit pas bien aise. Ainsi se parfist ceste basse dance et bien dist on, à la foiz, que telle et telz dancent à qui au cueur ne tient (Cleriadus Z., c.1440-1444, 465). | |
| 24 | ...li jones sires de Couci (...) s'efforçoit de bien danser et de canter quant son tour venoit. (FROISS., Chron. L., VI, c.1375-1400, 96). | |
| 25 | Si laissierent tuit le dancier Et s'en alerent sans tancier, Ci un, ci deus, ci trois, ci quatre, Pour eaus soulacier et esbatre. (MACH., R. Fort., c.1341, 129). | |
| 26 | Et si ne puet on pas nier Qu'en palais Herodiadine D'Erode, mauvaise et indigne, N'empetrast par son caroler Le chief saint Jehan decoler: Par son dancer a celle feste Fist que du Baptiste ot la teste, Si comme il est ailleurs escript En ce livre et plus a plain dit. (DESCH., M.M., c.1385-1403, 197). | |
| 27 | Dont furent aucuns que, aprés les tables ostees, parlerent du dansser (LA SALE, J.S., 1456, 225). | |
| 28 | Flateur mensongeux est comme menestrel du dyable qui tourne tousdis sa note selon la voulenté des escoutans ou dansans, tant se deussent trebucher, et est comme le mirouer qui rit au riant et pleure au plourant. (GERS., Annonc., a.1400, 235). | |
| 29 | Caim, qui as faict ton bel office, De ces deux larrons fay justice ! Moult ont rongés de croustes. Tantost leur brise les coustes Et les gardes bien de dancer. (Myst. Pass. Amb. R., c.1474-1500, 59). | |
| 30 | ...et fait l'en les ours chevauchier, les singes et autres bestes saillir, dancer, tumber et obeir a tout ce que le maistre veult. (Ménagier Paris B.F., c.1392-1394, 83). | |
| 31 | Bon prophete aboche toy si verras Tantost ta teste dancer par terre Ce sera ung bel ebatimant (OUDIN, St Genis M.S., c.1490, 60). | |
| 32 | J'en ay telz joye que tout le cueur m'en dance. (LA VIGNE, S.M., 1496, 179). | |
| 33 | Plusieurs dancent les sautereles [var. chanterelles], Et pour gaaignier grosses mereles Deffendent les faulses quereles, Et s'abandonnent A servir ceulx qui plus leur donnent Et qui a mal faire s'ordonnent (CHART., L. Dames, 1416, 282). | |
| 34 | Si furent ces joustes bien festées et dansées, et par quatre jours joustées. (FROISS., Chron. R., VIII, c.1375-1400, 218). | |
| 35 | Item, par aventure pourroit l'en dire que le ciel est aussi comme celui qui chante ou fait melodie et, aveques ce, dance et fait double musique (ORESME, C.M., c.1377, 482). | |
| 36 | Et fu la feste bien joustee et bien dancee, et menerent moult joyeuse vie, et moult amoureusement furent ensemble. (ARRAS, c.1392-1393, 46). | |
| 37 | LE CHRESTIEN commence. (...) Helas, las, helas, las, Consideré mon cas Qui sonne si trescas, N'est que desesperance. Fortune par oultrance Me tient icy en trance Sans nulle recouvrance, Mais malheur a grant tas. Quant je voy ceste dance Qu'i convient que je dance En angoisse et meschance, Je peulx bien dire helas. (Mir. st Nic. juif, c.1480-1500, 73). | |
| 38 | ...ce monde cy n'est que vent. Se des biens y a habondance, Si fault il aller a la dance De Macabré la tresdiverse ; Il convient que chascun y dance (RÉGN., F.A., 1432-c.1465, 216). | |
| 39 | La mort a nully ne complaist Et fault tous dancer a sa feste [:] Mourir convient quant a Dieu plaist (Danse macabre femmes H., p.1480, 41). | |
| 40 | Tresbien dance qui point ne verse. Qui point ne verse a la renverse Si fault il gesir dos envers, Il n'y a destour ne traverse, Car tous serons mangez de vers. (RÉGN., F.A., 1432-c.1465, 216). | |
| 41 | Vien sa vien prestre sauvage Je croy qu'il te fauldra dancer (OUDIN, St Genis M.S., c.1490, 68). | |
| 42 | Et vous, la gente Saulcissiere, Qui de dancer estes adestre, Guillemete la Tappiciere, Ne mesprenez vers vostre maistre : Tost vous fauldra clore fenestre ; Quant deviendrez vielle, fleterye, Plus ne servirez q'un viel prestre (VILLON, Test. R.H., 1461-1462, 58). | |
| 43 | Regardez quel seigneur voicy, Quel avortillon, quel coquart ! Il faisoit tant du loricquart, Du temps qu'il estoit fiancé. De la corne il avoit assez ; La pluspart du temps il dansoit ; Il vouloit lever le corset Incessamment pour tout parfaire ; Tout à force luy vouloit faire. Et maintenant qu'il le peult bien, Se trahistre cy ne luy fait rien. (Nouv. mar. T., c.1490-1500, 102). | |
| 44 | Mais elle [Fortune] deçoipt et avugle Les siens qui desirent les tas Des florins et les grans estas. Pres que tuit dansent a sa dance, Fors aucun qui ont souffisance Et qui ne veulent plus avoir D'onneur, de profit ne d'avoir, Car Franchise et Raison les mainne : Telz gens sont hors de son demainne. (MACH., Voir, 1364, 752). | |
| 45 | Mais voyant que à par luy il ne pouvoit faire un monde seul et que danser lui convenoit pour celle heure à la note des autres, tira à part messire Hue de Lannoy (CHASTELL., Chron. K., t.2, c.1456-1471, 111). | |
| 46 | Je seray maishuy touz lassez De dancer. Reposer me vueil (Mir. st Alexis, 1382, 304). | |
| 47 | SATHAN. A ! allez devant, je pretens ; Car je le vueil faire dancer A la dance de nostre Enfer Au tabour, a toutes noz flustes. (Myst. st Laur. S.W., 1499, 281). | |
| 48 | ...sy avoit-il grand pouvoir de faire du mal beaucoup en la vue du monde alors, tant par la puissance du roy qui héoit le comte, comme par Allemans et Liégeois qui dansoient tous au pied du roy. (CHASTELL., Chron. K., t.5, c.1456-1471, 194). | |
| 49 | ...parensi il fali que le segneur de Nelle, veusit ou non, dansat a leur pie [l. pié] et se fu la rendision fette par telle manierre qu'il devoit ferre delivrer et rendre le chastel de Baulieu (JEAN DE HAYNIN, Mém. B., t.1, 1466-1477, 33). | |
| 50 | Par quoy luy, qui estoit haut noble homme et veoit que danser lui convenoit au son de leur musette ou estre tué (...) s'avisa de faire comme à un noble homme appartenoit (CHASTELL., Chron. K., t.2, c.1456-1471, 58). | |
| 51 | Mais sans doubtance, Quant il l'aimme de toute sa puissance, Et sans cause le met en oubliance, Il doit dancier einsi comme elle dance, Nom pas qu'il face Chose de quoy il puist perdre ma grace ; Car s'il la laist, et ailleurs se pourchace, Je ne tien pas qu'envers moy se mefface. (MACH., J. R. Beh., c.1340, 126). | |
| 52 | Vous pourriez dancer a la dance A laquelle Narcisus dance, Qui est mort par son orgueil cy, Ou encores en grant meschance De celle cruelle a oultrance Nommee "Dame sans mercy". (Narcissus, p.1426, 318). | |
| 53 | ...environ quinze jours après la rebellion faite par ceulx de Saint-Sever, les dessusdits de Dacx, voulants danser de ce mesme pied... (LESEUR, Hist. Gast. IV, C., t.1, 1477-1478, 27). | |
| 54 | ...par Dieu je n'y contrediray ja, et deust tout leur fait aler a perdicion ; selon ce que eulz vouldront dancer, je meneray ma note (GERS., Noël, p.1404, 305). | |
| 55 | Amours l'ont tellement broullee Qu'elle en est toute enfatroullee Et ne scet duquel pié dancer. (Narcissus, p.1426, 297). | |
| 56 | Las ! m'amye, nous voyons bien Que lamenter rien ne proffite ; Par quoy je suis si desconfite Que ne sçay de quel pié dancer. (Myst. Viel test. R., t.3, c.1450, 237). | |
| 57 | Mais icelle Margot li dist que lesdiz deux chapeaux ne porteroient point de dommage ou dangier aus autres gens estans esdites noces qui danceroyent et passeroient sur iceulx chapeaux, sinon ausdiz espouse et espousée. (Reg. crim. Chât., I, 1389-1392, 341). | |
| 58 | LA PREMIERE FEMME. Tes malles bosses ! C'est du soucy que m'as donné. LE PREMIER MARY. En effect, pour dancer aux nopces Tu es trop layde. LA PREMIERE FEMME. Tes malles bosses ! LE PREMIER MARY. Qu'on te priast de telz negoces, L'homme seroit bien abusé : Tu es trop layde. (Deux hommes deux femmes T., c.1500, 452). | |
| 59 | ...Ordë et noire, laide et sale. Bien demonstroit qu'elle estoit male Qui li veïst venir dansier. (GUILL. DIGULL., Pèler. vie hum. D.-M.-S.-T., c.1330-1331, 82). | |
| 60 | ...quant tu verras que l'espouse et espousée danseront, leisse cheoir et mect cesdiz deux chapeaux à terre (Reg. crim. Chât., I, 1389-1392, 341). | |
| 61 | Et après soupper furent les tables levees et furent graces dictes. Les dames s'en alerent en leurs retraiz, et se vestirent en cours habiz pour dancier. Et fu la feste moult belle (ARRAS, c.1392-1393, 40). | |
| 62 | Et lors s'en party chascuns. Les uns s'en vont couchier, les autres dancent et esbauoient. (ARRAS, c.1392-1393, 122). | |
|
