I. -

"Personne de sexe féminin"

A. -

[Noblesse]

1.

"Jeune fille ou jeune femme de condition noble" : LA DAMOISELLE. (...) Ma dame, ou est ma damoiselle Agnès, vostre cousine, alée ? (Mir. femme roy Port., c.1342, 187). Je ne vi dammoisele, pucelle ne moullier Qui selon mon advis feïst tant a prisier. (Renaut Mont. B.N. V., c.1350-1400, 261). Biaus signeurs, dames, damoiselles, Dames vesves, filles, pucelles, Je vous requier, pour Dieu merci, Chastiez vous et mirez ci. (MACH., P. Alex., p.1369, 261). Quant li sires de Couci eut esté un espasse en Engleterre (...) il prist congiet à tous et à toutes, et laissa là sa mainsnée fille la damoiselle de Couci et sa femme, et puis s'en retourna en France. (FROISS., Chron. R., VIII, c.1375-1400, 224). Ores pour ce cecy propose Que je voy que sire Lipage, Qui est un vaillant homme et sage Et qui est né de sanc royal Et vit com preudomme loyal, Ha une fille damoiselle Qui est et gracieuse et belle. (Mir. st Alexis, 1382, 288). ...elle estant en esbatement avec plusieurs dames du pays de Caux, lesqueles, par le commandement du roy, estoient venues à Paris à la feste que fist ledit seigneur pour les noces d'icellui de Namur et damoiselle de Harecourt (Reg. crim. Chât., II, 1389-1392, 362). Certes, on dit qu'a marïage Prent une tresbelle pucelle Qui est moult noble damoiselle Et sera ci dedans brief temps, Et la bonne dame vaillans Sera de tous poins deposee (Gris., 1395, 79). Est il le temps que damoiselles Ou dames ou femmes quelconques Soustenoient roys...? (CHR. PIZ., M.F., II, 1400-1403, 94). Celle jone damoiselle de Qent estoit cousine germainne dou roi Edouwart d'Engleterre, et fu en son temps la plus belle dame de tout le roiaulme (FROISS., Chron. D., p.1400, 184). La robe d'une dame ou d'une damoiselle a la court est la revenue d'une duchié ou conté (JUV. URS., Nescio, 1445, 525). ...en la duché d'Auvergne, demouroit ung gentilhomme ; et de son maleur avoit une tresbelle jeune femme. (...) Ceste bonne damoiselle s'accointa d'un curé (C.N.N., c.1456-1467, 352). Et entre autres, y ot une jeune fille, qui estoit fille d'un procureur du Chastellet de Paris, nommé Eustace Fernicle, qui avoit prins habit de damoiselle et grant estat... (ROYE, Chron. scand., I, 1460-1483, 111). Du monde la nature est telle ; Traÿson y est et cautelle, Qui sans celle Vont a cheval par tout paÿs. Chevalier, compte, damoiselle, Page et ancelle, De toute gens y voit compris. (Pass. Auv., 1477, 111). ...et y vint en la presence de la princesse, et estoit vestu beaucoup myeulx qu'il ne luy appartenoit. Il bailla ses lettres de creance. Ladicte damoyselle estoit en chaire, et le duc de Clèves à costé d'elle, l'evesque du Liége avec plusieurs autres grandz personnaiges et grand nombre de gens. (COMM., II, 1489-1491, 177).

Rem. Doc. 1372 (domiselle) ds GD IX, 298c.

-

[Titre conservé par une (jeune) femme de naissance noble après son mariage] : ...touteffoys, elle estoit damme, car messire Pennet l'avoit espousee, mais, pource qu'elle avoit eu espousé ung escuier au devant, le nom de damoiselle ne lui pouoit cheoir (Cleriadus Z., c.1440-1444, 257). ...ung tresgentil homme (...) se trouva tant en la grace d'une tresbelle damoiselle qui mariée estoit (C.N.N., c.1456-1467, 182).

-

Damoiselle de haut affaire. "Demoiselle de haut rang" : Mais sachiez que je ne cuidoie pas trouver logiee si prez de moy damoiselle de si hault affaire, ne qui eust tant de si nobles gens avec lui. (ARRAS, c.1392-1393, 38).

-

En partic. "Fille de roi" : Aprés ce le roy bailla la damoiselle sa fille a Aigre, qui moult voulentiers la reçut et moult lieement. (Bérinus, I, c.1350-1370, 319). Sire, quant je parlay a li, Pour verité savoir devez Il n'avoit que ses gens privez Et une jonne damoiselle Qui sa fille est, qui est moult bele (Mir. Oton, c.1370, 330). Et puis qu'avoir ne voulez femme S'elle ne ressamble ma dame Et qu'en touz cas soit sa pareille, Je vous lo, mais que Dieu le vueille Et sainte eglise s'i consente, Que vostre fille, qui est gente Damoiselle et assez d'aage, Prenez par loy de mariage (Mir. fille roy, c.1379, 41). Et sachiez que la fille du roy maine tel douleur que c'est pitié a veoir ; il a ja deux jours qu'elle ne voult ne boire ne mengier. Il nous sera bien mal advenu se nous perdons nostre roy et nostre damoiselle. Le pays sera en grant orfenté de seigneur qui le gouvernera. (ARRAS, c.1392-1393, 114). Et la disoient ceulx du pays : Vray Dieu, se cilz nobles homs avoit prins nostre damoiselle pour moillier, bien nous yroit, nous n'aurions mais doubte de payens, ne d'omme qui nous voulzist mal. (ARRAS, c.1392-1393, 119). Et parlementèrent cil signeur et ces parties grant temps sus le mariage dou jone Richart, fil dou prince, et de ma demoiselle Marie, fille dou roy de France. (FROISS., Chron. R., VIII, c.1375-1400, 226). ...car sy tost qu'elle se trouva la nuit avecquez la damoiselle, fille du roy, elle luy monstra le riche dyamant que la contesse luy avoit baillié pour faire l'eschangement gracieux du sien (Comte Artois S., c.1453-1467, 127).

-

Damoiselle (de) + nom patronymique ou nom de lieu : Et le chevalier dist au conte : Sire, ma damoiselle Melusigne d'Albanie se recommande a vous tant qu'elle puet et vous mercie de la haulte honneur que vous faictes a vostre cousin Remondin, et a elle, qui leur venez faire compaignie a leurs espousailles. (ARRAS, c.1392-1393, 38). Je suy presentement alé (...) en la compaingnie du receveur general de Flandres pour amené Ma demiseille de Cleves par devers Mon dit Seigneur (Arch. Nord, 1433, B 17643, dossier Bruges, IGLF). ...madame Charlote de France (...) fille naturelle dudit feu roy Charles et de damoiselle Agnès Sorel (ROYE, Chron. scand., II, 1460-1483, 16).

2.

"Jeune fille ou jeune femme, de condition noble, attachée à la personne d'une dame de haut rang" : ...Jean Laisné (...) lui dist comme il mesmes avoit prins les biens de ladite damoiselle ou dame de l'ostel de la royne (Reg. crim. Chât., II, 1389-1392, 342). [La contesse à sa première damoiselle] Damoiselle, c'or soiez mere Des ore mais a cest enfant En le chierement nourrissant Comme le mien, je vous en prie. (Gris., 1395, 68). ...Jehanne de Courcelles, damoiselle de madame la duchesse de Bourgoingne (Comptes Etat bourg. M.F., t.2, 1418-1420, 325). À demoiselle Ourse de La Viesville, chambellanne de madicte dame, que mondit seigneur lui a semblablement donné pour et en recompensacion des grans paines et travaulx que elle a euz continuelment ou service de madicte dame, 200 frans (Comptes Etat bourg. M.F., t.1, 1419-1420, 355). ...Jehanne de Courcelles, damoiselle de madame la duchesse de Bourgoingne (Comptes Etat bourg. M.F., t.2, 1419, 325). [La reine Mirro :] "Et demain au matin, nous nous en irons aprés Jason secretement et ferons tant que le trouverons." Ce conseil sambla bon a la damoiselle. Q'en diray je : La damoiselle fist le commandement de sa maistresse. Elles preparerent leurs besoignes en celle nuit, et le lendemain, des le point du jour, elles monterent a cheval en habis descongneus et se mirent au chemin. (LEFÈVRE (R.), Hist. Jason P., c.1460, 154).

-

Damoiselle errante. "Jeune fille attachée au service d'une dame, chargée d'accompagner un chevalier errant et de rapporter à sa dame le récit de ses hauts faits" : ...plaisir vous soit de sçavoir que ung chevallier esclave, né du royaulme d'Esclavonie, est presentement arrivé en ceste noble ville, en la conduite d'une damoiselle errant, soubs qui et en gouvernement de laquelle il est mis, par le commandement et ordonnance de sa belle dame. (LA MARCHE, Mém., II, c.1470, 155). ...et conseilloit ladicte damoiselle errant audit chevallier qu'il voiageast et prinst aucune queste pour oblier ses melancolies (LA MARCHE, Mém., II, c.1470, 157).

Rem. Cf. J. P. Jourdan, Pas d'armes, joutes et tourn. ds le royaume de Fr., 1981, 350.

-

[Allus. au privilège qu'avaient les damoiselles nobles de circuler sur une mule ; maintenant, les bourgeoises font de même. cf. Éd. p.110] : J'ey veu qui n'estoyt c'une mulle Et une seulle damoyselle En ceste ville, layde ou belle ; Maintenant on en voidt un cent. Je ne say pas que cela sent, Sinon que tous nobles deviennent. (Mère Ofic. T., c.1500, 110).

Rem. Cf. : A tant ez vous une damoiselle, seule, sans compaignie, chevauchant sur une mulle grant aleure, et chevacha tant qu'elle vint en la court [du roi Artus] la ou la feste estoit. (Chev. papegau H., c.1400-1500, 1).

3.

"Femme mariée de la petite noblesse" : Nonpourtant c'est bien droit que chascune porte tel abit et estat qu'apertient a son mary et a elle ; mais se elle est bourgoise que elle le porte tel que une damoiselle, et la damoiselle come une dame, et ainsi de degré en degré en montant, sans faille c'est chose hors ordre de bonne policie (CHR. PIZ., Trois vertus W.H., c.1405, 178). ...il n'y a damoiselle ou bourgoise qui ne se mescongnoisse et qui ne veuille avoir grans estas (JUV. URS., Verba, 1452, 278). ...on a veu que les demoiselles et aultres fenmes, voulans faire par le bas en leur robes ung rebours nonmé proffitz, ils estoient de beaux chats blans (JUV. URS., D. Tours, 1468, 446).

-

Basse damoiselle. "Personne de sexe féminin, de rang social moins élevé que la dame" : ...aux autres dames selon ce qu'elles sont, aux unes les beaux atours, aux autres les ceintures d'argent bien dorees (...) et les basses damoiselles boursses, gantz, lassez et espingles, selon ce qu'elles sont. (LA SALE, J.S., 1456, 72).

-

P. ext. [À propos d'une chienne d'excellente qualité] : J'appellé tous les chiens a moy. Myraulde tantost en reprit. "Escoute, a Myraulde, le voy !" Chascun a rechasser se prit, Mais tantost Oyse ung tour nous fit, la bonne lice rouge et belle, Au pres d'une vieille chappelle Dedans ung grant taz de halyés Le relança la damoyselle Sans y actendre les lymiers. (BRÉZÉ, Chasse T., c.1481-1490, 41).

4.

"Gouvernante" : À demoiselle Elisabeth, gouvernesse de plusieurs enfans bastars de feu MS de Flandres (Comptes Lille L., t.1, 1382-1482, 4). Demoiselle Marguerite de Tournay, gouverneresse de la princesse de Piemont. (Lettres Louis XI, C., Pièces justif., t.1, 1436-1461, 230). ...à damoiselle Jeanne du Mesnil, gouverneresse et première damoiselle de mondit seigneur, sur sa pension de ladite année, 20 livres tournois. (CHART. J., Chron. Ch. VII, V., t.3, Fragm. hist., 1408, 264).

5.

"Pensionnaire dans une abbaye" : Messires Jehans de Hainnau soupa a Denaing entre les damoiselles de l'abeie, gentils fenmes qui la estoient. (FROISS., Chron. D., p.1400, 60). ...damoiselle Jehanne de Le Hessche, beguine à Courtray (Comptes Etat bourg. M.F., t.3, 1416-1420, 203).

B. -

[Bourgeoisie]

1.

"Femme ou jeune fille de condition moyenne ; bourgeoise" : Secondement uns aultres tres honestes bourgois et de grant afaire, et liquels avoit deus damoiselles a filles, jones, belles et gratieuses, se leva et dist tout ensi... (FROISS., Chron. D., p.1400, 843). ...ledit Colart achetteur lors promist rendre et bien payer a ladicte demoiselle venderesse (Trés. Reth. L., t.3, 1415-1490, 341). ...maistres Henry Roussel, advocat, et Simon Legras, procureur de damoiselle Ysabel de Gamaches, vefve de feu Barthelemi Spifame (FAUQ., II, 1421-1430, 258). Balade que le dessus nommé fit a la requeste de damoiselle Ysabeau Chrestienne, sa femme, en l'an mil CCCCLX. (RÉGN., F.A., 1432-c.1465, 222). Et si y mena aussi maistre Jehan Longuejoe le jeune, nouvellement marié à demoiselle Geneviefve, fille de maistre Jehan Baillet, pour estre de son grant conseil. (ROYE, Chron. scand., I, 1460-1483, 140). Et estoit ceste damoiselle femme d'un advocat nommé..., toute de tele condition et langaige comme estoit son frere, la plus mondaine et novelle des aultres. (CHASTELL., Chron. IV, D., c.1461-1472, 237).

2.

"Maîtresse, femme du maître" : ...la bonne fille [une servante] (...) de tout son cueur desiroit complaire a sa damoiselle et encores plus a son maistre (C.N.N., c.1456-1467, 368).

C. -

[Sans référence à des catégories sociales bien établies]

1.

[La même personne peut recevoir successivement les dénominations de damoiselle et dame] : JOSEPH. C'est une jonne damoiselle Qui m'a esté donnée a fame, Qui n'a pas plus de treize ans, dame, Et s'est née de Nazareth. (Mir. nat. N.S.J.C., c.1343, 212). ELYACHIN. [à l'arrivée à Bethléem] J'ay en plusieurs logis esté, Mais j'en sercheray plus de cent Ains que ne treuve lieu decent Pour ceste bonne damoiselle. JOSEPH. Elïachin, j'ay pitié d'elle ; je vous prometz, parfondement (...). ELYACHIN. La bonne dame est bien lassee Il y pert bien a son affaire, Mais laissez moy hardiment faire, Je trouveray sa place a part. (GRÉBAN, Pass. J., c.1450, 63). Ung gentilhomme, chevalier de ce royaume, (...) devint amoureux d'une tresbelle damoiselle (...). Advint (...) que ce bon chevalier, pour mieulx valoir et honneur acquerre et embrasser, se partit de sa marche (...). Pendant ce temps, sa dame fut mariée a ung ancien chevalier (C.N.N., c.1456-1467, 246).

-

[L'empl. conjoint des termes dame et damoiselle pour exprimer la totalité d'un groupe ou d'une collectivité] : En la salle s'en sont venu, Cointement firent leur salu As dames et as damoiselles (Dame Lycorne G., c.1349-1350, 216). ...maistre Jehan (...) commença sa petite collacion comme il s'ensuyt : "Mes dames et mes damoiselles..." (C.N.N., c.1456-1467, 222). ...luy requist ung baiser, dont les dames et damoiselles du dit pays d'Angleterre sont assez liberales de l'accorder (C.N.N., c.1456-1467, 387).

2.

"Suivante d'une dame, jeune fille de compagnie" : ...il estoit si très fort enamourez de une des damoiselles de la royne qui s'appeloit La Lancegrone, que nullement il ne la povoit laissier (FROISS., Chron. M., XIV, c.1375-1400, 46). ...une damoiselle qui avoit longuement servi la royne, laquelle estoit moult devote, ala personnelement a la dicte solempnité et pria de bon cuer a la Vierge Marie qu'elle peust veoir sa maistresse, la royne, laquelle damoiselle ne fu pas defraudee de son desir, et dit publiquement et jura au roy, par tres grant serment qu'elle avoit veu et recongneu la royne, sa maistresse, et une des filles du roy en l'air en la compaignie des sains, et ainsi l'afremoit vrayement. (MÉZIÈRES, Vertu sacr. mar. G.-K., c.1384-1389, 64). Et quant l'enffant sentit le feu, il s'esveilla et commança a plourer. La damme envoya tantoust en la ville querir une damoiselle qui estoit nouvelle relevee d'un filz qu'elle avoit eu. Si lui bailla la damme l'enffant a nourrir et la mist en une chambre auprés d'elle. (Charles de Hongrie C., c.1495-1498, 3).

3.

[Indépendamment de l'âge, mariée ou non] : ...ch'est asavoir que ju lais pour faire mon anniversaire et l'anniversaire de damoiselle Maroie ma femme jadis, en le eglize saint Johan Baptiste en Liege, en le capelle saint Lowi que fondat sires Louis Surles jadis mes peires, d'an en an perpetueiement, en temps que chascon de ces dois anniversaires venrat a faire, vintesiiez souls ligois bonne monoie de cens annueit et perpetueit (HEMRICOURT, Pièces div. B.P., 1337-1405, 50). ...la bonne damoiselle alla oyr la messe, et au retour passa par l'ostel de son filz (C.N.N., c.1456-1467, 368). Une ancienne damoiselle vefve, a qui print pitié du pouvre religieux, luy fist dire messe. (C.N.N., c.1456-1467, 485). ...luy deist que le plus en haste qu'il pourroit venist a l'hostel d'une telle damoiselle espouse d'un tel (C.N.N., c.1456-1467, 570). Et la premiere qui jadis les mist avant [les Evangiles des Quenouilles] fut une demiselle de village nommee Transeline, ja toute vielle et, comme l'en dist, jalouse de son mary bel et jenne sur qui maint aguet jour et nuit mettoit et maint preschement en vain lui presentoit. (Ev. Quen., II, c.1466-1474, 117).

4.

Sa demoiselle (de) + nom de parenté : Piètres dou Bos s'en vint un soir chiés ce Phelippe, qui demoroit avoecques sa damoiselle de mère, et vivoient de leurs rentes tout bellement. (FROISS., Chron. R., X, c.1375-1400, 82). Donnet par le bastard de Wauvre pour et ou non de se demiselle taye, pour II^c couronnes dou Roy faire avoir et par lettres, sour le remanant Jehan de Wauvre, son pere ...XVIII livres (Arch. Nord, 1403, B 10357, f° 2, IGLF).

5.

En appellatif. Ma demoiselle : Amis, dist la pucelle, avez vous veu celle gent qui nous viennent a secours ? Par ma foy, ma damoiselle, oïl. Par vostre foy, dist Hermine, quelx gens sont ce ? Par ma foy, ma damoiselle, ce sont les plus appertes gens d'armes et les plus beaulx hommes qui oncques entrassent en cest païs, et les mieulx abillez. (ARRAS, c.1392-1393, 97). Ha dya ! ma damoiselle, dit lors le gentil conte (...), vous estes a merveilles fiere. [Jeune paysanne dont s'est épris le seigneur] (C.N.N., c.1456-1467, 156). Avant qu'elle eust finé sa parolle, Roland respond et dist : "Ma damoiselle, je vous prie que vous nous monstrés les dieux dont vous nous parlés." (BAGNYON, Hist. Charlem. K., c.1465-1470, 104). Ma damoiselle, m'amie, Sa, vostre plat ! Tenés la teste ! (Pass. Auv., 1477, 102). Si se leva debout pour le cuyder saluer, et aussi firent plusieurs barons et dames, mais le page, que beaucop sçavoit, s'en apparceut et dit : "Ma damoiselle, ne vous bougez jusques je le vous diray, car celuy que vous voyez la est le maistre d'hostel de nostre maistre, qui est ceste sepmaine en office..." (Jehan de Paris W., 1494-1495, 39).

-

[P. oppos. à dame] : Ha, par ma foy, je suis bien sot ! Je croy bien que c'est pour ung mot Que j'ay failly a la nommer. Car quant l'ay priee pour dancer, Je vous l'ay appellee ma dame, Et devoie dire ma damoyselle. (COQUILL., Oeuvres F., 1478-p.1494, 311).

-

P. iron. "Femme du peuple qui se donne de grands airs" : Se Margot estoit attournee, On l'appelleroit daimoiselle, Et, s'el mengeoit une groisselle, Par Dieu ce seroit a trois fois. [Tant sa bouche est petite] (Menus propos P., 1461, 77). Ceste ballade luy envoye [à mon amour], Qui se termine tout par erre. Qui luy portera ? Que je voye... Ce sera Pernet de la Barre, Pourveu, s'il rencontre en son erre Ma damoiselle au nez tortu, Il luy dira sans plus enquerre : "Ordre paillarde, dont viens tu ?" (VILLON, Test. R.H., 1461-1462, 82).

6.

"Femme au service de qqn, servante" : Et si tost qu'ils auront soupez, le signeur comencera d'amourasser la damoiselle, et pour avoir son amour et sa pucellage, il fait, pour le grant brasier d'amour qu'il en a envers li, le plus gracious et le plus amerous chanson qui peut estre en tout le monde (Man. lang. G., 1396, 64). Et quiconques vouldra prendre et rabaissier le dit marquiet, il viengne le prochain dimenche apres le behourd ou endedens a le maison demiselle Lotte, fremiere de mon dit seigneur (Arch. Nord, 1403, B 5055, f° 2, IGLF). ...ycelle suppliante pour sauver les biens dudit maistre Guillaume et de sa femme dont elle estoit damoiselle servant print six cueilliers d'argent (Paris domin. angl. L., 1421, 8). ...entre aultres damoiselles chambrieres et servantes de son hostel, celle ou nature avoit mis son entente de la faire tresbelle, meschine estoit (C.N.N., c.1456-1467, 115). Elle demoura a l'ostel en la garde et conduicte d'un ancien gentil homme et d'aucunes damoiselles qui la servoient. (C.N.N., c.1456-1467, 279). Cy aprés sont contenues les Euvangilles que l'en dit des Quenoulles, dittes et certiffiees par femmes, ou la plus saine partie adjouste foy et voulentiers mettent a effect. Et la premiere qui jadis les mist avant fut une demiselle de village nommee Transeline (Ev. Quen., II, c.1466-1474, 119). ...avec lequel Christoffle demouroit une jeune fille eagee de XVII a XVIII ans appellee demyselle Ysabel de Fretin, fille de la femme du dit Christoffle (Arch. Nord, 1486, B 1703, f° 166, IGLF). Jugement (...) coment ung stuvour debvoit debte a ung proudhome, se le fist cil proudhome [estaulier] et en portait lez biens par aichait et les portait en une aultrez stuve et luiait li prodomme la femme de cellui stuvour pour domexelle pour la stuve a tenir ou il avoit pourtei lesdits bien (Jug. maître-échev. Metz S.M.S., t.1, a.1494, [1357], 355).

Rem. Doc. 1421 (dammehelle) ds GDC IX, 298c.

-

Péj. : Le varlet fist son rapport a son maistre, qui n'estoit pas si large, au mains en tel cas, de donner dix escuz pour joyr d'une telle damoiselle [Il s'agit d'une chambrière] (C.N.N., c.1456-1467, 121). Le roy et luy allèrent bras à bras par nuyt, telle fois estoit, parmy la ville de Paris visiter dames et damoiselles. (CHASTELL., Chron. K., t.4, c.1456-1471, 116).

II. -

[D'une chose]

A. -

"Représentation d'une jeune fille ou d'une jeune femme" : ...une couppe d'argent dorée par dehors, esmaillée par dedens d'une damoiselle gauderonné (Aff. Jacques Coeur M., 1453-1457, 59).

B. -

MOBIL. Damoiselle (à atourner). "Petit meuble ou guéridon servant pour la toilette des femmes" : Ledit maistre Girart, pour la façon des dictes 2 chaires, les quelles furent paintes d'azur et les testes estancellées de fin or, 14l. Pour une damoiselle à attourner, 60s. par. Et pour une neccessaire couverte de cuir et envelopée de drap, 4l. (Comptes argent. rois Fr. D.-A., I, 1352, 300). 1 cromale, 1 damiselle, 1 trepier, 1 mourtier. (Invent. mobiliers ducs de Bourg. P., t.1, 1363, 13).

Rem. Doc. 1328 (Une desvidouere, une damoiselle, unes tables et un estui), (une damoiselle d'argent), 1349 (A Hue d'Yverny pour .II. chaieres de fust a laver dames et pour une damoiselle, .XI. liv. p. ), 1350 (Pour une damoiselle a tenir le miroir de madame la reyne), 1353 (Pour la façon de .IIII. damoiselles de fust, nettement ouvrees et paintes...), 1391 (Pour une damoyselle de bois) ds GD II, 417a-b ; cf. aussi GAY I, 539b-540a.