| 119 exemples | | 1 | ...à Michelet Sauvaige, meneur de tumbereaulx, pour trois journées par luy et son charroy faictes mener à certaine quantité de carreaulx qui ont esté cueillis en la chaussée du Bourgeel et menés à la besongne que on y faisoit, payé à luy 24 s. p. (Comptes Paris V.L.D., t.1, 1455-1456, 864). | |
| 2 | ...tous ensemble venons De cuillir, au mieux que avons peu, Le relief et le residu Des vïandes que avons trouvees (MICHEL, Myst. Pass. J., 1486, 142). | |
| 3 | ...et si prent es dictez forestz par chacun an XX s. ou quatre pors au terme que l'en cuist le pasnage et pasturage es dictez forestz ; et avecques ce doit avoir à disner franchement, et un charpel de roses, car l'en cuest communement lesdiz pasturages en ladicte forest de Rouvroy le jour de la Trinité (HECTOR DE CHARTRES, Cout. R., 1398-1408, 67). | |
| 4 | ...mainte dame cueillie Et paree de maint atour (MARTIN LE FRANC, Champion dames I-II, P., 1440-1442, 23). | |
| 5 | "Vilain, or me di, Se Diex te gart, de quoi tu sers Et pour quoi sembles si divers ? Es tu messier ou fauchonneur Ou des trespassans espïeur ? Comment as non et ou quellis Ton grant baston et le prëis ? N'est pas baston bien avenant A preudomme ne bien seant." (GUILL. DIGULL., Pèler. vie hum. S., c.1330-1331, 161). | |
| 6 | Et pour ce en l'amoureus brueil, Ce m'est vis, la verge cueil Pour moy batre et me despueil, Comme aprentis Qui n'a d'avoir joie apris Lettre ne fueil. (MACH., Lays, 1377, 436). | |
| 7 | ...coeullir proie sans prejudice d'aulcuns... (MOLINET, Faictz Dictz D., 1467-1506, 98). | |
| 8 | Quant ilz furent en la forest, les chiens avoient desja cueilly le plus grant et merveilleux sanglier que on eust oncques veu (Charles de Hongrie C., c.1495-1498, 162). | |
| 9 | Item, ont toutes les mouchez à miel qui seront trouvéez en ladicte forest de Rouvroy, et homme qui les cuildra perpétuel usage en icelle forest, lequel homme lesdiz religieux pourront muer toutes les foiz qui leur plaira, ou lesdictes mouchez cueillir en leur main ou en faire tout ce que bon leur semblera. (HECTOR DE CHARTRES, Cout. R., 1398-1408, 52). | |
| 10 | [Cont. allég.] Encores luxure est comparee a l'oiseleur qui tent a petis oiseles et emprés sa roys tient un chat huant qui va de sa teste coliant et attrayant les petis oiseles. L'oiseleur est proprement le Diable, et sa roys et le chat huant sont les femmes bien parees et luxurieuses qui de leurs paremens et biau visaige vont coliant et attrayant les petis oiseles, c'est assavoir les ames volans des Crestiens (MÉZIÈRES, Vertu sacr. mar. W., c.1384-1389, 290). | |
| 11 | ...et que en icellui [tonneau] ne cueille vent parquoy aucun inconvénient se puisse ensuir oudit vessel (Ordonn. rois Fr. S., t.8, 1398, 304). | |
| 12 | ...en querant bonne renommee qui cueillist sus moy (VIGNAY, Théod. Paléol. K., c.1333-1350, 110). | |
| 13 | Cueulz toy en toy, et d'une pensee saine Voy cest enfant (Myst. Incarn. Nat. L., t.2, c.1454-1474, 382). | |
| 14 | Et si doit cueillir et assembler toutes les amendes et exploix et decontes de rentes et revenuez qui sont deuez chacun an au roy (HECTOR DE CHARTRES, Cout. R., 1398-1408, 94). | |
| 15 | Le poysson s'aproche du bort (...) ! André, mon amy, cuillés vous ! (MICHEL, Myst. Pass. J., 1486, 52). | |
| 16 | Assez tost aprez fist le roy cueillir son paveillon, et entra en mer, et s'en va le plus droit qu'il puet en son pays, pensant de triste cuer aux paroles que Melior, la dame du chastel de l'Esprevier, lui ot dictes. (ARRAS, c.1392-1393, 306). | |
| 17 | Ceste rois (...) est quevillie [var. cueillie, cueillue] en telle maniere qu'elle est plus longue que large (HENRI FERR., Modus et Ratio, Livre deduis T., c.1354-1377, 291). | |
| 18 | Et ne fault pas seulement garder maniere de discipline en vesture et en couleur, mais aussi en la façon et application au corps. Car auchuns folz sont qui ordonnent et cuellent leurs vestemens, les aultrez en grand derision les mectent de travers. (DAUDIN, De la erudition H., c.1360-1380, 247). | |
| 19 | Et quant serez en vostre pourpoint lassiez et vos chausses bien nectes et bien tendues et voz solers bien nez, lors vous pignez, voz mains et vostre face lavez (...) et lors signez vous et faites vostre robe cuillir. (LA SALE, J.S., 1456, 44). | |
| 20 | ...le surplus du vestement Estoit de blanc entiérement A grandes manches a goutiéres, Bien saint et cueilly proprement (Amant cord. M., 1490, 54). | |
| 21 | ...Que les plis soient cueillis tous drois (Amant cord. M., 1490, 63). | |
| 22 | ...se une trouvés sy hardie Qu'elle vous requist de la saindre Ou lasser sa cotte hardie, (...) gardés, en cueillant, de attaindre Ne de point toucher le tetin. (Amant cord. M., 1490, 74). | |
| 23 | ...ilz estoient vestuz de toile delie et blanche comme neige qui si mignotement se queilloient entour eulx que c'estoit une beaulté a veoir. (Percef. I, T., c.1450 [c.1340], 161). | |
| 24 | ...l'argent, qui par l'ordonnance et appoinctement de ladicte Court a esté queully et levé pour l'issue du royaume pour la cause dessusdicte (BAYE, I, 1400-1410, 134). | |
| 25 | ...et scet on bien notoirement que le duc de Bourgongne, lui estant à Paris, a fait faire et cueillir pluseurs tailles et empruns (FAUQ., I, 1417-1420, 32). | |
| 26 | ...ou cas que par fortune de temps (...) lesdis preneurs ne peussent excersser et cueillir ladicte ferme, ledit commandeur leur seroit tenu rabatre de ladicte somme au regart de gens en ce recongnoissans (Rouen temps Jeanne d'Arc L., 1419, 5). | |
| 27 | Item, en ce temps fut levée et cueillie en plusieurs parties du royaume de France une taille assez rigoureuse de mars d'argent, octroiée et accordée par les Trois Estas du royaume à la requeste des roys de France et d'Angleterre, pour forger bonne monnoie et faire courir oudit royaume, et à la cueillir sur gens d'église, chevaliers et escuiers, dames et damoiselles, bourgois et autres qui avoient puissance. (MONSTRELET, Chron. D.-A., t.4, c.1425-1440, 77). | |
| 28 | ...en ce temps fut ordonnée une grosse taille et cuillie sans mercy. (Journal bourgeois Paris T., 1427, 217). | |
| 29 | ...ledit duc d'Orléans leur faisoit souffrir moult de maux par les grandes tailles et aides que il faisoit souvent ceuillir et mectre sus (Chron. anon. Ch. VI, D.-A., c.1431, 195). | |
| 30 | ...quartement, parleront lesdiz ambaxeurs dez grans tailles qui sont imposées, cullyes et levées en ce Royalme (ESCOUCHY, Chron. B., t.3, Pièces justif., 1442, 74). | |
| 31 | ...ceulx qui y cueilloient ledit impost (Droiz Cour. Fr. H., 1460, 388). | |
| 32 | Ycy cueillent ses quatre Juifz des pierres (MICHEL, Myst. Pass. J., 1486, 180). | |
| 33 | ...et ordonner telz gens que bon luy sembleroit pour cueillir et lever ledit ayde pour le roy (LE CLERC, Interp. Roye, c.1502, 338). | |
| 34 | ...et les prevoz dudit Guillaume du Val sont tenus à asambler le chouquage deu au roy notre sire en sa recepte dudit lieu de Beaumont, et cueillir sur les hommez qui le doivent es dictez terrez (HECTOR DE CHARTRES, Cout. R., 1398-1408, 325). | |
| 35 | ...ycelle aide mise sus pour resister à certains Bretons qui estoient logez à Champeaulx et à Genez pour faire guerre au païz de Monseigneur, et se cuilli par quartiers dan, lun plus lautre moins, pour certaines moderations qui y furent mises pour la clameur du pueple (Compte Navarre I.P., 1367-1371, 46). | |
| 36 | Autre recepte de fons de terre appartenans à ladicte ville de Paris, qui se cueille en plusieurs lieux et parties estans en la censive et seigneurie fonciere du Parlouer aux Bourgois d'icelle, lesquelles on dit estre franches du guet de Chastellet (Comptes Paris V.L.D., t.1, 1441-1442, 253). | |
| 37 | En apres pour cueillir et adjouster icelles multiplications lon doit commancer au petit quarré inferieur et de la partie dextre ... (NIC. CHUQUET, Triparty M., 1484, I, 598). | |
| 38 | ...nous l'avons trouvé Nostre peuple subvertissant (...), Cueillant familles et meignies (GRÉBAN, Pass. J., c.1450, 286). | |
| 39 | ...il a assemblé et cueilly Grant foison [de disciples] (GRÉBAN, Pass. J., c.1450, 364). | |
| 40 | Les barbares me font guerre Et me viennent assaillir (...). J'ay faict gensdarmes cueillir (Vie st Eust. 2 P., c.1400-1450, 212). | |
| 41 | ...j'ay fait cuillir et lever le guet du chastel de ladicte ville sur les personnes et chiefz d'ostel a ce subgez par sergenteries et parroisses d'icelle viconté (Rouen temps Jeanne d'Arc L., 1430, 195). | |
| 42 | Car les sacrifices anciennement ordenés et teles assemblees estoient faites aprés ce que les fruis sont cueilliz, et adonques ilz offrent les premices de leur fruis. (ORESME, E.A., c.1370, 433). | |
| 43 | Et quant à la somme de 507 escus et quart restant de nect ledit Quercin m'a dit et affermé, en la présence des dessusdiz, qu'il avoit fait toute diligence possible de cueillir et amasser argent de toutes pars pour fournir à ladicte somme qu'il devoit de reste et qu'il n'avoit pu finer ne recouvrer jusques à présent que ladicte somme de 833 escus (Aff. Jacques Coeur M., 1453-1457, 53). | |
| 44 | ...elle cueilloit des flourettes Avecques pluseurs pucelettes. (MACH., C. ami, 1357, 83). | |
| 45 | Et des cormes et des prunelles Et des boutons et des cynelles Et des prunes noires et blanches Queudras a meÿsme les branches (MACH., Voir, 1364, 634). | |
| 46 | ...de bon raisin Cueillus vert (DESCH., Oeuvres Q., t.5, c.1370-1407, 334). | |
| 47 | ...que nul ne nulle ne preingne ou cueille verjus ou roisins quelconques, s'il ne prent iceulx en ses vignes (Reg. crim. Chât., II, 1389-1392, 254). | |
| 48 | ...de cueillir la vïolete (CHART., L. Dames, 1416, 209). | |
| 49 | Si cueilly un raym d'esglentier (CHART., L. Dames, 1416, 254). | |
| 50 | Desquelles [de ces plantes] je cueilly pluiseurs, en comptant les fueilles (LA SALE, Salade, c.1442-1444, 74). | |
| 51 | Autre chose je ne lui donne Fors plain poing d'oziers frez cueilliz En mon jardin (VILLON, Test. R.H., 1461-1462, 127). | |
| 52 | Judas demeure pour cuilir des pommes et pour rompre l'arbre (MICHEL, Myst. Pass. J., 1486, 47). | |
| 53 | Au boys, au boys, cuillir beutours... (P. Jouh. D.R., a.1488, 23). | |
| 54 | ...grand multitude de Parisiens cueilly des murmures beaucoup à l'encontre du roy anglois, pour cause que trop maistrieusement les commençoit à traiter (CHASTELL., Chron. K., t.1, c.1456-1471, 313). | |
| 55 | Vous savez de l'eur de fortune Que cil qui cuide estre avancé, En mains de cuillir une prune, Incontinant est renvercé. (Myst. siège Orléans H., c.1480-1500, 571). | |
| 56 | Le raisin meur se queult parmy le vert (CHART., B. Nobles, c.1424, 404). | |
| 57 | Et au propos qui devant est dit des nobles Rommains qui estoient mescreans et payens et toutesfoys tant bien se gouvernoient que ce nous doit estre exemple, dit Valere que tele estoit la loy de Romme laquele fut ordonnee a fin que on entendist a emploier les revenues de ce que on cueilloit pour la guerre seulement (CHR. PIZ., Corps policie L., 1406-1407, 33). | |
| 58 | Ilz [les paysans] ont de present cueilly leurs blefz (JUV. URS., Nescio, 1445, 533). | |
| 59 | ...les petis oyseaulx (...) ne cullent ne ne sement (Pac. Job M., c.1448-1478, 203). | |
| 60 | ...ung escu à estre paié et levé sur chascune pippe de vin amené dehors du royaume et qui en seroit tiré, et de toutes autres denrées à la valeur, qui par aucun temps avoit esté delaissé à cueillir (ROYE, Chron. scand., II, 1460-1483, 5). | |
| 61 | ...son labeur pert Cil qui grain y cuyde cuillir. (MICHEL, Myst. Pass. J., 1486, 136). | |
| 62 | D'aucunes [herbes] cueillir m'en yras, Et je te mousterray conment Tu en feras bon oingnement (Mir. st Panth., 1364, 325). | |
| 63 | ...quant l'en queust aucunes herbes pour faire medicine, l'en n'y doit faire nulz enchantemens ne garder, en lez cueillent, aucunes observances vaynes, for que l'en y puet bien dire "Pater Noster" et "Credo in Deum" a l'oneur de Dieu et de toute la Trinité. (Songe verg. S., t.1, 1378, 394). | |
| 64 | ...lesquelz, après ce qu'ilz orent parlé ensamble, appointerent qu'ilz cueilleroyent très-grant quantité de certaines herbes que ledit hermite de Roussillon moustra à lui qui parle, et quant ilz en auroyent grant quantité, ilz vendroient à Paris, et feroyent de la poudre pour empoisonner le roy (Reg. crim. Chât., I, 1389-1392, 316). | |
| 65 | Item, il est expedient que il [le tirant] face telement que il soit amis as grans, et leur semble que il cuelle les entrees et les oblations diligeanment et pour grace ou afin de les bien despenser. (ORESME, Pol. Arist. M., c.1372-1374, 248). | |
| 66 | ...[elle] cueilly un petit d'erbe nouvelle apellée aumosniere (Reg. crim. Chât., I, 1389-1392, 328). | |
| 67 | Je m'en vois (...) Aux champs visiter mes gaignages, Afin que d'ouvriers, conme sages, Soie pourveuz (...) Quant il les me fauldra cueillir. (Mir. femme, 1368, 177). | |
| 68 | Quant vint au temps de messonnaige, Qu'il fallu cueillir la vendenge... (GRÉBAN, Pass. J., c.1450, 225). | |
| 69 | ...et ne se queult la semence fors bouton apres autre (Ménagier Paris B.F., c.1392-1394, 120). | |
| 70 | Qui arbre n'a ne cuelt grans fruis. (TAILLEV., Passe temps D., c.1440, 152). | |
| 71 | Tel qu'on seme couvient cuillir (...) Tel qu'on seme couvient cueillir (CH. D'ORLÉANS, Rond. C., 1443-1460, 383). | |
| 72 | Et auxi pasnage par toute sa forest, cueildre des pommes pour le boire dudit hostel (HECTOR DE CHARTRES, Cout. R., 1398-1408, 90). | |
| 73 | ...la moittié des fraiz et despendz qui se font par chascun an au cueillir en aoust. (MAUPOINT, Journ. paris. F., App., 1461, 18). | |
| 74 | ...la monta elle (...) ou temple de Dieu, que j'appelle paumier, et y cueilli le fruit (Mir. st Guill., c.1347, 5). | |
| 75 | Adont le fruit cueil D'espoir, se vrais estre vueil Vers vous, dame nette et pure. (MACH., L. dames, 1377, 185). | |
| 76 | Item pour VIII peaux de parchemin pour faire les copies et brefves pour le pardon et faire cuillir [Th. Gossen, I>R. Ling. rom./I>, 26, 1962, 118 : "faire la collecte en distribuant les I>brevets/I> d'indulgences"] (DU MAREST, Comptes L., 1412-1433, 38). | |
| 77 | ...pensoit sur son estat, voyant qu'il avoit despendu tous ses jours et ans a rien aultre chose faire que cuillir et accroistre sa richesse [À propos d'un quinquagénaire célibataire] (C.N.N., c.1456-1467, 554). | |
| 78 | Pour quoy ne sont tous leurs bienfaiz cueillis [des femmes] Sans estre tant a grant tort epitrez ? (MICHAULT, Procès honn. F., p.1461, 57). | |
| 79 | Fist compiler, pour le voir dire, Examiner et puiz escrire Par notables Phisiciens, Expers en l'art et anciens, Une certaine et vraie doctrine, Cueillie ou champ de Médicine, Pour savoir les causes à droit De la boce qui lors régnoit (LA HAYE, P. peste, 1426, 12). | |
| 80 | ...et en icelle partie l'apeller bonne [l'astrologie], et les autres qui sont très utilles parties et fructueuses, desquelles il ne gousta jamais, ne savoura nul fruit, parce qu'il l'ignore et aussi la bonté de l'arbre et les branches où il est cuilly et les profondes raisons de la fertillité dudict arbre (SIMON DE PHARES, Astrol., c.1494-1498, f° 5 r°). | |
| 81 | Et sa gracieuse parole, Qui n'estoit diverse ne fole, Estrange ne mal ordenée, Hauteinne, mais bien affrenée, Cueillie a point et de saison, Fondée seur toute raison, Tant plaisant et douce a oïr, Que chascun faisoit resjoïr, Me metoit un frein en la bouche Pour moy taire... (MACH., R. Fort., c.1341, 9). | |
| 82 | Plusieurs dictons faitz sur nouveaux misteres, Prins et cueilliz sur les loix ancïennes (LA VIGNE, V.N., p.1495, 166). | |
| 83 | Lors en sa main cueilli de la rousée Sus l'erbe vert (MACH., J. R. Beh., c.1340, 65). | |
| 84 | Certes, ma douce Dame, n'eust estee ceo qe apres vient de dolour grande matire, ceo eust estee assez grant pur en avoir quyli assez de lermes de coer et espanduz hors as oeux. (HENRI LANC., Seyntz medicines A., 1354, 142). | |
| 85 | Se vient aucun du miel cueillir... (CHART., L. Dames, 1416, 255). | |
| 86 | Le second vin qu'on foulle et coeulle... (MOLINET, Faictz Dictz D., 1467-1506, 29). | |
| 87 | ...noz deniers n'y ont peu estre recueilliz, maiz ont esté empeschez et par les aucuns prins, cueilliz, levez et appliquez à leur prouffit. (LE CLERC, Interp. Roye, c.1502, 226). | |
| 88 | ...les mouches respondirent : "O tu, vilain rusticque, tu veulz bien cuelir de la doulceur de nous [le miel]..." (COLART MANS., Dial. créat. R., 1482, 212). | |
| 89 | Attropos, deesse ordonnee Pour cueillir mes vomissemens, Escumes et vomissemens, Aproche, si luy en delivres. (Cene dieux, c.1492, 127). | |
| 90 | Et de ce seront tenus lesdits habitans cueillir et recevoir les tailles de meuble en la sergenterie de Merreval (HECTOR DE CHARTRES, Cout. R., 1398-1408, 211). | |
| 91 | Chevrelx (...) ne cueillent point de venoyson (...) se n'est dedanz. Et la plus grant gresse qu'ilz puissent avoir dedanz, c'est quant ilz ont couvers les roignons de suif. (GAST. PHÉBUS, Livre chasse T., 1387-1389, 75). | |
| 92 | Car la manne descendi Et Douceur aussi, Par quoi m'ame saoulee Fu(s)t dou fruit de doulz ottry Que Pité cueilli En sa face coulouree. (MACH., Voir, 1364, 360). | |
| 93 | Je ne cueuil Ne n'acueuil D'Espoir (Poés. lyr. court. XVe I., c.1454-1456, 110). | |
| 94 | ...Par prieres que vostre bonté cueille. (MART. D'AUV., Mat. Vierge L.H., c.1477-1483, 142). | |
| 95 | ...sour che fuist colhut une journée (STAVELOT, Chron. B., a.1447, 431). | |
| 96 | ...en coilhant cel devantdite journée (STAVELOT, Chron. B., a.1447, 534). | |
| 97 | Ci dit comment elle ne cueilli fors des raclures du tresor de son pere. (CHR. PIZ., M.F., I, 1400-1403, 20). | |
| 98 | Des impositions de XII d. pour livre, XIIIc de buvraiges et quint de sel cuilliz et levez ou plat païz de la viconté d'Avrenches (Compte Navarre I.P., 1367-1371, 20). | |
| 99 | ...là se font election des chevalliers ou lieu des trespassez et à qui le chief et les confreres sont d'accord de bailler icelle noble ordre de la Thoison. Et oultre plus le chancellier et le greffier doivent avoir coeuillys et mis en escript toutes choses où il appertient correction de chevalliers advenues depuis l'autre feste tenue jusques à icelle. (...) Et ont les chevalliers ceste grace que en toutes choses, s'ilz ne declinent au contraire, et tout ce qui sera là ordonné, le greffier le doibt enregistrer (LA MARCHE, Mém., IV, Pièces annexées, c.1500, 172). | |
| 100 | ...grant envye cueillirent Les Juïfz (GRÉBAN, Pass. J., c.1450, 267). | |
| 101 | ...et l'orgueil qu'avoient cueilli en leurs forts (CHASTELL., Chron. K., t.3, c.1456-1471, 132). | |
| 102 | Hau ! compaignons, estes vous la ? Cueilliez bon cuer et faictes het : On vous va mener au gibet. Estes vous sours ? Hau ! respondez. (MARCADÉ, Myst. Pass. Arras R., a.1440, 178). | |
| 103 | Ne soy noier de ses plours en l'abisme (...) Et cueillir cuer (TAILLEV., Rég. fort. D., c.1445, 240). | |
| 104 | ...li chetis Contre Dieu tant s'enorgueilly C'un tel penser en soy cueilly : "Je monteray", dist il, "es cieulx..." (Mir. mère pape, c.1355, 359). | |
| 105 | ...en grant amour le coeulli (Renart contref. R.L., t.1, 1328-1342, 91). | |
| 106 | ...le roy l'avoit cueilly en haine (CHASTELL., Chron. K., t.4, c.1456-1471, 180). | |
| 107 | ...car l'avoit cueilly en amour pour cause de ses vertus (CHASTELL., Chron. K., t.4, c.1456-1471, 207). | |
| 108 | ...lequel duc de Bretagne le roy avoit cueilli en haine aussi (CHASTELL., Chron. K., t.4, c.1456-1471, 415). | |
| 109 | ...pour en lever, recevoir et cuillir tous les prouffis, emolumens et revenuez par la main du Roy (Trés. Reth. S.L., t.2, 1389, 363). | |
| 110 | La garnison de Bouchain coeully en grant haynne les compaignons de Walers (MOLINET, Chron. D.J., t.1, 1474-1506, 240). | |
| 111 | Elle s'en est tant orgueillie Et tel presumpcion cueillie Qu'a son avis femme n'avoit Ou monde si grant qu'elle estoit (Mir. mère pape, c.1355, 364). | |
| 112 | Tous ceulx qui de pencée triste En present sement leur semence En lermes et en penitence Si cuildront, c'est chouse vroye, En exultacion et en joye (Pac. Job M., c.1448-1478, 184). | |
| 113 | Ou partir du chastel li fault Et cueillir air, ou sanz deffault Ne vivra pas. (Mir. Barl. Josaph., c.1363, 257). | |
| 114 | Rose, lis, mente, cerfueil Tant douce oudeur à mon vueil N'ont com celle que je cueil, Quant parfondement Pense bien à son acueil. (MACH., Lays, 1377, 368). | |
| 115 | Et ly oyseau s'en va et a queilli le vant (Flor. Octav. L., t.1, c.1356, 47). | |
| 116 | ...vecy une navire qui vient envers nous sans avoir nulle ayde fors seullement du vent qu'elle coeille par bas ["par la coque"], car elle n'a voille, mast ne gouvernail (Percef. III, R., t.2, c.1450 [c.1340], 153). | |
| 117 | ...et la voille s'espandit par abas et cuillit vent. (RENÉ D'ANJOU, Cuer am. espris W., 1457, 103). | |
| 118 | De le main Mauquaré va l'espee salant. Et Elyas le va de son escut cuiant. (Chev. cygne P., c.1356, 85). | |
| 119 | ...car elles [telles cités] contrahent et cuillent ruil aussi comme fait fer quant elles sunt a paes et menent vie paisible. (ORESME, Pol. Arist. M., c.1372-1374, 327). | |
|
