| 73 exemples | | 1 | - Vous n'estes pas en vo pretoire ; Jouez. - Oil, s'on me vuelt croire : Car je n'ay plus d'argent content. - Ne vous alez plus debatant : Sur vo mentel vous presteray. Jouez, car je vous aideray. (DESCH., Oeuvres R., t.7, c.1370-1407, 170). | |
| 2 | Et au premier commendement, De la Loy, qui dit qu'on doibt croire (Non pas l'escot quant on va boire, Cela s'entend) en ung seul Dieu (Fr. arch. B., c.1468-1480, 42). | |
| 3 | "N'est rien, comme dit Juvenal, que un qui est en puissance ne puisse croire de soy quant on le loue" (GERS., Annonc., a.1400, 234). | |
| 4 | Maintes choses li faisoit croire, Et tant fist, ce fut chose voire, Par son blandir, par le sens d'elle Qu'elle le trait a sa cordelle. (DESCH., M.M., c.1385-1403, 32). | |
| 5 | Dames ne sont mye si lourdes, Si mal entendans ne si foles Que, pour un peu de plaisans bourdes Confites en belles parolles, Dont vous autres tenés escoles Pour leur faire croire merveilles, Elles changent si tost leurs coles (CHART., B. Dame, 1424, 342). | |
| 6 | Lors leur manda ung de ses chevaliers, comme fuitif, qui leur dist que en l'ost des Rodiens avoit tresgrant dissencion ; dont, pour mieulx faire croire la bourde, fist partir une partie de ses gens de son ost et faire ung aultre logis appart, assez loings du scien, ainssy comme se ilz se fussent partis par mal talent. (LA SALE, Salade, c.1442-1444, 53). | |
| 7 | Car on dit - et c'est chose voire Qu'il est assez legier a croire - Qu'entre les grans et les meneurs A tous seigneurs toutes honneurs. (MACH., J. R. Nav., 1349, 187). | |
| 8 | Mais de nulle chose qui soit oultre lesdictes portes de mettail, ne se treuve nul qui le sache, fors que par commune renommee et par voix generalle de gens du païs, qui en devisent a leurs voullentez. Et touteffoiz en disent ilz choses qui assez sont fortes a croire (LA SALE, Salade, c.1442-1444, 89). | |
| 9 | Entre vous, qui femmes hantez, Advisez vous de trop tost croire : Toute parole n'est pas voire. (DESCH., M.M., c.1385-1403, 105). | |
| 10 | Et qui legierement croit, Souvent sa pais et sa joie en descroit, Car maint meschié sont venu et norri De legier croire encontre son ami. (MACH., L. dames, 1377, 173). | |
| 11 | La conclusion dudit Philippes fut fort humble et saige, suppliant au roy ne vouloir legierement croire contre luy ne son filz et l'avoir tousjours en sa bonne grace. (COMM., I, 1489-1491, 8). | |
| 12 | Ma dame, j'ay oy dire que ce josne filz Saintré a fait tres beaux paremens a merveilles ; vraiement je ne le puis croire. (LA SALE, J.S., 1456, 91). | |
| 13 | Tu veulz de fait Ouvrer par voulenté sanz droit ; Et, qui a ce garde prandroit, Ne te devroit croire n'amer : Haie es en terre et en mer. (DESCH., M.M., c.1385-1403, 358). | |
| 14 | Note de croire ceulx qui aiment Dieu et cognoissent verité (GERS., Annonc., a.1400, 235). | |
| 15 | Ilz entrerent en la maison et monterent les degrez, et vindrent en la chambre où Trimelien estoit, et tantost ilz mistrent la main à luy et l'amenerent, voulsist ou non, ou palais. Vous poez bien croire qu'il y ot grant presse à lui veoir, car il estoit moult bien cogneus en Londres et en pluseurs lieux en Angleterre. (FROISS., Chron. M., XIV, c.1375-1400, 56). | |
| 16 | Cils poetes dont je vous chant Harpoit si trés joliement Et si chantoit si doucement Que les grans arbres s'abaissoient Et les rivieres retournoient Pour li oïr et escouter, Si qu'on doit croire sans doubter Que ce sont miracles apertes Que musique fait. C'est voir, certes. (MACH., Prol., c.1377, 10). | |
| 17 | Vous devés sçavoir et croire legierement que li rois d'Engleterre gissoit a grans frés et as grans coustages deça la mer (FROISS., Chron. D., p.1400, 297). | |
| 18 | Lesquelles choses j'ay dit, diz et diray ; et prie a chascun de croire que ce ne sont que choses controuvees par l'ancien commun parler des simples gens. (LA SALE, Salade, c.1442-1444, 123). | |
| 19 | Croire Dieu est croire que Dieu est. (Somme abr., c.1477-1481, 99). | |
| 20 | On puet bien croire qu'einsi soit Que, se pluseurs gens chevauchassent, A fin que point ne m'araisnassent, Et aucuns bien en congneüsse, Que ja ne m'en aperceüsse, Tant y avoie mis ma cure. (MACH., J. R. Nav., 1349, 155). | |
| 21 | Le premier, croire Dieu estre, et le tiers, croire a Dieu et a ses paroles, apartient et est commun aux bons et aux mauvais (Somme abr., c.1477-1481, 100). | |
| 22 | Mais le Caire est une cité si merveilleusement grande et si merveilleusement peuplée de Sarrazins, et si y a assés d'aultres gens que nul ne le pourroit croire s'il ne l'avoit veue. (Voy. Jérus., c.1395, 59). | |
| 23 | ...car, en pou de temps, il subjugua, vainquit et desconfist ses adversaires, recouvra et remist en sa main les diverses parties de sa terre et seigneurie, qui à tort lui estoient usurpéez par ses anciens ennemis, et reintegra sa couronne en si pou de temps que penser d'homme ne le pourroit croire ne entendement concepvoir ou comprendre suffissamment (BUEIL, I, 1461-1466, 28). | |
| 24 | Vous devés sçavoir, et c'est cose legiere a croire, que de toutes ces besongnes, de ces aliances des Alemans et des sejours que chil signeur d'Engleterre faisoient en Valenchiennes, et de l'estat que il i tenoient, li rois Phelippes estoit enfourmés. (FROISS., Chron. D., p.1400, 260). | |
| 25 | Vous devés sçavoir, et c'est cose posible et legiere assés a croire, que il n'est honme, tant fust presens a celle journee, ne euist bon loisir de aviser et imaginer toute la besongne ensi que elle ala, qui en sceuist ne peuist recorder, de la partie des François, bien justement la verité. (FROISS., Chron. D., p.1400, 726). | |
| 26 | Il deüst avoir mesuré L'estat dou gent corps honnouré De celle dame souvereinne ; Qu'en tout le crestïen demeinne N'a homme, s'il la congnoissoit, - C'est bon a croire qu'einsi soit - Qui hautement ne l'onnourast Et qui de lui ne mesurast Humble et courtoise petitesse Au resgart de sa grant noblesse. (MACH., J. R. Nav., 1349, 261). | |
| 27 | S'il failloit par ton livre infame Pitié d'entre dames bannir, Autant vauldroit qu'il ne fust ame Et que le monde deust finir. Puis que Nature s'entremist D'entailler si digne figure, Il est a croire qu'elle y mist De ses biens a comble mesure. (CHART., E. Dames, 1425, 365). | |
| 28 | Car il est à croire et est chose vraye que ceulx qui ayment Dieu et ont bonne cause et sont repentans et confès de leurs pechiez, finablement auront victoire de leurs ennemiz, comme il appert ou livre des Levites, ou xxvie chappitre. (BUEIL, II, 1461-1466, 73). | |
| 29 | Se ne me porroie tenir D'aler a li [ma dame], ne ne vorroie, Pour tant que de vray sentiroie Que ma dame le penseroit ; Dont, quant elle me manderoit, Ce seroit bien folie a croire Que point en vosisse recroire. (MACH., J. R. Nav., 1349, 160). | |
| 30 | Doncques n'est il mie a croire que Dieu ordonnast a ses officiers de faire choses deshonnestes et malvaises, ne aussi le peupple ne fait mie voullentiers seigneur qui les doive oultre justice grever ne oppresser. (LA SALE, Salade, c.1442-1444, 15). | |
| 31 | Et se l'avair, par quelque cause, est amoureux, n'est point a croire que ce ne soit de meschant et vile chose, pour ne avoir cause de riens despendre. (LA SALE, J.S., 1456, 22). | |
| 32 | Et pour ce, mon seigneur, je dis que paix doit estre desiree et cerchee dilligement et ne croire point de honte la ou est le commandement de Dieu ; car, qui a son tort la refuse, Dieu est contre lui (LA SALE, Salade, c.1442-1444, 11). | |
| 33 | Le menteur, que souvent on treuve En mençonge, par longue espreuve, Quant voir dit d'aucune aventure, On ne le croit, car sa nature Ou longue accoustumence croire Fait aux gens qu'il ne saroit voire Chose dire (CHR. PIZ., M.F., II, 1400-1403, 49). | |
| 34 | Le dous regart et la face polie De la tres bele à qui je sui amis Croire me font qu'elle me soit amie. Mais trop suis fols, rudes et mal apris, S'en dous regart me fie n'en dous ris, Car en son cuer truis et voy le contraire (MACH., L. dames, 1377, 188). | |
| 35 | Biaus amis, par merencolie M'avez tenté de moquerie De bourde, et de parole voire, Quant vous me donnastes a croire Ma dame loing par bel mentir. Il me plut moult bien a sentir Le vray de ce que vous mentistes, En ce qu'après le voir deïstes, Que ma dame estoit assez près. (MACH., J. R. Nav., 1349, 161). | |
| 36 | A Saint Omer n'a pas long temps advint une assez bonne histoire qui n'est mains vraye que [l'euvangile], comme il a esté et est cogneu de pluseurs notables gens, dignes de foy et de croire. (C.N.N., c.1456-1467, 431). | |
| 37 | Chascuns sa parole recite Des faiz presens et trespassez ; Jamais n'en seroient lassez, Tant qu'ilz font bien par leur parole Croire bonne femme estre fole, Et la bonne par leur parler Font ilz bien en l'empire aler (DESCH., M.M., c.1385-1403, 285). | |
| 38 | Et je me delibère de ne parler de chose qui ne soit vraye et que je n'aye veüe ou sceüe de si grans personnaiges qu'ilz sont dignes de croire, sans avoir regard aux louanges. (COMM., II, 1489-1491, 173). | |
| 39 | S'il est einsi, je tien mon fait seür, Et vraiement, assez m'en asseür, Car ja li dieu ne me seront si dur Que bon memoire N'aient des maus que pour ma dame endur, Et bien scevent que je l'aim de cuer pur, Et se je di que je l'aim, ou j'en jur, Qu'on m'en doit croire. (MACH., F. am., c.1361, 177). | |
| 40 | Qui me dit que je suis amee, Se bien croire je l'en vouloye, Me doit il tenir pour blamee S'a son vouloir je ne foloye ? (CHART., B. Dame, 1424, 356). | |
| 41 | ...et qui prendroit plaisir a tant de malgracieuses parolles qu'elle me dist, pour ce que ne ly dy qui est ma dame, et a ses femmes aussi, et ne me veult point croire que je n'en aye ne veulle avoir nulle ? (LA SALE, J.S., 1456, 64). | |
| 42 | On ne doit pas croire chascun (Prov. H., 86). | |
| 43 | ...et, se publiques exhortacions te ont de ce meu, je m'en rapporte aux publieurs du dire et a toy du croire, si en demeure le tort a qui il devra, mais de la mauvaise affection vient l'aveuglee et legiere creance et se peut aidier a decevoir par parolles d' autruy qui dedans soy mesmes est desja corrumpu par mauvaise pensee. (CHART., Q. inv., 1422, 42). | |
| 44 | Le conseil que vous me donnez Se puet mieulx dire qu'exploicter. Du non croire me pardonnez, Car j'ay cuer tel et si entier Qu'il ne se pourroit affaictier A chose ou Loyauté n'acorde ; N' autre conseil ne m'a mestier Fors pitié et misericorde. (CHART., B. Dame, 1424, 349). | |
| 45 | "Se vous me eussiez voulu croire, nous eussions frappé sur les enseignes du Jouvencel, quant il tenoit l'escalle ou petit villaige de la Francheville..." (BUEIL, II, 1461-1466, 93). | |
| 46 | Car Amours fait cuer d'amant bestourner Et de son droit estat le destourner, Et en homme par son pouoir tourner Sens insensible, Et ce qui doit ayder estre nuysible, (...) son contraire escouter, Volenté croire et raison rebouter. (CHART., D. Fort., 1412-1413, 190). | |
| 47 | O arrogance aveuglee, folie et petite cognoissance de vertu, o tresperilleuse erreur en fait d'armes et de batailles, par ta malediction sont desroutees et desordonnees les puissances et les armes desjoinctes et divisees, quant chascun veult croire son sens et suivre son oppinion. (CHART., Q. inv., 1422, 58). | |
| 48 | Si me moustra la droite voie, Comment ma dame amer devoie, Servir, oubeïr, honnourer, Humblement croire et aourer Et cremir seur toute autre rien Com m'amour et mon dieu terrien (MACH., R. Fort., c.1341, 6). | |
| 49 | Puet on penser chose plus digne Ne faire plus gracieus signe Com d'essaucier Dieu et sa gloire, Loer, servir, amer et croire, Et sa douce mere, en chantant, Qui de grace et de bien a tant Que le ciel et toute la terre Et quanque li mondes enserre, Grant, petit, moien et menu En sont gardé et soustenu ? (MACH., Prol., c.1377, 9). | |
| 50 | Toutesfoiz, Jhesus, je t'avoye En la voye Estre le prophete tresgrant ; Et pour ce, sire, je vouldroye, Qui que l'oye, En toy croire tout mon vivant. (Pass. Auv., 1477, 132). | |
| 51 | Croire en Dieu est en creant Dieu le amer et aler a lui par amour et estre encorporé avec ses membres et estre reputé entre les membres de son corps. (Somme abr., c.1477-1481, 99). | |
| 52 | Mais croire a Dieu est croire a ses paroles, doctrines et enseignemens. (Somme abr., c.1477-1481, 100). | |
| 53 | "Le roy de Navarre raplega le seigneur de Labreth, que le conte de Foeis tenoit en prison, de cinquante mille frans. Le conte de Foeis, qui sentoit ce roy de Navarre cauteleux ne les voloit pas croire au roy de Navarre." (FROISS., Chron. M., XII, c.1375-1400, 79). | |
| 54 | Et, si ses chienz vouloyent tourner arriere et requerir, il les doit croire (GAST. PHÉBUS, Livre chasse T., 1387-1389, 205). | |
| 55 | On ne doit pas croire en augure, Car c'est pechiez contre la foy Et c'est sorcerie et laidure Et grant deshonneur (MACH., L. dames, 1377, 229). | |
| 56 | [Fortune] Une ydole est de fausse pourtraiture, Où nuls ne doit croire ne mettre cure (MACH., Motés, 1377, 497). | |
| 57 | PATHELIN. (...) Ce sont six escus ? LE DRAPPIER. M'aist Dieu, voire. PATHELIN. Or, sire, les voulez vous croire Jusques a ja quant vous vendrez ! Non pas croire : vous les prendrez a mon huis, en or ou monnoye. (Path. D., c.1456-1469, 74). | |
| 58 | Mais trop me desplaisoit que "clercs" Fussent nommez gens sanz science (Car tieulx y ot, je vous fiance, Qu'erent ja tous chanus ou vieulx ; Et ne sceussent pas, se m'it Dieux, Com je croy dire proprement, Comme on doit croire ou sacrement, Ou en la foy, en aucuns cas) (CHR. PIZ., M.F., II, 1400-1403, 62). | |
| 59 | Croire en la communion des sains et en la remission des pechiés. Croire en la generale resurrection de la char et de la vie pardurable. (LA SALE, J.S., 1456, 38). | |
| 60 | Avises aussy que aucune fois on cuide recevoir le Saint Esperit et on recoit le mauvais (...) Si est le remede de querir souvant bon conseil et de le croire. (GERS., Pent., p.1389, 82). | |
| 61 | Encores veul et vous commande que les huit beatitudes veulliez ensuir et croire, et premiers pouvreté d'esperit, debonnaireté de cuer, pleurs de voz pechiés et des autres, desir d'execucion de vraie justice, estre en cuer piteux et misericors, avoir purté d'esperit, paix a chascun, et estre pacient. (LA SALE, J.S., 1456, 39). | |
| 62 | ...si advint tout au contraire de ce qu'il cuidoit. En telle manière advient souvent à ceulx qui vuellent faire à leurs testes sans croire conseil d'aultrui. (BUEIL, I, 1461-1466, 70). | |
| 63 | ...et doit, devra et sera tenu ledit prieur et celui ou ceux qui après luy feront, ou leursdits commis, bailler auxdits habitans de Sainct-Belin presens et advenir, vin a taille, et leur doit croire l'argent jusques audit jour de feste de Saint-Laurent, pourveu qu'ils soient solvables pour payer le deu de ce qu'ils auront prins dudit vin. (Ordonn. rois Fr. P., t.15, 1461, 81). | |
| 64 | N'est pas tout ung croire ["faire confiance à qqn"] et avoir (Renart contref. R.L., t.1, 1328-1342, 25). | |
| 65 | Et pour ce dit aussi le proverbe commun que on doit ce que on voit croire, et non pas ce que on oyt ["on doit faire confiance à ce qu'on voit et non à ce qu'on entend dire"] (EVR. CONTY, Eschez amour. mor. G.-T.R., c.1400, 180). | |
| 66 | ...poise [qu'il pèse] a la livre Buche et charbon, poisson, vaisseaulx, Sel, espices, cire, trousseaulx De coustes de linge et d'estrain, Vaisselle d'argent ou d'estain, Dont il fault faire garnison, Prandre a croire, ou paier a plain (DESCH., Oeuvres Q., t.6, c.1370-1407, 135). | |
| 67 | Croire Dieu est croire que Dieu est. (Somme abr., c.1477-1481, 99). | |
| 68 | Quant aucun pense a la verité de Dieu, il le doit croire, quant il pense a la bonté de Dieu, il le doibt amer. (Somme abr., c.1477-1481, 174). | |
| 69 | Finablement ydolatrie s'i embat avec ses suers germaines qui sont sortilege, supersticion, magique qui font la povre ame aourer et croire en leurs dieux, denier son baptesme et la foy crestienne, adourer les dyables et luy sacrifier. (GERS., Purif., 1396-1397, 65). | |
| 70 | On ne puet riens savoir si proprement D'oïr dire comme on fait dou veoir ; Mais ce qu'on tient et voit tout clerement Doit on croire sans nulle doute avoir. (MACH., L. dames, 1377, 173). | |
| 71 | Marcus Catho une boiteuse, Qui Arcore Paule avoit nom, Prinst a femme ; mais a Cathon, Combien que d'umble lieu fust née, Impotent du corps, mal senée Lui fut, tresorgueilleuse et felle, N'onq ne trouva douçour en elle, Fors tout tourment et villenie, Et lui fist mainte tricherie Que nuls hom croire ne pourroit. (DESCH., M.M., c.1385-1403, 84). | |
| 72 | Encor li dist il autre chose Que je nullement croire n'ose, Car il li dist que la royne Estoit amie et concubine A monsigneur Jehan de Mors, Par le temps qu'il a esté hors, Et qu'il l'a heüe et tenue Cent fois, en ses bras, toute nue. (MACH., P. Alex., p.1369, 249). | |
| 73 | Et s'aucuns ont vileinnement parlé A li de moy, je les met tous au pis Qu'onques vers li feïsse fausseté N'envers autrui, n'il ne doit leurs faus dis Tost croire ne li mouvoir, Eins doit avant la verité savoir. (MACH., Bal., 1377, 551). | |
|
