| 85 exemples | | 1 | Exemple de ce benoict sainct, Combien que alors il fut payen, Tres obeÿ, amé et craint, Ot tout le peuple terrïen (Vie st Eust. 2 P., c.1400-1450, 193). | |
| 2 | Ce roy fust en peu d'eure sur les champs ; car nul ne luy eust osé ne voullu faillir ; il estoit craint et amé de tous ses subjectz et de tous ses serviteurs et officiers tellement que chascun en sa charge fut prest au temps qu'il avoit ordonné. (BUEIL, II, 1461-1466, 145). | |
| 3 | LE PREMIER BARON. A, sire, chascun l'aimera [la marquise] Et obeïra, c'est raison. (...) Craindre la voulons, et amer De toute nostre affeccïon. (Gris., 1395, 18). | |
| 4 | Belle, que je cheris et crains, En cest estat suis ordonné Que Dangier m'a emprisonné De vostre grant beauté loingtains. (CH. D'ORLÉANS, Chans. C., c.1415-1440, 214). | |
| 5 | Car c'est celluy que dois aimer et craindre Comme celluy qui m'est trés cordial (Compl. lion G., c.1470, 305). | |
| 6 | C'est moult puissant vertus qu'amour ! Met-la donc en toy sans demour, Car qui aime de cuer, il craint (JACQUES BRUYANT, Voie pauvreté richesse P., 1342, 22). | |
| 7 | Mais qui bien aime, craint et doubte : De ce ne doit nuls avoir doubte. (JACQUES BRUYANT, Voie pauvreté richesse P., 1342, 22). | |
| 8 | LE GAUDISSEUR. Quant je me trouvë a l'estroit, A plaisance tirer ung traict, Homme n'en crains, quoy qu'on en grongne. (Gaud. sot, c.1450, 8). | |
| 9 | ...Philippe Luiller, cappitaine d'icelle Bastide, avecques lequel il s'estoit bien trouvé et l'avoit fort agreable, pur le mettre es mains dudit d'Estouteville, qu'il reputoit estre son ennemy, et que, s'il y estoit, doubtoit qu'il lui feist desplaisir, et aussi qu'il craignoit le populaire de Paris et de passer parmy eulx. (ROYE, Chron. scand., I, 1460-1483, 356). | |
| 10 | ...ledict connestable les craignoit comme ses ennemys et se tenoit dedans ledict Sainct Quentin (COMM., II, 1489-1491, 23). | |
| 11 | Cestui fut bien amé de tout son peuple et craint des estrangiers. (SIMON DE PHARES, Astrol., c.1494-1498, f° 142 r°). | |
| 12 | ...qu'il a plus fait en son temps que ne fist homme en mer, puis le temps messire Berthran du Guesquin, alias de Glesquin, et fut plus craint que homme vivant en mer, en la coste de Normandie. (SIMON DE PHARES, Astrol., c.1494-1498, f° 161 r°). | |
| 13 | Dame que j'ain, crain et desir Recevez mon oracion Pro salute fidelium , Tu qui es la vierge saintisme Qui ciel, terre, mer et abisme As surmonté. (Mir. parr., 1356, 37). | |
| 14 | ...et puis vint à Pietresancto, que tenoit Entragues, ne craignant en riens ses ennemys ne ceulx à qui il donnoit le credit. (COMM., III, 1495-1498, 151). | |
| 15 | Et nonobstant qu'il eut durant sondit regne pluseurs affaires, toutesfoys il mist en telle subjection ses ennemys qu'ilz vindrent tous pardevers luy à mercy, et fut si crainct et doubté qu'il n'y avoit si grant en son royaulme, et mesmement ceulx de son sang, qui dormist ne reposast seurement en sa maison. (ROYE, Chron. scand., II, 1460-1483, 138). | |
| 16 | Et ainsi demourerent en la ville par une espace de temps et acreut leur renommée par tout le pays. Si n'estoit nouvelles que d'eulx et de leurs beaux fais d'armes. Parquoy ilz estoient amez et cheris de leurs amys, crains et redoubtés de leurs ennemis. (BUEIL, I, 1461-1466, 111). | |
| 17 | Saches que, se Alexandre estoit prins tout seul sur la mer, il seroit appellé larron. Et se Dyomedes avoit grant habondance de gens et le monde me craindist et doubtast comme toy, je seroye appellé empereur. (Si avoit le larron nom Dyomedes) (BUEIL, I, 1461-1466, 123). | |
| 18 | SAINCT MARTIN. Ennemys plains d'oultrecuydance, Je ne vous crains ne ne vous doubte, Car dessus moy n'avez puissance (LA VIGNE, S.M., 1496, 516). | |
| 19 | Entre six et sept heures du soir, il expira et paya le debit de nature, comme roy estant très craint et redoubté. (LE CLERC, Interp. Roye, c.1502, 398). | |
| 20 | Je crain autant le poil d'un chien Conme vous trois. (Mir. Berthe, c.1373, 182). | |
| 21 | Je ne te crain pas une nois. (Mir. fille roy, c.1379, 76). | |
| 22 | ...Fi ! je ne le crains pas maille. (Doc. Poitou G., t.6, 1397, 277). | |
| 23 | Je crye a toutes gens mercys. Synon aux traitres chiens matins [Thibault d'Aucigny et ses acolytes] Qui m'ont fait ronger dures crostes, Macher mains soirs et mains matins, Que ores je ne crains troys croctes. (VILLON, Test. R.H., 1461-1462, 149). | |
| 24 | Comme seigneur on te doit craindre, et comme piteus pere amer. (GAST. PHÉBUS, Livre oraisons T., c.1380-1383, 42). | |
| 25 | Posé soit ores que je tremble, Sang bieu, je ne vous crains pas maille. (Fr. arch. B., c.1468-1480, 30). | |
| 26 | Ferme Sire, je te pri, mon cuer en ta timour et l'enjoing qu'il crieigne ton non. (GAST. PHÉBUS, Livre oraisons T., c.1380-1383, 38). | |
| 27 | Mon ami, telles roses fait il bon mettre en son chappel. Le seigneur qui a son hostel garny de tele fleur de chevalerie et de gentillece, amant et craingnant honneur, doit et puet seurement reposer. (ARRAS, c.1392-1393, 233). | |
| 28 | Noblesse fuit encontre sa nature, Le clergié craint et cele verité (BAYE, II, 1411-1417, 220). | |
| 29 | Infere de ce discours que, se lez paiens se donnoient lors la mort par folle esperance de gaignier renommee entre lez hommes ou pour eschever honte en vivant, tu qui as actaint la source de vraye esperance plus avant que eulx, ne doiz aprés eulx desirer vanité mondaine ne craindre la vilté de ceste vie, et n'as a prendre fourme d'onneur a leur exemple. (CHART., L. Esp., c.1429-1430, 99). | |
| 30 | ...et [celui qui le premier portait le corbeau dans ses armes] estoit luxurieux de l'eul par regart plus que par fait et aimoit yeulx sur toutes choses et estoit crainste sa voix et sa parolle par qu'elle estoit horrible et merueilleuse. (Best. hérald. H.E., c.1435-1450, 478). | |
| 31 | Car entre tous les perilz qui sont, c'est cil que on doit plus craindre et doubter. (LA SALE, Salade, c.1442-1444, 223). | |
| 32 | ...gens de condicion rustique (...) ne craignent ne soleil ne pouldre, et puis qu'ilz ont eu en leurs vies moins de delices, et moins craignent ilz la mort. (JUV. URS., Verba, 1452, 239). | |
| 33 | ...il n'eut garde de se rebouter en mariage, craignant le dangier ou tant avoit esté. (C.N.N., c.1456-1467, 314). | |
| 34 | Je ne craignoye que les dangiers, Moy ; je n'avoye peur d'aultre chose. (Fr. arch. B., c.1468-1480, 34). | |
| 35 | Si devons Dieu craindre encor mieulz ! (CHR. PIZ., M.F., III, 1400-1403, 221). | |
| 36 | Les opperations divines, Craindre et doubter on les doit, Mais fol ne croit tant qu'il reçoit. (Mir. st Nic. juif, c.1480-1500, 149). | |
| 37 | Monsr le connestable se commença à appercevoir de ces marchéz et à avoir paour d'avoir offence de tous costéz, craignant tousjours ceste marchandise qui avoit cuydé estre conclue contre luy à Bouvynes ; et, pour ceste cause, il envoyoit souvent devers le roy. (COMM., II, 1489-1491, 49). | |
| 38 | Si advint que ung riche homme de son empire craignant la fureur d'icelui empereur, se voulut absenter de la region occultement. (SIMON DE PHARES, Astrol., c.1494-1498, f° 48 v°). | |
| 39 | Mesmes derrenierement, Gabriel de Bernes y estant, le roy luy dist que s'il [le daulphin] luy disoit ou feist dire chose par quoy il se doutast ou craignist a venir vers luy, qu'il y pourverroit tellement que ce luy devroit suffire. C'est sauvaige chose d'avoir telle crainte sans fondement. Au moins devroit dire la cause, et n'est pas a presumer qu'il doige ainsi craindre s'il n'a cause de soy doubter. (CHASTELL., Chron. IV, D., c.1461-1472, 48). | |
| 40 | ...car le roy le sollicitoit par plusieurs messaiges qu'il se meïst aux champs pour le servir du costé de Henault et qu'il meïst le siège devant Avesnes, à l'heure que monseigneur l'admiral et ceste autre bande allèrent brusler en Artoys, comme je vous ay dit, ce qu'il fist en grant craincte, car il craignoit fort. (COMM., II, 1489-1491, 23). | |
| 41 | Et en ceste maniere les pecheurs et vicieus craingnent et ont paour aucune fois d'une chose qui ne fait pas a craindre ou en la maniere que elle n'est pas a craindre ou quant il n'est pas temps de la craindre ou en deffaillant ou en aucune autre circonstance. (ORESME, E.A., c.1370, 207). | |
| 42 | ...semblablement Cicero, prince rommain de tres grant savoir, veult dire ailleurs que tous ceulx qui proprement ont sceu escripre et deviser de puissance de pays, ont tesmoigné France estre fort et puissant en guerre sur tous pays et qui tres grandement fait à redoubter et craindre. (CHR. PIZ., Paix W., 1412-1413, 118). | |
| 43 | "...Ma tresredoutee dame, il m'est advis, ad ce que j'ay senty de vos ennemis, qu'ilz ne font guieres a craindre et que l'en en aura bonne raison. J'ay au jour d'uy fait rougir mon espee de leur sang, dont vostre principal adversaire grant doeil en a. Encoires ay je esperance que demain son doeil feray redoubler et que piz en sera a luy et aux siens." (LEFÈVRE (R.), Hist. Jason P., c.1460, 138). | |
| 44 | Ceulz qui s'en fuyrent en Troyes alerent devant le roy Laomedon et lui dirent en plourant larmes effrees qu'ilz avoient veu en la mer un monstre, grant a merveilles, courant sus la mer autant legierement que un cheval en plaine terre, et affermerent au roy que ce moustre sans comparoison faisoit plus a craindre que celluy que Herculés avoit tué. Herculés en ce meismes an avoit illec un monstre ochis ossi grant que une balaine (LEFÈVRE (R.), Hist. Jason P., c.1460, 168). | |
| 45 | LA MARCHE (OLIVIER DE) / MEMOIRES T. 1 / 1470 page 144 / INTRODUCTION, CHAPITRE XXIV. Mais vous, les grans, estes regardez de Dieu et soubz sa correction, qui fait trop plus à craindre pour vous et à doubter, que à nous de vous qui estes nos princes et regens, qui ne nous povez oster que l'avoir et la vie. (LA MARCHE, Mém., I, c.1470, 144). | |
| 46 | Pour ce voult la haultesse du Sauveur se apparoir en humilité et enseigner benignement, non pas forsablement, a le craindre. (CHART., L. Esp., c.1429-1430, 126). | |
| 47 | Fortitude est en choses qui sont aucunes fois a craindre. (ORESME, E.A., c.1370, 204). | |
| 48 | Quant aux doubtes, il y en a tant que à paine seroit-il possible de les racompter au long ; mais, entre les autres, il y en a trois principaulx et plus à craindre. (BUEIL, I, 1461-1466, 47). | |
| 49 | Aussi est bien à craindre l'envye d'aultrui. Car, quant tu seras à la court, ou tu feras bien ou tu feras mal. Se tu fais mal, tu te pers et diffames. Se tu fais bien, je te asseure que, ainsi que tes biens augmenteront, ainsi croistront les envyes encontre toi, et auras des envyeux sans nombre. (BUEIL, I, 1461-1466, 49). | |
| 50 | Et par ainssy ilz eurent paour de offendre, car l'empereur estoit troup a craindre (BAGNYON, Hist. Charlem. K., c.1465-1470, 138). | |
| 51 | C'est peu de chose que du peuple, s'il n'est conduyt par quelque chef qu'ilz ayent en reverence et en craincte, sauf qu'il est des heures et des temps que, en leur fureur, ilz sont bien à craindre. (COMM., I, 1489-1491, 160). | |
| 52 | Regardez doncques combien durent ces anciennes parcialitéz et combien elles sont à craindre et les grans dommaiges qui en adviennent. (COMM., I, 1489-1491, 215). | |
| 53 | Mais la bestialité des princes et leur ignorance est bien dangereuse et à craindre, car d'eulx depart le bien et le mal de leurs seigneuries. (COMM., II, 1489-1491, 213). | |
| 54 | ...le roy, qui estoit en Bretaigne à tout plus de cinquante mil combatans, n'y fist que peu ou rien, pour ce qu'il fut mené de belles paroles et par ambassades, au moien de quoy il cuidoit avoir bonne pacificacion et accord avecques ledit duc de Bretaigne, sans effusion de sang ne perdicion de ses gens de guerre, que tousjours il a fort craint, plus sans comparoison que ledit de Bourgongne, qui est trop cruel et plein de mauvaise obstinacion, ainsi que par cy devant l'a monstré et monstre chascun jour. (ROYE, Chron. scand., I, 1460-1483, 283). | |
| 55 | Par les Ebrieux preuve mon cas Qui en servage furent bons ; Mais, quant manne leur cheut a tas, Ilz furent ingras des haux dons (...). L'homme est bon tant qu'il craint sa peau. (GAGUIN, Passe temps oisiv. T., 1489, 375). | |
| 56 | ...il [un philosophe] respondit que deux choses estoient ou cause pour lesquelles il ne craignoit point a dire verité (JUV. URS., Loquar, 1440, 365). | |
| 57 | ...humblement vous requiers que tout homme endroit soy croye, aoure, ayme et crainde dessus tous dieux le Dieu Souverain (Percef. IV, R., c.1450 [c.1340], 76). | |
| 58 | ...le roy Phelippe craignoit encourir l'indignation du pape. (JUV. URS., T. crest., c.1446, 141). | |
| 59 | Si ne crains avoir despendu Par friander ne par lescher ; Par trop amer n'ay riens vendu Qu'amis me peussent reprouchier, Au moins qui leur couste moult cher ; Je le dy et ne croys mesdire. De ce je me puis revanchier : Qui n'a meffait ne le doit dire. (VILLON, Test. R.H., 1461-1462, 35). | |
| 60 | Ledict monsr Charles craignoit desplaire audict duc de Bourgongne ; et avoit peur aussi que, se il s'accordoit et le roy ne luy teint verité, qu'il auroit perdu son amy et son partaige et demourroit en mauvais party. (COMM., I, 1489-1491, 170). | |
| 61 | Car il n'y a souvent si hardy homme Qui bien ne craigne de se trouver devant (LA VIGNE, V.N., p.1495, 235). | |
| 62 | ...et en grant doubte le recepvoient à Venise, tant craignoient à desplaire au roy. (COMM., III, 1495-1498, 65). | |
| 63 | Ledict mareschal, craignant d'estre assailly, monta à la montaigne, et pouvoit avoir envyron huyt vingt hommes d'armes, comme il me dist lors, et huyt cens Almans (COMM., III, 1495-1498, 165). | |
| 64 | Mons. le grant maistre, je vous prie que pour quelconque chose qui puisse advenir, que ne logés voz gens allieurs que là où je vous escry. Et gardés, sur tant que vous craignez à me desobeir, qu'il n'y ait point de faulte (LE CLERC, Interp. Roye, c.1502, 329). | |
| 65 | Onq plus grant mal en France ne sourdi, Quant Atropos, qui toutes gens vient prandre, Sa vie osta sans craindre de mesprandre. (LE CLERC, Interp. Roye, c.1502, 395). | |
| 66 | Et n'estoit point tant à craindre pour luy de estre assiégé des deux princes que de l'ung seul, car c'estoit chose impossible que les deux armées se fussent accordées. (COMM., II, 1489-1491, 84). | |
| 67 | Sire, je doy doubter et craindre Que ne s'en courrouce ma dame (Mir. marq. Gaudine, 1350, 135). | |
| 68 | Or lui convient il [au pauvre vieillard] mendïer, Car ad ce force le contrainct ; Regrectë huy sa mort et hier, Tristesse son cueur si estraint ! Se, souvent, n'estoit Dieu qu'il craint, Il feroit ung orrible fait, Et advient qu'en ce Dieu enffraint Et que lui mesme se deffait. (VILLON, Test. R.H., 1461-1462, 51). | |
| 69 | Je suy comme la tour minee, Dont la prise n'est pas finee De longue piece, Et de qui on doubte qu'el chiece Ou qu'a ceulx de dedens meschiece ; Je craing que tout ne se despiece. (CHART., L. Dames, 1416, 262). | |
| 70 | ...car vous devez fort craindre que il ne vous mescheust (JUV. URS., Loquar, 1440, 413). | |
| 71 | ...ce bon chevalier, craignant qu'il ne traveillast sa treschiere amye, rompit son legier pas (C.N.N., c.1456-1467, 547). | |
| 72 | Et puis advint que ung boiteux, qui avoit accusé ledit d'Alençon audit defunct roy, craignoit fort que ledit d'Alençon ne lui feist quelque grant desplaisir (ROYE, Chron. scand., I, 1460-1483, 189). | |
| 73 | Mes seigneurs, certes tresfort crains Que la croix ne puisse porter, Et pour tant nous fault appointer Qu'il se repose ung petit. (Pass. Auv., 1477, 192). | |
| 74 | ...et luy dirent toutes les doubtes que le roy faisoit et les leurs ; mais tout disoient venir du roy, craignant qu'il l'eust prins mal d'eulx. (COMM., I, 1489-1491, 159). | |
| 75 | ...je ne craindroye en rien le dyable qu'il eust sur moy puissance ne autorité (C.N.N., c.1456-1467, 427). | |
| 76 | ...et il est a craindre que vosdictes gens, que appellez puissance, ne soient en l'indignacion de Dieu, et que par eulx Dieu vous pourroit aussi bien nuire que aider. (JUV. URS., Loquar, 1440, 430). | |
| 77 | ...et est bien a craindre et doubter que en vostre personne, ou en vostre peuple a cause de ce que permettez ainsi deshonnestement faire, Dieu ne face grande punicion. (JUV. URS., Verba, 1452, 281). | |
| 78 | Ainsi contre toy [Mélusine] tous s'enclinent Et vont murmurant, et machinent Ceulz du peuple de jour en jour ; Pour lesquels diz et pour paour De moy mesmes, dont je me crains, Pour paix avoir o eulz, contrains Suis a faire de mon chier filz Comme de ma fille je fiz [la donner à une nourrice] (Gris., 1395, 63). | |
| 79 | Et pour ce dont, mes bons amys, Qui Dieu craindra et aymera, Tous ces biens luy seront remys Quant es cieulx son ame sera (LA VIGNE, S.M., 1496, 423). | |
| 80 | Et quant elle eust penssé une piece, elle commenca a parler quasi creignant, car elle s'aparcevoit bien que Paris se prenoit bien garde en tout son parler. (LA CÉPÈDE, Paris Vienne K., 1432, 147). | |
| 81 | Mon mastin est plus crainant que n'est le vostre ; et pour ce nous les departirons et nous assierons noz forces aussi par maniere de luter, tant que l'un sera abatu à terre. (Man. lang. G., 1396, 71). | |
| 82 | Et celuy qui superhabonde et excede en craindre et en avoir paour, il est appelé paoureus, car il craint les choses qui ne sont pas a craindre et en la maniere que il ne sont pas a craindre. (ORESME, E.A., c.1370, 209). | |
| 83 | Mort sur les piez, faingnant d'avoir plaisir Et estrenné de doloreuse estraine, Ce jour de l'an renouvelle ma paine Ou par trop craindre ou par trop hault choisir. (CHART., R. Bal., c.1410-1425, 377). | |
| 84 | ...elle [la maison France] en est en grant peril et dangier, et toutesvoyes vous la povez relever par craindre Dieu. (JUV. URS., T. rever., 1433, 63). | |
| 85 | ...ilz estoient felz et crueulx, et ne craingnoient Dieu ne homme. (ARRAS, c.1392-1393, 198). | |
|
